المساعد الشخصي الرقمي

مشاهدة النسخة كاملة : التغذية ان اكسبلود والارق الشديد ... الحل ؟؟


mshaf3i
17-10-2011, 03:36 PM
معلومات المتقدم بالاستفسار :
العمر : 30 , الجنس : ذكر

الطول :177 متر
الوزن : 78 كيلوجرام

نسبة الدهون : 25

و الاستفسار كالتالي :
السلام عليكم ورحمة الله وبركاته


مدة اللعب 8 شهور
والان اصبحت بحاجه الى زيادة الاوزان وهذا الامر يتطلب بور شديد
فاخذت ان او اكسبلود والحمد لله النتائج طيبة

ولكن المفعول يستمر معي لساعات كثيره لدرجة اني ممكن اعيش باقي عمري سهران :(


هل ممكن استخدم المنتج بالصباح وانا متاكد انه بيستمر معي الباور لفترة التمرين؟؟

اذا كانت الاجابة بلا ... ياليت تفيدوني بحل لمشكلة الارق



مع العلم بأن عملي لا يتطلب مجهود الى العصر
وابدأ التمرين بعد المغرب



وشكرا
the rock 911
17-10-2011, 03:42 PM
اخي العزيز الارق بيكون اول كم يوم بس بعدها بياخد جسمك وتنام طبيعي . . . او قدم فترة تمرينك وخليها العصر مثلا شوف الي يريحك
mshaf3i
17-10-2011, 03:48 PM
للاسف ودي اقدم فترة التمرين الى العصر ولكن بعد العمل الواحد محتاج يريح شوي قبل التمرين

ممكن استخدمه بالصباح الين جسمي يتعود عليه وبعدها استخدمه قبل التمرين بنص ساعه


يعطيك العافية اخوي على التجاوب
King Of Coffee
17-10-2011, 03:50 PM
اخي العزيز الارق بيكون اول كم يوم بس بعدها بياخد جسمك وتنام طبيعي . . . او قدم فترة تمرينك وخليها العصر مثلا شوف الي يريحك

1+


سؤال من فضلك ... وشو النكهه اللي عندكـ وكيف وضعها ..؟


الله يوفقكـ
mshaf3i
17-10-2011, 03:52 PM
والله مو متاكد
بس النكهه قريبة لليمون
u turn
17-10-2011, 07:39 PM
‘
لا ما ينفع تاخذه الصبح

لازم تاخذه قبل التمرين بـ 30 دقيقه وبنفس الوقت يكون قبل النوم بـ 8 او 7 ساعات <-- عاد ضبطها انت

وبرضو لازم تذبل قصار جهدك بالتمرين ....

اذا ما ارتحت جرب تاخذ نص سكوب وتمرن بنفس توقيتك الحالي يمكن ينفع


الله يعينك ، موفق
S.A.G.2
17-10-2011, 07:45 PM
انا وصلت ياخوك الى سكوبين الحين وبعد الطقاق تنفع معاي في التمرين

ولازال الارق مجنني

لدرجة اني اداوم سهران وارجع انام ساعتين اقوم مصحصح واشرب نوكسبلود وارجع اواصل زي الحصان

مشكلته مششششششششششكلة هالنوكسبلود

مالك الا انك تكرف كرررف مو صاحي في التمرين وتشيل اقوى الاوزان عشان ترجع الببيت ميت تبي ترتاح

واذا قدرت تخلي تمرينك مبكر يعني الظهر ولا بداية العصر يكون احسن عشان اذا جا الليل تقدر تقول تأثيره خف شويه
موعود2020
18-10-2011, 06:37 PM
يا جماعة وشولوه العذاب ,,,, صحتك اولى
اخذ اكسبلود ,, واروح التمرين ,,, وارجع ما انام ,,,, واروح مواصل وارجع اتمرن ,,,,,وثاني يوم اخذ اكسبلود ,,,,,
سلامات ,,,
الزم ما علي صحتي ,,,, اعتقد انه مع الوقت والصبر بتستطيع تشيل الاوزان شوي شوي والله المستعان

موعود
S.A.G.2
18-10-2011, 06:43 PM
^

المعدل الطبيعي للراحة اليومية هو ثمان ساعات ( معدل )
يعني ممكن تلاقي واحد ينام 3 ساعات او 4 يوميا وحاله زي الفل

بعدين نحاول اننا نجمع بين الاوزان العالية والتنشيف
لازم منتج طاقة // لو بدون هالمنتج ما تمرنت اسااسا من زود التعب والنفسية القافله
الحقيقة لا غير
19-10-2011, 12:05 PM
اخوي الكافيين يبقى في الجسم مابين 6 - 9 ساعات ومشكلة الان او اكسبلود خاصة القديم اللعبة في قيمة الكافيين عالية بعكس منتجات اخرى افضل منه. بس وش نقول قوة دعايات
ماعلينا انت كم سكوب تاخذ اذا واحد خليه نص وشوف وش يصير معاك
بعد فتره حتتعود بس العب في الكميات بس بالتدريج يعني
ALmerzaGrsh
19-10-2011, 01:02 PM
اخي الكريم ان ما فادك او حسيت انه ضرك او انه غير مناسب لك ، في انواع ثانية اسئل عنها ممكن تنهي على مشاكلك.

غير كذا المفروض انك تبدأ دائما بكمية قليل و لا تبالغ خاصة ان كنت جديد ولك عدة اشهر، غير كذا انصحك ما تاخذ هذه الاشياء الا بعد فترة 3-6 اشهر من تمارين طبيعية بغذاء طبيعي ، حتى على الاقل يكون جسمك تأقلم وصار في قوة حرق للمواد هذه والاستفادة منها بدل من ان تضل حبيسة جسمك وتسبب لك اضرار.

ودائما عليك بالصبر في التمارين فجميع انواع المكملات لا تظهر نتائجها في اسابيع معدودة او عدة اشهر عليك بالصبر والاستمرار وان تحب ما تقوم به من تمارين وستصل لمرادك واكثر وانت لا تعلم.
mshaf3i
20-10-2011, 02:42 AM
شكرا لكم جميعا

الحمد لله بعد ما استعملته يومين الصباح تعود جسمي بشكل غريب
وصار تاثيره لساعات قليله وبعدها قدرت انام
الحين رجعت استخدمه قبل التمرين بنص ساعه والاوزان في ازدياد والمعنويات عالية ولله الحمد
lord1x
20-10-2011, 03:41 AM
علبكم السلام ورحمة الله وبركاته انا بغيت استعمل نوكسبلود ونصحوني بالانيمل بمب واستعملته والان لي اسبوعين الحمد لله اخر حلاوه ولا سهر ولاغيره بفضل الله ويعطيك طاقه جباره هذي تجربتي حبيت انقلها لك يمكن تنفعك اوتنفع احد اخواننا في المنتدى ونوم العوافي انشاء الله ههههههه