المساعد الشخصي الرقمي

مشاهدة النسخة كاملة : كمال الاجسام أبغي رياضة حق هالعضلتين فالجسم لو ممكن؟


دللوله
20-08-2011, 03:00 PM
يمكن الموضوع ماله علاقه بكمال الاجسام ...لكن مالقيت عنوان مناسب غيره
معلومات المتقدم بالاستفسار :
العمر : 28 , الجنس : انثى

الطول :158 متر
الوزن : 58 كيلوجرام

نسبة الدهون : معرف

و الاستفسار كالتالي :
السلام عليكم


اخواني لو تسمحون ...أنا كنت متينه اشوي ....وبعدهااا ضعفت فطلعتلي اثار فالهمنطقتين من الجسم ..ألحين أبغي ارجع اشدهااا لو ممكن ...

اقصد العضلتين الي مشار علي اسماءهم باللون الأصفر ...أتريااا ردكم بليز ....مع اني ألاحظ وايد استفسارات محد يرد عليهم ...
the rock 911
20-08-2011, 03:12 PM
لو تقصدي اثار تمدد الجلد فممكن تروح مع الوقت لان الجلد يرجع يتاقلم مع الوضع الجديد + الرياضة + يمكن استخدام كريمات الشد المتوفرة بالصيدليات او كريمات متوفرة بقسم البيع والشراء بالمنتدى + اشعة الشمس

بالتوفيق
themaddemon
21-08-2011, 07:50 AM
ماافي شيء اسمو تمرين موضعي عشان الحرق او غيرو ،،، لاكن لازم تلعبي الجسم كامل ،، لانو لو عضلة قويت وغيرها لا راح اكيد يسبب عدم التناسق العضلي داخليا مما يسبب ضغت على العضلات الي شغالة وتسبب مشكلة مزمنة ،، مثلا الي قوي الظهر بدون الارجل و لا الجوانب او البطن راح يجيلو انزلاق غضروفي ،، الي يقوي الصدر مثلا ويسب الظهر والاكتاف الخلفية و الرقة راح يجيلوا التهاب مزمن وانحشار الوتر في الكتوف .....الخ من الاصابات المزمنة الي تستدعي عمليات جراحية

بالنبة لافضل تمارين،، الdeadlift و العقلة او Pulldown و كمان Dumbbell Rows ادخلي على اليوتيوب ودخلي الاسماء وانت تعرفي التمارين كيف تتسوى ،، بس رجاء خاص لكي وللكل اهم شيء انك تسووا التمرين صح مهما كان حتى لو بدون اوزان!
دللوله
22-08-2011, 02:26 PM
مشكورين أخوواني
oO LoOodDy Oo
22-08-2011, 02:42 PM
الله يجزاهم خير الشباب ما قصروا

لو كنتي تبغين أسماؤهم والتمراين حقتهم لهدف معين

الأولى تسمى الظهريه العريضه وتسميته في الصالة الجوانب ولها مسميات أخرى

وهي تعمل على أغلب تمارين الظهر أما كعضلة أساسية أو مساعدة أو غير ذلك

الثانية تسمى الشوكية الناصبة.. أو زي كذا وفي الصالة تسمى أسفل الظهر


وإذا بغيت صور لتمارين جبتها


والله يوفقك.. لوودي
دللوله
22-08-2011, 02:47 PM
مشكور اخوي طلعتهاا من قوقل مع اني مااحس ان هالعضلات تشتغل لما اأاسوي هالتمارين...بس انتوو ادرى ..مشكورين ماتقصرون
oO LoOodDy Oo
22-08-2011, 05:28 PM
طيب علشان نفيدك اعرض علينا الصور علشان نعكيك خبر ان كان للعضله اما لا
themaddemon
22-08-2011, 06:38 PM
فيه حاجة اسمها "تواصل العقل مع العضلة" يعني لازم تتخيلي كل العضلات الي في بالك تشتغل الجسم سسبحان الله يشغلها اكثر ،، كثير حيضحك ،،، بس تراها حقيقة Mind Muscle Connection
دللوله
24-08-2011, 04:01 PM
سوووووري اخواني انا مفتر راسي انا مأشره عالعضلة الغلط اناا اقصد العضله الي باللون الوردي ,,الي تكون مبااشره فوق عضلة المؤخره ..و.الديدلفت من التمارين الي قلتولي عنهااا احس انه ينفع حقهاااا ....لكن اناا ابغي بروز حق هالعضلة ..اناا اعرف التمارين الخاصة بعضلة المؤخره واسويهاا كلهاا لكن مااحس انهااا تشغل العضلة الي أبغيهاا بس تشغل عضلة المؤخره
....ومشكرين اخواني ماقصرتوووو
343903343907


هالصور مالهااا شغل فالموضوع ..بغيت احذفهااا وماقدرت ...
بردان1
24-08-2011, 05:32 PM
اهلا وسهلا اختي
الي باللون الوردي هذي عضلة المؤخرة العلوية

شوفي هالرابط فيه جميع تمارين المؤخرة
http://www.bodybuilding.com/exercises/finder/lookup/filter/muscle/id/14/muscle/glutes
بالصور والفيديو
واعتقد التمرين الرابع جدا مناسب وسهل التطبيق
وبالتوفيق
دللوله
24-08-2011, 07:37 PM
مشكووووور أخوي بردااان ماقصرت وشكرااا للكل ماقصرتووو
ومنكم نستفيد
دمتم سالمين
oO LoOodDy Oo
25-08-2011, 05:20 AM
الله يجزاه خير أخونا بردان ما قصر

بس بالنسبة للصور

الأول ممتاز هذا للأسفل الظهر الي قلت لك عنه


الصور الباقية هذي كلها للظهريه العريضه الي كلمتك عنها

وهي ممتازة خاصة للسحب الدنابل


والعفو .. وأي أستفسار عن أي تمرين إحنا حاضرين...

والله يوفقك.. لوودي