ما هو البروتين الجيد بالنسبة لي ?

[kadem nizar]

معلومات المتقدم بالاستفسار :
العمر : 22 , الجنس : ذكر

الطول :1.75 متر
الوزن : 60 كيلوجرام



و الاستفسار كالتالي :
أنا امارس رياضة كمال الاجسام منذ سنة و لم اخذ البروتين .. و الان أريد أن اعرف نوع البروتين الجيد بالنسبة لي , خاصة و أن وزني كما تلاحظون ليس متقارب مع طولي .. فأنا اريد بناء عضلات ضخمة و قوية مع زيادة الوزن

[Crsa7]

يا هلا بيك اخوي

اخوي قبل البروتين، كيف نظامك الغذائي؟ هل هو جيد؟ ممتاز؟ ضعيف؟ لأن الغذاء الصحي اهم بكثير من المكملات << شي بديهي !

وبعد نظامك الغذائي، اظن ان جسمك من النوع النحيف واللي يحرق بسرعه وصعب انه يخزن صح؟ << استنتجت هالشي من خلال وزنك وطولك، فما ادري بصراحه عن هالشي.. لكن اذا كان ما قلته صحيح، فأظن ان انسب شي لك هو البروتين القينر مثل السيرياس ماس او البروكومبلكس غينر، لأنهم يحتوون على كميه عاليه من السعرات الحراريه اللي راح تساعدك على زياده وزنك

لكن اذا كان جسمك من النوع اللي ممكن يتقبل زياده في الوزن، فلا تستخدم القينر واتجه الى الوي بروتين، وعندك الـ whey protein gold standard من شركه ON كمثال

ان شاء الله افدتك اخوي، وان شاء الله يفيدونك الكباتن

[the rock 911]

كلام الوحش صحيح . . وانت لازم تحدد هدفك : ضخامة ولا تنشيف
اذا تضخيم استخدم سيريس ماس او بروكمبلكس جينر
واذا تنشيف او عضل صافي : خد واي جولد او نيتروتك

[kadem nizar]

يا أصدقائي .. أنا اريد تضخيم عضلي لكن ليس بتراكم الدهون .. و لو ممكن تعطوني نظام غدائي في شهر رمضان الكريم

أما بالنسبة للكلام اللي قلتوه فهو صحيح .. أنا وزني يبقى ثابت لمدة طويلة .. و أعتقد أن السبب هو النظام الغذائي

[Crsa7]

اخي ما جاوبت على السؤال بالنسبه لنظامك الغذائي، فهل هو تمام او لا؟ هل انك تحاسب في اكلك حاليا او تاكل كل شي ومع ذلك لا يزيد وزنك؟

هو الواي بروتين ينفع للضخامه ايضا، لكن للأجسام اللي لها قابليه انها تخزن وما تحرق كل اللي تحصله، اما للأجسام اللي تحرق سريع فاحسن حل لها هو القينر، وعلى فكره حط في بالك سواء تضخيم مع دهون او ضخامه عضليه صافيه، لازم لازم الشخص راح يكسب دهون ولو نسبه بسيطه، وانت بما ان وزنك نازل فلازم ما تحاتي الدهون الى هالدرجه، اهتم بغذائك وجوف البروتين اللي انسب لك بالنسبه لنوعيه جسمك

اما بالنسبه للنظام الغذائي في شهر رمضان، فعندك موضوع الاخ توتو جده جزاه الله خير

http://www.montada.com/showthread.php?t=713430

[kadem nizar]

الأخ Crsa7 .. هل تقصد انني يجب أن اكل كل شيء و لا أحاسب في الدهون .. لأني لا أكل الدهون كثيرا و أحتاط منها .. و ليس لي نظام غذائي محدد

[Crsa7]

اخوي لا بالعكس الواحد لازم يحاسب في اكله، وجسم الانسان مهما يكون لازم يحتاج دهون (اقصد بالدهون المفيده مثل زيت الزيتون، زيت السمك، والدهون الموجوده في الاكل بالشكل الطبيعي) لكن حتى بالدهون المفيده الواحد لازم ما يكثر منها


انا كنت اقصد من كلامي فوق عن نظامك، لأن في ناس ما شاء الله ياكلون الخضر واليابس ومع ذلك اجسامهم نحييييله، وفي ناس لأنها ما تاكل من جذي اجسامها نحيله، وفي ناس تاكل طبيعي لكن بعد اجسامهم نحيله، فكان سؤالي حق اعرف انت من اي نوع يعني
واخوي لاجل تبني جسمك وتزيد عضل لازم نظام غذائي جيد اولا واخيرا قبل المكمل، لأن المكمل من اسمه "مكمل" يغطي النقص اللي بيكون في اكلك، يعني بالمختصر ما راح تستفيد من المكمل دام غذائك متلخبط
وعندك موضوع اخوي تركي اللي عطيتك الرابط له، هذا نظام ممتاز لشهر رمضان
وعندك كذا موضوع مثبت في قسم المواضيع المميزه عن الانظمه الغذائي الخاصه بالتضخيم، تقدر تتبع اي واحد فيهم بعد رمضان ان شاء الله

[kadem nizar]

بالنسبة للنظام الغذائي الذي أعطيتني رابطه .. في الافطار يوجد بروتين .. و ما هو البروتين الذي يناسبني و الأفضل .. serious mass / mass gainer / ... انا اريد زيادة الوزن

[Crsa7]

اخوي انا اعتقد (ويمكن اكون خاطئ) ان تركي كان يقصد من البروتين في الافطار انه الوي بروتين، لأن الوي هو اسرع في الامتصاص، وعند الافطار طبعا راح يكون جسمك في حاله صيام لمده اكثر من 12 ساعه، ومحتاج للبروتين بأسرع وقت ممكن، فالوي في هالحاله راح يكون افضل حل

اما بالنسبه للنوعين اللي ذكرتهم وأي واحد افضل منهم، فبصراحه ماعندي فكره والله ولا قط جربت واحد فيهم حق اعطيك رايي فيه، لو احد الكباتن يرد عليك بهالنقطه فالله يجزيه خير لأن مابي افتي لك من عندي