البروتينات و التبرع بالدم !

[Nas Fitness]

السلام عليكم

اليوم حبيت اتبرع بالدم لان كذا واحد من ربعي قالولي دمك صاير ثقيل :32: لول

السبب والله اولا للأجر وثانيا فايده لجسمي

المهم الدكتور بعد مافحص دمي اول شي وشاف كل شي بالسليم شاف شوي جسمي قالي تلعب حديد؟ قلتله اي ليش خير .. قال تستخدم بروتينات بودر بالحرف ! قلتله اي واي بروتين مصل الحليب ليش شسالفه !! .. قال : ماتقدر تتبرع بالدم .. تحطمت انا شوي قلتله ليش يادكتور دام كل شي بالسليم واللي اخذه مكملات طبيعيه عاديه
قال : اي ادري وزينه لك لكن للي بيستخدم دمك موب زينه له

والسبب : انه الكريات الدم الحمراء والبيضاء نشيطه وعاليه جدا عندي عكس اللي بياخذ الدم فبيحدث تصادم وخلخله عنده
وقال لو تبي تتبرع وقف بروتين لمده ست شهور ولو سويت حجامه بعدها بسنه !

طبعا انا اقتنعت وماقتنعت فمادري اذا اي حد عنده رأي ثاني :33:

[King Of Coffee]

والله يالغالي هالموضوع أول مره يمر علي ..
بس ننتظر أراء الشباب ونستفيد من تجاربهم ..


الله يسهل الأمر


وشكرا لكـ

[آبو رآشـد]

كلامة غير صحيح

ولا اظن ان دكتور اتوقع ممرض ولا بالاحرى فني مختبر

هو قالك هالكلام قبل ما ياخذ الدم او بعدة

ثاني امر انت تشيش ولا تدخن هالامرين بتساعد على رفع مستوى الحديد والهيمجلوبين والعلاج التبرع بالدم

ونفس الكلام نشاط كريات الدم الحمراء علاجها التبرع بالدم
والمكملات مالها اي علاقة بالي قالها د
ولبا تاثر بجسمك الا بشيئين بشكل ملاحظ عند التبرع

الكوليسترول والسكر فقط لا غير


والله اعلم

[TheDarkKnight]

نفس الموضوع صار معاي و مارضو يسحبون مني دم
بس ماقالو لي انه من البروتين باودر
خبرتني الدكتورة اذا مستخدم مضاد حيوي لين اسبوعين او 3 ماتقدر تتبرع و خبرتها اني اخذ كرياتين و بروتين و خبرتها اني استخدمت انيمال ستاك قبل شهرين قالت لي عادي بس المضاد الحيوي ماتقدر تتبرع لين اسبوعين على الاقل انا كنت مستخدم مضاد حيوي

[7mmo0od]

ولو سويت حجامه بعدها بسنه !




ياليت توضح هاذي النقطة

ومشكور مقدما

[العاشق M]

نعم انا مع الاخ بو راشد
قبل اسبوع يوم الاربعاء انا متبرع بدم
سوى الفحوصات الحمدلله كل سليم من التكسر وغيرها
وعادي وطبعا جسمي باين عليه الحديد
ولا قالي اي حاجه او حتى سالني تاخذ او لا
اضن انه الدكتور قاعد يتفلسف وماعنده سالفه

[Nas Fitness]

كلامة غير صحيح

ولا اظن ان دكتور اتوقع ممرض ولا بالاحرى فني مختبر

هو قالك هالكلام قبل ما ياخذ الدم او بعدة

ثاني امر انت تشيش ولا تدخن هالامرين بتساعد على رفع مستوى الحديد والهيمجلوبين والعلاج التبرع بالدم

ونفس الكلام نشاط كريات الدم الحمراء علاجها التبرع بالدم
والمكملات مالها اي علاقة بالي قالها د
ولبا تاثر بجسمك الا بشيئين بشكل ملاحظ عند التبرع

الكوليسترول والسكر فقط لا غير


والله اعلم


انا انقهرت شلون حكم بسرعه وفلسلفه زايده هو بس خذ الضغط وفحص الهيموقلامين اللي يكون من 17 مرحله ماقبل التبرع وكل شي تمام التمام .. وبس سالني عن البروتين قام قالي انه موب زين بيكون للمستخدم لانك تاخذ بروتينات ..
فاللي ابيه ماعليك امر حاليا كلام موثوق عشان ارجعله بحجه قويه .. الكولويسترول والسكر عندي تمام بعد مااعاني من اي مشكله ولله الحمد
لاهنت يالغالي

[sami1989]

هههههههه
الدكتور باين عليه قديم لو منضف الغبار منه وسائله مره ثانيه ههههه
وحتى الشخص لو كان مستخدم هرمونات ايضا مراح تفرق
اذا كانت الامور ماشيه تمام

[Nas Fitness]

ياليت توضح هاذي النقطة

ومشكور مقدما

انه لو مسوي حجامه ماتقدر تتبرع الا بعدها بسنه !

[Nas Fitness]

هههههههه
الدكتور باين عليه قديم لو منضف الغبار منه وسائله مره ثانيه ههههه
وحتى الشخص لو كان مستخدم هرمونات ايضا مراح تفرق
اذا كانت الامور ماشيه تمام

انا بصفك اخوي لكن ابي دليل طبي قوي عشان اقوله لاني صج مقهور

[7mmo0od]

انه لو مسوي حجامه ماتقدر تتبرع الا بعدها بسنه !

السبب طال عمرك ؟؟

[Nas Fitness]

السبب طال عمرك ؟؟

ماسالتهم لما سالوني لو استخدمتها او لا .. بسألهم ان شاء الله لما اروح مره ثانيه

[آبو رآشـد]

انا انقهرت شلون حكم بسرعه وفلسلفه زايده هو بس خذ الضغط وفحص الهيموقلامين اللي يكون من 17 مرحله ماقبل التبرع وكل شي تمام التمام .. وبس سالني عن البروتين قام قالي انه موب زين بيكون للمستخدم لانك تاخذ بروتينات ..
فاللي ابيه ماعليك امر حاليا كلام موثوق عشان ارجعله بحجه قويه .. الكولويسترول والسكر عندي تمام بعد مااعاني من اي مشكله ولله الحمد
لاهنت يالغالي


يمكن عندة وجة نظر معينة بغض النظر عن اجابتة

ولهذا فية شي اسمة second opinion

رح لمكان ثاني لما تتبرع لازم يسوي فحص قبل لا يعتمد قلة ابي نتيجة الدم هل هي سليمة

لان مسالة لازم تصبر سنة وسالفة كريالت الدم ما دخلت راسي

[humax10]

هههههههه
الدكتور باين عليه قديم لو منضف الغبار منه وسائله مره ثانيه ههههه
وحتى الشخص لو كان مستخدم هرمونات ايضا مراح تفرق
اذا كانت الامور ماشيه تمام

خوي سامي لو مستخدم هرمون النمو GH يمنع من التبرع بالدم .....
وروح شوف قائمة الممنوعين من التبرع .. :)

[THh Rock]

السلام عليكم


صراحه حنا بوادي والطب بوادي الله المستعان ...!!

من المعروف من الشخص المتبررع انه \ خالي من الامراض
لم يمارس العاده السريه لاسبوع
ماعنده كلسترول او سكر
ما يستخدم اي هرمون
فحص الهيمو قبل التبررع ..........
هذي الاشياء الاساسيه للشخص المتبرع طبعا عن دراسة وشرح الدكاتره الاجانب الي بالكليه مع العلم اني تعمدت اساله بالمحاضره عن البروتين ... قالي احمد كلنا ناكل بروتين سواء مكمل او طبيعي ..!!

[شموخ المملكة]

طبعا انا ما باضيف على كلام الكباتن كثير
ولكن تناول البروتين ما يأثر على التبرع بالدم وما اقولك ان هذا الدكتور ما يفهم بس يمكن له نظره متشائمة تجاه الحديد
انا من فترة بسيطة والدي اجرى عملية وتبرعت له بدم مع علم الدكتور اني اتناول بروتينات
ولكن الدكتور حذرني بخصوص التبرع بالدم اذا كنت ماخذ كورس هرموني

ويعطيك الف عافيه على الموضوع

[الأفعى الصلبة]

المهم الدكتور بعد مافحص دمي اول شي وشاف كل شي بالسليم شاف شوي جسمي قالي تلعب حديد؟ قلتله اي ليش خير .. قال تستخدم بروتينات بودر بالحرف ! قلتله اي واي بروتين مصل الحليب ليش شسالفه !! .. قال : ماتقدر تتبرع بالدم .. تحطمت انا شوي قلتله ليش يادكتور دام كل شي بالسليم واللي اخذه مكملات طبيعيه عاديه
قال : اي ادري وزينه لك لكن للي بيستخدم دمك موب زينه له

والسبب : انه الكريات الدم الحمراء والبيضاء نشيطه وعاليه جدا عندي عكس اللي بياخذ الدم فبيحدث تصادم وخلخله عنده
وقال لو تبي تتبرع وقف بروتين لمده ست شهور ولو سويت حجامه بعدها بسنه !

طبعا انا اقتنعت وماقتنعت فمادري اذا اي حد عنده رأي ثاني :33:

يعني افهم من كلام هذا الدكتور اذا واحد بيتبرع بالدم لازم يوقف أكل دجاج و لحم و بيض .الخ .....و ما يلعب حديد؟

ولا لان البروتين البودر فيه شي زيادة؟

رأي ان هذا الدكتور معقد يمكن لو تقولة اشرب بيبسي و اكل فاست فوود بقولك لا ما تقدر تتبرع

[adel1992]

متابع بصمت

[simotech]

أنا أتبرع كل 3 أشهر و أستعمل مكملات لاكن الدكتور ينصحني بتبرع

[الامبـــراطور]

انا نفس الكلام جيت اتبرع بالدم قبل اربعة شهور وكان مكتوب في الفورم هل تستخدم بروتينات او مكملات فكتبت نعم قالو لي ماتقدر تتبرع بس انا ماسالت ليش ؟
ونفس الكلام سالوني قالو هل استهدمت انسولين في العام 90 قلت ذاك الوقت توني صغير طبعا لا وبرضو ما عرفت السبب.
طبعا هذا الكلام في مستشفى الملك فيصل التخصصي يعني لا احد يقول هذولي الدكاتره موفاهمين اكيد لهم اسباب هم اعرف والي اعرفة ان زيادة البروتين في جسم الانسان يرفع حمض اليوريك وبعدها يسبب داء النقرص لكن بالنسبة للي يمارس الرياضة لايخاف لانه يحرقها بسرعة
ولاتنسون فيه ناس مريضين بالكبد فيكون البروتين حساس جدا لجسمة وممكن لو زادت الجرعة ترفع انزيمات الكبد ويمكن يموت هذا الكلام صار للوالد الله يرحمة كان عنده كبد والدكتور ناصحة يبتعد عن البروتينات ومره من المرات راح لعزيمة وكل عشى خفيف وع لحم طبعا وتعب تعب شديد لدرجة اننا وديناه المستشفى ودخل العناية .
وهذا ايضا واحد من الجماعة كان عنده اصفرار (يرقان) بسبب الكبد وشرب حليب دسم وراح للمستشفى على طول ماتحمل ونقلوه بسيارة اسعاف .
وارجو ان ما احد يتفلسف ويسب الاطباء وهو مايدريويبسط الامور ويسطحها هذا دم وبيروح لناس محتاجينها فلازم يكون الدم طبيعي الي محتاجة اكيد ان جسمة حساس لكل شي.

[mr.m0hamed]

بسيطه اترك البروتين اسبوع وفلها هههههههههه .

[الأفعى الصلبة]

صح كلامك اخوي الأمبراطور الفورم الذي تقوم بتعبتئة في المستشفى فيه سؤل اذا كنت تستخدم بروتين او امينو اسيد. .. ولكن لا يتم الرفض فورا من يجاوب بنعم

[آبو رآشـد]

^^^


اعرف شخص متخصص يشتغل ببنك الدم في مستشفى الملك فيصل ابتاكد من هالامر بشكل افضل وابرد لكم .

[Heartbeat]

اهم شي انه ماقال البروتين مضر :)
ياليت تتأكدون وتعرفون السبب وراء منع مستخدم البروتين من التبرع

[العاشق M]

ياليت يابوراشد تشوف لنا الموضوع
بصراحه مثل مقال الامبراطور اذا يضر بعض الناس انا اولهم بوقف التبرع بدم

[TheDarkKnight]

كلام االامبراطور صحيح
بس يا جماعة انا رحت اتبرع و عبيت الاستمارة و من ضمن الاسألة هل تستخدم اي محفزات او اي نوع من الهرمونات و انا كتبت اني استخدم محفزات التست و اغلب انواع المكملات الغذائية لكن الدكتورة قالت مافي اي مشكلة لكن سالتني متى اخر مرة استخدمت المضاد الحيوي قلت لها قبل 3 او 4 ايام قالت مايصير يعني المشكلة في المضاد الحيوي مش في البروتينات و الاطباء افهم في مجالهم

[sami1989]

انا نفس الكلام جيت اتبرع بالدم قبل اربعة شهور وكان مكتوب في الفورم هل تستخدم بروتينات او مكملات فكتبت نعم قالو لي ماتقدر تتبرع بس انا ماسالت ليش ؟
ونفس الكلام سالوني قالو هل استهدمت انسولين في العام 90 قلت ذاك الوقت توني صغير طبعا لا وبرضو ما عرفت السبب.
طبعا هذا الكلام في مستشفى الملك فيصل التخصصي يعني لا احد يقول هذولي الدكاتره موفاهمين اكيد لهم اسباب هم اعرف والي اعرفة ان زيادة البروتين في جسم الانسان يرفع حمض اليوريك وبعدها يسبب داء النقرص لكن بالنسبة للي يمارس الرياضة لايخاف لانه يحرقها بسرعة
ولاتنسون فيه ناس مريضين بالكبد فيكون البروتين حساس جدا لجسمة وممكن لو زادت الجرعة ترفع انزيمات الكبد ويمكن يموت هذا الكلام صار للوالد الله يرحمة كان عنده كبد والدكتور ناصحة يبتعد عن البروتينات ومره من المرات راح لعزيمة وكل عشى خفيف وع لحم طبعا وتعب تعب شديد لدرجة اننا وديناه المستشفى ودخل العناية .
وهذا ايضا واحد من الجماعة كان عنده اصفرار (يرقان) بسبب الكبد وشرب حليب دسم وراح للمستشفى على طول ماتحمل ونقلوه بسيارة اسعاف .
وارجو ان ما احد يتفلسف ويسب الاطباء وهو مايدريويبسط الامور ويسطحها هذا دم وبيروح لناس محتاجينها فلازم يكون الدم طبيعي الي محتاجة اكيد ان جسمة حساس لكل شي.


+1

طبعا احنا هنا مو دكاتره ومايصير نتفلسف من نفسنه حتى لو كنه على صح
انا سبق وحللت الدم وللكبد والفحوصات العامه النتائج طلعت طبيعيه ومع العلم انا مستخدم الهرمونات والمكملات
ممكن انو في اسباب كثيره والله اعلم

[buraydawi]

متابع بصمت

+1
سجل واحد

[آبو رآشـد]

انا نفس الكلام جيت اتبرع بالدم قبل اربعة شهور وكان مكتوب في الفورم هل تستخدم بروتينات او مكملات فكتبت نعم قالو لي ماتقدر تتبرع بس انا ماسالت ليش ؟
ونفس الكلام سالوني قالو هل استهدمت انسولين في العام 90 قلت ذاك الوقت توني صغير طبعا لا وبرضو ما عرفت السبب.
طبعا هذا الكلام في مستشفى الملك فيصل التخصصي يعني لا احد يقول هذولي الدكاتره موفاهمين اكيد لهم اسباب هم اعرف والي اعرفة ان زيادة البروتين في جسم الانسان يرفع حمض اليوريك وبعدها يسبب داء النقرص لكن بالنسبة للي يمارس الرياضة لايخاف لانه يحرقها بسرعة
ولاتنسون فيه ناس مريضين بالكبد فيكون البروتين حساس جدا لجسمة وممكن لو زادت الجرعة ترفع انزيمات الكبد ويمكن يموت هذا الكلام صار للوالد الله يرحمة كان عنده كبد والدكتور ناصحة يبتعد عن البروتينات ومره من المرات راح لعزيمة وكل عشى خفيف وع لحم طبعا وتعب تعب شديد لدرجة اننا وديناه المستشفى ودخل العناية .
وهذا ايضا واحد من الجماعة كان عنده اصفرار (يرقان) بسبب الكبد وشرب حليب دسم وراح للمستشفى على طول ماتحمل ونقلوه بسيارة اسعاف .
وارجو ان ما احد يتفلسف ويسب الاطباء وهو مايدريويبسط الامور ويسطحها هذا دم وبيروح لناس محتاجينها فلازم يكون الدم طبيعي الي محتاجة اكيد ان جسمة حساس لكل شي.


جاوبني شخص متخصص يشتغل في بنك الدم في مستشفى الملك فيصل التخصصي

وذكر ان مكملات البروتين عادي ويسمح لة التبرع سوداء كانت مكملات حبوب او مكملات بودرة ولا فية اي مشاكل اما الابر فلا

بالنسبة للفورم المعتمد في مستشفى الملك فيصل


http://www.montada.com/attachment.php?attachmentid=345693&d=1318436940


http://www.montada.com/attachment.php?attachmentid=345694&d=1318437035

http://www.montada.com/attachment.php?attachmentid=345692&d=1318436850

345693

345694

345692

[adel1992]

^^^

بارك الله فيك

اتوقع كذا قطعت الشك باليقين


عوآآآفي ياوحش

[buraydawi]

كفييت ووفييت يَ وحش
بيَض الله وجهك

[تايغر222]

موضوع نقاشي جميل
برمضان كنت استخدم الواي والامينو فقط
يمكن عقب رمضان بأسبوعين تبرعت وماكان شي اي تعليق