المساعد الشخصي الرقمي

مشاهدة النسخة كاملة : التغذية فتح الشهية بعد الاستيقاظ من النوم


azooz1
11-07-2011, 02:07 PM
معلومات المتقدم بالاستفسار :
العمر : 22 , الجنس : ذكر

الطول :175 متر
الوزن : 70 كيلوجرام



و الاستفسار كالتالي :
انا اعاني اول ما استيقظ من النوم انسداد في الشهية ويستر لساعات طويلة ما اشتهي اشرب حتى ماء

ماهي الاكلات اللي اكلها الصبح تفتح النفس ولا وش اسوي لازم لكل مشكلة حل

الله يجزاكم كل خير
mr.m0hamed
11-07-2011, 02:10 PM
عندك مواد طبيعيه تساعد على فتح الشهيه مثل :-

البقدونس هذا جربته وفاد معي والحمد لله

تحياتي لك
azooz1
11-07-2011, 02:11 PM
يعني اكل بقدونس اول ما اصحى ؟

الماء ما يفتح الشهية ؟
van deseil
11-07-2011, 02:11 PM
شف الاكلات اللي تشتهيها نفسك وحاول انك تاكلها اول ماتصحى ..

او رح لمحل جي ان سي واشتر من عنده حبوب الحلبة لفتح الشهية ومالها اعراض جابية ومجربة ممتازة
azooz1
11-07-2011, 02:14 PM
الحلبة كيف ريحتها سمعت انها كريهة جدا
van deseil
11-07-2011, 02:21 PM
شوف الحلبة اللي تلقاها عند العطار بالبداية كريهه بس لما تتعود عليها لا عادي مو كريهة انت لو تشم ريحتها تحكم ..

بس الحلبة هاذي عبارة عن حبوب يعني لا ريحة ولا شيء وتفتح النفس وتزيد الوزن ومالها اي اعراض جانبية
azooz1
11-07-2011, 02:46 PM
واذا عرقت مالها ريحة ابد ؟

اذا كان كذا ممتاز مرة ومعروفة الحلبة بفتح الشهية بس عيبها الوحيد ريحتها مرة كريهة

بمرهم اليوم وبشوفها
fitness1
11-07-2011, 02:49 PM
الحلبة كيف ريحتها سمعت انها كريهة جدا

الحلبة كغذاء مفيد جدا ..لكن مشكلتها بريحتها ..لانو الجسم بتخلص من فضلاتها عن طريق العرق...!! صراحة مع هالشوب مابنصح حد يشرب حلبة
azooz1
11-07-2011, 02:57 PM
اي اخي ادري انها ريحتها كريهة بس انا اقصد هالحبوب نفس الشي او تختلف ؟؟
mr.m0hamed
11-07-2011, 03:01 PM
يعني اكل بقدونس اول ما اصحى ؟

الماء ما يفتح الشهية ؟

نعم وتقدر تتناولها بأي وقت ..

واشرب بعدها ماى علشان تنهضم بسرعه وتنفتح شهيتك بسرعه

تحياتي
متعب سعد
11-07-2011, 03:13 PM
أخوي عزوز ترى الزعتر ع الريق ممتاز جداً ..

تقدر تغلي ورق الزعتر وتشرب مويته ..

أو تاخذ زعتر خام ( من محلات الأجبان وكذآ ) وحطه في مويه دافيه وعليك بالعافية ,, بس انتبه : على الريق ..
mr.m0hamed
11-07-2011, 03:53 PM
أخوي عزوز ترى الزعتر ع الريق ممتاز جداً ..

تقدر تغلي ورق الزعتر وتشرب مويته ..

أو تاخذ زعتر خام ( من محلات الأجبان وكذآ ) وحطه في مويه دافيه وعليك بالعافية ,, بس انتبه : على الريق ..

كلام سليم +1
mr.911
11-07-2011, 04:47 PM
اخوي انا كنت اعاني من هالمشكله سابقا

1 لا تحط ابالك ابدا انك اول ما تقوم ما تشتهي يعني لا تخلي هالفكره دايما بمخك بالعكس عود نفسك وخل هالفكره ابالك انك اول ما تستيقظ لازم تاكل

2 اكل المأكولات اللي تحبها وتشتيها دايما

موفق انشالله
azooz1
11-07-2011, 05:43 PM
الله يجزاكم الخير

سؤال اخير ياليت من جرب حبوب الحلبة هاذي يفيدنا فيها وماهي عيوبها وهل تخلي ريحتك كريهة ؟
Could I DO IT
11-07-2011, 10:11 PM
زين ياشباب معليش عالدخله بس وش اسم الحبوب حقت الحلبه بجي ان سي بالانجليزي؟
van deseil
12-07-2011, 03:40 PM
الله يجزاكم الخير

سؤال اخير ياليت من جرب حبوب الحلبة هاذي يفيدنا فيها وماهي عيوبها وهل تخلي ريحتك كريهة ؟
اهلين اخوي اسف ع التاخير نفس الحلبة اللي تلقاها عند العطار بس حاطينها بكسولات ومفيدة ومالها اي اعراض جانبية ولا حتى عيوب وتفيد لكبار السن والصغار وحتى المرضى واللي عندهم فقر دم تصلح لهم وتفتح الشهية بس شف الريحة انا سألت نفس البائع حق جي ان سي يقول انها ماتجلب ريحة .. بس ماتاكدت
van deseil
12-07-2011, 03:47 PM
وهاذي الصورة

http://www.nutritionaltree.com/images/reviews/natures-way-premium-fenugreek-seed-610-mg.jpg
خانق العبره
12-07-2011, 03:47 PM
عن تجربه

امينو 2222 تابلت .. حبتين على الريق تفتح الشهية بقوة


الله يحفظك