رأيك فى الايفون الجديد

[Heartbeat]

السلام عليكم ورحمة الله وبركاتة

الموضوع كما هو واضح من العنوان
انتظر ردودكم
مع اني اعلم ان هذا القسم شبه مهجور :)
ولكن انتظر عشاق الايفون

انا من عشاق نوكيا
وكنت بصراحه افكر في اقتناء الايفون
ولكني كنت انتظر ايفون5
ولا اعلم هل يستحق الايفون 4 س ان اشتريه او انتظر
ايفون5

[Karazhan]

السلام عليكم

عزيزي هارت انصحك بالايفون

مو واتسب بس

الايفون لابتوب متنقل , انا مثلك من عشاق النوكيا , ومازلت عليه الى ان نزل ايفون 4

اللي الحين تشوفه مادري اهو 4 او 3 , بس اللي قبله كان عند اخوي وكان ينصحني اخذه لكن ارفض لأنه مو عاجبني

الحين شريت هذا وبصراحه شغل طيب وتحسفت اني ماشريته من زمان , وحتى ربعي بالدوانيه كانوا كل يوم يدخلون وكل واحد ماسك لابتوب معاه ويشبك بالدوانيه , بعد الايفون كلهم ماقاموا يدخلون مع لابتوباتهم والايفون اكل الجو عليه

خصوصا ان اشتراكه الشهر للنت 13 دينار اسرع شي , اما اللابتوب لازم القطعه اللي تركبها للنت وهذي اشتراكها دبل السعر

والمخيمات لما نروح نشبك من الايفون بدون ماتحاتي او تشتاق للكمبيوتر والمنتدى , غير البرامج المجانيه من اتصال و مسجات وصور , يعني مثلا تانغو او فاير تتصل مجانا والواتسب رسايل وصور

تقول لازم حتى اللي تبي تتصل عليه عنده برنامج نفسك , صح ولكن قبل كانوا 10 عندي بالقائمه وكل يوم اشوف 5 جدد , الحين كل العالم عندها ايفون والبرنامج هذا

انا وغيري حولنا خطوط تلفوناتنا من فواتير الى ايزي ووفرنا الكثير بسبب الايفون , صحيح ان سعره غالي شوي لكن لو تحسبها على سنه تشوف انك وفرت 500 دينار

النوكيا فكرت اشتري اللي نفس الايفون n7 او شي جذي اسمه , يكون باللمس ونفس برامج الايفون تقريبا , بس ماانصحوني فيه اخواني ال2

لأن واحد شراه وباعه والثاني شراه وقطه بالبيت , يقولون مو نفس الايفون من ناحيه السرعه والنعومه

الايفون ماكو نفسه

وكنت انتظر الجديد ايفون 5 لكن صدموني لما قالوا الجديد ايفون 4 اس , ماانصحك فيه لأن يمكن مطور شوي لكن الشكل نفسه

واذا قالوا مسوينه عشان عيوب بالايفون 4 ماعليك منهم , من نزل ال4 واهو عندي , للأمانه ماشفت فيه اي عيب ويعيش معاك 10 سنين بدون ماتحتاج تبدله اذا ماكنت هاوي تلفونات

يعني شوف اذا الايفون 4 اس الجديد هذا نفس الايفون 4 من ناحيه السعر اخذه

واذا الفرق 100 دينار مثلا , لا والله اخذ ال4 احسن وانطر ال5 يمكن شكله غير واحلى

لكن للأمانه الايفون يوفر الكثير ومافي عيوب يعني تقول لو فيه جذي او مافي جذي , ماكو تحاول تصيد شي ماتلقى

الايفون جهاز هالزمن والله , تلفون + لابتوب

[Karazhan]

صكينا الرجال عين

توفى ستيف جوبز مال الايفون

[ALmerzaGrsh]

صكينا الرجال عين

توفى ستيف جوبز مال الايفون





صكينا الرجال عين

توفى ستيف جوبز مال الايفون

ههههههههه... بس برضه صراحة خبر مؤسف. فوجود ستيف وادارته للأمور جعل الابل يصعد في القمة وحتى انه ينافس بل افضل من بيل جيتس في انتاج الجودة..

وموته قد (وانا اتمنى لا) يجعل شركة الابل زيها زي اي شركة تبدأ تصنع اي جودة فقط همها كيف تربح اكثر.

على كل حال نرجع للموضوع الرئيسي. زرت موقع ابل على النت ، والموجود حاليا هو الاي فون 4اس المطور لـ4 .. ولم استطع معرفة سعره بدون الخدمات. لكن عن نفسي كنت سأشتري اي فون 4 من 6 اشهر ولكن قريبي استلف المبلغ ومن ذاك الوقت وانا منتظره يرجع لي الفلوس.. لكن الفرج قريب وسيرجع لي المبلغ خلال عدة اسابيع ان لم تكن عدة أيام. وحسب ما سمعت اذا حاولت شراء الايفون من النت من موقع الشركة الرئيسي فسيكون سعره نفس السعر السابق لأجهزة الايفون.

وبما ان الشركات التي في بلدك ترفع سعر الايفون 40-50% اول ما ينزل انصح كل من يريد شراء الايفون بسرعة عليه شراءه عن طريق الموقع ففي كل الاحوال ليس هناك عربي في الايفون حتى تجبر بشرائه من نفس البلد. او تتنتظر حتى ينزل سعره في البلد ويصل سعره مثل الذي في الموقع الرئيسي للشركة.


على كل حال انا من مؤيدي الـ أبل.. وحتى الشركات العريقة التي تصنع الافلام فالغالبية الساحقة منهم ان لم يكونوا كلهم يستخدمون الـ أبل ...

[Karazhan]

انا من الكويت واول مانزل ايفون 4 قالي اخوي ان اذا طلبته من بريطانيا ارخص

وفعلا طلبته من بريطانيا وطلع علي الجهاز تقريبا 170 + 20 دينار مصاريف الشحن والتوصيل

علما ان كان سعره بالكويت وقتها 16 جيجا ب350 دينار وال32 بحدود 500 دينار

انا طلبته من بريطانيا 32 جيجا ووصلني الى البيت بأقل من 200 دينار

اما شركه ابل ومديرها التنفيذي ستيف جوبز , اوصلوا عالم التقنيه لذروته , انت لو تشوف الاجهزه في موقعهم راح تعرف ان الناس يبيعون جوده

ناس ماعندهم شغل اي كلام , نفس مايكروسوفت وغيرها , شركه ابل تعطيك جوده صحيحه , وكل اجهزتهم مرتبطه مع بعض , يعني لو تشتري لابتوب و ايفون و ماك راح تشوف عندهم جهاز كبسول

هذا وظيفته انه ذاكره + وايرلس , يعني تركب عليه خط التلفون يصير جهاز وايرلس تشبك منه على كل اجهزتك ويكون مثل ذاكره تحفظ ملفاتك اوتوماتيك , يعني اي صور او مقاطع افلام بأي جهاز من اجهزتك من شركه ابل يستقبلهم الجهاز ويحفظهم فيه , ولا سمح الله ضاع جهازك التلفون او احترق كمبيوتر او اي سبب اخر , ترجع للكبسول هذا وترجع كل الملفات اللي كانت يالجهاز اللي ضاع

طبعا انت تحدد شنو ترسل للجهاز وبعدين اهو من نفسه كل ما يتصل مع اجهزتك يشوف شنو الجديد وياخذها , واذا في صوره متشابه مايستقبلها

يعني مثلا عندك صوره شخصيه بجهازك , راح يتم ارسالها للكبسول , اذا الصوره نفسها غيرت اسمها واتصلت مع الجهاز مايستقبلها , لأن مثل ماتقول كأنه في سكنر يطابق الصور اذا متشابه مايستقبل

الشركات الثانيه عكس , تشوف 100 صوره مكرره ليش لأن الاسم فقط يختلف

عالم الاتصال والكمبيوتر , شركه ابل اكتسحته بأفكارها الغير متوقعه , والجميله وفوق هذا سعره معقول + جوده

[Karazhan]

على فكره

ماادري اذا تدري او لأ

ستيف جوبز من اصل سوري

[ALmerzaGrsh]

تصدق والله اني ما دريت عن التقنية اللي تتكلم عنها الا منك الان. صراحة انا ما استغرب لآنه في برنامج نزل من شركة الابل شغل اي مقطع اغنية سواءا تلحنها بصوتك او مقطع من نفس الاغنية تشغلها في البرنامج يطلع لك اسم الاغنية.. :bigeyes: مو بس تشغل المقطع داخل المبرنامج حتى يعرف اسم الاغنية ممكن عن طريق المايك اذا كان المقطع ليس في جهازك في التلفاز مثلا وجه المايك للصوت او انت لحن الصوت بلسانك ويطلع لك اسم الاغنية ، اعتقد اسم البرنامج soundhound ان لم تخني الذاكرة ، جربتها عند صديق لي من فترة طويلة. وبحثت جاهدا لأجد مثله في المايكروسوفت لكن للأسف..

وأنا اتمنى من قبلي ان لا تسوء جودة ابل.. وعلى كل حال الجهاز سينزل في 14 October او تستطيع حجزه من الموقع في 7 October ..

[Karazhan]

اي صح عندي بجهازي , تغني او تسوي لحن قريب من الاغنيه ويطلعها لك

يااخي ابل اكلت شركات العالم كلها بالتكنلوجيا والجوده

يعني حتى اجهزتهم مايحتاج تحط فيهم برامج حمايه مثل الفايروس وغيره

مو نفس مايكروسوف , يفتحون الاجهزه عشان يتخرقونها الهكرز وينزلون برامج حمايه عشان تشتري وتحمي نفسك , يعني هم ربحانين من الصوبين

اما ابل ماتفكر بالكسب المادي لأن من اولوياتها الجوده والسعر المعقول

والله انا ما الوم الشركه تحط سعر 200 دينار على جهاز , لأن هالجهاز تقدر تسويه لابتوب صغير ويوفر عليك مصاريف المكالمات والرسائل , كل شي مجاني اللهم بس اشترك بالانترنت

لكن نفس ماقلت اذا سعر الجهاز الجديد اغلى بكثير من ايفون 4 انصحك لا تاخذه , واذا انت اصلا ماعندك ايفون وتبي تشتري اخذ ايفون 4 العادي , ان كان ارخص من الجديد بكثير طبعا

لأن الشكل نفسه الا فوق السماعه في فتحه جديده غير طبعا الكاميرا وبعض الامور , لكن ايفون 4 مافي اي عيب يخلي الناس تبيعه وتشتري الجديد

يعني انا جهازي ايفون 4 و والله اني ماافكر ابيعه عشان الجديد مثلا جوده الكاميرا احسن او في برامج جديده , لأني مااشوف اي عيب بجهازي ولا الكاميرا سيئه اصلا , بالعكس واضحه والتصوير فيها جميل و صافي

وانت وضميرك , انطر ولد عمك يرجع الفلوس هذا اذا ما نساك وانت تستحي تقوله وين فلوسي

وشوف الايفون 4 العادي كم سعره , اذا مثلا 120 دينار و الايفون 4 اس ب220 دينار او اكثر , لا والله خلك على العادي احسن

[Karazhan]

انت لو تدخل موقعهم وتشوف الاجهزه عندهم وشنو وظيفتهم تطق على راسك

ناس وصلوا اللي مافكروا فيه الشركات الثانيه , مسويلك جهاز ارشيف اللي اقولك عنه وسعته 1 او 2 او 3 تيرا يعني 1000 جيجا ومادري اذا في اكبر مساحه بعد

تخزن كل شي ويتم حفظهم , وللجهاز رقم سري عشان اي جهاز ثاني لأخوك او صديق مايقدر يدخل الكابسول ويشوف شنو فيه , بس انت

انا ان شاء الله لما يوصل جهازي اللي طالبه , طالب جهاز ماك الكبير يسمونه all in one صارله 3 اسابيع يمكن عند الجمارك بالكويت ماادري متى يطلعونه

لما يوصلني راح اطلب الكابسول هذا لأن اخوي مدمن اجهزه ابل وكل جديد يقولي عليه , فراح اطلبه واشبك الماك + الايفون بالكابسول و يصير ارشيف لأجهزتي , ويمكن اذا عجبني استخدام الماك اشتري لابتوب بعد

لأني متردد يقولون استخدام كمبيوتر ابل اصعب من الوندوز ويختلف الكيبورد والبرامج , بشوف جهازي الجديد اذا تعلمت عليه راح اطلب لابتوب بعد واخربها مره وحده

[Heartbeat]

اهلا بالشباب :)

اعتقد اني سوف اخذ بنصيحتك اخي ولد بطنها ربما اشتري ايفون 4
واستعمله حتى ينزل ايفون 5

انا جهازي e7

واحس اني بعالم والناس بعالم ثاني مميزاته حلوة
بس بالنت الايفون افضل
لكن كمميزات جهاز نوكيا افضل
ومع هذا الاغلب ايفون ولا اريد ان اكون مخالف للناس
ولكني سأنتظر ايفون 5

[آبو رآشـد]

http://cdn.teedoz.com/wp-content/uploads/2011/10/samsung_galaxy_s_ii.jpg


سامسونق s2
الى مالها نهاية

نزل في سبتمبر السنة الحالية ومواصفاتة افضل من ايفون 4

الان نزل ايفون 4 المطور وما زال مواصفاتة افضل حتى الكاميرا الي كانت موضع اهتمام في الايفون المطور الجالكسي اس تو نفس البكيسل

الايفون افضل ما فية انة يمسك سعرة لا جيت تبيعة افضل من الجالكسي والتطبيقات نفس الشي

لكن نظام الاندرويد فيما يخص التطبيقات قادم وبقوة والتصميم انا اصمم لكم تطبيق وانزلة لكم والان فية خمس ماركات اثنين منهم سوق سوداء تطبيقات مكركة

التصفح لا يعلى علية
الشاشةltd 4.3 انش
البطارية تشيلها من الجهاز
الشريحة ما تكسر
مواصفات في الجهاز منها التحكم عن بعد نقل الملفات عن بعد تحميل عن بعد كلها من نفس الجهاز بدون ابلكيشن
رابط خاص فيك يوجد فية كل ما فية جهازك
ذاكرة داخلية + ذاكرة خارجية
ممكن يكون الجهاز راوتر بكل سهولة

الجهاز لما تكون متمكن من اجهزة التقنية راح تتفاجى فية

تتطبيقات خارجية تركب على الاندرويد تكون خاص فية تمكنك من التصفح جهاز الكمبيوتر من خلال شاشاة الاجالكسي اس تو
345508


345507

345509

الجهاز فية اشياء كثيرة لكن هذا الي طلع معي الان

[The Slim Shady]

والله انصحك تشتري Iphone 4 تخليه معاك عشان ماتتفشل :p

وهناك عيب في النت .. ما اقدر انسق -_-

على فكرة انا داخل منه ^^

[ولد ابوظبي]

نصيحتي انك تصبر يالغـألي .. وخاصه انه مع كل شي جديد يبقى أحدث تقنيا وفيه ميزات اكثر ..

لكن عيب الايفون والبلاكبيري .. البطاريه تفضي في يوم واحد ..

اما النوكيا عز .. يومين واذا ماستعملته 3 ايام والامور طيبه .. :) ..

فأنا عندي تلفونين . نوكيا وبلاكبيري ..

[daughtry]

هاررررررررررررررت

اشترره
ترا بطقك

صدمتني كل العالم الحين اي فون @_@


والله .. اذا ادمنت عليه تترك الابتوب ..

تفتح ايميلك , المنتدى , تشارك , يوتيوب , كل شي وانت تمشي

ايفون 5 ماراح ينزل لا شهر ولا شهرين
اذا ما مر عليه 6 اشهور وفوق طبعا

كان نازل عرض بالافنيو امس . بيتا

المهم
اشتره اشتره

والله حرام عليك

هذا غير المحادثات المجانيه والمكالمات المجانيه

والسكايبي , < :$ اخييه

[daughtry]

^^

لا تخاف من الشاحن

ولد ابو ظبي يبي يكرهك فيه ههههههههههههههههه


انا اول كنت احاتي الشحن واخاف منه


الحين فيه بطاريه اضافيه تقعد معاك يوم كامل


نصيحتي لك ..

خذلك ايفون + جهاز نوكيا

اي فون برامج وخربطه و و
ونوكيا خله اساسى

[Heartbeat]

http://cdn.teedoz.com/wp-content/uploads/2011/10/samsung_galaxy_s_ii.jpg


سامسونق s2
الى مالها نهاية

نزل في سبتمبر السنة الحالية ومواصفاتة افضل من ايفون 4

الان نزل ايفون 4 المطور وما زال مواصفاتة افضل حتى الكاميرا الي كانت موضع اهتمام في الايفون المطور الجالكسي اس تو نفس البكيسل

الايفون افضل ما فية انة يمسك سعرة لا جيت تبيعة افضل من الجالكسي والتطبيقات نفس الشي

لكن نظام الاندرويد فيما يخص التطبيقات قادم وبقوة والتصميم انا اصمم لكم تطبيق وانزلة لكم والان فية خمس ماركات اثنين منهم سوق سوداء تطبيقات مكركة

التصفح لا يعلى علية
الشاشةltd 4.3 انش
البطارية تشيلها من الجهاز
الشريحة ما تكسر
مواصفات في الجهاز منها التحكم عن بعد نقل الملفات عن بعد تحميل عن بعد كلها من نفس الجهاز بدون ابلكيشن
رابط خاص فيك يوجد فية كل ما فية جهازك
ذاكرة داخلية + ذاكرة خارجية
ممكن يكون الجهاز راوتر بكل سهولة

الجهاز لما تكون متمكن من اجهزة التقنية راح تتفاجى فية

تتطبيقات خارجية تركب على الاندرويد تكون خاص فية تمكنك من التصفح جهاز الكمبيوتر من خلال شاشاة الاجالكسي اس تو
345508


345507

345509

الجهاز فية اشياء كثيرة لكن هذا الي طلع معي الان



المشكلة يا ابو راشد
نفس هاكلام شفته واقصد ان احد عشاق النوكيا
كان مسوي مقارنه بين الايفون والنوكيا e7
وانا اقتنعت لما شرح في موضوعه ان نوكيا افضل وشريته لكن انصدمت
اولاً اللمس ماكو مقارنه ايفون افضل لدرجة اني تأذيت اتصل على ناس وانا مادري بسبب اني لمست زر من غور قصد
يتصل علي احد مثلاً اطلع الجوال من الجيب من مسكة الجوال يرد على المتصل
يعني الشاشه حساسه اي حركه او لمس حتى لو كان سطحي اذيه والله

اخاف تواجهني نفس المشكله اذا اخذت جلكسي
يمكن انصدم وبروحي بس عنده جلكسي هههههه
تدرس شنو المشكله انا دايم اخالف الشباب
الربع كلهم لاند كروزر , انا خالفتهم يوكن :)
الربع كلهم ايفون انا نوكيا :)
وشكلي باخذ جلكسي عناد بس :)

[Heartbeat]

والله انصحك تشتري Iphone 4 تخليه معاك عشان ماتتفشل :p

وهناك عيب في النت .. ما اقدر انسق -_-

على فكرة انا داخل منه ^^


انا اذكر قلت لك لو انتظرت ايفو 5 افضل
بس انا اللي انصدمت ومانزل ايفون 5 ههههه
بصراحه ماكو مقارنه على الاقل حاليا بين اللاب توب والايفون بالنت
الايفون تصفح بس , اما منتدى وكتابه مازال الامر صعب
بس شكو اتفشل لأن ماعندي ايفون ههههههه
انت تدري بجم الايفون عندنا ادفع 12 دينار بس :)
رخيص بس انا متعود على النوكيا ومازلت مو مقتنع بالايفون
بس المشكله الاغلبيه ايفون وايضا الواتساب اللي بالايفون ممتاز عكس نوكيا
نوكيا ماقدر ادخل اي رابط يرسل لي
امور كثيره لكن قصة اتفشل لا هذي مو مع الشباب
عند النساء فقط لأنهم يغيرون من بعض وايضا يعتبرون الجوال اكسسوار :)

[Heartbeat]

نصيحتي انك تصبر يالغـألي .. وخاصه انه مع كل شي جديد يبقى أحدث تقنيا وفيه ميزات اكثر ..

لكن عيب الايفون والبلاكبيري .. البطاريه تفضي في يوم واحد ..

اما النوكيا عز .. يومين واذا ماستعملته 3 ايام والامور طيبه .. :) ..

فأنا عندي تلفونين . نوكيا وبلاكبيري ..


انا قنوع يعني ما اهتم في امتلاك جوال حديث الطراز او متطور
لكن بالفعل احيانا احتاج هالشي
ولذالك بحثت عن جهاز نوكيا مقارب للايفون
لكن الصدمه ماكو مقارنه على الاقل بالنسبه لي
تأذيت من شاشة اللمس حساساه جدا النوكيا مع اي حركة يشتغل
وايضا النت والواتسب الايفون افضل
بلاك بيري ظننت انه اختفى :)
انا جهازي الحالي راح احتفظ فيه
بس محتار بين جلكسي وايفون
افكر استخدم جلكسي حاليا على الاقل حتى ينزل ايفون 5
شرايك

[Heartbeat]

هاررررررررررررررت

اشترره
ترا بطقك

صدمتني كل العالم الحين اي فون @_@


والله .. اذا ادمنت عليه تترك الابتوب ..

تفتح ايميلك , المنتدى , تشارك , يوتيوب , كل شي وانت تمشي

ايفون 5 ماراح ينزل لا شهر ولا شهرين
اذا ما مر عليه 6 اشهور وفوق طبعا

كان نازل عرض بالافنيو امس . بيتا

المهم
اشتره اشتره

والله حرام عليك

هذا غير المحادثات المجانيه والمكالمات المجانيه

والسكايبي , < :$ اخييه


:)
صدمتك :)
انا صدمت نفسي ماني عارف ليش اعاند ومو مقتنع بالايفون
حتى الان لما نويت اشتري ايفو 5 اذا نزل ,, بس للايف مانزل شوف الحظ
بصراحه مو مقتنع في اني اشتري ايفون4 وبعد جم شهر راح ينزل الخامس
يا اني اشتري جلكسي مثل مانصحني ابو راشد
او اظل على النوكيا
حتى ينزل ايفون 5




^^

لا تخاف من الشاحن

ولد ابو ظبي يبي يكرهك فيه ههههههههههههههههه


انا اول كنت احاتي الشحن واخاف منه


الحين فيه بطاريه اضافيه تقعد معاك يوم كامل


نصيحتي لك ..

خذلك ايفون + جهاز نوكيا

اي فون برامج وخربطه و و
ونوكيا خله اساسى


مثل ماقلت نوكيا اساسي عندي الايفون عشان النت والبرامج بس
لكن حاليا لا بنتظر ايفون 5
وفي الوقت الحالي مثل ماقلت
يا جلكسي او اظل على النوكيا

[Karazhan]

ترى السامسونج قوي لا يغرك

وسرعته دبل سرعه الايفون والحين الايفون الجديد صارت سرعته نفس الجالكسي وشاشه الجالكسي واضحه يسمونها بلاك ديب , تجي الخلفيه لونها اسود غامج والبرامج تشوفهم واضحين

واغلب برامجه مجانيه , واللمس احسن بعد او يمكن نفس الايفون بس مو اردى منه

غير في نافاجيشن مو بس خريطه نفس الايفون , وفي اشياء ماتعرفلها لأن لواحد متخصص للجهاز , يعني تدخل عالرووت ملفات البرامج وتغير وتعدل وجذي

واذا نزل احد برنامج او عنده برنامج خاص بفلوس يقدر يرسله لك بالبلوتوث يعني ماتحتاج تشتريه انت

غير لما توصله بالكمبيوتر يصير كأنه ميموري كارد تشيل وتحط على كيفك مو نفس الايفون لازم i tune وهذا بطيئ على مايفتح واذا تبي تنزل شي من جهازك للكمبيوتر او تنزل من الكمبيوتر يقولك نمسح القديم ونحط الجديد

يعني عندك صور يمسحهم وينزلهم مره ثانيه مع الصور الجديده اللي تبي تنقلها وبالطريقه هذا ياخذ وقت

في اشياء كثيره حلوه ومميزاته حلوه

انا سألت اخوي مدمن التلفونات اهو عنده سامسونج و ايفون , قلته كم تعطي من 10 لكل واحد فيهم بحياديه طبعا

قال الايفون اعطيه 9\10

والسامسونج اعطيه 8\10

لكن لو انزل التعريب الجديد عليه اعطيه 9\10

قلت ليش تعريب , قال لأن التعريب الحالي ان كتبت كلام وبنص الكلام كتبت ارقام بالعربي يطلع الكلام معكوس , واذا الارقام بالانجليزي عادي

التعريب الاصلي مافيه هالمشكله , ولو احطها اعطيه نفس الايفون

طبعا اهو خلاني اشوفه وقعد يغير الكيبورد يخيله نفس الكمبيوتر او عادي ويغير اللون الدقم بالاسود والحروف بالابيض نفس لابتوبي شايفه ؟ الكيبورد اسود والحروف ابيض

وفيه اشياء حلوه كثيره وسريع و تطفي البرامج اللي تشتغل وانت ماتدري وتسكر البرامج الشغاله بزر واحد مو نفس الايفون تسكر برنامج برنامج

مواصفاته حلوه , وفيه اختصارات تشغيل بلوتوث او وايرلس او كاميرا ومادري شنو بعد كله بلمسه وحده

اهو قوي بس المشكله ان مااخذ حقه والناس كلها ايفون فأالواحد ماوده يطلع عكس

[Karazhan]

وترى لو تاخذ جلكسي مايفرق

لأن الواتسب انت عارف يشتغل مع الكل نوكيا ايفون جلكسي

بس مثل ماتفضل ابو راشد هذا ذاكره داخليه وخارجيه ماادري اذا كلهم 16 جيجا الداخليه لأن اخوي ماله 16 بس تركبله ذاكره اللي توصلولها الحين ان شاء الله 100 جيجا

ماتحاتي نفس الايفون 16 او 32 حدك

وترى خفيف مصنوع من البلاستك مو نفس الايفون الاطار الواجهه والخلفيه زجاج والحواف حديد

تقريبا نقول الايفون وزنه 150 جرام الجلكسي 100

واكبر شوي من الايفون والشاشه اكبر يعني تشوف افلام احسن و اوضح

اهو حلو بس ماادري ليش مو راضي اقتنع فيه

[Heartbeat]

ولد بطنها انا سويت مقارنه
بين جهازي الحالي نوكيا
وبين جلكسي
وايفون4 اس

مقارنة سامسونغ Galaxy S II 4G مع آبل iPhone 4S مع نوكيا E7 (http://www.jawal123.com/PublicPages/Compare.aspx?IDs=-878520797_-746117494_-1520991695_&lang=ar-sy)

[ALmerzaGrsh]

افاااااااااااااااا يا أي فون .

نظام الملاحة طلع فشوووووووووش
الاي فون لايدعم ملفات الفلاش... -_-


واشكرك على لنك المقارنة يا هارت..

[Heartbeat]

افاااااااااااااااا يا أي فون .

نظام الملاحة طلع فشوووووووووش
الاي فون لايدعم ملفات الفلاش... -_-


واشكرك على لنك المقارنة يا هارت..


العفو اخوي حاضرين
انا دخلت الموقع واخترت افضل ثلاث اجهزة بالسوق حاليا
وعملت مقارنه الموقع يسمح لك في اختيار اربع اجهزة وتعمل بينهم مقارنه
مشكلتي اني متعود على نظام نوكيا
اذا حبيت اغير ماتفرق عندي ايفون او جلكسي
لكن ودي اختار الافضل من حيث الاستخدام
لا اريد ان اخذ لأن الغالبيه تستعمله

[ALmerzaGrsh]

العفو اخوي حاضرين
انا دخلت الموقع واخترت افضل ثلاث اجهزة بالسوق حاليا
وعملت مقارنه الموقع يسمح لك في اختيار اربع اجهزة وتعمل بينهم مقارنه
مشكلتي اني متعود على نظام نوكيا
اذا حبيت اغير ماتفرق عندي ايفون او جلكسي
لكن ودي اختار الافضل من حيث الاستخدام
لا اريد ان اخذ لأن الغالبيه تستعمله



اذا جينا نتكلم عن الجودة فشركة ابل.. ممكن الاجهزة الثانية بدأت تطلع.. تماما مثل لو أننا نتكلم عن السيارات الكورية فهي لها سمعة واسم الان لكن تبقى الكزس والمرسدس والبي ام في السيادة.. (اعرف اني اتفلسف احايانا واجيب امثلة غريبة) ههههه بس اتمنى ان المعلومة وصلت..

وعن نفسي أنا سأشتري أيفون 4 المطور.. انا احب التقنية جدا واحب اخر صيحات التقنية لكن عندما اشتري الجهاز ذو التقنية اشتريه لآجل هدف معين وليس كمن يشتري التقنية اول بأول فقط للفشخرة..

بمعنى انا يهمني في الجوال 3 أشياء:

1- النافيجيتور (نظام الملاحة)
2- تشغيل الملفات الصوتية والمرئية.
3- الكاميرا.

ولابل اساس جهاز ذو جودة وسمعة بغض النظر عن الموضة. طبعا انا سمعت عن نظام الملاحة ممكن تركبه في الاي فون وهو ذو جودة جدا عالية جدا.

وفي النهاية هي مسألة قناعة.

[Heartbeat]

بصراحه انا افكر في شراء جلكسي حتى نزول ايفون5

[Arashi]

اعتقد اني سوف اخذ بنصيحتك اخي ولد بطنها ربما اشتري ايفون 4

اخواني عندهم ايفون 4 ومايفرق وايد عن 3
لو ناوي تشتري ايفون الحين لحد ما ينزل 5 فأنصحك تاخذ واحد أرخص وهو 3 ^^

[ALmerzaGrsh]

في اي خبر عن اي فون 5 متى ينزل؟؟؟؟؟؟؟؟؟؟؟؟؟؟؟؟؟؟

[PS Player]

الايفون 4 اس يختلف عن الحالي اختلاف كامل اللي ماتغير شي واحد بس وهو التصميم وبنظري الى الان افضل من تصميم باقي الهواتف

انا بصراحه اشوف انه شي ايجابي انه شركه ابل تنزل جهاز كل سنه ولكن التصميم يبقى سنتين

عموما يا اخ هارت انا اشوف ان كل عضو رد على هالموضوع قال وجهة نظره حسب احتياجه واستخدامه هو
لكن انت ماقلت شنو تحتاج بالضبط من الجهاز
مافي جهاز يتفوق على جهاز بكل شيء لكل جهاز ميزه

انا وجهة نظري اقول لو بتاخذ ايفون خذ ايفون 4 اس مو ايفون 4
لان المعالج دبل
معالج الرسوم اسرع سبع مرات
كامره 8 ميقابكل مع تصوير Full HD مع ميزه مانع الاهتزاز اثناء التصوير وهالشي ميزه اول مره تتواجد بهاتف
ميزه Siri ( لاتدعم العربيه حاليا لكن ابل دعمت العربيه بكل برامجها واحتمال كبير تضيف اللغه العربيه لـ Siri )

واهم شي بالنسبه للهواتف الذكيه هو النظام وثباته وتوافقه مع الهاردوير

ونظام iOS الكل يشهد بثباته وبما انه النظام + الهاردوير مصصمه من ابل
هالشي يخليه اسرع واقوى من هواتف تتفوق عليه هاردويريا :D

ملاحظه: ابل تصمم الهاردوير ولكن شركات اخرى تقوم بصنعه حسب تصميم ومواصفات ابل



عموما انا استخدمت اجهزة كثيره وبصراحه اكثر جهاز ارتحت له هو الايفون
iPhone Killer قبل كنت اسمع هالكلمه من اغلب الناس والى الان الناس تقولها لكن بطريقه ثانيه والمشكله من اربع سنين واحنا نسمع ولا شفنا هالشي على الواقع
كنت اسمع كلام الناس واشتري اجهزه من HTC وسامسونج

والحين ندمان اني ماشريت الايفون من اول مانزل 2007


العيب الوحيد بالايفون هو عدم دعمه للفلاش
لكن خل نكون واقعيين

بشنو نحتاج الفلاش ؟ العاب فلاشيه ؟ انا من ناحيتي ما احتاج العاب فلاشيه مال سنة 98
وحتى لو تبي العاب ياكثرها على الاب ستور واغلبها مجانيه

مافي شي يحتاج فلاش الا اليوتيوب واليوتيوب له تطبيق خاص بنظام iOS يشغل لك كل الفيديوات



بالنهايه القرار بالتأكيد يكون راجع لك انت شخصيا شنو تحتاج من الجهاز وبشنو راح تستخدمه

[Heartbeat]

وجهت نظر منطقيه اختي اراشي اسأل عنه واشوف مازال موجود او لأ جديد طبعاً لأني مستحيل اشتري مستعمل او مستخدم

اخوي بلاير كلامك جميل
وذكرت عدة نقاط مهمه انا امتلك جهاز نوكيا e7
بس مشكلتة اللمس حساس وهالشي ازعجني

المشكلة الوحيدة ان ايفون 4 س اول ماينزل انت عارف جم سعرة غالي
وبعد جم شهر ينزل الخامس صدقني المسألة مو فلوس لكن اشعر بالغباء لو اشتريت جهاز بمبلغ وقدرة وبعد ست شهور او 8 ينزل الجديد
لذالك فكرة اشتري جلكسي س2 سعره مقبول وايضا الكثير يقول انه افضل من ايفون 4
استخدمه لحد ما ينزل الخامس
سؤال انت جربت جلكسي ؟

[PS Player]

بالنسبه لنوكيا e7 ماجربته ولا اعرف عنه شي بصراحه

لكن انا شخصيا مع الايفون ماواجهت مشاكل مع اللمس


بالنسبه لجلكسي اس 2 ماجربته
لكن جربت الاول ومقارنه مع الايفون كجهاز بنظري متساوين تقريبا
لكن الايفون يتفوق بدعم الشركه من ناحية التطبيقات حاليا وصل عددها اكثر نص مليون تطبيق


مشكلة الايفون عندنا اهي السعر وانا معاك بهالنقطه لكن اذا عندك فيزا تقدر تطلبه من برا (بريطانيا تحديدا) بسعر 180 دينار كويتي تقريبا ( يزيد 5 او ينقص 5 ) 16GB

واما بالنسبه للآيفون الجديد تطمن ابل ماتنزل جهاز جديد الا بعد سنة من الاصدار الحالي

وصدقني اذا بتشيل هم الجديد بتتعب حتى مع سامسونج لانه بعد فتره بينزل جلكسي نوت ( مادري يمكن نزل بعد )

ونصيحه لاتاخذ جهاز بناء على اراء الغير انت جرب الجهاز بنفسك واذا اقتنعت فيه اخذه
روح اي شركه وجرب الاجهزة عندهم واللي ترتاحله نفسك اخذه

انا ياما سمعت كلام الناس وتعبت مع اجهزة اعتبرها ضياع وقت ومال


افضل نصيحه راح تاخذها من نفسك لم تجرب الاجهزه حتى لو تجربه بسيطه عند اي شركه وياكثرهم بالكويت

[Heartbeat]

بخصوص جهاز النوكيا من وجهت نظري
هو يتفوق على جلكسي وايفون من ناحية مزايا الهاتف
وسهولة التعامل معه

جلكسي وايفون يتفوقان على نوكيا بخدمة النت والبرامج

حسنا ابل لا تطرح الجهاز الجديد الا بعد سنة ولكنه غالي كما ذكرت سابقا
جلكسي ليس غالي ولذالك انا اشتريت جلكسي حاليا :)

انا ذهبت الى اكثر من محل
وكنت اقول لهم انا اريد ان اشتري مهما كان السعر ولكني اريد الافضل
وجميعهم ذكرو لي جلكسي
مع انهم لو قالو ايفون كنت اشتريته وهو الاغلى ومربح لهم
ربما لا يكون ماحصل دليل على تفوق جلكسي على ايفون
ولكني اعتمدت على هذا السبب والان اقولها وبكل صراحه
حين اشتريت جلكسي
اخذت اقارن بينه وبين هاتف صديق لي واعجبني جلكسي اكثر
شكرا لك اخي على تفاعلك

[OLD SNAKE 19]

بصراحــــه

الجهـــاز سئ جدا ... بالنسبه للساحه الفنيه المطروحه في الوقت الاهن !! خخخ

نستعرض المواصفات

qHD ........ هههه مضحكه جدا وقديمه ... لدرجه ان htc HD2 نزل نفس الريزيلوشن قبل سنه .
HSDPA +14 ......... الاجهزه وصلت الــى +21 من قبل 6 اشهر تقريبا
شاشه 3.5 .... تختلف حسب الاذواق , بس اراها اجحاف بحق سمارت فون
كاميرا 8 ميجابيكسل ...... طبعا نظرا لان الكامير من شركه سوني فأرى ان جهاز ARC او سوني اريكسون بشكل عام اقوى ﻻحتوائها Exmor R ... بدون التطرق الى كاميرا SENSATION XL
بلوتوث 4 .... ههههههههههه هذه اكثر ميزه اضحكتني , الشركات الاخرى بدأت بتقنيات NFC وابل توهم حطوا بلوتوث !!!!!!
siri .... طبعا دعائيه اكثر من ماهي عمليه , بدون ذكر ان google voice search تفوقت عليها بالوحش SGS II

طبعا هذا مختصر نظرتي ما ودي اكمل ﻻني تعبت

Since we're talking about smartphones
have you met ....ANDROID
<< كنت بكتب الجمله الاخيره بالعربي .. بس طلع شكلها استفزازي , فاعذروني

[ALmerzaGrsh]

شباب ، عشاق الأي فون أنا اود ان اشتري اي فون ، لكن محتار هل اشتري اي فون 4اس او انتظر 5؟ هل في خبر عن نزوله قريب؟ سمعت او قرأت لا أعلم بأن هناك احتمال نزوله خلال الـ 12 شهر القادمة واحتمال ما ينزل الا بعد 24 شهر.

هل من نصيحة؟

سمعت ان اي فون 5 موصفاته مدمرة.

[IL C a p i t a n o]

جلسكي اس 2 واقطع

الاي فون شغل تجار ونصب على الامه اليوم ب200 باجر ب300 اللي عقبه 250 بعدين 280

بورصه مو تليفون هههه

خصوصا انه

تليفون يعلق بشكل مو طبيعي بعد مده

خاصية اللمس سخيفه التصوير اي كلام

التصفح مثل وجهه

استقبال الانترنت والله زباله يعني ما تفرق مشترك 13 دينار ولا 5

كل بطيء مع الاي فون ههههه

البرامج اللي فيه اغلبها شغل تهكير

وليست الاصليه

على عكس الجلسكي اللي فيه فلاش بلير يعني قزرها على اليوتيوب

لو بتكلم ما راح اخلص

عيب تقارنون الايفون مع الجلسكي

حتى الامريكان اللحين بالمقارنات يقولون جلكسي اس 2 افضل بمراحل

غير هذا الاي فون حساس بشكل مو طبيعي

اي طيحه خلاص بيعه

الجلسكي اس 2 حذفه لي باجر الامر طبيعي

وبرامج اكثر ببلاش واصليه طبعا مو شغل تهكير مثل اليوتيوب اللي بالاي فون والسوالف هذه هههه

وما يحتاج لزقه سوده على الشاشه علشان ما تزلغ ومدري شنو

هذا غير الشاشه وحجم التليفون والتحكم ..ألخ

حجي ما عليك من الارقام اللي يحطونها لك بالجمله والله التحديث رقمه جذي ويملك جذي وجذي

اهم شيء الجوده

ما ابي اعور راسك ادخل يوتيوب وشوف المقارنات

اقوى واحد رفيجنا الكويتي اللي يقارن بين الاي فون والجلكسي اس 2

اول ما تبدي المقارنه يحذف الاي فون تسمع صوت ضربته ويقولك لا نزل ايفون جديد تعالوا قارنوا

اللحين نزل اي فون 4اس مافيه تقدم كبير مجرد حدثوا برمجتوا وحطوا فيه النظام الصوتي + ضبطوا كاميرته

ومع كل هذا الجلسكي احسن

عموما اذا ما شريت تليفون لا تشتري لا هذا ولا هذا

شهر 11 بينزل نكسوس من سامسونج يشفط للجلسكي اس 2

وسعره المعلن 2500 ريال يعني حوالي 200 دينار كويتي

بس قول ينزل 240

انطر شهرين يصير 160 واخذه هههه

لن الشعب ضارب على الاي فون دون اي تعقل والتجار مقزرينها

حطوا تحديث على الاي فوون 4 اس التحديث هذا تقدر تحطه على الاي فون العادي

الفرق بس الكاميرا زادوا سعره 160 دينار XD

والشعب يشتري

غيروا الكفر من اسود الى ابيض

زادوا اول ما انزل حوالي 40 دينار

الشعب منصوب هههه

[IL C a p i t a n o]

ايضا اذا كنت مهتم

شركة اندريود اللي برنامج التشغيل في جلسكي

شرت البلاك بيري

يعني التليفونات الجديده ان شاء الله راح تشوف فيها بلاك بيري مسنجر + نظام تشغيل اندريود يعني اثنين في واحد ^_^

وهذه مقارنه شوفها اتمنى تفيدك

شوفها كامله شوف النظام الصوتي والتصفح وسرعة الجهاز والتصوير وكل شيء فيها ^_^


http://www.youtube.com/watch?v=bphZoV8VrLc

وهني مقارنة عبيطه مسوينها ناس ما شاء الله فلوسهم زايده :P

لكن شوف النتيجة ^^


http://www.youtube.com/watch?v=ZaMD6RG37n4

[ALmerzaGrsh]

صحيح بس لقيت ميزة في موقع ابل ، وهو لو اشتريت منهم جهاز ايفون تقدر ترجعه لهم وقت ما ينزل اي فون 5 وتدفع الفرق عن طريق موقعهم. هذه احد الميزات اللي عجبتني. وسمعت OS تبع الاي فون افضل بمراحل.

[OLD SNAKE 19]

شهر 11 بينزل نكسوس من سامسونج يشفط للجلسكي اس 2

+1
احسن نصيحه ..

وكلامك عن التجار والمستهلكين هههههههههههههههه اعجبني بصراحه وصادق والله

[Heartbeat]

عجبتني المقارنه والحمدالله اني اشتريت جلكسي
لكن بخصوص نيكسوس ينزل شهر 11 عندنا ولا هناك عندهم
مادري ليش ماسمعت عن نكسوس الا منك الان :)

[OLD SNAKE 19]

^^^

عندهم بـــ 11

عندنا ممكن اخر 11 او اول شهر 12 , يعني ما يطول

عالعموم , مبروووووووووووووووووووك الجوال الجديد تستخدمه بالعافيه , ومرحبا بك في عالم الاندرويد

[Heartbeat]

الله يبارك فيك اخوي اولد
لكن انتظر نكسوس اذا كان يستحق كما يقول الكابيتانو
راح احول عليه :)

[ALmerzaGrsh]

بالنسبة لسعر الاي فون فسعره ثابت في الموقع ، يعني بدلا من ان تشتريه من بلدك جديد توه نازل وتخسر الكثير عليه ، اشتريه من الموقع نفس سعر القديم لمن كان موجود.

اما بالنسبة للتجار اكيد حيحولون الاجهزة الى بورصة.

[IL C a p i t a n o]

السلام عليكم

اسف على التأخير انشغلت شوي مع الاختبارات ^_^


اول شيء مبروك التمييز اخوي تستاهله بكل جداره ^^

+

مبروك التليفون زين سويت ما راح تحسف ان شاء الله ^_^

بالنسبه ل Nexus Prime

http://www.concept-phones.com/wp-content/uploads/2011/10/nexus_prime_render2.jpg

اهو احدث تليفون راح ينزل من الاندرويد

لأنه راح ينزل بنسخة الايس كريم او نسخة اندرويد 4.0 الجديدة

مع العلم ان جالكسي اس تو رقم نسخته 2.3

واقوى نسخه كانت للسامسونج تاب والموتريلا 3.0

لكن جلكسي نيكسوس راح يقضي على الجميع بإذن الله

يقولك حتى بعد التجارب تفوق على الIos للأيفون بكل شيء الايفون كان يتميز بخدمات السحابه

اللحين جوجل قاعده تطوره وراح تنزله على الاندرويد :D

اللي يميز نسخة الأيس كريم ساندويتش انها سريعه جدا في التنقل بين البرامج والتصفح

وايضا جلكسي نيكسوس لو تشوفه راح تشوفه واهو مسكر راح تشوف ان مافيه ازار تحت مثل جلكسي اس 2 وجلكسي اس اللي هي زر التراجع والخيارات وHome

وهي كانت ميزه حلوه في الاندرويد اذا ما السر وراء اخفاءهم <<< حسيت اني مذيع تلفزيون ههه

الله يسلمك خلوا الازرار داخل الشاشه بدال ما تكون اسفل الشاشه علشان الشكل الجمالي للتيفون وبصراحه صاير اجمل

ايضا ملاحظه حلوه وشيء جميل في هذه النسخه انها نزلت باللغه العربيه اللي هي نسخة ايس كريم ساندويتش

ايضا على هذه النسخه كل التطبيقات راح تكون معانا تمام التمام وتدعم اللغه العربيه ان شاء الله

ايضا راح يغيرون الكيبورد بكيبورد افضل في هذه النسخه حيث ان الحروف تم استبدالها بأحرف جوجل من نوعية Roboto

ايضا راح يكون صاحب اكبر واحسن شاشه في الهواتف الذكيه لي اندرويد

ايضا بتكون الالوان فيه بشكل غير طبيعي في حين ان جلكسي اس تو تميز بالوانه الحاده والجميله الا ان جلكسي نيكسوس راح يتفوق عليه

لو بتكلم ما راح اخلص ما شاء الله على التليفون

لكن الخبر الجميل ان هذه النسخه تقدر تنزلة على نسخة خبز الزنجبيل

اي راح تنزل على الجلكسي اس تو والجلكسي اس

يعني لا تحاتي ان شاء الله

من الاخبار الحلوه ان اللحين انت بما انك مستخدم اندرويد لك برامج تطبيقات اكثر من مستخدم ابل من البرامج والتطبيقات الجديده

لأن التطبيقات الجديده شركة ابل اذا كثرت منها حييل تملك منها ب31%

اما اندرويد اتاحت لمستخدميها تطبيقات اكثر بنسبة 44 %

ايضا اللحين البرامج في الاندرويد وصلت الى نص مليون تطبيق تقدر تحمله

ومن الاخبار الحلوه ايضا العاب البلاي ستيشن راح تنزل على كافة اجهزه اندرويد يعني شغلك تمام اذا تبي الالعاب

اللحين يقولك جوميز اللي في ابل هههه

معصب يتعهد ان راح يقط كل فلوس وميزانية ابل من اجل ايقاف اندرويد هههههههه

بس الغريب ان قدر يوقف مبيعات جلكسي تاب في كل من استراليا والمانيا

طبعا الحجة اللي قاعد يستخدمها جوميز ان نظام اندرويد مسروق من Ios للأي فون

وذلك لأن رئيس جوجل كان عضو في اي فون عام 2009 الا ان بعدين طلع من اي فون وسوا بنظام خيالي اللي هو الاندرويد اللي يدعي جوميز ان مسروق

الحين نجيب على اسئلتك الله يخليك

التليفون ينزل شهر 11 في بريطانيا ان شاء الله

صعبه ينزل عندنا بالكويت خصوصا ان الموزعين انقرصوا من الجلسكي اس تو

لأن كانوا مسوين له دعاية قويه ان بينزل وبيكسر الاي فون

وهو طبعا افضل من الاي فون

لكن انصدموا انهم شروا كميات كبيره لكن القبول عليها كان قليل جدا

والسبب ان الشعب كل ضارب على الاي فون ما يشوفون تليفون غير الاي فون

مثل واحد ذاك اليوم يسألني عن تليفوني جلكسي يقولي ليش شاريه

قلت له احسن من اي فون بالنسبه لي

قالي وين احسن اي فون فيه واتس اب فيه تانغو فيه مدري شنو

ضحكت عليه وما رديت عليه

فيعني اغلب الشعب عباله هذه التطبيقات فقط موجوده بالاي فون ويشوفونه تليفون خارق ومستحيل ينزل احسن منه ، بالرغم ان اللي عندنا مطوره واحسن من اللي عندهم !

فاللي صار ان الجلكسي اس تو ما لقى اي اقبال له وهذا ادى الى ان سعره يطيح بشكل مو طبيعي

يعني طاح يمكن 80 دينار !!

اللحين سعره 150 تقريبا

فأعتقد صعبه جدا ينزل قريب راح ينتظرون الى ان يصرفون الجلكسي اس تو ويبيعونه

وبنفس الوقت يكون سعر النيكسوس صار ارخص

فينزلونه بسعر غالي وهم شارينه رخيص وراح يربحون على افانا << تجار مقزرينها الله يخسهم ##

فإذا انت هامك التليفون تقدر تطلبه

خصوصا ان مافي اي مشكلة من ناحية اللغه العربيه لأن فيه عربي اصلا

اطلب فقط نسخة الشرق الأوسط وامورك طيبه

فوق هذا كله راح تاخذه ارخص من انك تشتريه من بريطانيا اساسا

وذلك لأن لما تطلبه ما راح تطلع عليك ضريبه فقط فلوس الشحن

اتمنى اني افدتك اخوي واسف على الاطاله ^^

[Heartbeat]

وعليكم السلام

لا لا معذور اخوي كابيتانو

الله يبارك فيك

على التلفزن , والتميز :)

بيض الله وجهك اخوي

صراحه بدأت اشك ان لك نسبة في جهاز نيكسوس
يا اخي كلامك خير دعايه له شوقتني والله اني اشتريه

بخصوص الايفون ماني عارف ليش ماحبيته
يمكن لأن الناس طاحو فيه ومن غير تفكير انا ماعجبني
حاولت ادور بديل في نوكيا وماحصلت
لكن والحين وبعد تجربتي لجلكسي
حتى بعض الاصدقاء ناوين يبيعون ايفون ويشترون جلكسي
لكن انا قلت لهم اللي قلته لي انت
عن نيكسوس وقلت انتظرو شوي

خلاص انا قررت شاريه شاريه نيكسوس
او انزل النسخه في جهازي

بارك الله فيك الكابيتانو على هذا الشرح
بصراحه انا متشوق لهذا الجهاز الجديد

وشكرا لك مرة اخرى

[Yoshi]

هارت حبيب قلبي ,, بعد ماتشتري الجهاز .. ياليت تنزل الصور حقته لان نفسي اشتري موبايل ومحتار انا ولا ابغى اشتري الأي فون لان كل الناس عندهاإأإأ

وقلنا رأيكـ بعد ماتستخدمه وتجاربكـ معه عشان اتوكل على الله واشتري مثلكـ ,,

موفق بكل خير

[ALmerzaGrsh]

شباب طلع ما تقدر تشتري اي شيء من موقع ابل ><"

[Heartbeat]

شباب طلع ما تقدر تشتري اي شيء من موقع ابل ><"


اذا بالفعل ماتقدر تشتري من ابل
اعتقد ان المحتكرين مصاصي الدماء اشتكو من خسائرهم لابل
واظن ان ابل تهتم لهم اكثر من الذين يشترون اجهزتهم بنفسهم
هؤلاء المحتكرين يشترون بالمئات ولذالك هم اهم منا
هذا ان صح الخبر

[Heartbeat]

هارت حبيب قلبي ,, بعد ماتشتري الجهاز .. ياليت تنزل الصور حقته لان نفسي اشتري موبايل ومحتار انا ولا ابغى اشتري الأي فون لان كل الناس عندهاإأإأ

وقلنا رأيكـ بعد ماتستخدمه وتجاربكـ معه عشان اتوكل على الله واشتري مثلكـ ,,

موفق بكل خير


يا هلا باخي يوشي
ان تقصد جلكسي اس 2 - او نيكسوس

اذا كنت تقصد جلكسي اس 2 انصحك تشتريه لا تفكر من وجهت نظري افضل من ايفون

[Yoshi]

http://www.cunotic.com/wp-content/uploads/2011/08/Smsung-Galxy-S-cunotic.jpg (http://www.cunotic.com/wp-content/uploads/2011/08/Smsung-Galxy-S-cunotic.jpg)


نعود اليكم من جديد مع رحلة جديدة نقودكم فيها الى آفاق الهاتف الجلاكسي اس هذا الوحش الفضائي من سامسونج الذي سنحاول ذكر جميع مواصفاته ومميزاته وعيوبة بشكل مفصل.
تفاصيل رحلتنا:


في البداية سنتحدث عن تصميم الهاتف ومدى خفته.

وثانياً سنتحدث عن شاشته الحديثة.

وثالثا سنتحدث عن كاميرا الهاتف الخلفية والأمامية وسنريكم صور وفيديوهات تم التقاطها بواسطتها.

رابعاً سنتحدث عن المعالج ونظام التشغيل والذاكرة.

خامساً سنتحدث عن بعض مميزات ومواصفات الهاتف العشوائية.

سادساً سنتحدث عن عيوبه.

سابعاً سنقدكم لكم معرض الصور وبعض من الفيديوهاتف.

ثامناً سنتخدث عن السعر وهو آخر مافي تقريرنا الشامل والمفصل.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــأولاً: تصميم الهاتف:
http://www.cunotic.com/wp-content/uploads/2011/08/gsmarena_028.jpg (http://www.cunotic.com/wp-content/uploads/2011/08/gsmarena_028.jpg)


تصميم الهاتف مميز وأنيق ونحيف وهو ملائم للجيب تماماً كما أن وزنه ليس ثقيل بل خفيف جداً و ستشعر وأنت تسمكه بأنك تمسك ريشه في يدك فوزنه يبلغ 119 غرام وأبعاده 122.4×64.2 وسمكه 9.9 مم لاحظوا أن سماكته قليلة مما يعطي شكلاً أنيقاً للهاتف.ـــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــثانياً: الشاشة:


http://www.cunotic.com/wp-content/uploads/2011/08/gsmarena_0012.jpg (http://www.cunotic.com/wp-content/uploads/2011/08/gsmarena_0012.jpg)


الشاشة حديثة ومميزة وهي بتقنية السوبر AMOLED وهي بتقنية اللمس بالأصابع فقط أم الاقلام أو أي آداة اخرى لاتعمل عليها وكما أن اللون الأسود في الشاشة لاتعطيه اضاءة ابداً ويبقى لون أسود بطبيعته وهذا مايجعل المشاهدة عليه كلاسيكية.


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــhttp://www.cunotic.com/wp-content/uploads/2011/08/gsmarena_020.jpg (http://www.cunotic.com/wp-content/uploads/2011/08/gsmarena_020.jpg)


الكاميرا الخلفية جيدة وتبلغ دقتها 5 ميغا بيكسل (2592 ×1944) وبها خاصية التركيز التلقائي وايضا خاصية التركيز باللمس (فقط المس الشاشة في المكان التي تريد أن يركز عليه) وتستطيع ايضا التعرف على الوجوه والابتسامات والاماكن وتستطيع تصوير فيديو 720p HD بـ30 اطار في الثانية اما الكاميرا الأمامية تفي بالغرض وهي بجودة VGA للمكالمات المرئية.


http://www.cunotic.com/wp-content/uploads/2011/08/gsmarena_055.jpg (http://www.cunotic.com/wp-content/uploads/2011/08/gsmarena_055.jpg)

صور تم التقاطها بواسطة كاميرا الهاتف:

http://www.cunotic.com/wp-content/uploads/2011/08/1-300x225.jpg (http://www.cunotic.com/wp-content/uploads/2011/08/1.jpg)http://www.cunotic.com/wp-content/uploads/2011/08/2-300x225.jpg (http://www.cunotic.com/wp-content/uploads/2011/08/2.jpg)


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــرابعاً: المعالج ونظام التشغيل والذاكرة:المعالج من نوع ARM Cortex A8 بقوة 1 غيغا هرتز والنظام هو عالعادة الأندرويد Android OS v2.1 -Eclair ويمكن تحديثه الى 2.2 فرويو , ويحتوي الهاتف على ذاكرة داخليه متاحة بسعتين 8 غيغا و 16 غيغا وهنالك منفذ لذاكرة خارجية ميكرو SD يسع حتى 32 جيجابايت اضافية.


نظام الأندرويد وواجهة سامسونج

http://www.cunotic.com/wp-content/uploads/2011/08/galaxy-s.jpg (http://www.cunotic.com/wp-content/uploads/2011/08/galaxy-s.jpg)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــخامساً: مميزات ومواصفات عشوائية:


مستقبل GPS مدمج مع جهاز مساعد .

بوصلة رقمية مدمجة .

خرائط جوجل .

راديو FM ستريو مع RDS .

البطارية 1500م.أ قوية

الألوان: اسود ورمادي وأبيض


(http://www.cunotic.com/wp-content/uploads/2011/08/gsmarena_019.jpg)http://www.cunotic.com/wp-content/uploads/2011/08/gsmarena_018.jpg (http://www.cunotic.com/wp-content/uploads/2011/08/gsmarena_018.jpg)


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــسادساً: العيوببالنسبة للعيوب سأطرح العيوب التي آراها مهمة , وهنالك عيبان اساسيان في الهاتف وهما عدم عدم وجود فلاش للكاميرا وهذا سيؤثر بشكل كبير على التصوير ولكن ان اردت افضل وقت للتصوير فهوا النهار اما الليل فسيحتاج الهاتف الى فلاش لكي يصور بكل دقة والعيب الاساسي الثاني هو عدم وجود زر للكاميرا والعيب الثالث الـGPS غير مجاني والخامة البلاستيكية مغناطيسية للبصمات.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــ
معرض الصور:
http://www.cunotic.com/wp-content/uploads/2011/08/1-150x150.jpg (http://www.cunotic.com/wp-content/uploads/2011/08/1.jpg)http://www.cunotic.com/wp-content/uploads/2011/08/2-150x150.jpg (http://www.cunotic.com/wp-content/uploads/2011/08/2.jpg)http://www.cunotic.com/wp-content/uploads/2011/08/galaxy-s-150x150.jpg (http://www.cunotic.com/wp-content/uploads/2011/08/galaxy-s.jpg)
http://www.cunotic.com/wp-content/uploads/2011/08/gsmarena_0011-150x150.jpg (http://www.cunotic.com/wp-content/uploads/2011/08/gsmarena_0011.jpg)http://www.cunotic.com/wp-content/uploads/2011/08/gsmarena_0012-150x150.jpg (http://www.cunotic.com/wp-content/uploads/2011/08/gsmarena_0012.jpg)http://www.cunotic.com/wp-content/uploads/2011/08/gsmarena_020-150x150.jpg (http://www.cunotic.com/wp-content/uploads/2011/08/gsmarena_020.jpg)
http://www.cunotic.com/wp-content/uploads/2011/08/samsung-galaxy-s-white-150x150.jpg (http://www.cunotic.com/wp-content/uploads/2011/08/samsung-galaxy-s-white.jpg)http://www.cunotic.com/wp-content/uploads/2011/08/Smsung-Galxy-S-cunotic-150x150.jpg (http://www.cunotic.com/wp-content/uploads/2011/08/Smsung-Galxy-S-cunotic.jpg)http://www.cunotic.com/wp-content/uploads/2011/08/gsmarena_028-150x150.jpg (http://www.cunotic.com/wp-content/uploads/2011/08/gsmarena_028.jpg)
http://www.cunotic.com/wp-content/uploads/2011/08/gsmarena_055-150x150.jpg (http://www.cunotic.com/wp-content/uploads/2011/08/gsmarena_055.jpg)http://www.cunotic.com/wp-content/uploads/2011/08/gsmarena_019-150x150.jpg (http://www.cunotic.com/wp-content/uploads/2011/08/gsmarena_019.jpg)http://www.cunotic.com/wp-content/uploads/2011/08/gsmarena_018-150x150.jpg (http://www.cunotic.com/wp-content/uploads/2011/08/gsmarena_018.jpg)



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــأخيرا السعر:
متوفر في الأسواق بسعر 1650 ريال سعودي تقريباً

سعر الأيفون 4 عندنا برمضان قبل شهر ونص كان 2400 الحين مدري كم ,,
لاكن مازلت متردد

راح اخذ الأراء واشاور نفسي واتوكل على لله

[Heartbeat]

يوشي هذا جلكسي اس
نزل بعده جلكسي اس 2
وهو اللي اشتريته