تسجيل الدخول

مشاهدة النسخة كاملة : مرحله ضخامه واريد معرفه كم كالوري مطلوب مني


Araxin
01-08-2011, 10:15 AM
معلومات المتقدم بالاستفسار :
العمر : 23 , الجنس : ذكر

الطول :176 متر
الوزن : 74 كيلوجرام

نسبة الدهون : 17

و الاستفسار كالتالي :
السلام عليكم ورحمه الله وبركاته

انا حاليا بمرحله ضخامه يا شباب

معلوماتي مكتوبه فوق

ودي اعرف بالظبك كم كالوري محتاج

وكم نسبه البروتين والكارب والفات الي لازم اكلها

مشكوووورين

مكملاتي

واي بروتين+ كازين+سوبر شارج+ امينو+ ملتي فايتمين+انيمال ستاك+ اوميغا 3

تحياتي لكم
متعطش
01-08-2011, 10:58 AM
عليكم السلام ورحمه الله وبركاته .. كل عام وأنت بخير

تحتاج يا أخوي باليوم 3000 سعرة حرارية .. بالنسبة للخطة الغذائية ماقصروا حبايبنا الكباتن الكبار روح لقسم المواضيع المميزة وشوف فيه خطط غذائية للتنشيف وللضخامة لكلا المرحلتين
بالنسبة لمكملاتك .. إذا كنت مبتدئ أشوف - وهذا الأفضل - إنك تبيع أو ترجع إذا في إمكانية السوبر شارج أو إذا كان جديد الإصدار ويبقى على بال ماينتهي زي سنتين غلفه زين وحطه بدولاب واستخدمه بعد سنة
وأخيراً أشوف الكورس تمام ماعليه ملاحظة منّي بالنسبة لمعلوماتك الشخصيّة .. بالتوفيق
Araxin
01-08-2011, 11:01 AM
الله يعطيك العافيه

بس ما فهمت وش تقصد بالنسبه للسوبر شارج

وهذي صورتين طال عمرك لجسمي


واعظوني رايكم يا شباب

صاير لي اسبوع وشوي للضخامه 342838342839
متعطش
01-08-2011, 11:12 AM
الله يعافيك أبد حاضرين

منتجات الطاقة لا تنصح للمبتدئ .. هي انتجت للمحترفين باللعبة أو الي لهم باع طويل فيها يعني كأقل شي سنة .. ولو تبي نصيحتي منتجات الطاقة تحتوي على كمية من الكافيين وهو مضر للصحة من راي الشخصي اهتم بالأكل الغني بالكارب .. يعني مثلاً قبل التمرين بساعة حبتين بطاطس مسلوقة .. بعده بنص ساعة حليب مخلوط بعسل وشوفان .. وبتدعيلي أو تقدر مع الحبتين البطاطس كاس نسكافيه .. بعد التمرين الواي بروتين مباشرة وبعد الواي بروتين بنص ساعة إلى ساعة اهتم بالأكل الغني بالبروتين .. مثل صدر الدجاج والتونة ..

بالنسبة لجسمك أنا أشوف إنك أبداً منت محتاج تدخل مرحلة الضخامة لأنك تعاني من الدهون في جميع مناطق جسمك خصوصاً : الخصر والبطن من الأسفل
أنصحك فيه موضوع هنا منزلين برنامج يهتم بحرق الدهون في 60 يوم فقط ويصير جسمك بيرفكت وبرنامج ثاني اسمه 90 وإكس زي كذا لمدة 90 يوم .. طبق الأول لمدة 60 يوم وروح الثاني طبقه لمدة 90 يوم ..
وصدقني النتائج بتبهرك جداً .. يعني لو تحسبها كلها خمسة أشهر تنشيف .. بعدها خش ضخامة لو تبي ..

موفق ي بطل وشد حيلك واهتم بالمشروبات الحارقة للدهون كالزنجبيل والماء على الريق والكارديو بعد استيقاظك من النوم مباشرة ..
Araxin
01-08-2011, 11:13 AM
هذا جسمي بعد خمس شهور تخسيس الله يسلمك
وزني كان تقريبا فوق ال 85

الصراحه مليت من التخسيس
الحين اضخم عضل صااافي
متعطش
01-08-2011, 11:20 AM
أخي الكريم ..

أنت تبغى مصلحتك صح ؟ أنت كذا لو خشيت ضخامة وأنت أصلاً منت بحاجة لضخامة بتخرب جسمك .. لأن الضخامة فيها سعرات عالية جداً + دهون = زيادة وزن عالي وأنت منت محتاج زيادة وزن .. وزنك طبيعي يا وحش

شوف البرنامجين ممتعين مو مثل تخسيسك بالنادي فيه جو من الممل والنتائج أكيدة 100% وراح تعجبك

هذا البرنامج الأول :

http://www.montada.com/showthread.php?t=713802

هذا البرنامج الثاني :

http://www.montada.com/showthread.php?t=666773

وخش اليوتوب واكتب اسم البرنامج وبعدهم before and after

وشوف نتائج الناس الي طبقوه

موفق
Araxin
01-08-2011, 11:34 AM
والله يا خوي ما صرت اعرف وش اسوي

ناس تقول ابداء ضخامه
وناس تقول خسس

الحين وش نسوي بالضبط ؟؟
Araxin
01-08-2011, 12:52 PM
راايكم يا وحوش تكفون
بردان1
02-08-2011, 02:01 AM
وعلييكم السلام ورحمة الله
استلمت رسالتك اخي وماقصر الوحش متعطش معاك

بالنسبة للنسب البروتين والكارب والدهون
تقدر تخليها 15 دهون . 45 كارب 40 بروتين وتتغير المعادلة على حسب النظام الغذائي لكن تكون قريبه من هالشكل بحيث تزيد بكمية الكارب والبروتين ويكون الدهون اخذك له طبيعي او اقل من الطبيعي
وطبعا بمرحلة الضخامه هالكلام

بالنسبة للمكملات ياوحش شيل الستاك والسوبر تشارج احتفظ فيهم لبعد الرمضان حتى تستفيد منهم الفايدة المرجوه افضلك
وحنا بالرمضان الوضع راح يكون صعب فيه الضخامه , اما مرحلة حفاظ او تنزيل وزن فا تقدر تختار احد المرحلتين وايضا لاباس بالتضخيم لكن لن يكون مثل الاشهر العادية
ونسبة الدهون عندك مناسبه لتبدا بالتضخيم

وجسمك ماشاءالله ممتاز فقط ركز على اسفل البطن

وموفق اخي وان شاءالله اكون افدتك بس انت توكل على الله وحدد هدفك
واي استفسار احنا بالخدمة
Araxin
02-08-2011, 02:09 AM
الله يعطيكم العافيه

بس انا الحقيقه صار عندي لبس من رد اخي الاول لانه كان يقول ما يصير ادخل كورس ضخامه وانا بهذا الجسم !

وبالنسبه لمنتجات البمب ما شفت موضوع يقول انه مخصص للناس المتقدمين باللعبه
تحياتي لكم
m3az`
02-08-2011, 02:37 AM
هلا اخوي تحتاج الى


2942 سعرة

Carbs:294gProtein:294gFat:
65g


اذا كنت تضخم فهذه افضل طريقة