اعشق تمرين العقله لاكن ____ ساعدوني شباب

[عاشق العقله]

معلومات المتقدم بالاستفسار :
العمر : 19 , الجنس : ذكر

الطول :176 متر
الوزن : 65 كيلوجرام



و الاستفسار كالتالي :
السلام عليكم ورحمة الله وبركاته

كيف حالكم ياوحوووش ان شاء الله في احسن حال

انا متابع في هذا القسم حيث انه افادني كثيرا

بفضل الاعضاء الخبيرين بمجال هذه اللعبه

وحبيت استفيد منكم وتساعدون لان البيئه اللي عايش فيها

لايفقهون بهذه اللعبه الا القليل وانا قبل سنتين خشيت الجيم مع مدرب امريكي لمدة سنه

والحمدالله كانت النتائج ممتازه واحس في تغير جسمي للافضل مع العلم ان جسمي قبل

لا ادخل الحديد كان ممتاز ومقسم ومعضل بشكل يلفت النظر بفضل العقله والضغط

ومع الحديد زاد وزني 7 كيلو ازدادت الكتله العضليه وتركت اللعبه لمدة سنه ورجع جسمي مثل اول

انا حاب ارجع العب حديد لزيادة الكتله العضليه


لاكن السؤال هنا متى امارس العقله اثناء تمريني للحديد او في ايام الراحه او تسخين للحديد

وهل العقله تعتبر تقويه بحيث امارسها كل يوم مع البوش اب او كل فتره وفتره

المعذره طولت عليكم لاكن مالي الا انتم

تحياتي واحترامي لكم

[بردان1]

وعلييكم السلام ورحمة الله


اذا كانت العقلة ماتجهدك كثيير تقدر تخليها بايام التمارين تصخين قبل ماتبدا تمارينك تسوي الي تقدر عليه جلستين او ثلاث واذا صار عندك صدر تضيف جلسة بوش اب بما تقدر عليه


وفي ايام الراحة لاتجهدك نفسك ابد لا بعقلة ولا بوش اب
والعقلة دامك داخل جيم ومنتظم على برنامج لاتمارسها الا ايام التمارين للتصخين بس اما لو كنت تمرن بالبيت عادي مارسها يوميا هي والبوش اب

بالتوفيق

[عاشق العقله]

جزاك الله خير اخوي ماقصرت

طيب كيف بعد التمرين يقولون فائدتها اقوى

تحياتي لك

[أبو روعه]

الافضل لك في اي يوم تمرين تلعبها قبل التمرين تسخن عليها

وإذا كان التمرين ظهر تلعبها قبل وبعد

وإذا كان عندك صدر تسخن قبله بالضغط وبعد التمرين تلعب الغطس

واهم شي في ايام الراحه لاتلعبها ابدأ

[oO LoOodDy Oo]

ما قصروا الشباب

لكن من وجهة نظري

إنك ما تلعبها إلا فقط تسخين قبل الظهر والكتف علشان بعض عضلات الكتف والترابيس تشتغل أثناء تمرني العقلة
أو إنه يكون كتمرين من بين تمارين الظهر


وتلعبها بعد انتهاء تمارين الظهر أو الكتف جلسة وحدة فقط لسبب علشان تريح أسفل ظهرك لأنه يكون تقريبا مضغوط من الأوزان خاصة الكتف وهذا أقوى سبب أعرفه علشان تلعبه بعد التمارين

الشي الثاني لاتلعبها كل يوم أو كل يومين علشان لا تتعود العضله عليها وبعدين لاقدر الله تثبت العضلة ولا تنمو منها

فعلشان كذا إذا كنت مصر عليها العبها كل ثلاثة أيام يعني إذا لعبتها السبت إلعبها الثلاثاء وهكذا

وهذا وجهة نظري
والله يوفقك.. لوودي

[عاشق العقله]

ابو روعه

لووودي


والله ماقصرتوا صراحه استفد كثير منكم
يعطيكم الف عافيه

تحياتي لكم