ارغب في شد الجسم وبناء عضلات متوسطه وانقاص وزن في نفس الوقت

[abdullah619]

معلومات المتقدم بالاستفسار :
العمر : 20 , الجنس : ذكر

الطول :170 متر
الوزن : 107 كيلوجرام



و الاستفسار كالتالي :
السلآم عليكم ..

اخوآني .. انا ارغب في شد جسمي وبناء عضلات متوسطه

لكن المشكلة الأولى اني اعاني من سمنه

ونصحني الكثير بلعب كمال الأجسام حيث احرق الدهون وابني عضلات بنفس الوقت

فحبيت اتأكد من هالطريقة هل هي صحيحه ؟ وكيف اطبقا ؟

مع العلم اني كنت نحيف بالسابق ووزني مقارب للوزن المثالي ولعبت كمال اجسام لفتره بسيطه
وانقطعت عن الرياضة بشكل عام بسبب اصابه

فما رأيكم ؟ ومآ نصيتكم ؟

ولكم جزيل الشكر والتقدير ~

[simply]

أخوي تقصد انك تنشف أتوقع

تلعب باوزان متوسطه وتكرارات أكثر

وبعده تروح للكارديو

المهم من هذا كله تنتظم بنظام غذائي معين خالي من الدهون وتزود نسبة البروتين عشان تستفيد تخسر دهون وتكسب عضل

[Bravehart88]

اول شئ اهتم بأكلك بعده تدخل برنامج رياضي صارم وتلتزم فيه

انا افضلك انك ماتعتمد على الحديد بشكل اساسي تقدر تلعب تمارين سويديه في النادي على شكل حصص مع المدرب وتسوي لك جدول لتمارين الحديد ويكون الحديد قبل حصة السويدي يكون افضل الين ينزل وزنك ويتعود جسمك على التمارين وبعد كذا تسوي تمارين الحديد وتهتم بحصص الكارديو بعده على السير والدراجه والاجهزه الهوائيه

[abdullah619]

بداية الله يعافيكم ويجزآكم خير ..

اي نعم الي ابيه هو التنشيف ..

بدأت حآليآ اخطط الدخول للسويدي ..

بخصوص الأكل .. انا حآليآ اكل وجبه وآحده في اليوم .. [ وقدر المستطآع احآول اني مآ اكثر فيها ] ..


وبخصوص البرنآمج الغذآئي ..

هل تنصحوني بشيء [ مجرب ]

ولكم جزيل الشكر ~

[Crsa7]

السلام عليكم

اخوي الله يسلمك اكبر خطأ تسويه انك تحرم نفسك من الاكل ! وجبه واحده في اليوم وما تكثر فيها؟؟ شنو تسوي لك هالوجبه؟ وغير انك تقريبا 14 ساعه صايم.. بالله جسمك من وين بيغذي روحه؟ لا ياخي هذا اكبر خطأ تعمله

الطريقه الصحيحه انك تحسب حاجه جسمك من السعرات الحراريه، بعدها تتناول كميه غذائك ولكن بسعرات اقل من حاجه جسمك ( مثلا تبدأ بأقل من حاجه جسمك 200 سعره وتتدرج الى ان توصلها الى 500 سعره)
وتواظب على التمارين الرياضيه، وتبعد عن الدهون والسكريات والكاربوهيدرات سريعه الامتصاص
ولا ننسى انك تاخذ حاجتك اليوميه من البروتينات والفيتامينات والدهون المفيده والكارب بطئ الامتصاص

كذا يكون نظامك صحيح، اما مسأله الحرمان، فإنها تأتي بنتيجه عكسيه، يعني اول الايام راح تجوف وزنك يطب! لكن بعدها باسبوع او اسبوعين بالكثير ما راح ينزل جسمك ليش؟ قاري انا مقال عن هالموضوع بس ناسيه، يقول باختصار ان الجسم في هالمرحله يدخل في طور كأنه مهدد بالموت والجوع، هو وش عرفه انك تبغي تنزل وزنك، يحسب ان مافي اكل من جذي ما تاكل، فيقوم قد ما يقدر انه يبطئ عمليه الايض حق قد ما يقدر يعيش لأطول فتره ممكنه، ولو قمت اكلت وجبتك الوحيده شنو راح يصير؟ ما صدق جسمك حصل وجبه، هل بيفكر جسمك ان يمكن بيحصل وجبه بعد؟ يحسبها انه هذي الوجبه الوحيده فيقوم يخزن اكثرها على هيئه دهون حق يوفرها لعيشه

فلازم ما تخلي جسمك يمر بهالمرحله

وسامحني اخوي على الاطاله، وفي موضوع للأخ تركي عن التغذيه في رمضان راح ادور لك الرابط وانزله لك

[Crsa7]

تفضل اخوي الرابط

http://www.montada.com/showthread.php?t=713430

[simply]

بداية الله يعافيكم ويجزآكم خير ..

اي نعم الي ابيه هو التنشيف ..

بدأت حآليآ اخطط الدخول للسويدي ..

بخصوص الأكل .. انا حآليآ اكل وجبه وآحده في اليوم .. [ وقدر المستطآع احآول اني مآ اكثر فيها ] ..


وبخصوص البرنآمج الغذآئي ..

هل تنصحوني بشيء [ مجرب ]

ولكم جزيل الشكر ~

دايم اشوف مثل الرد هذا .. !

أنت محتاج لأكل عشان تحرق لا تحسب انك تحرم نفسك راح تخسر الدهون خسارتك راح تكون عضل وراح تشوف انواع الامراض لانك تبذل طاقه والطاقه محتاجه آكل ولا تنسى انك محتاج للفيتامينات ومحتاج الى .. الخ

أطلع على مواضيع الاعضاء اللي دخلوا تنشيف بالمنتدى وراح تشوف تجاربهم وانظمتهم الغذائيه ورآح تستفيد ان شاء الله

[simply]

بعدها تتناول كميه غذائك ولكن بسعرات اقل من حاجه جسمك ( مثلا تبدأ بأقل من حاجه جسمك 200 سعره وتتدرج الى ان توصلها الى 500 سعره)


اخوي فخذ الدجاجه لحاله أعلى من 200 سعره حراريه

الانسان الطبيعي اللي ما يلعب رياضه محتاج ل 2000 سعره حراريه يوميا

[Dr.H.A.E]

هذا الموقع راح يفيدك ,, في حساب السعرات الي تحتاجها في انزال وزنك ,,

و البرنامج الغذائي الي تحتاجه
http://www.swole.me/

[abdullah619]

السلام عليكم

اخوي الله يسلمك اكبر خطأ تسويه انك تحرم نفسك من الاكل ! وجبه واحده في اليوم وما تكثر فيها؟؟ شنو تسوي لك هالوجبه؟ وغير انك تقريبا 14 ساعه صايم.. بالله جسمك من وين بيغذي روحه؟ لا ياخي هذا اكبر خطأ تعمله

الطريقه الصحيحه انك تحسب حاجه جسمك من السعرات الحراريه، بعدها تتناول كميه غذائك ولكن بسعرات اقل من حاجه جسمك ( مثلا تبدأ بأقل من حاجه جسمك 200 سعره وتتدرج الى ان توصلها الى 500 سعره)
وتواظب على التمارين الرياضيه، وتبعد عن الدهون والسكريات والكاربوهيدرات سريعه الامتصاص
ولا ننسى انك تاخذ حاجتك اليوميه من البروتينات والفيتامينات والدهون المفيده والكارب بطئ الامتصاص

كذا يكون نظامك صحيح، اما مسأله الحرمان، فإنها تأتي بنتيجه عكسيه، يعني اول الايام راح تجوف وزنك يطب! لكن بعدها باسبوع او اسبوعين بالكثير ما راح ينزل جسمك ليش؟ قاري انا مقال عن هالموضوع بس ناسيه، يقول باختصار ان الجسم في هالمرحله يدخل في طور كأنه مهدد بالموت والجوع، هو وش عرفه انك تبغي تنزل وزنك، يحسب ان مافي اكل من جذي ما تاكل، فيقوم قد ما يقدر انه يبطئ عمليه الايض حق قد ما يقدر يعيش لأطول فتره ممكنه، ولو قمت اكلت وجبتك الوحيده شنو راح يصير؟ ما صدق جسمك حصل وجبه، هل بيفكر جسمك ان يمكن بيحصل وجبه بعد؟ يحسبها انه هذي الوجبه الوحيده فيقوم يخزن اكثرها على هيئه دهون حق يوفرها لعيشه

فلازم ما تخلي جسمك يمر بهالمرحله

وسامحني اخوي على الاطاله، وفي موضوع للأخ تركي عن التغذيه في رمضان راح ادور لك الرابط وانزله لك

الله يعافيك يآ غآلي

اي والله الحمآس والملل من الجسم السمين يخلي الوآحد يسوي كذآ !

صراحه كلآمك اقنعني .. وعلى كذآ بمر لي على دكتور تغذية صحيه واخليه يحسب لي اللآزم وبخصوص الرآبط ..

اطلعت عليه .. وان شآء الله بمشي عليه .. واعطيكم النتآيج قريب ..

جزآك الله خير ~

[abdullah619]

دايم اشوف مثل الرد هذا .. !

أنت محتاج لأكل عشان تحرق لا تحسب انك تحرم نفسك راح تخسر الدهون خسارتك راح تكون عضل وراح تشوف انواع الامراض لانك تبذل طاقه والطاقه محتاجه آكل ولا تنسى انك محتاج للفيتامينات ومحتاج الى .. الخ

أطلع على مواضيع الاعضاء اللي دخلوا تنشيف بالمنتدى وراح تشوف تجاربهم وانظمتهم الغذائيه ورآح تستفيد ان شاء الله

وانا اخوك لا تلومني
السمنه وكابوسها يخلونك تسوي اي شي !

باذن الله بطلع عليها

لك جزيل الشكر والاحترام على اهتمامك

[abdullah619]

هذا الموقع راح يفيدك ,, في حساب السعرات الي تحتاجها في انزال وزنك ,,

و البرنامج الغذائي الي تحتاجه
http://www.swole.me/

يعطيك العافية

بشوفه وانا اخوك ولو صعب علي فهمه بشوف احد يعرف باللغة زين ويشيك لك

جزاك الله خير

[abdullah619]

..للرفع ~ :)