رايكم يا اخوان بالكورس الهرموني

[sasalim]

السلام عليكم ورحمه الله وبركاته


ملاحظه / اجبرت على وضع الموضوع هنا لان اول ما اروح الاستفسارات تاتييني رسااله اداريه بعدم اختيارك للاختصار
وللملاحظه هناك لا تجد اختصار ..

اخواني عساكم من العواده ... ^^
انا لي 16 يوم العب وزدت من 47 .. الى 51 ..
وناوي اول ما اكمل شهر .. اخذ الكورس .. اللي هو 1 ديكا باكستاني .. 20 ملي 2 تستنرون .. هههه ما اعرف اسمه بس هو ها .. 20 ملي3 اوك جين مكسيكي .. 10 ملي

4 اوك بويز مكسيكي .. 10 ملي5 دينا بول تايلندي .. الكرتون فيه 500 حبه وانا محتاج 150 فقط6 قنبله .. حبوب هنديه لزياده الوزن .... ما اعرف شو ها واللي يعرفه يعطينا معلومات
.. الحين انا ببداء فيه بعد العيد باسوع .. ابا رايكم ونصايحكم وايحابياتكم وسلبياتكم هههه كل الللي تعرفون عقوه ابا استفيده .. !!

ملاحظه : سعر الكورس هذا 1150 درهم اماراتي .. هل ترون في شي خطاء اما ان يكون الكورس تعبان او خربان .. او ان السعر طبيعي

[بحريني 14]

16 يووم وتبغى تبتدي بكورس هرموني @@

اللي اعرفه ان اللاعب على الاقل خذاله سنتين باللعبه وبعدين يبتدي بالهرمونات

[بلاك11]

تمزح صح
يعني انت تلعب حديد 3 سنوات ومنقطع وبترجع
ولا بس صارلك 16 يوم وتبدا

[King Of Coffee]

قبل كل شي اذكر معلوماتك كاملة .
طول , وزن , نسبة الدهون , فترة اللعب . والشباب راح يخدمونكـ .

[الـــســـامـــر]

16 يوم بس


وتبي تدش كورس هرموني وو وزنك 51 كغم


وش تبي في حبوب هنديه لزياده وزن وانت اصلا داش كورس هرموني


انا اقول اصبر توك مصارلك 16 يوم


خذلك مكملات احسن لك راح تفيدك


انت الا الحين ماوصلت وزنك الطبييعي يعني بامكانك زياده وزنك طبيعي بمكملات وغذاء


وبعدين فكر بكورس هرموني


انت باول سلم وتبي تطمر اخر شي ( ياحجي مايصير


اصعد سلم حبه حبه وانشا الله بتوصل للوزن الي تبيه

[daughtry]

لا حول ولا قوه الا بالله

والله الى تسويه دمار .. دمـار

[Special 5]

لاحول الله يارب

واحد ماكمل الشهر ويبي ياخذ هرمون

مااقول اللا حسبي الله ونعم الوكيل

ياخوي صحتك مو لعبة

[فلاشي]

انا انصحك تبتعتد عن الهرمونات وخلك عالمكملات أأمن ونتايجها حلوة

ليش تخرب هرمونات جسمك الي ربك خلقها لك ..

انا واوحد من الناس الي ما يفكر يستعمل هرمونات ابدا حتى لو باشراف احسن طبيب

والله يقوي الجميع

[THh Rock]

ناس فاهمه كمال الاجسام غلــط !!
اجل 16 يوم .......!!

[شفاف قطر]

عالاقل هو مب فاهم او مبتدء لكن الح........! اللي بايع له الهرمونات لو هو عارف انه مبتدء


اما لو قديم في اللعبة ماعنده مشكلة كل واحد ويبي المستوى اليي يرضيه ويمكن يحققه بالهرمونات

[الناعسي]

ما تعرف اساميها حتى وتبي تستخدمها

المكملات احسن لك

[sasalim]

سوري عالتاخير يا اخوان .. !!

الى الان انتم ما تشوفون اللي اشوفه ..

شباب وياي ورب الكعبه .. ما لهم خص بالحديد ..

لعبوا لمده اسبوع فقط .. بختصر لكم يعني مجرد سوا تسخين للعضلات .. وبداو يعبون ..


والنتيجه .. تغير في الجسم 89 % .. انا استغرب والحين لهم 5 شهور يتمرنون والجسم في تطور

وما زالو مستمرين ..!!


انا يا اخوان داشه في مخي كورس لمده شهر فقط .. مع تنظيف
ومن ثم استمر في الامينو والبروتين ..


الحين اللي ابا اعرفه .. نصايحكم ..


وشكرا على االلي ردوا علي ..

معلومه يا اخوي جربنا فتح شهيه وبروتينات واخرتها ملينا يعني كان ما لنا الا كورس وفك عمرك ..