مشاهدة النسخة كاملة : مشاكل صحية ولدي عمره 14 وشارف على السمنة ..توجيهاتكم ونصائكم
super96
18-06-2011, 11:59 PM
معلومات المتقدم بالاستفسار :
العمر : 14 , الجنس : ذكر
الطول :noo متر
الوزن : noo كيلوجرام
و الاستفسار كالتالي :
استفسار ارجووكم بسرعة دخلوا
سلام عليكم
شباب انا ولدي عمره 14 وشارف على السمنة يعني ماباقي عليه شي ويسمن مع العلم في هسن لا يقدر يدخل gam
والحين هوه عنده عطلة صيفية
ابي تمارين اي شي اساعد ولدي على انه يخسر وزنه بسرعة شباب
ولوزين اتجطون جدول تمارين بعد
المهم ابي ارجعه ضعيف وش اخليه ياكل وش اخليه ماياكل
THE CAST
19-06-2011, 12:33 AM
وعليكم السلام
هو نظاما ممنوع يدخل النادي لكن بعض النوادي مايمهما السن ..
بالنسبه للاكل يبتعد عن :
الغازيات بانواعها - الدقيق الابيض - الارز عدا البني - الاندومي - الايسكريم - المقالي كالبروست والبطاط المقلي وغيرها - السكر الابيض - الملح - الشيبس - الفاست فود - الحلويات الموجوده بالبقايل والي كلها صبغات وسكر.................................... .
ويفضل اكله مايخرج عن
الحليب الطبيعي - الزبادي - الخضروات بانواعها - الفاكهه كذلك - الدقيق الاسمر - الاسماك - صدور الدجاج - الشوفان - بياض البيض(صفارين في اليوم كافيه) - التست - الجبن قليل الملح والدسم كجبنة الطيب - زيت الزيتون - زيت الزيتون النوعيه الممتازه - العسل الاصلي - زيت اوميغا3 - القلابه او القول - العدس - الزنجبيل - الفلفل الاسود..............................
طبعا ماياكل كل السابق بيوم وليله ..حاول تنظمله مينيو يومي مكون من 4 وجبات متوسطه لاتصل به الى حد الشبع وليراعي هذي الامور ايضا
- لايشرب ماء مع الاكل بل قبله بربع ساعه او بعده بساعه
- الشاي الاخضر او الاسود لايشرب بعد الاكل مباشره
- العشاء يكون قبل النوم بساعه ونصف عالاقل والافضل ساعتين
- عندك سكر اسمه سبلندا يقدر يستعمله اذا وده يشرب شاي او قهوه....او لتحلية الاكل عموما واذا ماوجدته عندك سكر ستفيانا ...
- الاكل مشوي او مسلوق او عالبخار فقط
- الارز البني مختلف عن العادي ولااقصد رز الصياديه
- اول مايصحى من النوم كوب ماء كبير بارد لحد الارتواء.. والفطور بعده بنصف ساعه الى ساعه
وتم تعديل العنوان ماودنا نزعلك ...والله يحفظلك ولدك ويبعده عن كل مكروه
موفق باذن الله
دامبلز
19-06-2011, 12:46 AM
بس اخي كاست انا بعرف انه سنه مناسب و ممتاز لبدايته في لعبة كمال الاجسام ,,, هكذا كل اللاعبين المعروفين كانت بداياتهم في هذا السن
وشكرا ...!!
THE CAST
19-06-2011, 12:49 AM
^^^
انا قلت نظاما , بالعكس لو يدخل في هذا السن ممتاز ...
.hamad.
19-06-2011, 12:50 AM
بس اخي كاست انا بعرف انه سنه مناسب و ممتاز لبدايته في لعبة كمال الاجسام ,,, هكذا كل اللاعبين المعروفين كانت بداياتهم في هذا السن
وشكرا ...!!
السن المناسب +16
THh Rock
19-06-2011, 12:51 AM
دامبلز
طيب الولد بينقص وزنه !!! عنده فات عالي وعلى كلام الوالده انه ماباقي عليه شي ويسمن ........
super96
19-06-2011, 12:53 AM
شكرا لكم ويش عن التمارين
THh Rock
19-06-2011, 12:56 AM
^^^^^
في مرحلته الرياضه بكل انواعها السباحه الكوره السله الهروله اي نشاط حركي ..........
.hamad.
19-06-2011, 01:00 AM
بوجهة نظري لو تشركه فالتكواندو افضل
منها يكسب لياقة وتزيد ثقته بنفسه
Heartbeat
19-06-2011, 01:15 AM
الاهم رغبة الولد اذا كان مو راغب بالرياضه وبنزول وزنه صعب
اول شي شوفه شنو هاوي من الرياضات مهما كان نوعها
كرة قدم طائرة اي نوع من الرياضات شركه فيها
واذا كان مو راغب الرياضه
حاول تحببه بالرياضه شجعه حفزه
اوعده في امور لو استمر بالرياضه
كل ماتشوفه ماشي صح حفزه بأي شي هدية مثلاً لأنه مواصل بالرياضه
حاول تكون معاه عشان يحب الرياضه
مثلاً اخذه معاك اي مكان يصلح للمشي
على الاقل نص ساعه مشي باليوم
وبالنسبة للاكل مثل ما ذكر لك الكابتن ذا كاست
حاول توفر الاكلات الصحية بالبيت لكن لا تضغط عليه
يعني مو يومياً اكل صحي راح يمل بما انه توه صغير
على الاقل العشاء او اخر وجبة تكون صحيه 100%
الفطور على راحته والغداء كذالك الا اذا كان ينام بعد الغداء
حاول يكون الغداء دايم مشاوي دجاج لحم سمك
البيض المسلوق بشكل يومي على الافطار
الرز على الغداء يكون على البخار
الامر يعتمد عليك انت انك توفر له الاكل الصحي وتشجعه على الرياضه مهما كان نوعها حتى لو كانت فقط مشي كل يوم نص ساعه
بس لازم تكون معاه عشان تشجعه وتكون انت له قدوة
وبالتوفيق ان شاء الله
super96
19-06-2011, 01:31 AM
سالته قال يبي الركض والمشي
عندي سؤائل هل الركض والمشي يفيد
Heartbeat
19-06-2011, 01:49 AM
اكيد يفيد
بالبداية خله على المشي مابين مشي بطيئ ومشي سريع ومع الوقت يركض
نص ساعه باليوم ممتازه واهو توه صغير ويحرق دهون بسرعه
بس ماثل ماوصيتك بالبداية مشي بس اول اسبوع
ومن بداية الاسبوع الثاني
5 دقايق مشي ودقيقه ركض
وكل اسبوع تنقص المشي مثلاً
4 دقايق مشي ودقيقه ركض
الاسبوع اللي بعده
3 دقايق مشي ودقيقه ركض
اللي بعده دقيقتين مشي ودقيقه ركض
اللي بعده دقيقه ونص مشي ونص دقيقه ركض
طبعاً ركض خفيف هرولة يعني مو سريع
تستمر على هذا لمدة اسبوعين
بعدين العكس
دقيقة مشي ودقيقه هرولة
الاسبوع اللي بعدة دقيقة مشي ودقيقتين هرولة
وكل اسبوع تزيد دقيقه بالهرولة
الى ان يستطيع ان يهرول النص ساعه كاملة
طبعاً اذا احب يقدر يزيد بعدها عن النص ساعه
القصد من النظام اللي ذكرته انه يمشي بالتدريج
لكن اذا يقدر يختصر على حسب لياقته يعني
اهم شي انت تكون معاه بالبداية او على طول :)
مو تخليه يتعب وانت تتفرج :)
وبالتوفيق ان شاء الله
super96
19-06-2011, 03:41 AM
ï؟½ï؟½ï؟½ï؟½ ï؟½ï؟½ï؟½
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .