انا تعبان نفسياً .. احس اني شبح بين الناس

[FoLTriNg]

السلام عليكم

كيف الحال انشاء الله طيبين

انا لا ادري كيف ابدأ او كيف اعبر او كيف اوصل لكم احساسي

انا رجل عمري 28 سنه لدي عمل الحمدلله ممتاز ومثلي مثل اي شخص في الدنيا عايش حياته سعيده
لكن طول فترة حياتي احس بفرق بيني وبين اخواتي واخواني لا اعلم لماذا :boggled:

اشكالهم تختلف عني حتى تصرفاتهم غير عني مع العلم انني اكبر اخواني سناً

وفي يوم من الايام واعتبره يوماً اسوداً في حياتي

كانو عماني مجتمعين عزيمه كبيره والخ

وعماتي كذالك كانو متواجدات واخواني وامي وكل الناس الذين احبهم

عزيمه جمعه كل خميس تصير هل الجمعه يعني يجتمعون


فاصار موقف بيني وبين ولد عمي فا غضب مني وصار يشتمني ويهزأ بي :blackeye:

وانا لا اعلم لماذا هو يكرهني لهدرجه مع اني ماسويت له شي مجرد مزح

واثار استغرابي انه يتمادى علي كثير اما عماني ولا احد يقوله شي ؟؟ لفتره حسيت اني طايح من عينهم

وحتى ابي واخواني نفس الشي مايوقفون معي بشي مع اني مااحتاج لوقفتهم ابد

بس يعني شي معنوي لا اكثر ولا اقل


وفي يوم من الايام كنت بزواج عمي وكنت فرحان وكنت متوسط الحضور وفرحان فرحه الله العالم فيها

المهم كل اقربائي كانو موجودين وقال لي ولد عمي الي يكرهني انت خلك اخر واحد فينا منتب كفو تحضر معنا ؟؟

انا استغربت كلامه لي وعصبت ورديت عليه بكلام جارررررح


فقال لي بعالي الصوت وامام كل الحضور

انت وش تحسب نفسك ترى اذا ماتدري عن ماضيك اعلمك ماضيك ؟؟؟

انا قلت وش ماضيي ؟؟ قال تررررررررررررررررى انت لقييييييييييييييييييييييييييييييييييييييييييييييييييييييييييييط

انت لقييييييييييييييييييييييييييييييط لقييييييييييييييييييييييييييييييط لقيييييييييييييييييييييييييييييييييييييط

عمي تبناك رحمه لك يالقيييييييييييييييييييييييييييييييييييييييييييييييييييييييييييييييييييييييييط


انا ماصدقت :blackeye:

قلت يعني شلون صدق هذا الكلام وانا اناظر فيهم ووجهي يتصبب عرق

يعني كلهم يدرون وساكتين

فجأه اغمى علي ودخل في غيبوبه وانهيار عصبي حااااااااد

فلما صحيت عرفت حقيقتي وقابلني ابي وامي المزيفان قلت لهم ليش ماعلمتوني من اولليش سممتو حياتي ليش ليش

قالو احنا اخذناك من ملجأ ايتام وكفلناك


انا ماكنت انتظر الا التأكيد بكيت بكاء لا يعلم فيه الا الله

الله اكبر يعني انا صرت ولد حرام :cray:


اه وكلمة اه لاتعبر بما في داخلي


حقيقتاً انا افكر في الانتحار

اعصابي تعبت ومخي ماصار يفكر صرت ادخل بموجات بكاء غير طبيعيه
ابي طردني بشكل غير مباشر وقالي لي كل الناس عرفو امرك لاتجلس في البيت عندي

واصبحت زي الكلب في الشوارع وحيد في شقه صغيره استأجرتها لنفسي

ولا لي لا اب ولا ام ولا شي سوى انا وجرحي والمي

هذي قصتي قولو لي هل انتحر ام اهاجر ام امذا افعل

[ام ابـراهيم]

لا تحزن أخي أولا إن كنت لقيط فهذا ليس ذنبك.
الكثير مثلك يا أخي.
و الحمد الله عندك عمل و تستطيع أن تعتمد على نفسك.
أعرف حالة تشبهك تماما.
بحث عن والدته الحقيقية ,أما أنا لا أنصحك بفعل هذا لأنه ندم لما عرف أمه الحقيقية.
تعرف على بنت الحلال و كون أسرة.
ربما تعوض لك بعض من الحنان و الفراغ العاطفي الذي تعيشه.


و نحن هنا إخوتك و مرحبا بك في منتدانا.

[FoLTriNg]

كيف اتعرف على بنت واتزوجها وانا مجهول الهويه

انا نفسيا تعبان نفسيتي متدمر كل اصدقائي الذين عرفو بوضعي تخلو عني

انني احس بحزن عميق حتى امي التي ربتني تخلت عني


انا فعلياً افكر في الانتحار اصبحت وحييييييد

[Yoshi]

اخوي الكريم بقولكـ شي هل انت مسلم ؟ هل انت تعلم الغيب ؟ هل تعلم مايخفى لك ربك في المستقبل ؟

كيف تقول انتحر وانت تشهد ان لا إله إلا الله وان محمد رسول الله الا تؤمن بالقدر ؟

ياخي طز في ولد عمك ولايستاهل انه يصير ولد عم .. لو عنده ذره إحترام ومشاعر ماقال هالكلام ..

لاكن الكره والحقد والحسد يفجر القلوب صدقني


يعني انت الحمد لله عندك وظيفه ممتازهـ .. خلاص عش حياتك إلى متى وانت عايش عند ابوك ؟

الأجانب من يجي عمرهم 18 سنه وابو يطرده من البيت يخليه هو بنفسه يجيب لقمه العيش حقته

شف وانا اخوكـ ..

من كان عمري 18 سنه ابوي ما مد لي ولا ريال ... انا توظفت بنفسي .. حتى الملابس حقتي انا اشتريها بنفسي

الأكل الحمد لله بنفسي لقيت وظيفه وعزيت نفسي ولا انتظرنت احد يصرف علي ويعطيني وانا متأكد
انه بيجي يوم من الأيام راح يجي ويقول ابي ولا راح ابخل عليه راح اعطيه .. ربك يمهل ولايهمل


وبالعكس هذا افضل لك انك تعيش في شقه لوحدكـ منها تعرف كيف التحمل والصبر .. بكره تتزوج وتفتح لك بيت وتستانس بتقول لي كيف اتزوج وانا اهلي تخلوا عني .. حتى لو خلوك ربك معكـ إذا انت املك بالله كبير صدقني ماراح يتخلى عنك


بقولك شي وحط هالكلام ببالك زين مازين دايماً .. هذي ورقه دايم معلقها عندي بالمنزل + الدوام واتذكرها كل ماضاقت في الأمور في الدنيا ..

( إذا ضاقت بك الدنيا فلا تقل يارب عندي هم كبير .. ولاكن قل ياهم لي رب كبير )


صدقني اعمل واجتهد واصبر وواصل طريقك وراح يرزقك ربي بالمراءه الصالحه والأبناء اللى يبرونكـ
وراح تتذكر كلامي .. حتى لو تخلوا عنك جميع البشر .. خل قلبك طاهر وواصل مشوارك وببتوفق


هذا انا ماظرني شي ماتدري وش تخفي الأيام لك .. صحيح عندي اهل واحمد ربي على هالنعمه لاكني صدقني
اني صارت لي ايام كنت اعيش في جحيم ياما كنت انوم عند اصحابي .. ياما عند عيال عمتي


لاكن الأمور تساهيل وربك يفرج الهموم ويسهل الطريق .. حتى لو صارت السماء فوقك سوداء
صدقني ماراح يستمر هالشي لازم تطلع الشمس وتقشع السواد وتزيله صدقني وانا اتكلم لك ان حاس في كل كلمه تقولها

راسنلي على إيميلي الشخصي ومالك الا اللى يرضيك ’’

في حفظ المولى ورعايته
اخوك فهد ..

[Look up]

ما شاء الله عليك أخــي Yoshimetsu
أعجبنـي ردك ..
:)
و أنـا معـك بمــا قلتـه
:biggthump
وفقـك رب لمـا تحب و ترضـاه

[)(FanTasy)(]

السلام عليكم

وعـلـيـكــم الـسـلام ورحـمـة الله وبـركـاتـه

لـا أحـب أن أزيـد فـوقَ مـا نـصحـوك َ فـيه الأخـوة ..

إلـا أنـنـي أريـدك أنـ تعـلم أو تـتـذكــّر أنـَّ مـَنْ تـلقـى مـن ربـه وحـرّمَ عـلـى النـاس الإنتحــار كـانَ يـتـيمــًا ومـرّ بـأصعـب الظـروف ..

وأنـظر إلـى تـاريـخـه وشخصيـتـه -صـلـى الله عـلـيـه وعـلـى آلـه وصحـبـه وسلــّم- فقـد أصبـحَ أفضـل شخصيـة بـدايـة ً ونهـايـة ..

كـُن قـويّــًا .. وتـذكـــر أنـَّ هنـاك مـَن هـم أصعـب مـنـك حـالـة .. وقـالوا فـي النهـايـة : الحمـد ُ لله .

سأدعـو الله أن يـقيـك ويحفظك .. ولكـن أجتهـد وأصبـر أخــي ..

[m!ss foshia]

اذا استصغروك الناس لعدم حسبك ونسبك فهذه هي مشكلتهم هم
انت انت والله لم يخلقك في هذا العالم كي تعيش عذابا وتموت متألما
فكما يأخذ منك شيء يرزقك اضعافا وان الله يمهل ولا يهمل
بأذن الله ستجد من هي تقف معك وتعوضك الكثيــــــر
ولا تخف فرزقك عند الله وهو خير الرازقين ^^

[متعب سعد]

لا اله الا الله ..

والله يا اخي مدري وش اقول لك !!

بس اسمعني ..

ليش تفكر بالانتحار؟؟ استغفر الله العظيم.. الانتحار أبدا لم يكن الحل لأي مشكلة كانت..!

والتعب النفسي شي ضروري.. اي واحد نفس حالتك لازم يتعب نفسياً.. انصحك تروح عند طبيب نفساني يهديلك الأمور

ليست مشكلة انك تروح عند طبيب نفسي !! ولكن المشكلة انك تكتم اللي داخلك .. هذي أكبر مشكلة.

ترى كل واحد لازم يمر في أزمة تغير مسيرة حياته..شاء أم أبى..

وانت استغل هذا الأمر واقلبه تحدي.. تحدي لولد عمك, تحدي مع نفسك, تحدي للناس الكارهين لك, وبتشوف كيف تتغير حياتك, واذا على الزواج

والله ربي ما راح يخليك.. وبيرزقك البنت الصالحة اللي بتعوض عليك كل مافات..

اشتغل شغلة ثانية اذا قدرت, لا تترك لنفسك وقت فراغ, عشان ما تتذكر اي شي, وحاول انك تتعرف على ناس جدد

وخلك اجتماعي, ترى الكبت يؤدي الى أمراض نفسية كثيرة, وأنا أول واحد مستعد أكون صديق لك وأعز صديق والله العظيم..

وأي سؤال استفسار أي شي تبيه أنا بالخدمة..

[FoLTriNg]

انا ادري انكم تقولون هل الكلام عشان تواسووني

لكني فعلاً وصلت لمرحلة اني انتحر لكني حاولت اكثر من مره وفشلت

ومسكني واحد كنت ابي انتحر ومنعني من هذا الشي

انا ياعزيزي القار منهااااار انهيار تام

لا استطيع ان اركز او ان انسى

ابي قال لي لو عتبت باب البيت بسكر رجلك وحتى اخواني نفس الطريقه


انا اعرف ان كل هذا حرام والله على الظالمين

لكن هاجس الانتحار يعوود لي من حين لأخر

انا لي اريد صديق يعطف علي لاني مجهول الهويه ولا اريد احد يحن علي

فانا امر بمرحلة تحول

وانا في داخلي افضل الانتحار ولكنني افشل في هذا الامر
والله اني ادعي في صلاتي ان الله يقبض روحي وارتاح


ونحن لسنا مسلمون كما ينبغي فقط نحمل اسم الاسلام لو فعلاً نحن مسلمون لم يفعلو بي هذا

انا افكاري ضائعه وضعي صعب
كلكم تكتبون مالا تشعورن

لاحد يفهم ما انا فيه او هل يرضى احد فيكم ان يصادق لقيط او ماهي ردة فعل اهلكم لو عرفو ان صديق ابنهم لقيط ؟؟

اه ياقلبي واه يازماني

وجزاكم الله خير على كل مشاعر طيبه

لو لم ارد عليكم فعلمو انني انتحرت

[Yoshi]

شوف يا اخي الكريم .. دعنا عن الهياط والبياط .. انا جيتك وكتبت ردي لكـ وانا فاهم نفسيتك وفاهم وش تكتب ومارديت عليك الا أني مهتم لأمركـ
نظرتي لك ليست نظره رحمه او عطف .. ولاكن نظره قهر !! بعد هالعمر اقرب الناس لي تقولي لاتقرب عتبت بيتي .. الله غني عنهم مثل ماقلت لك من قبل وارجع اقرى كلامي ...



والله اني ادعي في صلاتي ان الله يقبض روحي وارتاح



كل نفس ذائقه الموت ماحد يدري متى يومه ,, ولافي احد بيعمر طول الوقت
يمكن يومك بكره اليوم بعد بكره الله اعلم .. تحمل واصبر الفرج من رب العالمين




ونحن لسنا مسلمون كما ينبغي فقط نحمل اسم الاسلام لو فعلاً نحن مسلمون لم يفعلو بي هذا





قل هم ولا تقل نحن " بالتعميم" .. بالنسبه لي ماهي المشكله ان اصادق لقيط او معاق او مريض او اي شي ؟؟ دام انه يعرف ربه ويصلى فرضه ويشكره على النعمه اللتي اعطاها إياها


هل تعلم ان غيرك محروم من النظر ؟ هل تعلم ان غيرك محروم من الكلام ؟ هل تعلم ان غيرك محروم من المشي من الحركه الخ الخ الخ




دام ان الله اعطاك الصحه والبسك ثياب العافيه فأجهد نفسك في طاعته واصبر ( فإن مع اليسر يسرى ) انا لست بشيخ او واعض لكي اعطيك هذا الكلام ..




وإنما كما يقولون حاجه في نفس يعقوب .. اتمنى لك الهدايه ويتسهل طريقكـ وتتوفق الا على فكره !!




ليش ماتصير عضو دائم وتشاركـ معنى ؟ راح تفرحنا مشاركاتك بالأقسام الباقيه وتتعرف على افراد واصدقاء اكثر ماعندك عذر يوجد كل الأقسام !!




حتى الرياضه يعني تبي تنحاش :P




Cu around brother ^.^

[رزدنت]

الحمدلله في السراء والضراء

[FoLTriNg]

الله يطلف بحالي فانا لا انام الليل
والله وحده هو اعلم بما احس

كل حين والثانيه اتذكر وضعي واتذكر كلماتهم لي واجهش بي البكاء لا شعورياً

انا فقدت السيطره على نفسي وعلى اعصابي

احس بيدي ترتجف من نفسها

يارباااااااه ياربااااااااااه

[متعب سعد]

وما نيل المطالب بالتمني * ولكن تؤخذ الدنيا غلابا

هذا بيت شعر أتمنى أن تحفظه وان تتذكره دوماً..


الرد السابق ليس من باب المواساة فقط, بل أيضاً من باب التآخي والتآزر, وما فرقنا عن الأمم الباقية اذا نحن لم نؤازر بعضنا ونواسي؟
أتمنى أن تبقى على اتصال معنا سواء عن طريق المنتدى أو الفيس بوك أو الأيميل أو أي طريقة تواصل تريدها.

وتأخرك في مراجعة موضوعك أثارت شكي!
هل حصل شئ يا أخوة؟
أتمنى أن تعود سريعاً..

[King36o]

كونك لقيط لا يقلل من شأنك كـ انسان شريف ,, و الأنسان لازم يكون ايمانه قوي بربه مهما حصل ,, فـ الله اذا حرم انسان من شيء فأنه يعطيه البديل

و انت واضح عليك شخص طيب و حسن الخلق و اكيد تستاهل معاملة احسن من الي يعاملونك فيها ,, لكن مهما قالوا لك لا تسمح لهم يقللون من شأنك

لأن بالأخير كلنا بشر متساويين ,, كلنا عبيد لله و مافيه شي يفرق بينك و بين ولد عمك و بين زميل عملك و بين صديقك و بيني ,, و تذكر واجبك كـ عبد

ادي واجباتك الدينية ,, اقرأ القرآن بشكل يومي ,, 5 صلوات باليوم و خصوصاً صلاة الفجر في جماعة لا تنساها ,, لن تجد النور في نهاية النفق الا اذا سلكت الطريق الصحيح

[Night Road]

انت كنت حاس انه فيه شي غلط. وعرفت بعدين ليش. والناس الي حولك بانوا على حقيقتهم. الحمد الله انك عرفت أصلهم وحقيقتهم الآن وليس وانت مثلاً متزوج وعندك عيال. وقتها حتكون صدمة اكبر عليك. هذي نعمة انك عرفت الحين ومش بعدين .,.
كلنا حنموت. بس مو معناته ننتحر اذا تخلوا الناس الي حولنا عننا. في الدنيا ماينفعك غير الله. ومحد يستمر معاك غير الله سبحانه وتعالى. تقرب من الله واخلص النية. واحمد الله انه حياتك الزائفة انتهت وطلعت من بين الناس الي مايبغوك. مع انهم المشكلة هم الي تبنوك وبعدين يقولوا لك لا تعرفنا ولا نعرفك. مايستاهلوا صراحة تزعل او تفكر فيهم. بعدين لا تشيل هم. يوم القيامة ان شاء الله تاخذ حقك منهم .,.
بالتوفيق لك وان شاء الله تتيسر امورك ...

[FoLTriNg]

اهلي اقاموعلي دعوووه ؟؟

يقولون اني سارق منهم فلوس وذهب ؟؟؟


انا اكلمكم وانا في السجن من الجوال

[Amanda~]

كل الناس يعانون مشاكل من الاهل والاقارب هذا شيء منتشر بين الناس ولاهو جديد حاول تتعرف على اصدقاء يريدون لك الخير ويحبوك
اذا اهلك بدأو يضرونك افضل حل انك تكون بعيد عنهم وتلقى لك اصحاب طيبين يخافون الله وتقرب من الله وصلي وادعي وبتلقى الامان في طاعة الله وتزيد قوتك
تذكر ان الله اذا احب عبد ابتلاه ولاتحزن على هذي الدنيا انما هي ايام وستمضي سريعه والاخره خير وافضل ان شاء الله
وحمد لله انك عرفت الحقيقة الحين موب متاخر لانك الحين شاب تقدر تبداء من جديد اعتبر ان اليوم هو اول يوم لك بحياتك وابداء من جديد
بيكون شيء صعب اكيد لكن ربي يكون في العون والحفظ دائما

[Ran Morie]

قل هم ولا تقل نحن " بالتعميم" .. بالنسبه لي ماهي المشكله ان اصادق لقيط او معاق او مريض او اي شي ؟؟ دام انه يعرف ربه ويصلى فرضه ويشكره على النعمه اللتي اعطاها إياها







دام ان الله اعطاك الصحه والبسك ثياب العافيه فأجهد نفسك في طاعته واصبر ( فإن مع ال العسر يسرى ) انا لست بشيخ او واعض لكي اعطيك هذا الكلام ..



دي واجباتك الدينية ,, اقرأ القرآن بشكل يومي ,, 5 صلوات باليوم و خصوصاً صلاة الفجر في جماعة لا تنساها ,, لن تجد النور في نهاية النفق الا اذا سلكت الطريق الصحيح
اتمنى ان يكون اخونا الكريم بخير ... وفقك الله واعانك واسعدك في الدنيا والاخرة .... اللهم اني عبدك ابن عبدك ابن امتك في قبضتك ناصيتي بيدك ماض فيّ حكمك عدل ٌ في قضاؤك اسألك بكل اسم هو لك سميت به نفسك او انزلته في كتابك او علمته احدا من خلقك او استأثرت به في علم الغيب عندك ان تجعل القرآن العظيم ربيع قلبي ونور صدري وذهاب همي وجلاء حزني .. آمين يا الله

[FoLTriNg]

انا اكلمكم وانا في السجن الان

وهذا هو الاسبوع الثالث وانا موجود فيه

وعلي 4 تهم لا اعلم ماذا افعل او بما ارتكبت

حسبي الله ونعم الوكيل
ادور احد يكفلني مالقيت كلهم تخلو عني

والي يقدر يساعدني راح ادعيله طول عمري
والي يقدر يساعدني جزاه الله خير والي يدخل ويكتب ادعيه لايدخل انا في محنه

انا اخوكم المسلم ساعدوني

[متعب سعد]

انا اكلمكم وانا في السجن الان

وهذا هو الاسبوع الثالث وانا موجود فيه

وعلي 4 تهم لا اعلم ماذا افعل او بما ارتكبت

حسبي الله ونعم الوكيل
ادور احد يكفلني مالقيت كلهم تخلو عني

والي يقدر يساعدني راح ادعيله طول عمري
والي يقدر يساعدني جزاه الله خير والي يدخل ويكتب ادعيه لايدخل انا في محنه

انا اخوكم المسلم ساعدوني

أي سجن؟

في أي مدينة؟

[FoLTriNg]

الرياض الناصريه
تكفون يامسلمين افزعو لي
تكفون تكفون

مابي بس ابي كفاله
الله يستر عليكم دنيا واخره

[ولد ابوظبي]

السـالفه معقده .. ومافي من هني والدرب والناس تتهمك والشرطة بتاخذك للسجن من دون اي مقدمــات

وكيف يحطونك فالسجن وماثبت عليك التهمه

يعني معقوله ماعندك ولا صديق قريب .. او بعيد ..

طيب ماشرحت سالفتك للقاضي .. للشرطي


يعني مب من الممكن انهم لانهم يكرهونك اتهمونك بدون اي دليل .. اولضابط يتفهم ويحكم

الله يعينك .

[FoLTriNg]

8
8
8

ماعندي صديق
لكن ربي سبحانه هو صديقي وهو رفيق دربي

انا طلعت من السجن بعد شهرين بتهمه ملفقه لي
ولد عمي هو من حط طقم الذهب بشقتي بدون علمي بغرض الانتقام
واخبر اهلي اني سارق طقم ذهب فصدقوه

وفعلاً تم تفتيش شقتي وسط استغرابي ومن بعدها تم سجني

لكن عيال الحلال ساعدوني وصدقوني
وتنازلو اهلي المزيفين عني

وبعدها سجلت علي سابقه
ولا استطيع ان اعمل ولا استطيع ان اتوظف شهادتي اصبحت بلى فائده

اصبحت الان اغسل سيارات في الشارع واعمل اي عمل اراه يكفني عن سؤال الناس

لدرجه اتاني رجل اجنبي الجنسيه
واعطاني حفنتاً من الريالات تعاطفاً معي ):
اصبحت ارحم نفسي الى ماوصلت اليه .. اجنبي يتصدق علي وانا في بلدي
كم هو شعور سيئ حينما تجد الاجانب يقدمون لك الصدقات

وانا امس في اليوم الوطني
لم احس بلفرح بل كنت اغسل السيارات
والكل يزجرني شلون سعودي وتشتغل هذا الشغل
لقد بكيت بكاء مرير حينما شاهدت العوائل وهم فرحين وتمنيت ان يعود الزمن الى الخلف لكي استعيد امجادي

ومع هذا انا في مملكة الانسانيه
سامحوني على ازعاجكم

[ام ابـراهيم]

8
8
8

ماعندي صديق
لكن ربي سبحانه هو صديقي وهو رفيق دربي

انا طلعت من السجن بعد شهرين بتهمه ملفقه لي
ولد عمي هو من حط طقم الذهب بشقتي بدون علمي بغرض الانتقام
واخبر اهلي اني سارق طقم ذهب فصدقوه

وفعلاً تم تفتيش شقتي وسط استغرابي ومن بعدها تم سجني

لكن عيال الحلال ساعدوني وصدقوني
وتنازلو اهلي المزيفين عني

وبعدها سجلت علي سابقه
ولا استطيع ان اعمل ولا استطيع ان اتوظف شهادتي اصبحت بلى فائده

اصبحت الان اغسل سيارات في الشارع واعمل اي عمل اراه يكفني عن سؤال الناس

لدرجه اتاني رجل اجنبي الجنسيه
واعطاني حفنتاً من الريالات تعاطفاً معي ):
اصبحت ارحم نفسي الى ماوصلت اليه .. اجنبي يتصدق علي وانا في بلدي
كم هو شعور سيئ حينما تجد الاجانب يقدمون لك الصدقات

وانا امس في اليوم الوطني
لم احس بلفرح بل كنت اغسل السيارات
والكل يزجرني شلون سعودي وتشتغل هذا الشغل
لقد بكيت بكاء مرير حينما شاهدت العوائل وهم فرحين وتمنيت ان يعود الزمن الى الخلف لكي استعيد امجادي

ومع هذا انا في مملكة الانسانيه
سامحوني على ازعاجكم


لا حول و لا قوة إلا بالله
لي عودة لكي أرد عليك.

[Karazhan]

السلام عليكم

بعد ما قرأت قصتك الفاشله عرفت ان انت انسان كذاب

و قمت بتأليف هذي الروايه ونسبتها لنفسك عشان تكسر خاطر الناس وتشوف ردت فعلهم

لأنك انسان مريض , وفيك نقص بالعطف والحنان

انا لما قرأت كلامك رأيت امور كثيره خطأ , يعني لو تحب تكون مؤلف وتسوي مسلسل لرمضان نفس القصه اللي كاتبها راح تفشل فشل ذريع

لأن الاخطاء كثيره بروايتك , انا ماراح اعدد اخطائك كلها ولكن بقولك امر واحد واترك باقي الاخطاء يكتشفونها المشاهدين

تقول انك سمعت بعد ما عرفت انك لقيط , ان امك وابوك المزيفين اخذوك من ملجأ , طيب اذا اخذوك من ملجأ كم كان عمرك ؟ واكيد اذا كنت كبير وقتها راح تذكر هالشي

ثاني شي بالسعوديه واهي بلد مسلم كيف ينسبونك الى ابويك الجديدين ؟ والسعوديه ماعندهم التبني نفس امريكا , ولعن الله من انتسب لغير ابيه

شلون يسجلونك وينسبونك لأبوك وامك المزيفين على حد قولك ؟

اما اذا ما نسبوك لهم فهذه مصيبه لأن بعد العمر هذا كله تكتشف ان اسمك يختلف عن اسم اخوانك وابوك يختلف اسمه عن اسم ابوك اللي متبنيك

ثاني شي تقول ابوك طردك وقال بما ان الناس اعرفت انك لقيط اطلع من بيتي

ابوك هل لما راح يتبنى اي طفل وطلعت انت المحظوظ بالتبني كان يريد اي طفل لأن الله لم يرزقه بأطفال ؟ تقول عندك اخوان وانت اكبر واحد , يعني ابوك بالتبني اول ماتزوج راح الملجئ يبحث عن طفل للتبني ويجهزه مع اثاث المنزل ؟

طيب لما تبناك كان خايف ان يفضحون امرك وعايشين عشان يخفون حقيقتك ؟ ولما اكتشفوا الناس طلب رحيلك ؟ ليش من البدايه تبى طفل دام اهو مو قادر يفصح للناس هذا الامر

ولد عمك فجأه كرهك وقال بحفل الزفاف ؟ ليش ماقال من زمان لما كنتوا اطفال , عالاقل الطفل يقول اي شي بدون لا يكترث للنتائج , اما ولد عمك قالها على كبر لما بلغتوا مبلغ الرجال ؟

ابوك بالتبني حن قلبه و اخذك من الملجأ ورباك صغير وتحملك لما مرضت وامك بالتبني سهرت عشانك وبالاخير يقولولك اطلع من بيتنا بكل هذي السهوله ؟ بدون مايحن قلبهم عليك حتى وان كنت لقيط ولكن الرحمه موجوده

والناس ارحموك وانت صغير ولما تكبر وتكون واحد منهم وعشان اكتشف امرك قالوا ارحل ؟؟

يااخي امور كثيره لا تدخل العقل بموضوعك , وانا ماابي اعددها ولكن انت حبيت تنتقد بلد مو شخص لقيط وبس

خصوصا ان اخر كلامك "وانا في مملكه الانسانيه"

ماادري اذا كانت الجمله صحيحه نفس ماكتبت او لأ ولكن انت جبت طاري بلد الانسانيه , يعني جايب قصه كلها كذب وبالنهايه تنتقد البلد ؟

عيب عليك والله تضيع وقت الناس على خرابيطك

[رونالدو09]

والله انك مريض انا تعبت نفسي بقراءه السالفه البايخه حقك وش اللي ينسجن 3اسابيع وتسجل عليه سابقه وبعدها يقوم يغسل سيارات وعايش طول عمره مايدري ان اسمه يختلف عن اسم اخوانهلا والفلم الهندي ولد العم اللي حاقد عليك من الباب للطاقه وخلاك تنطرد وفضحك وماكفاه راح وسرق الذهب من بيت عمه يعني عمك حاط ذهب مرته بالمجلس مثلا؟ لا وبدال مايبيعه ويتهمك راح وحطه في شقتك (مدري كيف دخل الشقه) انت مسويله نسخه من المفتاح مثلا؟ وراح جابلك الشرطه ودخلوا يفتشون البيت زي الافلام المصريه بدون مايقولونلك وش السالفه ومسكوك وانت مازلت مستغرب مالذي يجري!!!!!انا أرشحلك سالفه الانتحار لأنك مريض نفسي وماتستاهل تعاطف الناس الصادقه اللي كانوا يردون عليك ويدعونلك وإنت قاعد تلعب عليهم

[Karazhan]

انا اضم صوتي مع رونالدو توكل على الله وانتحر ، احد لاقيها بالزمن هذا ، انا عندي سؤال للأخوه السعوديين ، الملاجئ اللي فيها الاطفال اللقطه تتبع الدوله ووزاره الشؤون الاجتماعيه او مملوكه لأشخاص يتاجرون بالاطفال ، وعادي بالسهوله تاخذ اي طفل وتروح التسجيل الشرعي بالمحكمه وتسجله بأسمك ؟ احنا بالكويت اذا تبي تغير اسمك او حرف بأسمك تحتاج ترفع قضيه فما بالك بتسجيل طفل بالتبني واهو محرم شرعا ، وانا شفت بعض الاعضاء حاولوا يساعدونك لكن انت تتهرب لأنك ماتحتاج مساعده ولكن تحب انك تشوف رده الفعل لذلك تتحاشى الالتقاء بأحد ، ولو كنت صادق قابل اي عضو مننا ويشوف حالتك ويشوف سكنك ووضعك ويبحث بالملجأ في سجلاته هل صحيح انك كنت نزيل ، وياخذ رقم القضيه ويشوف هل صحيح ضدك قضيه سرقه ومسجله بأسمك ، ياعزيزي بلد قانون مو الدنيا فوضى ولو حتى ماعندك محامي المحكمه توكل محامي مجانا لك ، بس مااقول بالنهايه الا توكل على الله وانتحر

[ام ابـراهيم]

أخي ولد بطنها و اخي رونالدوا.
إن كان كلامكما صحيح فهذا عيب { يضحك علينا بقصة من صنع الخيال و نحن تعاطفن معه لأننا طيبون}.

لا أريد أن أظلمه , لأن بعض الظن إثم .

لكن أنا و بقية الأعضاء علقنا على ما كتب الأخ و لم ندخل في النواية.
فإن كان يعيش بصدق هذه المشكلة فنحن ساعدنها و سيكون في ميزان حسناتنا.
و إن كان ما كتبه ليس له أي صلة بالواقع بإذن الله سيستفيد من هذا الموضوع .
من يعيش حالته, لكن لا يستطيع أن يواجه العالم بحقيقته.
يعنى نحن الأعضاء لن نخسر شيئا إن كان يقول الصدق او يؤلف قصص ألف ليلة و ليلة..

الله يهدي الجميع .

[Karazhan]

السلام عليكم

اخت استغفار

انتوا كلامك جميل وتستحقون الشكر عليه , ولا غبار عليكم

ولكن يااختي هذا المجنون كتب كلام لايدخل العقل , من البدايه الى النهايه كلامه مافي كلمه وحده صحيحه

لو ان هذا الشخص المريض من دوله شيوعيه او في روسيا الان ومن المناطق البعيده عن العاصمه والتي غالبا ماتكون تحت سيطره المافيا , اصدق كلامه لسبب , لان هناك بشر تعبد المال ومستعدون لفعل اي شي مقابل المال

مثلا يتم خطف الاطفال والفتيات وبيعهم لأناس مرضى يقومون بعمل الافلام الاباحيه والترزق من ورائهم

دوله شيوعيه رأس ماليه لاتهتم للفقراء والمشردين , ولا تهتم الى اللقطاء ولا تكترث لهم , كيف يتحملون عبئ تكاليفهم من مسكن وملبس و طعام

اذا قال انهم من هناك والله اصدق كلامه

اما يأتي ويقول انه سعودي واكتشف لما اصبح عمره 28 سنه انه لقيط , وكان موظف والان يغسل السيارات ويسكن لوحده بشقه

كلام فارغ

خليني اتكلم بالعاميه او اللهجه الكويتيه

احنا مئل ماانتي عارفه ممنوع ننسب احد لغير ابيه , وهذا الشي محرم شرعا , شلون هذا تم نسبه الى هذا الرجل اللي يقول انه ابوه , شلون عاش معاهم طول الفتره و كبر وتوظف والحياه ماشيه اخر حلاوه

فجأه يفضحه ولد عمه في عرس , وتنقلب الحياه كلها مره وحده

اتهم بالسرقه و سجن

فصل مو الوظيفه

تبرأ منه ابوه وامه

غسل سيارات

سكن بشقه

ماعنده اصدقاء

غير متزوج

بعد شنو ترك عشان يعطي قصته طابع الغلابه ؟

عشان يعميها مره وحده ومايترك عنده اي حل او بصيص امل قال ان حتى اصدقاء ماعنده

معقوله يا استغفار هذا كلام شخص سعودي في مجتمع اجتماعي

مستحيل احد بالدنيا ماعنده اصدقاء

غير ان هذا المجنون ترك اللجان الخيريه وترك المؤسسات الخيريه وترك بيت الزكاة وترك وزاره الشؤون

ترك كل هؤلاء وتدرين شنو عمل ؟ سجل بالمنتدى معانا عشان يشرح الحاله اللي يعاني منها

ولما قالوله مثل الاخ يوشيمتسو و لمح له ان يضيفه بالماسجر وماله الا اللي يرضيه , يعني الفهيم يفهم

هرب وقال مابي مساعده او امتنع , يعني ليش يشكيلنا دام انه مايبي شي ؟

يروح اقرب مسجد ان كان يحتاج الدعاء ويطلب من الناس يدعوله

مثل ما قدر يشتغل غسال سيارات مافيها شي لو يخلص من الصلاة ويطلب منهم عند باب المسجد قبل الخروج انهم يدعوله

هذا الشخص مجنون ومريض الله يعينه على نفسه , ويقعد يألف القصص عشان يشوف تعاطف الناس شلون راح يكون و يماطل بسرد القصص يوم بعد يوم الى ان يترك المنتدى او يدخل بأسم اخر ويبدأ من جديد بموضوع جديد

هذا مو محتاج شي وعنده خير ولكن حب استطلاع فقط و يوهم الناس انه مسكين ومغلوب على امره , وله انا اتحداه ان يقابل اي عضو مننا

ولو كان بالرياض انا مستعد اوصي ناس عليه يروحوله لغايه باب شقته ويشوفون الوضع هل صحيح او غير صحيح , عندي معارف بالرياض , بس يعطيني العنوان وارسله لهم ويشوفون بعيونهم واذا فعلا محتاج انا ارسله مصرف شهري

ويعطي الناس اللي اوصيهم عليه رقم القضيه التي رفعت من قبل ابن عمه المزعوم "سابقا" قبل مايعترف انه ليس ابن عمه , ويشوفون عن طريق المحكمه هل صحيح في قضيه بالرقم هذا واسم الشخص

يااخت استغفار لا يخدعج هالنوع من المجانين . هذا يعرف ان خلف كمبيوتر ولا احد يشوفه او يسمع صوته ويكتب على كيفه

ولو صحيح كلامه كان اقل شي ان يروح المحكمه يرفع دعوى على ابوه و يوفرله سكن مناسب و مصرف شهري , بكل دول العالم هذا الشي وحتى بالمحاكم الاسلاميه عندنا

لأن يحمل اسم ابوه بالبطاقه الشخصيه وجميع الاثباتات , واذا قال اسمي غير واسم ابوي المتبنيني غير فهذه مصيبه

لأن الى ان اصبح عمره 28 سنه اكتشف عن طريق ابن عمه ان هذا ليس بأبيه ؟؟

يعني يا ان يرفع دعوى وياخذ حقه من ابوه او ان ابوه ينكر نسب الابن ويقول ان تبناه صغير

والولد للفراش , قانونيا اذا الوالد لم ينكر ابنه او الطفل المنسوب اليه بفتره الحمل ينسب اليه بالطيب او بالغصب

وبما ان هذا المجنون عاش 28 سنه عند ابوه فالوالد ماله حق ينكر ابنه

واذا عمل DNA هذي مصيبه اكبر لأن راح الولد يستفيد في النهايه من تعويضات مجزيه ويرفع قضايا على وزارة الشؤون وعلى الموظف اللي باع الطفل والى الوالد الذي اشترى الطفل

يعني اذا طلع الولد يختلف عن ابيه بالبصمه الوراثيه غصب على الاب انه يصرف على صاحب الموضوع لأن اهو اللي سرقه ونسبه اليه وراح يحكمون لصالح هذا المجنون وحتى ياخذ نصيبه من الورث بعد

كلام فارغ من بدايته الى نهايته

وانا مااعتقد ان هذا راح يرد بعد على موضوعه بعد مااكتشف امره , وانا اتحداه اذا رد علي

لأن ماعنده شي يقوله ولكن بالبدايه استغل طيبتكم المفرطه قبل ماتتأكدون من الشرع و من قوانين البلد وحتى البلدان الاجنبيه ماعندهم احد يقدر يروح الملجأ ويختار طفل عشان يتبناه

حتى امريكا اذا طلب احد الناس تبني طفل , يأتي مندوب و يعاين وضع الاسره الجديده هل تملك مدخول مجزي وهل تملك سكن مناسب وهل هم اسره محترمه وافرادها خاليين من الجرائم

شلون بالسعوديه يذهب رجل صباحا الى ملجأ ويأخذ طفل ثم يذهب الى ادارات الدوله لتسجيل نسب الطفل اليه واستخراج اوراق ثبوتيه و يعود ظهرا الى المنزل مع طفل ؟

شي مايدخل العقل بتاتا

ناهيك انها السعوديه واللي اهي البلد الوحيد اللي يطبق الشريعه اكثر من غيرها من البلدان الاسلاميه


اعذروني على هذه الاطاله يااخوان , ولكن الموضوع والمجنون صاحب الموضوع اخذوا فوق حقهم

[Yoshi]

حسناً بما ان الأخوان فتحوا الموضوع من جديد سوف اتحدث :)

بعد ردي الثاني له وعندما سألته إن كان يحتاج مساعدهـ او اي شئ اخر فأنا مستعد وليراسلني ولاكنه لم يفعل ..

بعدما قرأت انه مسجون ثم فصل من عمله الخ الخ الخ

عرفت ان المسأله كلها ملفقه وكل القصه هرقطه X هرقطه ولذالك امتنعت عن الرد عليه
ومثلما تفضل الأأخوان ولد بطونها + رونالدو يجب ان تستحي على وجهكـ .. قبل كتابة المواضيع
إن كنت تبحث عمن يساويكـ ويرحمك فلا اظن مكانك هنا .. مثل ماقال ولد بطونها رح انتحر افضل لك XD


سلام

[ولد ابوظبي]

هههههه يهال اخر زمن .. من اول مارديت كتبت السالفه معقده ..

ومشكور ولد بطونهاعلى رحابة صدرك وكتابتك هالرد المفسر والمدقق ..

عطوه باند وقفلوا الموضوع

[Al Bhed Girl]

الأخ ولد بطنها كشف كل كذبة وادعاء باطل بشكل منطقي ،، ولا أظن ان صاحب الموضوع سيرد مرة اخرى ..

كما انه يستحق الايقاف لإضراره بالأعضاء والاستهانه بهم ،، الموضوع يغلق