السكس باك اثناء التضخيم

[عم دعبس]

معلومات المتقدم بالاستفسار :
العمر : 23 , الجنس : ذكر

الطول :171 متر
الوزن : 78 كيلوجرام



و الاستفسار كالتالي :
السلام عليكم
يا جماعة صار لي تقريبا 3-4 شهور و انا اضخم .. و بصراحة حصلت على نتائج معقولة
و لكن المشكلة ان حجم بطني ايضا كبر.. و سألت في المنتدى سابقا و قالوا لي ان الامر طبيعي
ولكني اشوف الربع في النادي يضخمون و السكس باك واضحة عندهم.. فسألت المدرب فقال لي ان
لا علاقة بين التضخيم و السكس باك .. و عطاني تمارين جديدة غير السابقة
مع العلم اني كنت العب 3 تمارين للبطن بشكل شبه يومي .. و ما حصلت على نتيجة؟؟
فهل كلام المدرب صحيح؟؟
و عندي استفسار ثاني الله لا يهينكم.. عضلة التراي عندي ضعيفة نوعا ما من ناحية الشكل و حتى رفع الاوزان
بعكس الباي و الساعد .. فهل الامر طبيعي ان ترفع بالتراي اقل من الباي؟؟
و هل من الممكن ان تضخم عضلة واحدة مع الابقاء على حجم باقي العضلات على نفس الحجم؟؟
و شكرا ..

[corona]

اولا يا اخي بروز البطن في مرحلة الضخامه فعلا شئ طبيعي ) ثانيا كلام مدربك غلط كيف السكس باك مالها علاقه بالتضخيم بالعكس تقدرها تضخمها ) ثالثا غلطت يا اخي وليش ماحصلت على نتيجه لانك كنت تدرب البطن كل يوم وهي في النهايه تريد راحه زي باقي العضلات ) مرنها 3 مرات بالاسبوع يعني يوم بعد يوم وراح تشوف نتايج ) رابعا اكيد الباي دائما اقوى من التراي قصدي في رفع الاوزان بس هذا مايمنع انك تركز وتقوي التراي اصلا التراي مكمله للباي واللي ماعنده تراي قوي اكيد يأثر على شكل الباي لانهم مرتبطات ببعض فلا ضروري تزيد الاوزان وتركز) خامسا كيف يااخي تبي تضخم عضله والباقي لا اسم اللعبه كمال الاجسام يعني مثل الهرم ضروري تركز على كل العضلات للحصول على جسم جميل ومتناسق ولو كبرت عضله واهملت عضله يصبح جسمك بشع نوعا ما

[عم دعبس]

يعطيك العافية اخوي كورونا
بس الظاهر ان الفكرة ما وصلت.. انا ما اقصد تضخيم البطن برفع الاوزان ( كنت امرنها بالاوزان فزاد حجمها و عليها طبقة من الدهون و صارت مثل الكرش الصلب)
لكن اقصد تمرين البطن لحرق الدهون و اظهار السكس باك
اما عن تضخيم عضلة فهذا الشيء عادي.. انا اقصدالتركيز على الباي و التراي بدون اهمال العضلات الباقية

[corona]

خلاص بالنسبه لعضلات البطن زد في التكرارات وركز عليها شوي مع دايت كويس ان شاء الله تشوف نتايج وفي في المواضيع المميزه موضوع لواحد من الاخوان على السكس باكس) بس يا اخي ركز معاي في كلا الحالتين لا تدربها كل يوم لا لا لا لا ضروري ترتاح العضله لذلك العبها يوم بعد يوم واشتغل على العقله كويسه) وبالنسبه للباي والتراي اكيد تقدر تركز عليهم تخليهم يومين بالاسبوع مثلا وزي ماقتلك ماراح تحصل على باي كبيره الابكر التراي وحاول تستخدم الدروب ست وتنوع بالتمارين

[salam912]

يعطيك العافية اخوي كورونا
بس الظاهر ان الفكرة ما وصلت.. انا ما اقصد تضخيم البطن برفع الاوزان ( كنت امرنها بالاوزان فزاد حجمها و عليها طبقة من الدهون و صارت مثل الكرش الصلب)
لكن اقصد تمرين البطن لحرق الدهون و اظهار السكس باك
اما عن تضخيم عضلة فهذا الشيء عادي.. انا اقصدالتركيز على الباي و التراي بدون اهمال العضلات الباقية
لإزالة الدهون تمرن بدون أجهزه ، وإذا تمرنت بأجهزة تمرن بدون وزن
يمكنك الاطلاع على هذا الرابط والمواضيع المميزة كثيرة في هذا الشأن
http://www.montada.com/showthread.php?t=654134

[عم دعبس]

الله يعطيك العافية
ماقصرت.. بس الي اعرفه ان العقلة تمرين للظهر
و هل تفضل ان يكون تمرين الباي و التراي في نفس اليوم؟؟
لاني العب الباي مع الظهر و التراي مع الصدر و بصراحة صار لي فترة ثابت على نفس الوزن
لان تمارين العضلات الكبيرة تستهلك الطاقة فما يكون عندي بور لتمرين العضلات الصغيرة باوزان عالية

[Dr.H.A.E]

وانا اخوك عادي تكبر شوي ,,

لانك تدربها باوزان ,, يعني تدربة عضلة البطن زيها زي اي عضله ثانيه لازم تكبر ,,

ولا تدربها بشكل يومي ,, خلك يومين او 3 في الإسبوع ,,

وطبقة الدهون هذي في مرحلة التضخيم لابد منها ,, بعد التضخيم نشف وقسم الجسم كله ^_^

[Ahmad H Tamimi]

اخوي corona يعطيك العافية على ردك الجميل و الوافي بس حبيت استفسر انا اشيل على عضلة التراي

اكثر بكيثر من اللي اشيله على عضلة الباي , يا ترى عادي ولا ممكن تكون الباي عندي ضعيفة ؟؟؟؟؟؟؟؟ظ

[corona]

اخوي بالنسبه للعقله للظهر مزبوط بس انا اقصدلك انك تتعلق بيديك الاثنين بها وترفع قدميك لاعلى على استقامتهم على قد ماتقدر وتنزل وتقدر ترفعه بنفس الطريقه بس مره يمين ومره يسار لتقويه كافه العضلات والخواصر ترى العقله لها عدة تمارين) وبالنسبه للباي والتراي لو كان جدولك كل يوم عضلتين فمرن الباي مع الصدر والتراي مع الضهر اما لو كل يوم عضله فخليهم مع بعض ولو تبي تركز عليهم مايمنع انك تضيفلهم يوم مع بعض عادي ) ولا لا ما تخاف ماعندك ضعف ولا شئ اصلا التراي عضله اكبر من الباي ثلاثيه الرؤوس اما الباي ثنائيه فما فيه مشكله بس زي ماقتلك استخدم الدروب ست مع الباي لزيادة حجمها

[oO LoOodDy Oo]

ما قصر اخونا corona
انا أبرد عليك على فهمي لسؤالك

أنت شكلك تقصد ليش أتدرب كل يوم والسقس باك ما برزت
هذا طبعا ما هو من تمارينك هذي من الدهون الي مغطية البطن
مهما ضخمت ماراح تشوف السقس باك أبدا إلا إذاا أزلت الدهون

وإزالة الدهون حول البطن ماهي بتمارين البطن فقط ومع ألعاب الكارديو والغذاء المناسب

الشي الثاني بالنسبة تقول إن التراي أضعف من الباي أنت على أي أساس قسته
إذا كان على الأوزان فهذا قياس خطأ

لأن كل عضلة لها وزن معين

يعني مثال تشيل في البار المتسوي للصدر 20 كيلو

لكن اتحداك تلعبها على الكتف
وهكذا

وعلشان تطمئن أكثر أنت كم تلعب تمرين وكم جلسة وكم العدات؟

والله يوفقك لووودي

[عم دعبس]

مشكور على المتابعة اخوي لووودي
انا عارف ان الاوزان تختلف بين العضلاتبس انا اقصد التمارين المتشابهة بين الباي و التراي (مثلا تمرين الكيبل السحب لاعلى للباي و لاسفل للتراي)الباي اقدر ارفع 150 باوند و التراي 120و حتى تمرين البار للباي.. ارفع 45 كيلو و لكن تمرين التراي نائم او واقف ما اقدر ارفع اكثر من 35اما عن الكارديو فانا في مرحلة ضخامة و ما ابي ابالغ لانه ممكن تؤثر على ضخامة العضلعلشان كذا سألت اذا ممكن تبرز السكس باك في فترة الضخامة

[corona]

اخوي والله ما تشتت نفسك انا شايف والحمد لله عندك عزيمه وحب معرفه 100% فانا متأكد انك راح توصل لهدفك وبالنسبه للسكس باك صعب تطلع في فترة الضخامه بس مو معناه مستحيل لا مرنهم يوم بعد يوم ونوع وباذن الله توصل ( بس ملاحظه مع ذلك مش حيوصل مظهرهم بجمال سكس باكس التنشيف)

[oO LoOodDy Oo]

بالنسبة للكارديو لا ما تأثر على العضلة إذا ما أجهدتها كثير ومغذيها صح
الشي الثاني انا تكلمت عن الكارديو علشان حل البطن فقط
مالي شغل بالباقي
مادام إنك في مرحلة ضخامة خل همك إن السقس باك توضح بعدين لين يجي وقت التنشيف لأنها راح تطلع في هذا الوقت

لكن ما تترك تمارينها ... لا تمرنها علشان إذا نشفت تلقاها ناشفه

بالنسبة لعضلة التراي
مارديت علي

وش التمارين الي تعلبها مع الجلسات والعدات؟

[عم دعبس]

مشكور اخ كورونا.. بالفعل انا عندي حب استطلاع و نوع من الفضول هههه
و ان شاء الله اوصل الى الهدف في اقرب وقت

[عم دعبس]

هلا اخ لودي
بالنسبة لتمارين التراي انا العب:
بار متعرج نائم 12/10/8
كيبل لاسفل 12/10/8
دنبل خلف الرقبة 12/10/8
بار واقف خلفي 12/10/8
بوش اب خلفي على البنش 10/10/10

[oO LoOodDy Oo]

هلا اخ لودي
بالنسبة لتمارين التراي انا العب:
بار متعرج نائم 12/10/8
كيبل لاسفل 12/10/8
دنبل خلف الرقبة 12/10/8
بار واقف خلفي 12/10/8
بوش اب خلفي على البنش 10/10/10

معذوره ما تقوى العضلة ببطئ

أول شي: خمس تمارين كثيرة على التراي خليها ثلاث أو أربع تمارين فقط
ثاني شي: العدات 10/8/6 فقط لا تزيد وإن نقصت من كل عدة واحدة يعني 9/7/5 مافي مانع علشان الوزن الثقيل
ثالث شي: نوع في التمارين لا تقعد على تمرين واحد
رابع شي: انت ما بينت لي كيبل لأسفل ضيق ولا واسع وأيضا البار واقف والبار المتعرج لأنه يفرق


والله يوفقك.. لوودي

[عم دعبس]

معقولة اخوي بس 3 تمارين؟؟
المسكة ضيقة و البار انوع فيه
.. ما عليك امر ممكن تقول الفرق بين البار المتعرج و البار المستوي لاني بحث و سألت كثير و ما لقيت الجواب
ادري اني ثقلت عليك شوي:)

[oO LoOodDy Oo]

إيه نعم ثلاث تمارين بس... وهذا أنا الي ماشي عليه طوال مدة لعبي بالحديد وازيدك من الشعر بيت.. تصدق كلها ألعبها ثلاث جلسات.... وليش تستغرب؟؟
ولله الحمد أشيل أوزان ماهو كلام في نفسي أتحداك تتوقعها.. كلها بفضل ربي وأنا مالي لا حول ولا قوة... لكن الحديد ماهو بزيادة التمارين الحديد يبغالها فهم في نمو العضلة وحركتها..
فيه ناس فعلا يمشي معاهم أربع تمارين وفيه ناس ثلاث تمارين على حسب قوة وتحمل العضلة وأشياء أخرى تفصيلية في الشرائح ما نبي ندخل فيها؟؟؟

فأنت من وجهة نظري خلك لمدة شهر على ثلاث تمارين أول تمرين خله أربع جلسات التمارين الباقية خليها على ثلاث جلسات أوكي

والعدات أهم شي ركز عليها مثل ماذكرت لك في الرد السابق.. وكيف تجيبها يعني لو حددت لك العدة رقم 6 يعني تحط وزن أكثر شي تجيبه ست عدات وما تقدر تجيب فوق حلو

الشي الثاني التنووويع أوكي لا تنسى يعني إذا لعبت تمرين مثلا كيبل المثلث زي ما نسميه في الصالة خلاص أنساه خليه بعد أسبوعين أوثلاث أسابيع حط مكانه تمرين آخر

الشي الثالث إذا لعبت ضيق التمرين الثاني أو الثالث لا تلعبه ضيق غير إلعبه واسع والتمرين الي بعده غير البعه مستوي التباعد
أوكي أمش على هذي القواعد وبإذن الله راح تتحسن وبشكل ملحوظ

وبالنسبة للأسئلة حاظرين أخوي ما عندك مانع اسئل الي تبي؟؟
راح أجاوب على سؤالك باختصار علشان لايدوخ راسك

بالنسبة للمتعرج إذا كان واسع تشتغل العضلة الرأس الطويل الي جهة الظهر ووالضيق الرأس الخارجي الي جهة الثانية
العضلة الثالثة تشتغل إذا كنت تلعب وأنت نايم
أو تكون الذراعين وأنت واقف ماوزيه للأرض

على العموم الثلاث كلها بتشتغل في نفس الوقت لكن تتخلف في التركيز بينهم


والله يوفقك.. ادع لي ولوالدي...

لوودي

[عم دعبس]

ما شاء الله عليك اخ لودي موسوعة متنقلة في عالم كمال الاجسام:)
بس الصراحة لخبطتني شوي
على العموم .. الله يوفقك و اسأل الله العظيم ان ينعم عليك و على والديك بموفور الصحة و العافية

[oO LoOodDy Oo]

ما شاء الله عليك اخ لودي موسوعة متنقلة في عالم كمال الاجسام:)
بس الصراحة لخبطتني شوي
على العموم .. الله يوفقك و اسأل الله العظيم ان ينعم عليك و على والديك بموفور الصحة و العافية

آمين وياك الله يجزاك خير

يسلموو على كلامك .. لكن كله بفضل ربي ولله الحمد مالي لاحول ولا قوة

بالنسبة للخبطة .. هذا وأنا ما فصلت لك زيادة...

فعشان كذا خلك من كلمة الرأس الطويل والخارجي وغيره

خلك على القواعد الي قلت لك إياها لمدة شهر وشف نفسك بإذن الله راح تتحسن

وعطني خبر... والله يوفقك.. لوودي

[موعود2020]

خلاص بالنسبه لعضلات البطن زد في التكرارات وركز عليها شوي مع دايت كويس ان شاء الله تشوف نتايج وفي في المواضيع المميزه موضوع لواحد من الاخوان على السكس باكس) بس يا اخي ركز معاي في كلا الحالتين لا تدربها كل يوم لا لا لا لا ضروري ترتاح العضله لذلك العبها يوم بعد يوم واشتغل على العقله كويسه) وبالنسبه للباي والتراي اكيد تقدر تركز عليهم تخليهم يومين بالاسبوع مثلا وزي ماقتلك ماراح تحصل على باي كبيره الابكر التراي وحاول تستخدم الدروب ست وتنوع بالتمارين
تحياتي للاخوة الكباتن وبعد اذن صاحب الموضوع
ودي لو احد يشرح لي وش هي الدروب ست لو تكرمتوا

[corona]

افتح موضوع جديد خاص بيك وباذن الله نفيدك ونشرحلك الدروب ست وكمان السوبر ست

[silver822]

مشكور على المتابعة اخوي لووودي
انا عارف ان الاوزان تختلف بين العضلاتبس انا اقصد التمارين المتشابهة بين الباي و التراي (مثلا تمرين الكيبل السحب لاعلى للباي و لاسفل للتراي)الباي اقدر ارفع 150 باوند و التراي 120و حتى تمرين البار للباي.. ارفع 45 كيلو و لكن تمرين التراي نائم او واقف ما اقدر ارفع اكثر من 35
اخي كلامك صحيح في تمارين الباي الواحد يشيل اوزان اكثر من التراي والسبب برأيي انه في تمارين الباي هناك عضلات اخرى تساعد على شيل الوزن خصوصا الساعد وايضا الرجلين والظهر تساعد في رفع الوزن عكس التراي الي يكون تركيز الوزن عليه بشكل اكبر