المساعد الشخصي الرقمي

مشاهدة النسخة كاملة : كمال الاجسام ممكن تفيدوني بخصوص هذ1 آلتمرين ؟!


خضرآوي ستآيلش
16-08-2011, 03:50 AM
معلومات المتقدم بالاستفسار :
العمر : 25 , الجنس : ذكر

الطول :175 متر
الوزن : 73 كيلوجرام

نسبة الدهون : 20

و الاستفسار كالتالي :
السلام عليكم ورحمه الله وبركاته

كيف حالكم يا وحوش ..

بدش بالموضوع على طول اليوم كان عندي تمرين عضلتين تراي وباي وشافني المدرب وقالي العب سوبر مع واحد من الشباب ..

لعبني على الاجهزه وبدون توقف وبدون راحه من اخلص جلسه باي يدخلني على جلسه تراي ولما اخلص ارجع العب جلسه باي مره ثانيه .. وعلى ها الموال حيث اني شفت ايدي شاده بشكل رهيب بس حبيت اعرف من الشباب عن ها التمرين هل هؤ مرهق للعضله او يزيد في كبر حجم العضل لاني يوم رجعت البيت حسيت ايدي ترجف شوي وحاليا مب حاس بأي تغير في بروز العضل مثل ما كان بارز في الجيم يعني كأني ما لعبت وحاس بشويه ارهاق في العضلتين مع ان تغذيتي سليمه ومكملاتي اخذها بوقتها

ارجو منكم تفيدوني بها الموضوع ولا تبخلؤن علي بالاجابه ..!
بردان1
16-08-2011, 04:09 AM
وعلييكم السلام

نعم اخي هذا نظام السووبر ست جدااااا رائع لكن لاتعتمد عليه بتمارينك خليه كسر روتين بعد كل شهرين تمرنه مره
ومفيييد جدا وفيه مواضيع كثيره تتحدث عنه وتقدر تشوف اذكر موضوع فيه لاحد الكباتن هنا بالمنتدى عنه بالمواضيع المميزة
ولاتنتظر بروز العضلة بنفس اليوم ! بس اكيد راح يفيدك

بالتوفيق ياوحش
وانصحك تكمل باقي هالاسبوع تمارينك على هالمنوال لما تخلص الدورة يعني تلعب الصدر والظهر والارجل والاكتاف بنفس الطريقة وبعد ماتخلص الاسبوع خلاص ارجع لنظامك المعتاد
موفق
خضرآوي ستآيلش
16-08-2011, 04:15 AM
تسلم اخؤي بردان على ردك ونصايحك لي . ان شاءالله بمشي على كلامك وبطبقه ان شاءالله اليوم اول يوم لي بالسوبر وان شاءالله اواصل عليه اسبوع وارجع العب عادي نفس ما كنت العب قبل شاكر لك تواجدك وحضورك
oO LoOodDy Oo
16-08-2011, 04:26 AM
الله يجزاه خير بردان كفى ووفى

بس نصيحة بسيطة الي هي المرة الثانية إذا كنت تبي تلعب سوبر

حاول تخفف التمارين من أي جهة
يعني إذا كنت تلعب أربع تمارين خليها ثنتين والثالثة سوبر
أو إذا كانت التمارين أربع جلسات خليها كلها ثلاث جلسات
ليش.. علشان سمعت إنك تقول إنك حسيت بارهاق وارتجاف العضلة
وهذا للأسف من علامات إرهاق العضلة
وهذي ماهي جيدة للعضلة لان كلما زدت في إرهاقها كلما تحولت إلى عملية الهدم

فنصحيتي المرة الجاية اتبع الي قلت لك عليه مع نصائح أخوي بردان

والدليل إن السوبر ست قويه يوم أقولك خفف من أسلوبك
الكثير قالوا تلعبها يا كل شهر أو كل شهرين وهذا يدل على صعوبتها

أنا ما أخوفك منها لكن علشان نعمل عملية موازنة بين تغيير في أسلوب التمرين مع عدم إرهاق العضلة

والله يوفقك.. لوودي