المساعد الشخصي الرقمي

مشاهدة النسخة كاملة : كمال الاجسام كيف ارفع عضل صافي


M.Alayyaf
27-08-2011, 03:42 AM
معلومات المتقدم بالاستفسار :
العمر : 20 , الجنس : ذكر

الطول :168 متر
الوزن : 61.5 كيلوجرام

نسبة الدهون : 12

و الاستفسار كالتالي :
السلام عليكم ورحمة الله وبركاته
كيف حالكم يا شباب ... اتمنى ان اموركم كلها تمام
انا وزني 61.5 كيلو والكتلة العضلية عندي 31 كيلو ونسبة الدهون 11-12% وطولي 168
ما اخفي عليكم انا كان وزني 101كيلو وتعقدة من سالفة الجلد الزائد(الترهلات مع العلم انه في منطقة البطن أكثر)
وانا الحمد الله جسمي شبه تقسم وطلعت ال6 باك :D


س: كيف اقدر ارفع عضل صافي (5-8 كيلو)؟ وكم الفترة الزمنية؟
س: وماهي المكملات الي احتاجها؟
س: واي نظام غذائي امشي عليه؟
س: ونظام التمرين من ناحية المجموعات والتكرار وكم عضلة في اليوم؟
simply
27-08-2011, 03:58 AM
نظام غذائي خالي من الدهون وقليل الكارب وعالي البروتين

المكملات انصحك بالواي بروتين او الايزو 100 تصعيد عضل صافي

نظام التمرين

اليوم الأول : صدر + تراي

اليوم الثاني : ظهر + باي

اليوم الثالث : اكتاف + ترابيس + بطن

اليوم الرابع : ارجل وسواعد

الخميس : بطن وكارديو نص ساعه

الجمعه : راحه

وبالتوفيق
M.Alayyaf
27-08-2011, 04:17 AM
يعطيك العافية يالغالي ساعدتني كثير
انا عندي حاليا 2 برو كومبلكس العادي و2 bcaa من شركة مصل تك و 2 انيمال كت وجلوتامين
وهل استخدم الانيمال كت اللحين
ومن ناحية عدد المجموعات والتكرار؟
simply
27-08-2011, 04:22 AM
اخوي انت تبي تنشف ولا تبي تصعد عضل ؟

اذا تبي تنشف تستخدم الانيمال كت وعموما البرو يستخدم للتنشيف و الباكا منتج ريكفري اثناء التمرين والجلوتامين تستخدمه قبل النوم وبعد التمرين للمحافظه على العضل
M.Alayyaf
27-08-2011, 05:53 AM
يا غالي انا طموحي الجسم الفرنسي ومحتار وش اسوي ؟
انا ودي ارفع 4-8 كيلو عضل عشان يشد معي الجلد (على كلام المدربين) فانا محتار- بدون ما انتفخ
واكون صريح معك انا لي 4 شهور راجع وما عندي خلفية كبيرة عن كمال الاجسام
واعذرني يا غالي تعبتك معي
.hamad.
27-08-2011, 06:16 AM
اخوي المدرب اللي قالك لازم تطلع 5 كيلو << هذا كلامه صحيح

لان الترهلات ماراح تروح الا اذا زاد وزنك اشوي

بس للعلم مب شرط يزيد عضل صافي

ارفع الكارب اشوي وخل وزنك يطلع بس مب اكثر من 5 كيلو الى 7

وان شاء الله الاوضاع تتحسن ..
M.Alayyaf
27-08-2011, 06:28 AM
انا مابي نسبة الدهون تزيد عن 12-13%
واعذرني ياغالي لو ابغى ارفع 5 كيلو عضل صافي كم تتوقع الفترة الزمنية؟
ونظام التمرين كم عدد المجموعات والتكرار؟
وش المكملات الي احتاجها ؟
اعذرني يا غالي ثقلت عليك
.hamad.
27-08-2011, 06:39 AM
انا مابي نسبة الدهون تزيد عن 12-13% ماتقدر لازم تزيد مع زيادة الوزن
واعذرني ياغالي لو ابغى ارفع 5 كيلو عضل صافي كم تتوقع الفترة الزمنية؟ 5 كيلو عضل صافي !! مب اقل من سنه اذا بدون ستيرويد
ونظام التمرين كم عدد المجموعات والتكرار؟ العب يومين تمرين ويوم راحة واستمر على هذا الجدول (عضلة فاليوم)
وش المكملات الي احتاجها ؟ ايزو 100+امينو2222+سوبر جارج+مالتي فيتامين
اعذرني يا غالي ثقلت عليك
..............................
M.Alayyaf
27-08-2011, 07:02 AM
يعطيك العافية ما قصرت يالغالي
M.Alayyaf
27-08-2011, 07:12 AM
كيف حالكم يا شباب ودي اخذ رايكم عن نظام غذائي ما شي عليه من 3 تقريبا مع العلم اني بديت فيه ووزني 98
انا طموحي الجسم الفرنسي وودي ارفع عضل صافي(5-8) باقل نسبة من الدهون والكارب
وهذا الجدول الغذائي:
الوجبة الأولى: عند الأستيقاظ سبع حبات تمر مع سكوبين من الواي بروتين(مع350م من الماء) وملعقة(5جرام) جلوتامين(200م من الماء) و3 حبات امينو.
الوجبة الثانية: 6 حبات بيض(البياض فقط) + علبة زبادي خالي الدسم + حبة فواكه.
الوجبة الثالثة: مت 6 الى 8 ملاعق رز أسمر +صدر دجاج أو قطعة ستيك أو قطعة سمك .(300جرام)+سلطة
الوجبة الرابعة:(وجبة بعد التمرين) سكوبين من الواي بروتين(مع 350م من الماء) وملعقة جلوتامين(مع 200م من الماء).
الوجبة الخامسة: علبة تونة (خفيفة)+سلطة+حبة فواكه
الوجبة السادسة:(قبل النوم): سكوبين من الواي بروتين (مع 300م حليب خالي الدسم)
----------------------------------------
انا خلصت عندي المكملات ورحت للمدرب قالي جيب:
Pro Complex - Bcaa/Mucsle-tech - Animal cuts - glutamine
انا شريتهم زي ما قال ويوم رحت عنده قالي ادفع 2000 واعطيك جدول مكملات وتمارين ونظام غذائي.
فانا تورطت ولا ادري وش اسوي.

س: ما هي المكملات التي احتاجها لرفع عضل صافي(5-8)؟
س: هل اغير النظام الغذائي ولا امشي عليه ؟
M.Alayyaf
27-08-2011, 07:16 AM
واعذرني يا اخ حماد اني فتحت موضوعين
بس اني شايل هم هذا ومحتار
simply
28-08-2011, 02:15 AM
2000 ريال أجل

اخوي لا تهتم لكلام المدربين كثير لان بعضهم غرضه الربح اكثر من افادتك ..

نظامك الغذائي جيد بس الوجبه الأولى اضف ( شوفان أو كورن فليكس قليل الدهون ) والزبادي يكون قليل الدسم وصفار وأحد

مع الوجبه الثالثه اضف ملعقه الى ملعقتين زيت زيتون للسلطه والملح يكون قليل بوجباتك عشان حبس المياه + اضف توست نخاله حبتين

وصدقني لو طرحت موضوعك قبل ما تشتري المكملات افضل لان هالمدرب واضح انه ينصب عليك الفين ريال عشان يسوي لك نظام غذائي اخصائي تغذيه ب 150 ريال يسوي لك احلى نظام تغذيه والتمارين نفس اي تمارين وفيه موضوع لاخونا ابو راشد يوضح لك التمرينات كلها من اول تمرين لاخر تمرين ونظامها أنا متاكد انه اقوى من اللي بيعطيك اياه المدرب ابو 2000

سو نفس ماقلتلك وراح تدعي لي وبالتوفيق :)
M.Alayyaf
28-08-2011, 04:48 PM
شكرا جزيلا يا اخ سمبلي ساعدتني كثير الله يجعلها في ميزان حسناتك انشاء الله
Mohd01
28-08-2011, 05:06 PM
خذلك لفه على قسم المواضيع المميزه
ولا تدفع لا 2000 ريال ولا حتى 200
هالشي يسمونه نصب واستغلال

والله يوفقك اخوي