تسجيل الدخول

مشاهدة النسخة كاملة : كمال الاجسام استفسار بخصوص كورس هرموني


Blacksnow
06-06-2011, 11:39 AM
السلام عليكم اخواني الاعزاء

انا صارلي فترة العب حديد والحمدالله الجسم حلو ولاكن مشكله عندي شوية دهون بمنطقة البطن ( ذبحتني هالمنطقه ) واحترت اشلون اوخرها

طولي 171 - وزني - 90 طبعا العظم ثقيل عندي + شوية عضل + دهون - نسبة الدهون 29%

الكورس راح يكون : سوبر جارج اكستريم + امينون 2222 + قلوتامين + واي بروتين جولد ستاندرد + ارجنانين + بربولان اينانتيت القوة 100 + بربيونيت القوة 100 + اكوابويز القوه 200

الهدف من الكورس ضخامه عضليه

وابي اعرف متى اقدر اقلل نسبة الدهون واحرقها هل بوقت الكورس او بعده ؟؟

وشنو افضل طريقة للتركيز على حرق نسبة الدهون

ياريت تفيدوني ربي يرضى عليكم

وابي جدول للكورسات الي ماخذهم وجدول حلو للتمارين مدة 5 ايام واكون فعلا شاكر لكم
Blacksnow
06-06-2011, 02:12 PM
ان شاء الله تردون على يالغاليين
Blacksnow
06-06-2011, 07:44 PM
المشاهدات 30 ولا حتى تعليق واحد افا بس يالاخوان :(
toto jeddah
06-06-2011, 07:55 PM
والله ياغالي نسبة الدهون عندك مرتفعة جدا بالنسبة للاعب كمال اجسام حتى بالأوف سيزون

يعني لازم تخفض نسبة الدهون حتى تصل ع الاقل 16% بعدها بإذن الله تقدر تستفيد من الكورسات الهرمونية

يعني خليني اكون صريح معاك ,, لا تتوقع من الكورسات الهرمونية انها رح تعطيك مثل ما تظن

هيا فقط رح تساعدك وتقدمك خطوة كبيرة للأمام ,, وبعد الكورس كل شيء رح يرجع كالسابق وغالبا رح يا تتحطم يا تدمن الكورسات الهرمونية وتصير محترف في اللعب بجسمك وتدميره

امسك دايت ونشف صح ونزل وزنك ع الاقل 80 ك

موفق
Blacksnow
06-06-2011, 09:42 PM
تصدق يا توتو جده ردك على الموضوع يالغالي يريح البال والله ويشرح القلب

انا لان من بعد هالكورس راح اوقف كورسات وانا لاني من زمان جدا العب حديد بس كنت بمرحله بين اني اقطع وبين اني ارجع
وبالنسبه للكورس هذا الفاينل وراح اوقف من بعدها اذا عطاني نتيجه برفع حجم العضل لاني بحاول اضخم وبعدين بتعب على التنشيف وانزل دهون مع وزن
فشرايك يالغالي
وربي يعطيك العافيه على الرد
toto jeddah
06-06-2011, 09:56 PM
الله يحييك ..

كورسك ممتاز للصلابة العضلية وبنائي درجة أولى ,,
ولكن

نسبة الدهون 29% !!
معليش , مارح اكون مجامل معاك
لنتستفيد الا القليل جدا ورح ينتهي اللي استفدته خلال الشهرين بعد الكورس

لازم يكون جسمك جاهز ,,,
واديك مثال بسيط جدا ,, فرضا لا قدر الله جاك جينو ,, مستحيل تعرف لأن 29% دهون حول الصدر

لازم تنشف لمدة 3 شهور ,,, تنشيف بمعنى الكلمة

وبعدين تدخل مرحلة جديدة وتبني عضل صافي لـ 6 شهور ,
وبعدها تقدر ترفع وزنك ضخامة ,,, وترجع تنشف وهكذا ,,

لكن عباس على دبّاس , ما وراها الا المصايب
Blacksnow
06-06-2011, 10:28 PM
تم وراح امشي على كلامك ونتوكل على الله يا توتو :)))

راح احاول بهالفتره انزل كثر ما اقدر من الوزن ونسبه الدهون وان شاء الله اذا الله احيانا لي الشهر الجاي راح اعلمك باخر النتايج

دام بستمر بالتنزيل وتخفيض الوزن راح يكون كورسي طال عمرك نانو فابور + واي بروتين جولد ستاندرد + ونسترول + اكوابويز + اوكسي ليت

ونوكل على الله برحلة التنزيل شرايك
toto jeddah
06-06-2011, 10:36 PM
شيل من راسك فكرة الهرمونات لانها مارح تفيدك قد ما رح تضرك لا سمح الله

,,

خلي كورسك ياوحش التالي :

علبتين انيمال استاك ( محفز تست + قروث ) كيس قبل التمرين بـ 45
علبتين انيمال كت : كيس بعد النوم + كيس قبل التمرين
وي بروتين ,,
اكستند ( خليط من الجلوتامين وبعض الاحماض الاساسية ) 4 اسكوبات تمزمز فيه اثناء التدريب
كاسيين ,, قبل النوم مباشرة
Blacksnow
06-06-2011, 10:39 PM
ان شاء الله يالغالي ادري اذيتك معاي ياولد العم

انزين وبالنسبه للجدول لو تساعدني فيه اكون شاكر لك
يعني يكون التمرين الاحد والاثنين والثلاثاء والربعاء يكون راحه وارجع الخميس والجمعه والسبت راحه
شرايك شنو الجدول الي يكون مناسب حق التمارين
toto jeddah
06-06-2011, 10:49 PM
بصراحة انا ماشي ع جدول :

السبت : صدر + بطن + كارديو
الأحد : ترايسبس + بايسبس + سواعد
الاثنين:ظهر + بطن + خصر + كارديو

الثلاثاء : راحة

الأربعاء : أكتاف + ترابيس او مثلثات + بطن
الخميس :كارديو + أرجل + بطات

الجمعة : راحة
Blacksnow
06-06-2011, 10:57 PM
مشكوووووور ياوحش وماتقصر

توتو ادري انا مصختها والله ميخالف عشان اقدر اجمع اكبر كميه للتنزيل

وبالنسبه للاكل الوجبات شلون وانا ابي انزل مثلا الفطور والغداء والعشاء وبين الوجبات شنو تنصحني