لغم البروتين مالك ، وزيد وزن ( للأشخاص الذين يعانون من شده الضعف )

[آبـو جـآسم]

السلام عليكم ورحمه الله وبركاته
اسعد الله صباحكم \ مسائكم
;)
عندنا اليوم .. خلطـه مو طبيعيه ومجربه من قبل صاحبي وعلمني اياها وعلى طول قلت لزم افيد الشباب

طبعا هذي الطريقه ما تنفع الى للأشخاص الذين يودون زياده الوزن ومو مهتمين لأن يكون هناك دهون
او بالأصح اهم بحاجه الى كتله من الدهون .. لتغير الشكل الجسم وفي فتره معقوله
مو طويله يعني .. مثل الي يعانونه الشباب .. :)
طبعا الخلطه او الطريقه .. مراح تفرق 100%
لكن بشكل جيد وملحوظ نقدر نقول 35%
بسم الله على حسب البروتين تبعك وطبعا لزم يكون فيه دهون عشان انت تبي تضخم ( عضل - دهون )

الطريقه على بركت الله
1- نمسك البروتين ونخلطه مع الحليب ويفضل كامل الدسم لتحقيق نتائج افضل ( ولكن كثر نسبه الحليب ليصل الى 400 الى 500 ملي )
2 - ونمسك الخليط ونحطه بالخلاطه ونجيب 2 ككاو ( ابو نجوم \ او مارس \ سنكرز ) (( طبعا صاحبي الي مجربه ابو نجوم لكن كلها ككاويات وفيها نسب حلوه من السعرات الحراريه )
3- ونشغل الخلاط لين ما يذوب الككاو في الخليط ( الي اهو الحليب المخلوط فيه البروتين )
4 - اشربه وعليك بآلف عافيه
ملاحضه : لو حطينا سكوبين بعد بروتين هههههههههه راح نحصل على نتائجه جباره مضمونه خلال شهر :) فرق جذرُي
لذا يفضل طريقه التناول
2 سكوب في الصباح ومع الخلطه طبعا لكل سكوب 250 ملي وللخلطه 250 ملي اخرا
يعني اجمالي الحليب بيكون 750 ملي لو كان سكوبين ومع الخلطه
لو كان سكوب واحد 500 ملي كافي
ومافي مانع لزياده ان احتجت

و2 سكوب ومع الخلطه بعد التمرين

ومع نظام غذائي جيد 6 -5 وجبات يوميا
اضمن لك زياده 6- 10 كيلو خلال شهر :)

بالنسبه لصاحبي زاد 8.5 كيلو خلال شهر
بالتوفيق للجميع
#########################################

الموضوع لم يسبق طرحه في المنتديات .. لذى عند النقل يجب ذكر المصٌدر
http://www.montada.com
آبـو جـآسم
:)
واتمنى الأستفاده للجميع وشكرا

[آبـو جـآسم]

13
مشاهده \\\ ولا رد
كلمه شكرا مراح تاخذ وقت اعتقد ..

[صارم]

13
مشاهده \\\ ولا رد
كلمه شكرا مراح تاخذ وقت اعتقد ..


حبيب قلبي آبـو جـآسم , إلا زعلك أخوى غالبية الأخوان فالينه مع الاهل والاصدقاء اليوم خميس يابطل .


وشاكر لك أخوى هذه الطريقة الرائعة ,.

ولا عدمناك أخوى ,,,

[آبـو جـآسم]

بعد روحي يا الصـآرم .. مشكـكور لبى قـلبـك
نورت المـوضوع .. :)
حياكً

[speed nawaf]

لاتزعل يابطل ممكن الشباب مشغولين
أهنيك على الطريقة لاكن هذي تنفع للي جسمه مثل ماقلت مايزود ولا يقبل فات
أما في بعض الاجسام أي شي يزودها ويمسك موية
موفق يابطل

[متعطش]

الله يعطيك العافية يا أبو جاسم .. من ناحية التطنيش يابطل عيش وشوف أنت وش تقول الي رسل رسالة شخصيّة لواحد وسحب عليه سيفون ويشوفه يرد بالمنتدى ولا رد عليه ؟؟؟؟
الحمدلله والشكر .. طيب يا أبو جاسم وإذا كان البروتين بنكهة الشوكولاته يزيد شوكولاته ؟؟
وهل الخلطة تنفع قبل النوم مع الكازيين ؟؟؟

[adel1992]

مشكووووووووووووور يابوجاسم

استفدت من بعض النقاط

وااااااااااااصل ياوحش

[آبـو جـآسم]

speed nawaf
مشكـور ع الرد الجميل ، ونورت الموضوع ، وصحيح كلامك في اجسام تستجيب للسمنه بسرعه الي ايضها بطئء
بس هذا للي آيضـه سريع يعني الزبده صعب او ببطئء يزيد وزنه
ونـورت يا غلاااهم ..
متعطش
اولا مشكور لمـرورك وبارك الله فيك
بالنسبه الي يطنشوون هههههههههه ناس غريبه .. <مراح اكثر عشان ما ازعل احد
وطبعا اذا كان طعمه شوكلاته راح يتغير الطعم على حسب الككاو يعني حطيت بو نجوم وياه راح تحس بطعم بسكوت وهكذا
اتمنى وصلت المعلومه وجرب الخلطه وقطلي خبر بالخااص
وتنفع قبل النوم ماكو مشكله لكن بـساعه عشان شوي ثقيل على مايهضمه الجسم
وحياك مره ثانيه
kook2211
منور ياالغلا ويسعدني انك استفدت من بعض النقاط الي ذكرتها اعلاه
بعد روحي الوحش انت
^^

[aqsa1]

والله عراسنا ابو جاسم

يعطيك العافية على الوصفة ، وان شاءالله الشباب يستفيدو منها

ما قصرت


اكرر شكري

[|one.piece|]

اعوذ بالله من الدهون ..<--- هههه

الله يجزيك خير ياخوي ^^

عاد نحن ماتنفع لنا ها الطريقه


تنفع لنحييييييييييلين


تسلم وماقصرت ع الطريقه

[نااس على نااس ت]

مشكوور ياكابتن على الموضوع
طيب كم السعرات الي بحصلها من الخلطه ونسبة البروتين والكارب اذا ممكن ؟

[متعب سعد]

تنفع للي ما همه يزيد عضل ولا دهون .. أهم شي يزيد وزن وبس..

لكن أكيد بتفجر طاقتك لأن كلها سكريات والكالوري كبير فيها ..

مشكووور يابو جاسم ما قصرت ..

[آبـو جـآسم]

|one.piece|
منور الموضوع بعد قلبي
وصحيح انها ما تنفع الى لنحيفين وانا ذاكر هالشي وكاتبه اسم الموضوع ^_^
ويمكن دمجه مع بروتين زيرو فـات لو انك تبي فات ومتحسف على انك شـريته : )
----------------
ناس ع ناس تفرق
منور الموضوع وبصراحه ما اقدر اقولك كم النسب لكن انت تقدر تطلعها على حسب نوع البروتين الي عندك وعلى حسب نسبه البروتين * الكارب * الدهون
ضيف عليها نسبه الككـاو وشوف كم يطلع ..
وهكذا
متعب سعد
منـور الموضوع يا بطـل ..
واكيد بتفجر طاقتك تعطي بـور مو طبيعي ولو اخذت قبل التمرين .. بسـاعتين تقريبا الى ساعه
راح تحس بـ بـور بالتمرين ..
ومنورين مـره أخرى

[9006]

طيب والي بشرته حساسة

والشوكولاته او الكاكو يزيد من الدهون في الوجه وحبوب وقرف

ويعطيك ألف عافية

خايف اجرب ووجهي يتنفخ ><"

[التحدي M]

مشكور على الوجبه بس مثل ايش بروتين :o

[alooooly]

يعطيك العافيه يا بو جاسم
وباذن الله بنقل هالوصفه لواحد من الشباب لانه نحيف
ولا عدمناك

[آبـو جـآسم]

9006
لا تخاف لهالحد ... واذا خايف اخذه قبل التمرين .. راح يعطيك بـور بتمرين + ( يعطي رغوه للبروتين شكل وطعم حلو )
واخذه الصباح لا تاخذه بليل عشان تحرقه ولا يسبب لك حبوب ..
وشكرا
التحدي M
حياك الله حبي مثل بروتين سوبر قنر \ البروكمبلكس قينر على ما اعقد هذا اسمه ويمدحونه الشباب
وحياك مره اخرى
alooooly
يعافيك ربي يا قلبي .. وشوف انقل له الوصفه وعطه مجال شهر وقولي اخر الأخبار ..
شباب اتمنى الي يجرب الطريقه يرد علينا .. ويقول السلبيات والأيجابيات مثل البور بالتمرين .. والطعم والشكل وهكذا
واتمنى التوفيق للجميع ..

[Heartbeat]

يعطيك العافيه ابو جاسم

طريقتك يومياً اشوف الشباب بالجيم يعملون مثلها
طبعا الحليب والكاكاو من الجيم :)
كل شي فيه الجيم حتى اي كريم
تخيل حتى بطاطا موجوده ومتى يستخدمونها بعد التمرين يسخن لهم الفراش البطاط وياكلونه بعد التمرين
النوادي مصيبه اصبح همهم الاول المكسب
مو باقي غير طاولات وشيشه ودخان :)
يعطيك العافيه

[آبـو جـآسم]

اي حجي .. بس وين هالنادي دامك بالكويت يمكن اجيكم ههههههههههههههههه
خوش نادي
النادي الي عندنا مو زين اسولف لك عنه ههههههههههههههه لكن مشكله اذا صارت اداره النادي مرآه
مفجره النادي جعصه ما تنزل شي كككككككك

[Heartbeat]

ههههههههههههههه
لا يامعود شتبي فيه انا متأذي منه وتركته

اها صاحبة النادي وحده :) غريبه
عيل مايصلح لي
شوف انا احب دايم اشترك بالنوادي اليديده
لأنهم يهتمون بالبشر بالبداية طبعاً
بشرط ان يكون المدرب يمارس اللعبه على الاقل
مو بعض النوادي المدربين اللي فيه مادري والله شلون اصنفهم
مرات اقول عمال بناء
مرات اقولكهربائي او نجار ماحصل شغل قال اشتغل مدرب :)
يعني اجسامهم عادية لو كانو كبار بالعمر شوي يمكن اقول بطلو لعب
لكن شباب صغار معقوله
اللي دبلوم صنايع واللي دبلوم تجاره
يعني بالعربي ماحصل شغل قال اشتغل مدرب :)

[آبـو جـآسم]

اي في واجد جذي .. بس النادي الي فيه خوش كوابتن
بس العيب الوحيد الي فيه " مافيه مسبح "
وشكله قديم نوعا ما مو مرتب مثل النوادي الجديده
بس اتعب ع الكوابتن صراحه ... مجرمين

[saasoo]

هههههههههههههه عجبتني مجرمين هذي


الف شكر

[آحآسيسي]

شكرآ آخي الكريم :)

مآقصرت

لكن عندي آستفسآر بسيط وآبي آفآدتكم

بـ النسبه للـبروتينآت < آنآسمعت آن لهآ آضرآر مستقبلآ ..!

مـآدري هل الكلآم صحيح ..؟

[mr.911]

اخوي هيرت بيت وبو جاسم

ليش ما تسجلون باوكسجين الرقعي سعره رخيص 25

ومدربين مستوى عاالي واداره حااااازمه وخوووش نادي وخوش ناس

[آبـو جـآسم]

Saasoo
حياك الله حبيبي اعجبتك مجرمين ههههههههه طالعه من القلب
حياك لبى روحك . .
آحآسيسي
مشكور ع الرد .. ولكن بخصوص ان البروتين مضر لا واساسا البروتين هذي ماده ان ما وصلت للجسم ممكن تسبب اضرار .. !!
البروتين شي اساسي بالغذاء وموجود في الحليب والسمك والدجاج واللحوم ..
يعني لو راح يضرك كان ضر كل العالم ..
لكن الأستخدام بآعتدال لا يشكل خطوره
mr.911
بالنسبه للـرقعي ما اقدر بعيد .. بس انا الحين في فتره تنشيف يعني مو فاضي اشوف نوادي
لكن مخطط ورى العيد لما اضبط الجسم .. بطلع من النادي هذا وبدش نادي محترم صح
وشكرا للعموم ..

[mr.m0hamed]

موضوع روعه الصراحه

[آبـو جـآسم]

mr.m0hamed
والله .. ما الروعه الى انت
الف شكر على طلتك الحلوة ..

[شهيد11]

مشكور ...على الموضوع وجزاااك الله الف خير ..

وجاااري التجربه انشا الله ...

[jawad07]

لك الف شكر حبيبي ابو جاسم دائمن اطروحاتك قيمة وعلى فكرة الوصف هذي اعرف ناس جربوها كانو يبغون ضخامه ونافعه 100% تفجير اوزان وسعرات كبيره

[آبـو جـآسم]

حياكم الله منورين الموضوع ..
وبخصوص الخلطه نعم تعطي بـور وسعرات كبيره
والي قالي الخلطه كبتن كبير وله بطولات كبيره ..
وله 15 سنـه في كمال الأجسـآم .. :)
وشكـرا

[oO LoOodDy Oo]

كح كح>>> قاعد يكح من كثر الدهوون
ههههههه

ياخي أحس زاد وزني وأنا قاعد أقرأ وصففتك
هههههه

ياخي حمستني
أبشتري لك كرتون مااااارس يحبه قلبك

والله يوفقك وشاكر لك حرصك على نقل الفوائد وخاصة يالي زي إحنا الضعيفين

والله يرحم والديك... لووودي

[آبـو جـآسم]

هههههه حياك الله لودي ..
وجربها وانشاء الله بتشوف الي يسرك . .
وحياك مره ثانيه ..
كل الود

[batih 55]

يعطيك العافية على الوصف

[sami1989]

مشكور اخوي على الوصفه الجميله وان شاء الله تفيد الاعضاء

[back2glory]

حقيقة اود ان اشكرك ولانى محتاج لهذه المعلومات القيمة والمجربه ..

لدي الان الدب روسي 10000 بنكهة الفراولة هل تعتقد لو اضفت احدى المكونات التى ذكرتها سوف يفرق بالطعم ولا يسبب الم في المعدة ؟

بارك الله فيك

[الكابتن احممد]

thaaaannxx

[3lool]

مشكور بوراشد


تحياتي العطره لك ولطرح الجميل

موفق

[البحر1يني]

تشكر يا خوي

على اللغم

[PATE]

ربي يعطيك العافية يا بطل

[رياضي متحمس..]

كأنك تقصدني بالموضوووع يا اخووي

انا والله نحيف وجسمي ما يقبل دهوووون وراااح نجرب الخلطه ذي ان شاء الله

يعطيك الف عاااافيه

[brown body]

معلومات حلوة ورائعه اخوي

بس في استفسار

سمعت اي شخط يستخدم بروتين للمرة الاولة بتكون لة قفزة رائعه وحلووة

اما للمرة الثانية والثالثة في كل مرة يزيده من 2 لــ 3 كيلو واذا وصل لـ 4 كيلو شي طيب وحلو

واتمنى الافادة

[آبـو جـآسم]

4 كيلو شي حلو بس في مجال اكثر تزيد لو تهتم بـ النظام الغذائي
لأن البروتين مو كل شي ،،
6 وجبات باليوم + بروتين = اضمن لك 8-7 كيلو بالشهر ..

[brown body]

ابو جاسم يسلمو اخوي

[بوعداي]

والله ما ادري وش اقول بس احس الخلطه مش مدروسه عدل لازم الجسم ياخذ نسبه معقوله لان ممكن تسبب مشاكل صحيه سكر او ارتفاع في الكلسترول او املاح فلازم يكون بالحد المعقول ( كل شئ زايد عن حده ينقلب ضده) وارجو تقبل مشاركتي وشكرا

[آبـو جـآسم]

صحيح زايدة لكن مو مثل ما انت متوقع لأن ممكن تشرب البروتين وبعدين تاكل الككاو ؟
واصلا الي اعرفه بفتره التضخيم الي يبي يزيد دهون اكثر يتجه لللكاو والأكلات الشائعه الي فيها دهون ( همبرغر وغيرها + بيتزا وغيرها + معكرونيه)
يعني حبه ككاو بو نجوم او حبتين مراح تسـبب هالمشاكل لو خذت بـآعتدال يعني لو واحد ياخذ البروتين 3 مرات باليوم ،، ياخذه مرتين ،، والمره الثانيه يحط حبه وحده بس ككاو ،، لو كان ياكل عدل
وانشاء الله خيـر ..