المساعد الشخصي الرقمي

مشاهدة النسخة كاملة : مشاكل صحية شفط دهون للسكس باق


suliman21
26-08-2011, 07:39 AM
معلومات المتقدم بالاستفسار :
العمر : 21 , الجنس : ذكر

الطول :183 متر
الوزن : 82 كيلوجرام

نسبة الدهون : 16

و الاستفسار كالتالي :
السلام عليكم ورحمة الله ..

كل عام وانتم بخير وصحه وسلامه والله يتقبل منا ومنكم صالح الاعمال ..

شباب انا عندي مشكله في البطن تعبت معاه .. خصوصا البطن السفلي والجوانب مهما تقسم بطني يبقى بطني السفلي مع اني ظابط نفسي في الاكل والمشروبات والنوم والتمارين ..

حبيت اسالكم عن مركز لشفط الدهون في مدينة الرياض مضمون واسعاره مناسبه .. وطبعا اشفط عشان تطلع السكس باق .. انا كم مره شفت اعلانات بالجرايد بس مادققت ..

اللي عنده خلفيه بالموضوع و يقدر يساعدني لايبخل تكفون ..
nmr.ksa
26-08-2011, 08:52 AM
ياخي حرام عليك ولا تزعل من ردي وزنك كويس يعني كلا الشغلة كالاتي

دايت اليم + وكارديو مرتب + تركيز على تمارين البطن والخواصر

اعطيك شهرين بالكثير وامورك زينة ولعلمك ماتطلع ال6 الا اذا نزلن نسبة الدهون يعني مو معقولة يجي واحد دهن واحد وال6 طالعه لازم يكون ناشف

العمليات للي فوق 150 والحجم الكبير وهذي وجهة نظري

موفق عزيزي
suliman21
26-08-2011, 09:01 AM
بس والله تعبت معها وانا اخوك .. صار لي 3 شهور بدون فايده ..
fares allil
26-08-2011, 04:49 PM
يا رجل نسبة الدهون عندك 16% يعني شي طبيعي انك ماراح تشوفها...حاول تنزلها إلى 10% و بتشوفها ان شاء الله
أهم عامل في ظهورها هو التغذية السليمة..أول شي نقص عدد السعرات الحرارية اللي تتناولها يوميا بمقدار 500 سعرة.
و حاول ان هذا التقليل يكون من الكربوهيدرات اللي تتناولهم بالعادة...مثلا..اذا انت تاكل سندويشتين مع علبة تونة قبل التمرين..
خلها سندويشة وحدة مع علبة تونة..و اذا تتغدى صحن رز مع صدر دجاج..تغدى نص صحن رز مع صدر دجاج..
و الكارديو لا تجهد نفسك فيه..يكفي جري او مشي سريع لمدة 10-20 دقيقة يوميا طول ما انك منقص 500 سعرة من الأصل
طبعا النتايج ماراح تكون سريعة..و يبيلك تصبر..يعني في كل اسبوع ممكن تنزل نص كيلو..لكن كل نص كيلو على نص كيلو..بتوصلك للـ 10%
موعود2020
26-08-2011, 04:55 PM
هل سيخسر العضلات التي بناها خلال 4 شهور اذا قام بنصيحتك والا سيكون النزول دهون فقط
THE CAST
27-08-2011, 12:08 AM
وعليكم السلام


عندك حلين
الاول
باتباع دايت صحي منظم + رياضه يوميه ... ونقصان الدهون راح يكون من كافة الجسم والبطن يشملها بالطبع , وبعد فترة لو لازالت مضايقتك فالجأ للثاني
كونك اجتهدت لكن توزيع دهون الجسم امر خارج عن ارادتك

الثاني
ازالة الدهون الموضعيه ببعض الطرق كالميزوثيرابي ولكن بشروط منها ان الدهون ماتكون كثيره وإلا فالجأ للخيار الاول .....



اما عملية شفط الدهون الي تكلمت عنها فشيلها من راسك