موضة ( تعليم كمال أجسام ) عند بعض الشباب..

[متعب سعد]

كيف الحال؟ :)

بعد غياب عن النادي استمر لمدة شهر بسبب ظروف الإمتحانات النهائية والتحضيرات لها..

طبعا الجسم خامل والعضلات كلها نايمة + أضف الى ذلك ان الأكل ما قصرت معاه ايام الامتحانات..:32:

رحت اليوم للنادي.. وبسم الله دخلت في أول تمرين, شوي ويجي واحد من اللي يتمرنون ويقولي ياكابتن

ممكن جلسة بجلسة؟ قلت مافي مشكلة :)

في هذه الأثناء هو كان واقف جنبي, ويشوف أدائي للتمرين كيف! فجأة.. قال انت تنشف؟ قلت لا والله بس على وشك

قال: لالا أحسنلك كمل ضخامة كم شهر كذا بعدين اذا بغيت تنشف ترى التنشيف كله أسبوع !!!!!!!

أنا من القهر اللي فيني صحت فيه: أسبوووع؟؟؟؟ قال ايه اسبوع ويصير الجسم زي الفل..

طبعاً أنا لا تشوفوني ذاك الوقت.. شوي وانتحر من القهر من الفلسفة اللي في غير مكانها..

واللي قاهرني زود ان الكلام هذا لو جاني من شخص قديم في اللعبة أو على الأقل جسمه كويس

والله ممكن أتقبله.. لكن الشخص هذا لا هذي ولا ذي.. فـ ليش الفلسفة؟

وصراحة المواقف اللي زي كذا صادفتها كثير في النادي..

اذا عندكم مواقف زي كذا .. أتمنى تنورون الموضوع عشان نستفيد..

[اطول 1]

هههههههههههه
عادي عادي

انا قبل كم يوم كنت اسولف مع واحد بالنادي يقول انه ماشي على برنامج تنشيف
طبعا سالته عن برنامجه الغذائي
وكان برنامج مقبول

بس بعد ما شرحلي البرنامج قالي انه عنده يوم مفتوح كل اسبوع
جيت قلت بنفسي ما شاء الله عليه

وبعدين سالته عن اليوم المفتوح قلتله عطني وجبه مثلا منه :33:

قالي بروستد
طبعا انا وجهي صار كذا :blackeye:

المهم قلتله الله يوفقك ومشيت :silly:

[SDal]

بما انه شخص قديم باللعبة .. فصعب يعتبر كلامه جهل,
فممكن هذي تكون الخطوة الاولى .. و الخطوة الثانية, اسبوع لكن خذ مني كذا و كذا و كذا و اضمنلك باسبوع تصير موديل ..

[Heartbeat]

الشخص مو قديم باللعبه
صاحب الموضوع يقول لو كان قديم باللعبه :)
على العموم اخوي هذا الشخص
اكيد كان ضحية نصائح من عديمي الخبره
وحب ينقلها لك :)

[speed nawaf]

أكره شي أن أقابل شخص في النادي فلسفة زائدة جدا عن اللزوم من قوتها ودي أعطية كف

[PATE]

:jap017::jap017::jap017:
والله تبي تعيش وتشوف تحف، نصائح من ثاني أسبوع ويوجه الشباب ، كأنه صار له سنوات، ويألف تمارين من عنده

ربي يكون بالعون

[saasoo]

يا اخي والله هذي الاشكال كثير الله يكفينا شرها

اجل اسمع مني

انا يوم كنت طالع من حمام البخار وعلمك اذا طلعت من البخار يكون الجسم كأنه فيه زيت وتلمع العضلات:biggthump

ومن قرادة حظي المقرود شافني واحد انا ما اعرفه ولكن اعوذ بالله من وجهه كان يحرقني بعيونه حرق ومر اليوم
على خير ... اليوم الي بعده
اول ماشافني جاني بسرعه تقول جالس يستنى من الصبح
وانا جالس اتمرن اكتاف

اول ماجاء قالي

جسمك فاشل
ويقولي تمرينك غلط وشايل وزن خفيف

يقول انا اقدر اشيل كثره مرتين <<<<طيب وش اسوي لك

... انا ساكت ولا تكلمت لكن اقول في قلبي خله يفرق حرته عشان الله يكفينا شره وشر عينه

يوم خلص وحسيت انه ارتاح نفسيا الله يهلكه..... بدأ وقت الزف

اول شئ قلت له اعرفك يالحبيب وشافني خويي وجاء وعلمناه ان ربي حق


المهم بعد كم يوم الغبي وش مسوي

جالس يتمرن باي على الدنابل
ويصارخ وازعاج ومسوي زحمه والشارع فاضي ... وجاء له رجال وخذ الدنبل منه وقاله يا..... الله يكرمكم الدنابل اوزانها تفرق الغبي شايل واحد 15kg وواحد 10kg ولا يدري

وشل شلايله ولاكمل تمرين انا قلت في قلبي احسن الله يفكنا منك ومن حقدك

ومن بعدها ماشفته لاني غيرت وقت التمرين بسببه


اسف على الاطاله
تحياتي

[Azo0oz88]

اقول الحل : اشتري سماعات وام بي ثري وعيش حياتك في الجيم ولك مني ان محد يقربك ولاتضيع وقت مع المتفلسفين ... ذكرتني بواحد كان يقولي : تصدق بالله ان ارنولد مااخذ ولاحبة امينو ههههههههههههههههه وش اسويله ذا اذبحه ،، وتحياتي للجميع

[saasoo]

هههههههههه
اما ما اخذ ولا حبة امينو

والله ودك تجمع هالاشكال وترتكب فيهم جريمه وترتاح وتريح جيرانكم وتريح الحاره وتريح اهل المدينه وتريح اهل الدوله وتريح الكره الارضيه وووووو ونسيت سكان المريخ بيرتاحون بعد هع هع

تحياتي

[abu kinan]

الموضوع بسيط جدا وهو آيبود وسماعات وانتهينا وقلة الكلام تزيد التركيز بالتمرين وتحافظ على الجسم حار وتختصر الوقت وعندي قاعده ثانية لو شفت واحد يتمرن غلط 100% ما اكلمه ولا اقول شي لأنه ببساطه هذا ماهو شغلي في مدرب يوجهه وهو مسؤول امام الله عنه في الصاله اذا كان يتمرن صح او غلط ، صحيح المدرب عندنا تشوفه بالمناسبات فقط في الصاله وخصوصا لما يكون احد مسجل جديد يبدي اهتمام فيه علشان يسحب عليه كم مكمل بس بالنهاية هو مدرب الصاله طبعا هذا لو ما جاك اللي يتمرن غلط وأصر على انه تمرينه صح او انه المدرب قاله يتمرن كذا الله المستعان

[بوخالد المحرقي]

ههههههههههههههه ضحكني اللي يقول ارنولد ما استخدم ولا حبه امينو

اذكر مرة كنت توني راجع الجيم عقب رمضان يعني شهر مالعبت
اول مابديت شي طبيعي بالعب على الاقل سبوعين اوزان خفيفه
وانا العب إلا ياني واحد يقول لي يالحبيب تر لعبك غلط والمفروض ماتلعب هاللعبه! ومن صجه ينصحني
انا انصدمت قلت يمكن صج لعبي غلط !!!!!
خلاني افكر اقول انا صار لي 5 سنين العب محد كلمني قال لعبي غلط معقووووله
شوي إلا واحد من الجماعه اللي هناك يقول ها عطاك فلسفلته ههههههههه قلت له ليش يقول عور راسنه توه من سبوعين يلعب
يمشي وينصح

[Bravehart88]

طنش تعش تنتعش ......

مدام انك واثق من نفسك اسحب على كل واحد يتميلح عليك في النادي ..


والحمدالله الشباب الله يرضى عليهم هنا مو مقصرين مع احد ..

[ابو علي 1]

المهم بعد كم يوم الغبي وش مسوي

جالس يتمرن باي على الدنابل
ويصارخ وازعاج ومسوي زحمه والشارع فاضي ... وجاء له رجال وخذ الدنبل منه وقاله يا.... الله يكرمكم الدنابل اوزانها تفرق الغبي شايل واحد 15kg وواحد 10kg ولا يدري

وشل شلايله ولاكمل تمرين انا قلت في قلبي احسن الله يفكنا منك ومن حقدك

ومن بعدها ماشفته لاني غيرت وقت التمرين بسببه


اسف على الاطاله
تحياتي



هههههههههه هاذا و الله موقف محرج
عالعموم حصن نفسك قبل ماتروح النادي و لا يهمك احد .

[عقيدالبيد]

والله مشكلة الناس هذي فهمها زيرووووو ليه عنده نقص يبغى يعوض هذا النقص عن طريق النصح عشان يكون علاقة صداقه معاك وانه انت على قدمك بالعبة تاخذ نصايح من واحد جديد ماله يومين موهذي الطامة انا قبل فترة وانا العب جاني واحد عيني عليه حااااااااره ما فيه جهاز بالجم ما تمرن فيه قال ترى الوزن خفيف زيده احسن لك طنشته شوي الا مقابلني عند الوضوء عشان الصلاة ويقولي والله الحديد يهدالحيل وانا كاتم ام الضحكة فيني قلت صادق بس خلنا نلحق الركعة لا تفوتنا وقبل كم يوم قاعد اتمرن تراي الا الرجال يجي ويلمسني من خصري واطالع فيه بحقد لانها وانا اتمرن مااحب احديمر بجنبي مررره قلت بنفسي الله يرزقك بوزن عشرين كيلو على اصبع رجلك الصغير عشان تعرف ان الله حق وتتركك من اللقافة ................

[THh Rock]

يا رب سترك من جد مشكله ذي النــاس ...!!!

[Initial]

الله لا يوريك... ذولي ياما شفتهم. و صراحه بعض الأحيان ما أقدر أسكت اذا كنت بالنادي وواحد يسوي التمرين غلط و فيه ضرر على نفسه فأنصحه لوجهه الله فقط لا غير. يقطوني وياهم بعدين :cray:

المضحك.... يسألوني كم لك سنه تلعب حديد... أقول لهم سنه وحده بس. بعض الشيبان يفقعون ضحك بوجهي و يقولون ما سويت شيء... أروح أوريهم صورتي قبل سنه أخليهم يهجدون خخخخخخ ;)

[buraydawi]

هز راسك وامش وخله

[goo baby]

بووووووو حدث ولا حرج انا الحمد لله جسمي تمام لاكن ناقصني تنشيف
جاني واحد يقولي ماشالله جسمك ميه ميه بس ناقصه تنشيف
جان يقولي في حبوب اسمه ليبو 6 يقولي هاذي تنزل وزنك فلشهر 20 كيلو !!!!!!!!!!!!!!

[i_Zahik]

اللي حصل انه المدرب انا وياه زبطنا جدول تمارين high-intensity اللي يكون فيه التكرار عالي (15 لـ 10) , مع اقصر فترة ممكنة للراحة بين الجلسات مع تمرينين super-set. والنتيجة بما اني جديد على هدا البرنامج , اني منزل الأوزان شوية , وللجديد على النادي , ابدو كأني مبتدأ مع اني لي سنتين في النادي. وجاني اخي في الله صاحب الدقنة جزاه الله خيرا وجا يصحح لي الترايسبس اكستنشن ويصر انها 99% غلط .. وينصحني بسؤال الغير في حال ماكنت متأكد واني ازبط جدول مع المدرب واني ما اتغيب عن ايام التمرين .. خخخخخخخ وانا اعطيتو نظرة الصدق وخليتو يتعمق في نصائحه وانا نفسي انفجر من الضحك خخخخخ

[amma271]

لازم توسع صدرك و تكون روحك رياضية و أهم شي ترد بلباقة

يعني ممكن تبتسم في وجه الرجال و تقوله ان تمريني متأكد منه و آخذه من مصدر موثوق و من هالكلام

لأنه بعض الأحيان يجيك واحد بنية صافية توه المدرب معلمه على طريقة التمرين فيشوفك تلعب التمرين بطريقة ثانية فمن حبه للخير يبغى يعلمك ما درى انك تعرف المعلومة قبل 10 سنين ضوئية

و أنا عن نفسي أشوف في النادي ناس تتمرن غلط و يمكن أخوي (http://www.montada.com/member.php?u=814611)Initial (http://www.montada.com/member.php?u=814611) شافهم غصب تنبهم حتى لو اعتبروك متطفل

[Initial]

يا ابن الحلال ما فيه زي ذاك أبو باربل أبو 60 باوند قاطه فوق كتفه و قاعد يفر خصره عشان يقوي العضلات... قل تكسر العمود عندك يا الحبيب!

[RS4EVER]

هههههههههه موضوع رهيب، لكن بصراحة انا مرات اتكلم مع بعض الشباب اللي احس اني امون عليه او اشوف تمرينه خطأ بشكل كبير، من باب النصيحة وحب الخير لا اكثر واتمنى انهم ما يعتبروني متطفل.


يا ابن الحلال ما فيه زي ذاك أبو باربل أبو 60 باوند قاطه فوق كتفه و قاعد يفر خصره عشان يقوي العضلات... قل تكسر العمود عندك يا الحبيب!
انا تمرنت هالتمرين فترة بوزن اخف اكيد يمكن 30 باوند وهو لتقوية عضلات البطن الجانبية، يمكن الرجال قوي ماشاء الله ويشوف الوزن خفيف عليه.

[متعب سعد]

الله يحيي الشباب :)

سوالفكم ومواقفكم جداً مضحكة ههههههههههههههههه

خاصة أبو أمينو.. ولا أبو وزنين في الباي D:

اليوم قابلت خوينا اللي يقول التنشيف في اسبوع خخخخخخ

وانا اتمرن يقول هاه تنشيف << ياليل خلاص كرهت التنشيف

شوي ويقول ياخوي الباي مو محدد فيه شحوم << ياناس وش الوقاحة هذي ؟؟؟

ولا واحد ثاني.. خخخخخخخخ هذا منتهي من جد.. يقولك الفول السوداني يحرق الدم!!!

كيف يحرق الدم؟ سبحان الله..

عاد فيه واحد من اخويانا بالنادي كان حاضر وقتها :) ريحني بكلمتين الله يسعده..

يقولك: النوعيات هذي اتركهم يمارسون ذكائهم بكل غباء عليك.

وانا من سمعت الكلمتين ذي وانا ابتسم لابو اسبوع ..

نشوف الايام الجاية لا يطلعلنا بطلعة جديدة :)

في انتظار الأعضاء الباقين ومواقفهم :)

[Rashid.S]

هههههههههههههههه <<< هذا العضو يرافس من الضحكـ

أنا أقولكم موقف صار ،، كان في واحد وساعدني شوي بكم تكراره جزاه الله خير ،،
يوم خلصت راح يلعب باي ويشتكي ويقول الساعد يألمني ساعدني بشيله شوي قلتله خفف الوزن ولا ريح ،،
إلا يجيك واحد مقلع يقوله يا أخي ليه تلعب وزن ثقيل وتكرار قليل ،، مو أنت تبي تضخم ،، قاله أيه
قاله لازم تلعب وزن خفيف وتكرار عالي ولا ما يفيدك الثقيل ،، خخخخخخخخخخخخخخخخخخخخخخخخخ
وانا اتبسمله ،، عاد قام يقول بعد خلك من البروتين ما يفيدك وخذلك أمينو ،، لانه هو اللي يضخم بس البروتين لا ،،

وأحب أعلق على كلام الاخ initial



الله لا يوريك... ذولي ياما شفتهم. و صراحه بعض الأحيان ما أقدر أسكت اذا كنت بالنادي وواحد يسوي التمرين غلط و فيه ضرر على نفسه فأنصحه لوجهه الله فقط لا غير. يقطوني وياهم بعدين :cray:

المضحك.... يسألوني كم لك سنه تلعب حديد... أقول لهم سنه وحده بس. بعض الشيبان يفقعون ضحك بوجهي و يقولون ما سويت شيء... أروح أوريهم صورتي قبل سنه أخليهم يهجدون خخخخخخ ;)



مالك ألا تتعود على التسليك ،، ألا إذا حصلت الرجال من جد متوهق ،،
وانا أحيان مثلكـ ،، بس تلاقي الواحد يناظركـ بنظرة وش يبي ذا ،،
الله يصبرنا ،،

[Initial]

هههههههههه موضوع رهيب، لكن بصراحة انا مرات اتكلم مع بعض الشباب اللي احس اني امون عليه او اشوف تمرينه خطأ بشكل كبير، من باب النصيحة وحب الخير لا اكثر واتمنى انهم ما يعتبروني متطفل.


انا تمرنت هالتمرين فترة بوزن اخف اكيد يمكن 30 باوند وهو لتقوية عضلات البطن الجانبية، يمكن الرجال قوي ماشاء الله ويشوف الوزن خفيف عليه.

توه أول يوم مشترك.... قاعد أشيل ضعف اللي يشيله و أنا أنشف!

[Capitano.]

قله جزاك الله خير منكم نتعلم<<<< بالعربي سلك له وكمل تمرينك وتوكل على الله,,,

[youandmeit]

لازم توسع صدرك و تكون روحك رياضية و أهم شي ترد بلباقة

يعني ممكن تبتسم في وجه الرجال و تقوله ان تمريني متأكد منه و آخذه من مصدر موثوق و من هالكلام

لأنه بعض الأحيان يجيك واحد بنية صافية توه المدرب معلمه على طريقة التمرين فيشوفك تلعب التمرين بطريقة ثانية فمن حبه للخير يبغى يعلمك ما درى انك تعرف المعلومة قبل 10 سنين ضوئية

و أنا عن نفسي أشوف في النادي ناس تتمرن غلط و يمكن أخوي (http://www.montada.com/member.php?u=814611)Initial (http://www.montada.com/member.php?u=814611) شافهم غصب تنبهم حتى لو اعتبروك متطفل






كلام جميــــــــــــــــل

[odi man]

هههههههههههههه جانا لاعب جديد في النادي نحيف جدا وخالي العضلات أحم أحم محد قده رح للمدرب قله أبي تنشيف تقسيم خخخخخخخخخخخخخخخخخخ

[toto jeddah]

ههههه انواع المحشات هنا

الله يقويكم ياشباب ويحرصنا واياكم من العين
ولله الحمد ماوجهني موقف مثل مواقفكم ,,,

ولو واجهت مثل مواقفكم رح ابتسم واقوله جزاك الله خير ياوحش

[شموخ المملكة]

كهككهكهكهكهكهكهكهكهكههكهكهكهكهك
فعلا موضوع جداً مسلي ومضحك ولكنه في نفس الوقت مبكي
ياناس اللي يضحكوني في الجيم اللي يسوي نفسه خبير في كل شي ويدور ينصح هذا ويعلم هذا ويقول هذا خطأ وذاك مو صح وهو حتى عضلة باي مافيه :33:
والا اللي يجيك يصارخ في الجيم وعامل حرب وتدخل عليه الا شايل له 5 كيلو :bigeyes:والله انا احسب روني يصارخ في الجيم

[alooooly]

تعيش كثير تشوف كثير

هذا الله يسلمكم واحد الله يستر عليه كان يتمرن
دخلت الصاله واسمع صوته عالي
قلت وربي اليوم حماااااااس شكله في وحش في الصاله :biggrin2:
دخلت والا الاخ جالس على الكرسي وماسك دامبلز 2 كيلو :33:
ويصرخ وحالته صعبه ومعرق وجنبه شيكر فيه بروتين
المهم يوم انه قام قلت له وحش
قال لي شكراً يا بطل
قلت له إيش كنت تتمرن
قال لي صدر علوي
قلت له يا كابتن كدا انت تتمرن اكتاف
قال لا هذا تمرين للصدر وفسخ تي شيرته ويوريني العضله اللي اشتغلت معاه
ويقول هذا صدر علوي وهو يأشر على مكان الصدر المستوي

عاد انا وقتها حسيت بقطار سريييييييييييييييييييييييع يصدمني من الدهشه
وماكان مني الا قلت له وربي وحش
يوم إني قلت له مين عطاك التمرين
قال لي الكابتن قال لي ارفع الكرسي واتمرن

طلع ضحيه توجيهات بدون رقابه
آسف على الاطاله
ولكم كل الود

[بارجيم]

والله ياشباب هالفلاسفه مشكله

قبل كمن يوم دخلت تمرين اكتاف وكان معاي اخوي
ودخلوا معانا اثنين نعرفهم لاكن موب معرفه قويه
وبدينا بالبار الخلفي والبار الامامي واوزان هم ماقدروا يدخلون اوزانا الا واحد صار جريئ يبي يدخل عشان يكسر عينا > هذا الي فهمته من حركاته
وعقب دخلنا دفع بالدنبل جالس
قال مايصير خلفي امامي خلفي كله اوزان ودفع
قلت له صلي على النبي طيب ؟!
موب مجبور تلعب معاي روح العب تمرين ثاني قال لا بس انصحك
قلت له والله هذا جدول ماشي عليه وان شاء الله اذا بغيره بعد كم اسبوع بحاول استشيرك ياكبتن
وسكت وكمل دخل معانا
دخلنا المهم وزن عالي من البدايه
يقول طيب دخلوا وزن اقل عشان العضله تصخن
قلت له هذا ثالث تمرين خلاص صخنت عضلاتنا
عقب اخوي قام يتمرن
يقول نزل الوزن وسوي صح انت تنزل نص
انزل كامل احسن
قلت له لا صح تمرينه موب لازم تنزل كامل بس هو سوا صح ووزن عالي
يقول الاوزان ماتطلع الجسم التمرين الصح هو الي يطلع
قلت له الوزن العالي هو الي يخلي العضل يضخم ولابد يكون تمرينك صح بالمقابل
المهم سكت ودخلنا وزن اعلى منه وهو دخل مهايط بغى ينخلع كتفه وتمرن وهو شبه نايم على الكرسي الي زاويه قائمه
يعني هو تمرن كانه بنش مايل للصدر ويدفع ماسكينه ثلاث واحد من اكواعه وانا من معصمه اليمين واخوي من معصمه اليسار
وعينه خلاص بتطلع من مكانها ههههههههههههه
قلت في قلبي اللهم لاشماته

[SDal]

معجب بالموضوع :D

[القرشي 1414]

والله اني احن عليهم بقوه النوعيه اللي زي كذا واعطيه جوه واخليه يتفلسف ويقول اللي بقلبه اسمع وطلع

هذا مير واحد الله يسلمكم تو داخل النادي واحرجني المدرب معاه الا يتدرب معاك كرهني في ام التدريب واشين يوم اتمرن فيه من طول لسانه وفلسفته الزايده ولا يقتنع مسوي فاهم زمشيتها له واليوم التاني قال بتمرن معاك قمت غيرت التمرين بسببه
والثاني قام يطقطق على راسي الهرمون وما ادراك مالهرمون مسوي طبيب على راسي مادري وش يبي المهم طلعت له حبه امينو 4800 وقلت له هذه افضل انواع الهرمون وبعد التمرين مباشره اذا تبي عطيتك ولا تقل لاحد المهم صدق عرفت انه بقره
والثالث يقول لي نشف الصدر معاي كيف يتنشف الصدر الا بالقوه يقنعني انه يتنشف قفلل باخلاق المدرب الا ينشف له الصدر هههههههههههههههههههههههههه قام المدرب من الملل عطاه دنابل 5 كيلو وخلاه يكرر لمن انتهى

نجي للمهايطي المعروف عندنا بالصاله بالهياط هذا نكته من جد تشوفه لازم تضحك يقلد مشيه المدربين والمحترفين مفشخ يدينه واذا مشى يضرب على الباي وتوه باللعبه نحيف ماكل هوا المهم قفلت الصاله وقت صلاه المغرب وانا وخويي داخل الصاله ماانتبه لنا اخونا برا الصاله ويقلد المشيه ويفشخ يدينه ويستعرض على المرايه لوحده وماهو منتبه لنا يفكر انه لوحده المهم ماقدرت امسك نفسي ضحك وانتبه لنا وانحرج وعلى طول مشى ولا كان شي صاروا ومره تمرين الظهر السحب الخلفي اسمع الصياح وانا اتمرن كتف واناظر والا هو هو المهايطي بوزن 4 او 4 بلوكات ماقدرت امسك نفسي من الضحك يبي يلفت النظر حقد على لكن هو السبب

[fitness1]

ههههههههههه..الموضوع ممتاز لزيادة الحسنات..هههههههه

اللهم لا استغابة يا الله

[Nas Fitness]

اوووه والله فله انا بالنسبه لي استانس عليهم شوي كسر للروتين
في واحد بالصاله اللي اتمرن فيها ..
تحصله يطالع المرايه وايد هو شي حلو بس موب تحسسنا انك ارنولد زمانك ..

او احلى شي تمرين الباي يشيل وزن توه بدري عليه وصراخ و عروج جبهته بتنفجر الا شوي وياريت يقدر يرفع لا بمساعده يده الثانيه وظهره يرجعه .. قتله يا ولد الحلال ترا غلط ابدا حبه حبه واعتمد ع الباي بس قالي لعبه كبار هاي وانطر علي اسبوعين وشوف ههههه

وشي ثاني ياخوان حاولوا دايما تذكرون الله ع نفسكم وتقرون المعوذات الثلاثه ترا بعض العيون تااااااااكل اكال وهي تطالع

[jawad07]

موضوع جدا ممتاز

سالفتي مع واحد اعرفه في النادي لاكن يتفلسف علي صحيح انا مبتدي تقريبا 7 شهور لاكن عندي خبره من كثر القرايه ومخالطه للكباتن بما اني شخص اجتماعي :)

المهم الرجال جاني قاعد يسولف معاي وجاب طاري كبتن خوينا قلت ما شاء الله جسمه ممتاز الرجال ماخذ بطوله يعني اكيد كويس
قالي تصدق ذاك اليوم شفته يشرب بروتين !!؟؟ قلت اها طيب بروتين عادي قال لا والله مضر مره وانا سال دكتور واستشاري 2 كلهم قالوا ابعد عنه مضر وشوف خلي الكبتن يترك الحديد لمدة شهر واحد كل جسمه يروح قلت يا رجال اذكر الله قال والله قلت شكل المعلومه راكبه راسه( قلت الله ييسر..عن اذنك بكمل تمرين <<<<< هذي تصريفتي طبعا

2- ومره بطلع النادي وكان قدامي واحد من عيال النادي لابس تي شيرت علاقي جسمه عادي من ناحيت الي في النادي بس تعرفون العلاق يعطي شكل حلو المهم هو طالع يمرون 3 من قدامه نازلين لاهم في النادي ولاشي عشان المقهى المهم وواحد منهم راعي فلسفه باين عليه قال
تصدقون ..<<< طوالي اعرف انه كذاب ( قال هذا لو يترك النادي شهر واحد يتحول دهون ؟؟؟ ) <<< ليش العباره هذي امسعها كثير مع اني متاكد انها غلط ياليت الاعضاء يصححولي يمكن اانا الغلطان ؟؟

[THE CAST]

قالي تصدق ذاك اليوم شفته يشرب بروتين !!؟؟
اضحك الله سنك
هذا بروتين اجل لوشافه يضرب ابره وش حيقول


لو يترك النادي شهر واحد يتحول دهون ؟؟؟
كلام مغلوط وللأسف منتشر عند العوام بكثرة.... من إشاعات اللعبه

[jawad07]

اضحك الله سنك
هذا بروتين اجل لوشافه يضرب ابره وش حيقول


يا رجال لو شافه يضرب ابره انه يترك النادي اذا الرجال انصدم من البروتين
كلام مغلوط وللأسف منتشر عند العوام بكثرة.... من إشاعات اللعبه


الحمد الله في احد يؤيد كلامي بس والله من جد سمعت الكلمه هذي كثير مره لدرجة اني صدقتها

[mr.m0hamed]

هههههههههه موضوع رائع الصراحه ومواقف مضحكه

عطونا جديدكم ؟؟؟

[J o K A R]

ههههههههه

تسلم ع الموضوع ..

[الفهدالشرس]

السلام عليكم
1- أليوم أنا قاعد أسوي تمارين إلى أشوف ذاك الشايب يسأل خويي يقول كم عمره قال الخويي 16 قام لف علي وقال مايصلح إلي تسوي بنفسك ترا مضر لك قلت يا عم بالعكس هذا مفيد وتوني بادي بأفول الفوائد إلى قال ترى بوقف طولك وتسيرلك مشاكل عاد أنا قلت هذا مهو صحيح بال أن لما ألعب حديد يزداد إفراز هرموني التستروم والنمو (المشكلة إلي قهراني طول ما أنا أتكلم قاعد يقول توتوتوتوتو) قمت انا لما شفت كيف طرقة عرفت أنو جاهل عاد قاعد يقول أنو أنت لما تبني حديد يأثر على مشيك حتى أنت لما كنت بتهرول على السير كانت هرولتك غلط و أنا كنت في الأتحاد و أبي كانت رأيس الأتحاد و أعرف أكثر تمارين التحميه (المشكلة أنه هو طبيب ويشتغل في نفس مستشفى الوالد ويعرف الوالد أني أنا ولده) قمت عاد انا أسلكله و فجأه أنا أسوي تمرين البطن للجوانب جا قال تمرينك غلط عاد أنا أسوي نفس هذا المرين لكن و أنا واقف341759
جا قال أمفروض أنك تلف أرجولك لما تسوي التمرين ونفس الشي سلكناله وسويت التمارين إلي براسي (لو يعرف أن عمري 15 وش كان سوى).
عاد شوف وش قال أخويي عاد كان هو ناوي يلعب حديد من بكره جا أقال عقب ما مشينا إن الرجال دكتور ويعرف وكان فب التحاد وشكلي مراح ألعب حديد جيت أنا أحلف له أن أغلب كلامه غلط وعقب الأيش أقنعة خويي أن إلى قاله هذا الشايب غلط بدل ميأثر علي الشايب أثر على صديقي .

[Azo0oz88]

الفهد الشرس حبيبي انا انصحك مثل مانصحك الشايب انت العب حديد بس خليك على الاجهزة فقط ولاتلعب بدنابل او بارات الين تتعدى 18 سنة عشان الحديد يسوي ضغط مستمر على المفاصل وانت الان في مرحلة نمو .. والعب اللي انت تبغاه .. الله يوفقك

[ميعرو]

والله انا مرررررة واحد من الشباب سالني قالي انتا تنشف قلتله ايه وهو اصغر مني بالعمر واخذ يتكلم حول النصف ساعة ولكن في الاخير قلتله انا عضو كمال اجسام خبير والعب من سنة 1998 يعني العب بعمره وقلتله ياليت تشرف منتدانا عشان تتعلم وتستفيد وقلي ليه قلتله انا من 1998 العب ولكن ماشفت غير النصب والاحتيال من المدربين على الشباب ولم ارى النور في هذه اللعبة الا في عام 2010 عندما سجلت في المنتدى المنتدى المنتدى واستغررررررب من ذا الكلااااام ودائم اصادف هذه النوعيات واشكرك اخوي على موضوعك.

[|one.piece|]

ههههههههههههههههههههههه


مابروح بعيد انا امس شفت واحد جديد

( بما ان الصيف بدأ والمدارس خلصت والاطفال دخلو الصالات )


كان يلعب صدر تحت بار ... اول شي حط 40 كيلو

بعدين 60 ( ويالله سوى مره )
واخر جوله تحمس يوم شاف واحد يشل وزن وحط 80


ورفعه الا والوزن يطيح ع صدره هههههههه

[متعب سعد]

ههههههههههههههههههههههه


مابروح بعيد انا امس شفت واحد جديد

( بما ان الصيف بدأ والمدارس خلصت والاطفال دخلو الصالات )


كان يلعب صدر تحت بار ... اول شي حط 40 كيلو

بعدين 60 ( ويالله سوى مره )
واخر جوله تحمس يوم شاف واحد يشل وزن وحط 80


ورفعه الا والوزن يطيح ع صدره هههههههه

هههههههههههههههههههههههههههههههههههههههههههههههههههههههههه

حلوووه الاطفال دخلوا الصالات هههه ذكرتني بواحد معنا في الصالة

اقدر أحلف انه ما تعدى عمره 12 سنة !!!

ويتمرن وأي واحد يطالع فيه يقوم هو يرد بنظرااااات عرابجة هههههه

والله البلا من الصالات اللي صار همها مادي بحت..

معقولة طفل يدخل صالة حديد؟ ويشيل اوزان ويتمرن تمارين قوية وكلام كبير عليه بصراحة !!

الله يهديهم بس..

[odi man]

خخخخخخخخخخخخخخخخخخخخخخخ هههههههههههههه
وحده على الطاير
واحد من الشباب في النادي عمال يجهز البروتين تبعه داخل الحمام وإثنين من أخوياؤه يقولوله بسرعة الخلق جاين بسرعة >>> :bigeyes: تقول أنه يتعاطى مخدرات
......................................
يوم الخميس سألت الكابتن بصفتي ما أعرف ولا شي = جاهل في اللعبه
المهم قلت له يا كابتنا الغالي وبطلنا أيش تمرين اليوم .؟؟!! :33:
وعلى طول ومن غيرأي فلسفة رد علي أدخل صدر :bigeyes: >> علما بأنه عطاني صدر يوم السبت >> قلت له حاضر
وأدخل أمرن المثلثات والسواعد والعضلات الضعيفة بما أنه يوم زائد عن جدول التمارين فيوم جاني المدرب ما قدر يطالع في وجهي للأسف >> الأخ منحرج
وانا خارج قلت له أي خدمة قلي يا بطل أنت عمال تسخن قبل شوي ؟؟!! جينا للإستبلاه حق المدرب >> قلت له لا يا بطل ما يصير أمرن عضلة الصدر مرتين خلال إسبوع فمرنت العضلات الضعيفة بس وزدت عليها البطن
المهم أنقلبت الشغلة صرت أنا اللي أعلم في المدرب والمدرب اللي يسمع هعع

[مشروع بطل]

السلام عليكم... والله انبسطت بمشاركات الشباب واشكر الكابتن اللي طرح الموضوع...

اعتقد انه بالمختصر المفيد يمكن نحط قاعدة رحم الله من عرف قدر نفسه...

انا صار لي الآن تقريبا 5 سنوات اتمرن والحمدلله تعلمت كثير ولا زلت اتعلم وواجهت كثير من هؤلاء الناس الذين يلقون بنصائح وعظات...

انا بطبعي لا احب ان املي على اي شخص اي معلومة دون ان يطلبها مني وأول شيء اسأله هل سألت المدرب؟ وإذا قال لي نعم اقول له اسمع كلامه ... بدون اي تردد لأنها ليست مسئوليتي...

لكني لا استطيع ولا اقدر ولا اتحمل اشوف واحد يلعب تمرين غلط واقف ساكت... احس بالمسئولية تجاهه لأنني واجهت الكثير من المشاكل والآلام ايام ما كنت مبتدئي بسبب عدم تدخل الآخرين لمصلحتي....

احيانا يكون المدرب غايب ويسألني الشباب ايش اتمرن؟ استغرب من هؤلاء... يا اخي تمرن التمرين اللي اعطاك اياه المدرب المرة الماضية إذا ما كان موجود... إذا ما توثق بالمدرب اللي حطه صاحب النادي مدرب ووثق فيه بتوثق بواحد مثلي؟

بعض الشباب تربطك بهم علاقة صداقة فإذا استنصحك انصحه بما تعرف ولا تتفلسف عليه احيانا يسألني الشباب حاجات انا ما خطرت ببالي او انها ما مرت علي... اخذه للكابتن من يده وآخذه للمدرب واشاركه في السؤال واسمع الاجابة... ما احد كبير ولا احد بطل بدون ما يتعلم...

للأسف احيانا ضعف المدرب وعدم المامه بإدارة المشتركين وأؤكد على إدارتهم وليس تدريبهم لأن التدريب هو اعطاء تعليمات ومتابعة لكن الادارة هو الاحاطة بأهداف المتدرب وتطلعاته ومشاركته في تحقيقها وليس فقط اعطائه جدول ويجيب على الاسئلة والسلام عليكم... اعطه معلومات يا اخي خليه يفهم ليش يسوي هذا التمرين وليش ياخذ هذا المكمل وما ياخذ المكمل الثاني...

[متعب سعد]

السلام عليكم... والله انبسطت بمشاركات الشباب واشكر الكابتن اللي طرح الموضوع...

اعتقد انه بالمختصر المفيد يمكن نحط قاعدة رحم الله من عرف قدر نفسه...

انا صار لي الآن تقريبا 5 سنوات اتمرن والحمدلله تعلمت كثير ولا زلت اتعلم وواجهت كثير من هؤلاء الناس الذين يلقون بنصائح وعظات...

انا بطبعي لا احب ان املي على اي شخص اي معلومة دون ان يطلبها مني وأول شيء اسأله هل سألت المدرب؟ وإذا قال لي نعم اقول له اسمع كلامه ... بدون اي تردد لأنها ليست مسئوليتي...

لكني لا استطيع ولا اقدر ولا اتحمل اشوف واحد يلعب تمرين غلط واقف ساكت... احس بالمسئولية تجاهه لأنني واجهت الكثير من المشاكل والآلام ايام ما كنت مبتدئي بسبب عدم تدخل الآخرين لمصلحتي....

احيانا يكون المدرب غايب ويسألني الشباب ايش اتمرن؟ استغرب من هؤلاء... يا اخي تمرن التمرين اللي اعطاك اياه المدرب المرة الماضية إذا ما كان موجود... إذا ما توثق بالمدرب اللي حطه صاحب النادي مدرب ووثق فيه بتوثق بواحد مثلي؟

بعض الشباب تربطك بهم علاقة صداقة فإذا استنصحك انصحه بما تعرف ولا تتفلسف عليه احيانا يسألني الشباب حاجات انا ما خطرت ببالي او انها ما مرت علي... اخذه للكابتن من يده وآخذه للمدرب واشاركه في السؤال واسمع الاجابة... ما احد كبير ولا احد بطل بدون ما يتعلم...

للأسف احيانا ضعف المدرب وعدم المامه بإدارة المشتركين وأؤكد على إدارتهم وليس تدريبهم لأن التدريب هو اعطاء تعليمات ومتابعة لكن الادارة هو الاحاطة بأهداف المتدرب وتطلعاته ومشاركته في تحقيقها وليس فقط اعطائه جدول ويجيب على الاسئلة والسلام عليكم... اعطه معلومات يا اخي خليه يفهم ليش يسوي هذا التمرين وليش ياخذ هذا المكمل وما ياخذ المكمل الثاني...

بس القصة يا كابتن مو بس قصة تدريب أو نصيحة بشأن طريقة التدريب .. ولكن الموضوع يشمل الناس اللي تجي تتلقف عليك وانت تتمرن ويقعد يقزقز فيك وينقش عضلاتك تنقيش, وفي الأخير يقعد يتفلسف عليك ويتكلم في أمور ماله فيها أي علم ولا مصلحة..بالعربي فلسفة ..( الأكل ونوع الدايت اللي ماشي عليه, طريقة التدريب, المكملات والأمور الشائكة فيها, ... إلخ )

كل هذي يقعد يتفلسف فيها وهو من جنبها..

[m0zeid]

متعب طالع معاه الضغط وجاي ينفس من غضبه :silly:

[متعب سعد]

متعب طالع معاه الضغط وجاي ينفس من غضبه :silly:

ههههههه صحيح كلامك والله ..

بس الحمدلله غالبية الشباب مروا في حالاات زي حالتي :)

ومن شاف مصيبة غيره هانت عليه مصيبته..

أضف الى ذلك ان الموضوع له هدف, وهو كيفية التعامل مع هؤلاء البشر :)

[To My Dream]

ههههههههههههههه أعجبني الموضوع جدا
معاناتي انا لم تكن مع اللاعبين يمكن عن شخصيتي داخل النادي ( ما اعطي وجه ) ليس تكبرا
انا جاي لهدف محدد التمرين بعد ما اخلص التمرين واخذ مكملاتي تعال ندق حنك لين بكرة والفضل لسماعات الاذن المهم
من المواقف المضحكة اللي واجتها مع احد المدربين جائني بعلبة امينو توتو وجا قالي هذا يعطي قوة وبور وجسمك محتاجه وحيخلي اوزانك عالية ( هذا كلام المدرب )
ومرة كنت بلعب سوبر سيت ظهر وكان عندي اخر تمرين في السيتات السحب الارضي طبعا كنت اقوم بتكرارت اجبارية وبما انه مافي زميل فكنت اشرك عضلة الظهر كامل ( فلسفة تعلمتها من مدرب طبعا اعطتني نتائج حلوة ) المهم ويجيك المدرب الطاير ويمسكني لا انت بتأدي التمرين دا غلط خرب علي تصدق وقتها كان نفسي اصفق بوكس يغير ملامحه
كمال الاجسام عالم ملي بالمواقف والتجارب والتعلم وهذي متعة دي للعبة

[البحر1يني]

خخخخخخخخخخخخخخخخخخخخخخخ هههههههههههههه
وحده على الطاير
واحد من الشباب في النادي عمال يجهز البروتين تبعه داخل الحمام وإثنين من أخوياؤه يقولوله بسرعة الخلق جاين بسرعة >>> :bigeyes: تقول أنه يتعاطى مخدرات
......................................

هههههههههههههههههههههههههه:biggthump


مره كنت العب صدر

وكان جنبي شاب هم يلعب صدر يوم ثاني شفته هم يلعب صدر و يوم ثالث:33:

و بعد الرست شفته هم يلعب صدر:bigeyes:

خدني الفضول صراحه قلت له ابو الشباب:32:

كم صار لك تلعب قال اسبوعين تصدقون شباب انه كان يلعب اسبوعين صدر دونا تعب او كلل :blackeye:

يفكر كمال الاجسام بس هذي التمارين:silly:

قلت له المدرب ما عطاك جدول التمارين

قال بصراحه استحي اسئله :cray:

سحبت المدرب وقلت له حرام عليك ما تهتم بلمبتدئين:12:

وفعلآ كثير من الشباب يخجل من سؤال المدرب

[THE CAST]

امس يااخوان صار تمرين الظهر للصدر

http://www.y4yy.net/images/22441131802683128627.jpg
+
http://www.y4yy.net/images/34997231025586768926.jpg (http://www.y4yy.net/images/34997231025586768926.jpg)

امس اثنين مبتدئين الله يصلحهم
الاول يقول لصاحبه هذا التمرين اذا ضيقت المسكه يصير للصدر واذا وسعتها للظهر

راح خوينا ينبهه إلا الآدمي مصر انها تمارين للصدر

[odi man]

امس يااخوان صار تمرين الظهر للصدر

http://www.y4yy.net/images/22441131802683128627.jpg
+
http://www.y4yy.net/images/34997231025586768926.jpg (http://www.y4yy.net/images/34997231025586768926.jpg)

امس اثنين مبتدئين الله يصلحهم
الاول يقول لصاحبه هذا التمرين اذا ضيقت المسكه يصير للصدر واذا وسعتها للظهر

راح خوينا ينبهه إلا الآدمي مصر انها تمارين للصدر








هههههههههههههههه ههههههههههههاااااااااااااي والله حلوة
فما بالك يا كابتن THE CAST
جانا لاعب جديد عكس الشغلة كلها في نفس الجهاز اللي في ردك
بدل ما يثبت فخذه في الألة عكس نفسه وتكى ظهره في المثبت اللي يثبتك من الفخذين وبدأ ينزل المسكة لفخذه ههههههه >> والله تقول تمارين مخلوقات فضائية
وأزيدكم وحده >> جاه لاعب بعده والظاهر جديد ونفس الشي مثل خوينا الفضائي >> صارو مخلوقين فضائيين:bigeyes:

[متعب سعد]

هههههههههههههههه ههههههههههههاااااااااااااي والله حلوة
فما بالك يا كابتن THE CAST
جانا لاعب جديد عكس الشغلة كلها في نفس الجهاز اللي في ردك
بدل ما يثبت فخذه في الألة عكس نفسه وتكى ظهره في المثبت اللي يثبتك من الفخذين وبدأ ينزل المسكة لفخذه ههههههه >> والله تقول تمارين مخلوقات فضائية
وأزيدكم وحده >> جاه لاعب بعده والظاهر جديد ونفس الشي مثل خوينا الفضائي >> صارو مخلوقين فضائيين:bigeyes:

ههههههههههههههههههههههههههههههههههههه حرام عليك يا شيخ دمعت عيني ...

[عمر 1]

يا جماعه في واحدد مجنني وقارفني من كل النواحي والمواقف كثيره شورايكم وانا اساعده اطيح الوزن عليه او على رجله او او اوا وا المهم اني اتلص منو سامحني يارب

[شموخ المملكة]

أخوي البحريني اذا كان هذا مبتدئ فهو معذور لانه مب عارف الموضوع والمدرب ما اهتم فيه

انا مصادفني واحد في الجيم ما شاء الله يلعب صار له زمان وجسمه زين ما اشاء الله وداخل عدة كورسات يعني الرجال خبير
لكن كل يوم اشوفه في الجيم يلعب ( باي) :bigeyes: والله كرهت الباي وسبب هو ما ادري شنو السر معاه
يلعب صدر وباي
:Dظهر وباي
اكتاف وباي
فخذ وباي
تراي وباي
مسكينه عضلة الباي عنده من العمالة المظلوووومة
كككككككككككك

[veto100]

هههههه تذكرت واحد كان ما يتمرن بطن سألته ليش؟

قال تمرين البطن يأثر ع التضخيم بعدين متى ما بغيت اضبط البطن كلها اسبوعين "واقسمه واطلع العضلات " عاد قلت له بالله لا تنساني عطني قطعه خخخخخخخخخخخ

[متعب سعد]

"واقسمه واطلع العضلات "عاد قلت له بالله لا تنساني عطني قطعه خخخخخخخخخخخ

ههههههههههههههههههههههههههههههههههههههه حلووووه منك ..

[To My Dream]

هههههههههه موقف قابلني قبل امس
واحد من الشباب نحيل جدا ومبتدأ المهم كان يومها عندي اكتاف جاني
يقول انت تتمرن حديد ناظرته كان نفسي ارد عليه وقله لا بلاستك المهم
هو كان يدور مدخل عشان يسولف المهم قلي اتمرنت ظهر قلت له اكيد في يومه قام ياشر على عضلة الترابيس يقول الله لا يوريك تمارين الظهر تقتلك
العضلة هذي يقول تمرنت ظهر الاسبوع اللي راح ههههههههههههه ولبست الثوب خوياني يقولو لي في العمل ثوبك متعلق من كثر ماكبرت العضلة هههههههههههههههه
كان زميلي بجنبي ماقدر يكتم الضحكة انحرج الادمي ومشي هههههههههههههههههههه
وعيش كثير تشوف اكثر تحياتي

[سعد88]

هذي الاشياء تصير واجد .. وانا بعد اشوف الصوت العالي في الصاله شي مقرف يعني شوفوني اشيل وزن عالي !!

[متعب سعد]

هذي الاشياء تصير واجد .. وانا بعد اشوف الصوت العالي في الصاله شي مقرف يعني شوفوني اشيل وزن عالي !!

+1

والله صادق, يعني ياما فيه ناس اشوفهم يشيلون اوزان قوية جدا جدا ومع ذلك ما يصارخون, لكن مثل ما قلت " يعني شوفوني" ..

[omar joseph]

+1

والله صادق, يعني ياما فيه ناس اشوفهم يشيلون اوزان قوية جدا جدا ومع ذلك ما يصارخون, لكن مثل ما قلت " يعني شوفوني" ..


أنا من ناحيتي أشوف الصراخ يحمس الواحد :)

[Heartbeat]

بس لا يبالغ بالصراخ
يعني في مرحلة كسر الوزن نقول مو مشكله
لكن مو بكل تمرين يصارخ ازعجنا :)

[simply]

أنا من ناحيتي أشوف الصراخ يحمس الواحد :)

ياخي الصراخ لما تكون في صاله تعرف اللي فيها أو قروب وأحد او في بيتك لكن فيه ناس كثير عصبيين بالصاله أو ما يتحملون او جايين من دواماتهم تعبانين ف ما يتحملون الصراخ اللي انت تقوله انا والله قبل اسبوعين رفعت شكوى على شخص لانه مبهذلنا بالصراخ فجر روسنا والمشكله يركب اوزان ثقيله ولا يرفع الا ربعها وبطريقه خطأ بس يعني شوفو الوزن اللي انا اشيله ولو جاء بيشيله بالطريقه الصحيحه ماشال 10 % منه

[متعب سعد]

أنا من ناحيتي أشوف الصراخ يحمس الواحد :)

هههههه تصدق أنا اذا صارخت أفقد قوتي؟

لذلك أفضل كتم الصرخة عشان أحتفظ بقوة الرفع :)

[رجل من عالم آخر]

احيانا تصير لي مواقف زيكم ولكن احاول اتجاهلها . انا مبتدئ باللعبه تقريبا لي سنه و7 شهور . والشباب الجدد اللي يجون للنادي لابد ان بعض المواقف تجبرك انك تسولف معهم
ويسالوني كم صار لك هنا بالنادي اقولهم تقريبا سنه ونص يقولون اوف اوف سنه ونص وانت تتمرن وجسمك أقل من العادي . عاد انا ارد عليهم بذكاء
اقولهم وليش دخلت النادي الإ عشان اضبط جسمي ويطلع حلو . ههههههه .

بالرغم اني اول مادخلت النادي كان وزني 54 كغ وطولي 174سم . حتى وصل وزني 80 كغ . لكن كلامهم مايحطمني ابد

[بردان1]

^

كفو هذا اهم شي مايحطمك
وفعلا فيه ناس تعتقد سنه مشوار طويل بكمال الاجسام
وهي والله ولا شي بالنسبة للي يبي جسم ضخم
ممكن بسنه ترسم الجسم مجرد رسم مع تحديدات وابراز للعضلات

[.hamad.]

بس لا يبالغ بالصراخ
يعني في مرحلة كسر الوزن نقول مو مشكله
لكن مو بكل تمرين يصارخ ازعجنا :)


هههههههههههههههه

[Heartbeat]

عسى دوم حمد الضحكه :)

شباب في مشكلة ثانيه
البعض الله يهديهم لما يلعب صدر عال او مستوي دانبل
او مهما كان التمرين المهم الوزن ثقيل
اول مايخلص من تمرينه يحذف الدنابل من ايده
ولا كأن في بشر قاعدين يتمرنون حواليه
طيب هالوزن لو طايح على حد ومعوره شتسوى عليه

واحد من الشباب اليوم بالنادي دايم يسوي هالشغله
المهم اليوم حذف الوزن وكان راح يعور واحد من الشباب
انا انقهرت ورحت اكلمه صراحه كنت ناوي على شر
بس سبحان الله اول ماكلمته الولد طلع على نياته ومحترم
وكان منحرج من اللي صار
المشكله انه شايف واحد غيره يسوي هالشي واقصد
اول مايخلص تمرين يحذف الوزن
وعلى باله ان هالشي حماس :)
ومحد نبهه المصيبه المدربين رايحين فيها محد يقوله لاتقط الوزن
المهم انا قلت له يا ابن الحلال اذا بتشيل وزن ثقيل مره ثانيه قولي
عشان اول ماتخلص تمرين اخذه منك
واذا انا مو موجود كلم المدربين
ولا تحذفه وتذبح احد بالنادي ماتسوى عليك :)

[Golf Lover]

Heartbeat

والله صادق كلامك صحيح ةالف بالمية , الاسبوع الماضي نفس الوضع بس بدانبلز
واحد جالس يلعب باي جالس دانبلز , وانا جالس اتمرن اكتاف قريب منو
شوية يرمي الدانبل بغت تروح رجلي بس اللله ستر !

[toto jeddah]

بصراحة ,, افرح كتير لما اشوف وجوه جديدة تنظم للنادي وحتى ولو كانوا صغار السن , احسن من انهم يروحوا للقهاوي او التفحيط بالسيارات او السرقات والخ من الاشياء اللي بدأت تنتشر بالوطن العربي

لعبة الحديد فيها سحر وعشق ,, واي لاعب مبتدأ رح يعشقها ويتمسك بمبادئها
النوم بالليل
التغذية السليمة
الابتعاد عن العادات السيئة

,,,

وليش نتحامل ع المبتدئين ,, وشخصيا لو سألني مبتدء ما رح اتاخر عن مساعدته ,, ولو شوفت اخطئ او بدء يرفع وزن اثقل من قوته رح اقولها بصراحة له انه غلطان وامتنع عن دعمه ,

الرسول عليه الصلاة والسلام وصانا بالتعاون ما بيننا كاخوة مسلمين ومتحابين ,,
ولو تلاحظوا ضحايا المدربين ( السيئين ) اغلبهم مبتدئين , لانهم ما يفهموا اللعبة وع بالهم زي كرة القدم ما تجي اليوم يمكن تجي بكرة !!

[Taiger for ever]

اليوم شفت واحد كان معانا بالنادي شكله جديد باللعبه المهم

كنت يومها امرن الصدر ... وجاي واحد مبتدء يمرن الباي واقف

تدرون كيف يمرنه طول مايحرك الدانبل على الباي يفرفر الدانبل يمين يسار ههههههههههههه

وكثير اشوف انا هالمواقف ((الله يهديهم بس)

[مستعمل]

اها اثاريكم مبسوطين هنا
عموما خذوا هذي

واحد الله يغفرله دايم يسولف ويدخل الدين والقوه والتمارين ما ادري ايش يغى الله يهديه
عموما كان يتدرب تفتيح صدر بالدنابل المهم مع كل رفعه صرخة وقاعد يرفع اوزان عالية جداً شوي وتسمع الدنابل في الارض ويصييييييييييح ويصييييييييييح ويطلع من الصالة

وعينك ما تشوف الا النورولاعاد شفته من بعدها سألت عنه واحد قال جاه تمزق في الوتر

[ronaldobrazil]

اليوم صار موقف مضحك بالنادي

واحد لسه مسجل جديد

وعنا بالنادي في صور ارنولد على الجدران

فلما شافها قال كلها شهرين وأصير مثله

كل النادي فرط من الضحك وهو خجل على نفسه وراح

ههههههههههههههههه

[SDal]

ما عندي اي مشاكل مع اي شخص .. الي يأدي تمرين بشكل خاطئ اكيد ضحية توجيه غلط او عدم توجيه من الاساس .. و الي ما يشيل وزن قدرته و لو بيدي
اشجعه و افيده بالي اقدر عليه .. (( لكن )) .. و هو محور الموضوع .. الكلام عن الي يتفلسف و هو ما يعرف عن الحديد غير اسمه و يوجه غيره ..

بعض الاوقات شخص من طيب نية .. كنت العب تمرين التراي على البنش المستوي قبضة ضيقة .. احد الاشخاص له شهرين بعد التمرين جاء لي و قال لي وسع
القبضة بهالشكل ما راح يتحرك الصدر .. قالها باسلوب ممتاز و عن طيب نية .. وضحتله انه هذا تمرين تراي و انتهى الموضوع ..

بالمقابل .. احد الايام العب تمرين للبطات حتى الارهاق .. و مستعمل منتج بمب .. المهم بعد اخر جولة العروق برزت .. جاني العبقري يقنعني انه الي برجلي هذا
دوالي و لازم اوقف تمرين الارجل و ارتاح .. رديت باسلوب طبيعي قلت له لا مع التكرارات الكثيرة الدم ضخه يزيد و يوسع العروق و تظهر بهالشكل .. الاخ
ما اقتنع و الا يقنعني انه هذي دوالي بالارجل و احد اقربائه عنده هذا المرض ..
هذا النوع الي يرفع الضغط و يستاهل انواع المحشات ..

طبعاً الي يرمي الدامبلز .. الي ما يحلى له تمرين الدامبل او الباي او اي تمرين مرجحة الا و هو بالع المراة الي يكون امامها صف الدامبلز .. الاصوات المبالغ فيها
و النظافة الشخصية مثل الاخ الي يلعب بالعصا و لابس tank و عامل مروحة عرق .. هذي الاشياء مخجلة بصرحة

[اطول 1]

بالنسبه لرمي الدنابل (مو المعنى العامي )

انا اشوفها عاديه وخاصه بتمارين البرس للصدر او الاكتاف جالس
لانها من اسهل التمارين الي ممكن تحصل لك فيها اصابه :02:

واصلن لو تلاحظوا الارضيه بمكان الدنابل غالبا تكون لينه

يعني انبه الي جنبي واقوله عشان ينتبه اني برمي الدنبل
ولا اخاطر وممكن تجيني اصابه عشان اكون جنتل مان :33:

[اطول 1]

ما عندي اي مشاكل مع اي شخص .. الي يأدي تمرين بشكل خاطئ اكيد ضحية توجيه غلط او عدم توجيه من الاساس .. و الي ما يشيل وزن قدرته و لو بيدي
اشجعه و افيده بالي اقدر عليه .. (( لكن )) .. و هو محور الموضوع .. الكلام عن الي يتفلسف و هو ما يعرف عن الحديد غير اسمه و يوجه غيره ..

بعض الاوقات شخص من طيب نية .. كنت العب تمرين التراي على البنش المستوي قبضة ضيقة .. احد الاشخاص له شهرين بعد التمرين جاء لي و قال لي وسع
القبضة بهالشكل ما راح يتحرك الصدر .. قالها باسلوب ممتاز و عن طيب نية .. وضحتله انه هذا تمرين تراي و انتهى الموضوع ..

بالمقابل .. احد الايام العب تمرين للبطات حتى الارهاق .. و مستعمل منتج بمب .. المهم بعد اخر جولة العروق برزت .. جاني العبقري يقنعني انه الي برجلي هذا
دوالي و لازم اوقف تمرين الارجل و ارتاح .. رديت باسلوب طبيعي قلت له لا مع التكرارات الكثيرة الدم ضخه يزيد و يوسع العروق و تظهر بهالشكل .. الاخ
ما اقتنع و الا يقنعني انه هذي دوالي بالارجل و احد اقربائه عنده هذا المرض ..
هذا النوع الي يرفع الضغط و يستاهل انواع المحشات ..

طبعاً الي يرمي الدامبلز .. الي ما يحلى له تمرين الدامبل او الباي او اي تمرين مرجحة الا و هو بالع المراة الي يكون امامها صف الدامبلز .. الاصوات المبالغ فيها
و النظافة الشخصية مثل الاخ الي يلعب بالعصا و لابس tank و عامل مروحة عرق .. هذي الاشياء مخجلة بصرحة

هههههههههههههههههههههههههههههههههههههههههههههههههههه
خخخخخخخخخخخخخخخخخخخخخخ

[To My Dream]

هههههههههههههههه مواقف اقل ما يقال عنها شر البلية مايضحك
وللكن دايما تواجهني مشكلة التوجيه احيانا تجد المبتدئ يتمرن غلط فلما ترشده يخجل فيقول
المدرب قال كذا هو صادق هو كاذب ما ادري
وبعض المدربين يزعل يوم توجه واحد وصارت لي قبل كم يوم بعد ماوريته تأدية التمرين الصحيح انتبهت للمدرب يروح لعنده
بصوت خفي يقولو غلط قلت لنفسي هو اخبر بس حبيت اتناقش معاه بس مشكلتي بعد ما ينتهي التمرين ما احب اتكلم اكون واصل حدي
بالنسبة للصراخ اي نعم يجلب الحماسة وايضا يجلب العين والعين حق
انا احاول ابتعد عنه بس غصب عني
طبعا رمي الدنابل من الخطر الكبير حتى الاخ اللي يقول خايف من اصابه احيانا رمي ادنبل او عدم انهاء التدريب بشكل صحيح يسبب اصابه
لما احس اني راح اكسر وزن اطلب من المدرب او أحد المتقدمين مساعدتي في انزال الوزن وهذا هو المفترض
تحياتي للجميع

[darkinnn]

[SIZE=6][/SIZEتدرون يا شباب انا اكثر شئ يسليني مع التمرين اني اتناقش مع شباب من النوع ده
يعني انا باحب اريح و ارتاح وانا من رأيي ان تغير نظام التمرين باستمرار بيحفز العضلات اكتر
كأني باعمل للعضلة مفاجأة
و الله اعلم]

[snake asem]

اليوم شفت واحد كان معانا بالنادي شكله جديد باللعبه المهم

كنت يومها امرن الصدر ... وجاي واحد مبتدء يمرن الباي واقف

تدرون كيف يمرنه طول مايحرك الدانبل على الباي يفرفر الدانبل يمين يسار ههههههههههههه

وكثير اشوف انا هالمواقف ((الله يهديهم بس)

خخخخخخ هذا تمرين السواعد
انت شكلك جديد على الحديد

[Taiger for ever]

خخخخخخ هذا تمرين السواعد
انت شكلك جديد على الحديد
ههههههه انت اللي توك جديد واتوقع من امس هههه

اصلن تمرين السواعد يابطل تحط الدانبل على شي وترفعه على السواعد بواسطة ايدك راجع الصوره

http://www.bodybuilding.com/exercises/exerciseImages/sequences/2/Male/m/2_2.jpg (http://www.bodybuilding.com/exercises/exerciseImages/sequences/2/Male/l/2_2.jpg) (http://www.bodybuilding.com/exercises/exerciseImages/sequences/2/Male/l/2_2.jpg)

[J o K A R]

هههههههههههههههه مواقف اقل ما يقال عنها شر البلية مايضحك
وللكن دايما تواجهني مشكلة التوجيه احيانا تجد المبتدئ يتمرن غلط فلما ترشده يخجل فيقول
المدرب قال كذا هو صادق هو كاذب ما ادري
وبعض المدربين يزعل يوم توجه واحد وصارت لي قبل كم يوم بعد ماوريته تأدية التمرين الصحيح انتبهت للمدرب يروح لعنده
بصوت خفي يقولو غلط قلت لنفسي هو اخبر بس حبيت اتناقش معاه بس مشكلتي بعد ما ينتهي التمرين ما احب اتكلم اكون واصل حدي
بالنسبة للصراخ اي نعم يجلب الحماسة وايضا يجلب العين والعين حق
انا احاول ابتعد عنه بس غصب عني
طبعا رمي الدنابل من الخطر الكبير حتى الاخ اللي يقول خايف من اصابه احيانا رمي ادنبل او عدم انهاء التدريب بشكل صحيح يسبب اصابه
لما احس اني راح اكسر وزن اطلب من المدرب او أحد المتقدمين مساعدتي في انزال الوزن وهذا هو المفترض
تحياتي للجميع

ولله يخوي كلامك 100% وصارتلي ..~

[soosi2]

ههههههه انت اللي توك جديد واتوقع من امس هههه

اصلن تمرين السواعد يابطل تحط الدانبل على شي وترفعه على السواعد بواسطة ايدك راجع الصوره

http://www.bodybuilding.com/exercises/exerciseImages/sequences/2/Male/m/2_2.jpg (http://www.bodybuilding.com/exercises/exerciseImages/sequences/2/Male/l/2_2.jpg)

تمرين سواعد مثل ماقال الاخ snake

واليي انت حطيته تمرين اخر لسواعد

[salam912]

عسى دوم حمد الضحكه :)

شباب في مشكلة ثانيه
البعض الله يهديهم لما يلعب صدر عال او مستوي دانبل
او مهما كان التمرين المهم الوزن ثقيل
اول مايخلص من تمرينه يحذف الدنابل من ايده
ولا كأن في بشر قاعدين يتمرنون حواليه
طيب هالوزن لو طايح على حد ومعوره شتسوى عليه

واحد من الشباب اليوم بالنادي دايم يسوي هالشغله
المهم اليوم حذف الوزن وكان راح يعور واحد من الشباب
انا انقهرت ورحت اكلمه صراحه كنت ناوي على شر
بس سبحان الله اول ماكلمته الولد طلع على نياته ومحترم
وكان منحرج من اللي صار
المشكله انه شايف واحد غيره يسوي هالشي واقصد
اول مايخلص تمرين يحذف الوزن
وعلى باله ان هالشي حماس :)
ومحد نبهه المصيبه المدربين رايحين فيها محد يقوله لاتقط الوزن
المهم انا قلت له يا ابن الحلال اذا بتشيل وزن ثقيل مره ثانيه قولي
عشان اول ماتخلص تمرين اخذه منك
واذا انا مو موجود كلم المدربين
ولا تحذفه وتذبح احد بالنادي ماتسوى عليك :)


كلام سليم بارك الله فيك

[Morphogenesis]

هههههههههههههههههه شوفو توقيعي , من فترة فكرت اشتري تي شيرت واطبع عليه هالعبارة والبسه خصوصاً عشان الجم
انا من النوع اللي ماحب اتكلم ابد بالصالة واكون مركز بنسبة 500% عالتمرين , واذا جا احد كلمني احاول اتجاهله او ارد عليه بإجابة بسيطة
واللي يجون يخربطون على راسي احقرهم غالباً اذا كانو مفلسفين بزيادة , اما اذا كان نيته صافية ومن جد انا كنت غلطان اقوله شكراً واسوي الحركة صح, لأن بالتمرين ماتشوف نفسك ومن التعب ممكن تسوي شي غلط

وشكراً عزيزي

[J o K A R]

ولله امس جاني واحد وانا قاعد

اتمرن رفرفه امامي

سألني كم عمرك قلتله 15

قلي انصحك لاتشيل حديد ..!!

قلتله ليه

قلي مايخليك تطول ويخليك على نفس طولك ..

قلتله انا مااتمرن اوزان ثقيله

وبعدها رحت

...

[Mohd01]

ياجماعه ترا الموضوع للكلام عن الفلسفه وعدم النظافه والاشياء المزعجه عموما
لكن اشوفه قلب طنازه وشماته بالمبتدأين واغلاطهم !!

الشماته شينه ترا ..
وكل العالم بدوا من الصفر .. الا ان كان فيه ناس طالعين معضلين من بطون امهاتهم فهذي ناحيه ثانيه !

ما أقصد اي شخص بعينه لكن مجرد ملاحظه من اخ لكم

[مـُـحـب العجمي]

عسى دوم حمد الضحكه :)

شباب في مشكلة ثانيه
البعض الله يهديهم لما يلعب صدر عال او مستوي دانبل
او مهما كان التمرين المهم الوزن ثقيل
اول مايخلص من تمرينه يحذف الدنابل من ايده
ولا كأن في بشر قاعدين يتمرنون حواليه
طيب هالوزن لو طايح على حد ومعوره شتسوى عليه


كلامك صحيح مرة انا اتمرن وشوي اشوف الدنبل شاطف ماشي مليون ياله سحبت رجلي ولا كانت بتصير رجلي فيها عضلة جديدة

[Heartbeat]

كلامك صحيح مرة انا اتمرن وشوي اشوف الدنبل شاطف ماشي مليون ياله سحبت رجلي ولا كانت بتصير رجلي فيها عضلة جديدة


:)
الله ستر
الله يهدي بعض الشباب يحذف الوزن وكأنه حاذف اسفنجه
مايقول في بشر قاعدين حوالي -_-
انتبه البعض مايكون متعمد بس تلقف وشال وزن ثقيل عليه
واثناء التمرين يطيح الوزن منه والله يستر ومايكون احد جالس قريب منه

[Heartbeat]

كلام سليم بارك الله فيك


وبك إن شاء الله
البعض يكون متحمس للعبه ومن سوء حظه
يكون جالس قريب من احد الشباب اللي فاكرين انفسهم وحوش باللعبه
ويطيح منه الوزن او يحذفه
ويتعور هالشخص المبتدئ ويكره اللعبه بعدها ويتركها
او يضطر انه يتركها من الاصابه
بعض الشباب ينسون انهم يتعاملون مع اوزان ثقيله
وممكن تؤذي الأخرين