المساعد الشخصي الرقمي

مشاهدة النسخة كاملة : مشاكل صحية ضغط الدم وكمال الاجسام


Saleh Alhitmi
10-08-2011, 01:15 AM
معلومات المتقدم بالاستفسار :
العمر : 26 , الجنس : ذكر

الطول :215 متر
الوزن : 158 كيلوجرام

نسبة الدهون : 34

و الاستفسار كالتالي :
السلام عليكم ورحمه الله وبركاته

مبروك عليكم الشهر وصيام مقبول ان شاءالله

اخواني الكرام انا حبيت ابدى اتمرن كمال اجسام وحاط هدف بالي اني اضخم وانشف
او العكس بس المشكله مش عارف النظام المناسب لطولي ووزني والدهون الموجوده ؟

ولا عارف نظام الغذائي المناسب لي وللمعلوميه انا مصاب بمرض ضغط الدم المرتفع
هل لما اتطور بالتمارين واستعملت المكملات .. الخ هل يأثر على ضغطي ؟

هل في تمارين معينه تسبب لي مشكله في ارتفاع الضغط وابتعد عنها ؟

ماهو المناسب لي كجدول تمارين ونظام غذائي

وانا طولي 215

وزني 158

وكتله الجسم او الدهون 34.18

وانا كنت سابقآ لاعب كرهه سله بس تقريبآ لي 5 الى 6 سنين واقف عن التمارين الرياضيه ..

اخواني اتمنى تفيدوني بخبرتكم الواسعه ياكباتن وانا ببدى بالتسجيل من بكرا اتمنى تردون علي بسرعه

انا بنتظاركم بااحر من الجمر

تحياتي لكم
toto jeddah
10-08-2011, 02:38 AM
لعبة كمال الاجسام ,, ترفع من ضغط الدم ولكن ليس بذلك الخطير وخصوصا ع الطبيعي ,, ولكن فقط في حالات رفع الاوزان العالية والتمرين لوقت طويل وبجهد عالي

,,

كمان منتجات الكرياتين واوكسيد النيتريك , واغلبها في مكملات الطاقة ترفع من ضغط الدم وتزيد من تدفقه
والافضل لك , تستشير طبيبك

بالتوفيق
abu kinan
10-08-2011, 03:36 AM
انا من لما بدأت لعبة كمال الأجسام بعد فترة اصبحت احس بوجع راس اثناء السجود بالصلاة وكنت اتوقع الضغط طالع والمفاجأة كانت انه ضغطي نازل على طول عن الطبيعي
Dr.H.A.E
10-08-2011, 05:19 AM
توتو جده ماقصر معك ,,

افضل نصيحه ,, استشر طبيبك ,,


ماشاء الله ,, الله لا يضرك وانا اخوك
Saleh Alhitmi
10-08-2011, 08:07 PM
تسلمون ماقصرتم شباب طبعآ بالمكملات والبروتينات طبيعي بستشير الدكتور قبل لا اخذها

لكن مقصدي من موضوعي ابغى نصيحه اذا انا ناوي اضخم واقسم هل هالتمارين بتكون مضره لي ؟

وياريت شباب اذا كان به حد من قطر ينصحني بصاله معينه او مدرب معين << اخوكم عليمي يبي صاله محترمه ومدرب تماااام

وثانيآ النظام الغذائي كيف بيكون ؟؟ وكيف اوضع لي جدول مناسب لي ؟؟

انا مبتدى في بحر خبرتكم اتمنى تفيدوني ولا تبخلون علي فديتكم

تحياتي لكم
.hamad.
10-08-2011, 08:14 PM
تسلمون ماقصرتم شباب طبعآ بالمكملات والبروتينات طبيعي بستشير الدكتور قبل لا اخذها

لكن مقصدي من موضوعي ابغى نصيحه اذا انا ناوي اضخم واقسم هل هالتمارين بتكون مضره لي ؟

وياريت شباب اذا كان به حد من قطر ينصحني بصاله معينه او مدرب معين << اخوكم عليمي يبي صاله محترمه ومدرب تماااام

وثانيآ النظام الغذائي كيف بيكون ؟؟ وكيف اوضع لي جدول مناسب لي ؟؟

انا مبتدى في بحر خبرتكم اتمنى تفيدوني ولا تبخلون علي فديتكم

تحياتي لكم

وين ساكن ؟
Saleh Alhitmi
10-08-2011, 08:31 PM
الناصريه طال عمرك

انا حاط بالي صاله التحدي لو تعرفها ياحمد مدري الشباب قالوا لي انها لتضخيم تمام

وحبيت انبه الشباب ان الضغط الي فيني مش مرض لا لان طبيعه جسمي وطولي طبيعي بيكون فيني ضغط دم يعني ماهو مرض ولا هو وراثه :)

اتمنى حمد تفيدني بصاله تمام وفيها مدرب تمام واعرف كم اشتراكها وهالامور :)
.hamad.
10-08-2011, 08:36 PM
والله في صالة فزغوة زينه وفيها مدرب هندي وتدريبه زين ..

اطلب عنده تدريب خاص وبيفيدك وايد ..

اعتقد هاذي اللي تقصدها !!
Saleh Alhitmi
10-08-2011, 08:39 PM
انا الي اقصدها التحدي بالمرخيه

اما بخصوص الصاله الي بزغوى وين مكانها او اذا عندك تلفون المدرب او اي صوب هي او اسمها اتمنى تفيدني

وبكون شاكر لك
يوسف404
10-08-2011, 11:42 PM
اذا كان وزنك عالي راح ينصحك الدكتور بعدة امور منها الرياضه

طبعا المقصود بالرياضه المشي او الهروله الخفيفه والحميه الغذائيه

حاول انك تخسر 10 كيلو مثلا خلال 3 شهور

وبعدها افحص راح تلاقي ان الضغط نزل

وفي اطمعه ترفع الضغط

وفي مكملات تنزل الضغط

بالتوفيق ولاتستلم