المساعد الشخصي الرقمي

مشاهدة النسخة كاملة : مشاكل صحية ( الـنـــــوم ) و ( السـوبـر شـارج )


u turn
18-09-2011, 01:31 AM
معلومات المتقدم بالاستفسار :
العمر : 23 , الجنس : ذكر

الطول :175 متر
الوزن : 84 كيلوجرام



و الاستفسار كالتالي :
بسم الله الرحمن الرحيم

مسااااء الخير للجميع ..

يا اخوان انا مشكلتي مشكلـة ! ... النوم فارق عيوني :)

انا يا شباب من فتره استخدم السوبر شارج بس والله ما اقدر انااااام طول الليل سهران !

تصدقون يا شباب اني اخذ سكوب من السوبر شارج الساعه 8 مساء واتمرن الساعه 8.30

وطبعا استخدم السوبر شارج 5 مرات بالاسبوع لاني اتمرن خمس ايام متواصله ويومين راحه

والله اني ابذل قصار جهدي بالتمرين وارفع وزن ثقيل ، لاني كنت افتكر اني ما استهلك البور بالتمرين وهذا اللي سبب لي السهر

لكن مع الاجتهاد والتمررين الجامد ما زلت اسهر حتى شروق الشمس :)


انا يوميا احط راسي بالفراش الساعه 12.30 او احياناً الساعه 1

واضل مفتح عيوني واتقلب إلى الساعه 4.30 أو 5 :( .. واصحى للدوام الساعه 7

وش الحل يا اخوان ؟ .... انقذوني !
بردان1
18-09-2011, 02:05 AM
مساء النور لك

والمفروض تكون عارف هالشي
والحل انك المفروض تقدم موعد تمارينك للعصر على الاقل لما يتعوود جسمك على نسبة الكافيين الي فيه
لانه ممكن مع الوقت تزول هالمشكلة اذا تعودت على الكافين

وان شاءالله الاخوان يعطونك حلول افضل
.hamad.
18-09-2011, 08:59 AM
هلا فيك اخوي

الكافيين العالي فالمنتج هو اللي يسبب السهر والارق
بس بإعتقادي انك تنام كثير بعد العوده من الدوام
وهذا سبب السهر الى الفجر
بوخالد المحرقي
18-09-2011, 09:35 AM
ههههههههههه ذكرتني اول ما استخدمته
يوم شفت الوضع على طول غيرت وقت لعبي
بدال ساعه 7 او 8 العب صرت العب ساعه 3 او 4 العصر
العشق الازلي
18-09-2011, 12:50 PM
صارت معي وتركته
u turn
18-09-2011, 05:27 PM
مساء النور لك

والمفروض تكون عارف هالشي
والحل انك المفروض تقدم موعد تمارينك للعصر على الاقل لما يتعوود جسمك على نسبة الكافيين الي فيه
لانه ممكن مع الوقت تزول هالمشكلة اذا تعودت على الكافين

وان شاءالله الاخوان يعطونك حلول افضل

هلا فيك استاذ بردان1

انا عارف هالشي واصلا لي قرابة الـ 3 اسابيع وانا اسهـــر ، يعني إلى الان ما تعود جسمي !!

العصر ما اقدر اتمرن صعبــــه
وشكرا لك ..
u turn
18-09-2011, 05:33 PM
هلا فيك اخوي

الكافيين العالي فالمنتج هو اللي يسبب السهر والارق
بس بإعتقادي انك تنام كثير بعد العوده من الدوام
وهذا سبب السهر الى الفجر

هلا وغلا كابتن حمد

لا والله ما انام كثير .. ارجع الساعه 2 من العمل وانام إلى الساعه 4 فقـط

ومره رجعـت وقلت بنفسي ما راح انام وبشوف بالليل يمكن اقدر انام ولا اسهر ، وجيت بالليل تعبااااان واحط راسي وانام لكـن كان فيه اضطراب بالنوم يعني كل 15 دقيقه انتبه وافتح عيوني !!

طيب يا كابتن وش رايك بالـ Zma ... يساعد على النوم وإلا مـاله دخل ؟

شكرا لك ..
u turn
18-09-2011, 05:36 PM
ههههههههههه ذكرتني اول ما استخدمته
يوم شفت الوضع على طول غيرت وقت لعبي
بدال ساعه 7 او 8 العب صرت العب ساعه 3 او 4 العصر

هلا والله ابو خالد

هههههههههه انا مشكلتي ما اقدر اتمرن الا بالليل بس

طيب انت يوم صرت تلعب العصر صار النوم عندك طبيعي ؟

شكرا يبو خالد
u turn
18-09-2011, 05:38 PM
صارت معي وتركته

هلا العشق الازلي

ما اقدر اتمرن بدونه :(

شكرا لك ..
رحال الجنوب07
18-09-2011, 07:31 PM
ههههههههههههههه
والله ذكرتني بنفسي يوم كنت استخدمه
وفعلا وقت تمريني كان بعد المغرب كان اخلص الجيم واروح اجري نصف ساعة وارجع البيت اتمرن تمارين بطن ولسى لو يمديني ارجع النادي اتمرن بس المشكله النوم فارق عيوني واداوم مواصل
الحل اما تغير وقت تمرينك او استبدله بالكرياتين الصافي مثل ماسويت والله الكرياتين الصافي اطلق بكثير
u turn
18-09-2011, 10:23 PM
ههههههههههههههه
والله ذكرتني بنفسي يوم كنت استخدمه
وفعلا وقت تمريني كان بعد المغرب كان اخلص الجيم واروح اجري نصف ساعة وارجع البيت اتمرن تمارين بطن ولسى لو يمديني ارجع النادي اتمرن بس المشكله النوم فارق عيوني واداوم مواصل
الحل اما تغير وقت تمرينك او استبدله بالكرياتين الصافي مثل ماسويت والله الكرياتين الصافي اطلق بكثير


هلا وغلا رحال الجنوب

هههههههه ايه يا رجل الحال هذا ما راح اصبر عليه ابدا

طيب الكرياتين الصافي قصدك ( كرياتين مونوهيدرات ) ؟

س/ من خلال تجربتك ما اختلف رفعك للوزن وقوة التحمل ؟ والا نفس السوبر شارج ؟

شكرا لمرورك ..
رحال الجنوب07
18-09-2011, 11:34 PM
هلا وغلا رحال الجنوب

هههههههه ايه يا رجل الحال هذا ما راح اصبر عليه ابدا

طيب الكرياتين الصافي قصدك ( كرياتين مونوهيدرات ) ؟

س/ من خلال تجربتك ما اختلف رفعك للوزن وقوة التحمل ؟ والا نفس السوبر شارج ؟

شكرا لمرورك ..

ايوه الكرياتين مونوهيدرات اللي اقصده

وراح تحس بالفرق بينه وبين السوبر شارج

انا من اول استخدامي له حسيت بفرق كبير والله وكسرت اوزان وقفت عندها مع السوبر شارج
سيبك من السوبر شارج وجرب المنو والله راح تشكر فيه وعن تجربه
و وقت ماتحط راسك تنام وانت مرتاح
u turn
19-09-2011, 02:36 AM
الله يجزآك خير يا رحال الجنوب

أجل توكلنا على الله باخذ كرياتين واجرب

بس لو تكرمت تكتب لي كيف كنت تستخدمه ؟

واسف على الاطاله .. تحياتي
العاشق M
19-09-2011, 04:40 AM
الكرياتين منتج للضخامه اكثر ماهو للباور
يعني بصراحه انا اكثر من 4 علب بين كورس الى كورس آخر
بصراحه مافيه باور بس يخزم ماء + ضخامه
واذا ماحفضة على المكتسب راح ينزل تدارجي بسبب حبس الماء
طبعا هذآ تجريبتي + راي
والخيار لك يالغلا
u turn
19-09-2011, 05:18 AM
الكرياتين منتج للضخامه اكثر ماهو للباور
يعني بصراحه انا اكثر من 4 علب بين كورس الى كورس آخر
بصراحه مافيه باور بس يخزم ماء + ضخامه
واذا ماحفضة على المكتسب راح ينزل تدارجي بسبب حبس الماء
طبعا هذآ تجريبتي + راي
والخيار لك يالغلا

هلا بالعاشق

اشكرك على طرح تجربتك

والصراحه حيرتني !

طيب انت وش تستخدم للباور ؟ وهل يسبب لك ارق وسهر او لا ؟

والله الظاهر انك مثلي راعي سهر اشوف ردك الساعه 4.40 :)

اشكررك ..
العاشق M
19-09-2011, 07:57 AM
هههههههههههههه ايه والله اليوم مخربها وراح بعد يعني محلل اليوم
للباور ارشح السوبر شارج + جاك3دي او على حسب كلام الاعضاء انمال ريج
طبعا ارشح السوبر شارج
وانا مناحيتي مامره اذكر انه سهرني
واذكر من طرائف
في رمضان هذآ سنه اخذت المكملات ومن ضمنها سوبر يعني كنت بتمرن بعد نصف ساعه وقلت خلني اتمدد في على السرير انتظر نصف ساعه تصدق عاد ماصحيت الا بعد ساعتين هههههههههه
بس فيه بعض الاجسام تأثر فيه
.hamad.
19-09-2011, 10:00 AM
هلا وغلا كابتن حمد

لا والله ما انام كثير .. ارجع الساعه 2 من العمل وانام إلى الساعه 4 فقـط

ومره رجعـت وقلت بنفسي ما راح انام وبشوف بالليل يمكن اقدر انام ولا اسهر ، وجيت بالليل تعبااااان واحط راسي وانام لكـن كان فيه اضطراب بالنوم يعني كل 15 دقيقه انتبه وافتح عيوني !!

طيب يا كابتن وش رايك بالـ Zma ... يساعد على النوم وإلا مـاله دخل ؟

شكرا لك ..

هلا بك اخوي

الزاما محفز جيد ومنشط عام للانزيمات ولكنه ماله علاقة بالنوم
بس الله يعينك على السهر

اذا السوبر مزعجك وايد بدله بسوبر بامب وان شاء الله بيتحسن الوضع
رحال الجنوب07
19-09-2011, 10:28 AM
الله يجزآك خير يا رحال الجنوب

أجل توكلنا على الله باخذ كرياتين واجرب

بس لو تكرمت تكتب لي كيف كنت تستخدمه ؟

واسف على الاطاله .. تحياتي


افا عليك كلنا لبعض

اول 5 ايام تسمى فترة تحميل يعني تتخدم اول 5 ايام 4 جرعات مقسمه على اليوم مقدار ملعقة شاي صغيرة
يعني تأخذه الصباح وقبل التمرين بنصف ساعة وبعد التمرين وقبل النوم
تستمر على هذي الجرعات لمده 5 ايام فقط
لان فترة التحميل تخليك تستفيد من الكرياتين اسرع لان جسمك مخزن الكرياتين من فتره التحميل وبكميات

بعد ماتخلص 5 ايام اثبت على جرعه واحده اللي هي بعد التمرين اكيد راح تقول في نفسك ليش ما استخدمه قبل التمرين وهو يساعد على التحمل وشيل اوزان اكبر بقول لك ياغالي اصلا جسمك صار مخزن كرياتين من فترة التحميل لاتشيل هم والجرعه للي تاخذها بعد التمرين ريكفري لك واعادة نشاطك من جديد الا الكرياتين موجود باقي في جسمك راح تستفيد منه وقت التمرين

واذا تبغى تأخذ جرعتين قبل وبعد فلا بأس عادي
استمر لمدة شهر واقطع عنه شهر وهكذا حتى مايتعود عليه الجسم وماعاد يصير يفرز كرياتين طبيعي

واي استفسار تحت امرك لا يردك الا الكيبورد
u turn
19-09-2011, 06:06 PM
الف الف شكرر يا اخوان

خلاص ان شاء الله بستعمل كرياتين على كلام اخوي رحال الجنوب " والتجربة خير برهان "

وحتى اليوم كنت اتكلم مع احد الاصدقاء ودعـم فكرة رحال الجنوب اني استخدم كرياتين مونوهيدرات ومدح لي فيـه ..

شكرا مره اخرى .. ما قصرتوا

بالتوفيق لكم ان شاء الله
رحال الجنوب07
19-09-2011, 09:20 PM
الف الف شكرر يا اخوان

خلاص ان شاء الله بستعمل كرياتين على كلام اخوي رحال الجنوب " والتجربة خير برهان "

وحتى اليوم كنت اتكلم مع احد الاصدقاء ودعـم فكرة رحال الجنوب اني استخدم كرياتين مونوهيدرات ومدح لي فيـه ..

شكرا مره اخرى .. ما قصرتوا

بالتوفيق لكم ان شاء الله

موفق ياوحش
بس اهم شي المويا كثر منها
عشان الكرياتين لازم تحتاج تشرب مويا كثير
اقل شي 3 لتر باليوم يعني 6 علب ابو ريال 3 لتر
واذا تقدر تشرب اكثر ممتاز