المساعد الشخصي الرقمي

مشاهدة النسخة كاملة : التخسيس واللياقة نصيحة لشراء fat burner بغيت رايكم


عليدونا
30-05-2011, 11:22 AM
أهلين شباب

بغيت رايكم في حارق الدهون ليبو 6 آخذ ولا آخذ شي ثاني حق حرق الدهون

المعلومات :
الطول : 180
الوزن : 115
العمر : 18

نسبة الدهون طبعا مرتفعه فوق الـ 36

فلازم استخدم حارق للدهون مع الأكل الصحي والتمارين

كلمت صاحب محل قال لي إن ليبو 6 مو زين لي لان قوي بالنسبه لعمري

و نصحني بـ charge بس ماعرف عنه شي

دورت في النت ماحصلت معلومات واضحه عدله او بالاحرى ماحصلت شي

فبغيت رايكم فيه وهل يوجد واحد ثاني مفيد ( يفيدني في حرق الدهون مع الحفاظ على العضله و مناسب لي )

وياريت تكتبون لي بعد الاعراض عشان اكون واعي بهالشي

واكون مشكور لكم =)
abu kinan
30-05-2011, 01:30 PM
اول شي عمرك ماهو زين تستخدم حارق دهون يفضل تصبر شوي
ووزنك ونسبة الدهون مرتفعه وصدقني يمديك بالراحه جدا تنزله بالدايت والرياضه فقط ورأي تأجل الحارق لأنك نازل نازل بحارق او بدونه
SDal
30-05-2011, 01:52 PM
اذا صاحب المحل .. الي همه الربح قال لك لا ينصح لعمرك باللايبو .. او حوارق الدهون عموماً .. أكيد هالشيء المفروض يقنعك انه غير مناسبة لك ..

امر ثاني, حوارق الدهون عموماً و خصوصاً الي تنتجها شركات مكملات كمال الاجسام تستهدف اصحاب نسب الدهون المنخفضة الي يطمحوا لاهداف اصعب ..
مثلاً شخص نسبة دهونه 14% و يطمح للـ10% .. تساعده فيها لأنه بالوضع الطبيعي من غير حوارق تكون صعبة جداً و تكلفه خسارة كتلة عضلية محترمة ..

و بالنسبة لشخص بوزنك .. سهل جداً هذي الفترة تبدأ تفقد 5 كيلوجرامات شهرياً باقل مجهود .. كارديو بسيط ( لو كان نمط حياتك قبل هالفترة معدوم الرياضة )
و تغيير عادات بسيطة .. مثلاً عشاء صحي و تقليل للدهون و الكارب و زيادة البروتينات ..و بعدها ممكن تمسك دايت اقوى و بالتدريج .. و اخر مرحلة وقت ما
يوقف وزنك و نسبة الدهون ساعتها اي شخص يفكر بالحارق ..

ممكن تستخدم خلاصة الشاي الاخضر .. او الشاي الاخضر و الزنجبيل بهذي المرحلة و راح يفيدوك كثير ..

في نقطة .. انه بعض الاشخاص و انا كنت منهم بالبداية .. ما انضبط و التزم بالي اعمله غير وقت ما اصرف فلوس على المكملات .. ساعتها يصير عندي شعور
اني ملتزم .. و يصير صعب اترك الي بدأت فيه كنوع من التحدي .. لو عندك هذا الشعور .. الـCLA و خصوصاً من شركة Sundown بتلاقيه بالصيدلية مفيد
و الـFlaxseed Oil من شركة اوبتيمم جيد .. و اخيراً خلاصة الشاي الاخضر .. كلهم جيدين و امنين ..


بالتوفيق
وليد وبس
30-05-2011, 01:54 PM
مايحتاج حارق دهون

وزنك عالي وتقدر تنزله بسرعه

الحارق لمن يوصل وزنك 80 مثلا
عليدونا
30-05-2011, 08:36 PM
اول شي عمرك ماهو زين تستخدم حارق دهون يفضل تصبر شوي
ووزنك ونسبة الدهون مرتفعه وصدقني يمديك بالراحه جدا تنزله بالدايت والرياضه فقط ورأي تأجل الحارق لأنك نازل نازل بحارق او بدونه


اذا صاحب المحل .. الي همه الربح قال لك لا ينصح لعمرك باللايبو .. او حوارق الدهون عموماً .. أكيد هالشيء المفروض يقنعك انه غير مناسبة لك ..

امر ثاني, حوارق الدهون عموماً و خصوصاً الي تنتجها شركات مكملات كمال الاجسام تستهدف اصحاب نسب الدهون المنخفضة الي يطمحوا لاهداف اصعب ..
مثلاً شخص نسبة دهونه 14% و يطمح للـ10% .. تساعده فيها لأنه بالوضع الطبيعي من غير حوارق تكون صعبة جداً و تكلفه خسارة كتلة عضلية محترمة ..

و بالنسبة لشخص بوزنك .. سهل جداً هذي الفترة تبدأ تفقد 5 كيلوجرامات شهرياً باقل مجهود .. كارديو بسيط ( لو كان نمط حياتك قبل هالفترة معدوم الرياضة )
و تغيير عادات بسيطة .. مثلاً عشاء صحي و تقليل للدهون و الكارب و زيادة البروتينات ..و بعدها ممكن تمسك دايت اقوى و بالتدريج .. و اخر مرحلة وقت ما
يوقف وزنك و نسبة الدهون ساعتها اي شخص يفكر بالحارق ..

ممكن تستخدم خلاصة الشاي الاخضر .. او الشاي الاخضر و الزنجبيل بهذي المرحلة و راح يفيدوك كثير ..

في نقطة .. انه بعض الاشخاص و انا كنت منهم بالبداية .. ما انضبط و التزم بالي اعمله غير وقت ما اصرف فلوس على المكملات .. ساعتها يصير عندي شعور
اني ملتزم .. و يصير صعب اترك الي بدأت فيه كنوع من التحدي .. لو عندك هذا الشعور .. الـCLA و خصوصاً من شركة Sundown بتلاقيه بالصيدلية مفيد
و الـFlaxseed Oil من شركة اوبتيمم جيد .. و اخيراً خلاصة الشاي الاخضر .. كلهم جيدين و امنين ..


بالتوفيق


مايحتاج حارق دهون

وزنك عالي وتقدر تنزله بسرعه

الحارق لمن يوصل وزنك 80 مثلا


شكرا ً لكم ..
بصراحه استفدت من ردودكم + رفعتو من معنوياتي

و إن شاء الله راح اضبط روحي اكثر و اوصل لهدفي :)

موفقين ان شاء الله يارب