المساعد الشخصي الرقمي

مشاهدة النسخة كاملة : كمال الاجسام مالعمل في حاله ان يد وذراع في جهه اكبر من الجهه الثانيه؟


NazZMania
10-08-2011, 06:50 AM
معلومات المتقدم بالاستفسار :
العمر : 22 , الجنس : ذكر

الطول :190 متر
الوزن : 94 كيلوجرام



و الاستفسار كالتالي :
بسم الله الرحمن الرحيم
احبتي انا جئتكم بمشكله اواجهها م وهي دائما تتعبني و تضعف عزيمتي اذا نويت ببناء الجسم والتمرين
مشكلتي اكرمكم الله ان ذراعي اليمين يعني من الكتف الى الرسغ اكبر من اليسار ..
هي ولله الحمد ليست عيب خلقي واضح وليست اعاقه خلقيه.. من اول نظره لا تلاحظ لكن اذا دقق فيها فـ راح تبين
انا الاحظها دائما على سبيل المثال اثناء لبس التي شيرت او القميص يكون مشدود على الجهه اليمنى و الجهه اليسرى يكون العكس .. والمشكله ليست انني دربت جهه وجهه لم ادربها .. لانني اواجهها من فتره قبل ما ابدا بالتمرن وغيره.
واحتاج اعرف من خبراتكم هل فيها حل ؟ سالت وقالوا لي ادرب اليسار لحالها لكن ماتفرق لان الجهه اليسار اصلا اصغر فـ لو دربتها راح تكون معضله ولكن راح تبقى اصغر .. و ما اتوقع لها علاقه بكون الشخص يستخدم اليد اليسرى ولا اليمنى لأني انا استخدم اليسار في الكتابه وغيره فـ ياليت تعطوني خبراتكم هل فيه شي من البروتينات او اروح لـ طبيب معين أو اي فكره من عندكم ممكن تساعدني حتى لو ماحلت المشكله بشكل نهائي لكن تخفف .. لأن الموضوع يهد من عزيمتي و تفكيري يكون الموضوع ما يستاهل اني اتعب نفسي وابني جسم واخرتها يكون الشكل مو متناسق ويمكن يكون أوضح .. فـ ياليت اخوتي الكرام تفيدوني بـ خبراتكم .. انا طولي 190 و وزني 93 ..
والف شكر مقدما وكل عام وانتم بخير
salam912
10-08-2011, 07:02 AM
ولا تتضايق ولا شيء
مشكلة عضلة يد أكبر من عضلة اليد الأخرى طبيعية جدا جدا ومنتشرة كثير
ولحد يقولك مرن يد واترك الثانية والإ لا تشد على الثانية ومن ذا الكلام
تمرن طبيعي ومافيك إلا العافية
تحياتي
NazZMania
10-08-2011, 07:15 AM
مشكور على الرد السريع بس الله لا يهينك وش اسوي بالضبط لو كملت تمرين عادي بتعضل اليدين و بتضل يد اكبر من يد ..
الف شكر مره ثانيه يعطيك الف عافيه .. تعبناك معنا
salam912
10-08-2011, 07:25 AM
مشكور على الرد السريع بس الله لا يهينك وش اسوي بالضبط لو كملت تمرين عادي بتعضل اليدين و بتضل يد اكبر من يد ..
الف شكر مره ثانيه يعطيك الف عافيه .. تعبناك معنا
لا تعب ولا شيء تآمر أمر
صدقني الأمر طبيعي ، أنا مثلك اليد اليمين أكبر من اليسار
ومدربنا بالنادي نفس الشيء
وكذا واحد عندنا في المنتدى كتب موضوع يشرح فيه نفس الحالة
لذا تمرن بشكل عادي وبتركيز
الأمر طبيعي x طبيعي وحط في بطنك بطيخة صيفي ،،، بس بعد الفطور ... الحين صايم:)
Mr.Khaliid
10-08-2011, 08:09 AM
ما عندك اي مشاكل اخوي انا عندي اليمين اكبر من اليسار

وقريت عن دراسه مسوينها جامعه امريكيه بس والله ناسي اسمها لان لي فتره قاريها .. ان 7 من كل 10 رجال تكون جهه عندهم اكبر من الثانيه

ولا يضيق صدرك منت اول ولا آخر واحد يصير له هذا الشي

بالتوفيق لنا ولك
Azo0oz88
10-08-2011, 08:42 AM
مافيك الا العافية اخووي ولاتخاف وانسى موضوعها انا كنت اوسوس زيك ولمن شفت الكباتن عندنا ( منهم بطل المغرب ) عندهم نفس الشي تطمنت هذي مو مشكلة بس انت لاتدقق كثير .. بالتوفيق اخوي
العاشق M
10-08-2011, 10:13 AM
شباب الله يعطيكم العافيه بس الموضوع مو كذآ
من قال عادي الموضوع
يعني يفرق من حال الى حال آخر
مثال
لو كان انا عندي فرق شبه معدوم ماحد يفرق الا انا هذآ الي تقصدونه يا اخوان
يعني هذآ الطبيعي
....................................
اما الحاله الثانيه
اذا كانت الناس ملاحظه ان جسمي يفرق يعني عنده مشكله ..... مثل ماذكر بعض الاخوان يقول اشوف افلان كذآ
ويقدر يحلها
يستخدم اوزان الحره عشان يتدارك الوضع
نجي للبار ... يضع على وزن اثقل على المكان الذي يريد تكبيره
والدنبل كذلك
يعني لو الباي اليسار اصغر من اليمين
اضع على جهت اليسار 20كيلو واليمين 15 كيلو
ارجو انها اوصلت المعلومه

الحاله الاولى صارت معي في بدايتي يعني اول 6 اشهر وبعد ماكملت السنه كل جسمي صار مناسق هذآ بفضل الله وثم اهل المنتدى
m3az`
10-08-2011, 12:11 PM
مع احترامي اخوي عاشق هذا الشيء غلط وغير مستحب !

الحل هو شهر او شهرين زمان تدرب على الاجهزة والكوابل لانك سوف تستخدم اليدين وسوف يتوزع الثفل على اليدين الاثنتين تقريبا بالتساوي
buraydawi
10-08-2011, 12:52 PM
وسع صدرك
غالبية اللاعبين حتى الابطال تلقى عندهم عضلة اكبر من عضلة
الجافي101
10-08-2011, 02:51 PM
عادي اخوي طبيعي جدا الاغلبية كذا وانا منهم ... بس غريبة تكتب اليسار واليمين اكبر ؟؟ انا اكتب يسار واليسار عندي اقوى واكبر من اليمين
العاشق M
10-08-2011, 06:30 PM
مع احترامي اخوي عاشق هذا الشيء غلط وغير مستحب !
لا عادي مره

الحل هو شهر او شهرين زمان تدرب على الاجهزة والكوابل لانك سوف تستخدم اليدين وسوف يتوزع الثفل على اليدين الاثنتين تقريبا بالتساوي
انا قلت الحر وسبب تقدر تزيد وزن يختلف عن الاخر وفيه كمان بعض الاجهزه تقدر تزيد غير الاخر
منادة الليل
10-08-2011, 07:35 PM
مرحباً

كلام الابطال صحيح يالغالي 100%

فهذا شي طبيعي جداً

وما بنقول اغلب اللاعبين

بنعطيهم نسبة 90 الى 95 بالــ100 عندهم فرق بسيط جداً وليس فقط في عضلات الذراع .. في كل عضلة بالجسم

http://t2.gstatic.com/images?q=tbn:ANd9GcQjdSl7BsA65Ilp7VaJVkyeXx-rT08LJuSz2ebweSAeFhWiRikS

http://t1.gstatic.com/images?q=tbn:ANd9GcQC7U4Rf3Yx7NuqRCXW9NQCmLMk9z1Vn-3YuNX-jUgzH08xLEdalw

http://t3.gstatic.com/images?q=tbn:ANd9GcQ1SPOK-qFOTl9_2z6f5kw7ZF5LNq9MvBl82SNpEfWwmz95mhjlFw


ترى يبي لهم تركيز علشان تشوف نسبة الفارق بين حجم عضلة الى الاخرى


عساه لو كان ربع سانت في اختلاف ولكن قليل جداً جداً من يلاحظ

ولكن بالنسبة للكثير من هم في رياضة كمال الاجسام يركزون على هذا الشي

ولكن عاد نسبة بسيطة مو تجي لي ذراع كبير والثاني صغير جداً بشكل معاق الله يحفظكم
oO LoOodDy Oo
10-08-2011, 10:22 PM
والله ياليت لو تورينا صورة للباي علشان نعرف نفرق.. لانه إذا كان فرق بسيط أبعطيك طرق بإذن الله تنحل . لكن إذا كان شي كبير.. أخاف تصير لها دخل بوراثة وزي جينات وغيرها

أنا عندي كم عضلة الباي والجوانب اكبر من الثانية ولله الحمد حليتها..

والله يوفقك. لوودي
العاشق M
10-08-2011, 11:54 PM
^^
صح عليك هذآ الي ابي اوصل له
ان اذا صار في فرق تقدر تخفف من الفرق شكل كبير
NazZMania
12-08-2011, 08:55 AM
الف شكر للجميع على ردودكم ومساعدتكم .. كلامكم ريحني شوي وشاكر لكم واحد واحد ..

اخوي LOODY MONSTER بحاول اوفر صوره لكن ياليت تفيدنا بحلك بكل الاحوال .. بانتظارك
tarek w
12-08-2011, 10:15 AM
لا يهمك يا الحبيب
انا كان عندي نصي اليسار اكبر من اليمين وكان اول مسببلي مشكلة ووصلت لدرجة اني كنت رح اترك الرياضة و دور على رياضة تانية
بس الحمد حاولت ركزت على القسم اليسار اكتر من اليمين(بس مو معناها نسيت اليمين) وخف الفارق بين القسمين بشكل كبير
انت جرب اعمل نفس الشي وانشاء الله بتكون راضي بعد فتره :)
متعب سعد
12-08-2011, 02:47 PM
ترى الفرق في كبر العضلة أمر طبيعي ..

لكن اذا كنت ملاحظ الفرق مؤذي بالنسبة لك ..

حاول تقلب الأمور شوي..

يعني اذا كنت تعتمد على يدك اليسار خل اعتمادك على اليمين .. أو العكس ..

انا كنت اسوي كذا .. حتى في مسكتي لفرشاة الأسنان :) أمسكها باليسار لأن الساعد الأيسر عندي ضعيف عندي شوي ..

والله الموفق ..
NazZMania
13-08-2011, 05:56 AM
مشكورين جميعا على ردودكم ونصايحكم .. ودي ارد لكم الجميل لكن مالي الا الدعوات في هالشهر الفضيل
مازلت انتظر ردك اخوي لوودي
oO LoOodDy Oo
13-08-2011, 02:14 PM
مشكورين جميعا على ردودكم ونصايحكم .. ودي ارد لكم الجميل لكن مالي الا الدعوات في هالشهر الفضيل
مازلت انتظر ردك اخوي لوودي

معليش على تأخري.. ياليت مرسلي تنبهني..

بالنسبة للطرق هي مراحل استفدت منها من تجربة اللعيبة وأنا رتبتها على مراحل

الأولى إنك أي تمرين تلعب فيه يد ويد يعني مثلا الباي دنابل على كرسي تبدأ أول باليسار وبعدها تبدأ باليمين بعدها إذا لعبة باليسار مثلا 8 عدات ولا تقدر تزيد خلاص اليمين تلعبها نفس العدات حتى لو عندك مقدرة على الزيادة وبعدها حط كل تركيزك وتفكيرك على اليد اليسرى يعني كأنك جاي علشان تلعب لليد اليسرى...

هذا المرحلة الاولى وهي الآمن والأنسب إذا كان مانت راعي بطولات ولا مستعجل..

المرحلة الثانية إذا ما نفعت الأولى إنك تشيل باليسار وزن أعلى من اليمين لكن يكون الفرق بسيط جدا مثال لو اليمين شلت بها 10 كيلو اليسار تشيل بها 11 أو 10.5

المرحلة الأخيرة.. إذا مانعفت الأولى وخاصة إذا كان بين العضلتين فرق كبير .. فتلعبها مرتين في الأسبوع .. يعني السبت تلعب عايدي طبيعي كل اليدين بوزن واحد وكل شي طبيعي لكن إذا جا يوم الأثنين أو الثلاثاء (أهم شي لايكون مع الظهر) تمرن اليد اليسرى لحالها بتمرينين فقط من ثلاث جلسات.. لكن بحذر يعني بعد التمرين بيوم أو يومين شوف المقارنة بين العضلتين..

وهذي هي المراحل.. لكن من جهتي أنا خلك على المرحلة الأولى أفضل وآمن وعلشان الأسباب الي ذكرتها لك.. غير ذلك هي الي مشيت عليها لأني ما ني مستعجل ولله الحمد



والله يوفقك..وادع لي ولوالدي..
لوودي