اهل الرياض .. أبي نادي بطل ؟؟!

[جسم مثالي]

السلام عليكم


صباح الخير _ مساء الخير للجميع


شباب الرياض ياليت يدخلون


انا سجلت قبل فترة في نادي ( بودي ماستر ) في حي الملك فهد


وكنت اتدرب كارديو + سويدي + سباحه


والحمدلله المدرب تبع السويدي كان بطل وكويس مع الشباب .. ويعلمهم ويحفزهم


مغربي على ما اعتقد


زبدة الكلام عشان ما اطول


انا انسان بعد اسبوعين ان كتب الله لي العمر بسجل في نادي


ابي العب حديد


بصراحه مدربين الحديد في بودي ماستر مدري وش وضعهم لاني مالعبت هناك


ابي احد يضمن لي نادي بطل ومدربين ابطال .. يعطون وجه + ينبهون عن اخطاء .. يعني مايسحبون عليك


للمعلومية شباب .. انا ساكن في شمال الرياض .. بالتحديد حي النزهة .. يعني ابي نادي يكون قريب


هذا الي عندي


وياليت فزعتكم .. لاني مبتدئ .. والواحد وده يبدأ صح ( تبي جسم صح طبق صح ) << ترا ما زرفت جملة احد:28:


تحيتي .,.

[abu kinan]

والله يا أخي للأسف الشديد جدا ما في نادي الا والمدرب يسحب عليك اذا ما انتفع منك شخصيا اما ببيع مكملات او تدريب شخص او حتى تفيده بخدمة في مجال عملك مثلا لو المتدرب طبيب وعلى هالمنوال

أسوأ نادي مر علي هو بدون منازع وبمرتبة الفشل الأولى ((((( بدييييييييييييييييييييييييييييييييييييييي ماستر )))))))) انحش عنه

[عبد العزيـز]

شف البودي ماستر ووقت اللياقة في الفترة المسائية زحمة والمدرب ماهب منتبهلك وصعبة انت تتمرن وتخلص تمرينك تروح تدور على المدرب ولا تلاحقه

لكن اذا عندك مجال تتمرن العصر حلو سجل في بودي ماستر ولا وقت اللياقة

أما اذا وقتك مسائي فاشفلك نادي توه جديد تمرن فيه علشان المدرب يتابعك ويشوفك كيف تتمرن وبعد ثلاث شهور رح لوقت اللياقة ولا بودي ماستر

اما الحين مسوي الطريقة هذي وبعدها بثلاث شهور بروح لوقت اللياقة علشان يكون عندي خبرة في التمرين وغير كذا حتى لو ماتبعني المدرب مااشيل هم


بما انك في شمال الرياض في نادي جديد اسمه يوم الراحه توه جديد وانا اتمرن فيه في شارع الامير نايف بعد اسواق العويس


وبالتوفيق

[oO LoOodDy Oo]

والله يا أخي للأسف الشديد جدا ما في نادي الا والمدرب يسحب عليك اذا ما انتفع منك شخصيا اما ببيع مكملات او تدريب شخص او حتى تفيده بخدمة في مجال عملك مثلا لو المتدرب طبيب وعلى هالمنوال

أسوأ نادي مر علي هو بدون منازع وبمرتبة الفشل الأولى ((((( بدييييييييييييييييييييييييييييييييييييييي ماستر )))))))) انحش عنه


أنا معاك مئة في المئة
أنا تقريبا رحت وجربت لأكثر من12 نادي من أسوا الأندية بودي ماستر على سعره طبعا
وفعلا أنا عندي واحد عيني عينك مدرب يقول تبيني أنتبه لك عطني فلوس ولا أشتر مني مكملات

طبعا الحمدالله ما احتجته بس هذا واحد من أخوياي
بس أفضل شي جربته وقت اللياقة

قممممممممة بصراحة
أول مرة في حياتي أحس إني حللت إشتراكي

والفرع الي جربته في السويدي وهو طبعا برو يعني إشتراكه في الثلاث شهور 1000 فقط


تحياتي لك
لوووودي

[THE CAST]

عندي واحد عيني عينك مدرب يقول تبيني أنتبه لك عطني فلوس ولا أشتر مني مكملات .......

عجيب !

[بردان1]

ههههههههههههههههههه اما عطني فلوس ولا اشتر مني مكملات بالغصب الوضع

امم حنا بحايل ماعندنا نوادي ووووووووه ادعي من قلب تفتح عندنا نوادي بس ناسيننا

الي عندنا يمكن 6 نوادي فقط وكلهننننننننن صغيرات وحرام يطلق عليهن اسم نوادي ماعدا وقت اللياقة وجييد انا جداااااااا عاجبني ومرتاااااااح فيه كثيرررررر بس المدرب يقول كل الاجهزه الي هنا قدييييييمه لكن الي بالرياض اجهزه 2010 و2011 يقول تركيزهن اقوى بكثييييير من هذولي

طبعا ماله دخل ردي بالموضوع بس تحمست مع الشباب وحبيت اكتب معاناتي :)

[جسم مثالي]

كتبت رد طويييييييل وانمسح << يا شين هالحاله

زبدة الكلام يعطيكم الف عافييه على التفاعل في الموضوع

وهذي مشكلة النوادي الكبيرة عليها زحمه .. والمدرب مايعطيك وجه

اخبر اخوي كان يشتغل في بنك الراجحي ( فرع التحويل ) وكان مسجل في بودي ماستر .. الزبده والله يالمدرب انواع الترزز عنده

دايم اي حوالات يبي يخلص منها المدرب يعطيها اخوي واخوي يضبطه .. والمدرب ما يخلي اخوي في النادي انواع التوجيه والاهتمام


بما انك في شمال الرياض في نادي جديد اسمه يوم الراحه توه جديد وانا اتمرن فيه في شارع الامير نايف بعد اسواق العويس




وين ناديك بالضبط اخوي ؟

وهل فيه زحمممه ؟

والمدربين كيفهم معك ؟

والله يعطيك العافية

تحيتي للجميع .,.

[Rashid.S]

الموضوع حماسي شوي ،،

بصراحه بعطيكـ رأيي المتواضع ،، انا اقولكـ أدفع لتدريب شخصي لان ما راح تحصل مدرب ينتبهلك ببلاش الا من رحم الله ،،
انت اذا دفعت له بينتبهلك وبيصححلك اخطاك وانت في الجيم ،، واكيد الاعضاء ما راح يقصرون معك بس ما راح يكونوا معك في نفس الجيم ويعلمونك الصح والغلط في التمرين ،،
وبعد 3 شهور ولا شهر انت معتمد على نفسكـ ان شاء الله ،،

وهذه كانت تجربتي اول ما بدأت ،، دفعت بس استفدت :D ،، والله يسامح المسؤولين اللي ما يهتمون بالجيمات ومخلين المدربين على هواهم ،،

[جسم مثالي]

^^

ياخي غبنه اقعد ادفع مبلغ للجيم + مبلغ للمدرب عشان يعطيني وجه ؟؟!

شي يقهر

الا على طاري الدفع .. كم دفعت لمدربك ههههههههههههه

وينك يا راعي سوق عويس ؟ جاوبني

تحيتي .,.

[Rashid.S]

انا دفعت ٣٠٠ كل شهر ١٠٠

بس طلعت منه المبلغ ،،
لاني صرت ابيع عليه مكملات ،، يقولك وحده بوحده ،،

[عبد العزيـز]

النادي في شارع الامير نايف شف وانت جاي مع الملك فهد متجه شمال بيجيك مخرج اللي فيه اسواق طيبه ادخل مع المخرج بعد ماتتعدا اسواق طيبة بيجيك شارع سيدين منور اسمه شارع الامير نايف ادخل معه يمين اول ماتدخل يمين بيصير اسواق طيبة على يمينك وعلى يسارك اسواق العويس بتجيك اشارة بعد الاشاة اطلع سيدة مسافة 500 متر او أقل بتحصله على يمينك لوحته زرقاء على الشارع نفسه

تحياتي

[جسم مثالي]

^^
يعطيك العافية

تنصحني اجي للنادي ولا لا ؟


انا دفعت ٣٠٠ كل شهر ١٠٠

بس طلعت منه المبلغ ،،
لاني صرت ابيع عليه مكملات ،، يقولك وحده بوحده ،،

كبييييير هههههههههههههه




تحيتي .,.

[M A J E D 1984]

شف في نادي كويس بشرق الرياض

بس يمكن بعيد عليك

الرجل القوي اسمه في حي الروضه

مدرب هندي والله ينتبهلك ومعاك بالتمارين

بس ها اشتر منه مكملات يعني امينو بروتين من بخسران شي:)