كورس تضخيم ثاني

[HOSAINOVIC]

معلومات المتقدم بالاستفسار :
العمر : 17 , الجنس : ذكر

الطول :168 متر
الوزن : 56.6 كيلوجرام



و الاستفسار كالتالي :
السلام عليكم ورحمة الله وبركاته

اخواني الحمدلله وبفضل الله سبحانه

صارلي شهر واسبوع تقريبا بالنادي

واستخدمت

بروكمبلكس قينر علبتين >> العلبه الاولى كان فيها نص تقريبا لان كنت داش نادي قبل بس مو ملتزم والحين الحمدلله مع الالتزام
سوبر امينو 4800
اوبتي مين
انمال فلكس >> شويه المفاصل تطلع صوت
كارب سلام


هذا اول كورس مكملات لي والحمدلله خلال شهر واسبوع زدت 4 كيلو وشويه
كان وزني52 والحمدلله صار 56.6

والمدرب الي عندنا مع انه فلبيني بس والله تمام وقالي اذا فكرت تستخدم منشطات الحين او بعدين ماراح ادربك ولا اكلمك
ومشيت على شوره وانا بعد ماشي وابي اوصل لي 65 عالاقل

بس ابي كورس مكملات ثاني وياريت فيه منتج بور
ولو ابدي فيه بعد رمضان انا راضي بس ابي كورس ازيد فيه وزني

انا برايي

بروكمبلكس قينر << مع انه وايد وايد ثقيل
امينو >> سمعت انه BCCA احسن واحد او يمكم اسمه غلط
jack 3d
كارب سلام
اوبتي مين

ولا شرايكم

والجدول الي الكبتن مسويلي اياه يومين ويوم OFF
ولما العب كل تمرين خمس عدات بعدين ارتاح ثانيتين وبعدها خمس عدات وارتاح ثانيتين وبعدها خمس عدات
وهني تخلص الجوله الاوله باقي جولتين
الجوله الثانيه وزن اكثر بس العدات اربع عدات وبعدها راحه ثانيتين وبعدها اربع عدات وراحه ثانيتين وبعدها اربع عدات
واخر جوله الوزن يكون عالي شويه بس 3 عدات وراحه 4 ثواني و 3 عدات وراحه 4 ثواني وبعدها 3 عدات

وهني يخلص التمرين هذا الي مشاني عليه الكبتن بعد اول شهر يعني صارلي اسبوع ماشي جذي

ابي رايكم ... لان بصراحه احسن منتدى كمال الاجسام وكل واحد يعطيك نصيحه

ومشكورين وما قصرتوا

[العاشق M]

وعليكم السلام
بنسبه للمكملات اشوفها ممتازه بس كنسل الكارب صراحه ماشفت منه فايده يعني لو تستبدله قبل التمرين ببطاطس مسلوق افضلك
وتقدر تضيف عليهم الكازين
واسم الامينو هو bcaa صراحه توني بجربه يعني من اليوم ولكن قوي في الساحه
والجدول هذآ اسمه سوبر ست يعني انتظر راح يتغير بس فترة اسبوع او اسبوعين هو مساعد لكسر الروتين للعضله يعني كاتشجيع وهيجان للعضله
بتوفيق

[salam912]

عادة مكملات القينر تحتوي على فيتامينات ولا تحتاج إلى فيتامينات إضافية
موفق أخوي

[HOSAINOVIC]

الله يعطيكم الف عافيه

ونشوف راي باقي الاعضاء

بالنسبه حق اخوي العاشق M انا اخذ الكارب سكوب ويا البروتين فا يعطيني مع البروتين 115 جرام كاربوهيدرات

[corona]

والله يا اخي العزيز الشباب ماقصروا وانا معاهم الغي الكارب وخذلك بدله شوفان والغي الملتي فيتامين لانه موجود بالبروكومبلكس وما انصحك بمكملات الطاقه مازال بدري عليها ولو تبي رأي الشخصي لا تستعملها ابد خلك طبيعي والبروتين الفتره القادمه جرب السيرياس ماس كنوع من التغير ولانه ممتاز ايضا واقوى من البروكومبلكس في زيادة الوزن وغير الامينو بي البي سي ا ا افضل للضخامه ) يعني كورسك يصير (البروكومبلكس+bcaa+الكرياتين) وباذن الله تشوف الزياده والكرياتين راح يعطيك ضخامه وتحمل وطاقه وكسر للاوزان بما انك مبتدا) وعلى فكره كل منتجات الطاقه تحتوي على كرياتين )

[العاشق M]

الله يعطيكم الف عافيه

ونشوف راي باقي الاعضاء

بالنسبه حق اخوي العاشق M انا اخذ الكارب سكوب ويا البروتين فا يعطيني مع البروتين 115 جرام كاربوهيدرات
يالغالي انا سبب قلت لك الغي الكارب
الكارب اذا زاد حاجته الجسم يخزن دهون وكذآ مراح تستفيد منه

[HOSAINOVIC]

l
يالغالي انا سبب قلت لك الغي الكارب
الكارب اذا زاد حاجته الجسم يخزن دهون وكذآ مراح تستفيد منه

مشكور اخوي وماقصرت .. بشيل الكارب

[HOSAINOVIC]

ناطرين باجي الاعضاء

[العاشق M]

ياغالي اذا باقي شي تبي تستفسر عنه او في ي ماوضحة ياليت تقول عشان انا والاخوان مراح نقصر

[HOSAINOVIC]

حبيب تسلم والله اخوي وماقصرت بس اقولك

يعني انشالله
سيرياس ماس + BCAA + كرياتين

بس ممكن تحدد نوع الكرياتين بعد اذنك

[HOSAINOVIC]

السيرياس ماس فيه فيتامينات نفس البروكمبلكس قينر ولا لا

[salam912]

السيرياس ماس فيه فيتامينات نفس البروكمبلكس قينر ولا لا

نعم أخوي فيه فيتامينات وهذا رابط بودي بلدينق للسيرياس ماس تقدر تطلع على مكوناته
http://www.bodybuilding.com/store/opt/sm.html

[HOSAINOVIC]

تمام والكرياتين يعطيني بور ؟

[HOSAINOVIC]

واي نوع اخذ كرياتين وشلون استخدمه ما عليكم امر

[mr.911]

يعطي بور وانصحك بكرياتين مونهيدرات من شركة اوبتم
موفق

[العاشق M]

واي نوع اخذ كرياتين وشلون استخدمه ما عليكم امر
طبعا طريقة استخدامه
اذا اول مره يبيله فترت تحميل 5اغرام على 5 ايام و5مرات في اليوم
يعني في رمضان اشوفها صعبه
وبعد التحميل مرتين في اليوم

[HOSAINOVIC]

هذي المشكله اخوي يعني لو باخذه بعد رمضان شلون تكون الطريقه

انا مو فاهم فترات التحميل ادري تعبتك وياي

[zack khan]

فترة التحميل تكون اول 5 ايام وطرقتها كالتالي : 5 غم كرياتين اول ماتصحى و5غم في فترة الظهر و 5غم قبل التدريب و5 غم بعد التدريب ولمدة خمس ايام . بعد الخمس ايام استخدامه يكون 5 غم قبل التدريب و5 غم بعد التدريب

[Rashid.S]

من رايي ،،

انك ممكن تستخدم قبل التمرين كومبلكس كارب مقل الشوفان ،،

وبعده سكر مثل الموز او الدكستروز ،،
وزنك بالكيلو * 1.5 = عدد الغرامات التي تحتاجها بعد التمرين ،،

[HOSAINOVIC]

اخوي الله يعافيك
بس شنو فايده الكرياتين مونهيدرات

[العاشق M]

^^
زياده في الوزن + باور
بس الزياده ماء وليسى عضل

[HOSAINOVIC]

يعني اخذه كاني اقص على نفسي بدل العضل يكون ماي