استفسار بخصوص ACL و L-Carnitine لحرق الدهون

[salim24]

السلام عليكم ورحمة الله وبركاته

كيف الحال اجميعا اتمنى تكونون بخير وبحسن حال
انا حبيت استفسر عن ACL و L-Carnitine ؟
انا بصراحه لي تقريبا شهرين ونص تقريبا اتدرب بالنادي وكان هدفي اشيل الكرش وستخدمة اوكسي اليت - بعد ما استشرت الاخوان بالمتدى - والحمد لله نزل وزني من 77.5 إلى تقريبا حاليا 66 بس الكرش ما زال فيه منه شوي
ومع ظروف الاختبارات حاليا ما تخليني استمر بالنادي , تقريبا الايام اللي راح اقدر العب فيها 10-15 يوم وبعدها ارجع الكويت كوني ادرس برا المهم اليوم قالي الكابتن اخذ ACL و L-Carnitine عشان تزيل وتحرق الشحوم الباقيه وتطلعلك 6 باك على كلامه ان ACL شغله على المعده بالتحديد بس و بشرط تاخذ معاه L-Carnitine بس اللي مخليني متردد ان جسمي حاليا شبه ضغيف يعني الصدر والاكتاف والعضد زينه متقسمه بس ضعيفه - عاديه يعني - اما الكرش فيها شحوم شوي فاخاف اني اخذ ACL و L-Carnitine واضعف زياااده خصوصا ان عرسي بإذن الله 9-7 الله يتمه على خير ان شاء الله

انا طولي 172 ووزني 66 و BMI 22.31% تقريبا


تماريني كل يوم عضله والمعده يوميا معده علوي 20 ب6 جولات وسفلي 20 ب6 جولات واسخن قبل التمرين ما على جهاز السير ثلث ساعه وبعد التمرين ثلث ساعه او على الدراجه ثلث ساعه , وبلشت اخذ ايزو 100 من قبل فتره يعني عشان يزيد حجم العضلات شوي على الاقل ^_^

فياليت تفيدوني يااجماااعه
واسمحولي على الاطاله وجزاكم الله خير

[THE CAST]

وعليكم السلام ورحمة الله وبركاته

اهلا حياك صباح الخير..


انا حبيت استفسر عن ACL و L-Carnitine ؟
CLA قصدك !

انا بصراحه لي تقريبا شهرين ونص تقريبا اتدرب بالنادي وكان هدفي اشيل الكرش وستخدمة اوكسي اليت - بعد ما استشرت الاخوان بالمتدى - والحمد لله نزل وزني من 77.5 إلى تقريبا حاليا 66 بس الكرش ما زال فيه منه شوي
الكرش آخر مايختفي من الجسم غالبا


قالي الكابتن اخذ ACL و L-Carnitine عشان تزيل وتحرق الشحوم الباقيه وتطلعلك 6 باك على كلامه ان ACL شغله على المعده بالتحديد
غير صحيح بأن الCLA شغله عالمعده ..لكنه مفيد في انقاص الدهون هو والكارنتين عموما


بس و بشرط تاخذ معاه L-Carnitine بس اللي مخليني متردد ان جسمي حاليا شبه ضغيف يعني الصدر والاكتاف والعضد زينه متقسمه بس ضعيفه - عاديه يعني - اما الكرش فيها شحوم شوي فاخاف اني اخذ ACL و L-Carnitine واضعف زياااده خصوصا ان عرسي بإذن الله 9-7 الله يتمه على خير ان شاء الله
دامت السالفه كذا ...
حوضحلك بالاسفل


انا طولي 172 ووزني 66 و BMI 22.31% تقريبا
اذا كان الجهاز معتمد على الطول والوزن فنسبة الدهون الي اعطاك هي اضرب بها عرض الحائط



تماريني كل يوم عضله والمعده يوميا معده علوي 20 ب6 جولات وسفلي 20 ب6 جولات واسخن قبل التمرين ما على جهاز السير ثلث ساعه وبعد التمرين ثلث ساعه او على الدراجه ثلث ساعه , وبلشت اخذ ايزو 100 من قبل فتره يعني عشان يزيد حجم العضلات شوي على الاقل ^_^
المعده مرنها يومين او ثلاث ايام اسبوعيا بالكثير.
قبل التمرين سخن على السير مشي سريع لمدة 10-15 دقيقه.
وبعد التمرين مارس نظام الHIIT او الكارديو لمدة 20 دقيقه بمعدل ثلاث ايام اسبوعيا وبقية الايام اجعلها مشي رياضي لمدة 20 دقيقه بعد التمرين.
والايزو100 ممتاز ويليت تضيف ملتي فايتمن جيد + اوميغا3 وايضا تقدر تاخذ الي قلك عليهم الكبتن لكن هذاك اسمه CLA فانتبه
اما حوارق الدهون كالليبو واشباهه فاتركها

بخصوص الكرش الخفيف الي مخرب فورمتك
حاول تزور عيادة لعمل جلسات إبر ال(ميزوثيرابي) وهي آمنه ونتائجها اكيده ان شاالله , لكن عيبها فسعرها فالجسله تتراوح مابين 250-400 ريال سعودي
لكني مااطلعت على الاسعارالحديثه ...



ومبروك والله يتمم لك على خير





موفق باذن الله

[salim24]

والايزو100 ممتاز ويليت تضيف ملتي فايتمن جيد + اوميغا3 وايضا تقدر تاخذ الي قلك عليهم الكبتن لكن هذاك اسمه CLA فانتبه
اما حوارق الدهون كالليبو واشباهه فاتركها







مشكوور يالغاالي وما قصرت وفعلا رجعت للكبتن وتاكدت من الاسم وطلع CLA^_^

بس عندي سوال يالغالي ايش فايدة مالتي فايتمن + اميغا 3 مع الايزو 100؟؟ والمالتي فايتمن ممكن اخذ Centrum؟ ومتى اخذهم بنفس الوقت مع الايزو ؟

وايش الفرق بين اللي قالي عليهم الكابتن والليبو واشبااهه؟

وملاحظه بخصوص BMI اللي احرفه ان حنا نستخدمه عندنا بالطب لمعرفة ما إن كان الوزن والطول متناسبين وللتفريق بين السمنه او النحافه او الوزن الطبيعي وتكون الحسبه كالتالي
20-25 NORMAL
20 وما تحت يكون نحيف
25-30 obese
30 وما فوق superobese
ما اذكر ان كان له اي علاقه بنسبة الشحون هم مجرد مقياس لمعرفه سوء التغذيه او السمنه بغض النظر عن شكل الجسم ^_^

ومشكور وما قصرت

[Rashid.S]

عن اذن اخوي ذا كاست

الملتي فايتمن عشان توفي جسمك بالفتمينات اللازمه مثل b وغيرها من الفتمينات وتقدر تاخذه حبه على الريق او مع الفطور ،، وحبه مع اخر وجبه لك ،،
بالنسبه للاميغا٣ ،، عباره عن زيت سمكي ،، يفيد الرياضين وغير الرياضين ،، وما منه ضرر ان شاء الله
وناخذ كل مره جرام مع وقت الملتي ،،

الايزو ١٠٠ ،،عباره عن بروتين بدون كارب ولا دهون ولا جليكوز
تاخذه ثلاث مرات باليوم
مره بعد الفطور بساعتين ونص مع حليب ،، مثل ما يقول اخوي ابو منصور عادة ١٠٠ مل حليب قليل الدسم والباقي ماي ،،
وتاخذه بعد التمرين مع ماء
وتاخذه قبل النوم مع ٢٠٠ مل حليب قليل الدسم والباقي ماي ،،

بالنسبه لل bmi
Body mass index
عباره عن اخذ الطول وبالوزن مع الفئه العمريه ويصنف انت متين ولا لا ،،
طبعا هذه غير صحيحه للرياضين ،، لان من الممكن ان يكون مضخم ووصل الرجال لل over weight
يفضل ان تدقق في نسبة دهونك لا في bmi

تحياتي لكمـ ،،

[THE CAST]

بس عندي سوال يالغالي ايش فايدة مالتي فايتمن + اميغا 3 مع الايزو 100؟؟ والمالتي فايتمن ممكن اخذ Centrum؟ ومتى اخذهم بنفس الوقت مع الايزو ؟الملتي فوائده كثيره جدا ارجع لفائدة كل ماده وابحر فيها ....
الاوميغا طرحنا موضوع عنه بقسم المواضيع المميزه ومفيد جدا لاشياء كثيره...........
الايزو100 هذا بروتين زيروفات وكارب
سنتروم سمعت ان فيه مشتق من الخنزير لذلك ابعد عنه وعندك فارمتون افضل منه واجود


وايش الفرق بين اللي قالي عليهم الكابتن والليبو واشبااهه؟الي قالك عليهم هذي تعتبر مساعده على حرق الدهون ليست شرطا استعمالها فترة انقاص الدهون , ولكن اذاماستعملت مع دايت للكت وتمارين منظمه فهنا
يكون لها دور فعال في حرق الدهون

اما الحوارق هدفها مباشره تاثر على جسمك وتزيد عملية الايض /ضغط الدم....وغيرها من العوارض...وانت نسبة الدهون عندك 31% الحوارق ماانصحك فيها


وملاحظه بخصوص BMI اللي احرفه ان حنا نستخدمه عندنا بالطب لمعرفة ما إن كان الوزن والطول متناسبين وللتفريق بين السمنه او النحافه او الوزن الطبيعي وتكون الحسبه كالتالي
20-25 NORMAL
20 وما تحت يكون نحيف
25-30 obese
30 وما فوق superobese
ما اذكر ان كان له اي علاقه بنسبة الشحون هم مجرد مقياس لمعرفه سوء التغذيه او السمنه بغض النظر عن شكل الجسم ^_^انا ماتكلمت عن الBMI بل على ال31% الي انت كاتبها
او انك اخطات وكتبت% سهوا !

بعدين ترا خطا فادح اعتماد الطول والوزن لتحديد نوعية فمن نقاط ضعف الBMI هي عدم الاعتبار ان كان الشخص معضل ام لا
كمثال
شخص قصير لكنه عريض وكتلة العضل عنده اكبر ...غالبا حيطلع الBMI عنده مرتفع اي ان وزنه زائد , مع ان الشخص قد يكون جسمه متناسق ونسبة الدهون مقبوله

لذلك نسب الدهون هي المهمه وفيه تحاليل تجرى في المستشفيات لقياسها

[salim24]

بيض الله وجيهكم ما قصرتوا الله يجعله في ميزان حسناتكم يارب

تقريبا تقدر تقول اخوي كاست % ماكنت اقصد فيها نسبة الدهون^_^

انا والله سنتروم وصفه لي دكتور عيون عندنا وحرص علي قال لا تاخذ إلا اللي مصنوع في امريكا - مع العلم انه فيه منه مصنوع فالمملكه السعوديه وفي مصر - بس هو حرص على امريكا !! بس ان شاء الله اببحث عن فارمتون دراً للشبهات ^_^

بس بخصوص الوميغا 3 رحت للصيدليه وقلت ابي اومغا 3 قالي تبي مصري ولا مستورد قلت شالفرق قال يفرق المستورد فيه مكونات اكثر كان فيه زيت سمك وكرتيزون فري وكذا شغله تقريبا اربع شغلات بعد اما المصري ففيه بس زيت السمك و زيت جنين القمح "wheat germ oil " فما ادري اشرايكم ؟
المستورد كان علبه فيها 200 حبه تقريبا وعليه صورة ثوم !!

[THE CAST]

ووجهك

السنتروم مافي شي يميزه ..,الفارمتون انجلتري وممتاز

الاوميغا خش في الصيدلي عرض وقله يعطيك هالمنتج (http://www.montada.com/attachment.php?attachmentid=340370&d=1307313080)
حاول تدور عليه ممتاز وسعره مناسب جدا نظرا لقوة تركيزه
وان قالك يوجد بديل لاتسمعله , وان ماوجدته عندك سفن سيز بلس جيد ايضا

[salim24]

تقريبا اشتريت اوميغا مثل اللي بالصوره ^_^ كان سعره 21 جنيه تقريبا

اما الفارمتون فتصلت على الصيدليه وجابه لي الله يجزاه خير ووهو نفس اللي بالصوره فارمتون (http://www.manufacturer.com/cimages/product/www.alibaba.com/0325/w/11139775_Pharmaton_Capsules.jpg)

بس السنتروم سالت الصيدلي عنه قال انا سمعة هالكلام وبحثت بس ما حصلت شي واتصلت على صيدليه ثانيه ولقيت عندهم الفارمتون ولما قريت الرشته السنتروم يحتوي على اشياااااء واااجد اكثر من الفارمتون مثل اليود مو موجود بالفارمتون
بس دفعا للشبهات راح استخدم الفارمتون الله يوفقنا جميعا ^_^

[salim24]

وبخصوص السنتروم وانه يحتوي على مشتقات خنزير انا بحثت وولقيت هالمقال بس صراحه ثقافتي الانقليزيه ما اسعفتني اني افهم هالمقال ميه بالميه ^_^
http://www.ask.or.tz/viewtopic.php?f=18&t=2364

فياليت لو تطلع عليه وتقولي اشيطلع معاك