بعض المشاكل عند الكباتنه

[natural body]

السلام عليكم ورحمته الله وبركاته
موضوعي اليوم عن بعض المشاكل عند الكباتنه في صالات كمال اجسام (ليس كل الكباتنه معظمهم)
1- الكابتن يا طويل العمر ما يبغاك الا تطلع من يدو لمن تعضل وتزبط يبدأ يقول للناس الراجل هذا طلع من يدي وكان كذا وكذا وكذ
2- الكابتن ما يبغاك الا تتمرن عندو ولمن يغيب الكابتن غصبا عنك تروح للكابتن الاخر لانو ما اعطاك لا جدول ولا اي شي ولمن يشوفك اليوم الي بعدو تتمرن عندو يزعل وبعدين يا حبيبي هو ما يمرنك ببلاش انت دافع اشتراك في الصاله
3- كل كابتن وله طريقه في التمرين لمن يشوفك الكابتن الاخر ويقولك هذا التمرين مو حقك وما ينفعلك وانت هنا تحتار تصدق مين
4- اهمال من الكباتنه للعيبه المبتدئين لمن تشوف واحد بيتمرن غلط وتقول للكابتن يا كابتن تراه بيتمرن غلط ويرد عليك ويقولك دا حا يلعب اسبوعين وحا يبطل وفي هذه النقطه يوجد نسبة حرام في راتبه الي بيستلمو من الصاله
5- الكابتن لمن يشوف واحد جديد في الصاله ما كمل اسبوعين ويقولو انا شفتك انت جدي وبتتمرن وانت لازم تاخذ مكملات غذائيه وهو اصلن يبغى يصرف البضاعه الي عندو
6- والمشكله الي من جد تقهرك وتنرفزك هي لمن يقولك انت لازم تاخذ كورس هرموني خلال شهر راح تسير وهذه النقطه حصلت معايه ورديت على الكابتن رد مررره جامد الين زعل مني
7- دحين في زمننا هذا اي مين صار كابتن تلاقيه لعب سنتين وطلعلو شوية كرش و صدر بالبلاوي الزرقه ويجي يتمعلم عليك
شباب لاحد يزعل من كلامي لانو هذا الي شايفو وهذا الي بيصير
ودمتم;)

[toto jeddah]

الله يديك العافية ,,

وفيه منهم اللي يشتغل بذمة وضمير وفيه منهم من بايع ضميره وحسابه عند رب العالمين

,,

[PATE]

هههههههههه

والله شكلك مار عليك بلاوي مو كباتن

أنا أعتقد إن الكباتن والمدربين يتعاملوا معك على تصرفك وشخصيتك اللي تفرضها عليه

[Rashid.S]

هههههههههه

والله شكلك مار عليك بلاوي مو كباتن

أنا أعتقد إن الكباتن والمدربين يتعاملوا معك على تصرفك وشخصيتك اللي تفرضها عليه

+1

ودائما يجب على اللاعب يثقف نفسه ويسايس مدربه ويبحث من ورائه اما في منتديات موثوقه او مواقع او اشخاص ،،
والمدرب مو كتاب مقدس ،، يعني كلامه مو شرط يكون صحيح

[goo baby]

والله انه شخصيا بس اول اسبوعين قعد معاي المدرب اما بقيه المده ولا يدري عني ولا انا ابيه يدري عني لانه ابصراحه ابهيمه ومايفهم شيء لدرجه اني ساعات اشوفه يلعب السكوات غلط في غلط

[abu kinan]

انا عن نفسي أول نادي دخلت فيه المدرب شربني علبة جلوتامين ب250 ريال هههههههههه بعدين فهمت الطبخه وتعرفت على موردين المنتدى هذا ومن بعدها ماعاد عبرني المدرب وبالنادي الجديد عاملني المدرب كويس لمدة اسبوعين حتى وصلنا لمرحلة وضع النظام الغذائي وعرض علي المكملات وانا قلت له انا اخذ واي بعد التمرين وصباحا واخذ كازين قبل النوم واجيب مكملاتي من برا ومن وقتها ما يعبرني وانا اسلم عليه طبيعي وكيف حالك ياكابتن الى ان مر عليه كم يوم لما اسلم عليه يكون لابس شبشب براسه وانتم بكرامه من شدة اللؤم ومن وقتها سحبت عليه

[ادمووني]

انا في تجاربي بصراحة

مريت على اسواء المدربين بصراحة

ومعروفين تقريبا بجده والاندية كبيرة

بس للاسف مهملين بصراحة وطبعا اذا يبو شي منك بيجونك ويتمرنو معك ويفيدونك اكثر <<< طبعا الا من حرم ربي

وانا في النادي الحين في بعض التمارين ماخذها من الكبتن نفسو قبل لايطلع وجاني بطل المملكة اسمة عبدالوهاب بجد اخلاق وصحح لي اشياء كثيرة

انا بصراحة قبل لا اتمرن لازم ادخل على المنتدى الغالي على قلبي ( منتدى المنتدى )

واخذ المعلومات والاشياء المهما

[johr]

صحيح كلامك

واضف الى ذلك ان اغلب المتدربين يؤدون التمرين غلط وقليل من المدربين يكلف نفسه ويصحح لهم

فالتمرين الجيد يخلي المدرب ما ينتبه لك

[amma271]

في النادي اللي أنا فيه بلانا الله بمهرجين

يسولفون مدربين مع بعض كأنهم ما شافوا بعض من سنين
ثم يجيك شباب الله يهديهم مدري ليش مشتركين يتكون معهم

فلو تبي تسأل المدرب عن شي تضطر إنك تقطع سالفتهم و تخرب مجلسهم العامر

يا عنك ان بعض تصرفات الزباين هي اللي خلت أمثال هالمهرجين يتمردون

[abu kinan]

في النادي اللي أنا فيه بلانا الله بمهرجين

يسولفون مدربين مع بعض كأنهم ما شافوا بعض من سنين
ثم يجيك شباب الله يهديهم مدري ليش مشتركين يتكون معهم

فلو تبي تسأل المدرب عن شي تضطر إنك تقطع سالفتهم و تخرب مجلسهم العامر

يا عنك ان بعض تصرفات الزباين هي اللي خلت أمثال هالمهرجين يتمردون


أخوي أمين أتوقع انك في بدي ماستر ولو كان توقعي صحيح فابشرك بأن هذه علامه مميزة للمدربين هناك للأسف الشديد
طبعا لا نعمم ولكن القلة منهم يشتغلون بضمير
أزيدك من الشعر بيت مدري الحديد عندنا بالنادي والله ثم والله ما أشوفه بالصاله الا قليل قليل على طول متكفي في الاستقبال يتذمر من فلان ومن علتان من العاملين معاه في النادي او الادارة

[amma271]

أخوي أمين أتوقع انك في بدي ماستر ولو كان توقعي صحيح فابشرك بأن هذه علامه مميزة للمدربين هناك للأسف الشديد
طبعا لا نعمم ولكن القلة منهم يشتغلون بضمير
أزيدك من الشعر بيت مدري الحديد عندنا بالنادي والله ثم والله ما أشوفه بالصاله الا قليل قليل على طول متكفي في الاستقبال يتذمر من فلان ومن علتان من العاملين معاه في النادي او الادارة


صدقت يا أبو كينان أنا في بودي ماستر لكن يخلص بس اشتراكي بإذن الله بحول على وقت اللياقة رغم ان عندي اشتراك في نادي حكومي لكن بعيد علي و آخر مرة تمرنت في النادي الحكومي قبل أمس عشان كان عندي عشاء هناك فقلت أتمرن المغرب قبل اروح العشاء فالمهم أربعة مدربين بس ناد على أي واحد منهم يجي ياقف فوق راسك و يكمل معك العدات السلبية

و بالنسبة لبودي ماستر صدق من قال ان الرخيص مخيس
زحمة + مدربين من جنب القدة + قلة معدات

[Rashid.S]

عاد وقت اللياقه افشل من البودي ماستر
بس يعجبك بمعداته و نظافته

بس استفدت منه بعد ما دزيت مدرب من المدربين بكم ريال وطلعني من جاهل في اللعبه الي لاعب لديه كل الاساسيات ويستطيع الاعتماد على نفسه
خلال ثلاث شهور ومن بعدها تعمقت بالبحث والقراءه وبالتجارب الشخصيه

[TRIPLE H2]

و الله يا اخوان أنا تدربت في ثلاث نوادي
أول نادي تقريبا وانا عمري 15 أو 16 لا أذكر- المدرب كان عامل طاف للكل لكن الحمد لله كانو اعضاء النادي يجهوني اذا كنت أسوي أي شي غلط في التمرين
أما بالنسبة للاثنين الباقيين ولما صار عند كمية من المعلومات عن هذه اللعبة كنت اروح عند المدرب أقله عطيني جدول و اشتغل عليه لوحدي و لما كنت ازهق من الجدول أعمل جدول اخر
موفقين

[speed nawaf]

بعض الكباتن الهدف الربح والهدف مش البضاعة والهدف هياط وبعضهم مأدي الواجب باكمل وجه وهذا القليل منهم

بالنسبة لي الكابتن أحلى مايكون وزي الحلاوة والحمدلله على كل حال ( وأنا من الاشخاص اللي يحب يسأل عن المعلومة ولا أحب أن أنتظر أحد أن يعطيني أياها ) عندك النت كل ماهب ودب من راسك أكتب واستفيد

[hammmmar]

السلام عليكم

انا بالنسبة ليا فالمشكلة الي يوقع فيها اغلب الناس للاسف وهي عدم وجود ثقافة يا اخوان القراءة ثم القراءة ثم القراءة فاغلب المدربين يستطيع تميز الغير مثقف ويعتبره صيد ثمين ...

لما تنوى تسوي اي شي لازم تتثقف اولا اشتري ولا تبيع يعني المقصود اكسب معلومات ولا تتخد قرار الا بعد فترة وهذي قاعدة ادارية معروفة تعطي لا ي موظف يدخل جديد بمنشاءة حكومية او اهلية وانا حقيقة قبل ما ادخل عالم الحديد سالت ناس كثير و اشتريت مجموعة من الكتب وبالطبع سجلت بهذا المنتدى الممتاز والذي يجزى اصحابه والكباتن كل الخير على الافادات ومن ثم اقبل على امرك وبكذا تبقى الادوار الاخري للكباتن كمساعدة ثانوية يعني طريقة التمارين وبعد فترة صدقني راح تتقنها وانا عني منزل كل التمارين من اليوتيوب بالجوال واستعرضها بالنادي ...

[صارم]

السلام عليكم ورحمته الله وبركاته

وعليكم السلام ورحمة الله وبركاته


3- كل كابتن وله طريقه في التمرين لمن يشوفك الكابتن الاخر ويقولك هذا التمرين مو حقك وما ينفعلك وانت هنا تحتار تصدق مين



والله هذه الشي عندنا بالصالة !!!


وللاسف وبكل صراحة غيرة وحسد بعض المدربين من المدرب الاخر هى سبب ضياع وترك كثير من الشباب للعبة وأحياناً للدخولهم عالم الهرمونات وهم لسه مبتدئين .




[شباب لاحد يزعل من كلامي لانو هذا الي شايفو وهذا الي بيصير
ودمتم;)




حبيبي قلبي مين يزعل من الحق


تقبل مروري ياوحش .

[natural body]

يعطيكم الف عافيه على الردود الحلوه انا اختلف مع الاخ pate انا في البدايه لمن خشيت الصاله ما كنت اعرف ولا شي وكلنا كنا كذا في البدايه صح ولا لا؟ زمان قبل ما نخش الصاله ما نعرف الا الدامبلز والبار
وبعدين يا طويل العمر الكلام هذا الي انا كاتبه مو لي بس لكل الناس في البدايه قبل 3 سنين والله مريت مو على كباتنه على بلاوي وبس وبعدها ولله الحمد تعرفت على كباتنه يخافون ربهم واستمريت معاهم وتعلمت الاساسيات يعني صرت اتمرن بدون مدرب
أنا أعتقد إن الكباتن والمدربين يتعاملوا معك على تصرفك وشخصيتك اللي تفرضها عليه
لا يا حبيبي الحمدلله شخصيتي مافيها اي شي بفضل الله وبعدين هذا الكلام مو بس انا الي باقوله حتى الكباتنه عانو من هذا الشي ومازال بيعانو وبعدين انا يا كابتن انا ما افرض شخصيتي على احد وهذا الشي الي زعلني في كلامك وبعدين الكلام الي انا كاتبه ترى مر على كثير من الشباب وانت شايف بنفسك
ومشككورييين يا حبايبي على الردود الحلوه

[To My Dream]

تحية طيبة اخوي
معاك اكبر معاني مع مدربين الصالات ياني شفت منهم بلاوي
من استهتار ونصايح مغلوطة واهمال في المتابعة يوووووووه حكاوي
للأسف لم اجد ذلك المدرب إلى الآن من أستطيع ان اقول انه مدرب هم موجودين بس سوء حظي لم يجعل
بيني وبينهم موعد
عموما اعتمدت التعلم الذاتي ومن اخطائي اتعلم والحمدلله على كل حال