استفسار بخصوص البروتينات

[zizo888]

معلومات المتقدم بالاستفسار :
العمر : 26 , الجنس : ذكر

الطول :171 متر
الوزن : 73 كيلوجرام



و الاستفسار كالتالي :
السلام عليكم ورحمة الله وبركاته ..
أعزائي في المنتدى لدي استفسار بخصوص البروتينات .. أنا ليا حوالي شهرين ونص بلعب حديد .. وزني كان 60 والآن الحمد لله أصبح 73 علما بأن طولي 171 سم
من نص الشهر الأول بدأت أتناول بروتين برو كومبلكس مرة واحدة في اليوم قبل التمرين (لأني لما جربتو بعد التمرين قلبلي بطني بسبب القولون) الآن حابب أخد بروتينات إضافية ومش عارف ايش اختار .. هل آخد كومبلس جينر (تضخيم) والا آخد للتنشيف بس بإيش تنصحوني أرجو مساعدتكم ؟.
سؤال تاني بخصوص التمارين أنا دحين بدأت ألعب عضلتين السبت صدر وتراي -الأحد ظهر وباي - الاثنين أكتاف ورقبة-الأربعاء رجول
سؤالي هل ممكن أخش في يوم إضافي باي وتراي لأني أبغى أقوى هدي العضلتين والا كدا بكون أجهدت العضلة وجبت نتيجة عكسية
وتقبلوا خالص تقديري

[متعب سعد]

وعليكم السلام ورحمة الله وبركاته ..:)

ليش قبل التمرين ؟

التغذية الفعلية تكون بعد التمرين, واذا ما قدرت على البروتين خذلك حليب وصدر دجاج أو اللحوم عموماً ومعاها خضار ..

بخصوص الباي والتراي تقدر تخصص لهم يوم اضافي, ولكن بعد اخر تمرين لأي منهم بـ 48 ساعة كحد أدنى ..

مثال: السبت صدر وتراي, والأحد ظهر وباي, الأثنين اكتاف , الأربعاء أرجل, الخميس باي وتراي, الجمعة راحة.

مووووفق أخي :)

[zizo888]

شكرا حبيبي على مرورك وردك الراقي
بس نقطة البروتين حبيبي إيش تنصحني ؟

[متعب سعد]

العفو :)

قلتلك أخي اذا ما كنت قادر على المكمل البروتيني بعد التمرين, فأنصحك بوجبة بعد التمرين بربع ساعة كحد أقصى عبارة عن :

حليب + سندويتش دجاج أو تونا + خضار

انا مرت علي فترة كنت اخذ بعد التمرين موزة وحليب فيتال 1 لتر .. ولاااا أروع :)

طبعاً نص علبة الحليب اشربها مرة وحدة والباقي امزمز عليه ..

------------------

إضافة: اذا كنت تقدر توفي حاجتك اليومية من البروتين فلا داعي للمكملات ..

تقدر تاخذ اول ما تصحى من النوم >> حليب وبيض ( الحليب ضروري) .. والبيض تقدر تبدله بأي غذاء بروتيني آخر ..

وبعد التمرين الوجبة المذكورة أعلاه ..

وقبل النوم >> جبن قريش منزوع الدسم قليل الملح .. كمية معقولة..