تنشيف وتقطيع

[jkd1]

معلومات المتقدم بالاستفسار :
العمر : 24 , الجنس : ذكر

الطول :1.66 متر
الوزن : 87 كيلوجرام



و الاستفسار كالتالي :
السلام عليكم
هاذي أول مشاركة لي أو بالأصح أول استفسار لاني كنت متابع للمنتدى بشكل دائم فقط من بعيد لبعيد
نجي للزبدة
أخوكم موب راعي حديد كممارس لرياضة الحديد لكني ألعب حديد في المنزل كشد للجسم لا أكثر+رياضة جيت كون دو (قتال شوارع)
عما قريب ان شاء الله سأكون مدرب ثانوي لهالرياضة<<فترة هياط الله يكفينا الشر السبب اني قلت كذا لأن لي فترة طويلة ألعب ولاتغير الجسم عندي مع إنها والله مهلكة ومتعبة
لكن مايقلقني فعلا هو كمية الدهون الغريبة الي عيت تروح أو تخف
الطول 166 تقريبا يعني مهنا طول والوزن سابقا كان 110 والان 87 كيلو كل هذا كان لمدة8 أشهر تقريبا بدون استخدام اي منشف واللياقة عالية ياربي لك الحمد لكن هزة الشحم وانت تتحرك تسبب لك قلق
لكن الفترة الاخيرة وقف النزول من 3 اشهر مع ان الحمية مستمرة
وهي الفطور:بيضتين مسلوقات+عصير أو شاهي أو قهوة بدون سكر +حبة فاكهة تفاح او برتقال
الغدا:صدر دجاج بدون جلد مع بهارات وفلفل حار وطماط وملفوف وخبز مفرود بر (زي الكودو)
العشا:تفاحة وزبادي+خيار
ومع كذا مافيه اي استجابة وحسيت اني اكل كذا عن قولة اني اكلت مثل البزر الي ياكل مغصوب تاكل وتبي نتيجة ولا تشوف شي وقريت في المنتدى عن اوكسي ليت برو واتصلت بالأخ tHh rock <<ان شاء الله ماكون غلطان بالاسم وجزاه الله خير ووفره لي وقومته من النوم ذاك اليوم
وفيه استجابة لكن ضعيفة وماشي على نفس المكتوب حبة على معدة فاضية قبل الفطور بـ 40 دقيقة وحبتين قبل التمرين
فيه تعرق كثير فيه نشاط بدني زيادة لكن فيه حومة كبد مب طبيعية بعد التمرين تحس مدري وشلون

بعد كل هالشرح
أبي منكم الله ييسر أموركم ويحقق آمالكم
التالي:
كيف اقدر ازيل الدهون الي موجودة في الصدر و الخصر من جنب اسفل مطيحات شوي صاير مشوهه الوضع<<ان شاء الله واضح المكان الي أقصده والي موجودة في الظهر أسفل لوح الكتف وأسفل البطن<<مضيقين صدري مرة
مع العلم اني سبت واثنين واربعاء تمارين سويدية واطالة لمدة ساعة بعدها تمرين نفس الرياضة لكن مثل ماقلت مافيه استجابة إلا ضعيفة
هل:
1-الاوكسي ليت برو لوحدة كافي أم لازم معه شي آخر ؟
2-إذا لازم معه شي آخر فأرجو ذكر المنتج زائد وظيفته لأني مااعرف إلا إن اوكسي ليت برو وليبو 6 بلاك حارقين دهون وبس.
3-هل لو ألعب حديد أوزان خفيفة زي سبعة كيلو مع عدات كثيرة يحرق دهون بشكل واضح أو لا؟لأني سألت مدرب قال لي لو تلعب حديد راح تحرق دهون بنسبة جدا ضعيفة
أنا أبي فقط ازالة دهون وتقطيع للعضلات فهل فيه شي يحفز الجسم يزيد طاقة ويحرق دهون ويبرز عضلات بدون ضخامة واقترحو علي برنامج غذائي مناسب ؟
وجزيتم خيرا ومعذرة على الاطالة

[TRIPLE H2]

و عليكم السلام
من الواضح لي أن جسمك من الاجسام اللي تخزن دهون و من الصعب التخلص منها الدهون
عندي ملاحظة بسيطة و جباتك الغذائية لا تكفي فلازم تخليها من 4 الى 6 وجبات عشان يزداد عمليات الايض عندك
و لازم تعرف انه مرحلة حرق الدهون في الكارديو عموما تبدأبعد الدقيقة 40 أو 45 لذلك لازم تلعب 45 د كارديو
أما اذا تشوف الكارديو متعب فاتبع نظاك HIIT
و لو تقدر تدبر بروتين زيرو فات بيكون ممتاز iso 100
نجي لاسألتك :
1 - الاوكسي ليت يعتبر من افضل حوارق الدهون و باذن الله يكفي
2 - باذن الله يكفي لكن اذا قدرت تدبر جلوتامين من شركة ON أو ديماتز بيكون ممتاز و ولو تدبر بروتين iso . 100
3 - هو من المعروف ان الحديد ما يحرق دهون لكن يقوم بحرق السعرات و هاذي السعرات اذا بقت في الجسم سوف تتحول لدهون
4 - الفطور : سكوب بروتين مع ماء + 3 بياض بيض + حبتين خبز توست أسمر + برتقالة
الوجبة الثانية : علبة تونة صغيرة + نص رغيف خبز أسمر
الغداء : صدر دجاج + ربع صحن رز بني + سلطة
قبل التمرين : حبة فاكهة
بعد التمرين : سكوب و نص بروتين مع ماء
قبل النوم : كاستين حليب منزوع الدسم

[jkd1]

و عليكم السلام
من الواضح لي أن جسمك من الاجسام اللي تخزن دهون و من الصعب التخلص منها الدهون<<صدقت أخوي تخزن بقوة
لكن أبني عضل بسرعة ويظهر شكل العضلة يعني البطن والباي والتراي لهم بروز مع وجود الدهون لكن الي أسفل البطن والخواصر والصدر مسببة زحمة
عندي ملاحظة بسيطة و جباتك الغذائية لا تكفي فلازم تخليها من 4 الى 6 وجبات عشان يزداد عمليات الايض عندك
و لازم تعرف انه مرحلة حرق الدهون في الكارديو عموما تبدأبعد الدقيقة 40 أو 45 لذلك لازم تلعب 45 د كارديو
أما اذا تشوف الكارديو متعب فاتبع نظاك HIIT <<ماعندي مشكلة هرولة متوسطة يوميا مسافة 2 كيلو بعدها خلاص لازم امشي لاني اتعب فهل هذا مناسب +نط حبل ثلاث دقايق+شي تقترحه أو يقترحه الأخوان زيادة وياليت شي للخواصر لأنها متعبتني ؟
و لو تقدر تدبر بروتين زيرو فات بيكون ممتاز iso 100 <<هذا وش فايدته؟
نجي لاسألتك :
1 - الاوكسي ليت يعتبر من افضل حوارق الدهون و باذن الله يكفي
2 - باذن الله يكفي لكن اذا قدرت تدبر جلوتامين من شركة ON أو ديماتز بيكون ممتاز و ولو تدبر بروتين <<طيب ماعندي مشكلة بس ياليت لو تعطيني شي محدد وتقول لي وش وظيفته يعني استعمل اوكسي ليت +ايزو +جلوتامين اوكسي حرق بس الايزو والجلوتامين وش فكرتهم؟ والشي الثاني هل يكفون إنهم يزيلون الدهون ويساعدون على اظهار العضل او لازم شي زيادة؟
3 - هو من المعروف ان الحديد ما يحرق دهون لكن يقوم بحرق السعرات و هاذي السعرات اذا بقت في الجسم سوف تتحول لدهون
4 - الفطور : سكوب بروتين مع ماء + 3 بياض بيض + حبتين خبز توست أسمر + برتقالة
الوجبة الثانية : علبة تونة صغيرة + نص رغيف خبز أسمر
الغداء : صدر دجاج + ربع صحن رز بني + سلطة
قبل التمرين : حبة فاكهة
بعد التمرين : سكوب و نص بروتين مع ماء
قبل النوم : كاستين حليب منزوع الدسم
<<باذن الله راح ابدى فيه بس خل انتظر ردك عن فكرة المكملات وابدى مرة وحدة ولك وللأخوان جزيل الشكر

[TRIPLE H2]

هلا فيك أخوي
عشان أكون صريح معاك الكارديو اللي تسويه ما يكفي لازم تزيد ( أتعب عشان تحصل نتائج وخاصة في مرحلة خسارة الدهون )
بالنسبة للمكملات :
الايزو : بروتين يزيد من كمية العضل
الجلوتامين : يحافظ على الكتلة العضلية و يزيد من الستشفاء
خذ كارديو سهل :
قبل ما تبدا تمارين الحديد : 10 د هرولة و 10 د جري
ببعد تمارين الديد : 20 د سيكل 10 الجهاز اللي تمسك فيه عصاية طويلة وتحرك رجليك و ايديك بالتبادب و 5 د نط حبل
موفق

[TRIPLE H2]

هلا فيك أخوي عشان أكون صريح معاك الكارديو اللي تسويه ما يكفي لازم تزيد ( أتعب عشان تحصل نتائج وخاصة في مرحلة خسارة الدهون ) بالنسبة للمكملات: الايزو : بروتين يزيد من كمية العضل الجلوتامين : يحافظ على الكتلة العضلية و يزيد من الستشفاء
خذ كارديو سهل : قبل ما تبدا تمارين الحديد : 10 د هرولة و 10 د جري
ببعد تمارين الديد : 20 د سيكل 10 الجهاز اللي تمسك فيه عصاية طويلة وتحرك رجليك و ايديك بالتبادب و 5 د نط حبل
موفق

[jkd1]

طيب الحين ببدى في البرنامج ابو خمس وجبات + حارق الدهون+أبي شي يزيد النشاط العام مع قدرة تحمل الكتلة العضلية أبنيها إذا تخلصت من الدهون
فياليت لو فيه شي يحفز على حرق الدهون يعني يكون فيه شي استخدمه مع الاوكسيليت يساعد على الحرق ويساعد الجسم على إني أتمرن وقت طويل بس على كذا لازم أبدى بعد رمضان لأن رمضان بيتلخبط كل شي وإلا وش الراي؟
وآسف على كثرة الأسئلة

[jkd1]

نسيت حاجة
لو أستعمل انيمال كت مع الاوكسي ليت يجيب نتيجة ؟

[TRIPLE H2]

يا أخوي كذا لو أتبعت الكارديو 45 د + كورس المكملات + النظام الغذائي بتحصل النتائج
الاوكسي ليت هو عبارة عن حارق دهون يزيد من نشاطك و أظن يعطيك قوة تحمل
أما بالنسبة للانيمال كت هو عبارة عن حارق دهون فما يجوز أو ما له داعي انك تستخدمه لانك هتحصل نفس النتائج
موفق

[jkd1]

الله لايهينك ماقصرت أخوي