كملت شهر في الجيم ، وعندي بعض الأسئلة

[g.unt]

معلومات المتقدم بالاستفسار :
العمر : 20 , الجنس : ذكر

الطول :177 متر
الوزن : 50 كيلوجرام

نسبة الدهون : 16%

و الاستفسار كالتالي :
السلام عليكم

أخواني أنا ليا شهر تقريبا الآن في الجيم ، وهذي أول مره ليا في اللعبة ..
طبعا الهدف و بالتأكيد ضخامة ، لأن جسمي يعتبر ضعيف جدا ..

الحمدلله في تحسن في جسمي ، و ماشي على برنامج معين مع المدرب ، والوضع تمام الحمدلله ..

انا فقط أبغى أستفسر عن المكملات ..
أنا بس اخذ بروتين اسمه Magnum 8000 وهذي صورته

http://www.megapower.pl/images/trec_magnum_worek.jpg

لكن ابغى اعرف .. هل في شي ثآني تنصحوني آني استخدمه عشان أحصل على نتائج سريعة ..
كرياتين مثلا ؟ او منتجات باور .. ؟؟
بصيغة أخرى هل هذا البروتين كافي ؟؟

بعض الأحيان اشعر بتعب في المجموعة الأخيرة وما أقدر أرفع العدات الأخيرة كاملة بشكل صحيح !


أتمنى تفيدوني .. خصوصا اني مبتدئ في اللعبة ..
وجزاكم الله خير ..

[الامبـــراطور]

والله انا من رائي وخبرتي المتواضعة خلال 8 سنوات اشوف انك ماتبداء بالمكملات الى بعد ثلاثة اشهر من التمرين المتواصل .

[g.unt]

تسلم يالغالي على النصيحة ..
وكلامك سليم وكثير قآلوا لي .. بس ماني قادر اقتنع ^^ هههههههههه

بالنسبة للبروتين .. أعتقد جدا مهم .. ترى جسمي جدا هزيل ..
احتاج شي يعطيني ضخامة بسرعة ..

[هاوي كمال اجسام]

^^^^
هادي اللعبة مافي شي اسمو بسرعة
لازم تتحلى في الصبر
تحياتي

[الامبـــراطور]

والله براحتك يس الافضل كمل 3 اشهر وابداء فيها على قول الامريكين let your muscle rising
انا الحين لي4 شهور ما دخل فمي اي مكمل حتى امينو ما استعملت والحمدلله ماعندي اصابات وجسمي ناشف 11% نسبة الدهون واوزاني متقدمة لذلك خلص المده وبعدها ابداء في بروتين .
ويكون بعلمك انا اول مالعبت الحديد ما استعملت بروتينات الى بعد 3 او 4 سنوات والبروتين ذاك الوقت في جي ان سي كان غالي وماتحصل ناس تبيع مكملات زي الحين وانت شف الي يناسبك
واستخدم مع البروتين مينو 2222 وخذلك افضل منتج بورمثل سوبر تشارج او جاكيد لان يكون في محتوياتهم نايتروجين وكرياتين ارجنين . ومافيه شي نتايجة سرسعة وسحرية زي ماتتصور يبيلك صبر وتركيز في التمارين .
وبالنسبة لسؤالك اشعر بتعب في المجموعة الأخيرة وما أقدر أرفع العدات الأخيرة كاملة بشكل صحيح ! شي طبيعي وتحصل للجميع لان العضلة تكون قد ارهقت لانها بذلت مجهود وتصير لكل الرياضين حتى لاعبين الكوره تحصلهم يرهقون في اخر المباراة عكس بداية الشوط وكذلك الملاكمة تلاحظهم ايضا يرهقون افي الجولات الاخيرة وجميع الرياضات التي تحتاج الى مجهود لذلك هذا امر طبيعي جدا والراحة هي الحل الوحيد الي تخليها تسوي إستشفاء عضلي ويسمونها بالانجليزي Muscle Recovery . ومنتجات الباور راح تعطي دفعة بسيطة لكن ماراح تزيل المجهود .
والله يوفقك

[oO LoOodDy Oo]

الله يوفقه الامبراطور ما قصر....

أنا ما عندي إلا أقولك أنتبه لتغذيتك.. ترى تأثير المكملات من جدول تغذيتك إذا كانت ممتازة راح تلاحظ تأثير المكملات خاصة لزيادة الوزن... وأسأل مجرب... لأن أنا من النوع النحيف مثلك...

والله يوفقك.. لوودي

[g.unt]

جزاكم الله خير .. ما قصرتوا والله يالغاليين ..

بالنسبة لنسبة الدهون ترى انا متأكد انها غلط .. ^^ لأنه مافي أي دهون في جسمي خخخخ
بس اني حسبتها عن طريق موقع لقيته في النت ..

الظاهر راح اكمل فقط على البروتين الي معاي .. وبعد كم شهر نبدأ نسوي مورسات مكملات ..

مره ثآنية يعطيكم العافية ..

[بردان1]

الظاهر راح اكمل فقط على البروتين الي معاي .. وبعد كم شهر نبدأ نسوي مورسات مكملات ..


هذا افضل قرار
كمل على بروتينات بس بالبداية وبعد 3 اشهر ضف عليه احماض امينية او غيره
بس منتجات الطاقة انصحك ماتستخدمهم الا بعد فترة يسيره بعد ماتصير اوزانك جد مرتفعه حتى تستفيد منه الاستفادة الكامله
اما الحين بالبدايات تلقى نفسك كل اسبوع تشيل اكثر من الي قبل والعضلة توه ماخذت على التمرين
وموفق يالغلا

[S.A.G.2]

ياخوي استعمل بروتينات والله مافيها مشكله,, هي مجرد مكملات غذائية مو أكثر,,


توكل على الله ,,

الماغنوم يذكرونه بالخير وسمعته جيده,, خلك عليه وخذ كرياتين أحادي من ابتيموم,, ومكملات الطاقة ما انصحك فيها ابدا لأن استعمالها للمرة الاولى يؤدي لاستعمالها على طوووول وكذا بتتعب كليتك وجسمك عمومااا....


الأكل لا تنسى تغذي نفسك كويس ,,, حاول بقدر الامكان انك تغذي نفسك من الكاربوهيدرات بقدر 50% من أكلك,, و30% بروتين, و20 دهون مفيدة,,,

ومن سار على الدرب وصل :)

[g.unt]

يعطيكم العافية ..

ممكن يالغالي شوية معلومات عن الكرياتين الاحادي ..

و ايضا لا هنت .. ايش افضل انواع الاغذية احتواء ً على الكاربوهيدرات ؟

[S.A.G.2]

يعطيكم العافية ..

ممكن يالغالي شوية معلومات عن الكرياتين الاحادي ..

و ايضا لا هنت .. ايش افضل انواع الاغذية احتواء ً على الكاربوهيدرات ؟

الكرياتين الأحادي هو الكرياتين المونوهيدرات من ابتيموم ,,, بيور بدون نكهه....

الكاربهويدرات هي السكريات والنشويات,, السكر سواء طبيعي أو صناعي,, بس لا تكثر منه..

والنشويات هي الخبز والأرز والمعكرونه ومنتجات القمح عموما ووالحبوب .....

اذا أردت الفائدة الغذائية فمن الأفضل لك استخدام مشتقات القمح الكامل مثل البر والنخالة .... بتلاقي في بنده خبز بر جيد وخبز نخالة أيضا وخبز شوفان .....

الشوفان ممتاز جداً ويفضل تاخذه في الصباح , وقبل التمرين خل وجبتك رز ومعكرونه مع صدر دجاج أو تونه بزيت دوار الشمس,,,

وفيه طريقة حلوة تختصر على نفسك,, وهي انك تاكل سندويتشات غالبية الوقت عشان توفي احتياجك من الكاربوهيدرات..........



موفق يالغالي

[g.unt]

يعطيك العافية ..
بس انا يالغالي أدرس خارج المملكة ، وتعرف الوقت ضيق ، ومافي أحد يطبخلي ..
زي ما قلت أغلب أكلي سندويتشات صدور دجاج مع سلطة ..
الفطور دائما خبز اسمر مع زبدة و جبنة و حبتين بيض مسلوق ..

وياليت الله لا يهينك تحطلي صورة الكرياتين ، وهل هو بودرة ولا كبسولات ؟
وكيف طريقة الاستعمال المناسبة ؟

[S.A.G.2]

يعطيك العافية ..
بس انا يالغالي أدرس خارج المملكة ، وتعرف الوقت ضيق ، ومافي أحد يطبخلي ..
زي ما قلت أغلب أكلي سندويتشات صدور دجاج مع سلطة ..
الفطور دائما خبز اسمر مع زبدة و جبنة و حبتين بيض مسلوق ..

وياليت الله لا يهينك تحطلي صورة الكرياتين ، وهل هو بودرة ولا كبسولات ؟
وكيف طريقة الاستعمال المناسبة ؟

الله يعافيك,
الكبسول ماتقدر تتحكم فيه مثل البودر, البودر أفضل في كل الأحوال

345345


أول خمس ايام خذ كل يوم 20 جرام, وانتبه لا تشربه مع الحوامض لأنها تبطل مفعوله ( البرتقال الليمون ....)
ملعقة الشاي الصغيره = 5 جرام
يعني استعمالك أول خمس ايام يكون ( اربع ملاعق شاي ) بكيفك تفرقهم أو تخليهم مرة وحده,, والأفضل تفريقهم, يعني 5 جرام الصبح و5 العصر وهكذا....


بعد أول خمسة ايام,, يصير استعمالك له 10 جرام كل يوم,,,( 5 قبل التمرين,, و5 بعده,,)




الله يوفقك في دراستك وترجع بالسلامة يالغالي

[g.unt]

الله يسعدك .. ما قصرت