المساعد الشخصي الرقمي

مشاهدة النسخة كاملة : التخسيس واللياقة ماهي افضل طريقة للوصول الى .......


rambo 7
21-09-2011, 11:55 AM
معلومات المتقدم بالاستفسار :
العمر : 21 , الجنس : ذكر

الطول :175 متر
الوزن : 74 كيلوجرام

نسبة الدهون : 18

و الاستفسار كالتالي :
السلام عليكم ورحمة الله وبركاته

شباب انا اطمح الى ان توصل نسبة الدهون عندي 12 وانا الصراحة العب حديد بس ما اوظب والكثير يقولي استخدم بروتين ,
وبناءا على هذا عندي كم استفسار

1/ هل البروتين فعلا راح يساعدني على تخفيض نسبة الدهون ؟

2/ انا من خلال متابعتي للمنتدى شفت كم موضوع ان في ناس تقول بعد استخدامها للبروتين ظهر ورم في الخصية عندهم ... ما مدى صحة هذا الكلام ؟

3/ كيف استخدم البروتين لان ما عندي خلفية عنه ابد ؟

4/ زيت السمك : هل هو من الاشياء اللي راح تساعدني في الوصول الى هدفي ؟

5/ ايش التمارين اللي تنصحون فيها علما اني لا اريد سوا شد للجسم ولا اريد تضخيم ؟

6/ بالنسبة للاكل طبعا انا صعب اني اتبع حمية بحذافيرها لكن اتمنى انكم تقولون لي ايش الاشيا اللي تنصحوني بالابتعاد عنها من المأكولات ؟

7/ اتمنى منكم تعطوني نصايح من خبراتكم العالية في مجال اللعبة ؟


شكرا لجميع من سوف يرد على موضوعي واسف جدا عالاطالة واتمنى منكم يا وحوش تفيدوني بنصايحكم الثمينة

مع خالص تحياتي .... دمتم بود
بردان1
21-09-2011, 01:30 PM
1\
لا .. البروتين حتى تغذي العضل
2\
فعلا فيه عضو قبل فترة كتب هالموضوع .. وهالشي مايعني ان البروتينات تسبب هالشي لكن الله يشفيه ويحمى المسلمين
3\
البروتين استخدامه على حسب حاجتك اليوميه منه لتكملة الناقص
4\
زيت السمك دهون نافعة اذا عملت لنفسك دايت بالاكل خذه حتى تعوض الدهون
5\
اذا كذا لاتدخل حديد بس تمارين لياقه وتمارين حركة يعني وسويدي .. وممكن بعد فترة تدخل حديد ع الخفيف
6\
ابتعد عن المؤكلات الضاره وابتعد نهائيا عن الغااازيات وعن الوجبات السريعه من المطاعم خل اكلك صحييي
7\
اتمنالك التوفيق يالغالي
واذا انت هدفك بس خسران وزن مايحتاج تاخذ بروتين فقط اعتمد على الاكل الصحي وابتعد عن الدهنيات والكارب
واهتم بتمارين اللياقة والسباحة والسويدي .. وتمرن 6 ايام بالاسبوع ويوم راحة



اتمنى اكون افدتك يالغالي وبالتوفيق
rambo 7
21-09-2011, 02:38 PM
اخي الكريم شكرا على ردك لكن انا ابي اكون نسبة عضل بس مو ضخامة يعني عضل بسيط وابي اخفض نسبة الدهون اتمنى اي شخص يقدر يفيدني يرد ولا هنت على مرورك
rambo 7
21-09-2011, 02:43 PM
344868

اتمنى الوصول لهذا الجسد :33:
بردان1
21-09-2011, 02:49 PM
فهمت من موضوعك انك تبي تتنزل وزن فقط
المعذره
بالبداية يالغالي نزل وزنك ليين ماتاصل لنسبة دهون متدنيه وبعده ضخم بالحديد
وطبعا الضخامة العضلية الكبيرة مهي سهله اساسا لكن لابد تمشي على برنامج ضخامة بس بعد ماتنزل الدهون
لان ضخامه + تخسيس مايمشن سوا
فا ابدا بالتخسيس اولا ومن ثم ابدا ضخامه وخذ معك بروتين
وبالتوفيق
rambo 7
21-09-2011, 05:39 PM
طيب كيف استخدم البروتين ؟
بردان1
21-09-2011, 10:09 PM
وش نوع البروتين ؟
الدب الروسي
21-09-2011, 11:48 PM
معلومات المتقدم بالاستفسار :
العمر : 21 , الجنس : ذكر

الطول :175 متر
الوزن : 74 كيلوجرام

نسبة الدهون : 18

و الاستفسار كالتالي :
السلام عليكم ورحمة الله وبركاته

شباب انا اطمح الى ان توصل نسبة الدهون عندي 12 وانا الصراحة العب حديد بس ما اوظب والكثير يقولي استخدم بروتين ,
وبناءا على هذا عندي كم استفسار

1/ هل البروتين فعلا راح يساعدني على تخفيض نسبة الدهون ؟

البروتين رآح يساعدك على إعادة ترميم وبناء الأنسجة العضلية ؛ واللي بدورها تزيد من عملية حرق الدهون .

2/ انا من خلال متابعتي للمنتدى شفت كم موضوع ان في ناس تقول بعد استخدامها للبروتين ظهر ورم في الخصية عندهم ... ما مدى صحة هذا الكلام ؟

لو كانت له هذه الاعراض كان أوقف إنتاجه .

3/ كيف استخدم البروتين لان ما عندي خلفية عنه ابد ؟

لكل كيلو جرام من وزنك 2 جرام من البروتين ؛ فتحسب البروتين اللي في غذائك وتعوّض النقص بالمكمل الغذائي ( البروتين البودر )

4/ زيت السمك : هل هو من الاشياء اللي راح تساعدني في الوصول الى هدفي ؟

جسمك بحاجة للدهون ؛ ومن أفضلها زيت السمك

5/ ايش التمارين اللي تنصحون فيها علما اني لا اريد سوا شد للجسم ولا اريد تضخيم ؟

اشرح هدفك لمدرّبك أولاً ؛ ورآح تدخل حديد بـ تكرارات عالية ولكن بأوزان متوسطة

6/ بالنسبة للاكل طبعا انا صعب اني اتبع حمية بحذافيرها لكن اتمنى انكم تقولون لي ايش الاشيا اللي تنصحوني بالابتعاد عنها من المأكولات ؟

5 وجبات باليوم ضرورية ؛ كل وجبة تحتوي على بروتين .

إبتعد عن السعرات الحرارية الغير نافعة ؛ وبالأخص السكاكر و المشروبات الغازية و الأكلات السريعة و المقالي و الدهون ... إلخ

7/ اتمنى منكم تعطوني نصايح من خبراتكم العالية في مجال اللعبة ؟

الإنضباط و متابعة تغيرات جسمك مع مدرّبك .

والإلتزام بالتغذيه شرط أساسي للحصول على نتائج .



شكرا لجميع من سوف يرد على موضوعي واسف جدا عالاطالة واتمنى منكم يا وحوش تفيدوني بنصايحكم الثمينة

العفو و في الخدمة ؛؛؛

مع خالص تحياتي .... دمتم بود



: ) إن شاء الله أكون أفدتك
rambo 7
24-09-2011, 07:30 PM
الدب الروسي الف شكر لك على ردك الوافي ماقصرت ولا يهونون الشباب
وبالنسبة للبروتين الموجود عندي اسمه اوبتيموم
بردان1
24-09-2011, 10:03 PM
اوبتمم اسم الشركة
لكن هناك انواع من اوبتمم فيه منها واي وفيه كازين وفيه خليطات وفيه القينر
ع العموم غالبا راح يكون سكوب بعد الافطار بساعتين وسكوب بعد التمرين وسكوب قبل النووم

موفق يالغالي