المساعد الشخصي الرقمي

مشاهدة النسخة كاملة : التغذية استفسار بخصوص جدول الاكل للي يزيل الدهون الي في الجسم


Diego GEM
10-06-2011, 07:45 PM
السلام عليكم ورحمة الله وبركاته

حبيت اسئل عن :

1) كم وجبة في اليوم لازم تاكل

2 للتضخيم كم وجبة + للي يبي اشيل الدهون الي في جسمه كم وجبة


والاكل عبارة عن :

4 الى 5 بياض البيض + 3 اخباز على كل وجبة + 3 تفاحات على كل وجبة + عصير برتقال على كل وجبة
و صدرين دجاج في اليوم ، وتونة في اليوم

حبيت اعرف .. انا من نوع الي اكل 4 او 5 وجبات في اليوم ..

بس مابي تضخيم ، ابي جسم عادي فقط

وزني صار 62
وطولي 165

وهل اللبن قليل الدسم اسمن

وارجو الرد ، ويعطيك العافية
ابولطيفه
10-06-2011, 09:36 PM
عليكم السلام

الشباب ان شالله يفيدونك اكثر مني بس عندي ملاحظه احس انه كثير مع كل وجبه 3 تفاحات

وبنسبه للتونه مدري اي نوع انت تستخدم لكن انصحك بتونه بالماء( قودي) وعصير البرتقال اهم شي يكون بدون سكر

بالتوفيق
الوحش بوعابد
10-06-2011, 10:10 PM
عليكم والسلام ورحمه الله وبركاته
اخوي الي يبي ينشف ولا يضخم لازم ياكل 5 الى 6 وجبات
للضخامه افتحها بس بالمعقول
اما اذا تبي اتنشف 5 الى 6 وجبات دايت
اخوي 3 اخباز على مدار اليوم عادي اما في كل وجبه لا واجد
و3 تفاحات مع كل وجبه واجد ولبن قليل الدسم مايسمن


شوف اخي الكرييم .. انت لازم على وزنك تضخم لانك نحيف !!
يعني لازم تظرب بالاكل ظرب 5 الى 6 وجبات واللعب صح بالنادي
ولاتفكر الحين بالتنشيف لان وزنك نازل
وانشالله باقي الاعضاء مابيقصرون وياك
تحياتي ياوحش
Rashid.S
10-06-2011, 10:15 PM
في التضخيم والتنشيف نفس العدد من الوجبات
بس اللي يضخم يحتاج يزيد في الكاربوهيدرات ويزيد شوي في الفات ويفضل ان يكون الفات متزن في كلا الحالتين ،، يعني ٣٠٪

بالنسبة لطولك ووزنكـ اشوف ان وزنك مثالي ،، بس تحكم نسبة الدهون ،،
حاول تقلل من الخبز الاسمر ثلاث خبزات كثير ،، وحاول تقطع الكارب من بعد فترة التمرين ،،
ولو تاكل برتقال افضل من العصير ،، وثلاث تفحات كثير خلها وحده مع الفطور ووحده قبل التمرين ،،

هذا الجدول اذا بتنشف ،، بس شوف نسبة دهونك اذا كانت ١٢٪ ونازل انت ما تحتاج تنشف ،،
واذا ما تبي تضخم حاول قد ما تقدر توزن نفسك بالنص ،،
Rashid.S
10-06-2011, 10:16 PM
ردينا انا وبو عابد مع بعض ،،

ما شفت ردكـ ،،
الوحش بوعابد
10-06-2011, 10:17 PM
بعطيك جدول غذائي من عندي اذا انت حاب
لازم تقسم وجباتك على مدار اليوم خلي بين كل وجبه من ساعتين الى ثلاث ساعات
الفطور 5 بيضات بياض البيض بس بيضه كامله وكورن فلكس وكاس حليب
الوجبه الثانيه خليها 3 حبات فاكهه
الوجبه الثالثه صدرين دجاج ولا علبتين تونه ((بالماء)) مع رغيف خبز او رز مع لبن او كاس عصير برتقال طازح

اذا وقت التمرين بعد الغداء بساعتين حلو
اما بعد الغداء بثلاث ساعات
4 الى 5 ملاعق شوفان وغليه مده 7 دقايق
والوجبه الرابعه بعد التمرين صدرين دجاج او علبتين تونه او سمك فيليه او لحم ماعندك مشكله.. مع عصير برتقال طازج وتفاح اخضر
الوجبه الخامسه خليها خفيفه اما تكون وجبه اجباان مع زبادي او 5 بيضات بياض فقط
وبتدعيلي
افضل انك تاخذ بروتين قنر عشان يزيد وزنك
الوحش بوعابد
10-06-2011, 10:26 PM
اخوي راشد معلوماتك صارت اتخوفني *_@ ما اقدرلك
بارجيم
10-06-2011, 10:27 PM
مرحبا اخوي
لو ماخذ لك فره على قسم المواضيع المميزه تسوي خير
وبشكل عام اذا تبي تنشف او تضخم لازم تاكل من 4 الى 6 وجبات
طبعا ثلاث رئيسيه وثنتين او ثلاث خفيفه
وانصحك بدال ماتاكل ثلاث تفاحات مع كل وجبه خل الثلاث تفاحات وجبه لحالهم
وبشكل عام انت اترك بين كل وجبه ساعتين او ثلاث
خل الوجبه الاولى
5 الى 7 بياض البيض + خبز اسمر حبه واحده + كاس حليب + شوفان بالحليب
الوجبه الثانيه
تونه بماء وملح عندك قودي او العلالي ومعاهم شويه سلطه وخبز
والوجبه الثالثه خلهم فواكه ثلاث الى اربع حبات
والوجبه الرابعه صدرين دجاج مشوي او مسلوق مع سلطه مع صحن صغير رز مسلوق
الوجبه الاخيره زبادي قليل الدسم مع اجبان قليل الدسم او ومنزوعه الدسم مع بيضتين او ثلاث بيضات بياض فقط
طبعا النظام هاف دايت تقريبا
والغذاء وترتيبه مهم اذا تبي تبني جسم حتى لو جسم رياضي صغير بس مقسم
Diego GEM
11-06-2011, 12:17 AM
يعطيكم ربي اَلف عافية يا الغوالي

ماقصرتوا والله والله ازيد من حسناتكم

بخصوص خبز الاسمر ؟

قصدي انا ماقدر يعني اوزعهم على كل وجبة خبز واحد اسمر

وربي يحفظكم يا كبار