المساعد الشخصي الرقمي

مشاهدة النسخة كاملة : مرحلة التضخيم 100 كيلو


adel1992
23-06-2011, 02:44 AM
معلومات المتقدم بالاستفسار :
العمر : 19 , الجنس : ذكر

الطول :182 متر
الوزن : 91 كيلوجرام

نسبة الدهون : 24

و الاستفسار كالتالي :
اخواني احبائي

انا لي الان اللعب حديد 11 شهر تقريبا

بدية ووزني كان 68 كيلو ووصلت الان 91

مكملاتي شهر بروكمبلكس جنير وشهر اللى بعده بروكمبلكس العادي

والان منقطع عن المكملات فترة شهر تقريبا ومحافظ ع العضل والوزن ولله الحمد

اللى بغيت استفسر عنه

نسبة الدهون زادت عندي بشكل كبير عن اول في البطن

الزياده هذي فيها خوف او في فترة التنشيف بامكاني اشيلها

واستفساري الثاني انا بشكل يومي تقريبا اكل مشويات تحديد شيش طاوق

هل تعتبر وجبه حلوه بالنسبه لنا او لا
THE CAST
23-06-2011, 02:57 AM
افهم من كلامك ان وزنك ونسبة الدهون زادت خلال فترة اللعب...

عموما
الان وقف البرو غينر لانه راح يزيدك دهون اكثر....

بالنسبه للدهون
الدهون عندك تعتبر زائده ولكن لابد نعرف كم زاد وزنك من الكتله العضليه قبل وبعد .., اقترح عليك الان تبدا تحاسب في اكلك وماتاكل أي شيء بدون رقابه , واذا عندك اساس عضلي جيد فادخل تنشيف...

بالنسبه للمشاوي كالشيش طاووق
ماعندك مشكله ...



بالتوفيق
adel1992
23-06-2011, 03:19 AM
الله يعطيك الف عاافيه على الرد

وجعل والديك ان شاء الله في الجنه


وش رايك اهدي اللعب شوي هالشهر واركز ع البطن وبداية الشهر الجاي ارجع وازيد الوزن لان هدفي من اول مادخلت اللعبه اوصل 100 وانشف

رايك يهمني يابطل ...
adel1992
23-06-2011, 03:20 AM
وبالنسبة لقياس الدهون والعضل وين احصله في السعوديه

عندنا في النادي يجبرونك تسجل مع اخصائي التغذيه عشان يقيس نسبة الدهون والعضل والتسجيل 250

المشكله النادي اللى انا فيه بودي مااسترز الصحافه تخيل نادي وش كبره يسوي هالحركه الوسخه
THE CAST
23-06-2011, 03:45 AM
الله يعطيك الف عاافيه على الرد

وجعل والديك ان شاء الله في الجنه


وش رايك اهدي اللعب شوي هالشهر واركز ع البطن وبداية الشهر الجاي ارجع وازيد الوزن لان هدفي من اول مادخلت اللعبه اوصل 100 وانشف

رايك يهمني يابطل ...
الله يعافيك
ووالديك يارب

مهما لعبت بطن فطالمنا إنك فمرحلة ضخامه ماراح تختفي الدهون من عليها , واذا وصلت لل100 كلجم تأكد تماما اغلبها راح تكون دهون
خصوصا فوضعك الحالي


وبالنسبة لقياس الدهون والعضل وين احصله في السعوديه

عندنا في النادي يجبرونك تسجل مع اخصائي التغذيه عشان يقيس نسبة الدهون والعضل والتسجيل 250

المشكله النادي اللى انا فيه بودي مااسترز الصحافه تخيل نادي وش كبره يسوي هالحركه الوسخه
مجبر على التسجيل ! هذا نصب بصراحه لاجل اقيس نسبة الدهون لابد اسجل عند اخصائي تغذيه , بعدين وش قدم هذا الاخصائي للمشتركين ؟
عجيب ..
هذا نصب باحترافيه.


في اجهزه في وقت اللياقه او في بعض الصيدليات الكبيره واتوقعها موجوده عندكم في البودي ماستر تقيس نسبة العضل ...لكن بما انك ماقستها قبل فماراح نقدر نعمل مقارنه

والتضخيم اساسه النظام الغذائي بعدين التمرين ...

انت وش تقييمك لجسمك نظرياً(نحيف/بدين/دهون زائده/دهون مع عضل / متناسق.......)؟
toto jeddah
23-06-2011, 09:32 AM
ماشاء الله زيادة وزن خيالية

ومع احترامي وتقديري ,, بناءك لجسمك بهدا الشكل قد يسببلك تواجد خلايا دهنية عصيبة ما رح تروح بالتنشيف
لان زيادة وزنك من 68 لـ 100 من غير توقف او مرحلة استقرار للجسم تعد خطأ ر

نصيحتي نزل وزنك لين 85 ك واثبت عليه لمدة 6 شهور مع التركيز على خفض الدهون وبناء عضل صافي

وماقصر ابو منصور وياليت تجيبه ع اسئلته حتى يفيدك
adel1992
23-06-2011, 06:52 PM
هذي صور لجسمي عشان ولكم الحكم

مع العلم اني امس ماتمرنت ولا اليوم




http://store2.up-00.com/Jun11/ynl44179.jpg

http://store2.up-00.com/Jun11/gmY44179.jpg

http://store2.up-00.com/Jun11/K9X44179.jpg

مالقيت احد يصورني اذا الصور مو واضح عطني خبر
adel1992
23-06-2011, 09:52 PM
up........................
toto jeddah
23-06-2011, 10:23 PM
ادخل تنشيف يابطل

روح ع الموضوع المثبت للكت واطرح بياناتك واتبع النظام الغدائي حتى تبني جسم صح والا رح تبني جسم عضل مع شحوم وتتعب
adel1992
23-06-2011, 10:31 PM
يعطيك الف عاافيه عندي كم سؤال الله يخليك واسف ع ازعاجك

س1\ ع جسمي كذا تتوقع بعد التنشيف بيكون في عضل جاامد ولا لا

س2\ انت عاارف مابقى شي ع رمضان هل ينفع التنشيف في رمضان

س3\اتمنى تعطيني رايك بالجسم بكل امانه وانا ترى ماازعل ماعندي مشكله(طبعا المده 11 شهر)

وماننحرم منك يابطل
toto jeddah
23-06-2011, 10:50 PM
1 - على حسب ما بنيته من اساس عضلي وكمان طريقة تمرينك والدايت تبعك

2 - نعم رمضان مناسب جدا للتنشيف

3 - جسمك ماشاء الله تبارك الله فيه اساس عضلي ولكن المويات والدهون بدأت تزيد وحان وقت الفاصلة , وتعمل تنشيف

واستمر يابطل
adel1992
23-06-2011, 10:54 PM
ان شاء الله اجل ببدا انشف الاسبوع القادم

بالنسبه للمكملات وش اخذ..؟

وانا الان بروح اقرا موضوع ذا كاست المثبت بتمعن