المساعد الشخصي الرقمي

مشاهدة النسخة كاملة : مشاكل صحية مشكلة باليد اليمين


الجافي101
19-06-2011, 11:25 PM
معلومات المتقدم بالاستفسار :
العمر : 20 , الجنس : ذكر

الطول :166 متر
الوزن : 56 كيلوجرام



و الاستفسار كالتالي :
السلام عليكم ..

انا استخدم يدي اليسرى ( اعسر ) يعني اكتب باليسار وكل شي واليسار اقوى من اليمين بكثير حتى اليد اكبر والصدر اكبر وهنا المشكلة لما افصخ الفنيلة ما احب احد يشوفني كذا الكل يقولي جسمك غريب وبالحديد زدت الطين بلة الظاهر اليسار اقدر اشيل فيها اوزان اكثر وتحمست وقمت اشيل فيها وزن اكثر من اليمين لمدة شهر كذا بعدين قالي المدرب المفروض تسوي العكس عشان توازن ...

وشرايكم شالحل بهالمشكة ؟
sami1989
19-06-2011, 11:29 PM
لازم تلعب بتوازن ولاتلعب باوزان مختلفه

انا كمان يساري لكن عندي اليمنه تتحمل اكثر والعب باوزان متساويه مافي شي اسمه اقوى وتزيد وزن
بردان1
19-06-2011, 11:41 PM
خطا مثل ماقالك الكبتن سامي

العب بتوووازن واستمر على هالشكل

وان شاءالله يتحسن الشكل العام بس اهم شي العب بتوازن وخليك من الاجهزه الي تكون اذرعتها ملتحمه تمرن حر دايم

موفق
حسموو
19-06-2011, 11:52 PM
ياخي الله يهديك مفروض تلعب بنفس الاوزان يلا مافي مشكلة حاول توحد الاوزان وركز اكتر على اليمين
الجافي101
20-06-2011, 12:36 AM
الله يعطيكم العافيه ما قصرتوا ..
abu kinan
20-06-2011, 01:43 AM
غريب انا اعرف العكس
انا استعمل يد ياليمين بشكل عام في الأكل والكتابه وكل شئ وبالرغم من ذلك عندي اليسار أقوى
Rashid.S
20-06-2011, 12:43 PM
الظاهر اليسار دايم تكون أقوى عشان تدفق الدم وميلان القلب لليسار ،، <<< شرايكم ،، براا

يمكن ،، بس صحيح أنا أستعمل يدي اليمين بس أحيان بالبنش أحس اليسار أقوى فأحس من الحماس اني بقلب البار ،، خخخخخ
الجافي101
20-06-2011, 02:07 PM
انا مو بس اقوى حتى بالشكل اكبر واعرض العظم
mr.911
20-06-2011, 08:35 PM
انا استخدم يدي اليسرى ( اعسر ) يعني اكتب باليسار وكل شي واليسار اقوى من اليمين بكثير حتى اليد اكبر والصدر اكبر وهنا المشكلة لما افصخ الفنيلة ما احب احد يشوفني كذا الكل يقولي جسمك غريب


اخوي هل في احد شافك وقالك هالكلام بالفعل ؟ لانه اتوقع انك تبالغ نوعا ما اغلب الشباب وخاصة المبتدئين تلاقي في فروقات قليلة بعضلات

معينه ناس الكتف وناس الصدر وناس البايبس فلا تكبر الموضوع مع الوقت كل شي يتعدل مرح يستمر هالشي معك ابدا باذن الله

واكبر غلط انك ما تشيل الوزن بتوازن بالهطريقة الي عملتها بشهر اهي اللي زادت الطين بلة العب بتوازن ولا تعطي الموضوع اكبر من حجمه
نصيحة اخ

بالتوفيق
الجافي101
21-06-2011, 02:34 PM
والله يا خوك عيال عمي كلهم يضحكون علي طبعا غشمرة بس انا اتضايق ومن الاول ترا قبل لا ادخل النادي كان الفرق بسيط الحين زاد بس بتبع نصايحكم ومالنا الا الصبر وكل شي بيكون اوكي

يعطيكم العافيه جميعا