المكملات بالكويت غاليه ؟ الحل ؟

[D.D.S]

معلومات المتقدم بالاستفسار :
العمر : 18 , الجنس : ذكر

الطول :188 متر
الوزن : 65 كيلوجرام

نسبة الدهون : 14%

و الاستفسار كالتالي :
ممكن ألاقي واحد يبيع ارخص و ضمان 100% بالكويت ؟

ياريت المساعده شباب على شرط يكون الشخص مجرب مكملاته و مرتاح معاه ..

ياريت الحل لان ماديا ماقدر اللي على بالسوق .. ادري الفرق بسيط بس احتاج الفرق انا ..

ياريت تفيدوني

[.ابوقحط.]

الاخ العزيز الله يعينك
لاكن يوجد اعلانات لاشخاص كثير فى الكويت يبيعون بروتينات بسعر ممتاز انت سو بحث فى قوقل وكل شى راح يطلع لك

[Mr CoOol]

أخوي في شباب كويتين وايد يبيعون بروتينات بسعر مناسب عندنا بالكويت ..
بس وين المشكله .. أنه الشخص ما تعرفه ولا يعرفك .. يعني مو محل ولا شركه ..
مجرد شخص يتاجر بدون ترخيص ولا شئ .. خوفك المكملات مضروبه ..
فـ عشان جذي .. أشتر صحتك و أشتر من هالمحلات الغالية بس عالأقل شركات
تخزين 100% و مضمون 100% ..

[THE CAST]

اذا كان عندكم الاستيراد مسموح فاطلب من بره افضلك

اما لو معقد مثل عندنا فمالك الا مثل ماقالولك الاخوان

[crletos]

أخوي في شباب كويتين وايد يبيعون بروتينات بسعر مناسب عندنا بالكويت ..
بس وين المشكله .. أنه الشخص ما تعرفه ولا يعرفك .. يعني مو محل ولا شركه ..
مجرد شخص يتاجر بدون ترخيص ولا شئ .. خوفك المكملات مضروبه ..
فـ عشان جذي .. أشتر صحتك و أشتر من هالمحلات الغالية بس عالأقل شركات
تخزين 100% و مضمون 100% ..

+1

زيد فرق بسيط دينار او خمس او الخ ..,,

وانا اخوك اشتر صحتك وريح بالك


وفوق هذا انت مطمن

وموفق وفيه تقدر تسوي بطاقة للمحلات المشهورة يعطونك خصم 10% بالمية او اكثر على حسب العرض

على الاقل يعتبر خصم :)

ل

[i6aly]

الإستيراد من برا مستحيل

DHL و Aramax ماتقدر تشحن مكملات غذائيه معاهم
طلبت من فتره ومنعوها من دخول الكويت .. وإذا كان ممكن يدخلونها لازم تخلص اجرائاتها انت بنفسك .. عذاب

فيه شباب كويتيين يبيعون وشغلهم مضمون 100%
إذا تبي ارقام ادزلك على الخاص

[buraydawi]

مثل ماتفضلوا الاخوان ..
او اطلب من الشباب بقسم البيع ( اذا اعجبتك اسعارهم) يوصلون الطلبية عن طريق شركة زاجل للحفر.
موفق

[mr.911]

شباب مع احترامي حق كلامكم بس مو ملزوم يشتري من ريزولت وهيلث بلانيت الي عندنا كلهم نصابين بروكمبلكس جينر الجيس العود ب 32 !! خير انشالله

بالعكس عندنا شباب قمه بالثقه والامانه والاخلاق ومن زمان اتعامل معاهم واغلب شباب الكويت ياخذون منهم والله يعلم ما اعرف اي واحد فيهم معرفه شخصيه او تربطني في علاقه

عندك 2 اخوي الاول اسمه بوعلي والثاني اسمه بوصالح ناس يخافون الله واماااااانه واسعااارهم ممتازه وارقامهم عندي وفي وايد غيرهم يبيعون ولا مره سمعت

واحد كويتي عطى زبون مكمل مضروب الشي الوحيد الي لا تفكر في ولا تسوي لا تشتري من الكبتن بالنادي !

[liverpool212]

شباب مع احترامي حق كلامكم بس مو ملزوم يشتري من ريزولت وهيلث بلانيت الي عندنا كلهم نصابين بروكمبلكس جينر الجيس العود ب 32 !! خير انشالله

بالعكس عندنا شباب قمه بالثقه والامانه والاخلاق ومن زمان اتعامل معاهم واغلب شباب الكويت ياخذون منهم والله يعلم ما اعرف اي واحد فيهم معرفه شخصيه او تربطني في علاقه

عندك 2 اخوي الاول اسمه بوعلي والثاني اسمه بوصالح ناس يخافون الله واماااااانه واسعااارهم ممتازه وارقامهم عندي وفي وايد غيرهم يبيعون ولا مره سمعت

واحد كويتي عطى زبون مكمل مضروب الشي الوحيد الي لا تفكر في ولا تسوي لا تشتري من الكبتن بالنادي !


أرقامهم علي خاص ...

[D.D.S]

اذا في شخص امانه و الناس تاخذ منه ماتوقع في مانع انه ما ناخذ منه ..

ياريت الارقام عالخاص ضروري .. :) ..

ما قصرتوا شباب ...

[mr.911]

اذا في شخص امانه و الناس تاخذ منه ماتوقع في مانع انه ما ناخذ منه ..

ياريت الارقام عالخاص ضروري .. :) ..

ما قصرتوا شباب ...

دزيتلك ياهم اخوي

[Mr CoOol]

شباب شكثر الفرق بين المحلات و الشباب الكويتين ..
يعني إذا حسابي عند الشباب الكويتين 70 دينار .. عند الشركات جم يطلع ( تقريباً ) ..

[Mr CoOol]

وحبيت أضيف نقطه .. إلي يبي يطلب من بره و راكبه راسه السالفه ..
يطلب عادي و الجمارك راح يطلبون منه ترخيص من وزارة الصحه .. عاد هالترخيص
شلون تطلعه ما عندي علم ..

-
-

وإلي عنده أرقام ياريت يحطهم هني إذا مافيه مخالفه لـ قوانين القسم ..
عشان الكل يستفيد أحنا و إلي بيشوفون الموضوع بعد فتره .. :)

[del10]

قبل 3 اشهر طلبت من امريكامن موقع مصل اند سترينث عن طريق ارامكسواستلمت طلبيتي بدون مشاكل والمكملات عال العالومفكر اطلب من بدي بلدنق دايركت على الكويتلاني لاحظت انهم بالشحن ارخص من ارامكس

[mr.presidant]

ماعليه ياشباب على الخطمه بس ودي احد يفيدني عن الاستيراد الشخصي للسعودية لاني ناوي بصراحه على بدي بلدينق
لاتقولون ممنوع تكفون :31: