تسجيل الدخول

مشاهدة النسخة كاملة : كمال الاجسام طريقة استخدام المنتج لا هنتو


ابولطيفه
08-06-2011, 01:38 PM
السلام عليكم انا عندي نايتركس سوفت جل

ابي اعرف طريقة استخدامه لانه بصراحه له فتره عندي 3 شهور ونسيت استخدامه كيف لاني وقفت استخدامه لاني اذكر اني قريت موضوع انه يتعارض مع القلوتامين المهم انا الحين خلصت الجلوتامين
بنسبه للعمر 32

الطول 187

الوزن حاليا 95 للعلم كان وزني اول ماسجلت في المنتدى 105 لكن البركه في الاخوان ماقصروو استفدت منهم كثير

شكر للاخ ذا كاست لاني بصراحه متابع اي موضوع يكتبه وفادني كثير هو والاخ فرنس فور ايفر

بنسبه لنسبه الدهون قستها يوم كان وزني 103 كانت 27%

يعني اتوقع اللحين من 22 الى 24 اذا ماخاب ضني

المكملات اللي استخدمها حاليا

ايزو100

سوبر امينو 4800

اوبتي مان

منتج اوميغا3 مخلوط مع سي ال اي لكن العلبه مو جنبي عشان اكتب اسمه

وهذا رابط النايتركس اللي ابي استخدمه

http://www.bodybuilding.com/store/sf/nit.html

ولكم جزيل الشكر مقدما
abu kinan
08-06-2011, 02:11 PM
ماعندي فكره وانا اخوك بس عندي سؤال من فين جبت النايتركس سوفت جل ؟؟؟
على العموم انا شيكت على الرابط وهذا عاللي عندك اسمه نايتروكس وليس نايتركس وعلى العموم هذه طريقة استعماله اللي مكتوبة بالموقع
Take 1 to 2 softgels twice daily. If there is an athletic event/workout, one of those doses should be 30 minutes prior

الترجمة طال عمرك انك تاخذ حبة او حبتين يوميا وفي حال كان يوم تدريبي يفضل أن تكون احدى الجرعتين قبل التمرين ب30 دقيقة
يعني في البداية تاخذه حبة وحده مرتين يوميا وفي حال كان يوم تدريبي خلي احد الجرعات اللي هي حبة وحده قبل التمرين ب30 دقيقة وممكن بعدين ترفع الجرعه لحبتين

وسلامتك
ابولطيفه
08-06-2011, 02:28 PM
تسلم حبيبي ابو كنان

وهذا طال عمرك اشتريته من البحرين وهذا على حد علمي انه نايتركس يعني منتج ضخ دم وتوسعة الورده لا يكون انا غلطان وهو حق شي ثاني

انا يوم اشتريته كان هدفي العروق ابي تبرز اكثر
abu kinan
08-06-2011, 02:32 PM
طال عمرك يعمل بنفس طريقة النايتركس لأنه يحتوي على أكسيد النتريك وفعلا يقوم بتوسعة العروق عن طريق زيادة ضخ الدم بها والقصة مجرد اختلاف اسماء تجارية ليس الا
توكل على الله واستعمله دامك كنت تستعمله واكيد انت متأكد من انه يناسب وضعك من عمر ونسبة دهون ومدة تمرين ...الخ .....
انشاء الله قريبت ندز البحرين ونجيب الحاجات الطيبة من المكملات من هناك

تحياتي
ابولطيفه
08-06-2011, 02:41 PM
تسلم حبيب قلبي ماقصرت

الحقيقه انا كنت متحير بينه وبين منتج اسمه بلازما جت بس الصراحه كل ماسئلت عنه محد يعرفه فاخذت النايتركس وبعدين بجرب البلازما اول اشوف نتايج النايتركس

واشكر لك سرعة ردودك
THE CAST
08-06-2011, 02:50 PM
وعليكم السلام ورحمة الله وبركاته

تقدر تستعمله لكن بالنسبه للجرعه ابدا مثل ماقلك الاخ كنان
حبه على الريق وافطر بعدها بربع ساعه + حبه قبل التمرين بنصف ساعه
ثالث يوم زيد لحبتين مع انه بالامكان تبدا من اليوم الاول بحبتين لكن افضل انك تتبع هالطريقه لانه عندي منتج مشابه والبدايه بجرعه الماكس تاثر عليك خصوصا على الريق

والاهم تجنب الاملاح والدهون لان نسبة الدهون شوي مرتفعه وهالمنتج يرفع ضغط الدم فترة الاستعمال....



بالتوفيق
ابولطيفه
08-06-2011, 02:56 PM
يعني اخوي ذاكاست

اللي فهمته اول 3 ايام حبه على الريق وحبه قبل التمرين بنصف ساعه

وبعدها تصير قبل التمرين حبتين يعني حبتين في اليوم قحد اقصى

وهل استخدمه في يوم الراحه وكيف

شاكرلك مرورك

تحياتي
THE CAST
08-06-2011, 03:18 PM
لا ... مرتين يوميا مثل ماكتبت لك اعلاه

ايام الراحه خذه ايضا ..وجرعة بعد التمرين اجعلها قبل وجبة الغداء بفترة بسيطه