(¯`·._) Karazhan على كرسي أعتراف World of Warcraft (¯`·._) [الأرشيف]

Karazhan

28-11-2011, 12:19 AM

حبيب قلبي

ولد بطنها ايش رايك الى يقولك بينزل لك نفس الاسئله الى منزلها لفهد xD

حنشوف حتعمل إيه

كم مره تتسبح بالشهر ؟

مره لما اقعد من النوم , اذا زوجتي عندي اسبح قبل ماادخل الفراش :)

كم مره باليوم تدخل المنتدى بدون تسجيل دخولك رسمي عشان تقرأ بدون مايشغلك احد ؟

كثير

شنو نوع جهازك النقال ؟

ايفون 4 وان شاءالله بشتري جلكسي لأن الايفون سالفته طويله لما بدز للكمبيوتر صور وله كان ترست القسم صور

شنو سيارتك الحاليه ؟

تاهو LTZ

لما تسوي اكل لنفسك هل وانت تاكل تقول ياسلام تسلم ايدك ؟

اكل لقمتين وتنسد نفسي , مااحب الاكل اللي اسويه , ساعات وانا اطبخ وبنص الطبخه تنسد نفسي , بس الناس يمدحون طبخي , مو اقول جذي تنسد نفسي لأن طبخي فاشل لكن انا جذي مااحب اكل اللي اسويه

لما تشوف شي بالسوق يعجبك هل تشتريه لو اضطريت انك تتسلف او تنتظر معاشك عشان تشتريه ؟

مرات اتسلف اذا كان ضروري , ومااتسلف الا من امي

لما تكون بروحك قاعد بدون تلفزيون او كمبيوتر , مثلا بسياره او تتمشى مسافه طويله شوي او بفراشك , هل تسولف مع نفسك ؟

اسولف وادخل في مواضيع ونقاشات بعد , وحتى بالمنتدى اذا شفت مشاركه وماقدرت ارد يعني موضوع اغلق او شي , اقعد ارد بالكلام كأن عندي شخص واقوله وجه نظري والامر طبيعي

كم طولك و وزنك , ولون بشرتك , ملتحي او موس ؟

طولي 180 ووزني 82 لوني حنطاوي فاتح , حاليا قفل لكن افكر اني اشيل الشعر بين الشنب والسكسوكه نفس يوشي يعني زقرتي . لكن الشنب لازم يكون طويل ونازل

مرات اخلي اللحيه ومرات سكسوكه ومرات قفل يعني كل يوم شكل , لكن الشنب مااقرب صوبه نهائيا

عضو زعلت عليه مره من المرات لأن قال كلمه حزت بخاطرك ؟

ماكو احد زعلان عليه ولله الحمد

هل انت مرتاح بحياتك ومقتنع باللي تسويه وشايف انك ماخذ حقك منها ؟

مااخذت الا 1% منها ولاني مرتاح بحياتي بصراحه

كم رصيدك بالبنك , وهل تواير سيارتك جديده ؟

رصيدي توني شفت بالنت اذا نزل بدل اجار او لا , كان رصيدي 7 دنانير وفي بوكي تقريبا 6 دنانير

تواير سيارتي الاماميه جديده مركب الواحد ب120 دينار الله لايخسر , واللي بالخلف ان شاءالله الشهر الجاي لما ينزل معاشي اركبهم

كم مره ذبحت حيوان بحياتك مثلا , قطوه , كلب , خروف , جمل الخ هل سبقت وقتلت شي منهم ؟

قتلت قطاوه وكلاب اجلكم الله ولكن تبت توبه نصوح وماقمت اسويها , الباقي شهدت قتلهم ولكن ماقتلتهم بنفسي

هل انت مدخن او غير مدخن , واذا كنت مدخن بشراهه او عالخفيف ؟

انا مدخن , باليوم تقريبا 2 الى 3 باكيتات

اغنيه اثرت فيك حيل ؟

اغاني عبادي الجوهر تقريبا اغلبها تأثر فيني وتحكي عني

عندك هالرابط اغنيه عدني لكن لما سمعتها دمعت عيني لأن حصلي مثلها بالضبط

http://www.youtube.com/watch?v=RINMJd0I9Nw

ممثل تحب تتابع اعماله ؟

عادل امام افلامه ايام الثمانينات ومحمود عبدالعزيز وغيرهم مايحضرني اسمائهم

عضو لازم تدخل تشوف مشاركاته اللي يكتبها كل يوم ؟

التلاميذ المخلصين فقط امثال البسطويسي , لأن اكتشفت الحين منو الصديق ومنو العدو

هل تهتم بمظهرك كل ماخرجت من البيت , يعني لازم ثوب نظيف مضروب اوتي وعطر والتسريحه وماودك احد يلمسك من الكشخه لا يعفسها عليك حتى لو كنت خارج تقضي شغل بسيط وترجع ؟

اهم شي الملابس نظيفه , الشكل عادي مرات ما اسرح شعري عدل

هل كل يوم تطلع من بيتكم لزياره اصدقاء او ذهاب الى مقهى , يعني خروجك بشكل يومي , وكم من الوقت تقضيه خارج المنزل ؟

قبل اللعبه كنت 24 ساعه خارج البيت مع اصحاب السوء وماارجع البيت الا للنوم , بعد اللعبه صرت اقعد بالبيت وانسى ان في عالم ثاني بالخارج , الحين اطلع لكن نفس الناس يعني , مو 24 ساعه نفس ايام المصبنجيه والعربجيه

هل في بيتكم تشربون الشاي او شاي وحليب بقلاصات جبن , يعني اذا اهلك خلص جبن قلاص عندهم يغسلونه ويضبطونه ويخلونه للشاي والحليب ؟

عندنا درزن قلاصات جبن للشاي والبراده مالت الماي والحليب , شي اسمه كوب مايمشي غير قلاص جبن لاتدور

هل تأكلون الغداء او العشاء على الجرايد بدل السفره ؟

اي والله للأسف مازلنا نستخدم هالطريقه الغير حضاريه

هل انت مرتب بغرفتك , يعني ماتحب العفسه مثل اغلب الشباب العزوبيه , او غرفتك مبهذله والملابس متطشره بأرجاء الغرفه وصحون واكياس المطاعم من شهرين مازالت عندك ولا في نظافه او ترتيب واخر مره نظفوا غرفتك قبل 6 شهور ؟

لما كنت عزوبي اتحداك تتحمل بغرفتي 10 دقايق , قواطي البيبسي يكون فيهم على ربع و نص بيبسي احولهم طفايات , وجبات من مطاعم تظل بغرفتي شهر وشهرين , الملابس متطشره بأرجاء الغرفه ماادري شنو النظيف وشنو اللي كنت مستعمله , بيتنا ماعرف الفيران الا من غرفتي

هل انت من اللي يحبون الناس تمدحهم وتعمل اشياء ما ودك تسويها لكن تسويها عشان يمدحونك الناس بس ؟

اتمنى ان محد يمدحني ولا احب اسمع مدح امامي خاص فيني

يالله شد حيلك عشان بأزبط الدفعه الثانيه على الساعه 12

يعني بداية يوم جديد

دورك ان شاء الله بعد 3 ايام اسأل يوشي عن القوانين

وتعال هالاسأله من وين مطلعها ؟ ماره علي هالاسأله

Karazhan

28-11-2011, 12:20 AM

أنا شفت إجابه سابقه لك فهد الحازمي كيف تجذب علانا وتقل التويمي يارجل مايصير كظا ! << طلعت اللهجه الصدقيه خخخخخ

لا جد ياجماعه هذا يكذب علينا من اولها يكذب ارعصوووهـ بالأسئله http://www.riyadhmoon.com/vb/images/smilies/smilies/66.gif

ابيه يقول تقوم ارحموني عاد احنا ماعندي يمين يسار امي ارحمينا نصحكك بأسئله تخليك تطالع نجوم الظهر http://www.riyadhmoon.com/vb/images/smilies/smilies/65.gif

انا حتى ماقلت حازمي

حازمي ماسمعت ان بالكويت احد منهم الا بالسعوديه

والتويمي عائلتي

Karazhan

28-11-2011, 12:23 AM

أها 33 فقط ظننتك في الأربعين
أفا عليك بس لا تكذب علينا نبي الصدق

أبيك تكتب لنا قصة أبطالها يوشي و أنت و أنا وأعضاء تختارهم أنت.

رايك في أمريكا و إسرائل في 30 سطر .

حلولك للقضية الفلسطينية 30 سطر

رأيك في الثوارات العربية 30 سطر

سأعود للأسألة الخاصة

انتوا شفيكم تتبلون علي واحد يقولك انت قايل حازمي وانتي تقولين عمري بال40

المهم المعلومات اللي فوق اهي الصحيحه

الله يهداج يعني مجموع 90 سطر اكتب عن اشياء مااعرفها ؟ انا مو متابع ولا راوي قصص جيد يعني , او بالاحرى راح اكتب كلام عشوائي ماله اي معنى لأن مش تخصصي

Karazhan

28-11-2011, 12:25 AM

أنا شفت إجابه سابقه لك فهد الحازمي كيف تجذب علانا وتقل التويمي يارجل مايصير كظا ! << طلعت اللهجه الصدقيه خخخخخ

لا جد ياجماعه هذا يكذب علينا من اولها يكذب ارعصوووهـ بالأسئله http://www.riyadhmoon.com/vb/images/smilies/smilies/66.gif

ابيه يقول تقوم ارحموني عاد احنا ماعندي يمين يسار امي ارحمينا نصحكك بأسئله تخليك تطالع نجوم الظهر http://www.riyadhmoon.com/vb/images/smilies/smilies/65.gif

اتقي الله يارجل مايصير تحرض على اخوك المسلم الكسير المجروح

ترضاها احد يسويها فيك بذمتك ترضى

ام ابـراهيم

28-11-2011, 12:27 AM

انتوا شفيكم تتبلون علي واحد يقولك انت قايل حازمي وانتي تقولين عمري بال40

المهم المعلومات اللي فوق اهي الصحيحه

الله يهداج يعني مجموع 90 سطر اكتب عن اشياء مااعرفها ؟ انا مو متابع ولا راوي قصص جيد يعني , او بالاحرى راح اكتب كلام عشوائي ماله اي معنى لأن مش تخصصي

أمزح معك اعرف انك تقول الصدق
إكتب ما يهمني عشاوائي أو مو عشوائي أبي قصة.

لا تكرهني عاد
ههههههههههههههههههههههه

ترى أنا حنونه أبي أخفض عدد الأسطر لخمسة سطور إن وافق يوشي.

Yoshi

28-11-2011, 12:28 AM

1-شنو اكلت اليوم بالفطور "تريقت يعني" ؟

2-لما كنت صغير و الى الان هل تذهب للبقاله او مادري شنو تسمونه عندكم سوبر ماركت يعني هل تروح مع الخدامه عشان تحميك من العرابجه لا يخطفونك او لما كنت صغير بس ؟

3-اخر مره داس في بطنك ابوك او امك او اخوك الكبير متى كانت ؟

4-عاده شنو تاكل الصبح قبل تطلع الدوام او بالعطل ؟

5-هل انت انسان ليلي او نهاري , يعني تحب السهر واغلب ايامك سهر او صباحي فقط وبالعطل تسهر ؟

6-شنو لابس الحين وانت ترد علينا ؟

7-لما واحد يسبك ويشتمك هل تبادله نفس السب والشتم او تقوله اش بك ياشيخ طول بالك وخلنا نتفاهم ؟

8-انت حقود و حسود او ماتهتم مهما صار ؟

9-لون شعرك الصجي اي لون ؟

10-اذا شفت واحد مبنشر بالطريق هل توقف له وتساعده او طاف كأنك ماشفته ؟

11-اذا تم طردكـ من المنتدى لسلل وجيه وهو انكـ غ ـلطان , هل تستمر بالمنتدى او تشوف غيره ؟

12-نفس السؤال ولكن اذا اخذت توقيف لنفس السبب هل تسوي عضويه جديده وتدخل تشارك من جديد او تشوف مكان ثاني ؟

13-لو عطيتك 500 جولد وقلتلك صوت معاي على دريفور انه يكون التالي على الكرسي هل تقبل الجولد وتصوت معاي ؟

14-هل انت غيور ؟

15-شنو موضوع من المواضيع بقسم ووركرافت كاتبه عضو وتمنيت يكون لك او انت اللي ناقله او كاتبه ؟ ياليت تحط رابط الموضوع ان وجد

16-شنو المشاركه او الرد اللي تمنيت تكون انت اللي كاتبه ؟ رابط ان وجد

17-هل تحب العضو بوحا وتعشقه وتبوس التراب اللي يمشي عليه وتتمنى يرجع عشان تعتذرله وتقوله انا عصاك اللي ماتعصاك ؟
18-اخر مره كذبت فيها على الاعضاء متى وشنو كانت الكذبه ؟

19-هل تحب تاكل في المطاعم الراقيه او مطاعم مش حالك , وعادته تاكل بالمطاعم الراقيه او لما تكون عندك فلوس بس ؟

20-كم كان مصروفك اليومي قبل ماتتوظف ؟

21-ليش ماتقدم شكرك للأعضاء في مواضيعهم الا بالحسرهـ يعني كل 5 شهور شكر واحد ؟ هل لأنك جعص او قعيطي او ماهو الجواب نورنا يانور عين امك انت ؟

22-منو احلى حليمه بولد او نانسي عجرم او هيفاء وهبي ؟

23-شنو تحب او تفضل تاكله السمك , دجاج , لحم ؟

24-اذا تحب السمك او اللحم شنو افضل نوع اسماك تحب تاكله او لحم ان كان خروف حاشي تيس غزال ؟

25-اذا كنت بروحك بالبيت واهلك مسافرين اسبوع وقالولك ماكو طلعه الا انك تختار شخص يجلس معاك بالبيت الاسبوع كله , منو تختار من الاعضاء , لاتستحي حتى لو بنت و مو شرط من القسم , بكل المنتدى ؟

26-هل وانت صغير كنت صاحب هوايه التصجيم ؟ وهل مازلت تمارس هذه الهوايه ؟ التصجيم انك تحط اصبعك في خشمك وتنقف وتندمج بالشغله لما تدمع عيونك

27-هل تشعر انك ماظلمت احد بالقسم قبل وبعد الرقابه , وانك عملت كل شي على احسن وجه ؟

28-شنو تفضل الشاي ام القهوه ؟ ان كانت قهوه اذكر ان كانت تركيه عربيه امريكيه

29-هل تحافظ على اوقات الغداء بحيث ماتطوفك ولا وجبه بالبيت وتزعل ان اكلوا عنك ؟

30-اذا عملت شي غلط وبأمكانك ان تنكر ولا احد راح يكتشف , هل تنكر او تعترف بدون تردد ؟

جاإأإأإأوب يالله والنبي تجاوب < وش جاهـ قلب مصري http://www.riyadhmoon.com/vb/images/smilies/smilies/66.gif

يالله ترى هذي فقط البدايه .. يعني اول ليله اخلص علينا باقي اسئله ثانيه http://www.riyadhmoon.com/vb/images/smilies/smilies/72.gif

Karazhan

28-11-2011, 12:33 AM

أمزح معك اعرف انك تقول الصدق
إكتب ما يهمني عشاوائي أو مو عشوائي أبي قصة.

لا تكرهني عاد
ههههههههههههههههههههههه

ترى أنا حنونه أبي أخفض عدد الأسطر لخمسة سطور إن وافق يوشي.

شفيج قفلتي على قصه , يعني انا مو محضر لقصه انا يعني اللي اعرفه اسأله بين الملك والتلاميذ "وعيني قويه اقول تلاميذ بعد"

اما القصص خليها بعدين لما اكتبها ارسلها لج بالخاص

The Slim Shady

28-11-2011, 12:38 AM

لـوووول الحمدلله أنك على الكرسي http://www.alb7ri.com/vb/images/smilies/69.gif !

نبدأ بسرعة !

1- صور شنبك <<< http://www.alb7ri.com/vb/images/smilies/36.gif

2- عندك عـياأإل ؟

3- ليـه تبي تتحرش بقسمنا ؟؟؟

4- لو جيت الرياض بتقابل العربجي مشـعـ[ـل] ؟

5- مستانس ؟؟؟ يبي ينكد ههههههه

يله جاوب بسرعة http://www.alb7ri.com/vb/images/smilies/58.gif

ماقصرت يوشي لـووول http://www.alb7ri.com/vb/images/smilies/187.gif

ام ابـراهيم

28-11-2011, 12:48 AM

ليس كلها قصص قصة واحدة
بس الباقي أسألة
أبيك تكتب لنا قصة أبطالها يوشي و أنت و أنا وأعضاء تختارهم أنت.

رايك في أمريكا و إسرائل في 30 سطر .

حلولك للقضية الفلسطينية 30 سطر

رأيك في الثوارات العربية 30 سطر

جاوب جاوب جااااااااااااااااااااااااااااااااوب
لا تدخلني و تخرجني بالمتهات { لا الخاص ......................و لا شيء...

Karazhan

28-11-2011, 01:07 AM

زين حلل الحبر واكتب شي مو كوبي بيست

1-شنو اكلت اليوم بالفطور "تريقت يعني" ؟ستيك و لحم تكه قبل شوي اكلته لأن قعدت الظهر والغدا طافني وتحملت لي قبل شوي وتغديت+تعشيت بوجبه وحده

2-لما كنت صغير و الى الان هل تذهب للبقاله او مادري شنو تسمونه عندكم سوبر ماركت يعني هل تروح مع الخدامه عشان تحميك من العرابجه لا يخطفونك او لما كنت صغير بس ؟

ماعرف بيتنا الخدم الا قبل 5 سنوات تقريبا , من عمري 5 سنوات وانا اروح بروحي من بيتنا الى بيت ابن عمي العب معاه وكان اهو بيتهم بالرميثيه قطعه 8 وانا بالرميثيه قطعه 6 وين الحديقه ؟ يمها وكنت اروح بروحي كل صبح

انسان مجرم من صغري

3-اخر مره داس في بطنك ابوك او امك او اخوك الكبير متى كانت ؟ابوي الله يرحمه ماعمره مد ايده علي , امي وانا كنت صغير كانت تضربني لأني فاشل دراسيا , لغايه ما اغسلت ايدها مني , اخوي ما ضربني او هاوشني الا مره وحده سنه 89 لما طاح علي اشرب زقاير

4-عاده شنو تاكل الصبح قبل تطلع الدوام او بالعطل ؟

مااذكر اننا كنا نتريق بالبيت الا بالعطله , ولا عمري اكلت وطلعت لأني اعاني من مشاكل او بالاحرى مرض مايخليني اقدر اكل على الريق

5-هل انت انسان ليلي او نهاري , يعني تحب السهر واغلب ايامك سهر او صباحي فقط وبالعطل تسهر ؟السهر صديقي , مااذكر اني قعد اسبوع او حتى اقل بعد من اسبوع الا ويعتفس نومي

6-شنو لابس الحين وانت ترد علينا ؟فانيله داخليه و وزار

7-لما واحد يسبك ويشتمك هل تبادله نفس السب والشتم او تقوله اش بك ياشيخ طول بالك وخلنا نتفاهم ؟

بالمنتدى ما ارد عليه الا بكلام طيب , بره المنتدى صعبه احد يسبني واذا صار ابتسم و اطئطئ رأسي

صح اطئطئ جذي تنكتب ؟
8-انت حقود و حسود او ماتهتم مهما صار ؟

ولله الحمد مافيني هالصفات

9-لون شعرك الصجي اي لون ؟اسود

10-اذا شفت واحد مبنشر بالطريق هل توقف له وتساعده او طاف كأنك ماشفته ؟

مااشوووووووف , الا اذا كان رجل كبير بالسن او امرأه كبيره بالسن , اما الشباب يعني صبيان و بنات طااااف
11-اذا تم طردكـ من المنتدى لسلل وجيه وهو انكـ غ ـلطان , هل تستمر بالمنتدى او تشوف غيره ؟لسلل شنو ؟10 توقيفات ومازلت طايح بجبودكم , لكن اعتقد ان توقفت مره ثانيه بعد الاوسمه اللي حصلت عليها راح افل المنتدى

12-نفس السؤال ولكن اذا اخذت توقيف لنفس السبب هل تسوي عضويه جديده وتدخل تشارك من جديد او تشوف مكان ثاني ؟مااظن

13-لو عطيتك 500 جولد وقلتلك صوت معاي على دريفور انه يكون التالي على الكرسي هل تقبل الجولد وتصوت معاي ؟

لن ارضى الا بفوق تفكير البشر ولو عطيتني كنوز الدنيا كلها

14-هل انت غيور ؟

غيور جدا , بس مو اغار اذا احد حصل على شي , اغار على اللي احبه مثلا اي فأنا غيور لدرجه الجنون ولكن ماافقد السيطره يعني واذبح او اقتل بسبب الغيره لا
15-شنو موضوع من المواضيع بقسم ووركرافت كاتبه عضو وتمنيت يكون لك او انت اللي ناقله او كاتبه ؟ ياليت تحط رابط الموضوع ان وجد

القهوه

16-شنو المشاركه او الرد اللي تمنيت تكون انت اللي كاتبه ؟ رابط ان وجد

ماشفت مشاركه وتمنيت اني انا كاتبها

17-هل تحب العضو بوحا وتعشقه وتبوس التراب اللي يمشي عليه وتتمنى يرجع عشان تعتذرله وتقوله انا عصاك اللي ماتعصاك ؟نسيت تصبغ السؤال هذا . بوحا عزيز وغالي وبأي وقت يرجع اهلا وسهلا على العين والراس , ولو انه ساعات يقول كلام يزعل وانا ماازعل يعني منه لكن يمكن ناس ماتتحمل وتزعل وتسوي مشاكل نفس اللي حصل اخر مره
بس شنو ابوس التراب الله يهداك

18-اخر مره كذبت فيها على الاعضاء متى وشنو كانت الكذبه ؟

لما قلت انا معاي الملايين واكتشفت بالنهايه مو معاي الا مونكن
19-هل تحب تاكل في المطاعم الراقيه او مطاعم مش حالك , وعادته تاكل بالمطاعم الراقيه او لما تكون عندك فلوس بس ؟مطاعم الراقيه طبعا لأنها انظف واللي يطبخ شيف مو بنغالي اضافره اطول من اصابعه حتى

20-كم كان مصروفك اليومي قبل ماتتوظف ؟

من سنه الى 12 سنين 100 فلس
ومن 12 سنه الى 18 سنه نص دينار
ومن 18 ماقمت اخذ من ابوي كانوا اخواني وخواتي يعطوني وكنت تقريبا اخذ 2 الى 5 دنانير , فرجت بعد ال100 فلس

21-ليش ماتقدم شكرك للأعضاء في مواضيعهم الا بالحسرهـ يعني كل 5 شهور شكر واحد ؟ هل لأنك جعص او قعيطي او ماهو الجواب نورنا يانور عين امك انت ؟

لأني اجهل الطريقه وتوني اعرفها , لكن انسى اسويها لأني مازلت مو ماخذ عليها , لكن ان شاء الله اي موضوع اشوفه بشكره حتى لو كان يسبني

22-منو احلى حليمه بولد او نانسي عجرم او هيفاء وهبي ؟بيني وبينك كلهم لكن دهنا في مكبتنا
حليمه يابعد شبدي

23-شنو تحب او تفضل تاكله السمك , دجاج , لحم ؟

سمك

24-اذا تحب السمك او اللحم شنو افضل نوع اسماك تحب تاكله او لحم ان كان خروف حاشي تيس غزال ؟

احب النقرور يكون مشوي مو مرق , زبيدي , شعوم , ميد , صبور , ياعمي كل السمك أكله حتى البرابيج او الخثاق , او مادري شنو تسمونه انتوا حبار يمكن

وفي تاليند اكلت اخطبوط لكن يكونون احجامهم صغيره , تقريبا حجمه نص باكيت الزقاير , خوش شي بالمرق

25-اذا كنت بروحك بالبيت واهلك مسافرين اسبوع وقالولك ماكو طلعه الا انك تختار شخص يجلس معاك بالبيت الاسبوع كله , منو تختار من الاعضاء , لاتستحي حتى لو بنت و مو شرط من القسم , بكل المنتدى ؟

دوديت او استغفار

26-هل وانت صغير كنت صاحب هوايه التصجيم ؟ وهل مازلت تمارس هذه الهوايه ؟ التصجيم انك تحط اصبعك في خشمك وتنقف وتندمج بالشغله لما تدمع عيونك

كنت

27-هل تشعر انك ماظلمت احد بالقسم قبل وبعد الرقابه , وانك عملت كل شي على احسن وجه ؟

الله يسمع منك اصير مراقب , يااخي اخذ الرقابه وعطني نك ذهبي + اوسمه ونقاط تقييم

انا ماادري اذا ظلمت احد ولكن دائما كنت اقول اللي زعل مني بشي او انا زعلته بطريقه غير مباشره او ظلمته وانا ماادري اتمنى يرسلي بالخاص يقولي وانا مستعد اعتذرله امام العالم

لأني انسان مااحب الظلم على نفسي او غيري ولا اقصد اظلم احد الا اذا فهمني غلط

28-شنو تفضل الشاي ام القهوه ؟ ان كانت قهوه اذكر ان كانت تركيه عربيه امريكيه

مدمن شاي و قهوه , والحمدلله ان الكويت ممنوع فيها المشروبات الروحيه وله كان ادمنت عليها بعد

القهوه لازم كل صبح اول مااقعد قلاص جبن نصه قهوه تركيه طبعا غيرها مااشرب لا عربيه ولا امريكيه , لكن الامريكيه ان سافرت وماحصلت مطعم عربي عنده تركيه اشرب امريكيه بالفندق
الشاي بالدوانيه و البيت بالاوقات العاديه , الصبح قهوه وباقي اليوم شاي وقبل النوم قهوه

29-هل تحافظ على اوقات الغداء بحيث ماتطوفك ولا وجبه بالبيت وتزعل ان اكلوا عنك ؟

ياكثر ما ينسوني عالاكل . انا كاتب بتوقيعي مظلوم ليش ؟

30-اذا عملت شي غلط وبأمكانك ان تنكر ولا احد راح يكتشف , هل تنكر او تعترف بدون تردد ؟

مستحيل انكر وان نكرت مااستمر اكثر من يوم الا واعترف

جاإأإأإأوب يالله والنبي تجاوب < وش جاهـ قلب مصري http://www.riyadhmoon.com/vb/images/smilies/smilies/66.gif

يالله ترى هذي فقط البدايه .. يعني اول ليله اخلص علينا باقي اسئله ثانيه http://www.riyadhmoon.com/vb/images/smilies/smilies/72.gif

لاتنسى تلون الاسأله وماتنسى سؤال , وحلل الحبر اللي حاطينه لك الاداره مو كوبي بيست , قلنا محافظ هالمنتدى وماتبي تخسر بس مو جذي

Karazhan

28-11-2011, 01:08 AM

جرحني كتبت كلام شطوله ولما دست اضف الرد قالي سجل دخول

لحظه خلوني اجمع شوي وامشي بالدور

Karazhan

28-11-2011, 01:15 AM

لـوووول الحمدلله أنك على الكرسي http://www.alb7ri.com/vb/images/smilies/69.gif !

نبدأ بسرعة !

1- صور شنبك <<< http://www.alb7ri.com/vb/images/smilies/36.gif

تلفوني مايصور ويرسل لأن ايفون وماعرفله لازم يقولون عندي برنامج اسمه ابل تون او شي جذي , ان شاء الله معاش الجاي اشتري تواير , معاش اللي وراه اشتري صطابات والمعاش اللي بعده ماعندي شي اشتري جلكسي واصور الرمز وتشوفه

2- عندك عـياأإل ؟

عندي 4

3- ليـه تبي تتحرش بقسمنا ؟؟؟

لأن من زمان ماتحرك وقص علي اولدسنيك قالي تعال حرك القسم واعطيك 100 ريال ولما سمعت كلامه ورحت شفت نفسي محاط بين 5 اشخاص ما ارحموا دموعي وله انا قصدي كان شريف

4- لو جيت الرياض بتقابل العربجي مشـعـ[ـل] ؟

ان شاء الله بس خوفك يتوهق فيني يقول هذا معرفه انترنت شكو جايني مسويها معرفه صجيه , مو جاملته مرتين وصدق نفسه قال رفيجي و يمون علي , مااحب احرج احد واطيح بجبد الناس

5- مستانس ؟؟؟ يبي ينكد ههههههه

كل مااشوف وجيهكم استانس انت والشباب بالقسم وكل الموجودين

يله جاوب بسرعة http://www.alb7ri.com/vb/images/smilies/58.gif

جاوبت يالطيب

ماقصرت يوشي لـووول http://www.alb7ri.com/vb/images/smilies/187.gif

ذابحلك ذبيحه تقوله ماقصرت , ارحموا عزيز قوم ذل

Ritzz

28-11-2011, 01:26 AM

مبروك دخولك الكرسي وعقبال وارشيف ،

١- قصة شنبك اول ماطلع

٢- وين ساكن في الكويت

٣- مين تفضل حليمة ولا شوجي :biggthump

٤- لو كنت في البر ومافي الا انت وادوات طبخ ومافي اكل الا خروف حي واكله طيب ، تذبحه وتطبخه ؟

٥- لو سمحولك الشرطه تدور حول الكويت وانت راكب على جمل وبالمقلوب وتعلي على صوت الاغاني وتتنكس وبعد فرة على الكويت يعطونك ١٥٠ ألف توافق ؟

٦- هل في حياتك سرقت ، ومتى ؟

٧- هل تضرب زوجتك ؟

٨- هل مرا بلت على فراشك من بعد ماتتوجت :D

التكمله بعد ول نرحم ابدًا

Karazhan

28-11-2011, 01:28 AM

ليس كلها قصص قصة واحدة
بس الباقي أسألة
أبيك تكتب لنا قصة أبطالها يوشي و أنت و أنا وأعضاء تختارهم أنت.

مره في واحد طرار اسمه يوشي , كان يفتر بالسوق ياخذ من الناس اللي يعطيه هلله واللي يعطيه ريال , واهو مره واقف عند بياع الذره يشتري ذره يتشعى فيها كانت واقفه تشتري ذره وحده اسمها استغفار , وكسر خاطرها يوشي وحاله البؤس اللي يمر فيها , قالتله شرايك تشتغل عندنا بالبيت

قالها شنو اشتغل مااعرف شي الا الطراره , قالت مو مشكله نبي واحد يغسل سيارات ويكنس الحوش ويحلب العنز , قال موافق , عطته رقم تلفون زوجها عشان يواعده ويوظفه , المهم اتصل يوشي على كارازان اللي اهو زوج استغفار ويحبها موت , يحبها ويعشق التراب اللي تدوس عليه

يحبها ولا يرفضلها طلب , وكان مشهور بين اصحابه بأسم الخروف , لأن كان دايم يراضي زوجته ويدلعها ويطلعها مطاعم مثل فرايديزر و ابل بيز وكان يموت فيها , المهم اتصل يوشي وقال انا يوشي اللي بشتغل عندك غسال سيارات واحلب العنز واخبز واكنس واحرث الارض

قال تعالي اليوم العصر البيت عشان اشوف شكلك تصلح تصير فوق اللي تسويه بدي جارد او لأ , المهم لما جاهم البيت شافه مايصلح بودي جارد ليش , لأن مربرب وابيضاني ومسكر زراره اللي فوق , قال خلاص توظف عندي بس اهم شي الصدق والامانه , قال يوشي اوكي

بعد اسبوع طاحت استغفار على يوشي يسرق بيض الدجاج ويبيعه , وقالتله لاتعيدها عشان ما يطردك كرزان احمد ربك توظفت وافتكيك من الطراره , بعد اسبوع صادوه يسرق من حليب العنز ويبيعه لحسابه الخاص و تم تنبيه , بالنهايه قدم استقاله من الوظيفه قالوله ليش ؟ قال خلاص صرت غني

بعت بيض دجاجكم و لبن العنز وحوشت معاشي وفتحت شركه متخصص بتخريج المتسولين

وهذا من انجازات شركه يوشي المحدوده


http://www.youtube.com/watch?v=_BMUjqEFGDI&feature=related

رايك في أمريكا و إسرائل في 30 سطر .

حلولك للقضية الفلسطينية 30 سطر

رأيك في الثوارات العربية 30 سطر

بعدين اجاوب لأن تطول السالفه فيهم

جاوب جاوب جااااااااااااااااااااااااااااااااوب
لا تدخلني و تخرجني بالمتهات { لا الخاص ......................و لا شيء...

طولي بالج شوي امامنا اسبوع كامل

usoppu

28-11-2011, 01:39 AM

الهوايات ؟

افضل شهـر بالسنه والسبب ؟

حلمك في الحياة؟. (http://www.brooonzyah.net/vb/)

أجمل سنوات مرت عليك؟

البرامج المفضلة؟

شخصيتك ( عصبي ، رومانسي ، ....... )؟

اجمل بلد زرتها ؟

ماهو لونك المفضل ؟

من هو مثلك الاعلى ؟

ماهي حكمتك بالحياة ؟

ماالذي يحزنك ؟

ماالذي يغيظك ؟

ماالذي يفرحك ؟

افضل شخصيه في رأيك ؟

من هم الأعضاء اللي تود مصادقتهم ؟ . (http://www.brooonzyah.net/vb/)

من هم الأعضاء اللي تتمنى تشوفهم؟

عضو عاجبتك صورته الشخصيه وتوقيعه ؟

عضو نشيط... ؟

عضو مفقود... ؟

عضو واثق من نفسه ... ؟

عضو داخل مزاجك ... ؟

عضو تتمنى تلقتي به ... ؟

عضو مثقف ... ؟

عضو نفسك تغير اسمه ... ؟

عضو نفسك تكفخه هههه ... ؟

عضو نفسك تقول له ( برافو عليك ) ... ؟

عضو تبي تهديه بيت شعر ايش هو بيت الشعر ؟

ماهو رأيك بالحب ؟

Karazhan

28-11-2011, 01:43 AM

مبروك دخولك الكرسي وعقبال وارشيف ،

الله يبارك فيك , عقبال فوق تفكير البشر مو وورشيف

١- قصة شنبك اول ماطلع

مافهمت 100% شكل شنبي يعني او قصته شلون طلع , اهو نفس ابو عنتر تعرف ابو عنتر اللي مع غوار جذي يعني شكله

٢- وين ساكن في الكويت

سلوى

٣- مين تفضل حليمة ولا شوجي :biggthump

بذمتك في احد بالدنيا عاقل يجيب طاري شوجي ؟ حليمه واقطع

٤- لو كنت في البر ومافي الا انت وادوات طبخ ومافي اكل الا خروف حي واكله طيب ، تذبحه وتطبخه ؟

اذبحه واذبح ابوه , واخذ الجنب واتبله واقطعه واسوي ريش واشويهم , انا مدمن ريش بيني وبينك

٥- لو سمحولك الشرطه تدور حول الكويت وانت راكب على جمل وبالمقلوب وتعلي على صوت الاغاني وتتنكس وبعد فرة على الكويت يعطونك ١٥٠ ألف توافق ؟

حسب ضروفي الحاليه اوافق بس اتلثم بشماغ او غتره , اذا مايصير ما اوافق

٦- هل في حياتك سرقت ، ومتى ؟

ايام العربجيه لما كنت مصبنجي كنا ماخذين السرقه غنائم , كنا جهله

٧- هل تضرب زوجتك ؟

اي وادوس في بطنها بعد

٨- هل مرا بلت على فراشك من بعد ماتتوجت :D

تتوجت يعني تزوجت ؟ اي بلت بفراشي

اخي الفاضل انا اعاني من امراض كثيره ومن الامراض اللي اعاني منها التهاب المثانه وتضخم البروستات وهذي وحدها كفيله تخلي الشخص يتبول لا اراديا , انا حاليا اتعالج ومستمر في كورس مدته 3 شهور , تقريبا كل 10 دقائق اذهب للحمام اعزكم الله للتبول ومره وحده تبولت بفراشي وزوجتي كانت عارفه مشكلتي

وحاليا الحمدلله خفت مني الحاله وصرت امسكها قبل تطلع لأن قديما كان البول لما يخرج من الكلى مايستقر بالمثانه الى ان تمتلئ ثم يخرج مرورا بالحليل الى البروستات والى الذكر , هذا الانسان الطبيعي يكون هكذا ولكن انا ماكان يستقر بالمثانه , كان من الكلئ الى الذكر مباشره ولا اشعر بشي , حاليا الحمد لله اقعد من النوم محسور واروح الحمام تكرمون واقضي حاجتي وارجع انام

نفس ماقلتلك كل تقريبا 10 دقائق اذهب , يعني لما انام مجبور اني اصحى واروح وهكذا , ومره وحده بس حصلت معاي اني مااشعر بشي الا لما اعملها واحس فراشي صار دافئ فجأه

التكمله بعد ول نرحم ابدًا

بأنتظارك , احسن مافيكم ان مامعاكم ولد بطنها الملقب بكرزان , اشوه ان اسألتكم شويه لو ادري كان انا رشحت نفسي الاول

The Slim Shady

28-11-2011, 01:44 AM

تلفوني مايصور ويرسل لأن ايفون وماعرفله لازم يقولون عندي برنامج اسمه ابل تون او شي جذي , ان شاء الله معاش الجاي اشتري تواير , معاش اللي وراه اشتري صطابات والمعاش اللي بعده ماعندي شي اشتري جلكسي واصور الرمز وتشوفه

لـوول برنامج Itunes حق الأغاني والبرامج .. الخ

نفس طريقة جولات Nokia توَصل الـUSB ويطلعك صورة الأيفون ويسألك تفتحه بإيش ؟؟
حط مجلد وتشوف صورك ! ^__^

عندي 4

الله يخليك لهم ويحفظهم يأإرب ^^

Ritzz

28-11-2011, 01:54 AM

بأنتظارك , احسن مافيكم ان مامعاكم ولد بطنها الملقب بكرزان , اشوه ان اسألتكم شويه لو ادري كان انا رشحت نفسي الاول

اها ، الله يشفيك وترجع احسن من اول وبخصوص شوجي ننطرها تكبر :biggthump ، وكنت اقصد تزوجت مب تتوجت

وترا اخر ثلاث اسئله من اختي لان اسئلتي لا تعليق عليها بايخه

Karazhan

28-11-2011, 02:19 AM

الهوايات ؟

التخيلات والهوايه بدون فلوس ماتصير , احب اني امارس شغلات كثيره مثل الصيد "صيد سمك او طيور" لكن مااقدر اتحمل تكاليفهم , والحين مكتفي بهوايه العاب الفيديو

افضل شهـر بالسنه والسبب ؟

الشهر هذا 11 لأنه نهايه الحر وبدايه الشتاء والامطار , اللي انحرمنا منها فتره طويله , وانا انسان اعاني من التعرق بكثره والصيب ابغض الفصول عندي

حلمك في الحياة؟

اروح البر واحصل جنطه فيها مليون دينار , وبدل مااكمل طريقي للمخيم ارجع البيت واخطط للي راح اسويه فيهم

أجمل سنوات مرت عليك؟

لما كان عمري 17 سنه الى 25 سنه

البرامج المفضلة؟

قليل اشاهد التلفزيون او استمع للراديو , ولكن قنوات الوثائقيه تشدني اكثر مثل ديسكفري و ناشونال جورافيك والجزيره الوثائقيه , احب اشوف البرامج هذي حيل

شخصيتك ( عصبي ، رومانسي ، ....... )؟

بصراحه عصبي والرومانسيه معدومه عندي , الا بحالات ثانيه

اجمل بلد زرتها ؟

تايلند , مو اجمل بلد طبعا , لأني يمكن تعودت عليها اشوفها عاديه , لكن اهي الدوله الوحيده اللي ارتحت فيها وعرفت فيها كل ما احتاجه وراحتي النفسيه اجدها هناك , رغم اني اكره الحر والرطوبه لكن قعدتي بالفندق تسوي رموش حليمه بولند

ماهو لونك المفضل ؟

الواني المفضله كثيره , الاخضر البنفسجي الازرق الاسود

من هو مثلك الاعلى ؟

بعد النبي عليه الصلاه والسلام يأتي والدي رحمه الله

ماهي حكمتك بالحياة ؟

سو للتلاميذ خير و قطه بحر

ماالذي يحزنك ؟

لما اشوف امرأه او رجل كبير بالسن يبكي من قهر مر عليه , احزن كثير جدا

ماالذي يغيظك ؟

لما اشوف ظلم امامي , ساعات ماامسك نفسي واتدخل حتى لو تصير هوشه و انفرك فيها المهم اقط وجهي

ماالذي يفرحك ؟

لما اسمع اشاعه زياده الرواتب , وامور كثيره بس بالمنتدى لما اشوف المراقب يعطي كل ذي حق حقه , من وسام ونقاط

افضل شخصيه في رأيك ؟

باللعبه او المنتدى او بره , حدد

من هم الأعضاء اللي تود مصادقتهم ؟

ماافكر اني اصادق احد من المنتدى لأني لو تعرفت عليهم خارج المنتدى راح ابتلش فيهم و في حبهم لي , على فكره انا انسان واقولها لو تقول عني مغرور كيفك , انا كل من قعد معاي وجها لوجه حبني

من هم الأعضاء اللي تتمنى تشوفهم؟

بوحا ودي اشوف شكله , يعني لو يدزلي صورته بالخاص يكون افضل , يمكن اهو يتابع بدون تسجيل دخول ياليت لو يدخل يرسلها لي بشوف شكله

عضو عاجبتك صورته الشخصيه وتوقيعه ؟

والله ماكو لأن الاغلبيه اما حاطين صور العاب وشخصيات باللعبه او رسومات متحركه , فما يشدني لها شي , ولكن صورتي الشخصيه اشوفها الاحلى بينهم , لأنها تعبر عن الشنب + الوجه القبيح البرئ , يعني انت ما مر عليك واحد جيكر حده بس تحس انه حبوب وخوش ولد ؟ هذا صورتي اللي حاطها

عضو نشيط... ؟

انا , اللي يوميا اكتب المفروض يعطوني وسام بس الشكوى لله

عضو مفقود... ؟

البسطويسي قدس سره اتمنى اشوفه دايم بالمنتدى ولا افقد منه , رجل قال وفعل , مو وقت التصويت الكل هرب مني , خلني ساكت

عضو واثق من نفسه ... ؟

فلوتا , حده واثق ماتدخل مشاركه الا تشوف اخر شي مكتوب "اخر تعديل تم بواسطه فلوتا" بط الناس بط ماكو واحد يكتب مشاركه الا عدل فيها , يمكن اهو لما يعدل حرف واحد يغير وجهه نظر صاحب الرد , يعني اتمنى مايعطي نفسه الثقه المطلقه وياخذه الغرور ويقول "انا الصح وصاحب المشاركه غلط" ويقعد يعدل فيها ويضيع محتواها لأن يعتقد ان الكلام الموجود غلط وان اهو عنده الكلام الصح , ولما يشوف الادوات يشوف ان يقدر يعدل بمشاركات الناس , فيدخل ويعدل , ناهيك عن الحذف

يعني لايزعل مني , مو لي مطلق الحريه ؟

عضو داخل مزاجك ... ؟

يوشي , من بعد ماشفت صورته بالفيس بوك ودي ادق معاه صحبه , صغيرون وابيضاني ومربرب وزلوفه ماشاء الله اطول من شنب الملك , ونظارات لابس بو 5 ريالات

عضو تتمنى تلقتي به ... ؟

البسطويسي ميكافلي وورشيف وغيرهم الكثير , كلهم يعني مو اتمنى اشوفهم لكن اشوفهم بالمنتدى لكن ميكافلي انسان احترمه واقدره واجله كثيرا , احب هالانسان

عضو مثقف ... ؟

كثيرين

عضو نفسك تغير اسمه ... ؟

اغير اسمي من كارازان الى ولد بطنها

عضو نفسك تكفخه هههه ... ؟

وورشيف نحش قبل التصويت ودي اصطره

عضو نفسك تقول له ( برافو عليك ) ... ؟

انت اللي قدرت تجيش الجيوش ضد الملك

عضو تبي تهديه بيت شعر ايش هو بيت الشعر ؟

اقول لها

يامن هواه اعزه واذلني كيف السبيل الى وصالك دلني , واصلتني حتى ملكت حشاشتي ورجعت من بعد الوصال هجرتني
اقوله لعضوه معانا بالمنتدى مو شرط بالقسم يعني
ماهو رأيك بالحب ؟

الحب , المشكله مافي بزمنا حب الا حب المصالح , لاتقص على نفسك واجه الحقيقه

Karazhan

28-11-2011, 02:21 AM

اها ، الله يشفيك وترجع احسن من اول وبخصوص شوجي ننطرها تكبر :biggthump ، وكنت اقصد تزوجت مب تتوجت

وترا اخر ثلاث اسئله من اختي لان اسئلتي لا تعليق عليها بايخه

ياهلا فيكم
اسأل لو بايخه عادي , ماعندي شي انا

من كثر ما فيني طاقه ودي اسأل نفسي واجاوب

Karazhan

28-11-2011, 02:26 AM

اعتقد ان الاعضاء انتهوا من الاسأله

واتمنى اني وفقت بالاجابه

الحين ناطرين يوشي يقفل الموضوع و نصوت لشخص اخر يكون عالكرسي

Deathcow

28-11-2011, 02:45 AM

يالله حيييييه نوور الكرسي بوجودك :)!!!

نبدأ نسخن بشوية اسألة لازم تجاوب عليها كلهاااااااااااا

اسمك ؟
- ع ـمرك ؟
- مؤهلك التع ـليمي ؟
- ع ـملك ؟
- الح ـالة الإج ـتماعـية ؟
- هوايآتك ؟

- سلبيآتك ؟

- ايجابيآتك؟

Karazhan

28-11-2011, 02:59 AM

رايك في أمريكا و إسرائل في 30 سطر .

اذا ذكرنا امريكا لابد نذكر معاها اسرائيل واذا ذكرنا اسرائيل لابد نذكر امريكا , يعني الحقيقه ان امريكا واسرائيل دوله واحده ولكن حالها كحال اي ولايه امريكيه بعيده مثل هاواي او الاسكا , ولكن امريكا هي الجسد واسرائيل هي الرأس

هذي اهي نظرتي الشخصيه لهاتين الدولتين , انا رأيي المتواضع ان العرب او الدوله العربيه اللي لها كلمه مسموعه عند امريكا تكون اهي ايضا العقل او الرأس حالها حال اسرائيل , شنو 30 سطر ؟ انا كتبت سطرين وغصيت

انا يااخت استغفار لما ابدي وجهه نظري في امور مثل هذه لابد ان افكر و ابحث واجلس مطولا امام الشاشه قبل طباعه اي رد , يعني مو معقوله تسألين سؤال وتقولين ابي 30 سطر اجابه , انا يمكن نظرتي ورأيي فيهم مايتجاوزون 5 اسطر , 25 سطر اطلعهم منين

اتقي الله ياشيخه

حلولك للقضية الفلسطينية 30 سطر

انهم يتقاسمون فلسطين وكل واحد يتنازل عن بعض الامور , وياخذون كل دوله فيهم حقوقهم المشروعه و تبدأ الدول تطبع مع اسرائيل ويكون هناك تبادل تجاري واقتصادي وكل شي طبيعي , بما انهم اهل كتاب ولو انه محرف ولكن دين سماوي انزل من الله سبحانه , وبما ان الوضع الحالي

يقول ان العرب مستحيل يرجعون فلسطين ويطردون اليهود وان كل المؤشرات تدل على ان العرب يتفادون المواجهه ضد اسرائيل ولو انهم قادرين عليها ولكن امريكا واوربا معها , وبما ان العرب يتعاملون مع البوذيون وعبده البقر وغيرهم

انا اقول يجتمعون العرب كلهم ويقولون لأسرائيل هذي شروطنا , حق العوده للفلسطينيين و الحدود المتفق عليها و و و , واتركوا الفلسطينيين يعيشون بسلام دوله مستقله ذات سياده ومعترف بها بكل العالم

لما يتم هذا يتم التطبيع وكل شي يتم بسلام

وتستمر الاوضاع دام ان العرب يخافون منها ومن امريكا واوربا وبعدين عاد يعيشون بسلام الى ان يخرج المهدي وينزل عيسى عليه السلام ويخرج الاعور الدجال ويقاتل المسلمون اليهود وترجع فلسطين لنا وخلاص

صعبه يعني ؟ دام انتوا عارفين ان اليهود راح يكونون في فلسطين ويكونون المسيطرين الى نزل عيسى عليه السلام , لأن الروايات تقول ان عيسى عليه السلام سوف يقتل الاعور الدجال في فلسطين , عدل ؟

يعني الواحد فينا اكيد راح يفكر ويقول بما ان الاعور الدجال قتل في فلسطين معناه ان الى يوم نزل عيسى عليه السلام اليهود موجودين في فلسطين , عدل يا شباب ؟

واذا قلنا ان العرب الان سوف يجتمعون وتأتيهم القوه والشجاعه لقتال اليهود وطردهم من فلسطين لازم تعرفون ان المسلمين راح يخسرون الحرب , لأن لم يذكر ان المسلمين سوف يقتلون اليهود وترجع فلسطين لهم الا عند نزول عيسى عليه السلام وهو الذي يقتل الاعور و اليهود والخنزير ويكسر الصليب

يعني بالزمن هذا انا اقول يتحدون العرب ويشوفون سلام للفلسطينيين وتكون لهم دوله افضل من وعود و كلام لا يقدم ولا يأخر , ولا يفكرون بالحرب وغيرها لأن مااظن راح ننتصر فيها , واذا انتصرنا لابد يأتي زمن ويحتلون فلسطين مره اخرى , لأن اليهود لن يتخلوا عن فلسطين والعرب لن يرجعوا فلسطين ويقتلون اليهود الا مع نبي الله عيسى عليه السلام

لذلك انا مو وجهه نظري المتواضعه اقول ان السلام هو الحل

رأيك في الثوارات العربية 30 سطر

الثوره المصريه مالها معنى , صارت موضه , مدرس يضرب طالب يخرج الاب بثوره ويمشي خلفه مليون مايدرون شنو القصه ولكن يبون يطلعون بثوره

الثوره التونسيه لها معنى , الحاكم كافر يمنع الصلاه والحجاب ولم يعطي شعبه حقه واقل من حقه بعد

الثوره اليمينه مالها معنى , ناس تاكل قات ولا تدري شنو تسوي قالت خلونا نسوي زي العالم ماتسوي

الثوره الليبيه مالها معنى , سيئاتها اكثر من حسناتها , والمستقبل راح يوضحلكم الصوره

الثوره السوريه لها معنى , علوي عدو الاسلام والمسلمين , الى ان تطاول كما تطاول فرعون وانا انا ربكم الاعلى , اما هذا فقال اتباعه لا اله الا بشار , وهو راض عنهم بل هذا ما يتدارسونه بالحزب

الثوره البحرينيه مالها معنى , قالوا اتضح ان لا علاقه لأيران بها , نعم يمكن الحكومه لاعلاقه لها , ولكن المعممين هم الذين يتبعهم هؤلاء المغرر بهم وليسوا تبعا لأحمدي نجاد و الحكومه السياسيه , هم يتبعون الحكومه الدينيه واغلب الرافضه في الخليج يتبعون معممين من ايران والعراق

ولو سأل اي رافضي في الخليج من يقلد فسيقول مرجعا ايرانيا او عراقيه من اصول فارسيه , قليل منهم من يتبع مرجع من المراجع العرب , الا العرب او من يرى انهم سهل و بسيط في فتاواه

هذا بأختصار اخت استغفار
خوش قافيه ها
لأن الحديث بهذا الشأن يطول جدا , خصوصا بالشأن الشيعي لأني ان تكلم صعبه اتوقف :)

Derover

28-11-2011, 02:59 AM

مبـــــــروووكـ .. مبـــــــروووكـ

1- عندك 3 وردات تهديها لمنو؟ سؤالك المفضل ههههه

2- تشتري اكسسوارات أصلية ولا تقليد؟ يعني مثلاً ساعة تقليد ولا ماركة؟ نظارة تقليد ولا ماركة؟

3- اذا دعمت لا سمح الله تصلح وكالة ولا شغل حي الله؟

4- صورتك اذا ممكن

5- هل تتسبح بصابون رقي ولا صابون الأيام هذي .. دوف لكس إلخ

6- هل تتنشف بفوطة حقيقية ولا احرامات لي الحين عندك ايام العمرة؟

7- هل طبعك اذا جا وقت الحساب تنقز وتحلف محد يدفع ولا تسكت تنطر أحد يدفع لك؟

8- اذا واحد من ربعك يا فلان جيبلي معاك 5 مايتي زنجر و3 تشكن رويال و7 ماك تشكن .. هل تاخذ منه الحساب؟

9- اذا نزل خشمك وماعندك كلينكس شتسوي؟

10- عبيت بانزين وطلعت ناسي بوكك شتسوي؟

11- هل انت من النوع الي كل يوم مطعم ولا مواضب على أكل البيت؟

12- هل انت شخص نباتي؟ يعني تشوف اللحم يغمى عليك؟ ولا اول ما تقوم من النوم تاكل لحمة

13- هل طبعك دايم تسولف وما تسكت ولا بس بالمنتدى؟

14- اذا طلبت من مطعم وجاك الطلب ناقص شتسوي؟

15- رحت مثلاً مطعم هارديز وقلت له عطني وجبة وبدال الببسي مرندا .. وجابلك ببسي بالغلط. تقوله بدله وجيب مرندا ولا تقول حرام يكبه ع الفاضي خلني امشي حالي

16- هل تحب الشطة؟ لما تطلب تقول للمطعم كثررر شطة؟

17- اذا رحت مطعم هندي شنو تطلب؟ اذا ريوق او غدا او عشا

18- شنو نوع زقايرك؟

19- تلبس ملابسك الشتوية القديمة ولا لازم كل سنة ملابس جديدة؟

20- اذا جيت اتغدى .. هل طبعك تكثر من الي على قولتهم مشهيات؟ مثل شطة ليمون تبولة لبن روب؟ ولا تاكل عيش سادة

21- اذا خلص الشامبو تزيده ماي وتمشي حالك ولا تقطه؟

22- كنت ماشي بالشارع وفي يهال يلعبون كرة وواحد فيهم شات الكرة عليك .. وطاح تلفونك وطاحت غترتك وتبهذلت .. شتسويله؟

23- كنت بعرس وصار تقحيص وواحد دعمك .. هل توقفه وتقول تعال ابي حقي ولا تقول فشله اوقفه احنا بعرس واكيد هذا من جماعتنا

24- تهاوشت مع واحد ويوم خلصت لقيت تواير سيارتك شاقينها وانت تدري انه اهو الي شاقها بس ما عندك دليل .. شتسوي؟

25- هل نظامك جعص دايم تدق من الخدمة وماتعبي الا مرة بالشهر دينارين ونص

26- اذا كنت مبنشر ومامعاك جيك ونزلت تأشر .. وقف لك واحد راعي ددسن سودة ومغيمة أسود كتم ووجهه مشقق وشماغه على كتفه .. وقالك اركب معاي نجيب جيك من واحد من الربع ونرجع. هل تركب معاه؟

27- كنت اتعشى مع ناس ما تمون عليهم بمطعم ويوم جا الحساب دقيت الشرف قلت والله محد يدفع ولا تطلع ناسي بوكك.. شتسوي؟

28- كنت توصل بنت لشقتها لما وصلت قالتلك شرايك توصلني لباب الشقة اخاف يصيرلي شي.. شتسوي؟

29- هل طبعك راعي دشاديش ولا راعي بدل؟

30- كنت تدخن وجاك مطوع اسلوبه تعبان قالك مثلاً انت ما تستحي؟؟ تدخن؟؟ ما تخاف من ربك؟؟ هااا ؟؟؟ وقعد يصرخ .. شتسويله؟

31- هل نظامك اذا مثلاً رحتوا مخيم تشتغل بجد واجتهاد يعني انت تسوي جاي واقهوة وانت تشب الفحم وانت تضبط كل شي .. ولا بس تقعد وتفلقها وتسولف؟

32- علق الأصنصير فيك مع واحد يشابه راعي الددسن الي بسؤال 26 وقعد يطالعك بنظرة خبيثة .. شتسوي؟

33- هل انت تجامل مديرك او مسؤولك بالدوام؟ يعني جاك قالك كرزان شرايك بنسفتي؟ تقوله الله حلوة وهي نفس وجهه .. ولا تقول الصج

34- كنت بالسوق وانكب ببسي على ملابسك.. ترجع البيت تبدل ولا عادي تكمل تشتري؟

35- هل تبدل ملابسك يومياً؟ ولا عادي الدشداشة تعلقها وتلبسها اليوم الثاني؟

36- شنو تحب تاكل وشنو تحب تشرب؟

37- شريت من محل وعطاك الباقي وزيادة بالغلط .. ترجعله تعطيه ولا تروح جنك ماتدري

38- شنو وجهة نظرك عن اصحاب السلفرادو الأسود الي مغمينه كتم ويتمشون بليل متأخر على السكنات وصوت الهدرز يخلي عظامك تطقطق؟

39- اكتشفت ان اخوك الصغير يدخن؟ هل تبوس اب بطنه ولا تقول انا كنت اسوي مثله حرام اطقه

40- هل تاكل بقفشة ولا بايدك؟

41- كنت تشرب ببسي بالسيارة وخلص القوطي تقطه من الجام ولا تنطر لين توصل عند زبالة؟

42- اذا كنت مستعجل الفجر وصادفتك اشارة حمراء بس ما عندها سيارات .. تقطعها؟

43- واذا كان عندها شرطي منخش وشافك وشغل السيارة ولحقك هل تحاول تضيعه ولا توقف على طول؟

44- اذا وقفت عند تفتيش تربط حزام الأمان؟

45- نظامك تلبس ساعة وقلم ذهب وجوتي جلد وكبكات ( بزمة ) وعطر فرزاتشي ولا ما تهتم لهل الأمور؟

46- اذا قمت الصبح للدوام تدق السيارة سلف وعلى طول قري ولا تنطرها تحتر؟

47- اذا طلعت تسمع اف ام ولا أغانيك الخاصة؟

48- هل طبعك اذا شفت واحد ماتعرفه تطيح معاه الميانة بسرعة ولا تدق الثقل؟

49- هل فيك حب التعرف على أصدقاء جدد؟ يعني اذا دقيت على رفيجك وقالك تعال انا بالدوانية وعندي شباب ماتعرفهم .. تروح له ولا تقول لا خلاص كنت بسلم عليك؟

50- كنت عازم الرياجيل على عشاء رسمي ومطعمك ما وصل؟ وتدق يطلع مغلق؟ شتسوي؟

الحين الأسئلة الحقيرة

51- تعجبك سياسة المشرفين بحذف الردود او تعديلها باستمرار؟

52- بصراحة تامة هل تعتقد أن يوشي و فلوتا هما أجدرين عضوين بالإشراف؟ يعني هم الأفضل من بد كل الأعضاء

53- لو كان القرار بيدك هل تترك مشاركات الأعضاء مثل البسطويسي..إلخ

54- هل يوشي وفلوتا هم أفضل من جميع المشرفين السابقين؟

55- هل قام أحد المشرفين بحذف رد من ردودك تعتقد أنه لا يستحق الحذف؟

56- مارأيك في البنت التي تمازج الرجال وتضحك معهم في المنتديات؟ وهل ترضى الزواج بها؟ وهل ترضى لأهلك هذا؟
جاوب بصدق

57- هل تعتقد انك تستحق نقاط تقييم أكثر مما لديك؟

58- أيهما أفضل برأيك .. يوشي أم فلوتا؟

59- شيء في سياسة مشرفين القسم تتمنى تغييره؟ ماهو؟

60- هل تعتقد أنه تم ظلم بعض الأعضاء مقارنة بالبعض الآخر في القسم؟

Karazhan

28-11-2011, 03:06 AM

يالله حيييييه نوور الكرسي بوجودك :)!!!

الله يحييك انت شلونك شخبارك

نبدأ نسخن بشوية اسألة لازم تجاوب عليها كلهاااااااااااا

اسمك ؟

مالك خلق تشوف اول مشاركه ؟ اسمي فهد

- ع ـمرك ؟

33
- مؤهلك التع ـليمي ؟

الرابع متوسط قبل مايصير عاشر مادري 11 مادري اي رقم ولكن رابعه متوسط اذا تعرف

- ع ـملك ؟

وزاره الاشغال العامه . موظف بسيط

- الح ـالة الإج ـتماعـية ؟

مطلق مرتين وحاليا متزوج

- هوايآتك ؟

اصعد فوق تشوف يااخي لا تتعبني

- سلبيآتك ؟

ماادري بس نفسيه عصبي مالي خلق اتحرك

- ايجابيآتك؟

اجابياتي ماازعل على احد وان زعلت انسى بسرعه , طيب , خلوق , محترم , قليل الكلام جدا "بالنت فرق اتكلم كثير لكن بره النت قليل الكلام جدا"

مااحب الغش ولا الكذب ولا الظلم ولا اي صفه سيئه ان شاءالله ماتشوفها فيني ولا في احد من اخواني ولله الحمد اولا واخيرا

Karazhan

28-11-2011, 03:07 AM

Dudette

28-11-2011, 03:09 AM

اسمك المستعار ؟

سبب اختيارك لهذاالاسم ؟

لو خيروك تكون مشرف أي قسم تختار ؟

من العضو اللي تحب يضيفك لقائمة الأصدقاء ؟

رأيك بـ الصداقـه بيـن الجنسيـن؟

ماهو رأيك بالحب ؟

صــف نفســـك بكلمتيـــن فقـــط..!

آخـــر شخـــص تتـــذكــــره قبـــل أن تنـــــام؟!؟

حمـامة زاجـــل حاملـــة رســالة لـك,,,من من تتمنـى ان تكــون؟!؟

شخـــص لطــالما حـــلمـــت بــــه؟!؟

شـخــص تتمنــي الإنتقــام منـــه؟!؟

شــئ او شخــص غيــّر مجــري حياتـــك؟!؟

حلم لا تستطيـــع تحقيقه؟!؟

كلمة تود سماعها كل يوم؟!؟

طالع رحله بريه من تاخذ معك ؟؟

غرق المنتدى ومعك قارب مايشيل الا ثلاثه من تاخذ معك ؟

اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

ماهو تقييمك لهذا المنتدى بصراحه ؟

من يسكن قلبك؟

هل تعتقد ان حظك سيئ؟

هل هزمك حزنك في يوما من الايام؟

((مستحيل انساك)) لمن تقولها ؟

(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

(( انت كل شيء بحياتي )) لمن تقولها ؟

متى اخر مره بكيت؟

هل انت راضي عن نفسك ؟

هل تؤيد الزواج العاطفي ام الزواج التقليدي ؟ ولماذا ؟

ايهما اهم شهادتك الجامعيه أم الزواج ممن تحب ؟

هل تعترف بشيء اسمه الصداقه بين الرجل والمرأة ؟

من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

هل انت من لديهم رغبة حب التملك واذا تملك الشيء اصابه الملل منه ؟

اعتذار تريد ان تقدمه لمن؟

يا رب ما اكون طولت عليك :)

Derover

28-11-2011, 04:22 AM

1- كنت بمطعم ستيك ومسكت الشوكة والسكين بتقطع بس ماعرفت .. شتسوي؟ غصب تقطعها وتسوي روحك ذرب ولا تاكلها بايدك؟

2- كنت تصب اقهوة بالدوانية ورجال مد لك فنجاله بس ماهزه وجيت بتصب له ولا الدلة خالصة شتسوي؟

3- رايح تصلي بالمسجد وانت بنص الصلاة تذكرت انك مو على وضوء شتسوي؟

4- شنو أحلى مطعم عندك؟

5- نظامكم تصبون اللبن بدولكة ولا على طول من قوطيه للقلاصات؟

6- اذا كنت عطشان ورحت عند برادة تشرب ماي بقلاص ولا بايدك؟

7- هل انت من النوع المحبوب عند الأطفال؟ يعني تلعب معاهم ولا داق الثقل دايم؟

8- هل تحب الزقارة مع جاي ولا قهوة فرنسية؟

9- أي نادي تشجع؟ أجنبي طبعاً

10- تحب اتابع الكرة واتابع اخبارها؟

11- منو أفضل شاعر عندك؟

12- هل تستمتع بسماع الشعر؟

13- هل انت هاوي للحداق؟

14- تعرف اتسبح؟ يعني لو قطيناك بمسبح عادي تروح ولا اتمسك بالصبة؟

15- هل تقط اغترك وشمغك المصبغة ولا انت تكويها بالبيت؟ ولا كل شي براس الخدامة؟

16- انطباعك عن أصحاب السيارات الغالية؟ الي يوقف يمك بالاشارة ولا يفكر انه يطالعك لأن مستواه أعلى منك

17- هل تحمل معاك فلوس كاش؟ ولا دايم تحاسب كي نت؟

18- جم عدد أفراد أسرتك؟

19- جم عدد الأشخاص الذين يسكنون معاك بنفس البيت؟

20- جم مرة سويت ننجا بواو؟

21- جم مرة ساعدت بنت لأنها فيميل طمعاً في التعرف عليها

22- اذا كنت بقروب ومعاكم واحد مايعرف يلعب؟ هل نظامك متسامح ولا تطرده؟

23- أماكن تقضي فيها أغلب وقتك؟ في الحياة الواقعية وليست واو

24- هل تجيد العزف على أي شيء؟ عود؟ قيتار؟ بيانو؟ اورق؟ حتى لو مرواس او طار؟

25- هل صوتك حلو لما تغني ولا لما تقرأ قرآن؟

26- هل نظامك تحب تصور نفسك دايم بالتلفون؟

27- لما تقعد مع ربعك تاخذون صور للذكرى ولا ما يحتاج؟

28- شنو الألعاب الي تلعبها بالجنجفة؟ كوت؟ بلوت؟ هند؟

29- اذا شميت عطر حلو عند رفيجك هل تسأله شنو اسم عطرك ولا تستحي تسأله؟

30- هل انت شخص انطوائي؟ ام اجتماعي؟

31- أصدقائك واجد ولا شوي؟

32- هل انت من النوع الي ما يتحمل يقعد لحاله يعني يزهق؟ ولا عادي تقعد بالساعات تفكر ماكو مشكلة؟

33- هل تهتم بوجهك؟ يعني اذا في حبوب تستخدم كريمات؟ ولا عادي مو هامك كلش

34- شنو التسريحة الي دايم تسويها؟ شلون تخلي شعرك؟

35- تشيش؟ أي معسل؟ وليش؟

***********************

36- اذكر سلبيات يوشي + فلوتا

37- هل قرار تعيين فلوتا مشرف كان صحيح؟

38- هل أصبح القسم أفضل بتعيين فلوتا مشرف فيه؟

39- لو كان القرار لك.. وتحتم ترقية عضو إلى مشرف.. هل كنت ستختار فلوتا؟

40- هل تعتقد أنك ظلمت من قبل المشرفين؟ ام انك أخذت حقك 100% بصراحة تامة

Derover

28-11-2011, 05:09 AM

1- هل تحب طلعات البر والكشتات؟ ولا كلش مالك فيها؟

2- حالياً الشتاء هذا مسوي مخيم؟

3- تحب طلعات المقناص وصيد الفري ولا هم بعد مالك فيها؟

4- مركب على سيارتك قطع مثل شوتا او دبات ولا ما تحب هالسواف؟

5- جم عدد ساعات نومك تقريباً؟

6- اذا نمت تشاخر؟

7- هل مع كل نومة حلم؟ ولا الأحلام شوي تجيك؟

8- جم أعلى ريتنق وصلت له بواو؟

9- وشنو أعلى مستوى وصلت له بالريدات؟

10- نظامك حالياً بواو pvp ولا pve?

11- هل نظامك تسوي دقات بربعك؟ وشنو آخرة دقة سويتها؟

12- وقت القحط يمكن يعني الطفرة باللهجة السعودية.. الوقت الي تكون فيه مفلس، تروح تكد بسيارتك توصل عبرية؟

13- اذا كنت مفلس وقلت اليوم هذا لازم أدبر 100 دينار؟ شالحل؟

14- أيام صغرك كنت مصبنجي؟ وشلون كنت تستدرج الفطافيط؟

15- شنو أكثر حلم مرعب شفته؟ حاول تتذكره واكتبه

16- أيام المدرسة كنت تداوم بجنطة ولا مصبنجي بسيور؟

17- اذا لا سمح الله انكسرت ايدك وحطولك جبس .. تكتب عليه ذكريات ولا تخليه نظيف؟

18- هل نظامكم بالبيت 10 بنفس الفوطة ولا كل واحد له لون؟

19- اذا قمت من النوم تاكل كورن فلكس؟

20- شنو أحلى لعبة عندك بالآيفون؟

21- وقت الزهقة ( الطفش ) شتسوي؟ شلون تونس نفسك؟

22- أيام المتوسط كنت تسطر الدفتر وتحط عليه ستكرات وتكتب بألوان ولا كله لون واحد؟

23- اذا كنت قاعد بستار بوكس تشرب قهوة و2 يمك يسولفون تقط اذنك معاهم؟ ولا تحاول ما تسمع؟

24- انت من النوع الملقوف؟ يعني اذا صارت هوشة تتفرج ولا اذا صار حادث تخفف السرعة وتطالع؟

25- وين تشتغل؟

26- اذا صرت مريض لا قدر الله تروح مستشفى خاص ولا حكومة؟

27- تحلق عند حلاق هندي ولا لبناني؟

28- اذا رحت السوق تشتري تكاسر المحل إلى آخر لحظة ولا تشتري على طول؟

29- بما انك مصبنجي .. جم طفل استدرجت؟

30- جم مرة دخلت السجن؟

31- اذا كنت زهقان ومعاك ولاعة هل تجرب تحرق أي شيء؟ مثلاً بلاستك

32- اذا كنت متأخر عن الدوام ووقف الشارع .. تستخدم حارة الأمان؟

33- اذا دخلت محطة بانزين وكانت زحمة على الصوب اليسار واليمين فاضي وفرضاً ان فتحة البانزين لسيارتك يسار .. هل تنتظم بالدور باليسار ولا تروح يمين وتوصل الهوز للفتحة؟

34- جم مرة تهاوشت مع استاذ بالمدرسة؟

35- نظامك ماتعرف تنام بالازعاج ولا عادي تتأقلم مع الوضع؟

36- عمرك جربت الحشيش؟ الخمر؟ الحبوب؟ أي شي ممنوع؟

37- بالعيد تعطي عيادي لليهال؟

38- دق تلفونك ورديت طلع واحد قالك "فلان معاك المخفر" هل تخاف وتقول شششـششننــوو؟ ممـ..ـمـخخفــرر ؟؟ ليييش انا شسويت؟ ولا عادي؟

39- جم مرة استخدمت الواسطة بحياتك؟ وبشنو استخدمتها؟

40- هل تقرض اظافرك بمقراضة ولا بحلجك؟

41- هل انت تفتح خدمة الآيفون كل شهر؟ ولا تقزرها وايرلس بالمقاهي؟

42- اذا شخص شافك أول مرة تتوقع شنو الفكرة الي بكونها عنك قبل لا يكلمك؟

43- اذا مثلاً قعدت بمكان والي حولك يتكلمون بألغاز وحسيت ان الكلام عنك.. شلون اتدارك الوضع؟

44- كنت بتدخل مكان ولا تسمع اثنين داخل يحشون فيك؟ هل تصدمهم وتدخل ولا تقعد تسمعهم وتروح؟

45- شنو الرياضة الي تحب تمارسها؟

***********************************************

46- اذا فلوتا ارتكب خطأ تعتقد يوشي راح يخالفه ويطبق عليه القانون كأي عضو آخر ولا بيغض الطرف عنه؟

47- هل هتمان يستحق ان يكون مشرف؟

48- هل تعتقد أن بعض أعضاء القسم يطلق عليهم لقب خرفان؟ يعني كل ما دخل الجنس اللطيف سألوها هلا فلانة شلونج شخبارج وينج من زمان؟
بصرااااااااااااااحة جاوب هع هع ولو تذكر اساميهم يكون احسن .. مع ان مو لازم لأنهم معروفين ههههههااي < ضحكة حقيرة

49- لو كنت مشرف القسم شنو القرارات او الأشياء الي ودك تضيفها للقسم؟

50- لو قالولك أي مشرف بقسم واو تتمنى ياخذون الاشراف منه غير هتمان؟ وقالوا لازم تختار .. تختار يوشي ولا فلوتا؟

Derover

28-11-2011, 05:12 AM

شوف أول يوم مافي حد للأسئلة يعني اسأل كثر ماتبي

بعدين يصير الحد 10

وترا أسئلتي مو كوبي بيست ولا من قوقل مثل أغلب الأسئلة

كلها انا قايلها وحصرية يعني لازم تجاااااااااااااوب

وما عندنا يما ارحميني صح يوشي ؟

Karazhan

28-11-2011, 05:15 AM

مبـــــــروووكـ .. مبـــــــروووكـ

الله يبارك فيك , وين ال60 سؤال ماشفتهم مكتوبين عند يوشي

1- عندك 3 وردات تهديها لمنو؟ سؤالك المفضل ههههه

اعطي ورده للملك لأنه من خلاله اعرفوني الناس ويمكن حبوني بعد بسببه
وورده اعطيها البسطويسي لأن انسان دافع عني عندما تخلى عني الكثيرين
وورده اعطيها يوشي لأن اهو المراقب الوحيد اللي ذكرني بوسام ونقاط ,وله اللي قبله مايذكروني الا بالتوقيف الله يسامحهم

2- تشتري اكسسوارات أصلية ولا تقليد؟ يعني مثلاً ساعة تقليد ولا ماركة؟ نظارة تقليد ولا ماركة؟

كل شغلي تقليد الا الايفون , نظارتي اصليه لأنها هديه , كانت عندي نظاره تقليد نفسها راي بان و زوجتي شرتلي هديه نظاره والحين استعملها , رحت تايلند بعد رمضان وشريت نظاره بوليس ولما رجعت الكويت رحت مراجعه بسياره القفل فيها خربان ولما رجعت شفت النظاره مسروقه , اهي الوحيده الاصليه اللي شريتها

3- اذا دعمت لا سمح الله تصلح وكالة ولا شغل حي الله؟

على حسب السعر اذا الفرق كبير اروح السكراب اجمع قطع واروح محل يركبهم ويصبغهم , اذا وكاله سعرها يعني يفرق 200 او 300 وعندي اسويهم بالوكاله , بس انا اولويه عندي شغل وكاله لكن الضروف اهي اللي تحدد

لكن قطع غيار لازم وكاله يعني مثلا سيارتي يبيلها دسكات وسفايف اروح الوكاله مااشتري تجاري

4- صورتك اذا ممكن

ان شاء الله لما اشتري جلكسي بصور وانا اكل واشرب وانا بالقهوه وانا العب وانا مع الملك وانا بالبر وانا بالتاهو وراح اخليك تقول تراك ذبحتنا بصورك اللي يشوفك يقول جورج وسوف

5- هل تتسبح بصابون رقي ولا صابون الأيام هذي .. دوف لكس إلخ

ديتول و لايف بوي

6- هل تتنشف بفوطة حقيقية ولا احرامات لي الحين عندك ايام العمرة؟

لا اتنشف بروب و فوطه صغيره على راسي
روب مو زبادي يعني , نفس البالطو شي جذي

7- هل طبعك اذا جا وقت الحساب تنقز وتحلف محد يدفع ولا تسكت تنطر أحد يدفع لك؟

اذا ناس مااعرفهم او معانا ضيوف اسويها , اذا ربعي الخاصين احط ايدي في مخباتي واقول "خلو شباب لحظه لحظه ياجماعه خلوها علي"

لغايه ما اكتشفوا امري وقالوا انت دايم تقول جذي ولا تطلع شي

8- اذا واحد من ربعك يا فلان جيبلي معاك 5 مايتي زنجر و3 تشكن رويال و7 ماك تشكن .. هل تاخذ منه الحساب؟

للأمانه لا ان كان معاي فلوس يكفي الطلب , اذا ماعندي اقوله ماعندي ترى

9- اذا نزل خشمك وماعندك كلينكس شتسوي؟

ماعمرها صارت معاي لأني حريص للأمور هذي , ولما اخلص من الدش اطلع اتنشف واروح المغسله استنشق واروح بالكلينكس انظف وبعدين اطلع

والكلينكس مايفارقني بالبيت والسياره , ولو فرضنا ان صار هالشي احطها بأيدي واشوف تكرم حمام وانظف نفسي

10- عبيت بانزين وطلعت ناسي بوكك شتسوي؟

اعطيه بطاقتي المدنيه , او اتصل على اي واحد لأن المحطه بنفس شارع الدوانيه , لكن العاده وتصير امامي اشوف الناس اللي تنسى تحط بطاقتها المدنيه وبعدين تدفع

11- هل انت من النوع الي كل يوم مطعم ولا مواضب على أكل البيت؟

والله المطعم اكثر شي , لأن اهلي لما ينادوني على الغدا او العشا اتأخر بالاستجابه وياكلون عني , مرات يطقون علي الباب اعصب وازفهم اقول مابي عشا او غدا

المطعم خصوصا بيتزا هت حافظيني وكل السواقين يعرفوني من كثر مايوصلولي طلبات

12- هل انت شخص نباتي؟ يعني تشوف اللحم يغمى عليك؟ ولا اول ما تقوم من النوم تاكل لحمة

اليوم فتحت ريقي بستيك و تكه لحم

13- هل طبعك دايم تسولف وما تسكت ولا بس بالمنتدى؟

بالمنتدى بس
وانا خجول جدا ترى بره الانترنت يعني , لاتفكر ان انا هني نفس لما اكون بالدوانيه او بأي مكان عام

14- اذا طلبت من مطعم وجاك الطلب ناقص شتسوي؟

اذا جوعان واللي ناقص شي مهم اناديه يجيب اللي ناقص واذا عادي اكمل اكل ولا اهتم

15- رحت مثلاً مطعم هارديز وقلت له عطني وجبة وبدال الببسي مرندا .. وجابلك ببسي بالغلط. تقوله بدله وجيب مرندا ولا تقول حرام يكبه ع الفاضي خلني امشي حالي

ما قلت الا هارديز , اكرهه هالمطعم وكل ما اكل فيه يحوشني تسمم , وانا من الامراض اللي اعاني منها المعده , حساسيه معدتي فوق الطبيعي واي اكل فيه نسبه 1% قذاره اروح فيها , يعني مثلا الانسان الطبيعي يتحمل او المعده تتحمل عنده 30% اكل مو نظيف وفوق ال30% يحوشه تسمم
انا 1% , يعني تقريبا كل يومين رايح الطبيب , عموما ماتفرق بيبسي او غيره المهم مشروب يمشي اللقمه عشان ما اغص

16- هل تحب الشطة؟ لما تطلب تقول للمطعم كثررر شطة؟

احب الشطه لكن من الامراض اللي اعاني منها القولون ولما اكل شطه حاره اروح فيها مو من الحراره ولكن القولون يتضخم عندي واروح فيها

افضل الشطه الخفيفه اللي حرارتها باللسان فقط وبعدين تروح

17- اذا رحت مطعم هندي شنو تطلب؟ اذا ريوق او غدا او عشا

مااروح مطعم هني الا للشباتي بس , ساعات شباتي مع جبن مالح و زيت زيتون وشطه اللي نفس ماقلتلك عنها بس مذاق تكون , هذا طلب بالمطاعم الهنديه

18- شنو نوع زقايرك؟

مارلبورو احمر من سنه 91 الى اليوم ماغيرته

19- تلبس ملابسك الشتوية القديمة ولا لازم كل سنة ملابس جديدة؟

ايام العزوبيه كل سنه جديد

الحين دشاديشي من 3 سنوات ومازلت احافظ عليهم ل5 سنوات جدام بعد

20- اذا جيت اتغدى .. هل طبعك تكثر من الي على قولتهم مشهيات؟ مثل شطة ليمون تبولة لبن روب؟ ولا تاكل عيش سادة

مع العيش مرق و لبن وشطه ابو علوب عرفته مو ابو ديج , ابو ديج كان زين بس الحين مادري شنو سوو فيه صار نار , انا احب ابو علوب يكون لذه بس , هذا اللي احطه اما سلطه احطها مع العيش لا

الا اني احط السلطه عندي وبين كل 5 لقمات عيش اكل سلطه شويه بعدين ارجع للعيش

21- اذا خلص الشامبو تزيده ماي وتمشي حالك ولا تقطه؟

ازيد ماي , انت اخاف اخوي احمد , شدراك بكل هالاسرار ؟ او كل الكويتيين نفسي وانا مادري

حتى صابون ديتول و لايف بوي اللي يكون سائل اذا خلص ازيده ماي , بس ساعات اكثر الماي واعفس الشغله يصير ماله معنى

22- كنت ماشي بالشارع وفي يهال يلعبون كرة وواحد فيهم شات الكرة عليك .. وطاح تلفونك وطاحت غترتك وتبهذلت .. شتسويله؟

الم اغراضي وامشي

23- كنت بعرس وصار تقحيص وواحد دعمك .. هل توقفه وتقول تعال ابي حقي ولا تقول فشله اوقفه احنا بعرس واكيد هذا من جماعتنا

انا اصلا مستحيل اصفط بالاماكن اللي يصير فيها تقحيص , واذا دعمني ما اكلمه اهو من نفسه يجي ويعتذر ويقولي راح اصلحلك , انا معروف بالمنطقه يعني ومااظن ان احد يدعمني وينحاش لأن كل اللي يقحصون من ربع عيال اخوي واعرفهم واحد واحد

صعبه ينحاشون مني واذا نحش اصيده ماله مفر , لكن انا ما ابدأ واقوله صلحلي , انا اعصابي بارده مو نفس يعني واحد تندعم سياره يروح يركض وغترته تطيح وحالته حاله عشان يمسك سيارته اللي دعمه على باله جنغر يقدر يوقفها ويصارخ جدام العالم

لا انا هادي جدا ولا اتحرك شعره

24- تهاوشت مع واحد ويوم خلصت لقيت تواير سيارتك شاقينها وانت تدري انه اهو الي شاقها بس ما عندك دليل .. شتسوي؟

مااسوي شي واذا عندي رقمه اتصل عليه اقوله انت مسوي هالشي اذا قال لأ اسده ولا اظلمه واذا قال اي اقوله ليش شنو الفايده , يقولي كيفي لعانه مثلا اقوله اوكي حصل خير واخليه اذا عنده ضمير و انبه ضميره يمكن يتأسف بعدين ويقولي اعطيك تواير جديده على حسابي واذا عطاني طاف بعد شسوي

25- هل نظامك جعص دايم تدق من الخدمة وماتعبي الا مرة بالشهر دينارين ونص

لا طبيعي بس من عرفت الايفون صار استخدامي للخدمات قليله جدا اللهم الا خدمه الانترنت اشترك شهر وشغلي كله واتساب , وانا يعني حياتي كلها مسجات مع اهلي وربعي وكل العالم اللي تعرفني , يدرون ان انا كله مسجات وبعد الواتساب صار احسن بعد مجانا

26- اذا كنت مبنشر ومامعاك جيك ونزلت تأشر .. وقف لك واحد راعي ددسن سودة ومغيمة أسود كتم ووجهه مشقق وشماغه على كتفه .. وقالك اركب معاي نجيب جيك من واحد من الربع ونرجع. هل تركب معاه؟

اي لأن انا شكلي تقريبا نفسه , هذا اذا اهو ما خاف مني

27- كنت اتعشى مع ناس ما تمون عليهم بمطعم ويوم جا الحساب دقيت الشرف قلت والله محد يدفع ولا تطلع ناسي بوكك.. شتسوي؟

اقولهم انطروني على ما ادفع , وامسك مدير المطعم واقوله السالفه اني عازمهم ضيوف عندي ونسيت بوكي واخذ البطاقه المدنيه واجيب بعد شوي ادفعلك , اذا رفض اتصل على احد يجيني معاه فلوس واقول للضيوف اقعدوا شوي اشربوا عصير على هالجو الشاعري بالمطعم لأني احس برجولي مو قادره تشيلني , يعني ارقعها عشان يقعون على مايوصل اللي داق عليه

28- كنت توصل بنت لشقتها لما وصلت قالتلك شرايك توصلني لباب الشقة اخاف يصيرلي شي.. شتسوي؟

اوصلها وانا شاق الحلق يمكن تقولي اشرب شي حرام توصلني بدون ماتشرب شي , طبعا راح اوافق بعد

29- هل طبعك راعي دشاديش ولا راعي بدل؟

دشاديش

30- كنت تدخن وجاك مطوع اسلوبه تعبان قالك مثلاً انت ما تستحي؟؟ تدخن؟؟ ما تخاف من ربك؟؟ هااا ؟؟؟ وقعد يصرخ .. شتسويله؟

افركه وانتف لحيته , مو انا اللي يقولي ماتسحي بالشارع ويصرخ علي

31- هل نظامك اذا مثلاً رحتوا مخيم تشتغل بجد واجتهاد يعني انت تسوي جاي واقهوة وانت تشب الفحم وانت تضبط كل شي .. ولا بس تقعد وتفلقها وتسولف؟

القهوه مو اختصاصي "العربيه" لكن اضبط النار واشبها واسوي شاي خصوص , شاي غوري واروح اجمع عرفج او جرم او اي شجره ميبسه عشان احطها على النار وتعطيني ريحه البر

يعني اتحرك مو من اصفط لغايه ما ارجع البيت وانا قاعد

32- علق الأصنصير فيك مع واحد يشابه راعي الددسن الي بسؤال 26 وقعد يطالعك بنظرة خبيثة .. شتسوي؟

نظره خبيثه ؟ اقوله شفيك تطالع ؟ اذا غلط او قال كلمه مو زينه او اي شي مايدل على الاعتذار البسه بكس على خشمه اخليه يطيح مغشي

33- هل انت تجامل مديرك او مسؤولك بالدوام؟ يعني جاك قالك كرزان شرايك بنسفتي؟ تقوله الله حلوة وهي نفس وجهه .. ولا تقول الصج

مديرتي مره "امرأه" والظاهر انها تعشقني واهي اللي قالتلي مابي اشوفك تداوم الا لما ادق عليك , عاد اهي تدق تقولي وينك ماتبين ودنا نشوفك , كأني انا المدير مو اهي

طبعا اجاملها دايم واضحك معاها بس بحدود يعني , ساعات اذا ماعندي شغل الصبح رحت لها نسولف شوي عن امور خاصه مااحب اذكرها هني

34- كنت بالسوق وانكب ببسي على ملابسك.. ترجع البيت تبدل ولا عادي تكمل تشتري؟

احاول انظفه واذا ماكو فايده اشتري اي بدله والبسها بالمحل واكمل شغل

35- هل تبدل ملابسك يومياً؟ ولا عادي الدشداشة تعلقها وتلبسها اليوم الثاني؟

حسب المشاوير , انا عادته كل يوم لبس جديد لكن الدشداشه ساعات البسها واطلع مثلا جمعيه وارجع تكون نظيفه مافيها شي واقعد طول اليوم مااطلع بالحاله هذي البسها ثاني يوم , لكن الملابس الداخليه يوميا ابدلهم

36- شنو تحب تاكل وشنو تحب تشرب؟

انا من طبعي اكل كل شي واشرب كل شي

يعني مو نفس بعض الناس اللي يقولك ما اكل سمك او لحم وناس يقولون مانشرب لبن او عصير فلاني

انا كل شي متوفر اعطيها بالخمسه , احس المشاوي بكل انواعه بس افضل السمك اكثر شي

ومشروبي القهوه والشاي , البيبسي والسفن

37- شريت من محل وعطاك الباقي وزيادة بالغلط .. ترجعله تعطيه ولا تروح جنك ماتدري

ارجعله

38- شنو وجهة نظرك عن اصحاب السلفرادو الأسود الي مغمينه كتم ويتمشون بليل متأخر على السكنات وصوت الهدرز يخلي عظامك تطقطق؟

كنت بصير نفسهم لكن الحمدلله افتكيت منهم , قبل التاهو كنت ادور وانيت واخواني 2 عندهم وانيتات لكن عندهم سيارات ثانيه , انصحوني وقالولي افتك منه ترى تمل منه بسرعه

واحد من اخواني نفس اللي قلت عنهم وانيت مرفع وهدرز واصطابات ليزر وهالسوالف قالي افتك , انا النيه كنت بشتري اسود وارفعه 6 انش

بس لما اقنعوني اخواني اخذت تاهو

347745

نفس هذا كنت ناوي اسوي , اخوي نفسه وقلتله بيعه لي قالي ماراح ابيعلك لأني مابيك تاخذ وانيت , المهم لما شريت تاهو اخوي باع وانيته لأن زهق

ف اللي تشوفهم كلهم زهقانين وماكو شغل ولو ان الوانيت لابد منه بكل بيت

39- اكتشفت ان اخوك الصغير يدخن؟ هل تبوس اب بطنه ولا تقول انا كنت اسوي مثله حرام اطقه

اخوي اللي اصغر مني عمره 27 سنه يمكن ومتزوج فيدخن مايدخن كيفه , عندي اخوي اصغر منه بعد عمره 14 سنه يمكن لكن يعاني من الربو ومااظن ان راح يدخن

واذا دخن راح انصحه اما الضرب مايدور عندنا بالبيت وماعمره احد ضرب الثاني

40- هل تاكل بقفشة ولا بايدك؟

بيدي

41- كنت تشرب ببسي بالسيارة وخلص القوطي تقطه من الجام ولا تنطر لين توصل عند زبالة؟

لما اوصل عند الزباله عزكم الله

42- اذا كنت مستعجل الفجر وصادفتك اشارة حمراء بس ما عندها سيارات .. تقطعها؟

لا

43- واذا كان عندها شرطي منخش وشافك وشغل السيارة ولحقك هل تحاول تضيعه ولا توقف على طول؟

مااطوف اشارات حمرا نهائيا الا اذا كان معاي مصاب او حاله خطره تتطلب مني السرعه , واذا شافنتي دوريه اوقف واقوله عن الحاله , وصارت معاي من قبل ووقفت وقلتلهم وعيال الحلال قالولي خلاص امش خلفنا و دق الفلشر ومشى بسرعه عاليه وانا خلفه وطوفني اشارات و عكس السير الى ان وصلنا للمستشفى

44- اذا وقفت عند تفتيش تربط حزام الأمان؟

لا , لأني انسى , واذا الشارع واقف وزحمه وتذكرت البسه

45- نظامك تلبس ساعة وقلم ذهب وجوتي جلد وكبكات ( بزمة ) وعطر فرزاتشي ولا ما تهتم لهل الأمور؟

ما البس ساعات مع ان عندي الكثير طبعا اشتريهم من تايلند كلهم بو طقه بس درجه اولى لكن مااحب البسهم , قلمي عادي , جوتي صارله عندي سنين طويله لكن مازال جديد لأني شاريه اصلي وغالي و ماشاء الله مازال كأنه جديد امس شاريه , لكن البسه بالشتا بس , عطوراتي اصليه مشكله من كل نوع موجود

تعبتني يااخي بأسألتك

46- اذا قمت الصبح للدوام تدق السيارة سلف وعلى طول قري ولا تنطرها تحتر؟

ماعندي دوام الصبح , دوامي عصر , التاهو بصراحه احافظ عليه لكن سياراتي اللي قبله دق سلف وحرك

47- اذا طلعت تسمع اف ام ولا أغانيك الخاصة؟

عبادي الجوهر بس وجلسات خاصه بعد

48- هل طبعك اذا شفت واحد ماتعرفه تطيح معاه الميانة بسرعة ولا تدق الثقل؟

لا التزم السكوت ولا اتكلم الا ان سألني عن شي , وارد عليه بحدود السؤال فقط

49- هل فيك حب التعرف على أصدقاء جدد؟ يعني اذا دقيت على رفيجك وقالك تعال انا بالدوانية وعندي شباب ماتعرفهم .. تروح له ولا تقول لا خلاص كنت بسلم عليك؟

على حسب , وانا اقعد في دوانيه كل يوم ضيوف عندنا واشكال جديده لأن دوانيتنا 24 ساعه , يعني اي واحد من دوانيه ثانيه راح دوانيته الرسميه وماحصل احد يمرنا لأن يدري ان دوانيتنا 24 ساعه

لذلك كل يوم اشكال جديده واذا واحد من دوانيه ثانيه اتصلوا عليه ناس يبونه يقولهم تعالوا دوانيه فلان انا موجود فيها , وهكذا

وعلى حسب اذا لي مزاج رحت واذا مالي مزاج طاف

50- كنت عازم الرياجيل على عشاء رسمي ومطعمك ما وصل؟ وتدق يطلع مغلق؟ شتسوي؟

امي لو ادق عليها هالحزه والحين الساعه 4 ونص واقولها سويلي عشا عندي ضيوف تقوم تسويلي

المطعم مااتعامل معاهم , لكن اذا تعاملت وحصل هالشي اعتذر منهم واقولهم باجر ان شاء الله , المطعم خون فيني

ادق عالمطعم بعدين واقول للمدير تعال ابي طلب انا شخص جديد ولما يجيني اصطره بالدوانيه واشوف مطعم غيره

الحين الأسئلة الحقيرة

والله كسرت ظهري مو قادر اتحرك

51- تعجبك سياسة المشرفين بحذف الردود او تعديلها باستمرار؟

يوشي خبير لكن فلوتا عليمي ويتدخل بكل شي , اي كلمه بأي مشاركه ماتعجبه دخل وعدلها او حذفها

وهذا غلط جسيم

52- بصراحة تامة هل تعتقد أن يوشي و فلوتا هما أجدرين عضوين بالإشراف؟ يعني هم الأفضل من بد كل الأعضاء

يوشي اي لكن فلوتا ونعم فيه بس عليه ملاحظات

وكمراقب جديد لابد ان تطلع منه غلطان , ولكن مو انه يستمتع ان الرقابه يقدر يعدل مشاركات ويحذف على كيفه فيستغل هالشي عشوائي بدون حسيب او رقيب , لازم يعرف ان المراقب لابد ان يكون محايد بكل شي

حتى سالفه الجيلد لما كتب احد الاخوان موضوع بخصوص الجيلد يوشي التزم الصمت اما فلوتا وقف مع اصحاب الجيلد وكأنه يقول للأعضاء انا معاهم

وهذا اكبر غلط لأن نفس ماقلتلك المراقب اول مايمسك الرقابه يرمي كل شي خلفه ويكون محايد بكل شي , يعني فلوتا تنقصه الخبره بأداره الامور

53- لو كان القرار بيدك هل تترك مشاركات الأعضاء مثل البسطويسي..إلخ

بصراحه لا

بس البسطويسي ماتكلم الا يوم يدافع عني فقط لان كان الموضوع معارك طاحنه وقتها بين الاعضاء , هذي اول مره شارك فيها البسطويسي وكانت مشاركته دفاعا عني , انا ادري ان اهو عضو معانا وماحب يكتب فيها لأن مايبي الناس يقولون يافلان كلنا مع بعض وانت بروحك مع ولد بطنها

لذلك الرجل مايبي اي احراجات ودخل بأسم البسطويسي و دافع الى ان اخذ توقيف وبعده لحقته انا توقيف

لكن بعدين دخل علينا اناس جدد ضد بوحا , ماكان هدفهم الا التضييق على المراقبين لتوقيف بوحا , ودخل البسطويسي معاهم لأن تذكر ايام بوحا سابقا ولأن ايضا عضو معانا يدخل كل يوم ويشوف ويشارك يمكن

ولكن لما شاف الثورات بكل البلاد العربيه ووصلت الى القسم مع العلم ان المنتدى اول منتدى بالعالم يقوم بثوره يسجلها التاريخ لنا

المهم دخل مع المعمعه وشارك الى ان توقف , يعني البسطويسي مو نفس غيره يدخل ويتكلم بأمور مالها اي علاقه بالقسم , ولكن يدخل يدافع عني وعن الدين , يعني اهو شارك بغير القسم هذا ترى

ولكن بكل الاحوال المشاركات اللي مالها علاقه بالقسم لازم تحذف وتترك المشاركات اللي يكتبونها الاعضاء المعروفين معانا , والبسطويسي لو يشارك بالقهوه بأي شي عادي ولكن بأسمه الحقيقي اما البسطويسي لا لازم تحذف اذا مالها علاقه بالقسم

ولكن اذا دفاعا عن حق مسلوب او دفاعا عن الملك فله الحريه بأبداء رأيه , يمكن مايبي الكلام عليه ان دخل بأسمه الحقيقي , يمكن اهو مراقب معروف ومايبي احد يعرفه ويمكن ان دخل بأسمه الاحمر او العنابي يقولون هذا واسطه وكذا ويدافع عن كارازان ومانبي مشاكل خلوهم على راحتهم

ماتدري عن ضروف الرجل , انا اشك انه مراقب عنابي لأن حصل توقيفات على الاي بي ويرجع الظاهر انه انسان واصل

54- هل يوشي وفلوتا هم أفضل من جميع المشرفين السابقين؟

يوشي اي اما فلوتا ماجربته الى الان

55- هل قام أحد المشرفين بحذف رد من ردودك تعتقد أنه لا يستحق الحذف؟

فلوتا حذف لين قال بس

56- مارأيك في البنت التي تمازج الرجال وتضحك معهم في المنتديات؟ وهل ترضى الزواج بها؟ وهل ترضى لأهلك هذا؟
جاوب بصدق

عاديه اشوفها وارضى الزواج منها ليش لأ اذا غنيه طبعا :)

لكن ماارضى اهلي يدخلون

57- هل تعتقد انك تستحق نقاط تقييم أكثر مما لديك؟

اذا يوشي قال اني استحق كل التوقيفات اللي حصلت عليها بمشواري الفني

لأن مثل ماانت عارف وانا ماازكي نفسي على الناس ولكن يمكن كل اعضاء المنتدى سمعوا فيني او يعرفوني وانا مااعرفهم , وقدمت خدمه للقسم وتكفلت بالاستفسارات بدون لا اطلب مساعده احد

يعني تقديرا لجهودي المتواضعه كل جواب اجاوبه بالاستفسارت ويستفيد منه السائل يشكروني عليه المشرفين , وصدقني لو يشكروني على كل جواب جاوبته من بدايه وضع الموضوع الى اليوم كان تشوف نقاطي واصله الوفره

58- أيهما أفضل برأيك .. يوشي أم فلوتا؟

مع احترامي وتقدير الكبير لفلوتا , يوشي الافضل

59- شيء في سياسة مشرفين القسم تتمنى تغييره؟ ماهو؟

انهم يستمعون للعضو الجديد ويوقفون معاه حاله حال العضو القديم

هم مافيهم هالصفات ولكن اتمنى انهم يبتعدون عن العنصريه والدخول في مشاكل مع الاعضاء يعني عضوين مختلفين مايدخلون طرف ثالث بالمعركه ويكتفون بتهدأت الوضع , ولا يوقفون مع شخص ضد شخص

ولا يعدلون مشاركات الناس او يحذفونها الا ان كانت لا علاقه لها باللعبه او مشاركه لاعلاقه لها بالموضوع , ولا يعدلون المشاركات الا ان كانت هناك شتيمه او كلمه جارحه او كلمه سيئه ويحذرون الكاتب بالرسائل الخاصه , واذا في مشاركه فيها كلام جارح ضد اي عضو يتركونها ليتحمل صاحبها العواقب

الى ان يشاهدها كل الاعضاء ويقررون شنو يكون عقاب صاحبها التوقيف او الحذف مع عدم تكرار الموضوع , يعني اذا انا كل يوم اسب ناس ويدخل يوشي يعدل مشاركاتي وفي ناس تعبوا نفسيا مني لأني اسب واغلط وتقعد مشاركتي يوم كامل الناس تشوفها وبعدين يدخلون يشوفون تعديل عليها من يوشي

طبيعي الناس تقول ولد بطنها هذا عنده ظهر واي شي يقوله ياخذ حقه فيه يوم وبعدين تتعدل المشاركه لما الناس كلها تشوف انه سبني وشتمني

و يوشي عنصري يطوف فلان ويمسح مشاركه فلان ان كتب ويعطي هذا ويترك هذا

بالحالهخ هذي راح يسقط القسم وتصير شكاوي على المراقب , هذا اذا ما دخلوا باسماء جديده وانتقموا من يوشي كل يوم يدخلون 5 او 6 يعفسون القسم

غير الاعضاء اللي مالهم نشاط بس يدخل يشوف شنو جديد وشنو اخر المواضيع ويشوف سياسه المراقب ويبدأ يكره لله في لله لأن عنصري ومايعطي الناس حقهم

فأنا اوجه الى المراقبين انهم يكونون عند حسن ظن الجميع وليس فلان وعلان , يوشي باله وسيع واعرفه انا حقاني الا يعني شوي ناشف بالاوسمه والنقاط لكن بالواسطات وحقوق الاعضاء محفوظه عنده

لكن فلوتا والله ماادري عنه لكن اتمنى ان يكون دايم محايد حتى لو تكلمنوا عن شي اهو فيه ان كان جيلد او اي شي مشابه

يلتزم الحياد ويترك الناس تعبر عن اللي بداخلها , مو يكتب اي رد كذا وكذا راح يحذف و يتم تحذير صاحبه , يعني لا تتسرع بقراراتك استمع للناس كلهم وتقبل وجهات نظرهم صدقني راح تنحب لأنك منصف وحقاني

60- هل تعتقد أنه تم ظلم بعض الأعضاء مقارنة بالبعض الآخر في القسم؟

محد انظلم كثري ولكن ارجع واقول المثل

سو للتلاميذ خير وقطه بحر

اشهد انك جبت العيد فيني بأسألتك

الحين الساعه 5 وربع الله يهداك

انت 15 سنه بعد ماتسألني

Karazhan

28-11-2011, 05:19 AM

انت شنو ؟

انت صكيت علي

من وين طالعلي انت ؟ انا انهد حيلي وانا اجاوب ال60 سؤال

انت على بالك كتابه الاسأله نفس الاجابه ؟ الاجابه لازم تفكر وتكتب رد وترجع تمسحه وتكتب غيره

انا كان يقول وورشيف اني مركب مفاعل نووي \ لو يشوفك يطق على راسه

انت مركب ديول كور مفاعلات نوويه

خلني اريح وبعدين اجاوب

ولا تسألني مره ثانيه وفر لل6 ايام الباقيه مو بعد يومين ماتدري شنو تقول و حتى الاعضاء مايدرون شنو يسألون لأنك سألت عن كل شي

Karazhan

28-11-2011, 05:55 AM

اسمك المستعار ؟

ولد بطنها ملك اللعبه اللي عروقي بالماي

سبب اختيارك لهذاالاسم ؟

لأن حبيت اغير جو الكآبه اللي كان مسيطر على القسم وبما ان عندي خبره لا بأس بها في اللعبه اخترت الاسم

لو خيروك تكون مشرف أي قسم تختار ؟

لن اقبل الاشراف مادمت حيا

من العضو اللي تحب يضيفك لقائمة الأصدقاء ؟

كل اللي يحبوني عشان اعرفهم وابادلهم الحب

رأيك بـ الصداقـه بيـن الجنسيـن؟

ماتصلح عندنا لأننا شباب ندور البنت اللي ينقص عليها بسرعه

ماهو رأيك بالحب ؟

اتمنى اجربه مع وحده غنيه عشان نتوج حبنا بالزواج

صــف نفســـك بكلمتيـــن فقـــط..!

نادر جدا

آخـــر شخـــص تتـــذكــــره قبـــل أن تنـــــام؟!؟

والله ماادري لكن قبل انام ادخل في احلام يقضه عاده ماتكون عن مستقبلي والبيت و الاولاد

حمـامة زاجـــل حاملـــة رســالة لـك,,,من من تتمنـى ان تكــون؟!؟

من اجمل كويتيه كاتبه فيها اللي يشوف الرساله يدق علي عشان يتزوجني واعطيه مليون دينار مهر

شخـــص لطــالما حـــلمـــت بــــه؟!؟

سميه خشاب

شـخــص تتمنــي الإنتقــام منـــه؟!؟

لايوجد

شــئ او شخــص غيــّر مجــري حياتـــك؟!؟

مافي احد غير حياتي الا اذا وصلتني الرساله صج مع حمامه الزاجل

حلم لا تستطيـــع تحقيقه؟!؟

اسدد ديوني

كلمة تود سماعها كل يوم؟!؟

مبروك

طالع رحله بريه من تاخذ معك ؟؟

انتي او استغفار

غرق المنتدى ومعك قارب مايشيل الا ثلاثه من تاخذ معك ؟

انتي واستغفار اراشي <---- توه ماتوقف صج هالمره

اذا اردت ان تبكي الان , فعلى من تبكي؟

على ابوي

من ستختار ليمسح دموعك ؟

سميه خشاب

لو خيروك بين حبيبك وبين اعز صديق فمن تختار ؟

اعز صديق

ماهو تقييمك لهذا المنتدى بصراحه ؟

3 من 10

من يسكن قلبك؟

محد

هل تعتقد ان حظك سيئ؟

اسوأ من السيئ

هل هزمك حزنك في يوما من الايام؟

لأ

((مستحيل انساك)) لمن تقولها ؟

سعاد

(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

يوم كانوا الشاليهات على 7 الاف وماشريت والحين وصل اقل واحد 100 الف ولا ناوي يبيع

(( انت كل شيء بحياتي )) لمن تقولها ؟

للي راح احبها مستقبلا

متى اخر مره بكيت؟

قبل يومين

هل انت راضي عن نفسك ؟

عملت كل اللي اقدر عليه والحمدلله راضي على كل حال

هل تؤيد الزواج العاطفي ام الزواج التقليدي ؟ ولماذا ؟

افضل الزواج العاطفي لان نفس حالتي لابد يكون يعني انا اختارها بنفسي واتفاهم معاها ونشوف نستطيع التنازل عن بعض الامور و نتوافق بكل شي ونتفق علي كل شي

ايهما اهم شهادتك الجامعيه أم الزواج ممن تحب ؟

الحب طبعا

هل تعترف بشيء اسمه الصداقه بين الرجل والمرأة ؟

بمجتمعنا صعبه لأن الهدف معروف

من هو اكثر شخص تفكر فيه؟

والله ماافكر لما اكون في مكان اشغل نفسي فيه عن الامور الاخرى , ولكن ان جلست بروحي افكر شلون ابني بيتي

اما الاشخاص اللي افكر فيهم مايحضرني حاليا ولكن بنتي دايم تطري علي

.اذا تم تعيينك ملكا لجميع البلاد العربيه فما اول قرار ستتخذه ؟

تركيب تواير لكل الفقراء

هل تكره شخص بشده في حياتك ؟

لا

ما هو اقتراحك الذي تتمنى ان يحدث في هذا المنتدى ولم يحدث الى الان ؟

جعل المنتدى مخفي للزوار

هل ملابس الشخص امامك تؤثر فيك لتأخذ عنه انطباع ؟؟

لا , لأني مقتنع ان مايكشخ الا الفقير

ماالذي يلفت انتباهك بسرعه في الشخص لكي تعجب به ؟

اعفيني من السؤال

اذا احببت شخصا في الوقت الخطأ وفي المكان الخطأ فماذا تفعل ؟؟

الحب مايعرف وقت وزمان , دام الحب بين الطريفين فكل شي يتسهل

حكمة تؤمن بها جدا؟؟

سو للتلاميذ خير وقطه بحر , مقوله الان اكتشفت انها صحيحه

عاده تفعلها دائما تتمنى ان تتركها ؟

دخول مواقع مشبوهه :)

ماهو اجمل اسم لولد واجمل اسم لبنت من وجهة نظرك؟

والله مايحضرني ولكن عبدالعزيز اسمي ابني الكبير سميته لأن اسم من ناحيتي حلو و ريم للبنت

هل انت من لديهم رغبة حب التملك واذا تملك الشيء اصابه الملل منه ؟

لا , لأني محروم من امور كثيره وعادي عندي ان حصلت عليها او لأ

اعتذار تريد ان تقدمه لمن؟

الى كل شخص سمع او شاف مني كلمه زعلته

يا رب ما اكون طولت عليك :)

بعد عمري والله مو نفس الحبيب 60 سؤال وبعدهم 40 سؤال ومازال يكتب اسأله

شاطره بالاسأله بس التصويت منحاشه

Derover

28-11-2011, 06:12 AM

هههههههههههههههههههههههههههههههههه

السموحة يا حجي حقك علي :ponder:

ماكان قصدي أتعبك بالأسئلة كنت ابي استمتع باجاباتك :32:

خلاص ولا تزعل ماني سائل شي ثاني بعد

الا اذا بتسمحلي ماعندي مشكلة :أفكر:

لوول والله ضميري يأنبني أحس اني مسوي ذنب ولا ظلمتك بالغلط

خلاااص ماعاد بسأل والأسئلة مو لازم تجاوب عليها

انته حرر اذا بتجاوب ولا تبيني اكمل اسأل :09:

Karazhan

28-11-2011, 06:42 AM

1- كنت بمطعم ستيك ومسكت الشوكة والسكين بتقطع بس ماعرفت .. شتسوي؟ غصب تقطعها وتسوي روحك ذرب ولا تاكلها بايدك؟

غصب اقطعها وين قاعد اكل بأيدي ستيك لا وانا يعني من مدمنين الستيكات واعرف يعني اكلها بالسكين والشوكه

2- كنت تصب اقهوة بالدوانية ورجال مد لك فنجاله بس ماهزه وجيت بتصب له ولا الدلة خالصة شتسوي؟

اكسرها على راسه , شالاسأله الله يهداك , يعني انا اصب قهوه من الصبح ومو حاس انها خالصه , اقوله انطر اعبيها بعد شقوله بذمتك

3- رايح تصلي بالمسجد وانت بنص الصلاة تذكرت انك مو على وضوء شتسوي؟

اكمل صلاتي ولما اخلص اروح اتوضى واصليها

4- شنو أحلى مطعم عندك؟

دعوات و بيتزا هت و فرايديز

5- نظامكم تصبون اللبن بدولكة ولا على طول من قوطيه للقلاصات؟

على طول حبيبي ماعندنا دولكه اذا قلاصاتنا جبن تبي عندنا دولكه , ان شاء الله يسوون جبن قلاص عائلي كبر الدولكه عشان نستغله مره وجده ونسوي طقم قلاصات مع دولكتهم

6- اذا كنت عطشان ورحت عند برادة تشرب ماي بقلاص ولا بايدك؟

بيدي خصوصا قلاصات البرادات بالشارع مصديه ومتروسه طحالب

7- هل انت من النوع المحبوب عند الأطفال؟ يعني تلعب معاهم ولا داق الثقل دايم؟

عيالي يقولون لعمهم اللي اهو اخوي ودنا انت ابونا , داق الثقل عليهم ولا احب الاطفال , احبهم ان كانوا ساكتين لكن لما يبجي انحاش من البيت انام بالدوانيه

8- هل تحب الزقارة مع جاي ولا قهوة فرنسية؟

جاي ولو قهوه تركيه بدل الفرنسيه كان قلت مع القهوه التركيه

9- أي نادي تشجع؟ أجنبي طبعاً

مالي فيهم كلش

10- تحب اتابع الكرة واتابع اخبارها؟

:) لاعبين الكويت مااعرفهم

11- منو أفضل شاعر عندك؟

مااحب الشعر

12- هل تستمتع بسماع الشعر؟

اذا كان عن وطن او تحريض على قتال اي , استمتع بأشعار العراقيين ايام الحرب الايرانيه مثل فلاح عسكر و تم قتله من قبل الرافضه العراقيين وبالتحديد مجيد الخوئي قتله وقطع لسانه وقال راح اقطع لسانك اللي تردد به قصائد للعراق وصدام وتتهجم به على الامام الخميني , مع ان مجيد هذا عراقي لكن من الخونه التابعين لأيران واللي كان يذبحهم صدام واللي يكتشفون مقابرهم الان , كلهم خونه ملاعين تابعين للخميني ضد ابناء شعبهم

اسف خرجت عن الموضوع

13- هل انت هاوي للحداق؟

اي وكل اخواني بعد وطاح عندي طراد 20 قدم وبعته بعدين واخواني هم راعيين طراريد لكن فلو الحين واهتموا بشؤونهم الاسريه

14- تعرف اتسبح؟ يعني لو قطيناك بمسبح عادي تروح ولا اتمسك بالصبة؟

اعرف اسبح

15- هل تقط اغترك وشمغك المصبغة ولا انت تكويها بالبيت؟ ولا كل شي براس الخدامة؟

الدشاديش غسيل وكوي بالبيت والغتر بالمصبغه كوي

ايام عزوبي كنت اجمع ملابسي بالسله ولما تنترس اقطهم المصبغه ولكن بعد الزواج ارتحت منو يغسل ومنو يكوي مو مهم المهم اني اشوف كل شي موجود وجاهز

16- انطباعك عن أصحاب السيارات الغالية؟ الي يوقف يمك بالاشارة ولا يفكر انه يطالعك لأن مستواه أعلى منك

انا مااطالع يمين او يسار , الا قليل جدا يعني ان وقف يمي ماادري عن هوى داره

17- هل تحمل معاك فلوس كاش؟ ولا دايم تحاسب كي نت؟

كاش

18- جم عدد أفراد أسرتك؟

16 هذا انا واخواني وخواتي اما اذا اسرتي قصدك انا وعيالي وزوجتي كلنا 6

19- جم عدد الأشخاص الذين يسكنون معاك بنفس البيت؟

6 عوائل كلنا والاطفال من اخواني وولد عمي وانا جيش كامل , مادري كم لكن كثيرين وخواتي تقريبا يوميا عندنا لأنهم يسكنون قريب من بيتنا فيصير العدد كثير يمكن 40 شخص :)

20- جم مرة سويت ننجا بواو؟

كثير لدرجه اني صرت مشهور بالسيرفر وغيرت اسمي عشان افتك من الفضيحه , على فكره رفيجي ملك اللعبه اللي عروقه بالماي اهو اول نينجا باللعبه

21- جم مرة ساعدت بنت لأنها فيميل طمعاً في التعرف عليها

ساعدت لكن بدون هدف التعرف , لأني بعد مااخلص ادق سلف واحرك على طول بدون مااطيح بجبدها واقولها اخذي رقمي يمكن تخترب فيج السياره مثلا او تطلعلج مشكله , اخلص شغل واطالعها واعطيها نظره اللي يكسر الخاطر واقولها انا خلصت ماتشوفين شر واحرك

22- اذا كنت بقروب ومعاكم واحد مايعرف يلعب؟ هل نظامك متسامح ولا تطرده؟

متسامح , وساعات اذا انطرد واحد اطلع وراه , فزعه ها

23- أماكن تقضي فيها أغلب وقتك؟ في الحياة الواقعية وليست واو

الدوانيه او اقعد بالصاله اجابل النت خصوصا وان حياتي تقريبا كلها سهر فما احصل مكان اروحله الا الدوانيه او اقعد بالبيت , ساعات اروح الدوانيه ونروح بعدين الشيشه نلعب كره قدم احنا 3 او 4 والساعه 6 نرجع بيوتنا , لكن مو دايم قطعت شهر و امس رحت الشيشه واليوم ماطلعت قاعد مجابلك انت واسألتك

24- هل تجيد العزف على أي شيء؟ عود؟ قيتار؟ بيانو؟ اورق؟ حتى لو مرواس او طار؟

ادق عود و امسك ايقاع عدني او اي شي , وودي اشتري كمان واتعلم عليه و بيانو بعد هالالتين احبهم

25- هل صوتك حلو لما تغني ولا لما تقرأ قرآن؟

صوتي يقولون حلو لكن اشوفه عادي , كنت اغني بالسابق ولكن وقفت واكتفيت بالاستماع مع ان اللي معاي مجهزين كل شي من ايقاعات و كمان و اجهزه تسجيل متطوره لكن ماحبيت اغني واستمر بالشي هذا , اكتفيت احضر سمرات خالد الملا و الضويحي و المطرف وغيرهم من مشاهير الجلسات عندنا , لكن الحين خلصت من هالسوالف

26- هل نظامك تحب تصور نفسك دايم بالتلفون؟

لا

27- لما تقعد مع ربعك تاخذون صور للذكرى ولا ما يحتاج؟

لا , من زين اشكالهم

28- شنو الألعاب الي تلعبها بالجنجفة؟ كوت؟ بلوت؟ هند؟

كوت , هند , تركس , سبيته , استعمار بس البلوت يلعبونها ولكن ماقدرت اتعلمها اشوفها صعبه

29- اذا شميت عطر حلو عند رفيجك هل تسأله شنو اسم عطرك ولا تستحي تسأله؟

اسأله ويمكن اقوله عطني بعد بس ماراح اقوله لأن اغلبهم جعوص

30- هل انت شخص انطوائي؟ ام اجتماعي؟

انطوائي

31- أصدقائك واجد ولا شوي؟

واجد

32- هل انت من النوع الي ما يتحمل يقعد لحاله يعني يزهق؟ ولا عادي تقعد بالساعات تفكر ماكو مشكلة؟

اقعد بالايام عادي

33- هل تهتم بوجهك؟ يعني اذا في حبوب تستخدم كريمات؟ ولا عادي مو هامك كلش

ولله الحمد مافيني شي ولكن مااظن اهتم لأن اذا طلعت حبه كبيره مااحط شي عليها واطلع عادي لين تزهق وتروح

34- شنو التسريحة الي دايم تسويها؟ شلون تخلي شعرك؟

شعري طويل شوي ومره اوديه يسار ومره يمين ومره اقعد من النوم اشوفه عادي مثل قصات هاليومين واخليه الا تعديلات بسيطه , مره اوديه جدام والقذله اوديها يمين او يسار

كل يوم شكل

35- تشيش؟ أي معسل؟ وليش؟

اشيش بمزاج , عندي شيشه بالبيت شاريها للمزاج بس وبالشهر مره اشرب معسل , احب الخلطات , توت فراوله ومادري شنو بعد , اما السلوم و زغلول ما اواطنهم

***********************

36- اذكر سلبيات يوشي + فلوتا

انت شفيك عليهم ؟ نهايه الفلم بتستدرجني لين اطب فيهم ويوقفوني

ماكو سلبيات شوف الاسأله السابقه

37- هل قرار تعيين فلوتا مشرف كان صحيح؟

لا , في عجاله تم ترقيته

38- هل أصبح القسم أفضل بتعيين فلوتا مشرف فيه؟

بتعيينه او من غير تعيين القسم ماراح يتغير بشي مثل ماعرفناه ولكن للأفضل صار , يعني مو واقفه بتعيين احد

39- لو كان القرار لك.. وتحتم ترقية عضو إلى مشرف.. هل كنت ستختار فلوتا؟

لا . لأن نفس ماقلتلك تم في عجاله التعيين ولو الامر بيدي كان عطيته عضو مراقب بالبدايه يعني اسمه يكون بالذهبي وعنده صلاحيات محدوده , ويستمر بالوضع هذا الى ان يتم التأكد من خلال مشاركاته و ردوده ان نبذ كل الامور اللي ماتصلح تكون بالمراقب الناجح , ويعرف ان كل عمل يقوم به يكون محسوب عليه , لما يقتنع بالشي هذا

ويشوفون انه تعامل مع المواضيع والمشاركات وكل مشاكل القسم بعقلانيه و حكمه يتم تنصيبه مشرف بشكل رسمي

يعني لا يزعل مني فلوتا , انا بالعكس ابيله الخير ولكن هذي وجهت نظري اذا كانوا يبون يرقون عضو الى مشرف , لازم يكون في نفس الدوره التدريبيه للعضو , يعني انت لو يحطونك مراقب على طول شنو تسوي ؟ تدخل تحذف كل المشاركات اللي ضدك واي مشاركه مو عاجبتك وتعفس وتعدل وتشيل وتحط

لأن فيك نشاط كبير + عندك صلاحيه , راح تستغلها بالبدايه غلط , لكن لما يتم تمهيد الطريق حبه حبه وتعرف المسؤوليات والواجبات اللي على عاتقك اتجاه القسم والاعضاء والاداره راح تمشي صح اما من ---> الى فجأه مايصير

40- هل تعتقد أنك ظلمت من قبل المشرفين؟ ام انك أخذت حقك 100% بصراحة تامة

بالمشرفين السابقيين ظلمت كثير , لكن حاليا اخذت عالاقل 20% كريتيكال من حقي

Karazhan

28-11-2011, 06:44 AM

يااخي كسرت عظامي وانا من النوع اللي مااحب اشوف شي ومااجاوب عليه

يعني مااحب اشوف شخص يسألني او يكلمني و اطنش او اسوي نفسي مااشوف نفس يوشي , اسأله وينحاش يسوي روحه مايشوف واخر يوم جاوب , علقني 3 ايام بدون ما اسأله ولا سؤال

Karazhan

28-11-2011, 06:45 AM

بس لاتسأل خلاص

عط غيرك مجال وانا بصراحه تعبت والله عظامي قامت تعورني

الحين برد على اسألتك اللي فوق وخلاص لاتكتب شي

Karazhan

28-11-2011, 07:48 AM

1- هل تحب طلعات البر والكشتات؟ ولا كلش مالك فيها؟

اي والله احبها

2- حالياً الشتاء هذا مسوي مخيم؟

لا هالسنه ماكو مخيم , بعد ما تزوجوا الخرفان اقطعوا مخيمات لأن السنه اللي طافت قليل كانوا يتجمعون بالمخيم , يعني بالعطله الاسبوعينه يقعد يوم ويمشي غير اللي يجي المغرب والساعه 12 بالليل يزهق ويرجع , كرهونا بالمخيم , قبل مايتزوجون كانوا طول الاسبوع قاعدين , واللي يرجع ثاني يوم يرد المخيم , الحين تغيروا

3- تحب طلعات المقناص وصيد الفري ولا هم بعد مالك فيها؟

اطلع واروح للفري وانا كتبت مره بالقهوه شهر 9 بدايته رحت للفري , لا وعندنا كل شي تبيه بعد , كشافات وماطور كهربا و بنادق وجهاز فري و فيه 350 صوت يمكن غير الفري , كل شي متوفر افا عليك

4- مركب على سيارتك قطع مثل شوتا او دبات ولا ما تحب هالسواف؟

لا ولكن افكر اركب دبه ماجنا فلو بالمعاش اللي ان شاءالله يكون بعد 5 شهور

5- جم عدد ساعات نومك تقريباً؟

تقريبا 6

6- اذا نمت تشاخر؟

اذا تعبان

7- هل مع كل نومة حلم؟ ولا الأحلام شوي تجيك؟

والله مو دايم احلم او اذكر شنو حلمت فيه

8- جم أعلى ريتنق وصلت له بواو؟

بالارينا قصدك ؟ يمكن 900 , مالي بالبي في بي اللهم بس باتل جراند عشان نقاط واشتري جير يقزر للبوت عشان مايموت بسرعه

9- وشنو أعلى مستوى وصلت له بالريدات؟

مادخلت ولا رايد بالكاتا

10- نظامك حالياً بواو pvp ولا pve?

لا هذا ولا هذا , بدأت الكاتا وانا طايب خاطري من اللعبه , لا رحت رايدات ولا رحت اي مكان , قزرتها بالبوت تلفيل وبعدين تفريم وبيع , يعني من نزل الكاتا اللهم بس رحت اكتشف الاماكن الجديده واخلص كويستاتها وبعدين يوم عرفت كل شي دخلت البوت الى يومك هذا والبوت شغال

11- هل نظامك تسوي دقات بربعك؟ وشنو آخرة دقة سويتها؟

مااسوي . انا ثقيل عند ربعي و يتحاشون حتى اهم يسوون فيني دقه ل هيبتي

12- وقت القحط يمكن يعني الطفرة باللهجة السعودية.. الوقت الي تكون فيه مفلس، تروح تكد بسيارتك توصل عبرية؟

لا

13- اذا كنت مفلس وقلت اليوم هذا لازم أدبر 100 دينار؟ شالحل؟

امي الله يخليها لي او اخواني وخواتي ال16 معقوله محد عنده :)

14- أيام صغرك كنت مصبنجي؟ وشلون كنت تستدرج الفطافيط؟

مالي بالطريق هذا كلش ولله الحمد

15- شنو أكثر حلم مرعب شفته؟ حاول تتذكره واكتبه

لما حلمت قبل فتره مو بعيده اني بنفس ماتقول براري منغوليا اذا شايفها , تكون سهول و وديان والارض كلها عشب وبعض الحجاره ونهر الغزر فيه شبر يمكن , المهم انا معاي 2 واحد اذكره منو والثاني مااذكره و مر يمنا خنزير بري كبير شوي وراهي , و مار يمنا يركض حده ومن مسافه بعيده شوي شباب يمكن 2 او 3 نازلين من سيارتهم

ويرمون الخنزير الى ان صار بعد 3 امتار اصابته رصاصه وطاح والرصاصه جت براسه و مخه قعد ينزل والدم , ربعي قاموا يقطعون منه ويضبطون للشوي وقالي رفيجي تعال اكل جربه قلت مستحيل

قعدت من النوم والحلم في بالي واتصلت على واحد يفسر , قالي انت مسحور والساحر نصراني و مات وان شاء الله الحلم يدل على بطلان السحر بعد موت الساحر هذا , والله اعلم

بس الى الان ماني عارف هل تفسيره صح او لأ , لأني سمعت يقولون رزق هذا راح يجيك وهالامور , فما ادري بالضبط شنو

16- أيام المدرسة كنت تداوم بجنطة ولا مصبنجي بسيور؟

سيور

17- اذا لا سمح الله انكسرت ايدك وحطولك جبس .. تكتب عليه ذكريات ولا تخليه نظيف؟

اخليه طوفه محول

18- هل نظامكم بالبيت 10 بنفس الفوطة ولا كل واحد له لون؟

لا من كنت عزوبي ولما تزوجت فوطه خاصه

19- اذا قمت من النوم تاكل كورن فلكس؟

ياعيني , كورن فلكس , لا يبا مايدور

20- شنو أحلى لعبة عندك بالآيفون؟

مادري والله انزل لعبه يومين وامسحها والحين طاف ماالعب فيه

21- وقت الزهقة ( الطفش ) شتسوي؟ شلون تونس نفسك؟

ادش اليوتيوب او اسوي رن للدنجن اللي فيه ريفن لود المونت او اغلب الوقت بالقراءه , انا عندي اهتمامات كثيره بالتاريخ البشري و الدينصورات والفراعنه وامور كثيره اتابعها وابحث عنها , لكن مشكلتي اني انسى بسرعه , يعني اقرأ شهر وابحث وبعدين انسى كل شي , فأحب اراجع واشوف اخر البحوث اللي توصلولها واقعد افكر يعني اشوف وجهت نظري وادقق على الكلام المكتوب واقارنه بوجهت نظري وهل اهو شي يدخل العقل ام مجرد كلام فارغ , يعني بالي دايم مشغول

22- أيام المتوسط كنت تسطر الدفتر وتحط عليه ستكرات وتكتب بألوان ولا كله لون واحد؟

كنت اسطر بأيدي والخط يطلع اعوج

23- اذا كنت قاعد بستار بوكس تشرب قهوة و2 يمك يسولفون تقط اذنك معاهم؟ ولا تحاول ما تسمع؟

اقط ليش مااقط , هذا زين ان ماقطيت وجهي بعد معاهم , لكن ستار بكس ادخل اشتري بلاك كوفي واطلع مااقعد يعني شوفوني زقرت

24- انت من النوع الملقوف؟ يعني اذا صارت هوشة تتفرج ولا اذا صار حادث تخفف السرعة وتطالع؟

اذا صارت هوشه ادخل بينهم واشوف المطقوق ومسكين افزع معاه , والحوادث اطنش مااوقف واطالع

25- وين تشتغل؟

بوزاره الاشغال

26- اذا صرت مريض لا قدر الله تروح مستشفى خاص ولا حكومة؟

والله مره جذي و مره جذي , يعني اسأل اذا احد عنده علم عن دكتور زين واذا قالوا بالخاص او حكومه اروح عادي

27- تحلق عند حلاق هندي ولا لبناني؟

قبل هندي , لكن قبل 15 سنه احلق عند سوري بصالون وكومودور اذا تعرفه , والسوري هذا طلع وراح صالون بروحه بعد ما احتلوا كومودور الاتراك , المهم فيهم من الاتراك واحد احلق عنده اذا سافر السوري وقعد شهر او اقل المهم لما يسافر احلق عند التركي هذا , المهم لما طلع السوري رحت احلق عنده لغايه احداث سوريا

وكأنه من حزب البعث وكل مااقوله انت بعثي ينكر يقول لا , ولما يسولف عن سوريا يقولي شرايك تروح معاي اضبطك هناك , قلت انت من الاستخبارات او البوليس السياسي يقولي لا هذا ولا هذا انا درويش يعني فقير مسكين , المهم يقعد يقول سوالفه بسوريا وان مايسوي هالشي الا واحد واصل هناك , المهم بأحداث سوريا هذي

قعدت يمدح بشار ويسب الناس اللي طالعين ثوره ويمدحه واكتشفت ان الرجل علوي ويمكن من البعث بس مايقول لو تذبحه , لأن حتى مره سألته شلون تسوي قهوتك التركيه قالي هذا سر , قلت يامعود قول شنو سر قال لا مااقول , تصدق قعد سنه احن عليه يقولي شلون يسويها ما رضى يقول , هذا وانا اعرفه من 15 سنه احلق عنده

المهم لما شفت الرجل مع بشار وكل المؤشرات تقول انه علوي بعثي قلت خله يولي , ورحت حق التركي اللي بكومودور ومازلت عنده الى اليوم

28- اذا رحت السوق تشتري تكاسر المحل إلى آخر لحظة ولا تشتري على طول؟

اشتري على طول , مو نفس امي تكاسره لين تطيح حظه ومره كاسرت واحد لين بجي , الحريم سوالفهم المكاسر , تكاسر تكاسر تكاسر لما تطق جبده اللي يبيع اخر شي تطلع وماتشتري ويترجاها تشتري واهي تطنشه

عكسنا احنا , تكاسره لما تزهق يطيحلك دينار والشغله سعرها مثلا 10 يقولك خلاص 9 تقوله يابن الحلال 8 اشتريها منك , يقول لا , تمشي مايرد عليك يعطيك طاف , اما اذا دخلت امرأه من 10 توصلها 3 وتشق وجه وبالنهايه ماتشتري ويترجاها تشتري ب3

ماادري شنو الحكمه من هالشي

29- بما انك مصبنجي .. جم طفل استدرجت؟

ولا طفل

30- جم مرة دخلت السجن؟

مره

31- اذا كنت زهقان ومعاك ولاعة هل تجرب تحرق أي شيء؟ مثلاً بلاستك

لا

32- اذا كنت متأخر عن الدوام ووقف الشارع .. تستخدم حارة الأمان؟

لا

33- اذا دخلت محطة بانزين وكانت زحمة على الصوب اليسار واليمين فاضي وفرضاً ان فتحة البانزين لسيارتك يسار .. هل تنتظم بالدور باليسار ولا تروح يمين وتوصل الهوز للفتحة؟

لا , سويتها مره وطردني البنغالي :)

34- جم مرة تهاوشت مع استاذ بالمدرسة؟

مره او مرتين

35- نظامك ماتعرف تنام بالازعاج ولا عادي تتأقلم مع الوضع؟

عادي الا بكاء الطفل يدخل بنخاشيش اذني ومايخليني انام , اما اذا ناس تسولف عندي او تلفزيون عادي انام

36- عمرك جربت الحشيش؟ الخمر؟ الحبوب؟ أي شي ممنوع؟

ولا مره

37- بالعيد تعطي عيادي لليهال؟

اسوي روحي نايم , ومااطلع من شقتي , ولما اجيب عيالي من طليقتي ثاني يوم العيد اعطي عيالي عيادي بس واوصيهم ياخذون عيادي من عمانهم , خواتي يقولولي ان ماعطيت عيالنا عيادي ماراح نعطي عيالك , انت ولا مره عطيتهم , عاد انا ارقعها اقول كنت نايم

وانا طبعا كل الاعياد نايم فيهم

38- دق تلفونك ورديت طلع واحد قالك "فلان معاك المخفر" هل تخاف وتقول شششـششننــوو؟ ممـ..ـمـخخفــرر ؟؟ ليييش انا شسويت؟ ولا عادي؟

لا عادي متعود واعرف جميع حقوقي اللي كفلها الدستور واعرف شنو لي وشنو علي

39- جم مرة استخدمت الواسطة بحياتك؟ وبشنو استخدمتها؟

واسطه استخدمتها كثير وانت عارف الكويت كلها واسطات , كانت عندي قضيه فيها سجن ودخلت واسطه وطلعت منها , دخل السجن وطلعت بأشكال ودبرت واسطه و طمطمنا السالفه , واسطه حولت من قسم الى قسم بدوامي , و واسطه طلعت اذن توظيف وانا علي خدمه الزاميه بالجيش وكان ممنوع استخرج اذن توظيف او جواز او اي شي الا لما اطبق الخدمه الالزاميه , وطلعته بواسطه , خبرك قبل ماتسوي شي الا بأذن من الجيش من يوصل عمرك 18 , الحين لغوا هالشي بعد ما لغوا التجنيد

يعني الواسطه تقريبا استخدمتها كثير

40- هل تقرض اظافرك بمقراضة ولا بحلجك؟

مقراضه

41- هل انت تفتح خدمة الآيفون كل شهر؟ ولا تقزرها وايرلس بالمقاهي؟

عندي وايرلس بالبيت و بالقهوه اللي اروحله لكن بالدوانيه مافي لأن صاحب الدوانيه معشمنا من 5 سنين يحط وايرلس و طلع جعص اهو بعد , فالخدمه لابد منها

42- اذا شخص شافك أول مرة تتوقع شنو الفكرة الي بكونها عنك قبل لا يكلمك؟

والله مافهمت السؤال عدل , يعني من المنتدى وشافني صج او شخص عادي ماشي بالشارع وشافني

43- اذا مثلاً قعدت بمكان والي حولك يتكلمون بألغاز وحسيت ان الكلام عنك.. شلون اتدارك الوضع؟

احتمال امشي او اسوي روحي ماسمعت

44- كنت بتدخل مكان ولا تسمع اثنين داخل يحشون فيك؟ هل تصدمهم وتدخل ولا تقعد تسمعهم وتروح؟

ادخل واصدمهم واقولهم من باب اولى انكم تنتقدوني امامي لأن مثل ماانتوا عارفين اني وسيع صدر واتقبل النقد ولا اتمادى بخطأي اذا احد قالي انت على خطأ يعني انا مو عنيد وحتى لو اني مقتنع اني مو على خطأ هم امام الناس اللي ينتقدوني اغير اللي يشوفونه خطأ

45- شنو الرياضة الي تحب تمارسها؟

المشي , كل فجر امش بين سلوى والرميثيه تشوف واحد يمشي جميل الشكل طويل تقريبا 180 سم ووزنه 83 يمكن حنطاوي فاتح بشوش تشوفه تحبه من اول نظره , قوله ابو عبدالعزيز يقولك اي قوله ابو عبدالعزيز الملقب ولد بطنها ملك اللعبه اللي عروقه بالماي ؟ اقولك اي انا تبي توقيع او صوره حاضر
وصورني وانت عندي وحطها هني بتوقيعك عشان الناس تشوفك تعرف الملك شخصيا

***********************************************

46- اذا فلوتا ارتكب خطأ تعتقد يوشي راح يخالفه ويطبق عليه القانون كأي عضو آخر ولا بيغض الطرف عنه؟

في حكومه تخالف حكومه صاحي انت

47- هل هتمان يستحق ان يكون مشرف؟

قرار اشرافه غلطه القسم

48- هل تعتقد أن بعض أعضاء القسم يطلق عليهم لقب خرفان؟ يعني كل ما دخل الجنس اللطيف سألوها هلا فلانة شلونج شخبارج وينج من زمان؟
بصرااااااااااااااحة جاوب هع هع ولو تذكر اساميهم يكون احسن .. مع ان مو لازم لأنهم معروفين ههههههااي < ضحكة حقيرة

انا ادري انت منو تقصد لأن ماكو غيرها :) لكن الاغلبيه "غير اللي في بالك" لا مااشوف انهم خرفان

49- لو كنت مشرف القسم شنو القرارات او الأشياء الي ودك تضيفها للقسم؟

انا مااعرف اداره الاقسام ولا عندي افكار اضيفها لأني انسان اعرف وين حدودي فأعطي من هم اجدر مني بالعمل هذا , انا اعرف اجاوب على اسأله اناقش اضحك اما اداره لأ

50- لو قالولك أي مشرف بقسم واو تتمنى ياخذون الاشراف منه غير هتمان؟ وقالوا لازم تختار .. تختار يوشي ولا فلوتا؟

اختار فلوتا طبعا لأن يوشي قبله وعارف كل شي و مثل ماقلتلك اكتسب خبره وماعنده تعصب او عنده ناس يطوفلهم ويخلي غيرهم

فلوتا يمكن مازال عنده بعض منها خصوصا بالموضوع اللي تمنيت اني مااشوف مشاركه له فيها ولكن للأسف شارك الى ان جاءه الضوء الاحمر وتوقف :)

انا احس ان فلوتا راح يحكني توقيف محترم ماادري ليش , بس بليز ان حكيتني توقيف حك ابو الشباب هذا معاي لأنه اهو اللي حرضني

xmoonkinx

28-11-2011, 07:59 AM

كم مرة تروح للحلاق بالشهر؟

كم مره طحت قدام الناس وتفشلت؟

كم مره طحت من السرير وانت نايم؟

كم مرة انطقيت من طلاب أكبر منك سناً وحجماً ؟

هل سبق أن أحد قص عليك وأخذ منك مصروفك أو أكلك في الفسحه ؟

هل كنت من الزوار الدائمين للإدارة وتعرف زين شكل ورقة التعهدات ؟

عمرك غشيت في الإختبار؟

عمرك انحشت من المدرسة؟

تحـــــــــــــــــــب الفلوس؟

هل تتمنى يصيرون عيالك مثلك؟

وشهى طموحك فى الحياه؟

مكانك المفضل؟

تكلم بصراحه عن طباعك السيئه في شخصيتك؟

هل خطبت مرة ورفضتك البنت؟

ما هي الصفة التي تطلق عليك غالبا؟

هل انت بوجهين ؟

مع من كان لك اول سوء تفاهم في المنتدى؟

من كان اول مرحب بك في المنتدى؟

ابيك تعطيني رايك عن صدام حسين وابيك تقول اذا يرضيك بلي سواه بالكويت(ابيك تكتب ثلاث سطور اقل شي!)؟

Derover

28-11-2011, 08:24 AM

يلا انا بروح للدوام لكن قلت اعطيك هدية قبل لا امشي

تفضل عزيزي كرزان جاوب على مهل

1- كنت بمكان عام واضطريت تدخل دورة مياه ولما رحت للحمام لقيته مصكر بس مافي صوت .. هل تطق الباب ولا تنطر؟

2- طق احد عليك باب الحمام .. هل تسكت إلين يروح ولا اتنحنح ولا تقول منوووووو ؟؟

3- اول ما تقوم من النوم شنو تاكل او تشرب على الريق؟ أغلب المصبنة زقارة

4- شنو خلفية تلفونك؟ جيتي77 ولا وحدة منقبة؟

5- واحد نام عليك بالشارع شلون تتصرف؟ تعلق ع الهرن عشان يكسر السكان 180 درجة ويدعم؟ ولا شنو بالضبط

6- هل انت شخص لك روتين دائم؟ وماهو؟

7- تحب تقرا الجرايد؟ ولا صفحات معينة؟ ولا كلش ما تقرا؟

8- هل تشربون الماي بقلاص بالبيت بقلاص معدن ولا كالعادة جبن جبن جبن

9- عندك حساسية ما تشرب بعد أحد من نفس القلاص بدون لا تغسله؟

10- اذا كنت مقحط زقاير ورفيجك يدخن وهذي آخرة زقارة اب باكيته تقوله قطلي باجي؟ يعني لا تخلص الزقارة خل شوي لي

11- هل تسمع أغاني المصبنة؟ الي تجيك أغنية مشوشة وعود سريع وصوت مو حلو وما تفهم اي كلمة؟

12- هل طبعك اذا رحت محل تكون جاد تسأل عن حاجتك وتمشي؟ ولا تدش تقول ها صديق شلونك؟ تيقا؟ جذي يعني

13- هل تلبس دشاديش مخصرة ولا وسيعة؟

14- نظامك تلبس شماغ طويل؟ يعني اتمشى والشماغ واصل لي ركبتك؟ ولا تلبس صغير مقاس ولادي؟

15- ليش شريت التاهو؟ ليش مو يوكن؟

16- شنو سيارتك قبل التاهو؟

17- هل كنت اتمشى أيام قبل ولما تشوف فطفوط تغطط؟ يعني تحطه N وتدعسله بانزين

18- كنت بمكان عام وقاعد تاكل وجنبك واحد يطالعك ونفسه بالأكل الي تاكله .. شتسوي؟

19- اذا دخلت سينما لازم تاكل بوب كورن وببسي ولا ما يحتاج؟

20- هل انت من شلة الهاي الهاي الي دايم يشربون قهوة من ستاربكس؟

21- كنت بمواقف الجمعية ناطر واحد يطلع بتاخذ مصفطه وطاق اشارة .. شوي ويجي واحد يزرق ويدش بالمصفط.. شتسوي؟

22- نظامك بالشتاء تلبس قميص تحت الدشداشة؟ يعني كشخة

23- شنو نوع عقالك؟ يلمع مثل السعوديين ولا لبتن مثل القطريين؟ ولا الصوف الي تحسه منتف؟

24- تلبس سراويل الصفاة؟ ولا نظامك كشخة دروش؟

25- هل تمشط بالمشط الصغير ابو اصبعين ولا نظامك ذرب مشط كشخة؟

26- شنو نسفتك الي دايم تنسفها؟

27- اذا قاعد بمكان وانقطت نغزات عليك تسوي روحك غشيم ولا ترد عليهم؟

28- غولة دشداشتك زرار واحد ولا زرارين؟ ولا عشر؟

29- جم طفل بريئ دمرت حياته؟

30- هل نظامك تخش عجرة تحت الكشن؟

31- نظامك مصبنجي مطيح خشم التاهو وحاطله ويلس طول الشبة وخيزرانة ع الطبلون؟

32- شنو تخش داخل تكاية السيارة؟

33- جم رقم لوحة سيارتك؟ وشنو لون التاهو؟ عشان اذا شفتك صدفة بالشارع اتحرش فيك

34- اذا دخلت المسجد بتصلي ولقيت الناس خالصين ودخل واحد بعد .. تبون تصلون مع بعض، تصير انت الإمام ولا هو؟ فرضاً واحد يشبهك

35- هل جسمك فيه جروح وآثار لهوشات قديمة؟

36- بواو اذا كنت بدنجن وواحد كتب شي بالعربي؟ هل تستانس وتبين له ان انت بعد عربي؟ ولا تطنش

37- هل تستخدم اسماء عربية بواو لتبين للعربيين انك عربي؟

38- جم ساعة تلعب واو باليوم؟

39- اذا كنت ليدر هل تطرد واحد من القروب عشان تدخل رفيجك؟

40- هل انت تشاينيز؟ يعني كل شغلك بواو تجمع قولد؟

41- هل تهتم بالـ Achievements بواو ؟

42- تحرص على تجميع الماونتات؟ البتات؟

43- ودك الناس تهد واو وتلعب قلد وار؟

44- وقت النوم تنام بمكسر ولا لازم دشداشة نوم او بدلة نوم؟

45- هل اذا مليت تروح تفتح الثلاجة تطل فيها؟

46- هل ثلاجة البيت دائماً عامرة ماشاء الله ولا فاضية؟

47- تحب قعدة الشيبان ولا الرياجيل الي بالأربعين ولا الشباب الصغار تقريباً 25؟

48- هل طبعك اذا حطيت المنبه للدوام تحطه قبل موعده بنص ساعة عشان تتمتع بالنوم مرة ثانية؟

49- هل انت شخص دايم تاخذ احتياطاتك ولا ما تبالغ بالأشياء هذي؟
مثلاً صارلك بنجر وبدلت التاير.. تروح دايركت للصناعية تجيب تاير ولا تأجل الموضوع يوم يومين
ومثلاً واحد خذا منك جيك هل تحرص انه اول ما يخلص منه يجيبه ولا عادي تدق عليه بعد جم يوم؟

50- حاط تغييم على سيارتك ولا باقات؟

51- هل اذا شفت راعي برد / بريد يبيع ع الدوار توقف تشتري؟

52- تشتري من الي يبيعون حب شمسي وبنك وترمس ( فصفص ) ولا ما تحبهم؟

53- اذا رحت تتقضى للجمعية جم يطلع حسابك تقريباً؟

54- هل انت من شلة مشروبات الطاقة؟ رد بول؟ هاوس بور؟

55- أي لبن تشرب؟ مراعي؟ نادك؟ كي دي دي؟ خاثر؟

56- اذا كنت مقحط زقاير ولقيت هندي يشرب قود ليف ميبس طاقته الشمس 5 ايام تاخذ منه زقارة ولا اتحمل؟

57- هل تمنيت انك جميل وحلو؟ ولا تقول الحمدلله اني جيكر عشان لا يجوني العرابجة

58- لو تلقى يوشي يتمشى بالشارع لحاله يعني ماعنده احد يدافع عنه شنو تسويله؟

59- هل انت راعي طيور؟ يعني من ربع يا فلاح يا فلاح اييييييييييه

60- هل انت مطيرجي؟ يعني حاط لك قفص حمام فوق السطح وكل يوم الظهر تطيره

61- تحب تطعس يعني تدش بالتغاريز؟

62- هل تلبس خاتم؟

63- لك طلعات مزارع؟ جواخير؟ اصطبلات؟ ولا كلش مالك فيها؟

64- هل جربت تشتري من مزاد مثل مزاد جبد ولا مزاد الفودري؟ وشنو كان شعورك وقتها؟

65- هل تهتم بالأرقام الذهبية؟ يعني يكون بداية رقمك مثلاً 5555

66- في مرة تهاوشت مع شركة الاتصالات وشنو كان السبب؟

67- شنو السبب الي خلاك تكمل بموقع منتدى رغم التوقيفات الي اخذتها؟

68- هل نظامكم بالبر تحطون علبة نيدو مصدية على الفحم ولا عندك أساليب متطورة؟

69- انت من كتلة المعارضة ولا مع الأعضاء القبيضة؟

70- لو ماكنت كويتي شنو تتمنى تكون؟

باي

Karazhan

28-11-2011, 08:50 AM

كم مرة تروح للحلاق بالشهر؟

مرتين او 3 هذا اذا ماعندي شي , يعني دوانيه بيت بس , اما يطلعلي عرس او مكان اروحله لازم اضبط قبله لكن نفس ماقلت مرتين او 3 كل شهر

كم مره طحت قدام الناس وتفشلت؟

مره اتشيحط بالقاري جدام شباب وانا صغير جان ازلغ ويضربني السكان ببطني وقعدت على الرصيف معطيهم ظهري لأني مستحي يشوفون وجهي و ماسك بطني اتلوى من العوار

كم مره طحت من السرير وانت نايم؟

اذكر اني طحت بس صج او حلم و متى ماادري

كم مرة انطقيت من طلاب أكبر منك سناً وحجماً ؟

ولا مره

هل سبق أن أحد قص عليك وأخذ منك مصروفك أو أكلك في الفسحه ؟

لا انا كنت مضبط واحد مصري الله يذكره بالخير بالمتوسطه يحبلي معاه سندويشات من بيتهم واعطيه فلوس عليهم بدل مااشتري من المطعم مال المدرسه المعفن

هل كنت من الزوار الدائمين للإدارة وتعرف زين شكل ورقة التعهدات ؟

بالثانويه نظام مقررات كانوا كل يوم ينادوني عشان الغيابات والانذارت وهالامور , كنت دفعه 92 بالمقررات ودرست سنه كلها حرمانات طبعا وطلعت بعدين قعدت بطالي الى سنه 2000 يمكن

عمرك غشيت في الإختبار؟

غشيت و غششت

عمرك انحشت من المدرسة؟

عد وخربط

تحـــــــــــــــــــب الفلوس؟

اللي تقضي حاجتي واسكر فيها ديوني واركب تواير والباقي مابيهم

هل تتمنى يصيرون عيالك مثلك؟

لا ابي واحد محامي وواحد وكيل نيابه

وشهى طموحك فى الحياه؟

طموحي اني اكون عالم بالتاريخ

مكانك المفضل؟

فندق فيسي

تكلم بصراحه عن طباعك السيئه في شخصيتك؟

غير مبالي وكل مالي خلق و دم بارد

هل خطبت مرة ورفضتك البنت؟

لا , كل بنت اتقدملها وتشوفني توافق على طول :) صج ترى مو اتغشمر

ما هي الصفة التي تطلق عليك غالبا؟

خلوق

هل انت بوجهين ؟

لا

مع من كان لك اول سوء تفاهم في المنتدى؟

والله ماني متذكر بالضبط

من كان اول مرحب بك في المنتدى؟

هم ماني متذكر بس اعتقد شخص اسمه روج او شي جذي , يعني روج بس مو كاتب الكلمه صح نفس ماتقول كاتبها rooj وهذا اخر حد علمي فيه اول مره يدخل البسطويسي وكان اهو مع البسطويسي يدافعون واهو اخذ توقيف ومن يومها ماشفته

ابيك تعطيني رايك عن صدام حسين وابيك تقول اذا يرضيك بلي سواه بالكويت(ابيك تكتب ثلاث سطور اقل شي!)؟

والله يااخي صدام حسين مااتكلم فيه الا مع شخص ملم بالاحداث اللي حصلت

صدام حسين رجل شجاع وقف بوجه الزحف الصفوي الايران و تصدير الثوره بعد ما تقلد خميني الحكم في ايران و بدأ عدائه مع جاره العراق وامر الصدر المرجع الديني انذاك وهو والد مقتدى الصدر بأن يقوم بأنقلاب على الحكومه العراقيه علانيه , وكل العالم قالوا ان خميني لم يطلب من الصدر الانقلاب الا لتصفيته

لأنهم طلب منه علانيه وامام مرئى مسمع الحكومه العراقيه , المهم خميني او الفرس من قديم الزمان وهم في حروب طاحنه مع العراق ويقولون ان العراق جزء من ايران , المهم وعشان مانطول الموضوع اكثر صدام حسين استطاع ان يدحر هذا المد الصفوي الفارسي الى العراق ومن ثم الى باقي الدول الخليجيه

ولكن وقتها ماكنا نعرف هذه الامور ولا نعرف سبب المقابر الجماعيه التي نشاهدها بالعراق وانهم كل يوم يقولون ان تم اكتشاف مقبره جماعيه , اتضح فيما بعد ان هؤلاء في الحقيقه خونه تابعين لأيران , اما انهم جواسيس او هاربين من الخدمه العسكريه

بعد ما وقف صدام حسين ضد ايران 8 سنوات وجعل خميني يوقع على وقف اطلاق النار وقال قبل توقيعه المعاهده اني اتجرع كأس السم , جاء العراق لبناء ماتدمر من الحرب , ولكن وبكل صدق وامانه اقولها وبما اني كويتي بعد الدوله الخليجيه والكويت خفضوا سعر النفط وجعلوا العراق لايستطيع ان يبني نفسه مجددا

ولما كلمهم صدام يااخوان ليش تقللون سعر النفط وتضخون كميات هائله ماحصل رد

انا بأعتقادي واعتقاد اغلب الناس وحتى المقربين من صدام قالوا ان غلطه صدام حسين الوحيده هي دخول الكويت

يعني حتى المقربين من صدام يقولون انه اهو ايضا يقول غلطتي لما دخلت الكويت , اهو لاشك ان اخطأ وتسرع ولو ان انتظر وباع النفط بالسعر اللي كان معروض فيه كان يمكن الان تنتعش العراق ويمكن للأفضل لأن النفط الحين وصل مواصيل ماوصلها من قبل

لكن غلطه الشاطر بألف

صدام زين ومافي اي شي يقول انه مو زين او جبان او فاشل ولكن نفس ماقلتلك ان شاف الناس تقلل سعر النفط وزعل لأن توه يطلع من حرب 8 سنوات ويحتاج النفط بسعره الطبيعي عنده اعاده اعمار وعنده ديون وشعب جوعان و الدوله الخليجيه قاعده تسوي ضد اللي يحتاجه اهو كأنهم متفقين عليه

الرجل زعل وعصب وما مسك نفسه وامر بدخول الكويت ولو انه مو داخل الكويت كان ماشفت ايران توطوط الان ولا شفت المجالس الحسينيه والمآتم والشركيات موجوده بالعراق , ولا حتى بالبحرين او الكويت تسمع حس للروافض اذناب ايران

اخاف انت شيعي وتزعل من كلامي

المهم انا بوجه نظري اشوف صدام زين لكن غلط يوم دخل الكويت

لوعةالفرقا

28-11-2011, 09:08 AM

وش ذا 5 صفحات

وآخر رد 70 سؤال

بصراحه ظلم ما اشوف إلا قليل إللي ماشي ع القوانين !! اغلبها 30 سؤال وفوق والقانون يقول 10 باليوم

ع العموم بعد إللي شفته اكتفي بالمشاهده ^^

وبالتوفيق :)

Karazhan

28-11-2011, 09:55 AM

يلا انا بروح للدوام لكن قلت اعطيك هدية قبل لا امشي

تفضل عزيزي كرزان جاوب على مهل

1- كنت بمكان عام واضطريت تدخل دورة مياه ولما رحت للحمام لقيته مصكر بس مافي صوت .. هل تطق الباب ولا تنطر؟

اطق الباب

2- طق احد عليك باب الحمام .. هل تسكت إلين يروح ولا اتنحنح ولا تقول منوووووو ؟؟

اتنحنح

3- اول ما تقوم من النوم شنو تاكل او تشرب على الريق؟ أغلب المصبنة زقارة

زقاره واضبط قهوه , عندي بالصاله جوله صغيره و ابريق مال القهوه وسكر وقهوه مضبط الشغل يعني

4- شنو خلفية تلفونك؟ جيتي77 ولا وحدة منقبة؟

خلفيه من الجهاز موجوده

5- واحد نام عليك بالشارع شلون تتصرف؟ تعلق ع الهرن عشان يكسر السكان 180 درجة ويدعم؟ ولا شنو بالضبط

اطنش احاول اوخر عنه بس ماادق هرن

6- هل انت شخص لك روتين دائم؟ وماهو؟

ماعندي روتين معين , قاعد بالبيت واللي يدق علي يبيني اروح معاه مشوار او مكان معين اروح , يعني حسب اللي يدق علي او اللي معاي

7- تحب تقرا الجرايد؟ ولا صفحات معينة؟ ولا كلش ما تقرا؟

اقرأ جرايد بس مو بالتفاصيل يعني عناوين واللي يهمني من عنوانه اقرأه

8- هل تشربون الماي بقلاص بالبيت بقلاص معدن ولا كالعادة جبن جبن جبن

لا كله جبن , وشفيك انت على قلاصات الجبن بفهم

9- عندك حساسية ما تشرب بعد أحد من نفس القلاص بدون لا تغسله؟

مع الاسيويين اي اغسله

10- اذا كنت مقحط زقاير ورفيجك يدخن وهذي آخرة زقارة اب باكيته تقوله قطلي باجي؟ يعني لا تخلص الزقارة خل شوي لي

اعرق باجيك في كويتي شرير مايعرفها , لا مااقوله وانا عاده كل ماينزل معاشي اروح مركز سلطان اشتري 5 كروز , واحد بالسياره و 4 بالبيت , اللي بالسياره ما اخذ منه الا اذا كنت طالع و مو قريب من البيت يعني احاول اخلي اللي بالسياره اخر واحد يخلص , من ناحيه الزقاير تطمن حاسب حسابي التقحيط

11- هل تسمع أغاني المصبنة؟ الي تجيك أغنية مشوشة وعود سريع وصوت مو حلو وما تفهم اي كلمة؟

قصدك فهد بن سعيد شريط مسرع , لا مااسمع , مع اني احب الاغاني اللي يكون التسجيل في هوى و تحس اللي يغني مثل عبادي انت تعرف صوت عبادي , لكن بالتسجيل تحس صوته صاير صغير بالعمر , احب هالاشرطه وانا مااسمع الا عبادي واي واحد يسب عبادي اتهاوش معاه

12- هل طبعك اذا رحت محل تكون جاد تسأل عن حاجتك وتمشي؟ ولا تدش تقول ها صديق شلونك؟ تيقا؟ جذي يعني

لا اسأل عن اللي ابيه وامشي مااحب استملغ

13- هل تلبس دشاديش مخصرة ولا وسيعة؟

عاديه بالنص يعني

14- نظامك تلبس شماغ طويل؟ يعني اتمشى والشماغ واصل لي ركبتك؟ ولا تلبس صغير مقاس ولادي؟

انا طويل والبس مقاسات اشوفها عاديه , يعني لغايه ركبتي لا , ولا ولادي , يعني مثل ماتقول البس الشي المناسب على طولي

15- ليش شريت التاهو؟ ليش مو يوكن؟

اليوكن عيوبه الكهربائيه كثيره , يعني عندي ناس عندهم يوكن يشتكون من الكهربا والتاهو مااشوف احد يشتكي الا قليل , والشكل عندي التاهو احلى

16- شنو سيارتك قبل التاهو؟

استخدمت سيدرك بس مو لي , واللي لي قبل التاهو برادو ماخذه سنه 2003 بسنته اخذته يعني , وقبله بي ام 540 وقبله فورد ماركيز وقبله كمارو موديل 94

17- هل كنت اتمشى أيام قبل ولما تشوف فطفوط تغطط؟ يعني تحطه N وتدعسله بانزين

عالبرادو يعني الله يهداك اسألتك من وين تطلعها , كنت بس تكنت والسياره جير عادي شنو N وفطفوطه مو فطفوط

18- كنت بمكان عام وقاعد تاكل وجنبك واحد يطالعك ونفسه بالأكل الي تاكله .. شتسوي؟

اقوله تفضل زايد الاكل

19- اذا دخلت سينما لازم تاكل بوب كورن وببسي ولا ما يحتاج؟

خبري بالسينما ايام كانت ب750 بس مادري متى ولكن بالتسعينات اخر مره رحت , وبتايلند سنه 2001 دخلت اخر مره , وكنت اخذ معاي نفيش وبيبسي ونشرب زقاير و واحد يبرجك لنا

20- هل انت من شلة الهاي الهاي الي دايم يشربون قهوة من ستاربكس؟

انا اذكر من كان عمري 6 سنين وانا كل صبح اروح ستار بكس اشرب قهوه واقرأ الجريده لغايه ماتخلص قهوتي ارجع البيت , ياعمري انا انسان بسيط ولا احب الفخفخه , هاي هاي عشان قهوه معقوله في ناس جذي او انت تألف من عندك

21- كنت بمواقف الجمعية ناطر واحد يطلع بتاخذ مصفطه وطاق اشارة .. شوي ويجي واحد يزرق ويدش بالمصفط.. شتسوي؟

اقوله ك. ام. وامشي واترجى انه يلحقني عشان يتهاوش بس اغلبهم يسوي روحه مايسمع

22- نظامك بالشتاء تلبس قميص تحت الدشداشة؟ يعني كشخة

لا مو يعني كشخه سويتها مره وابتلشت حسيت نفسي محامي واذا بتفصخ عباله فلت حبيبي افندي رادو ابرك من القمصات والخرابيط

23- شنو نوع عقالك؟ يلمع مثل السعوديين ولا لبتن مثل القطريين؟ ولا الصوف الي تحسه منتف؟

عادي مااعرف بالانواع لكن عادي اللي يلبسه كل مواطن كويتي شريف

24- تلبس سراويل الصفاة؟ ولا نظامك كشخة دروش؟

دروش لأنهم بالغسيل مايتغير لونهم

25- هل تمشط بالمشط الصغير ابو اصبعين ولا نظامك ذرب مشط كشخة؟

مشطي اللي دائري مادري شلون اوصفلك اياه , اللي يستخدمونه اذا بتسوي ستشوار لشعرك

26- شنو نسفتك الي دايم تنسفها؟

كل شي وين مااقطها اقطها مو مهم عندي

27- اذا قاعد بمكان وانقطت نغزات عليك تسوي روحك غشيم ولا ترد عليهم؟

على حسب اذا مااعرفهم اسوي روحي يعني صقعه وجامعي مااعرف السوالف هذي واذا اعرفهم اشخط فيهم

28- غولة دشداشتك زرار واحد ولا زرارين؟ ولا عشر؟

زرارين بس حجمها عادي مو كبير

29- جم طفل بريئ دمرت حياته؟

لاتعليق

30- هل نظامك تخش عجرة تحت الكشن؟

قبل الحين كلاشنكوف , انت صاحي بذمتك انت صاحي على هالسؤال واللي فوقه ؟

31- نظامك مصبنجي مطيح خشم التاهو وحاطله ويلس طول الشبة وخيزرانة ع الطبلون؟

لا يبا شد بلاده

32- شنو تخش داخل تكاية السيارة؟

علك وزقاير و شحن تلفون

33- جم رقم لوحة سيارتك؟ وشنو لون التاهو؟ عشان اذا شفتك صدفة بالشارع اتحرش فيك

49000 لونه اسود

صج رقمي ذرب ها

34- اذا دخلت المسجد بتصلي ولقيت الناس خالصين ودخل واحد بعد .. تبون تصلون مع بعض، تصير انت الإمام ولا هو؟ فرضاً واحد يشبهك

اشوفه بالاول اقدمه اذا قالي روح انت اروح

35- هل جسمك فيه جروح وآثار لهوشات قديمة؟

راسي فيه كم فلعه بطل و عجره وجبهتي فيها ضربه رنغ مادري اذا راحت او لأ , ورجلي فيها حرق قزوز سيكل بس بدأ يصغر صار تقريبا 2 الى 3 سم وعرضه نص سم

36- بواو اذا كنت بدنجن وواحد كتب شي بالعربي؟ هل تستانس وتبين له ان انت بعد عربي؟ ولا تطنش

اطنش , وساعات يعني اذا خلصنا وقبل اطلع اقول كلمه عربيه واطلع

37- هل تستخدم اسماء عربية بواو لتبين للعربيين انك عربي؟

اسامي خرابيط مثل lkjhgfdsazxcv جذي يعني

38- جم ساعة تلعب واو باليوم؟

قبل ليل نهار ويعطلني النوم بس , الحين بوت و مادري عنه

39- اذا كنت ليدر هل تطرد واحد من القروب عشان تدخل رفيجك؟

مستحيل

40- هل انت تشاينيز؟ يعني كل شغلك بواو تجمع قولد؟

بعد الكاتا اي

41- هل تهتم بالـ Achievements بواو ؟

لا

42- تحرص على تجميع الماونتات؟ البتات؟

لا نهائيا

43- ودك الناس تهد واو وتلعب قلد وار؟

ودي لمصلحتهم وله انا ماراح يدخل جيبي شي

44- وقت النوم تنام بمكسر ولا لازم دشداشة نوم او بدلة نوم؟

لا انام بشي خفيف بوكستر يكون واسع شوي مثلك عارف

45- هل اذا مليت تروح تفتح الثلاجة تطل فيها؟

مرات تصير فيني

46- هل ثلاجة البيت دائماً عامرة ماشاء الله ولا فاضية؟

كل نزله معاش تكون عامره وبنص الشهر تصفر , احنا مو مثلك داخل السور اللي الثلاجه بسم الله ماشاءالله عامره طول الشهر

47- تحب قعدة الشيبان ولا الرياجيل الي بالأربعين ولا الشباب الصغار تقريباً 25؟

الشياب افضل بس مايكونون شياب جذابين وكل واحد يجذب عشان تتحطم فيه وتقول هذا قبل كان عنتر , احب شياب اللي عندهم علم بأمور الدنيا وانا مثل ماقلتلك احب التاريخ واسمع التاريخ خصوصا ان الشياب عندهم علم ما تسجل بالورق

48- هل طبعك اذا حطيت المنبه للدوام تحطه قبل موعده بنص ساعة عشان تتمتع بالنوم مرة ثانية؟

ياليت عندي دوام شوفني مجابلك ولما اخص بروح انام , وخل الدوام للجامعيين اللي ضيع عمره دراسه وبعدين يضيعها وظيفه واذا صك عمره 70 قال انا شنو سويت بدنيتي شنو استفدت منها ؟

49- هل انت شخص دايم تاخذ احتياطاتك ولا ما تبالغ بالأشياء هذي؟
مثلاً صارلك بنجر وبدلت التاير.. تروح دايركت للصناعية تجيب تاير ولا تأجل الموضوع يوم يومين
ومثلاً واحد خذا منك جيك هل تحرص انه اول ما يخلص منه يجيبه ولا عادي تدق عليه بعد جم يوم؟

عادي لكن حسب التواير اذا جديده ومافيهم شي اطنش ولكن اذا واحد مرقع 100 مره والثاني صعرورتين فيه لا ابدل اول بأول

50- حاط تغييم على سيارتك ولا باقات؟

تغييم المصنع حراري اسود بالليل وبالنهار تشوف بس ماتشوف الملامح , حتى يوم اسوي الدفتر ماكلمونا عليه يا انه اللي شريت منه واسطه او ان من المصنع طالع جذي ومافيه مشاكل , لأن اهو اظن تغييم حراري بعد اللي عليه , اما الباقات ماعليه شي اللهم الا بركب اسطابات بمعاش شهر 7 ان شاء الله

51- هل اذا شفت راعي برد / بريد يبيع ع الدوار توقف تشتري؟

برد بريد :) يعني انت تقطها باللهجتين الحضريه والبدويه لا مااصفط الا اذا طالع من مراجعه و الدنيا حر يمكن اصفط اشتري , يعني مو اكيد

52- تشتري من الي يبيعون حب شمسي وبنك وترمس ( فصفص ) ولا ما تحبهم؟

مرات اي ومرات لأ حسب الخاطر

53- اذا رحت تتقضى للجمعية جم يطلع حسابك تقريباً؟

للبيت تقريبا 60 الى 70

54- هل انت من شلة مشروبات الطاقة؟ رد بول؟ هاوس بور؟

اشرب مرات قليله لأن جذابين سعره اغلى من البيبسي ومايعطيك جوانح وهذا غش تجاري ترى , يعني تشتكي عليهم تربح القضيه

55- أي لبن تشرب؟ مراعي؟ نادك؟ كي دي دي؟ خاثر؟

لبن اب . او اللي فيه نعناع , واخوي مدمن لبن ويسويه بنفسه بالبيت ويحط نعناع , يعني اشرب محلي الصنع اكثر شي

56- اذا كنت مقحط زقاير ولقيت هندي يشرب قود ليف ميبس طاقته الشمس 5 ايام تاخذ منه زقارة ولا اتحمل؟

اخذ ليش لأ بس ليته يندي ويعطيني زقاره

57- هل تمنيت انك جميل وحلو؟ ولا تقول الحمدلله اني جيكر عشان لا يجوني العرابجة

انا جميل ولله الحمد , يعني هذا اللي اسمعه من الناس , ولكن بمعنى ثاني مافيني عيب , وانا ابو العرابجه ليش اخاف منهم , عندي ربعي مشطبين على الكل

58- لو تلقى يوشي يتمشى بالشارع لحاله يعني ماعنده احد يدافع عنه شنو تسويله؟

اخطفه و اوديه جواخير جبد

59- هل انت راعي طيور؟ يعني من ربع يا فلاح يا فلاح اييييييييييه

ربعي جذي انا لأ , يعني المحيطين فيني فيهم نفس الطقه لكن انا مااهتم للهوايه اللي كل من يبي يصير رجال شرى طير وقط وجهه بالدواوين يعني شوفوني صقار

60- هل انت مطيرجي؟ يعني حاط لك قفص حمام فوق السطح وكل يوم الظهر تطيره

كنت راعي باكستاني اللي ينجم بالسما و تركت وصرت راعي زاجل وتركب وصرت راعي ووركرافت

61- تحب تطعس يعني تدش بالتغاريز؟

بالبرادو كنت اسويها بس خفيف مو نفس عربجيه السعوديه

62- هل تلبس خاتم؟

اي البس خاتم بأصبعي اليسار مو اخر واحد اللي قبله , عشان تعرفني مره وحده من خاتمي بعد

63- لك طلعات مزارع؟ جواخير؟ اصطبلات؟ ولا كلش مالك فيها؟

اروح المزارع الوفره او العبدلي

64- هل جربت تشتري من مزاد مثل مزاد جبد ولا مزاد الفودري؟ وشنو كان شعورك وقتها؟

شريت بمزاد جبد زاجل 12 طير يمكن , وشريت من مزاد بفنيطيس قبل ما تتثمن بلبل عراقي , شعوري مثل شعور اي مواطن كويتي يقط فلوسه على وناسته

65- هل تهتم بالأرقام الذهبية؟ يعني يكون بداية رقمك مثلاً 5555

اي انا رقمي 94949 بدايته

66- في مرة تهاوشت مع شركة الاتصالات وشنو كان السبب؟

لما بشيل خدمه منهم يقولون لك دقايق مجانا تدفع 23 بالشهر ومكالماتك من 12 بالليل الى 12 الظهر مجانا ومادري شنو , كانت فواتيري قبل الخدمه 50 دينار وبعد الخدمه 120 دينار جان اروح اشخط فيهم واكنسل الخدمه قالوا لازم سنه تكون مشترك بعدين تقدر تكنسلها قلت سنه مااقعد ياعمري كنسليها الحين وكنسلوها

67- شنو السبب الي خلاك تكمل بموقع منتدى رغم التوقيفات الي اخذتها؟

لأني شفت ان اغلب اللي كانوا يوقفون معاي الاعضاء البسيطين واللي دايم اكون مساعدهم بالاستفسارات , ولما اتوقف ارجع عشانهم لأن محد يعطيهم وجه ويرد عليهم

68- هل نظامكم بالبر تحطون علبة نيدو مصدية على الفحم ولا عندك أساليب متطورة؟

لا نفس النظام بس ماتغير

69- انت من كتلة المعارضة ولا مع الأعضاء القبيضة؟

مالي بالسياسه والله

70- لو ماكنت كويتي شنو تتمنى تكون؟

كندي واعيش بكوخ هناك واربي غنم ونياق , علف وماي ابلاش من الطبيعه غصن عليك تصير راعي حلال لو مالك بالطريق هذا

باي

بايات ولا عاد اشوفك سائلني مره ثاني , وينك ايام يوشي ها وله تخافون منه عشان ما يحكك توقيف

Karazhan

28-11-2011, 09:57 AM

وش ذا 5 صفحات

وآخر رد 70 سؤال

بصراحه ظلم ما اشوف إلا قليل إللي ماشي ع القوانين !! اغلبها 30 سؤال وفوق والقانون يقول 10 باليوم

ع العموم بعد إللي شفته اكتفي بالمشاهده ^^

وبالتوفيق :)

شق وجهي ماادري من وين يطلع الاسأله غولتك كم زرار

تشوف يوشي يتمشى بروحه شنو تسويله

وين العدل ؟ مو قالوا 10 اسأله كل واحد شوف ماكو عدل نهائيا

Warchif

28-11-2011, 10:17 AM

ول
هذه أسئله وإلا إمتحان قدرات

الله لا يكتب علينا
يالله انا منحاش

لوعةالفرقا

28-11-2011, 10:20 AM

وانت ما شاء الله عليك تجاوب اول باول

خلك ذيبان مثل يوشي يأخر الاجابات عشان ينتظرون الاجابات ومايسألون

usoppu

28-11-2011, 11:10 AM

شباب والله حنيت عليه

ماشاءالله عليه وسيع بال

لو انا كان مسكته وصفقت فيه لين ماخليه يدخل يمسح التحقيق الى كاتبه لى

شباب الى بعد ولد بطنها بيكون Derover <- ياويلك ويلاه

Abady Elfe

28-11-2011, 11:15 AM

شباب والله حنيت عليه

ماشاءالله عليه وسيع بال

لو انا كان مسكته وصفقت فيه لين ماخليه يدخل يمسح التحقيق الى كاتبه لى

شباب الى بعد ولد بطنها بيكون Derover <- ياويلك ويلاه

لا تصرف ......... خلينا نستمتع مع الأخ الفاضل ,بعدين نرشحك انت بعده :D

arlund

28-11-2011, 11:30 AM

اح وش ذا ؟ صفحتين اسئلة من شخص واحد ؟ ارحم الرجال ياخي

عندي كم سؤال يا ولد بطنها :P

1- لو جبنا لك بيبسي و كولا وسفن اب و حمضيات .... وش تختار ؟ :P
2-هل تعترف بالتقويم الهجري ؟
3-بحط لك كم رابط و ابيك تقولي رايك في الموسقى ( ابيك تسمعهم كاملين مو اول 3 ثواني بعدين تسكر :P)
الاول
http://www.youtube.com/watch?v=0S6Tjvaj19Q
الثاني
http://www.youtube.com/watch?v=nGdFHJXciAQ&feature=list_related&playnext=1&list=AVGxdCwVVULXfNW3cNeYs5bwez9-097S-h

Abady Elfe

28-11-2011, 11:51 AM

Twinked

28-11-2011, 11:54 AM

شباب متى يجي دوري؟ :silly: يالله يالله كارازان بسرعه جاوب تراه فيه ناس صافيين طابور << خخخخخخخخ

Yoshi

28-11-2011, 12:34 PM

kagoor

28-11-2011, 01:47 PM

ما شاء الله اول يوم و6 صفحات
الله يستر

عندي لك كم سؤال خفيف
1- اسوء قرار اتخذته بحياتك

2- افضل قرار اتخذته

3- لو قيل لك عندك فرصه تعدل احد اخطاء عمرك ايش راح تعدل

4- ايش سبب تعدد زوجاتك وسبب الطلاقات

5- شخصيه اثرت فيك

اكتفي بهالعدد من الأسئله

dagwar

28-11-2011, 02:16 PM

هل انت نظوووووول ؟؟؟ عينك حااااره يعني ؟؟؟ حسوووود يعني ؟؟؟؟ ولا لا ..... لانه من الصوره اللي انت حاطها تذكرني بالمثل اللي يقول (((( مايلحق الحوار امه ))))

اذا كانت اجابتك لا .... هل قد نطبك احد عين ؟ يعني قد نظلك احد ؟

اذا كانت اجابتك نعم !!! كيف عالجت العين ؟؟؟ طبعا الكثير يعرفون كيف تعالج العين عند البدو

سؤؤؤؤؤؤال اخير !!! قد دخلك جني او جنية ؟؟ او هل علاقات معهم ؟؟

وشكرا

Yoshi

28-11-2011, 02:17 PM

1-هل تدخل مواقع منحطه بالانترنت ؟ مواقع اباحيه مثلا , هل انت عضو بأحد المنتديات الشاذه ؟

2-هل تحرص على الدخول للمنتدى كل يوم ؟ واذا رحت مثلا مخيم او سافرت ولا كان هناك انترنت هل يتعكر مزاجك لأنك ماتدخل المنتدى ؟

3-اللعبه نفس الحاله ماترتاح الا اذا دخلت كل يوم , واذا رحت مكان وماعندك كمبيوتر واللعبه فيه تحزن وودك ترجع عشان تلعب , او تنساها مره وحده ؟

4-قالك احد الاعضاء اللي يسكنون الكويت حي حولي او شارع الشوليح او اي مكان بالرياض المهم قريب منك , وارسلك رساله بالخاص قالك ولد بطونها انا محتاج 500 ريال تقدر تسلفني , هل توافق او تقوله الله يعطيك ؟

5-اذا شفت بنت بالشارع تطلب منك الوقوف ولما وقفت قالتلك وصلني حي منفوحه هل توصلها او تقول اسف مالي خلق الهيئه يكبسون علي ؟

6-هل وانت متزوج الأن تعيش الرومنسيه بالطول والعرض وكل يوم تجيب ورده حمرا و هديه كل نزله معاش لزوجتك ؟

7-اذا الحين وانت تقرأ السؤال هذا وقالتلك امك ولد بطونها ابيك تروح السوق تشتري شغله من محل معين وترجع , هل تترك قراءه السؤال اللي بعده وتروح تلبس وتركب السياره وتنطلق للمحل , او تقول بكره او مو الحين او تقول وليييييه مالي خلق ؟

8-كم نبي تعرف , وكم من اللي تعرفهم تعرف قصتهم مع قومهم ؟

9-شكثر تحب نفسك ؟

10-هل اكلت ضب من قبل , وهل مازلت تاكله ؟

11-هل تشرب الخمر ؟

12-هل عاكست فتاه من قبل ؟ غير مديرتك حقت الدوام XD

13-كم مره ضربت طفل ؟

14-تحب تسوي رياضه و مواضب عليها او طاف ؟

15-كم مره رسبت بالمدرسه وكم مره ضربك المدرس ؟

16-هل انت من النوعيه اللي تاكل كل شي ؟ طبعا حلال ولكن اي اكله تشوفها تاكلها ولا تقول مثلا ما احب اللحم او الدجاج او السمك ,
حتى الاكلات الغربيه والاسيويه تاكل بدون مشكله او لأ ؟

17-شكثر تحب اللعبه كنسبه مئويه مثلا تحبها 10% 60% 100% ؟

18-هل تخاف المرتفعات ؟

19-اذا دخلت بيتكم وشفت اهلك طالبين من مطعم انت تحبه و اكلوا كل شي ولا بقى شي لك ,
هل تزعل عليهم وتهاوش وتقول ليش ما حسبتوني او طاف تقزرها بيض وجبن قلاص ؟

20-دخل عليك شخص وقالت وقع الورقه هذي واعطيك 1000 ريال , والمعامله ماتمشي الا بتوقيع موظف وانت تقدر توقعها وتختمها وتعطيه يخلص شغله بدون لا احد راح يدري عنك , هل تقبض ال1000 و توقع وكأنه ماحصل شي ؟

21-لما كنت صغير والى اليوم هل سرقت ؟

22-هل انت ونيس واللي يقعد معاك يضحك لما تسولف او تروي قصص هل تشعر ان اللي يستمع يعيش الجو او تحس ان بقلبه يقول ابلشني هذا متى يخلص ؟

23-ليش كل سؤال يسألونه الناس او حتى انا اسأله في رأيك عن عضو او أمر يتعلق بالاعضاء لازم يتم ذكرك فيه ؟

24-عضو وجوده زي عدمه منو ؟

25-عضو حاولت ترقع له وتمشيها له ولاكن مستمر بالغلط ودايم يضايقك ويحجر لك ؟ يعني عضو غلبك معاه وتعبت وانت ترقعله ؟

26-عضو من الجنس اللطيف تحب تشوف مشاركاتها وتتابعها وتتمنى الزواج منها ؟

27-هل تحب البر , يعني مثلا جاك عربجي وقالك شرايك نروح نصيد الحمام القمري في البر هل تروح وانت شاق الحلق من الوناسه ؟

28-عضو كنت تكرهه موت وفجأه حبيته منو , ان وجد , ليش حبيته او يعني بمعنى اخر احترمته شنو السبب ؟

29-لو قالتلك وحده انها جيكره و متينه تشبه الفيل ولكن مليارديه والفلوس تطلع من عيونها وخشمها وقالتلك
تزوجني بشرط ماتخوني وتتزوج علي واعطيك اللي تبي , هل تقبل فيها ؟

30-عندك 1000 ورده تهدي منو ورده من الورود هذي لألف شخص ؟

Cry Me A River

28-11-2011, 02:26 PM

:

اشهد ان لا اله الا الله وان محمد رسول الله

اما قسم بالله انك حقوووووووووووود يافهد هههههههههههههههههههههههه

بعير بعير

كل ذا بقلبك ههههههههههههههههههههه وش هالاسئله الله يصلحك وربي لو انا منه لا اسحب على الموقع كامل واشوف لي شي انشغل فيه احسن لي

:

بتفرج على الاجابات بس

(:

0

Jeremie

28-11-2011, 02:41 PM

أنا اليوم فتحت المنتدى ولقيت الضحيه # 2 موصل الصفحه 7 :bigeyes:

الأسئله كالتالي:-
- كم رقم ترتيبك في الأسرة؟
- من هو الاقرب لك من أعضاء أسرتك؟
- ماهو المسلسل الكرتوني المفضل أيام الطفوله؟
- أعلى مبلغ عيديه جمعته في العيد؟
- مدرس لازال في ذاكرتك .. ولماذا؟
- حدد بالضبط موقع جلوسك في الفصل؟
- ماهي احب المراحل الدراسية الى نفسك؟
- ماهو ابرز عقاب مر عليك طوال فترة الدراسة وباي سنه؟
- موقف محرج حدث لك في المدرسة؟
- كلمه تهديها لحليقي الشنب؟
- عضو تعلمت منه الكثير ؟
- عضو تتمنى ان تراه شخصيا؟
- عضو ترى ان لديه امكانيات كبيرة ولم يقدمها حتى الآن ؟ ( مأقصد نفسي:ee2: ).
-هل لديك استعداد لمساعدة زوجتك في امور المنزل وامور اطفالكما؟
-ألديكِ نظريات شخصية حول تربية الأولاد ؟
- هل تفضل أن تشاركك زوجتك الرأي في امور حياتكما المختلفه وامور عملك بالاخص؟؟ اشرح الاجابة معللا وجهة نظرك ...
-هل لك الحق في الاطلاع على رسائل جوال زوجتك وكيف لو رفضت ؟؟
- كم مرة تنازلت عن مبادئك من اجل انثى؟!! جاوب بصراحة ؟؟
- ماهي الكلمة التي تربكك من الانثى؟؟
- كم مرة بتشوف نفسك عالمراية قبل ما تطلع من البيت ويا ترى بتمسح جزمتك قبل ما تطلع ؟؟؟
- هل النت يؤثر على علاقاتك بالناس ؟؟؟

جـــــــــــــــــــــــــــــــــــاوب!!!!!!

Warchif

28-11-2011, 02:45 PM

تهي تهي
الله يرحمك ياولد بطنها
عز الله إنك رحت ملح

arlund

28-11-2011, 03:08 PM

والله كسرت خاطري حبيبي انت ولد بطنها خلاص انا ما ابيك تجاوب على اسئلتي .... كلها 4 او 3 اسئلة لول
اول يوم 7 صفحات WTF
في ناس اول مرة اشوفهم هنا لوووول
حبايبك واااجد ياولد بطنها :P

Ritzz

28-11-2011, 03:26 PM

خخخخخخخخ يوشي ماتعرف الا كوبي باست من اسئلة كارازان

Abady Elfe

28-11-2011, 03:26 PM

أنـــــ ا مــــ ا راح أســـــحـ ب أسئلتي ..... وصح أنا جديد هنا :silly:

أحذرك بس ترى لي شعبية يعني انتبه !

Yoshi

28-11-2011, 03:27 PM

لو مو متزوج متى حتتزوج؟

شو مواصفات زوجتك؟

وشهى أفضل رياضة عندك؟

وشو أفضل نادى عندك؟

هل تحب القرأءة؟

وشو هى سيارتك المفضلة؟

هل أنت مجروح:اذا كانت الإجابة نعم؟ متى تعقل؟

تحـــــــــــــــــــب الفلوس؟

هل تحافظ على فرودك فى المسجد؟

هل تتمنى يصيرون عيالك مثلك؟

وشهى طموحك فى الحياه؟

مين تحب من الفنانات؟

وشهى أكتر صفة تتمناها فى زوجتك بصراحة؟

لو فتاه أعجبتك كيف حتوقعها فى حبك؟؟؟؟

هل تمنيت في يوم ان تكون بنت ؟؟ ولماذا؟

هل تجذبك البنت اللي ابوها مليونير؟او غني؟؟

ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

عندما تكون معجب بفتاة ماهي طريقتك في الوصول لقلبها؟؟

ماشعورك اذا تزوجت طليقتك برجل افضل منك.؟؟

في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟

أذا وقع نظرك على امراه .. ماهو أول شيء يلفت انتباهك وتنظر اليه ؟؟

ماهي الكلمة التي تربكك من المراه !!

Yoshi

28-11-2011, 03:28 PM

يالله جاااااوب جااااااوب http://www.riyadhmoon.com/vb/images/smilies/smilies/66.gif

ياجماعه هذا يماطل !!! مايبي يجاوب http://www.riyadhmoon.com/vb/images/smilies/smilies/60.gifhttp://www.riyadhmoon.com/vb/images/smilies/smilies/60.gif
في احد يعرف وين ساكن فيه او وين بيتهم مايصير الكلام هذا !!! http://www.riyadhmoon.com/vb/images/smilies/smilies/47.gif

Abady Elfe

28-11-2011, 03:47 PM

شكله الرجال أغمى علية !

:12: بس لابد يجاوب على أسئلتي مالي دخل

Derover

28-11-2011, 04:08 PM

يا جماعة كل واحد يسأل 10 باليوم وممنوع كوبي وبيست

حتى من الكسل مالكم خلق تمسحون الأسئلة المكررة

انتوا فكروا واسألوا وطبعاً أسئلة سنعة مو تقولون له جم زرار بغولتك ولا جم طفل دمرت حياته

اسألوا اسئلة منطقية

xXAssassinXx

28-11-2011, 04:14 PM

ينفع الواحد يحط 70 سؤال حق الاسبوع كله ؟

Karazhan

28-11-2011, 04:15 PM

السلام عليكم

ان شاء الله راح اجاوب بس توني قاعد من النوم كسرني اللي فوقي هذا ويقول اسألوا اسأله سنعه

طولوا بالكم و خافوا الله , وينكم عن يوشي ماطلعتوا الا علي , يعني انتوا خنتوا الملك عالاقل مو تقلبون ضده وتسألون جذي

خلوني اشوف منو سأل اول واجاوب بالترتيب شكلي اليوم ماراح اطلع من البيت

Karazhan

28-11-2011, 04:23 PM

اح وش ذا ؟ صفحتين اسئلة من شخص واحد ؟ ارحم الرجال ياخي

عندي كم سؤال يا ولد بطنها :P

1- لو جبنا لك بيبسي و كولا وسفن اب و حمضيات .... وش تختار ؟ :P

اذا هاذا موجود اختاره فيهم
http://www.hajatk.com/img/p/720-124-thickbox.jpg
بشرط يكون نفسه بالضبط مو تعطيني قوطي , القواطي اختار بيبسي

2-هل تعترف بالتقويم الهجري ؟

احنا بالكويت مانستعمل التقويم الهجري ولو تسألني اي يوم الحين ماادري

3-بحط لك كم رابط و ابيك تقولي رايك في الموسقى ( ابيك تسمعهم كاملين مو اول 3 ثواني بعدين تسكر :P)
الاول
http://www.youtube.com/watch?v=0S6Tjvaj19Q
الثاني
http://www.youtube.com/watch?v=nGdFHJXciAQ&feature=list_related&playnext=1&list=AVGxdCwVVULXfNW3cNeYs5bwez9-097S-h

انت نفس رفيجي مطيرجي ويسمع بيتهوفن وكل يوم يدزلي روابط يقولي شرايك , انت ثامر ؟

والله شوف انا مااحب السيمفونيات ولو ان قبل كم 10 سنين كان نكي سيمفوني او symphony لكن مااحب اسمعهم خصوصا الهاديه جدا

xXAssassinXx

28-11-2011, 04:23 PM

usoppu

28-11-2011, 04:32 PM

بالعكس حرام عليك حبيب الكل ولد بطونها <- يتقرب له عشان مايصوت عليه

لا والله من كثر احبابه جو هنا يسألونه

Karazhan

28-11-2011, 04:38 PM

ولد بطنها أبغى أعطيك أسئلة ونشوف بعدها في اي اتجاه انا اروح معاك ( تبعا للتحليل حقي .... راح أرجعلك بوابل من الأسئلة )

- أنت جالس بالديوانية وجات سالفة الجنس الثالث تاخذ وتعطي في الموضوع ؟ إيش وجهة نظرك فيه ؟ لو إنك قابلت واحد في السوق وكان يطالع يبتسم فيك إيش تسوي إيش تقول !

انا يااخي الكريم احب اتكلم عن كل شي , يعني اي موضوع احب اتكلم فيه واشوف وين اوصل , لأني احب اكسب علم وتكون عندي وجهه نظر ومعرفه بالموضوع اللي ما مر علي من قبل

واذا قابلت واحد وابتسملي بالسوق احتمال اني ارقمه :)

- هل تتمنى إنك ترجع لعمر معين حتى تعدل حاجة إنت تعتقد إنك ندمان عليها إلى الآن ؟ وهل لو تعدلت الجاحة هذي انت تصير زي ما كنت تتمنى !

اي والله اغير حاجات كثيره عشان يرتاح ضميري وانا كبير

- لو إنك سافرت مع رفيق جديد توك متعرف علية, وإكتشفت انه متعود على الخدمة دايما في كل شي يعني حتى الشاي ما يسويه بنفسه , و رحلتكم كلها اسبوعين ( نخلي رحلتك لتايلند اللي تحبها انت ) أعطيني تصرفك معاه

بالصيف اللي فات سافرت مع صديق الى تايلند وما كنت مسافر معاه من قبل , وطلع ابن الحلال نفس ماتقول فوق هذا مايعرف انجليزي و يدخل محلات يساوم ويطلع روحهم وبالنهايه لما البياعين يعصبون يتهاوش معاهم بس بالانجليزي المكسر يعني لغه رايحه فيها , المهم يلف علي ويقولي تفاهم معاهم

ويقطني بوجه المدفع , طبعا مايعرف يتصرف بروحه وكل يوم يقعدني من النوم عشان اقعد معاه ونروح مطعم وذبحني بصراحه , لكن تحملته الى ان رجعنا , سألني واحد من ربعي قالي ها شلون فلان قلت خوش ولد , قال تسافر معاه مره ثانيه ؟ قلت انسى , عرف يعني الجواب ان هالشخص مايصلح سفر , حده بالكويت يعني لا تروح معاه بره

- تحب الحياة المترفه يعني تبغى جيبك عامر مليان فلوس , او انك تبغى بس اللي يسد حاجتك حتى تعيش حياة عادية

شوف انا بس ابي لما افكر اغير تواير سيارتي واشوف رصيدي بالبنك اشوف ان عندي فلوس . يعني ابي الفلوس تكون وسيله فقط وليست غايه

- من وجهة نظرك إيش الضروريات للإنسان في العصر الحالي ( حنى دول منعم الله علينا والخير موجود أبغى جوابك بالنسبة لدولة نفطية زي ما يشوفنا العالم)

الانسان ماله ضروريات ولا بطيخ الانسان مايملي عينه الا تراب الانسان اهو الكائن الوحيد اللي لما تصطره يمشي عدل , مو نفس الحمار مثلا يمشي واهو ساكت وعارف دربه ولا يقول زيدني علاوه عشان كل يوم اخاويك مشاويرك , الانسان مال طراقات

- حليمة بولند ظهرت في قناة وقالت انها تبغى تتزوجك ! تقبل ولا لأ , أوصف شعورك

قبل ماينتهي برنامجها تشوف التاهو صافط عند باب الاستديو , اي شعور اوصفه , دلع و حلاوه و عندها خير و واسطتها تمشي احسن من عضو مجلس امه

تنوية!
أنا لا لي في السياسة ولا خرابيط , لا تعطيني اجابات مختصرة , وأنت لعبت في سيرفر > Draenor Horde

لا قبل سنه 04 و 05 تقريبا كنت العب بالامريكيه بسيرفر اسمه darkiron و قص علي رفيجي قالي تعال اوربيه بعدين وقعد في سيرفر ماجذريدون مادري لي متى وبعدين رحت تويلايت همر , لعبت في سيرفرات مثل كازاك وغيره ولكن بالنهايه ارجع تويلايت همر لأن الناس بنسبه معقوله فيه و الباتل جراند زين و الدنجنات هم زين يعني تحصل قروبات بسرعه

لكن اخترب طبعه بالباتل جراند كله خساره بسبب الناس اللي مايستحون على وجيهم ويشغلون بوتات , انت داش تعلب او تشغل بوت وتطالعه , قله ادب

Heartbeat

28-11-2011, 05:03 PM

ههههههههههههههه
كرازان انت اللي جبتها لنفسك
نسيت شسويت في يوشي

انا اقترح بعد كرازان تمشون على القوانين الان لا مانع من قتل كرازان بالاسئلة
لكن بعده خلاص :)

Karazhan

28-11-2011, 05:23 PM

اهلن اهلن بالشيخ ولد بطونها http://www.riyadhmoon.com/vb/images/smilies/smilies/71.gif

اخباركـ علومكـ

وينك من زمان ماشفتك ياولد < مو كأنه هو اللى فاتح الموضوع ههههههه http://www.riyadhmoon.com/vb/images/smilies/smilies/65.gif

حياكـ الله , على كرسي التعذيب.. !

الحمد لله الله يسلمك انت شلونك هاهاها كيف الحال علومك مو كافي اللي تشوفه وجاي تسأل بعد

http://www.m5zn.com/uploads/2010/11/25/photo/112510091114qco72dc01leufq.jpg

هههههههههههه < هذي اولها خخخخخخخ

يالله جاوب ..

عضو توقيعه روعه.. غيري طبعاً هههههههههههه < مخمس http://www.riyadhmoon.com/vb/images/smilies/smilies/66.gif

مافي كلهم ون بيس

عضو نشيط...

انت

عضو رزه...

ميكافلي , اخاف رزه عندك بالسعودي مسبه وانا قطيتها براس ميكافلي

عضو مفقود...

ابو راشد <--- الله من توقيف جاني منه

عضو/هـ تفرح/ـين بوجوده/ـها ..

كثير حقيقتا , كثير جدا

هل انت تفعل ما تقوله هنا بالمنتدى ؟

انا كويتي انا

انا قول وفعل

وعزومي قويه

ماذا ستفعل لو هاجم الأعداء دولتك؟

اطلع الكلاشنكوف من الكبت وانتظر اوامر الامير ان قال حرب كان بها وان قال سلم لاحول ولا قوه الا بالله

ماذا ستفعل لو ضللت طريقك في دولة غريبة؟

اول مااطب ديره اول شي اسويه اخذ كرت الفندق . وهذا انتوا بعد لازم تسوونها , واذا ضعتوا امسكوا اي انجليزي وقولوله بليز مي هوتيل وير ؟ او عطوه الكرت وقولوله ذس ويير ؟ او تاكسي يوصلكم , بس اهم شي لا تبجون بالشارع

ماذا ستفعل لو رأيت متشرداً يتتبعك في شارع خالي من الناس؟

مااذكر اني مررت بشارع وشفت متشرد الا شريت وجبه وعطيته . وانا ملاحظه المشردين اغلبهم او كلهم يتكون عند المطاعم , يعني قصدهم من قريب جيب وجبه وتعال ؟ لكن مااشوف شخص جذي الا وعطيته وجبه او فلوس وجبه اهم شي ينام بطنه مليان

مين بنظرك يعمل بجهد في المنتدى ؟

انا وانت يمكن اللي يوميا يعني يحركون القسم

من هو العضو الذى يضايقك بردوده ؟

والله في ناس تضايقني لكن مااشيل هم

ما هو القسم الذى ترتاح فيه غير واو وغير ميتل قير قبل تنطرد منه؟

الاخبار سابقا لما كان معاي ابو راشد اللي قدم استقاله و ذ كاست اللي دق علي الثقل بعد ماصار عنابي و اولد سنيك , طلع لأن ماعطوني ولا وسام بصراحه :)

من اقرب عضو لك فى المنتدى؟

المطلق اذا قصدك يعني اعرفه شخصيا واهو اول تلميذ لي بالعالم ولو ان شوي عصبي وراعي هواش وعنده روح اجراميه الى هذا اليوم

ماذا تمثل لكي الكلمات الاتيه

مااعرفه اعبر عليهم كلهم لأني مااعرف للأسأله هذي ولكن بجاوب على اللي اشوفه يصلح

الدين

الحياه

الاب

الام

الاخ والاخت

الزوجه

الصديق

الحب

ما اعرفه للأسف

الخيانه

رمز من رموز المرجله ان كانت خيانه زوجيه

المنتدى

تضييع جهد زوجتك اولى فيه

واو

تضييع وقت

التواير

حلم كل فقير

بسطويسي

مجاهد بطل

الزيجارهـ

رمز من رموز المرجله

عضو يستحق الصداقه؟

اصادق منو ؟ ان تمشيت مع واحد فيكم اهله يشكون فيه 100%

عضو شفتة و عضو نفسك تشوفه ؟

لايوجد كلكم نفس عيالي تقريبا

عضو شخصيته مثل شخصيتك؟

وورشيف احس انه خليفتي لو يروح منتدى ثاني

عضو تعجبك شخصيته؟

ميكافلي<--- هالانسان دايم ساكن بس ماادري شفيني عليه احبه

عضو مغرور؟

بوحا وفلوتا بعد ماصار مراقب

عضو شرير ؟

بوحا

عضو شايف نفسه

بوحا

عضو ثقيل

بوحا

اي الأكلات تفضل

وياليت بترتيب الصور وكل وحدهـ تكتب عليها تعليق ولماذا ؟

http://img233.imageshack.us/img233/3607/89496184.jpg (http://www.a7tajk.com/vb/a7t-t119660.html)

او

http://www6.mashy.com/uploads/Yy/FQ/YyFQA58oZsl7zQ3QGxpJkw/chicken-kabab-recipe.jpg

او

http://i7.photobucket.com/albums/y272/hediyati/DSC02587-1.jpg (http://forum.mn66.com/t91327.html)

اول صوره طبعا بدون كلام , البوفيهات مااعرف اكل وقافي واذا اخذت بصحن يعني ذرب ماتشبع اما المفطح تضرب بالخمس ياسلام وتقوم اخر واحد اذا ما شالوك غصب , الشوي تالي الليل

\
/

لو اهديت سفرة عبر الزمن إلى أي زمن ستسافر الماضي أو المستقبل ؟؟ لماذا؟؟

اروح الماضي اصلح اغلاطي

رتب هذه الكلمات حسب الافضليه لديك

الصحه _المال _الاولاد _ال الزوج _الحصول على اعلى المناصب _راحة البال

المال والبنون زينه الحياه الدنيا , المال بعدين البنون وماكو طاري الزوجه او الزواج لأن البنون مايطلعون الا من الزواج

لذلك وبما انك ذكرت الصحه وراحه البال انا اقول

راحه البال - الصحه - المال - البنون او الاولاد - والاولاد مو بالزواج يعني يطلعون يعني الزواج والبنون نفس المكان - واعلى المناصب خلها لأهلها , انا عندي فلوس وبقعد بطالي عطالي

اكيد تعبت وانت تجاوب على الأسئله

لا عادي توني قاعد وفيني نشاط حتى شوفني قاعد اسوي ضغط بأصبعين

يالله خذلك مويه برد على قلبكـ

اسمه ماي مو مويه وين قاعدين

http://up.hawaaworld.com/up/sites/up.hawaaworld.com/files/up1/images/images-10360/152307.jpeg

ماهو اكثر الأقسام اللى تدخلها غير واو ؟ اذكر قسمين

الترفيهي عشان اراقب شخص كل يوم يكتب بدون مااشارك و الاخبار , والاسلامي ولكن الاسلامي من قبل سجلت لأن لازم عضويه خاصه او شي جذي , المهم سجلت وطنشوني الى اليوم لاحس ولا خبر

ماهو إحساسك وانت على الكرسي

سيء ماتوقعت ان راح يكون بالشكل هذا , خصوصا لما طلعلي واحد وعطاني 120 سؤال من اول يوم

مارأيك فيني قبل / بعد الإشراف

قبل الاشراف كنت اعطيك مشاركاتي , بعد الاشراف صرت تحذف مشاركاتي

من الشخص اللذي تتمنى وبقوهـ ان يكون بعدك ع الكرسي !

بو70

اريد صورهـ لمجلس الذي تجلس فيه او القلط او الغرفه

وين صورتي بو فانيله وسروال نفس القعده ماتغيرت كلش

ايام كنت مدمن واو وش اكثر شي كنت تضيعه في اللعبه يعني PvP PvE etc ايش اللى ياخذ اغلب وقتك/ايامك

كان بس ناقصني افتح محل تأجير لاعبين , ماكو مكان مااروحله اليوم كله استغله بالطول والعرض اخلص من شي ادخل بغيره

مارأيك في الأستكوزا دامك خبير سمك هل ينشط النشاط الجنسي ؟ الروبيان ايظا ؟

كلام فاضي , تبي شي مضبوط ساو بالميتو بروستار

حتى مطلع الفجر حبيبي

بعد الخيانه العظمى اللى صارت لك من المناديب وش رسالتك الموجهه لهم

والله يااخي شي محزن بصراحه , اقولهم انا مسامحكم بس لا تعيدونها لأن خلاص ماراح اقبلها منكم مره ثانيه , شلون يجي واحد ويغير ملايين كانو معاي ؟ شلون فوق تفكير البشر بكلمتين غير ملايين جدام عيني , شي غريب

من برئيكـ يستحق لقب مندوب الملك وماهو تعليقك على العضو بوحا & predaor101 &ابوناصر & MR.HM& duddte &h-onlin & &

ابو ناصر و مستر هم مااعرفهم صراحه لكن بريداتور و اونلاين مالهم حس يعني ماراح يفيدون الملك , بوحا راعي مشاكل وراح يشهوه صوره الملك , ماكو الا دوديت تجي المزرعه عندي اعطيها اساسيات الوظيفه و اعلمها وبعدين اطلقها بس بشرط تدخل بأسم رجل مو بنت

لماذا سميت الدجاجه بهذا الأسم

لأن ابونا ادم سماها دجاجه نجي احنا بعد 10 الاف سنه نعترض

لمااذا سمي الشنب بهذا الأسم

اسأل هتلر

لماذا سمي الملك بهذا الأسم

لأنه ملك اللعبه استحوذ عليها , متى تخلص اسألتك بس

لماذا لايوجد لديك مناديب فعليين وحقيقيون مثل ماقلت سيخرجون في المسيرهـ المليونيه عشان يصووتون لـ وارشيف هههههههه

خيانه عظمى حصلت والله , انا نفسك مستغرب , ولا صووووووووووت الا مونكن وهالرجل يعني سجل قبل كم يوم وقال انا جديد , يعني معقوله عضو جديد بس يكون معاي واللي عشت معاهم يقطوني على صخر بالطريقه هذي , والله انا مستغرب

هل تتوقع اني انفع ان اكون مندوب الملك ؟ او عروقي بالماي ؟

لا لأن المندوب لازم يكون عضو بسيط جدا لا حول له ولا قوه , نفس بدايتي بالضبط اذا تذكر ومادري لحقت علي او لأ , المهم ان من شروطها لازم تكون ماتمسك منصب وتكون بسيط يعني مو من الاعضاء المعروفين سابقا

شي تتمنى تشوفه في القسم ؟

اخفاء المنتدى عن الزوار عشان اللي نفسك بعد مايسجلون خروج ويتابعون من بعيد على بالهم محد صايدهم

إقتراح او شي تتوقع انه بيخلي قسم واو من افضل واشهر الأقسام مثل الملك اللى شهرته اقوى من نار على علم XD

وضع صوره الملك بدل شعار ووركرافت

متى اخر مره تضاربت ؟

من زمان

متى اخر مرهـ طلعت مع عيالك ووين رحتوا ؟

ولا مره , اكره العيال الصغار والاطفال , انا اعصاب واذا قعد يبجي طفل عندي او يحن عشان شي اعصب ويمكن احذفه من الدريشه

وش اسم امك ؟
مديحه

لو جائتك مديرتكـ في العمل قالت انا اموووت فيكـ يافهد وابيك تتزوجني شتسوي ؟

اتزوجها , لأنها من بنات بطنها من داخل السور , اللي الفقير فيهم عنده 5 ملايين

لو استدرجتك مديرتك في الدوام وإغتصبتكـ ماهي ردت فعلكـ وماذا تفعل حيال ذالك

استانس بس اسوي نفسي يعني زعلان

الأسئله الباقيه في الطريق جايه http://www.riyadhmoon.com/vb/images/smilies/smilies/66.gif

اوكي بروح السياره اجيب زقايري

يالله

جاااااااااوب

هو لسى انت شوفت حاقه

شد حيلك و رقم اسألت عشان اشوف 10 او اكثر , لان اذا ماحطيت رقم مااحسب واقعد اجاوب لو 100 سؤال . حط ارقام

Karazhan

28-11-2011, 05:28 PM

ما شاء الله اول يوم و6 صفحات
الله يستر

عندي لك كم سؤال خفيف
1- اسوء قرار اتخذته بحياتك

لما طلعت من الدرسه وقلت بصير بطالي و مصبنجي مالت علي

2- افضل قرار اتخذته

التدخين

3- لو قيل لك عندك فرصه تعدل احد اخطاء عمرك ايش راح تعدل

لن اقبل بتعديل شي واحد , لأن في بلاوي زرقه لازم تتعدل

4- ايش سبب تعدد زوجاتك وسبب الطلاقات

زمن السرعه الحين كل شي لازم بسرعه حتى الزواج , كل واحد يلهى بالامور اللي موجوده الحين , راح يجي يوم الزواج راح يتم بالمستشفيات

5- شخصيه اثرت فيك

الملك قدس سره , يعني عطاني 1% من طيبته و جماله و كرمه وصرت جذي , هذا لو يعطيني 20% ومن كثر المشاركات يجيني جانس كريتيكال اصير 40% اكيد راح اتزوج كل بنات المنتدى

اكتفي بهالعدد من الأسئله

والله انك احسن واحد

Karazhan

28-11-2011, 05:41 PM

هل انت نظوووووول ؟؟؟ عينك حااااره يعني ؟؟؟ حسوووود يعني ؟؟؟؟ ولا لا ..... لانه من الصوره اللي انت حاطها تذكرني بالمثل اللي يقول (((( مايلحق الحوار امه ))))

لا والله لا نظول ولا عيني حاره ولا احسد , وترى افهم انا ان قلت كلمه وتحسب اني ماافهمها , لا كل الكلمات اعرفهم تكلمني حضري بدوي جداوي جازاني اماراتي قطري بحريني كل شي عادي

اذا كانت اجابتك لا .... هل قد نطبك احد عين ؟ يعني قد نظلك احد ؟

نظلني واحد بس مو فيني بالسياره , ايام كنت مجرم والحياه سهر كنا رايحين محطه بنزين مشرف اللي صوب قصر بيان القديم وكان هالبنزين خدمه 24 ساعه بوقتها ماكو غيره مفتوح , المهم قبل اصفط رفيجي اللي قاعد ورى قال مكيف سيارتك قوي

طفيت السياره وعبيت بنزين بس , يوم شغلتها وشغلت المكيف الا حار حده , الحين اذكره بالسالفه ينكر يقول لا مو انا

اذا كانت اجابتك نعم !!! كيف عالجت العين ؟؟؟ طبعا الكثير يعرفون كيف تعالج العين عند البدو

ماحصل اني انصكيت عين

سؤؤؤؤؤؤال اخير !!! قد دخلك جني او جنية ؟؟ او هل علاقات معهم ؟؟

لا

وشكرا

عفوا كل يوم تعال اذا كانت اسألتك جذي شويه , اذا حسيت اسألتك زادت لاتجي

Karazhan

28-11-2011, 06:11 PM

1-هل تدخل مواقع منحطه بالانترنت ؟ مواقع اباحيه مثلا , هل انت عضو بأحد المنتديات الشاذه ؟

ادخل بالوقت اللي احسه ميت , انا ادري اني قليل ادب ومااسحتي على وجهي واستاهل الضرب لكن تبت الحين وماصرت ادخل, بس مو عضو طبعا2-هل تحرص على الدخول للمنتدى كل يوم ؟ واذا رحت مثلا مخيم او سافرت ولا كان هناك انترنت هل يتعكر مزاجك لأنك ماتدخل المنتدى ؟

اي بالايفون ادخل ان كنت بالمخيم او مكان بعيد اذا كانت القعده فيها 3 مليغين ادخل المنتدى3-اللعبه نفس الحاله ماترتاح الا اذا دخلت كل يوم , واذا رحت مكان وماعندك كمبيوتر واللعبه فيه تحزن وودك ترجع عشان تلعب , او تنساها مره وحده ؟

لا عادي طاف 4-قالك احد الاعضاء اللي يسكنون الكويت حي حولي او شارع الشوليح او اي مكان بالرياض المهم قريب منك , وارسلك رساله بالخاص قالك ولد بطونها انا محتاج 500 ريال تقدر تسلفني , هل توافق او تقوله الله يعطيك ؟

لو عندي من عيوني , توني مو قلتلك بالاسأله اللي طافت بروح اجيب زقايري , رحت السياره وله مافيها ولا باكيت والحين طحت على صخر و بوكي فيه 6 دنانير من وين اطلع 500 ريال ياشيخ5-اذا شفت بنت بالشارع تطلب منك الوقوف ولما وقفت قالتلك وصلني حي منفوحه هل توصلها او تقول اسف مالي خلق الهيئه يكبسون علي ؟

ماعندنا هيئه , اوصلها شارع الخزان اذا تبي بعد6-هل وانت متزوج الأن تعيش الرومنسيه بالطول والعرض وكل يوم تجيب ورده حمرا و هديه كل نزله معاش لزوجتك ؟

ههههههههههههههههههههههههههههههه انا والرومانسيه اشهد انها ماتركب 7-اذا الحين وانت تقرأ السؤال هذا وقالتلك امك ولد بطونها ابيك تروح السوق تشتري شغله من محل معين وترجع , هل تترك قراءه السؤال اللي بعده وتروح تلبس وتركب السياره وتنطلق للمحل , او تقول بكره او مو الحين او تقول وليييييه مالي خلق ؟

مالي خلق8-كم نبي تعرف , وكم من اللي تعرفهم تعرف قصتهم مع قومهم ؟

كلهم 9-شكثر تحب نفسك ؟

يعني لما اكون بمزاج حلو احب نفسي10-هل اكلت ضب من قبل , وهل مازلت تاكله ؟

كنت اتريق ضبان , بس الحين ما اشوفه وصارلي سنين مبطي عنه11-هل تشرب الخمر ؟

لو تطلب مني حلميه بولند او سميه خشاب اتوقع الكه بدون ثلج

بس اذا جذي اشربه لا لأن راح اقزرها بجي بس ان سكرت12-هل عاكست فتاه من قبل ؟ غير مديرتك حقت الدوام XD

كثير جدا وكله يطردوني13-كم مره ضربت طفل ؟

كثير14-تحب تسوي رياضه و مواضب عليها او طاف ؟

لا الا المشي15-كم مره رسبت بالمدرسه وكم مره ضربك المدرس ؟

مارسبت , الضرب عد وخربط16-هل انت من النوعيه اللي تاكل كل شي ؟ طبعا حلال ولكن اي اكله تشوفها تاكلها ولا تقول مثلا ما احب اللحم او الدجاج او السمك ,
حتى الاكلات الغربيه والاسيويه تاكل بدون مشكله او لأ ؟

اي عادي بدون مشاكل , يعني ان حبيت تعزمني اختار المطعم اللي يعجبك لأني راح اكل فيه 17-شكثر تحب اللعبه كنسبه مئويه مثلا تحبها 10% 60% 100% ؟

5%18-هل تخاف المرتفعات ؟

اي والله هههههههههه19-اذا دخلت بيتكم وشفت اهلك طالبين من مطعم انت تحبه و اكلوا كل شي ولا بقى شي لك ,
هل تزعل عليهم وتهاوش وتقول ليش ما حسبتوني او طاف تقزرها بيض وجبن قلاص ؟

متعوده دايماادخل طالبات دوت كوم واطلب , على فكره افتحوا للسعوديه بعد تقدر تطلب منهم20-دخل عليك شخص وقالت وقع الورقه هذي واعطيك 1000 ريال , والمعامله ماتمشي الا بتوقيع موظف وانت تقدر توقعها وتختمها وتعطيه يخلص شغله بدون لا احد راح يدري عنك , هل تقبض ال1000 و توقع وكأنه ماحصل شي ؟

بالوقت الحالي اوقعها , بس لا يجيني لما اركب تواير واخلص21-لما كنت صغير والى اليوم هل سرقت ؟

اي بس تبت22-هل انت ونيس واللي يقعد معاك يضحك لما تسولف او تروي قصص هل تشعر ان اللي يستمع يعيش الجو او تحس ان بقلبه يقول ابلشني هذا متى يخلص ؟

اقولك اللي يقعد معاي يحبني من اول يوم , وانا ابخص ترى , يعني اشوف الشخص وين حده للأستماع ومتى احس انه زهق مني , يعني بالعربي اعطي اللي معاي حقه واخليه لما يمشي يقول هذا كأنه يقرأ افكاري

انا مااحب اطيح بجبد احد او اقط وجهي على احد , مااكثر كلام يعني23-ليش كل سؤال يسألونه الناس او حتى انا اسأله في رأيك عن عضو او أمر يتعلق بالاعضاء لازم يتم ذكرك فيه ؟

حتى هذا

لأن الناس تحبني اتحداك الحين تسوي تصويت منو تحبون بالقسم يقولولك الملك

يكون في علمك انا معاي الملايين يعني سوالف تصويت افتك منها لأني راح اكتسح التصويت24-عضو وجوده زي عدمه منو ؟

بريداتور كان يشارك قبل الحين اشوفه بس مشاهده , مدري طاحوا عليه يسرق وقصوا ايدينه وصار بس مشاهده

الله واعلم25-عضو حاولت ترقع له وتمشيها له ولاكن مستمر بالغلط ودايم يضايقك ويحجر لك ؟ يعني عضو غلبك معاه وتعبت وانت ترقعله ؟

طوف لناس كثيرين

بس الزعيم فيهم بوحا26-عضو من الجنس اللطيف تحب تشوف مشاركاتها وتتابعها وتتمنى الزواج منها ؟

اقول بس مااتوقف ؟ ترى بوجهك

اراشي
27-هل تحب البر , يعني مثلا جاك عربجي وقالك شرايك نروح نصيد الحمام القمري في البر هل تروح وانت شاق الحلق من الوناسه ؟

اي عادي لأن اللي ماتعرفه والشباب يعرفونه ان انا كنت مصبنجي قبل , والحين صرت زين بعد الكي

وعندي اصدقاء مازالوا مصبنجيه لي بكره , واهم اجرم ناس بالكويت يعني , فما اتوقع اني بخاف من احد

انا مااخاف الا من ربي و زوجاتي والمرتفعات بس:)28-عضو كنت تكرهه موت وفجأه حبيته منو , ان وجد , ليش حبيته او يعني بمعنى اخر احترمته شنو السبب ؟

مافي كلهم احبهم من البدايه الى النهايه , وحتى اللي كانوا ضدي قبل

قلت بعد 100 سنه راح تعرفون قيمتي والحمدلله ياانهم عرفوا قيمتي بسرعه او مرت 100 بدون ما نحس , لذلك كنت احبهم من زمان وقلت اصبر عليهم راح يجي اليوم اللي يكونون معاك

بس الصدمه اول تصويت تخلوا عني29-لو قالتلك وحده انها جيكره و متينه تشبه الفيل ولكن مليارديه والفلوس تطلع من عيونها وخشمها وقالتلك
تزوجني بشرط ماتخوني وتتزوج علي واعطيك اللي تبي , هل تقبل فيها ؟

انا اتزوجها بدون تفكير

لكن اضبط سيارتي واتعشى بفرايديز لما ازهق منه , وبعدين احاول اخونها اذا طاحت علي خلاص واذا ماطاحت علي اكمل الخيانه واتزوج غيرها30-عندك 1000 ورده تهدي منو ورده من الورود هذي لألف شخص ؟

اهديهم لكل المعجبات بالمنتدى , العضوات واللي يدخلون للمشاهده فقط

اهم شي الجنس اللطيف , دام خربانه السالفه

يبا اهم شي بالدنيا البنات

السلام عليكم , انا كتبت كلام فوق وبعدين رفيجي مسح الكلام وقالي اثقل لا تخرب على نفسك , ومسح الكلام اللي كان مكتوب بعد الاقتباس يعني , لأن خربتها وقلت كلام لكن رفيجي تدارك الامر وحذرني

مشكلتي بسرعه افصل و يتحكم فيني الشرير , انا نفس ماقلت قبل فيني شخصين طيب وشرير

والسلام عليكم ورحمه الله وبركاته

Deathcow

28-11-2011, 06:19 PM

Karazhan

28-11-2011, 06:31 PM

أنا اليوم فتحت المنتدى ولقيت الضحيه # 2 موصل الصفحه 7 :bigeyes:

الأسئله كالتالي:-
- كم رقم ترتيبك في الأسرة؟

يمكن ال10 فيهم

- من هو الاقرب لك من أعضاء أسرتك؟

اخواني اللي اكبر مني واللي اصغر مني , يعني خالد و احمد

- ماهو المسلسل الكرتوني المفضل أيام الطفوله؟

كرندايزر

- أعلى مبلغ عيديه جمعته في العيد؟

8 دنانير
- مدرس لازال في ذاكرتك .. ولماذا؟

مدرس العربي والرياضيات ايام 3 ابتدائي , افركوني فرك , واحد لأني مااكتب الواجب والثاني عشان جدول الضرب , ولو اشوفهم الحين واتأكد يعني انهم المدرسين نفسهم ما اتردد بضربهم
- حدد بالضبط موقع جلوسك في الفصل؟

وين المصبنجيه يقعدون يعني ؟ اكيد اخر الصف

- ماهي احب المراحل الدراسية الى نفسك؟

المتوسطه

- ماهو ابرز عقاب مر عليك طوال فترة الدراسة وباي سنه؟

سنه 86 لما كنت في 3 ابتدائي , كنت طول السنه انضرب من المدرسين اللي قلتلك عنهم , مره وحده كتبت الواجب والمدرس ماصدق وضربني انعل ابوه ابن كلب
- موقف محرج حدث لك في المدرسة؟

مااذكر والله

- كلمه تهديها لحليقي الشنب؟

اتقوا المرجله
- عضو تعلمت منه الكثير ؟

كلهم كبر عيالي شنو اتعلم منهم يعني غير الهم وعوار الراس , لا ويطلعلك واحد تسأله عمرك مريت بعلاقه يقولك لا مستحيل ماعندي هالسوالف , واهو كاشخ بالفيس بوك حاط صورته ومربي زلوفه ونظارات 5 ريال , لو مربي الشنب مو ابرك من هالزلوف , ويقولك لا انا مالي علاقه بالبنات

على باله ان انا راح اصدقه , اهو يحسب ان لو يخدعنا بالقسم الكل راح يصدقه مايدري اني مريت بالهسوالف قبله , ومايدري اني متأكد 100% لو البنت بسقف الغرفه يصيرلها عنكبوت

- عضو تتمنى ان تراه شخصيا؟

مابي اشوف احد بعد الخيانه . صرت ماادري منو الصديق والعدو , خوفك اشوف واحد ويطلع مجمع ربعه و منخشين ولما اشوفه يفركوني ويصوروني وانا مطقوق ويحطون صوري بالمنتدى

اما الجنس اللطيف بأي وقت اقدر القي فيهم عادي يعني

- عضو ترى ان لديه امكانيات كبيرة ولم يقدمها حتى الآن ؟ ( مأقصد نفسي:ee2: ).

كلهم قطوا كل اللي في جبدهم , محد عنده شي صدقني , يعني بدل قعدتهم لو يجون البيت يساعدون يدقون محكر يكون احسن

-هل لديك استعداد لمساعدة زوجتك في امور المنزل وامور اطفالكما؟

لا-ألديكِ نظريات شخصية حول تربية الأولاد ؟

لا

- هل تفضل أن تشاركك زوجتك الرأي في امور حياتكما المختلفه وامور عملك بالاخص؟؟ اشرح الاجابة معللا وجهة نظرك ...

لا , من رموز المرجله بعد التدخين و الخيانه الزوجيه اهو ضرب الزوجه , ومالها اي كلمه ولا تدخل بحياتك الخاصه , انا مؤمن بالشي هذا بس مااقدر اطبقه لأن زوجتي اخوانها يدقون حديد واخوانها دود يعني
بس انا اشجع اللي زوجاتهم عكس زوجتي وماعندها اخوان يدقون حديد يطبق عليها المرجله

-هل لك الحق في الاطلاع على رسائل جوال زوجتك وكيف لو رفضت ؟؟

عمري ماعلمتها ولا افكر اعملها , وزوجتي علمتها معاي وصار تبحث بجوالي و كمبيوتر هذي وبيني وبينك اكتشفت بلاوي , ولكن طلقتها بعد هالمحاوله

- كم مرة تنازلت عن مبادئك من اجل انثى؟!! جاوب بصراحة ؟؟

اتنازل من اجل الانثى على كل , تعرف يعني كل شي ؟ الا الشنب , لها كل شي الا الشنب مالها شغل فيه

- ماهي الكلمة التي تربكك من الانثى؟؟

جيب حليب وحفاظات

- كم مرة بتشوف نفسك عالمراية قبل ما تطلع من البيت ويا ترى بتمسح جزمتك قبل ما تطلع ؟؟؟

لما اسرح شعري بس ومااطول يعني , زوجتي تلمع جزمتي انا ماادنق او اكندس للجزمه تكرم ويكرم المشاهد المخلص الوفي

- هل النت يؤثر على علاقاتك بالناس ؟؟؟

اي انا ماربيت شنبي الا يوم تأثرت بالنت وشفت النت والمقالات المكتوبه فيه

جـــــــــــــــــــــــــــــــــــاوب!!!!!!

اي قاعد اجاوب شفيك معصب؟

ابي زقاره ياشباب مقحط حدي لو باجي

Karazhan

28-11-2011, 06:35 PM

جااااااااوب وش فيك عديت الأسئلة من صفحة 3 :biggthump

جاوبت صفحه 4 ثاني مشاركه

بروح البقاله بشتري زقاير لحظه

شكله السالفه مطوله

لوعةالفرقا

28-11-2011, 06:46 PM

انا بصراحه ضد إللي صاااااااااااير

يا شباب والله مالها داعي خفو على الرجال صراحه الواحد عنده 3 ردود او اكثر وكل رد فيه دست أسئله وكله هذا في اليوم الاول لسى ما مرت 24 ساعه على جولسه وش هذا لو عنده نفط ما يقدر يرد على اسالتكم<< مدري وش دخل النفط المهم جت كذا ههههه

والغبه أسأله كثيره متكرره ولو بحلف ان البعض ماهو قادر يحصل الأجوبه على اسألته من كثرة الردود صار الموضوع نط إلى اضافة رد واكتب قد ماتقدر من الاسئله وممكن تلاقي البعض مو منتظر اجابات اصلا ويمكن انه ما قرأ إلا صفحه وحده << اذا قرأ شيء هذا

إللي ناسي يتذكر

http://www.photoshop-pack.com/tutorials/images/12879.jpgبـإمكان الجميـــع المشاركة
http://www.photoshop-pack.com/tutorials/images/12879.jpgالعضو له الحق في عدم الإجابة على الأسئلة المحرجة..
http://www.photoshop-pack.com/tutorials/images/12879.jpgالعضو له الحق في الإنسحاب إذا كان مشغول ويواجه ظروف
http://www.photoshop-pack.com/tutorials/images/12879.jpgكل عضو فقط يجلس عالكرسي مرة واحدة في كل جزء أو موضوع ,
يعني الذي يترشح لهذا الكرسي لا يمكن أن يترشح مرة ثانية
http://www.photoshop-pack.com/tutorials/images/12879.jpgكل عضو له الحق في طرح عشرهـ اسئله فقط لكل يوم ,

انا اناشد الجميع بعدم اضطهاد الاخ الفاضل وإلتزام القوانين

والله وبدون مجاملات لو انا مكانه بكتب رد واحد بس (اعتذرعن الاجابه عن اي سؤال)

السبب بكل بساطه الناس تسأل اكثر من 10 أسئله باليوم والقانون واضح يقول 10 في اليوم فقط وهالقانون مو انا جايبه وإلا مألفه موجود من قوانين اللعبه يعني لي الحق اني اعتذر عن الاجابه دام في مخالفات واقعه !!

حبيت أقول إللي بخاطري ولاحد يزعل مني :ponder:

والله يعينك يا أخ فهد ^_^

Yoshi

28-11-2011, 06:57 PM

Yoshi

28-11-2011, 06:59 PM

لوعة الفرقا اول يومين او ثلاثه كنت فاتح المجال للأسئله بعدها غيرت القوانين لـ عشرهـ اسئله فقط .. وانا خلال يوم واحد طرح علي حوالي 45+ سؤال !

من حقي اسال

وايه صح !

صوتكـ وصل صوتك وصل انت سعودي انت سعودي صصوتك وصل http://www.riyadhmoon.com/vb/images/smilies/smilies/66.gif

Karazhan

28-11-2011, 07:07 PM

لو مو متزوج متى حتتزوج؟

لما يوصل عمري 45 سنه وفوق

شو مواصفات زوجتك؟

اهم شي القبول وماتحن علي لأن الحنه اكرهها وطلقت بسببها

وشهى أفضل رياضة عندك؟

الفراش

وشو أفضل نادى عندك؟

مااتابع

هل تحب القرأءة؟

كثيرا

وشو هى سيارتك المفضلة؟

جيب لكزس الكبير نفس لاند كروزر , نفس اللي عند المديره

هل أنت مجروح:اذا كانت الإجابة نعم؟ متى تعقل؟

مجروح متى تعقل ؟ يعني هذي كلمه بالسعوديه نفس ملح وقبله , مجروح من الحب يعني , انا نفس ماقال فهد بن سعيد مجروح انا بالحشى جرحين والثالث انت تسابيبه

ولا راح اعقل الى لما اوصل لهدفي بالحياه , اتزوج مليونيره اركب تواير اتعشى بفرايديز اتغدى مفطح وابني بيت واسوي فيه حفره احط درام للمنتدي ادق محكر واربي زاجل للمتعه والاكل

هني اعقل , غيره العقل مايوكل خبز

تحـــــــــــــــــــب الفلوس؟

احبها عشان امشي اموري , يعني لو احصل مليون اسدد ديوني واشتري بيت وسياره والباقي اتبرع فيه <----- اقص ايدي

هل تحافظ على فرودك فى المسجد؟

لا لأني انا 10 الصبح واقعد 6 المغرب

هل تتمنى يصيرون عيالك مثلك؟

يهبون شيبون فيني يصيرون نفسي , ابيهم احسن مني , واحد محامي والثاني وكيل نيابه , عشان اصير انا واسطه

وشهى طموحك فى الحياه؟

يكون عندي بيت بروحي بدل المكان اللي اعيش فيه , بيت دورين 6 عوائل فيه :)

مين تحب من الفنانات؟

سميه خشاب لو تقولي دق شنبك ادقه موس + عكس

وشهى أكتر صفة تتمناها فى زوجتك بصراحة؟

تكون نفس هذي ونفس دلعها اللي عفوي

http://www.youtube.com/watch?v=RoGOIrRsDrw

لو فتاه أعجبتك كيف حتوقعها فى حبك؟؟؟؟

مااعرف شلون لأني دفش اكلم البنت اليوم من وبعد نص ساعه اقولها دزي صورتج وانت ,,,,

هل تمنيت في يوم ان تكون بنت ؟؟ ولماذا؟

تهبااااااااااا

هل تجذبك البنت اللي ابوها مليونير؟او غني؟؟

يعني بس مااحاول معاهم لأ مايبون واحد كحيان نفسي
عمرك شفت كويتي مو قادر يركب تواير ؟

ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

اقولها اثبتيلي الحب عملي , كلام مايمشي

قايلك ما انعطى وجه من البنات

عندما تكون معجب بفتاة ماهي طريقتك في الوصول لقلبها؟؟

اهزء نفسي عشان تضحك وتتقبلني كصديق

ماشعورك اذا تزوجت طليقتك برجل افضل منك.؟؟

اغار

في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟

اتابعها من بعيد لين تمشي بس احاول اني اخليها ماتشوفني

أذا وقع نظرك على امراه .. ماهو أول شيء يلفت انتباهك وتنظر اليه ؟؟

مؤخرتها وهذا عيبي بصراحه , حتى اخوي يكون يمشي معاي واهو يدري بالشي هذا , اول ماتمشي بنت امامنا يطالعني عشان يشوف عيوني وينهم , بصراحه كأن 4 تواير بريجستون مع سبير محطونين جدامي او مليون دينار , مااقدر اشيح نظري عنها

طبعا الناس تشوفني وانا بالحاله هذي , لكن انا بصراحه حاولت اني ابطل هالشي ولكن ماقدرت لازم اطالع ومو اطالع بس , اقعد اشخص واخز خز لين يقولي اخوي او رفيجي ياولد لا تطلع عيونك

ماهي الكلمة التي تربكك من المراه !!

منو تكلم ؟ اذا كنت اكلم يعني , اي كلك نظر

السلام عليكم

اقفل الموضوع انا اخذت حقي وزياده

Karazhan

28-11-2011, 07:16 PM

ههههههههههههههه
كرازان انت اللي جبتها لنفسك
نسيت شسويت في يوشي

انا اقترح بعد كرازان تمشون على القوانين الان لا مانع من قتل كرازان بالاسئلة
لكن بعده خلاص :)

انا مظلوم

انا لما كنت اسأل على نياتي وماكانوا الناس يسألون ويوشي كان ينحاش

بس انا ماتوقعت راح يصير فيني جذي , قلت بيني وبين نفسي منو راح يسأل اذا انا اللي اسأل اكثر واحد ؟ ماكو احد

لكن صدمني اوفر ب120 سؤال وشوف اسألته تكفى روح شوف اسأله خصوصا كم طفل برئ خربت عيشته او شي جذي

وكل سوالفه عن عن الشي هذا , ماادري مخيل علي او شي

لكن فوق صدمه اسألته تجي صدمه الخيانه العظمى اللي تعرضت لها

انا يصير فيني جذي ؟ معقوله ؟ يااهل قسم ووركرافت معقوله ؟ من انتم

Karazhan

28-11-2011, 07:17 PM

لحظه ياجماعه لحد يسأل

بشوف وين وصلت ومنو طوفت وبشوف الرسايل الخاصه ماادري اسأله بعد او شنو

وقفوا اسأله بليز

Karazhan

28-11-2011, 07:56 PM

بصراحه اللى صاير ظلم في حق الرجال(ولد بطونها) شفيكم انتم http://www.riyadhmoon.com/vb/images/smilies/smilies/48.gif؟

ارحموهـ مايصير هالكلام يا ع ـيال خافوا ربكم لاحول ولاقوهـ إلا بالله .. http://www.riyadhmoon.com/vb/images/smilies/smilies/48.gif

ترا هذا ادمي كل شوي جايني واحد قاط اسئله قربنا نوصل الصفحه ال 10 خلال اقل من يوم حرام عليكم ياليت تخفون عليه شوي ..

المهم نرجع لمحور الحديث جااااااااااااااااوب يالله

كم منتدى مسجل فيه ؟

سجلت في منتديات سابقه مشهوره , اغلبهم اسجل من اجل الشيعه بصراحه , ولكن اول منتدى تركت الشيعه ومسكت قسم الطب بالقرآن , لان شفت دجل كثير واكتشف كل يوم دجال او ساحر وافضحه امام الناس وياخذ توقيف , الناس حبتني بالشي هذا والاداره الله يجزاها خير عطني اسم ذهبي و

اكتبوا تحت اسمي عضو ذهبي , واستمريت على هالحال الى ان مره دخلت وشفت واحد كاتب بقسم الافلام والمقاطع "قسم اسمه من هذا القبيل" كاتب هيفاء وهبي عاريه لحقوا قبل الحذف , انا رحت اركض بصراحه "ايام كنت طايش يعني مو الحين"

المهم لما دخلت شفته كاتب ماتستحون على وجيهكم تبون السوالف هذي , وقعد ينصح , انا استجنيت وفقدت السيطره و مت قهر , جان اكتبله رد طويل عريض ماكو مسبه ماقلتها ولا كلمه مو زينه الا قلتها له , بالنهايه تم توقيفي نهائيا والى اليوم كل مااروح اشوف شالوا التوقيف او لأ اشوه مازال باند

السالفه قبل 10 سنين او اكثر ماني متأكد , بس هذا المنتدى كنت معروف فيه و مسجل بشكل رسمي

المنتديات الثانيه كلها منتديات شيعيه معروفه , اسجل اشخط فيهم واحاورهم واذا عجزوا على الاجابه حكوني توقيف , وادخل بأسم ثاني ونفس الطريقه , يعني مو رسمي معاهم بس احاور واطلع , وكان توقيعي مندوب المسردب عجل الله فرجه الشريف

الى ان جاء اليوم اللي ادخل بأسماء كثيره بدون ما اذكر التوقيع او اي شي يثبت انه انا , الى ان اعرفوني , نفس البسطويسي الحين لما يدخل ويتكلم الكل يعرفه حتى لو يغير اسمه و بياناته , انا جذي

الى ان دخلت المنتدى هذا اظن في سنه 2007 لأن المطلق قالي عنه في ناس تحتاج مساعده شرايك تدخل وتشوف , ودخلت وشفت ومازلت الى اليوم موجود فيه , وماعندي منتدى غيره يعني من سجل فيه الى اليوم هذا , بس يمكن امشي اذا ماحطوا اسمي ذهبي وعطوني اوسمه القسم هذا

والاخبار و عطوني نجوم و رتب عسكريه نفس قسم كمال الاجسام نفس اللي عند هارت مقدم و ملازم اول , ويعطوني وسام شكرا لك اللي عند داركتيب و نقاط التقييم كلها لما توصل الحد الاقصى , بالحاله هذي ماافكر اطلع من المنتدى

كم عضويه موجودهـ لك ؟

4 او 5 , فيهم بنت , يعني مو تتحرش بالبنات عشان ماتطيح فيني وافضحك بعدين

مريت بموقف صعب واحد الأعضاء ساعدكـ ؟

مااذكر احد ساعدني , اخر مساعده احتجتها كان اغير اسمي هذا و عطوني طاف

إذا جتكـ حاله فصله شتسوي ؟

ماافصل , لكن اتكوكس اذا حسيت فيني نشاط او حاله هستيريه

يقولون هالجيل فاشل تتوقع ليش ؟

من الايفون واللي نفسه من الاجهزه , الحين من عمره 6 سنين يعرف حركات السكس كلها ويعرف كل شي يتعلق بالسكس , عكس قبل مايعرف الا لما يتزوج

صرنا نفس الغرب الحين , وهالامور راح تجي عكسيه علينا , لأن اذا الاطفال من بدايه عمرهم جذي راح تدخل بعدين مجالس ودواوين تشوف رجال ونساء قاعدين مع بعض و صايرين ربع , والرجل ما يضر المرأه وكأنه واحد من ربعه

نفس اللي تشوفهم بأمريكا وغيرها , وشوي شوي تشوف البنت من عمرها 13 سنه مرافجه صبي كبوي فرند يعني والوضع طبيعي يدخل بيتها وتدخل بيتا

لا مباحث لا هيئه لا شرطه , ولا شقق اجار يومي , بس انتوا تقولون صعبه يصير , الناس ماتفكر على جيلكم او جيل اللي بعدكم , يفكرون بعد 500 سنه وفوق

شنوب اسم اكبر عيالك ؟ يعني ابو ايش

عبدالعزيز , ينادوني ابو عبدالعزيز

ماهي افضل مسرحيه مرت عليك ؟

كثير , شاهد ماشفش حاجه و العيال كبرت , باي باي لندن , على هامان يافرعون

تعرف تطبخ ؟ إذا ايه ماهي الطبخات

اي اعرف وتقريبا كل شي

اسوء اسمين بنت & ولد

مروا على اسماء عجز تفشل بصراحه , والرجال مادري بس ماشي جنب الحيط ماادري شلون اطلق على ابنه هالاسم

منهو اكثر شخص يدق عليك

بندر عشان يدري اني اسهر واهو يسهر بعد ويدق علي نروح الشيشه عشان اخرطه بكره القدم , واهو صديقي اللي كان يسافر معاي ايام الشباب ونقعد شهور في ربوع تايلند

الحين اهو مازال عزوبي عمره 32 سنه , ومصبنجي حده ومده , ماكو فطفوط مايخاف منه او متحرش فيه , لدرجه اني قلتله انت شاذ عشان جذي ماتبي تتزوج , قال لا انا ماعندي فلوس , قلت ياعمي عندك جمس موديل 95 لما الحين تستعمله مال ابوك , وكل يوم ذابحني ياوليلي على

لاند كلوزر , حتى مايقول لاند كروزر , يسميه لاند كلوزر , ويبي يسافر بعد كل يوم اروح الشيشه يقولي ياويلي على تايلند , ماادري لي متى يكدس فلوسه , مع ان المنحه ال1000 دينار مازال خاشها غير معاشاته يمكن وصل مليون الحين محوش

المهم ماودي اطب بالرجال خله بحاله

http://www.riyadhmoon.com/vb/images/smilies/smilies/65.gif

ايييييييييييييييييييييييييييييييييييي اضحك

والله دنيا صاروا يتشمتون فيها ويحطونا بتواقيعهم

Karazhan

28-11-2011, 08:05 PM

في شي انا ناسيه ؟

ياليت لو اذا كنت ناسي شي تحطولي رقم الصفحه ورقم المشاركه

يعني تذكرون المصادر

دايخ باللعبه

28-11-2011, 08:48 PM

السلام عليكم

عندي سوال واحد ما ابغى اصعب عليك الامر انا طيب ^^

ماذا تفضل شاربك الطويل ام المنتدى والاعضاء الي فيه؟؟(جاوب بصدق بدون الاحراج من الطرفين)

صحيح ان سوال ماله داعي بس حبيت اشارك ولو بسوال

Karazhan

28-11-2011, 08:56 PM

لا والله الشباب عن الشنب

usoppu

28-11-2011, 09:08 PM

ولد بطنها

صحيت من النوم ولقيت واحد من عيالك ولع بشنبك بالولاعه حقتك وباقي ثلاث شعرات من الشنب مهي محروق ايش تسوي ؟

تضرب ولدك ؟

كم تاخذ عشان تخرج من البيت ؟

Karazhan

28-11-2011, 09:14 PM

ادقهم وله تبيني اصير نفس معلم كونغ فو عنده 3 شعرات بشامته

ومااضربه ان فعلها

وانا تقريبا بسرعه يطلع الشنب ويطول ياعمري

Yoshi

28-11-2011, 10:17 PM

مشاء الله 10 صفحات اول يوم باقي شوي وتوصل 11 لول .. انا بخليكـ تريح فترهـ وبعدين برجع لك !

xman 2

28-11-2011, 10:28 PM

بصراحة انت مظلوم

يعني قبلك في ثلاث ايام عشر صفحات وانت في يوم عشر صفحات

الله يكون بعونك بس تبي الجد تشبه واحد من الشباب على ذي المواصفات بس لو تقول لي ان عندك كرش ايقن انه اهو

على العموم يا بعد قلبي ما نسيت نصيبي من الاسئله

1/ ليش الواحد متامل انه بيلقه شنطه فيه فلوس في البر؟ مش بس انت ياخوي ولد بطنه ممكن اكثر الشباب يقولون كذا

2/هل لك النيه في تكميل الدراسة ؟

3/وش المقاطع اللي خلاك تموت من الضحك في اليوتيوب/ومقطع تحسفت انك شفتها ؟

4/وش رايك في الدعاية ذي http://www.youtube.com/watch?v=nOjXLdiJ80Q (http://www.youtube.com/watch?v=nOjXLdiJ80Q) والصوره ذي 347758

وسلامتك وتعيش :)

xXAssassinXx

28-11-2011, 10:38 PM

1) موقفتؤمنبه ؟وليش؟

2) لونتحبه؟ وليش ؟

3) دولهودكتروحلها؟ وليش ؟

4) وظيفةتتمنىانكتتوظففيهآ؟ وليش ؟

5) موقفماتحبتشوفهقدامك؟وليش؟

6) صفهتكرههوماتحبتكونبأيانسانتربطكفيهعلاقه؟ وليش ؟

7) سيارتكالمفضله؟ وليش ؟

8) مكانيعجبككثيروتحبتروحلهدايم؟ وليش ؟

9) منهوالصديقالاقربلكٍِـ (اسمهوسيرهذاتيهعنه) وقلليشتحبه؟

10) هل تحب البلوت؟؟واذالاليشواذاايهليش؟؟

11) ماهوأحًَـلىقسمبالمنتدى و ليش ؟؟

هذا فصلته لك

xXAssassinXx

28-11-2011, 10:55 PM

عرف نفسك بثلاث كلمات ؟!

متى تكون مرتاح نفسيا ...؟

هل انت كتوم بمشاعرك..؟
من من ألآعضــآء أثر في شخصيتك ..؟

انسب الكلماات التاليه لاحد الاعضاء (حب، رقه، خشونه، مرح، غرابه، اثاره، جدل، زعل ,أبداع
ثرثره، غضب، غموض، قهر، لا مبالاه)...؟

شي في بالك دايما يخطر بس مو قادره تنفذه او تحققه؟

متى تشعر بأنك قريب من نفسك؟

ماهو الشي الذي امامك ولكن صعب الوصول اليه ؟

الاكله المفضله لديكـ ؟

مطربك المفضل ؟

اغنية تحبهآا ؟

شاعرك المفضل ؟

جائزة أحسن أخلاق لمن تعطيها ؟

جائزة أحسن أسلوب فكاهى ؟

جائزة أفضل عضو على الإطلاق ؟

جائزة العضو النشيط؟

العضو الذى تقول له (الله لا يحرمنـآ منكـ)؟

عضو مرح ؟

عضو ذوق ؟

عضو رومنسي؟

عضو زعول ؟

عضو توأم روحك بالمنتدى ؟

لو طلب تغيير اسمك الحقيقي ماهو الاسم البديل الذي تختارهـ ؟

اكثر موقف محرج صار لك بالمنتدى ؟

xXAssassinXx

28-11-2011, 10:58 PM

١- بعطيك بعض الصفات ووزعهم على اعضاء المنتدى

*محرك المنتدى..
*مبدع المنتدى,,
*روح المنتدى..

*عضو تعجبك ردوده..
*عضو مواضيعه تعجبك..

٢- ترتيبك بين اسرتك ؟

٣. صفة سيئة أو طبع تتمنى التخلص منه ؟

٤. لمن تبوح بأسرارك غالبا ؟

٥. قسم تفضله وتحرص على التواجد فيه ؟

٦. أجمل لقب أو عبارة مدح وجهت لك ؟

xXAssassinXx

28-11-2011, 10:59 PM

أقصر مهمة يومية تقوم بها ؟

أطول مدة تبقى فيها أمام الكمبيوتر ؟

كلمة تحب سماعها الصبح ؟

كلمة تكره سماعها في أي وقت ؟

أحلى صفة لديك ؟

عيب شخصي تعترف به ؟

كيف تعبر عن غضبك ؟

كيف تعبر عن الفرح ؟

أحب زوايه بيتك إليك ؟

أغلى ماتملك ؟

لحظة أبكتك ؟

ذكرى ما تنساها ؟

آخر لحظة فرحت بها ؟

xXAssassinXx

28-11-2011, 11:03 PM

حاجه في حياتك تتمنى ان الزمن يرجع للخلف لتغيرها؟

في لحظات الحزن لمن يلجأ Karazhan بعد الله طبعا؟؟ والعكس
في لحظات الفرح لمن يتجه ؟؟

احداث صارت لك في حياتك يمكن كانت محزنة بس عطتك دروس في الحياة ؟

تخيل العالم يصغي إليكـ بهذة اللحظة , ماذا ستقول ؟؟

من من الناس يحتل المساحه الاكبر من قلبك ؟

ماهي الصفه التي يصفك بها الآخرون؟

ماهو الشي الذي على أساسه تقيم الناس؟

ايهما أقرب إليك المجاملة أم المواجهة؟

حكمه تؤمن بها وترددها كثيراً ؟

من هي الشخصيات البارزه في المنتدى بنظرك .. ؟
عضو/ هـ تحس شخصيتـه قريبه من شخصيتـك ؟؟
ما العضو/هـ الي تحب تتكلم معه وماتحس بالوقت معه ؟
عضو/هـ تقولة المنتدى من دونه ماله طعم ؟؟
عضو/هـ يعجبكـ ملفه الشخصي /// والالبوماته ؟؟
عضو/هـ تحب توجهه له كلمه ( وماهي الكلمة )

عضو/هـ يحزنك انك تدخل وماتشوفو بالمنتدى ؟؟
من العضو/هـ ودك يجلس بكرسي الاعتراف بعدك؟

Karazhan

29-11-2011, 12:35 AM

بصراحة انت مظلوم

حدييييييييي

يعني قبلك في ثلاث ايام عشر صفحات وانت في يوم عشر صفحات

الله يكون بعونك بس تبي الجد تشبه واحد من الشباب على ذي المواصفات بس لو تقول لي ان عندك كرش ايقن انه اهو

على العموم يا بعد قلبي ما نسيت نصيبي من الاسئله

1/ ليش الواحد متامل انه بيلقه شنطه فيه فلوس في البر؟ مش بس انت ياخوي ولد بطنه ممكن اكثر الشباب يقولون كذا

لأنها اسرع واسهل طريقه للغنى

2/هل لك النيه في تكميل الدراسة ؟

صعبه كتير كتير

3/وش المقاطع اللي خلاك تموت من الضحك في اليوتيوب/ومقطع تحسفت انك شفتها ؟

مثل هالمقاطع هذي تضحكني


http://www.youtube.com/watch?v=M1p_ihJoniE&feature=related

4/وش رايك في الدعاية ذي http://www.youtube.com/watch?v=nOjXLdiJ80Q (http://www.youtube.com/watch?v=nOjXLdiJ80Q) والصوره ذي 347758

وسلامتك وتعيش :)

الله يسلمك , والله ماعندي تعليق على الافلام , انا جاهل بالامور هذي

Karazhan

29-11-2011, 12:37 AM

اهم شي اسمع صوت الطراقات , هذا اللي يضحكني صراحه

Karazhan

29-11-2011, 12:50 AM

انت جهازك او كيبوردك مافي مسافه ؟

1) موقفتؤمنبه ؟وليش؟

موقف تؤمن به ؟ في احد يؤمن بالمواقف ؟

2) لونتحبه؟ وليش ؟

الاسود على السياره والبيج على الذهبي بالغرفه

احب الاخضر والازرق

3) دولهودكتروحلها؟ وليش ؟

دوله ودك تروح لها ؟ كندا او امريكا وبالتحديد الاسكا لأن فيها الطبيعه والجمال والجو , واسكن صوب جبال درود

4) وظيفةتتمنىانكتتوظففيهآ؟ وليش ؟

ودي اصير وكيل نيابه او قاضي

5) موقفماتحبتشوفهقدامك؟وليش؟

مااحب اشوف الظلم بأنواعه

6) صفهتكرههوماتحبتكونبأيانسانتربطكفيهعلاقه؟ وليش ؟

الانانيه والبخل , شنو ليش ؟ وانت كله ليش ليش ليش

7) سيارتكالمفضله؟ وليش ؟
فراري اف 430

8) مكانيعجبككثيروتحبتروحلهدايم؟ وليش ؟

المطاعم , عشان بعد ليش

9) منهوالصديقالاقربلكٍِـ (اسمهوسيرهذاتيهعنه) وقلليشتحبه؟

اغلب اصدقائي قريبين مني ولأنهم يعني من زمان معاي من قبل 25 سنه

10) هل تحب البلوت؟؟واذالاليشواذاايهليش؟؟

لا والله ويمكن اذا عرفتها احبها لكن مااعرف العبها ولا اعرف قوانينها

11) ماهوأحًَـلىقسمبالمنتدى و ليش ؟؟

قسم ووركرافت و الاخبار سابقا , لأن ووركرافت اهو المكان اللي دخلت عشانه وكان تخصصي فيه , الاخبار لأن ذكرني بأيام شبابي
هذا فصلته لك

بس حط مسافه بين كل كلمه وكلمه ارجوك

Karazhan

29-11-2011, 01:12 AM

عرف نفسك بثلاث كلمات ؟!

مواطن شريف فقير

متى تكون مرتاح نفسيا ...؟

لما ادفع اقساطي الشهريه ويبقالي جم فلس ارتاح نفسيا

هل انت كتوم بمشاعرك..؟

اي والله بصراحه ماابوح او اقول لشخص احبك الا بالغصب لما اهو يحن علي ساعتين ياله اقول , هذا خراج النت طبعا

لكن بالنت امشي و اوزع حب و قبلات عالكل

من من ألآعضــآء أثر في شخصيتك ..؟

مافي لأن انا اللي اثرت بشخصياتهم

انسب الكلماات التاليه لاحد الاعضاء (حب، رقه، خشونه، مرح، غرابه، اثاره، جدل، زعل ,أبداع
ثرثره، غضب، غموض، قهر، لا مبالاه)...؟

انتوا شفيكم عالاسأله هذي , والله مااعرف ارد عليها

شي في بالك دايما يخطر بس مو قادره تنفذه او تحققه؟

اروح فيلكا ^^
جزيره

متى تشعر بأنك قريب من نفسك؟

الرجل الحديدي ؟ انا كاني عند نفسي

الاتحاد قوه

الى الرجل الحديييييييدييييييمن وين تطلعون هالاسأله العلميه هذي ؟ الواحد فيكم عربي ويقط بدليات

ماهو الشي الذي امامك ولكن صعب الوصول اليه ؟

يوم اركب تايرين جدام , كنت اشوف التواير يمي بس صعبه المنال

الاكله المفضله لديكـ ؟

الصوره اللي حطها يوشي فوق , اللي صحن عيش وفوق مفطح

مطربك المفضل ؟

عبادي الجوهر

اغنية تحبهآا ؟

كل اغاني عبادي تقريبا بفتره الثمانينات والسبعينات

احب اغاني مني مناك تكون عدنيه يعني جلسات خاصه , يعني انا اسمع عبادي من سنه 90 تقريبا والى اليوم , ولكن مايمنع اسمع اغاني جميله , عكس وورشيف اللي اذا سبيت اغنيه من اغاني بشير جاك وتهاوش معاك

شاعرك المفضل ؟

يهبون مااحبهم

جائزة أحسن أخلاق لمن تعطيها ؟

كثيرين وتقريبا كل قسم ووركرافت الا واحد

جائزة أحسن أسلوب فكاهى ؟

وورشيف وانا يمكن

جائزة أفضل عضو على الإطلاق ؟

انا , في احد يعترض

جائزة العضو النشيط؟

انا , شفتوا واحد مثلي من 2007 الى اليوم ماتوقف كتابه الا بالباندات

العضو الذى تقول له (الله لا يحرمنـآ منكـ)؟

انا, بس اقولها الله لا يحرمكم مني

عضو مرح ؟

انا و وورشيف و اولد سنيك <-- او ممنوع من خارج القسم ؟

يوشي عندك مرح خصوصا لما يلبس نظاراته الذهبيه اللي ب5 ريال و رازها بالفيس بوك ابو زلوف

عضو ذوق ؟

فلوتا

عضو رومنسي؟

كراي هههه

عضو زعول ؟

محد ماشفت واحد زعيله الا مره اسمه مهند "مو بوحا" لكن كان اسمه مهند من جده

كان حاط صورته بالصوره الرمزيه وكان ابيضاني وهالسوالف

قعد يناقشني بشي المهم بط جبدي لأن تحس من عيال فلوس ولازم كلمته تمشي لأنه غني , قلتله انت مع هالصوره ابيضاني و مربرب و لابس تي شيرت و شاربك لما الحين ما طلع اكيد مايعجبك كلامي

المهم زعل لأني قلت مربرب وابيضاني جان يدق الشباب سلف "بوحا والرايد اللي معاه" لغايه ما اخذت توقيف

كانت على ايام اوتلاند نكي

عضو توأم روحك بالمنتدى ؟

ماكو احد للأسف , لأني بديت المنتدى وحيد و غريب عنهم لذلك كونت صداقاتي متأخر حيل

لو طلب تغيير اسمك الحقيقي ماهو الاسم البديل الذي تختارهـ ؟

مهند + blacksmith

اسم يتغير بالكتابه العربيه والاجنبيه

يعني اسمي فهد لو تكتبه بالانجليزي يطلع fahad

يعني اي شخص يعرف الحروف الانجليزي يقرأ اسمي فهد

لكن مهند بالعربي وبالانجليزي بلاك سميث

اسم تحس زقرتي واسم تجار

اكثر موقف محرج صار لك بالمنتدى ؟

لما قلت معي الملايين وبالنهايه بروحي طلعت

اشكرك جزيل الشكر

Karazhan

29-11-2011, 01:19 AM

انا على بالي خلصت اسأله

١- بعطيك بعض الصفات ووزعهم على اعضاء المنتدى

*محرك المنتدى..
*مبدع المنتدى,,*روح المنتدى..

كلهم انا

*عضو تعجبك ردوده..

اي واحد من اتباع الملك المخلصين
*عضو مواضيعه تعجبك..

مااتابع مواضيع امانه لأني اتابع ردود فقط

٢- ترتيبك بين اسرتك ؟

العاشر

٣. صفة سيئة أو طبع تتمنى التخلص منه ؟

الكسل

٤. لمن تبوح بأسرارك غالبا ؟

اخوي

٥. قسم تفضله وتحرص على التواجد فيه ؟

ووركرافت والترفيهي مشاهده فقط و الاخبار

٦. أجمل لقب أو عبارة مدح وجهت لك ؟

ولد بطنها اللي عروقه بالماي

لدرجه اني ودي اغير اسمي الى ولد بطنها واكتب تحت او مكان عضو اكتب اللي عروقه بالماي , يعني شوف يوشي كاتب داركنس او لايت او شي جذي وحاط الوان , انا ودي اكتب عروقي بالماي واحط الوان

بس يقولك اشتراك شهري فيها وانا ماعندي فيزا

في بعد اسأله ؟

Karazhan

29-11-2011, 01:24 AM

أقصر مهمة يومية تقوم بها ؟

اولع زقاره

أطول مدة تبقى فيها أمام الكمبيوتر ؟

يوم يومين

كلمة تحب سماعها الصبح ؟

صباح الخير يا كاويني من سميه خشاب او حليمه بولند

كلمة تكره سماعها في أي وقت ؟

لما تقولي زوجي ابي فلوس

أحلى صفة لديك ؟

التواضع والاخلاق

عيب شخصي تعترف به ؟

حب النساء

كيف تعبر عن غضبك ؟

بالتدخين

كيف تعبر عن الفرح ؟

حركه معينه اعملها بجسمي كله , حركه مو زينه

أحب زوايه بيتك إليك ؟

الصاله اللي قاعد فيها , احلى مكان بالبيت كله

أغلى ماتملك ؟

بالماده ؟ سيارتي

بكل شي ديرتي

لحظة أبكتك ؟

كل يوم ابكي

ذكرى ما تنساها ؟

لما راحت وراح الامل

آخر لحظة فرحت بها ؟

لما طلعت من السجن

في بعد او خلصت يالحبيب

OLD SNAKE 19

29-11-2011, 01:24 AM

xman 2

29-11-2011, 01:26 AM

طيب ما عطيتني رايك
347776

Karazhan

29-11-2011, 01:45 AM

حاجه في حياتك تتمنى ان الزمن يرجع للخلف لتغيرها؟

لما تزوجت

في لحظات الحزن لمن يلجأ Karazhan بعد الله طبعا؟؟ والعكس
في لحظات الفرح لمن يتجه ؟؟

مااروح لأحد عاده , انا كتوم واغلب المرات او كثير اكلم روحي لدرجه اني صرت رفيج نفسي وصديقه الصدوق

احداث صارت لك في حياتك يمكن كانت محزنة بس عطتك دروس في الحياة ؟

سقوط صدام ودخول ايران العراق وضحتلي الصوره الحقيقيه للروافض الصفويين

تخيل العالم يصغي إليكـ بهذة اللحظة , ماذا ستقول ؟؟

مو زعلان من احد فيكم

من من الناس يحتل المساحه الاكبر من قلبك ؟

قلبي فارغ

ماهي الصفه التي يصفك بها الآخرون؟

كافي خيره شره

ماهو الشي الذي على أساسه تقيم الناس؟

من كلامهم وافعالهم , لأني ان اكتشفت ان الشخص فيه كذب او يحب يتعرف لمصلحه مااعطيه وجه

ايهما أقرب إليك المجاملة أم المواجهة؟

اجامل كثير

حكمه تؤمن بها وترددها كثيراً ؟

سو خير و قطه بحر

من هي الشخصيات البارزه في المنتدى بنظرك .. ؟

كلهم اللي تشوفهم معمرين القهوه

عضو/ هـ تحس شخصيتـه قريبه من شخصيتـك ؟؟

وورشيف , ساعات اقول ان احد اخواني ويقول انا سعودي عشان مااصيده

ما العضو/هـ الي تحب تتكلم معه وماتحس بالوقت معه ؟

بالمنتدى كل كلامي سطحي واغلب الشباب مايعطوني وجه اللهم بس خدمه او مشكله يرسلون خاص عشان اكلم او بالعربي اتوسط لهم

او اعرض المشكله لأن يخافون الظاهر يتكلمون بلسانهم

عضو/هـ تقولة المنتدى من دونه ماله طعم ؟؟

اترك الجواب لأعضاء القسم , اذا ماقالوا انا ادق شنبي مثل هتلر

عضو/هـ يعجبكـ ملفه الشخصي /// والالبوماته ؟؟

انا لأني احط افلام هادفه و مرات مضحكه , الباقي كل واحد يضبط ملفه الوان وهالسوالف عشان يعني شوفوني كشيخ والبنات يتحطمون فيه

عضو/هـ تحب توجهه له كلمه ( وماهي الكلمة )

اقوله فهمتني غلط يا فلوتا
ولا كان هذا قصدي نهائيا والكل شوفهم عادي الا انت زعلت لأنك فهمتني غلط

عضو/هـ يحزنك انك تدخل وماتشوفو بالمنتدى ؟؟

والله يااخي واجد , لكن اللي احزني اكثر ان في ناس لي فضل عليهم او كنا مع بعض والحين مايعطوني وجه نهائيا

ناس وقفت معاهم و في منهم دافعت بأستنزاف حتى حكوني توقيف واهو يشوف , دخلت عليه قبل فتره اسلم وله معطيني طاف كأنه مايدري

انا مااحب ادخل على الناس بملفاتهم , مااحب واحد يقول هذا شكو داخل ملفي , مااحب اسم كلمه مني او مناك تجرحني , ولكن هالشخص غصبت نفسي حيل عشان بس ادخل واسلم عليه , شفته يكلم الناس في ملفه الشخصي

ولما سلمت وانتظرت الرد للأسف ماوصل شي , قلت انت فلان او انا مضيع , عطاني طاف وكأنه ماشافني قبل هالمره

مع انه يعرفني عز المعرفه ومايضيع فيني او يختلف بين اثنين , لكن ان كان يشوف كلامي وانا متأكد 100% ان يشوف كلامي ويتابعني يوميا

اقول ترى مابي منك الا السلام , انت تعرفني وتعرف انا شنو فعلت

وانت اللي قعدت تصفقلي بين الناس كلها وتقولي بالخاص كفو ياولد بطنها كفوووووو

وكأني نزلت من السما عليك ووقفت معاك ضدهم , ويوميا تتابعني بسكوت وانا اطحن معاهم ليل نهار ليش انحاشوا واحد واحد وقاموا يدخلون بعضويات ابو مشاركه وحده والى ان اغسلوا ايدهم مني ومنك ومن المجموعه البسيطه اللي كانوا زياده عدد

ولما تغير الحال الى الاحسن وما شاء الله صارت اوسمه عندك اضعافي والناس بالقسم اللي تشارك فيه معرفه ومايستغنون عنك , حتى السلام ماترد علي

والله اني مو زعلان على اللي تسويه لكن مو حلوه اجبر نفسي وبالاخير تسفهني جذي وانت تدري اني جبرت نفسي عليك

من العضو/هـ ودك يجلس بكرسي الاعتراف بعدك؟

اللي سألني 120 سؤال

اوفر

ياجماعه انا اسف عالكلام اللي فوق هذا لكن يوم شفت السؤال ذكرته وكتبت اللي كتبته

Twinked

29-11-2011, 01:49 AM

Karazhan

29-11-2011, 02:10 AM

مو معقووووووووووووووول , بيوم واحد بس 11 صفحه , ما تخافون الله بهالمعتر انتوا .

ديروفر , شكلك طلعت حرة اسئلة اختبارات المدرسه على مدار 12 سنه هنا !! يجيلك يوم , وصدقني ما راح يصفح عنك الملك !

كنت ناوي اسألك بس احسني هونت ............................ وﻻ تدري , ﻻ مانع من جم سؤال عالطاير :-

1- رايك بــ فهد بن سعيد , بشير شنان ؟؟

محمد عبده وطلال مداح علمهم العود بشير شنان , بشير اخذ حقه متأخر , فهد بن سعيد يعني ماودي اتكلم معه واقول فاشل واحسله يصير لقاح نخل لكن مانسأله الا الرحمه

2- لنفرض ان حسام السوسه قدر يفتن بين ابو رايش وابو قريعه , وعبدالكريم ما كان موجود , وصارت الهوشه ... من تتوقع يسطر الثاني وليه ؟؟ << علما بان ابو رايش 5 نجوم بدليل العربجه اما ابو قريعه فل كامل تشوفه عط ﻻ توقف !!

الاقرع راعي وانيت جمس ببهاني و ابو رايش مااشوف عنده سياره , فأتوقع الاقرع يفوز لأن اهو الوحيد اللي يرادد ابو رايش عكس الشباب اللي كلهم يخافون منه

وابو رايش معاه عرابجه واجد والاقرع كله بروحه يتمشى ولا يرد على عرابجه المدرسه كلهم , فأتوقع الاقرع مو سهل لأن اهو الوحيد عنده اقرعين

3- جاك"زافين" اللبناني الحين وقالك نفس ما قال لحسام "عن جد ...................." وش بتسوي ؟؟

مالي خلق اخذ توقيف , اسوي فيه نفس ما عمل ابو رايش في خوي حسام اللي شافوه بالكبت وكله قطف زقاير

4- قل لي بكل صراحه قصة هوشه من هوشاتك تكفخت فيها لما عضيت القاع ؟؟ ﻻ تستحي ترا كلنا تكفخنا عادي !

هوشه مع يمكن 20 واحد وكانوا ماخذيني غدره , جاني واحد فيهم وكان معاي بالمدرسه البيت وقالي تعال خلنا نسولف عن الدروس اللي طافتني لأني غايب قلت اوكي , ورحنا ساحه مو بعيده عن بيتنا , يعني بيتين بينهم براحه وانا اتمشى معاه ودخلت البراحه شفت شعب ينتظرني

قلتله غدره يافلان ؟ قال والله محد يجيك "كأني كسرت خاطره" المهم جوني كلهم , درنفيسات و عجر و عصي وكلهم علي ولكن وراسك ما اسدحوني بالارض وضرب انا معاهم , بندر اللي قلت قصته فوق واللي رفيجي بالسفرات واروح معاه الشيشه كان معاهم واذكر كان معاه درنفيس "الكلب"

وصارت بينا , اللي اخذني هذا قعد يفرق وقال وخروا عنه لحد يجيه , قام واحد ثاني واللي اهو صاحب الدوانيه اللي اقعد فيها الحين وقام معاي و قاموا نصهم ونصهم اتضارب معاهم , لين حطوني بنصهم ويحموني لين وصلنا البيت ودخلت

عاد هم اغدروا فيني ليش ؟ لأنهم كانوا يتحرشون "عرابجه المنطقه" ويتحرشون بأي واحد ومسيطرين على المنطقه وانا جديد بالمنطقه واعرف 4 يم بيتنا اما هذوله اعرفهم بالمدرسه ومشهورين بالمشاكل يعني ونسمع سوالفهم , المهم كل مايتحرش فيني واحد ويجي يهددني ويقول افركك وانا عندي ظهر وانا من شله فلان

امسكه وادوس في بطنه , ويجمع ربعه ونتهاوش , وكل يوم هوشه ولكن بالنهايه قالوا لازم نكسر شوكته وتجمعوا كلهم فوق ال20 يمكن واغدروا فيني

الحين كلهم ربعي ونقعد في دوانيه وحده وكله اذكرهم تذكرون يوم افركم واحد واحد وتتجمعون علي يا حوش يا حثاله القوم يا قاع المجتمع

هذي اخر اللي اتذكرها من الهوشات الرسميه يعني

5- السؤال الاخير اكثرهم جديه عاد : رايك بكل حياد ومنطقيه من الشغب اللي شفناه بالكوين من هاك الايام ؟؟؟ وهل تعتقد ان الحكومه افرطت بالدلع وعطت الناس وجه زياده عن اللزوم ؟؟

سؤالك الاخير قصدك انطوني كوين او الكويت ؟

دلع منو ياشيخ ماكو دلع الا سميه

قصدك الرافضه بالكويت اذناب ايران اللي كلمتين عربيتين مايعرف وكلامه كله مكسر

يبا هذوله حثاله ولا نرد عليهم اصلا , ولكن المشكله عندنا ان احنا طيبين وعلى نياتنا والحكومه بعد , للأمانه الشيعي يقدس العمل واللي مثلنا يدور دوام فلاتي

عشان جذي صاروا يترقون واحنا نبي علاوه 7 دنانير بس

هم مخططين من زمان وقاعدين يمشون على الخطه الخمسينيه , اعتلاء الكراسي , اي منصب بوزاره بهئيه بأي مكان لازم تحاولون توصلوله بأي ثمن

اي منصب قيادي حاولوا تاخذونه , فوق هذا اعضاء الشيعه ماخذين حقهم من رئيس الوزراء وزياده وقاعد يعطيهم , تروح كل وزاره لازم تشوف شيعي ماسك منصب ويضبط الموالي فقط والباقي طاف اللهم الا معرفه مني مناك يمشيه

فاضل صفر يحيل المدراء والوكلاء للتقاعد عشان يحط شيعه مكانهم

الحكومه عادي عندها لانهم كويتين ظو والحكومه تدري عن خططهم بس كأنها ماتشوف , ورئيس الوزراء انا ماادري هم هو موالي او شسالفته , يعني يا انه يقول ياجماعه ترى انا شيعي عشان نعذره او يشوف صرفه معاهم

صاورا على عددهم القليل ماسكين كل شي بالبلد , اهم الناصب تحت سيطرتهم والخبيث المهري يضرب مني ويدعي الوطنيه مني

نسى ان اهو اللي فجر بالامير وحاول يفكر مكه المكرمه و تبعيته لأيران وان اهو وكيل المرجعيات بالكويت يعني اهو وكيل كل مراجع ايران

شنو تترجى من واحد وكيل مرجعات ايرانيه قاعد بالكويت ويتكلم عن الوطنيه

انت فهمت شلون السالفه

هذي الكويت صل على النبي

اهي ديرتكم وفيها اللي نبي

Karazhan

29-11-2011, 02:12 AM

والله ماادري يا مشعل هذا قصدك من السؤال او لأ

هههههههههه

Karazhan

29-11-2011, 02:13 AM

1- تحبني ولا تحب الفلــوس؟
2- تحب الفلوس ولا تحب المنتدى؟
3- طيب اهااا!!! هذا صعب شوي,, تحب عيالك ولا تحب الفلوس؟:33:
--------------
حاول تجاوب بسرعه .. ترررااه هذا الهدوء قبل العاصفه !!! :P

عطني 1000 دينار اضبط نفسي فيهم

وانسى اني جبت طاري الفلوس ولو تسألني تحب الفلوس او كذا بقولك احب كذا

الفلوس نفس ماقلتلك ابيهم عشان اقضي فيهم اللي علي والباقي اخذهم عليك بالعافيه

Karazhan

29-11-2011, 02:14 AM

طيب ما عطيتني رايك
347776

رأيي بالمرحاض او باللي قاعدين عليه

الحين مسوي عشا الزهيويه وجبه دبل

OLD SNAKE 19

29-11-2011, 02:31 AM

ؤالك الاخير قصدك انطوني كوين او الكويت ؟

دلع منو ياشيخ ماكو دلع الا سميه

قصدك الرافضه بالكويت اذناب ايران اللي كلمتين عربيتين مايعرف وكلامه كله مكسر

يبا هذوله حثاله ولا نرد عليهم اصلا , ولكن المشكله عندنا ان احنا طيبين وعلى نياتنا والحكومه بعد , للأمانه الشيعي يقدس العمل واللي مثلنا يدور دوام فلاتي

عشان جذي صاروا يترقون واحنا نبي علاوه 7 دنانير بس

هم مخططين من زمان وقاعدين يمشون على الخطه الخمسينيه , اعتلاء الكراسي , اي منصب بوزاره بهئيه بأي مكان لازم تحاولون توصلوله بأي ثمن

اي منصب قيادي حاولوا تاخذونه , فوق هذا اعضاء الشيعه ماخذين حقهم من رئيس الوزراء وزياده وقاعد يعطيهم , تروح كل وزاره لازم تشوف شيعي ماسك منصب ويضبط الموالي فقط والباقي طاف اللهم الا معرفه مني مناك يمشيه

فاضل صفر يحيل المدراء والوكلاء للتقاعد عشان يحط شيعه مكانهم

الحكومه عادي عندها لانهم كويتين ظو والحكومه تدري عن خططهم بس كأنها ماتشوف , ورئيس الوزراء انا ماادري هم هو موالي او شسالفته , يعني يا انه يقول ياجماعه ترى انا شيعي عشان نعذره او يشوف صرفه معاهم

صاورا على عددهم القليل ماسكين كل شي بالبلد , اهم الناصب تحت سيطرتهم والخبيث المهري يضرب مني ويدعي الوطنيه مني

نسى ان اهو اللي فجر بالامير وحاول يفكر مكه المكرمه و تبعيته لأيران وان اهو وكيل المرجعيات بالكويت يعني اهو وكيل كل مراجع ايران

شنو تترجى من واحد وكيل مرجعات ايرانيه قاعد بالكويت ويتكلم عن الوطنيه

انت فهمت شلون السالفه

هذي الكويت صل على النبي

اهي ديرتكم وفيها اللي نبي

الله عليك

كفيت ووفيت

ياخي قلت الكلام اللي على لساني دوم , لما اواجه ناس فاهمين الوطنيه والانتماء خطأ , طبعا الناس ذولي من خارج الكويت يعني سعوديين بس تاخذهم الحميه

ورئيس الوزراء اللي زياراته كلها لايران شخصيا شاك بامره الله يكفينا الشر والبلا

اتمنى ان صباح يتدارك الامر ويحط حد لوكلاء ايران عنده .

Karazhan

29-11-2011, 02:49 AM

الامير شنو صباح

صاحب السمو الامير صباح الاحمد الجابر الصباح حفظه الله ورعاه

ولا تودينا بداهيه

Karazhan

29-11-2011, 02:53 AM

يافلوتا عدل وحط الامير بمشاركه اولد سنيك

انت تبي ترجعني السجن

انت عادي تنحاش جيزان انا شسوي بالكويت الا خلال دقيقه يمسكوني

OLD SNAKE 19

29-11-2011, 03:07 AM

^^^^^^^^^

ﻻ يا رجال انا امون عليه ﻻ تخاف !! << بيوديك بستين داهيه

احم احم غير الموضوع عاد .

1- بما انك مطلع عالتاريخ .. وش احسن حقبه تاريخيه تحب تقرأ عنها . صدر الاسلام , الاموي , العباسي ... الخ ؟ وما السبب ؟؟

2- بيت شعر من الادب العربي تعجزك فصاحته ؟ << يعني بالعربي احسن بيت شعر عندك من الادب العربي !!

3- وش موقفك تجاه الماسونيه ؟ مصدق , مكذب , مؤيد , معارض .... الخ !!

Karazhan

29-11-2011, 03:50 AM

اقرأ عن التاريخ كل مايطيح بيدي ولكن مشكلتي النسيان , يعني لو احفظ كان عرفت الحين كل شي عن التاريخ , وانا اقرأ للمتعه والفائده مو الهدف اني ابحث عشان اعمل كتاب خاص فيني

الحين مهتم بالتاريخ اللي ماذكر عندنا الكثير منه , يعني احاول اجمع فتات من الحقبه اللي كانت بعد نوح عليه السلام خصوصا واني احاول اتأكد واعرف كيف انتشروا البشر بكل القارات وكيف تم بناء اهرامات بالمكسيك على خط العرض مع اهرامات مصر

يعني احاول افهم اسرار الحضارات واقرأ تاريخهم وابحث فيه

فهمت كيف يا كبتن

والله يامشعل اني اكره الشعر صراحه ولا احفظ منه شي , يعني قرأت كتب فيها اشعار بس اذا جيت عند الشعر اقرأ بيتين واطنش الباقي

اما الماسونيه واللي تأسست بعد فتح القدس من قبل الصليبين و اطلقوا على نفسهم فرسان المعبد , الى ان وصلوا واستقروا اظن في اسكتلندا او ايرلاندا وحده فيهم , ومنها دخلوا بالتجاره و الصناعه و السياسه واسسوا محافل بأوربا وامريكا وغيرها من دول العالم

وظيفتهم الله يسلمك السيطره على العالم سياسيا واقتصاديا وصناعيا , ونجحوا في هذا الامر لأن اوربا وامريكا كلهم ماسوينين من اعضائهم او غالبيه اعضائهم الى حكامهم وملوكم

واول حاكم للولايات المتحده اظن جورج واشنطن كان ماسويني ومن دستورهم الخاص ان مايحكم امريكا الا ماسوني من سلاله جورج واشنطن او فيه عرق يعني , يقال ان بحثوا في البصمه الوراثيه لباراك اوباما شافوا ان جورج واشنطن من اجداده , مادري ولكن يقولونها بكل مكان

المهم اليهود طبعا المؤسسين للماسوينه مع بعض الديانات الاخرى مسيح سيك ملحد , اهم شي ان يكون ذو جاه ومنصب ومال والدين مو مهم عندهم ولا يشترطون عليك تغير دينك ولكن ماتتكلم بالدين عندهم ولا ترفض اي عمل حتى وان خالف دينك

يعني لهم شروط بهذا الشأن ولكن الغايه من عدم التطرق للدين عشان اليهود بشكل خاص يأخذون التأييد من المحفل الماسوني لأي شي تريده اسرائيل , يعني مثلا يقولون لمسلم معاهم المحفل الماسوني يقول لازم نتبرع لأسرائيل , انت مو لأنك مسلم ترفض لا

تتبرع لأن الماسونيه اسمى من الدول والمعتقدات والمذاهب , لما المحفل يحتاج تنفذ لأن الماسونيون لايفعلون شي الا لمصلحه المحفل الماسوني حتى وان تبرعوا لأسرائيل و اشعلوا حرب في بلاد المسلمين وانت مسلم ماعليك الا تمشي خلفهم لأجل الماسونيه

هذا اللي جعل اليهود يقدرون يسيطرون على حكام العالم و رؤساء وزراء العالم واعضاء العالم بالطريقه الخبيثه هذي , يدعون ان الماسونيه مالها دين واللي ينظم اليهم لابد ان يترك دينه خارجا ويدخل , وهم يفعلون العكس طبعا وكل شي لصالح اليهود

طبعا من شروطهم للأنضمام لازم يكون عندك 2 ماسونيين يتوسطولك عشان يدخلونك واذا ماتعرف ماسونيين ماتدخل معاهم ولازم جامعي , يعني العرابجه انسى يدخلون , يعني لو يجيك عربجي يقولك انا ماسوني لا تصدقه

وعمرك 18 وبعضهم 21 وتكون حر مو مأمور وحسن السير والسلوك , بعض المحافل لازم تكون مسيحي وبعض المحافل عادي المهم تأمن بوجود مهندس اعظم للكون

المهم الخلاصه من هذا كله , الماسونيين هم اللي يحركون العالم , لما يقولون اضربوا ايران امريكا تشوفها تزهب عدتها وتروح ايران

العراق بموافقه الماسونيه كل الحروب اللي تخوضها امريكا بسببهم ولمصلحه اسرائيل

يعني الماسونيه اهي الايادي الخفيه اللي تحرك حكومه امريكا والجيش الامريكي لغاياتهم ومصالحها , وطبعا الهدف اولا واخيرا لمصلحه اسرائيل

هذا بأختصار ويمكن مضيع بشغله او شي , لأني مبطي عنهم وعن كتبهم

OLD SNAKE 19

29-11-2011, 04:23 AM

اما الماسونيه واللي تأسست بعد فتح القدس من قبل الصليبين و اطلقوا على نفسهم فرسان المعبد

بصراحه هالنقطه شدت انتباهي جدا ﻻني تغالطت انا واخوي من كم يوم على معلومه تدور حول هالجمله

انا بصراحه كنت احسب فرسان المعبد هم فرسان مالطا ... لكن اللي تبين لي انهم وماسون شي واحد

اللي يضحكني ان في موقع الويكي , فرسان مالطا دوله هدفها مساعده الفقراء .. هههههههه اجل المسلمين اللي راحوا حطام من وراهم وش ُيعرفون ؟؟

___________

باقي لي سؤالين :-

1- رأيك في هذا المقطع ....... واذا كنت تعرفه , هل كنت متصور ان القحطاني قائل هالقصيده من العصر الاموي !!

http://www.youtube.com/watch?v=Wvp362_akyQ

2- الميانه حاجه طيبه بعد العشره , طيب . رأيك باللي يمون على اصدقائه اكثر من اخوانه , وهل تعتبر هذا شي صحيح ام خاطئ ويساعد في اتساع الفجوه بين الاخوان , ايضا اذا عندك اخو صغير "اللي عمره 14 سنه الله يحفظه لكم " بكل صراحه , هل انت عاطيه الميانه المطلقه عليك . ؟؟؟

Karazhan

29-11-2011, 04:45 AM

بصراحه هالنقطه شدت انتباهي جدا ﻻني تغالطت انا واخوي من كم يوم على معلومه تدور حول هالجمله

انا بصراحه كنت احسب فرسان المعبد هم فرسان مالطا ... لكن اللي تبين لي انهم وماسون شي واحد

اللي يضحكني ان في موقع الويكي , فرسان مالطا دوله هدفها مساعده الفقراء .. هههههههه اجل المسلمين اللي راحوا حطام من وراهم وش ُيعرفون ؟؟

___________

باقي لي سؤالين :-

1- رأيك في هذا المقطع ....... واذا كنت تعرفه , هل كنت متصور ان القحطاني قائل هالقصيده من العصر الاموي !!

اول مره اسمعه ومااعرفه القحطاني ولا فهمت قصدك قائل القصيده من العصر الاموي , يعني القحطاني ماخذ القصيده من شاعر بالعصر الاموي وقال قصيدتي او قالها بزمن الاموي وكأنه عاش بزمنهم , وضح ترى انا مخي طق من الشباب

http://www.youtube.com/watch?v=Wvp362_akyQ

2- الميانه حاجه طيبه بعد العشره , طيب . رأيك باللي يمون على اصدقائه اكثر من اخوانه , وهل تعتبر هذا شي صحيح ام خاطئ ويساعد في اتساع الفجوه بين الاخوان , ايضا اذا عندك اخو صغير "اللي عمره 14 سنه الله يحفظه لكم " بكل صراحه , هل انت عاطيه الميانه المطلقه عليك . ؟؟؟

شي طبيعي الواحد يمون على اصدقائه قبل اخوانه , يعني الواحد يحترم اخوه الكبير ويقدره و يجله , اما الصديق اذا مابينهم ميانه بعد ليش يقعدون مع بعض , يعني انت لو حبيت تدخن وانت صغير اول ماتروح لأصدقائك تدخن معاهم لأن لو دخنت عند اخوي افركك , او اذا بتقول كلام وقصص بطاليه تقولها لأصحابكم واخوانك لأ

انا عندي اخو اكبر مني بسنه وعندي اخو اصغر مني ب4 سنوات , هذوله الاثنين ميانتي معاهم كأنهم اصدقاء لكن اخوي اللي اكبر من بسنه اكثر , يعني نقعد في دوانيه وحده وسوالفنا بكل شي تشوفنا تقول مو اخوان , لكن اخوي اللي اكبر مني ب4 سنين واللي اكبر منه احترمهم و وكأنهم ابوي مااتكلم معاهم الا بحدود

مع ان اللي اكبر مني ب4 سنين فاتح دوانيه وامرهم مرات واخوي الكبير يقعد معاهم بس مااسولف نفس سوالفي مع اخواني اللي اكبر مني بسنه واللي اصغر مني ب4 سنين

اخوي اللي عمره 14 سنه هذا معاملتي معاه بأحترام , يعني مايستخف دمه معاي ولا يقل ادبه وان طلبته شي راح يسويه , والكلام محدود بينا , هذا مو فجوه او قطيعه ولكن احترام منك للي اكبر منك , واذا كان اصغر منك فأهو يحترمك وما يمصخها معاك من اجلاله واحترامه لك

والاحترام لازم يكون متبادل واذا ضاع الاحترام وصار الصغير مايرد على الكبير وكل واحد يسوي اللي في باله بدون ما ينشد عن احد تضيع المراتب وتعتفس الاسره ويصير كل واحد بحاله وهني تصير الفجوه الحقيقيه والقطيعه بين الاخوان

الاحترام واجب بين الاخوان , لكن بين الاصدقاء هذا شي وارد وطبيعي

OLD SNAKE 19

29-11-2011, 04:51 AM

اول مره اسمعه ومااعرفه القحطاني ولا فهمت قصدك قائل القصيده من العصر الاموي , يعني القحطاني ماخذ القصيده من شاعر بالعصر الاموي وقال قصيدتي او قالها بزمن الاموي وكأنه عاش بزمنهم , وضح ترى انا مخي طق من الشباب

اوﻻ .. ما قلت لي رأيك ؟

ثانيا .. انا اقصد ان الشاعر اللي قالها عاش بالعصر الاموي , يعني فيه ناس من ذاك الزمن عارفين الشيعه عدل !!

Karazhan

29-11-2011, 05:06 AM

اي يعرفونهم ويبخصونهم بعد

وحتى بأسانيد الروايات يقولك مثلا ان الروايه الفلانيه فيها من الرواه فلان بن فلان و فيه تشيع

يعني من الشيعه المغالين او اللي يعتقدون بالتقيه ويؤمنون بها ومنهم اللي ماياخذون عليهم كلام ومنه اللي ياخذون منه

يعني من عهد علي بن ابي طالب رضي الله عنه والشيعه موجودين ولكن ماكان يطلق عليهم رافضه

وكان زيد بن علي اول من اطلق عليهم رافضه لما خرج على هشام بن عبدالملك سنه 121 هجريه , يعني عهدهم قريب من النبي صلى الله عليه وسلم وقبله كانوا موجودين ولكن يطلقون على انفسهم شيعه الا ان سماهم زيد بن علي رافضه و راحت عليهم و مو كل الشيعه يطلق عليهم رافضه وانما الاثناعشريه منهم

لأن لما جائوا الى زيد بن علي وقالوا نقاتل معك لكن سب ابا بكر و عمر فأنكر عليهم الامر فقالوا اذن نرفضك فقال اذهبوا فأنت الرافضه , اما الباقين فسموا زيديه , اللي وقفوا مع زيد بن علي

والشيعه ماينكرون هذه التسميه حتى , يروي الكليني في كتاب الروضه ان الله هو الذي سماهم رافضه.

لذلك الشيعه من العصر الاموي الى اليوم و هم موجودين

Karazhan

29-11-2011, 05:09 AM

انت شنو يعني ودك تتشيع او ماتعرف هالشي

معقوله توك تدري عن هالشي

Karazhan

29-11-2011, 05:12 AM

قصد كلامي ان هشام بن عبدالملك اموي و اطلق اسم الرافضه بعهده , وقبلها كانوا الشيعه موجودين ايام علي بن ابي طالب رضي الله عنه

فهمت الحين او دحين

OLD SNAKE 19

29-11-2011, 05:26 AM

^^^^^^^^^^^

ادري انا انهم موجودين وعارف قصة تسميتهم رافضه

بس السالفه وما فيها ببساطه اني كل ما اسمع القصيده هذه لواحد من العيال ... واقوله ان القصيده من العصر الاموي

يفتح عيونه , ويقول لي .......ز اوووووما عاد , تستهبل انت , ولحد الان ما ادري وش سبب الاستغراب . هههه

المهم بعطيك كم سؤال بعد ... :

1- رأيك بقسم الاخبار بمنتدانا الحبيب ؟؟؟

2- وش رايك بالشايب اللي كثير ينقد "ينتقد " على الشباب على الطالعه والنازله ؟؟

3- رأيك بقضيه البدو والحضر اللي صاجينا فيها بزران ومراهقين هالوقت ؟؟

4 - هل تعتقد ان المكان او المنطقه عامل مقيد للرقي الفكري والحضاري ؟؟

5- رأيك بالغزو الفكري الهوليوودي ! هل هو موجود حقيقتا ام انه مجرد تهيئات وتحرزات ؟

Karazhan

29-11-2011, 05:49 AM

لا ماتعرف يجيك شيعي يقول انت سني وتأمن بالروايه هذي ان اللي اطلقها علينا زيد بن علي ولكن احنا الشيعه في كتبنا ومصادرنا ان الذي اطلق هذا الاسم هو الله سبحانه

ولا احنا ملزومين نصدق رواياتكم احتفظوا فيها لنفسكم

لو كانوا يعتقدون برواياتنا كان ماشفت شيعي الحين , لا تاخذ الموضوع ببساطه وانا خوك , لما تجي لشخص شيعي وتقوله عندي روايه تقول انكم على باطل و صدقني غصبن عليك و صير سني

اهو يقولك انت هذي روايتك احتفظ فيها لنفسك وانا بدل الروايه عندي 10 تقول ان انت على باطل وانا على صح وبما انك تملك روايه وانا 10 روايات الواجب انك تتبعني وتصير شيعي

يعني لا تقول الكلمه وتحسب ان ماوراها رد وانك راح تتفوق عليهم باللي عندك , هالناس اول مايتعلمونه هو التهرب واللف والدوران على المواضيع , و الخروج من نقطه والدخول بأخرى

ونفس ماانت تمتلك روايات حتى الشيعه عندهم الكثير منها

يعني لاتستهين بالموضوع

عموما. قسم الاخبار الحين مافي حركه و احس ان مكان تتجمع فيه الاخبار فقط عكس قبل اللي يكون مشتعل وكل خبر ينزل تصير مناظرات فيه , حتى مايعطون اوسمه بيني وبينك طحست وانا اكتب ولا حصل الا كم نقطه تقييم

والشايب اللي ينتقد هذا اكيد متقاعد وماعنده شغل , ماعمري شفت شايب يقعد ويسكت مستحيل , فعندنا وعندكم خير.

اما البدو والحضر هذي سالفه منسيه عندما الا لما جاء احد ذيول المهري و هو الجويهل وقام يلعب على حبل البدو والحضر و داخل السور وخارج السور وبيني وبينك الناس ما اهتمت الا مثل ماتقول حثالات المجتمع من الكويتيين الاصيلين ولكن رافضه , لان مثل ماانت عارف الجويهل يتكلم بأسم المهري واكيد راح يجتمعون حوله حثاله الدوله من اللي يرسلهم المهري

لكن البدو والحضر كلهم فيهم الخير وصدقني الاصيل منهم مايقول هالكلام , اللي يجرحك اردى الناس اهو اللي يتكلم ويسوي نفسه اهو الاصلي بس , ومايتكلم الا الناقص صدقني

سؤال 4 ينطبق بالسعوديه لأن انا رحت السعوديه في مدن صغيره بالحسره عندهم شارع لغايه مدينتهم , انا اشوف ان هالناس مستحيل تتطور اذا عاشوا طول عمرهم بالقرى هذي , والله مادري شسم القرى اظن ثاج و انقير , يعني ثاني 24 ساعه يشوف خروف جدامه , بعد عشرين سنه شنو تتوقع يصنع ؟ تدري شنو يحصل بعد 20 سنه ؟

ان يعرف لغه الغنم ويسولف معاهم , والسعوديه كبيره وصحراويه يعني صعبه شوي الحضاره توصل المدن كلها والتطور والجامعات وغيره , فأذا تبي تترقى لازم تجابل الجامعه مو 30 راس خروف كل صبح تسرح فيهم وترجع المغرب

الغزو الفكري الهوليودي اهو اداه ماسونيه بالواقع

OLD SNAKE 19

29-11-2011, 06:03 AM

ونفس ماانت تمتلك روايات حتى الشيعه عندهم الكثير منها

يعني لاتستهين بالموضوع

ﻻ , ولو , ما استهين فيه يا راقل , بس اللي اورد هالشي هو استغراب كثير من اللي واجهتهم ان القصيده قديمه .

وبما ان جواب سؤال 4 اعجبني بس بيني وبينك بغيت شي اكثر .. يعني

هل تعتقد ان التقييد الفكري بالذات , منوط بالمقام الاول على الشخص نفسه , وﻻ على المكان اللي ساكن فيه ؟؟؟؟

- سؤال اخر , وشاطح جدا , لو يقولن لك نعطيك الجنطه ام فلوس ذيك اللي انواطها ما تخلص , ويقولن لك سو لنا 3 مشاريع تنمويه ؟ وش يطري ببالك تسوي !

- رتب حسب الافضليه .. ابن عاقول , السدحان , محمود عبدالعزيز , عادل امام , مرسي الزيناتي ههههههه ؟؟؟؟

Karazhan

29-11-2011, 06:28 AM

شوف اول شي وصل كهربا للمدن كلها وعلم الناس استخدام الكمبيوتر يعني طلاب المدارس بالقرى الصغيره هذي حط مشروع صغير معهد كمبيوتر

لأن انا يا مشعل طلعت من رابعه متوسط وقعدت 10 سنوات لا شغل ولا مشغله الى ان توظف , كنت اكره الدراسه ولكن احب العلم يعني فاشل دراسيا ولكن عندي حب التعلم بكل الامور

عرفت اقرأ واكتب بشكل جيد يعني و صرت اشتري كتب واقرأها والكتب بكل العلوم تقريبا , يعني في ناس يمكن ودها تتعلم ولكن ماعندها امكانيه او ماعندها امكنه تشتري منها اللي تحتاجها , فلو وفرت الدوله مكتبات وانترنت لأن الانترنت بحر وفيه كل شي تحتاجه , حتى لو تنازلت عن المكتبات راح تحصل كل شي بالانترنت

يعني الدوله توفر الكهرباء على مدار الساعه و بالمدارس يعلمون الناس على الكمبيوتر راح يطلع منهم الكثير صدقني , لاتعتقد ان تشوف واحد يرعى غنم تقول هذا وينه ووين العلم والتطور , يمكن لو تعلمه يبدع خصوصا البدو اللي بالبر , او بالقرى المقطوعه تشوف عقولهم نظيفه ويحفظ بسرعه , نفس الشياب الحين كانوا يحفظون الشعر 30 بيت

من اول مره يسمعه لأن مخهم نظيف ولا فيه وظيفه وترقيه وسياره ومشاكل جيران وبيت واسواق والعاب وكثير جدا محشيه عقولنا بالامور هذي

يعني نفس ماقلتلك انا ماعندي شهاده ولكن احب العلم , في الكثير نفسي والانترنت يساعدهم حيل بالبحث والمعرفه , والكلام يطول بس اتمنى يعني توصل الفكره

اما اذا حصلت الجنطه اللي فلوسها ماتخلص نفس ماقلتلك اهتم بالقرى هذي و اسوي مشروع على قد المنطقه فيه خدمه انترنت وتعليم الكمبيوتر , يعني مااسوي كافيه للألعاب لا , اسوي نفس المكتبه ولكن بلا كتب مجرد اجهزه كمبيوتر وخدمه انترنت للبحث والاستفاده منه وطبعا اسوي مبنى واعمل دورات تدريبيه لتعليم الطباعه والامور هذي

للناس اللي تحب تتعلم.

المشروع الثاني مصنع تواير

والمشروع الثالث صناعه ادويه وعقاقير طبيعيه , يعني اجيب علماء اعشاب اوزعم بالجزيره العربيه كلها ويشوفولي النباتات الموجوده ويشوفون فيها طب او مامنها فايده , يمكن يطلع في شي مفيد واحنا ماندري مخلينه علف مواشي , لأن انا بيني وبينك اتناول باليوم 6 انواع حبوب فيهم الطبيعي وفيهم صناعي

الطبيعي 100% واذا ما فادك مايضرك وهذي مقوله مشهوره لكن الصناعي يغث وشوف جسمك يتحمل او لأ , وانا بصراحه عانيت من كثر الحبوب اللي تناولها لدرجه اني اشبع من كثر ما اكلهم واشرب معاهم ماي , مع العلم اني لازم اشرب 3 لتر ماي باليوم وكل ما ازيد يكون افضل لي

فأنا ان شاء الله اذا حصلت الجنطه راح اسوي مشروع الادويه من الاعشاب هذا

اخر سوال من اسألتك بن عاقول لكن بالثمانينات محمود عبدالعزيز عادل امام السدحان

مرسي الزناتي مو عادل امام ؟

OLD SNAKE 19

29-11-2011, 06:48 AM

مرسي الزيناتي

http://www.s-oman.net/avb/attachment.php?attachmentid=484046&d=1279652912

= سعيد صالح

وخلاااص اكتفيت من الاسئله

اهم شي ما اوصيك .. ديروفر ﻻزم يذوق اللي ذقته

Karazhan

29-11-2011, 07:00 AM

اييي نسيته

ديروفر ودي اوصي على الملايين يصوتون عليه

لكن اخاف ينكبوني مره ثانيه واطلع بروحي بالنهايه . لكن بنزل خطاب ملكي قبل يوم التصويت وبشوف

Derover

29-11-2011, 07:10 AM

افاا ؟؟ طلعت تتآمر علي؟

دقآيق يا حبيبي

Jeremie

29-11-2011, 07:27 AM

مين بيكون الضحيه القادمة.................... ولد بطونها أنا أفتح المنتدى في المكتب ومشغول شوي ولا قدرت أتفنن وأكتب أسئله....:ponder:

Derover

29-11-2011, 07:29 AM

1- اذا حاسبت المطعم وزادت فلوس تخليها عنده ولا تاخذهم؟ يعني تسوي مثل الأجانب وتقول Keep the change?

2- شلون اهتمامك باللاب توب؟ كل يوم اسكان؟ كل يوم ابديت؟

3- فيه أحرف من الكيبورد طايحة؟

4- مغطي الكام بلزقة جروح ولا ورقة دفتر وملزقها؟ ولا مخليها؟

5- اللاب تو نظيف يلق لق ولا مغبر ومصدي؟

6- تعبي بانزين خصوصي ولا ممتاز؟ ولا ولد جخ تعبي الترا؟

7- اذا جيت المحطة والهندي عطاك واحد صفر؟ تنزل تعبي بانزين ولا تدق له هرنات لين يجي؟

8- اذا عندك قوطي ماي صحة وخلص تقطه ولا تخشه عشان تعبيه مرة ثانية؟

9- ولاعتك من النوع القديم الي تشك تشك تشك عشان تولع؟ ولا عندك نوع جديد؟ أخاف لي الحين جبريت؟

10- اذا رحت حديقة الحيوان هل تدق الثقل على الحيوانات؟ ولا عادي تاخذ اكل وتعطيهم؟

11- شنو أكثر حيوان تخاف منه؟ وليش؟

12- هل عندك فوبيا من الحشرات؟ وأي نوع خصوصاً؟

13- هل تربي حيوانات بالبيت؟ قطوة؟ جلب؟ ديناصور؟

14- اذا أكلت علج ابو سهم وجنبك واحد .. هل تقوله القصة المشهورة الي على القرطاس؟ واحد رقّم وحدة قطت الرقم بالزبالة؟

15- اذا علجت هل تعلج وحلجك مبطل ولا مصكر؟

16- اذا علجت تسوي بالونات وتفجرها؟

17- اذا رحت مطعم غالي وطلبت عصير هل تخلصه كله؟ ولا تخلي فيه شوي يعني ذرب؟

18- اذا طلبت شي من ستار بكس ولا سيكوند كوفي هل تخلي القوطي بالسيارة شهر عشان يعني شوفوني ترا انا اطلب من الأماكن الكشخة هذي؟

19- اذا اكلت عيش هل تمسك اللقمة بيدك وتعجنها وتفغصها الين تصير كرة وتاكلها؟

20- اذا اكلت تاكل بأصوات ولا بدون صوت؟ اعرف واحد اذا اكل عيش لازم يشفط

21- هل تنام على سرير ولا على الأرض؟

22- هل دايم تنام على فراشك ولا يوم بالدوانية ويوم بالصالة؟

23- هل تتسبح بطشت ولا بانيو؟

24- فرضاً بانيو، هل قبل ما تتسبح لازم تترس البانيو فل؟

25- اذا رحت دوانية لازم تطلع مسباح من جيبك وتقعد تسبح فيه؟

26- شنو ملابسك الي دايم تلبسها بالبيت؟ مكسر؟ وزار؟ دشداشة نوم؟

27- هل تهتم بالرسم؟ تعلق صورة الموناليزا؟ تتابع اخباربيكاسو؟

28- اذا واحد قالك عندك مانع؟ هل تقوله القطة المشهورة "لا عندي دواس" الي ما عمره أحد ضحك عليها

29- اذا لقيت كنت بالمخيم ولقيت خنفس داش الخيمة تشيله بيدك ولا بكلينكس؟

30- كنت بالشارع ماسك اليسار وجدامك واحد يتمشى على بيض وكبست له وما فتح؟ شتسويله؟

31- كنت بالشارع وواحد دق لك اشارة يسار بعدين يمين وهي تعني خذ هذا! شتسويله؟

32- اذا سلمت على واحد هل تقوله شلونك شخبارك شعلومك يالله حيا شلونك شعلومك مرحبا شخبارك شلونك وتعيد الكلام كل شوي؟

33- وانت تمشي بالشارع وشفت قوطي فاضي لازم تشوته ولا تخليه؟

34- هل يوجد فيك هَوَس بتعديل الأشياء مثل شفت زولية متحركة تقوم تعدلها؟ صكيت الباب بس ما تصكر كله .. ترجع له تصكه؟

35- هل تشرب بعود ؟

36- هل تتنرفز من أبسط الأشياء؟ مثلاً الأصوات الخفيفة وقت الي تبي هدوء

37- هل انت مصاب بأي نوع من أنواع الهَوَس؟

38- هل تحط منظار بغرفتك وتتابع تصرفات جارك؟

39- اذا لعبت جنجفة هل تأشر حق خويك؟

40- اذا انت الي توزع هل تحقن ورق؟ مثلاً تحط الجيكر آخر ورقة عشان يجيك؟

*******************************************************

أشكرك على صراحتك المطلقة في التعبير عن رأيك بكل مصداقية وأمانة ودون خوف من المشرفين
وليس مثل البعض يخش راسه في التراب مثل النعامة وما يبطل حلجه من الخوف.. شكراً جزيلاً.

41- بما انك ترى ان فلوتا لا يستحق أن يكون مشرف القسم ( برأيك طبعاً ) فهل كلمت يوشي واستفسرت عن سبب ترشيحه له؟

42- بكل صدق وأمانة، هل تعتقد أن يوشي ارتكب خطأ فااااااااااااااااااااااادح بتعيين فلوتا مشرف للقسم؟

43- بما انك لا ترى مشكلة بممازحة الفتيات للرجال في المنتديات ولكن لا ترضاها لأهلك. هل ترى أنك تناقض نفسك؟
فالشيء الذي لا ترضاه لأهلك، طبيعي لا ترضاه للناس.

44- هل تتوقع ان فلوتا سيستمر بالإشراف وهو يتدخل في كل مشاركة كبيرة وصغيرة؟

45- هل تعتقد ان يوشي موافق على سياسة فلوتا بالتدخل في كل شيء؟

46- برأيك هل شخصية يوشي قوية؟

47- هل تغير فلوتا بعد الإشراف؟ ( اسلوبه وكلامه ) واذا تغير هل للأفضل ام للأسوء

48- برأيك وبكل أمانة، هل ترى انه يوجد أعضاء أفضل من فلوتا بالقسم يستحقون الإشراف؟ مثلاً ميكافلي؟

49- هل تعتقد ان فلوتا بعد اشرافه دق الثقل على الكل؟

50- هل القسم كان أفضل قبل تعيين فلوتا مشرف عليه؟

Derover

29-11-2011, 07:33 AM

جاوب بعد على هذول

1- هل طبعك انسان حساس تتأثر بسرعة؟

2- اذا واحد ما تمون عليه ودمه ثقيل يتغشمر معاك؟ تنقده على نفسه؟ ولا تجامله وتضحك؟

3- مثلاً قاعد بالدوانية وفي قلم طايح، اول ما مسكته قالك واحد دربالك ترا يكهرب اذا ضغطته.. هل تجرب ولا تخليه؟

4- اذا شريت عصير من الجمعية هل تخضه قبل ما تفتحه ولا تفتحه على طول؟

5- سيارتك نظيفة من داخل ولا كلها تتن وقطوف زقاير؟

6- شنو العطور الي تستخدمها للسيارة؟ ابو سفينة حق المصبنة؟ ولا نوع ثاني؟

7- معاك قوطي ببسي فاضي وفي زبالة بعيدة شوي عنك، تحذف الببسي فيه ولا لازم تروح لها عشان ما يطيح برا؟

8- لما تشرب محلي كم ثلجة تحط بالقلاص؟

9- لما تشتري أفلام دي في دي هل تنشب للمحل وتقول لازم أجرب الفلم ولا على طول تشتري؟

10- لما تسولف تقول السالفة كاملة ولا تحط عليها شوي بهارات؟

Karazhan

29-11-2011, 08:30 AM

1- اذا حاسبت المطعم وزادت فلوس تخليها عنده ولا تاخذهم؟ يعني تسوي مثل الأجانب وتقول Keep the change?

اذا خرده حديد اقوله كيب ذ جينج

2- شلون اهتمامك باللاب توب؟ كل يوم اسكان؟ كل يوم ابديت؟

لا كنت حاط كاسبر سكاي وكل شهر او شهرين مره

3- فيه أحرف من الكيبورد طايحة؟

لا

4- مغطي الكام بلزقة جروح ولا ورقة دفتر وملزقها؟ ولا مخليها؟

عندي 3 اجهزه , 2 لابتوبات ودسك تون الحين , الابتوبات لزقه جروح اما هذا طاف , اللي يبي يشوفني يقتحها ويشوف

5- اللاب تو نظيف يلق لق ولا مغبر ومصدي؟

مثل ماقلت 3 اجهزه , واحد كنت استعمله رسمي والكيبورد متروس تتن , الثاني حاطه بروح كنت مشغل البوت عليه وجديد يلق , هذا الحين الدسك توب نظيف لكن الكيبورد فيه تتن وتعرف ماك يكون ابيض والتتن من ضغط اصابعني صبغ الكيبورد اسود

6- تعبي بانزين خصوصي ولا ممتاز؟ ولا ولد جخ تعبي الترا؟

خصوصي

7- اذا جيت المحطة والهندي عطاك واحد صفر؟ تنزل تعبي بانزين ولا تدق له هرنات لين يجي؟

انزل اعبي بنفسي مااحب احد يخدمني وانا غير عاجز

8- اذا عندك قوطي ماي صحة وخلص تقطه ولا تخشه عشان تعبيه مرة ثانية؟

بالبيت اعبيه واحطه عندي ان كان اخر قوطي موجود , لأن انا لازم اشرب ماي على طول يعني

9- ولاعتك من النوع القديم الي تشك تشك تشك عشان تولع؟ ولا عندك نوع جديد؟ أخاف لي الحين جبريت؟

افضل الجبريت واحتفظ بالجباريت القديمه اللي تفتحه وتقطع عود يكون من ورق مقوى و تشبه , مادري اذا عرفت اي واحد اقصد , والحين ولاعه اللي تشك تشك تطلع شرار ياله تولع

10- اذا رحت حديقة الحيوان هل تدق الثقل على الحيوانات؟ ولا عادي تاخذ اكل وتعطيهم؟

مااروح شايفني صقعه اروح حدايق

11- شنو أكثر حيوان تخاف منه؟ وليش؟

مااخاف من الحيوانات اللي اعرفها , بس مو تقطني مع اسد بقفص , عشان ما ياكلني

12- هل عندك فوبيا من الحشرات؟ وأي نوع خصوصاً؟

لا ولو اني مافهمت فوبيا شنو

13- هل تربي حيوانات بالبيت؟ قطوة؟ جلب؟ ديناصور؟

كان عندي قطو بس زعلت عليه ياكل فروخ زاجل وحذفته من فوق السطح

14- اذا أكلت علج ابو سهم وجنبك واحد .. هل تقوله القصة المشهورة الي على القرطاس؟ واحد رقّم وحدة قطت الرقم بالزبالة؟

اكل واحاول محد يشوفني اعلج ولا اكل ابو سهم بس اكسترا عشان احافظ على اسناني

15- اذا علجت هل تعلج وحلجك مبطل ولا مصكر؟

مسكر

16- اذا علجت تسوي بالونات وتفجرها؟

اذا بروحي قاعد

17- اذا رحت مطعم غالي وطلبت عصير هل تخلصه كله؟ ولا تخلي فيه شوي يعني ذرب؟

اخلي شوي يعني ذرب

18- اذا طلبت شي من ستار بكس ولا سيكوند كوفي هل تخلي القوطي بالسيارة شهر عشان يعني شوفوني ترا انا اطلب من الأماكن الكشخة هذي؟

لا انظف بس يمكن اقلبه طفايه لأن التاهو مافيه طفايه

19- اذا اكلت عيش هل تمسك اللقمة بيدك وتعجنها وتفغصها الين تصير كرة وتاكلها؟

لا , اكل ب3 اصابع يعني مو بكل كف ايدي احط لقمه

20- اذا اكلت تاكل بأصوات ولا بدون صوت؟ اعرف واحد اذا اكل عيش لازم يشفط

لا قزوز وكاله مااطلع اصوات , قول لصاحبك يشيل دبات تلوث

21- هل تنام على سرير ولا على الأرض؟

السرير ولكن افضل الارض لو حصل

22- هل دايم تنام على فراشك ولا يوم بالدوانية ويوم بالصالة؟

بفراشي او عالكيبورد

23- هل تتسبح بطشت ولا بانيو؟

دش , بانيو عندي وشلته لأني مااحب انسدح بالحمام

24- فرضاً بانيو، هل قبل ما تتسبح لازم تترس البانيو فل؟

مااحب انام او انسدح بالحمام

25- اذا رحت دوانية لازم تطلع مسباح من جيبك وتقعد تسبح فيه؟

80% اي

26- شنو ملابسك الي دايم تلبسها بالبيت؟ مكسر؟ وزار؟ دشداشة نوم؟

وزار

27- هل تهتم بالرسم؟ تعلق صورة الموناليزا؟ تتابع اخباربيكاسو؟

ما اعلق صور او مجسمات عندي

28- اذا واحد قالك عندك مانع؟ هل تقوله القطة المشهورة "لا عندي دواس" الي ما عمره أحد ضحك عليها

اول مره اسمعها منك

29- اذا لقيت كنت بالمخيم ولقيت خنفس داش الخيمة تشيله بيدك ولا بكلينكس؟

بيدي بسرعه اقطه ان ماحصلت كلينكس في متناول يدي , لأن رفجي مايغشمر اذا شاف واحد اخذه وحذفه بالدوه فأنا رأفه فيه اشيله بسرعه واحذفه بعيد بره الخيمه

30- كنت بالشارع ماسك اليسار وجدامك واحد يتمشى على بيض وكبست له وما فتح؟ شتسويله؟

ادعمه او اتجاوزه وانام عليه لين يلصق بالصبه

31- كنت بالشارع وواحد دق لك اشارة يسار بعدين يمين وهي تعني خذ هذا! شتسويله؟

ماادري عن هالحركه شنو تعني ولكن مااهتم لأني بالشارع اكسر الشر الا اللي يبطون الجبد

32- اذا سلمت على واحد هل تقوله شلونك شخبارك شعلومك يالله حيا شلونك شعلومك مرحبا شخبارك شلونك وتعيد الكلام كل شوي؟

لا وازف اللي يسويها معاي

33- وانت تمشي بالشارع وشفت قوطي فاضي لازم تشوته ولا تخليه؟

قبل 13 سنه شت قوطي وطلع فيه بيبسي ودمرني , ومن يومها اتحاشى القواطي

34- هل يوجد فيك هَوَس بتعديل الأشياء مثل شفت زولية متحركة تقوم تعدلها؟ صكيت الباب بس ما تصكر كله .. ترجع له تصكه؟

اي احب الترتيب

35- هل تشرب بعود ؟

بيبسي مكينه اكيد مجنون انت

36- هل تتنرفز من أبسط الأشياء؟ مثلاً الأصوات الخفيفة وقت الي تبي هدوء

لا ماعندي فيها

37- هل انت مصاب بأي نوع من أنواع الهَوَس؟

لا , هوس عاد , يمكن هوس ال.... اي هذا

38- هل تحط منظار بغرفتك وتتابع تصرفات جارك؟

اعوذ بالله لا مااسوي هالامور نهائيا

39- اذا لعبت جنجفة هل تأشر حق خويك؟

والله اذا الورقه باون بس ورقه ناقصتني اي ااشر

40- اذا انت الي توزع هل تحقن ورق؟ مثلاً تحط الجيكر آخر ورقة عشان يجيك؟

لا مااحب اغش لأني انصاد بسرعه

*******************************************************

أشكرك على صراحتك المطلقة في التعبير عن رأيك بكل مصداقية وأمانة ودون خوف من المشرفين
وليس مثل البعض يخش راسه في التراب مثل النعامة وما يبطل حلجه من الخوف.. شكراً جزيلاً.

العفو , واشكرك على اسألتك اللي مادري شلون تطلعها

41- بما انك ترى ان فلوتا لا يستحق أن يكون مشرف القسم ( برأيك طبعاً ) فهل كلمت يوشي واستفسرت عن سبب ترشيحه له؟

ماقلت مايستحق لا تتبلى علي , والترشيح بعد ما كان الرجل يتواجد بالقسم كل يوم

42- بكل صدق وأمانة، هل تعتقد أن يوشي ارتكب خطأ فااااااااااااااااااااااادح بتعيين فلوتا مشرف للقسم؟

لا يستاهل فلوتا

43- بما انك لا ترى مشكلة بممازحة الفتيات للرجال في المنتديات ولكن لا ترضاها لأهلك. هل ترى أنك تناقض نفسك؟
فالشيء الذي لا ترضاه لأهلك، طبيعي لا ترضاه للناس.

انا مالي كلمه على بنات الناس , مااقعد ادور في منتديات العالم واشخت البنات اقولهم اطلعوا من النت لا اصطركم , يعني كلكم راع وكلكم مسؤول عن رعيته , انا اللي لي كلمه عليهم اقولهم لاتدخلون مايدخلون , عاد بنات الناس يدخلون كيفهم

44- هل تتوقع ان فلوتا سيستمر بالإشراف وهو يتدخل في كل مشاركة كبيرة وصغيرة؟

ان شاء الله يستمر , وان تدخل بالمشاركات دائما مايكون تدخله لمصلحه عامه

45- هل تعتقد ان يوشي موافق على سياسة فلوتا بالتدخل في كل شيء؟

ليش ما سألته بما انك شجاع جذي وتقوله لما كان دوره ؟ او تشجعت علي انت شنو ماكو قلب ؟ واظن ان موافق و المراقبين لهم مكان يتكلمون فيه , يعني مو هني يفتح يوشي موضوع ويسولف مع فلوتا شنو يسوون , عندهم مكان يتكلمون ويشوفون شنو يسوون مع فلان وعلان , واكيد انهم متشاورين على هذه الامور

46- برأيك هل شخصية يوشي قوية؟

متساهل مع الناس مايحب يظلم احد او يعمل الصحيح ولكن ضميره يأنبه , يعني شخصيه قويه كان كلنا انا وياك متوقفين من زمان

47- هل تغير فلوتا بعد الإشراف؟ ( اسلوبه وكلامه ) واذا تغير هل للأفضل ام للأسوء

والله للأمانه من صار مراقب ماقام يتكلم عاد ماشفته يسولف عشان احكم عليه

48- برأيك وبكل أمانة، هل ترى انه يوجد أعضاء أفضل من فلوتا بالقسم يستحقون الإشراف؟ مثلاً ميكافلي؟

ميكافلي يستاهل طبعا ولكن الرجل بأعتقادي الشخصي ان مايبي يكون مراقب , لأن انسان يدخل يشارك اذا في موضوع يستحق المشاركه ويمشي , يعني مايبي يعور راسه , ويمكن الرجل صاحب تجاره او مشغول دائما لذلك تشوفه باليوم مره وبعدين يطلع , اما فلوتا يتواجد بشكل يومي

وانا ماتفرق معاي فلوتا او ميكافلي او احد ثاني لأن كلهم يستاهلون اكثر من الاشراف

49- هل تعتقد ان فلوتا بعد اشرافه دق الثقل على الكل؟

يعني صار مايشارك , وانا ملاحظ اي عضو بالقسم يصير مشرف اول عمل يقوم به هو ترك القسم والقز في قسم الترفيهي , غير الدعوات اللي يرسلها وبيني وبينك الواحد اول مايصير مشرف تأتيه الدعوات من كل صوب , هذا غير كل شوي بنت تسويلك توقيع عليه صوره , يعني انا ودي اصير مراقب عشان هالسالفه بس

50- هل القسم كان أفضل قبل تعيين فلوتا مشرف عليه؟

انا ماادري شنو السر بينك وبين فلوتا

هل القسم كان افضل قبل تعيين فلوتا مشرف عليه

يعني القسم كان افضل قبل فلوتا يصير مشرف , اذا استنتجنا من السؤال هذا انك تعتقد ان القسم كان افضل قبل فلوتا يجي ولما جا صار اسوأ , يمكن البقيه هكذا لأن شنو راح يكون غيرها , و لو فرضنا ان قصدك شريف من السؤال هذا , مثلا قلنا انك ماتقصد شي منه

نقول ابحث بالمواضيع وشوف شنو الجديد من قبل دخول فلوتا الى اليوم بعد ما دخل وصار مشرف

لو تبحث ماتشوف ان في شي جديد عن اللعبه , لأن اللعبه مانزل شي جديد فيها , ولكن بين الاعضاء كان القسم من اشهر الاقسام بالمنتدى , وصارت فيه حركه اللي بالساعه الوحده 10 صفحات تتحرك

وهذا قبل فلوتا وبعد فلوتا مايصير مشرف وازيدك من الشعر بيت ان الموضوع اللي انت داخله وقاعد تسألني فيه اهو من عمل فلوتا , يمكن مو هذا ولكن المثبت , بس موضوع الكرسي من عمل فلوتا اول شي واللي عطاك مطلق الحريه انك تسأل و في بعض الاسأله اللي تستخف دمك فيها و طوفوها لك

لذلك انا مااظن ان الأسأله اللي كانت عن فلوتا موجه لي , ولكن في شي ودك تقوله بس تستحي

Karazhan

29-11-2011, 08:32 AM

اتمنى توقيف هالشخص

Derover

29-11-2011, 09:29 AM

ماشاء الله أدهشتني بخبرتك

حللت أسئلتي إلى ان وصلت لـ نيّتي

تُرفع القبعات اجلالاً لذكائك :biggthump

أسئلتي كانت للوناسة بس يعني أغلبها عبيطة ( اذا مو كلها )، وأمّا الأسئلة الي بعد > *********** < هذي لا تاخذها بجدية انها مبطنة ومدفونة واني أبي أفرق وأشتت بالقسم

هذي كانت للغشمرة او تقدر تقول مثل مقلب يعني دقة عرفت .. ما توقعتك بتاخذها جذي :eviltongue:

وبعدين كلنا ندري ان السالفة ضحك وغشمرة ومحد ان شاء الله بيزعل

واسأل فلوتا ويوشي أو اي أحد اذا بيني وبينهم شيء عشان تتأكد

وخلاص ولا تزعل يا ملك اللعبة بطلنا أسئلة ههههه وآسفين تعبناك :09:

الله يسامحك توقيف مرة وحدة .. :ponder: .. لالا ما توقعتها يالملك ما توقعتها

Yoshi

29-11-2011, 10:03 AM

لذلك انا مااظن ان الأسأله اللي كانت عن فلوتا موجه لي , ولكن في شي ودك تقوله بس تستحي

فعلا انا كنت اقول نفس كلامكـ ايام كنت / وطلعت من الكرسي .. http://www.riyadhmoon.com/vb/images/smilies/smilies/48.gif

اتمنى توقيف هالشخص

واسأل فلوتا ويوشي أو اي أحد اذا بيني وبينهم شيء عشان تتأكد

ايه بيننا نسينا ماكلينا شدعوهـ يامعود انت معطيني رشوهـ لاتنكر الشي هذا !! <<-- وتخرج الحقيقه للعلن

اطالب بإع ـطائه باند شرايكـ نفتح موضوع جديد تصويت إعطاء دريفور باند خخخخخ http://www.riyadhmoon.com/vb/images/smilies/smilies/66.gif

لي باكـ قريب ,,

Jeremie

29-11-2011, 10:10 AM

دريفور أرسل لي كم سؤال على الخاص تكفى علشان ما تعدي الحد الإتماني.......................... ولد بطونها أنت في قلوبنا.............. وقلبنا مع الشنب :biggthump

Derover

29-11-2011, 10:30 AM

هههههههههههههههههههههه

يوشي ابيك تقعد ع الكرسي مرة ثانية :12:

خخخ أتغشمر الحين يدشون بأخلاقي ونيتي ومايخلون فيني شي

يوشي افاا أبيك تفزع لي ترا كنت أسألك 10 أسئلة بس :lmao:

وقعدت أسأل كرزان انتقاماً لك :smashfreakB:

الحين تخليني بالوقت الي احتاجك فيه، لالا اكيد انا بحلم اي اي اكيد قاعد اتحلم مستحيل يوشي يسويها ..

Derover

29-11-2011, 10:33 AM

جيريمي شوف أسئلتي بالصفحة الي طافت ( الـعشرة ) ترا لي الحين ماجاوب عليهم

انسخهم وحطهم له، اتوقع ما يجاوب اذا انا الي سائله

والحين بروح الدوام يلا باي

Hitham

29-11-2011, 11:00 AM

السلام عليكم
وش رايك فيني كارزان شفني انا ما سألتك ولا سؤال رفيجك:love: :jap004:

Warchif

29-11-2011, 11:41 AM

هوب هوب <--- واحد توه طلع من غطسه طويله تحت الماي

بعدكم تسألون ياعديمي الرحمه

اقول ولد بطنها بالله عليك لا تقول انه في تشابه في الشخصيه والا راح يبلشون فيني بالتصويت
طوفها يارجال :biggthump

Yoshi

29-11-2011, 11:45 AM

اريد ان اعلق على عدد من المشاركات لكـ

بالترتيب .. يعني يقول الإجابه الصحيحه
بعدها الإجابه ولاكن بطرق ملتويه يعني يجذب علينا !

/
\

انا فهد التويمي 33 سنه مواليد الكويت
وقال في وقتاً سابق
فهد العازمي \ 33 سنه
http://www.montada.com/showthread.php?t=702027&page=8

------------

-اذا شفت واحد مبنشر بالطريق هل توقف له وتساعده او طاف كأنك ماشفته

اما الشباب يعني صبيان و بنات طااااف
هنا تخالف نفسك انك قلت طاف وفي الرد الأخر تقول تأخذها لأنه لايوجد هيئه !
http://www.montada.com/showthread.php?t=726899&page=2
وهنا رد اخر لك السؤال :
اذا شفت بنت بالشارع تطلب منك الوقوف ولما وقفت قالتلك وصلني حي منفوحه هل توصلها او تقول اسف مالي خلق الهيئه يكبسون علي ؟

ماعندنا هيئه , اوصلها شارع الخزان اذا تبي بعد
http://www.montada.com/showthread.php?t=726899&page=9

-=-=-=-=-=-=-
هل تشعر انك ماظلمت احد بالقسم قبل وبعد الرقابه , وانك عملت كل شي على احسن وجه

الله يسمع منك اصير مراقب , يااخي اخذ الرقابه وعطني نك ذهبي + اوسمه ونقاط تقييم
كيف تقول تتمنى تصير مراقب وانت تقول ان كل المناديب والملك اعضا فقيرين ولا يأخذون المناصب ؟؟ يعني انت ملك نصاب او ملك اي كلام ؟
http://www.montada.com/showthread.php?t=726899&page=2
هنا ايظا الدليل وكلامك انت كاتبه :

المهم ان من شروطها لازم تكون ماتمسك منصب وتكون بسيط
http://www.montada.com/showthread.php?t=726899&page=8

-=-=-=-=-

هل تضرب زوجتك ؟

اي وادوس في بطنها بعد
الا تخاف من ربكـ خصوصاُ انك تعاني من امراض انت ادرى بنفسكـ بها ,

-=-=-=-=-=-=
اذا كنت مبنشر ومامعاك جيك ونزلت تأشر .. وقف لك واحد راعي ددسن سودة ومغيمة أسود كتم ووجهه مشقق وشماغه على كتفه .. وقالك اركب معاي نجيب جيك من واحد من الربع ونرجع. هل تركب معاه؟

اي لأن انا شكلي تقريبا نفسه , هذا اذا اهو ما خاف مني

كيف تقول نفس شكلك .. وانت تقول كل من شافني حبني وانا شكلي زين وونيس والبنات يحبونك من اول نظرهـ وكل من تقدمت لها قبلتك إنبهاراُ بجمالك الخلاب اللى يشق العين شق الويل الا تناقض نفسك ؟
=-=-=

سؤال اخر كان موجه إليك فيما سبق ..
هل خطبت مرة ورفضتك البنت؟

لا , كل بنت اتقدملها وتشوفني توافق على طول :) صج ترى مو اتغشمر
http://www.montada.com/showthread.php?t=726899&page=5

-=-=-=-=-=-
كنت تدخن وجاك مطوع اسلوبه تعبان قالك مثلاً انت ما تستحي؟؟ تدخن؟؟ ما تخاف من ربك؟؟ هااا ؟؟؟ وقعد يصرخ .. شتسويله؟

افركه وانتف لحيته , مو انا اللي يقولي ماتسحي بالشارع ويصرخ علي
مو انت تقول انت في حالك ولا لك دخل في احد ؟ مثل اللى قطع ( شق ) التواير حق موتركـ ماقلت له شي ( طئ طئت ) راسك وخليته
ولا عشان هذا مطوع ورجل دين ؟؟؟؟ اعترف هل انت ليبرالي
http://www.montada.com/showthread.php?t=726899&page=4

-=-=-=-
هل انت تجامل مديرك او مسؤولك بالدوام؟ يعني جاك قالك كرزان شرايك بنسفتي؟ تقوله الله حلوة وهي نفس وجهه .. ولا تقول الصج

طبعا اجاملها دايم واضحك معاها بس بحدود يعني , ساعات اذا ماعندي شغل الصبح رحت لها نسولف شوي عن امور خاصه مااحب اذكرها هني

هنا خالفت كلامكـ تقول بحدود ولابينكم إلا الإحترام ثم تقول امور خاصه !!!
http://www.montada.com/showthread.php?t=726899&page=4
(http://www.montada.com/showthread.php?t=726899&page=4)
=-=-=
شنو تحب تاكل وشنو تحب تشرب؟

انا من طبعي اكل كل شي واشرب كل شي
كيف تقول انت تشرب وتأكل كل شي إذا كنت تعاني من بعض الأمراض حمانا الله وإخواني المسلمين منها ؟
الا تسبب لك بعض من الإجهاد والتعب والمرض ؟ ام انك خراط وتكذب علينا الويل لك !
-=-=-=-=-=

ماهو تقييمك لهذا المنتدى بصراحه ؟

3 من 10
كيف 3 من 10 وانت مسنتر في المنتدى والقسم 24 ساعه ماتحس انكـ ظلمت نفسك وظلمتنا معكـ ؟

=-=-=-=-=-=
رايح تصلي بالمسجد وانت بنص الصلاة تذكرت انك مو على وضوء شتسوي؟

اكمل صلاتي ولما اخلص اروح اتوضى واصليها

الا تدري ان الأثم اظم واكبر عليك من ان تصلي وانت بدون وضوء ؟ استغفر وارجع إلى ربك وارج رجعة نصوح ..

-=-=-=-=-
اذا كنت قاعد بستار بوكس تشرب قهوة و2 يمك يسولفون تقط اذنك معاهم؟ ولا تحاول ما تسمع؟

اقط ليش مااقط , هذا زين ان ماقطيت وجهي بعد معا
وفي رد اخر تقول انك عندما تركب السيارهـ لاتعلم ماذا يحصل في جهة اليمين و اليسار اي لا دخل لك في اي احد اريد تفسياراُ لهذا الجواب

=-=-=-
تكلم بصراحه عن طباعك السيئه في شخصيتك؟

غير مبالي وكل مالي خلق و دم بارد
كيف تقول دم بارد وغير مبالي ثم تقول في رداً اخر انت عصبي جدا !!!!!

-=-=-=-

لو تلقى يوشي يتمشى بالشارع لحاله يعني ماعنده احد يدافع عنه شنو تسويله؟

اخطفه و اوديه جواخير جبد
لم افهم وش كنت تقصد ؟ مطعم كبدهـ يعني ؟ شكرا شكرا والله اني جايع XD
http://www.montada.com/showthread.php?t=726899&page=5
-=-=-=

- أنت جالس بالديوانية وجات سالفة الجنس الثالث تاخذ وتعطي في الموضوع ؟ إيش وجهة نظرك فيه ؟ لو إنك قابلت واحد في السوق وكان يطالع يبتسم فيك إيش تسوي إيش تقول !

واذا قابلت واحد وابتسملي بالسوق احتمال اني ارقمه :)

هل تعترف انك مصبنجي ؟

-=-=-=-

عضو يستحق الصداقه؟

اصادق منو ؟ ان تمشيت مع واحد فيكم اهله يشكون فيه 100%
لماذا هل لأنك مصبنجي وراعي مشاكل وشكلك مايبشر بالخير فسر ؟ نوررررررني
-=-=-=

عضو من الجنس اللطيف تحب تشوف مشاركاتها وتتابعها وتتمنى الزواج منها ؟

اقول بس مااتوقف ؟ ترى بوجهك
اراشي

لو فرضنا طلبت يدها ووافقت وقالت اريد مهر + سيارهـ + تواير جديده وابيك كلم دارك يخلي لوني اخضر
يعني هي لونها اخضر شنو تسوي لكي تكسبها وتتزوجها لول :09::boggled:

( الحين عرفنا من العضو اللى تراقبه في قسم الترفيهي )
=-=-=-

- عضو تعلمت منه الكثير ؟

لا ويطلعلك واحد تسأله عمرك مريت بعلاقه يقولك لا مستحيل ماعندي هالسوالف , واهو كاشخ بالفيس بوك حاط صورته ومربي زلوفه ونظارات 5 ريال , لو مربي الشنب مو ابرك من هالزلوف , ويقولك لا انا مالي علاقه بالبنات

على باله ان انا راح اصدقه , اهو يحسب ان لو يخدعنا بالقسم الكل راح يصدقه مايدري اني مريت بالهسوالف قبله , ومايدري اني متأكد 100% لو البنت بسقف الغرفه يصيرلها عنكبوت

هل تتهمني باني على علاقه حالياُ ليش مو مالي عينك انا استغفر ربك يارجل انت جالس تتهمني زور
لاحول ولاقوهـ إلا بالله والله اني رجل اخاف ربي واصلي فرضي والحمد لله .. :28: الله يسامحك يالمصبنجي

=-=-=

- كم مرة تنازلت عن مبادئك من اجل انثى؟!! جاوب بصراحة ؟؟

اتنازل من اجل الانثى على كل , تعرف يعني كل شي ؟ الا الشنب , لها كل شي الا الشنب مالها شغل فيه

كيف تقول كل شي الا الشنب وانت لو جت سميره الخشاب او حليمه دقيت الشنب دق !:bigeyes:
http://www.montada.com/showthread.php?t=726899&page=9
-=-=-=

وشهى أفضل رياضة عندك؟

الفراش
تحب تنوم كثير يعني ؟ :33:

=-=-=-=
وشو هى سيارتك المفضلة؟

جيب لكزس الكبير نفس لاند كروزر , نفس اللي عند المديره
تقول جيب لكزس بعدين تغير كلامك وقلت :
سيارتك المفضله؟

فراري اف 430

-=-=-

ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

اقولها اثبتيلي الحب عملي
كيف عملي يعني تكون تشتغل وتحب العمل وتقوم الصباح فسر لي :33:

اكتفي بهذا القدر ولو اني مشيت وطوفت لك الكثير لاكن ماعلينا ..

يالله جااااااااااااااااااااااااااااوب :biggthump
!!

http://www.sv3r.com/art_imgs/conan454545.gif

Jeremie

29-11-2011, 11:58 AM

Answer..

1- هل طبعك انسان حساس تتأثر بسرعة؟

2- اذا واحد ما تمون عليه ودمه ثقيل يتغشمر معاك؟ تنقده على نفسه؟ ولا تجامله وتضحك؟

3- مثلاً قاعد بالدوانية وفي قلم طايح، اول ما مسكته قالك واحد دربالك ترا يكهرب اذا ضغطته.. هل تجرب ولا تخليه؟

4- اذا شريت عصير من الجمعية هل تخضه قبل ما تفتحه ولا تفتحه على طول؟

5- سيارتك نظيفة من داخل ولا كلها تتن وقطوف زقاير؟

6- شنو العطور الي تستخدمها للسيارة؟ ابو سفينة حق المصبنة؟ ولا نوع ثاني؟

7- معاك قوطي ببسي فاضي وفي زبالة بعيدة شوي عنك، تحذف الببسي فيه ولا لازم تروح لها عشان ما يطيح برا؟

8- لما تشرب محلي كم ثلجة تحط بالقلاص؟

9- لما تشتري أفلام دي في دي هل تنشب للمحل وتقول لازم أجرب الفلم ولا على طول تشتري؟

10- لما تسولف تقول السالفة كاملة ولا تحط عليها شوي بهارات؟

Jeremie

29-11-2011, 12:03 PM

يوشي حرام عليك خليه المسكين......:12:

وترى أسمه فهد التويمي العازمي . ماهي فارقه فهد العازمي أو فهد التويمي. وكلنا أسامينا فهد خل قلوبنا على بعض. ;)

ميكافلي

29-11-2011, 01:42 PM

Karazhan

29-11-2011, 05:13 PM

السلام عليكم
وش رايك فيني كارزان شفني انا ما سألتك ولا سؤال رفيجك:love: :jap004:

انت احسن واحد :)

Karazhan

29-11-2011, 05:16 PM

Karazhan

29-11-2011, 05:47 PM

اريد ان اعلق على عدد من المشاركات لكـ

بالترتيب .. يعني يقول الإجابه الصحيحه
بعدها الإجابه ولاكن بطرق ملتويه يعني يجذب علينا !

/
\

انا فهد التويمي 33 سنه مواليد الكويت
وقال في وقتاً سابق
http://www.montada.com/showthread.php?t=702027&page=8

------------

-اذا شفت واحد مبنشر بالطريق هل توقف له وتساعده او طاف كأنك ماشفته

هنا تخالف نفسك انك قلت طاف وفي الرد الأخر تقول تأخذها لأنه لايوجد هيئه !
http://www.montada.com/showthread.php?t=726899&page=2
وهنا رد اخر لك السؤال :
اذا شفت بنت بالشارع تطلب منك الوقوف ولما وقفت قالتلك وصلني حي منفوحه هل توصلها او تقول اسف مالي خلق الهيئه يكبسون علي ؟

البنشر غير , والتوصيله غير

http://www.montada.com/showthread.php?t=726899&page=9

-=-=-=-=-=-=-
هل تشعر انك ماظلمت احد بالقسم قبل وبعد الرقابه , وانك عملت كل شي على احسن وجه

كيف تقول تتمنى تصير مراقب وانت تقول ان كل المناديب والملك اعضا فقيرين ولا يأخذون المناصب ؟؟ يعني انت ملك نصاب او ملك اي كلام ؟
http://www.montada.com/showthread.php?t=726899&page=2
هنا ايظا الدليل وكلامك انت كاتبه :

http://www.montada.com/showthread.php?t=726899&page=8

بالرقابه اتغشمر ولكن قلت اخذ الرقابه وعطني اوسمه ونقاط

-=-=-=-=-

هل تضرب زوجتك ؟

الا تخاف من ربكـ خصوصاُ انك تعاني من امراض انت ادرى بنفسكـ بها ,

انا مااضرب بس احرض على الضرب لأني اخاف منها
-=-=-=-=-=-=
اذا كنت مبنشر ومامعاك جيك ونزلت تأشر .. وقف لك واحد راعي ددسن سودة ومغيمة أسود كتم ووجهه مشقق وشماغه على كتفه .. وقالك اركب معاي نجيب جيك من واحد من الربع ونرجع. هل تركب معاه؟

كيف تقول نفس شكلك .. وانت تقول كل من شافني حبني وانا شكلي زين وونيس والبنات يحبونك من اول نظرهـ وكل من تقدمت لها قبلتك إنبهاراُ بجمالك الخلاب اللى يشق العين شق الويل الا تناقض نفسك ؟

اي مو كل واحد مصبنجي يكون وجه عنز , والبنات بشكل عام يحبون اللي وجه مجرم لأنهم يحسون بفرط الرجوله تطلع منه , عكس لما يجي واحد بدون شنب و حاف حواجبه ويحط مكياج ويقول للبنات حبوني ترى كاشخ حدي

على باله يحبونه ,لا البنات يبون الوجه الرجولي
=-=-=

سؤال اخر كان موجه إليك فيما سبق ..
هل خطبت مرة ورفضتك البنت؟

http://www.montada.com/showthread.php?t=726899&page=5

مادري شنو المطلوب , مافهمت شي
-=-=-=-=-=-
كنت تدخن وجاك مطوع اسلوبه تعبان قالك مثلاً انت ما تستحي؟؟ تدخن؟؟ ما تخاف من ربك؟؟ هااا ؟؟؟ وقعد يصرخ .. شتسويله؟

مو انت تقول انت في حالك ولا لك دخل في احد ؟ مثل اللى قطع ( شق ) التواير حق موتركـ ماقلت له شي ( طئ طئت ) راسك وخليته
ولا عشان هذا مطوع ورجل دين ؟؟؟؟ اعترف هل انت ليبرالي
http://www.montada.com/showthread.php?t=726899&page=4

لأ مو هذا قصدي , القصد اني لو ادخن وكل الناس تدخن يعني ظاهره منتشره ويجيني مطول اسلوبه تعبان , اهو قال مطوع وانا ما اقبلها لا مطوع ولا غيره يعني

ان يجي ويقول ماتستحي , انا بعمر يعني مو انا اللي يقولي ماتستحي وانا قاعد اسوي شي مقتنع فيه مهما كان

-=-=-=-
هل انت تجامل مديرك او مسؤولك بالدوام؟ يعني جاك قالك كرزان شرايك بنسفتي؟ تقوله الله حلوة وهي نفس وجهه .. ولا تقول الصج

هنا خالفت كلامكـ تقول بحدود ولابينكم إلا الإحترام ثم تقول امور خاصه !!!
http://www.montada.com/showthread.php?t=726899&page=4 (http://www.montada.com/showthread.php?t=726899&page=4)
(http://www.montada.com/showthread.php?t=726899&page=4)
امور خاصه , وين راح تفكيرك :)

=-=-=
شنو تحب تاكل وشنو تحب تشرب؟

كيف تقول انت تشرب وتأكل كل شي إذا كنت تعاني من بعض الأمراض حمانا الله وإخواني المسلمين منها ؟
الا تسبب لك بعض من الإجهاد والتعب والمرض ؟ ام انك خراط وتكذب علينا الويل لك !

لا اللي اعاني منه ماله علاقه بالاكل , اما الشاي والقهوه يضروني ولكن المرجله والشوارب تتحتم اني اشربهم
-=-=-=-=-=

ماهو تقييمك لهذا المنتدى بصراحه ؟

كيف 3 من 10 وانت مسنتر في المنتدى والقسم 24 ساعه ماتحس انكـ ظلمت نفسك وظلمتنا معكـ ؟

انا اقصد المنتدى بشكل عام مو القسم هذا , هالقسم اعطيه 8 من 10 لأن اهو يمكن اللي يتحرك بشكل يومي

=-=-=-=-=-=
رايح تصلي بالمسجد وانت بنص الصلاة تذكرت انك مو على وضوء شتسوي؟

الا تدري ان الأثم اظم واكبر عليك من ان تصلي وانت بدون وضوء ؟ استغفر وارجع إلى ربك وارج رجعة نصوح ..

انا مااروح المسجد بصراحه لأسبابي الصحيه , ولكن النسيان فيني وملازمني واعتقد اني مقتنع اني عملت شي ولكن تجيني حاله النسيان وكأني ماعملت الشي

واقعد طول اليوم افكر "عملت ما عملت" ولكن ماقد حصلت معاي ولو حصلت نفس ماقلت والرجل قال متوضئ ولكن ناسي مو اصلي بدون وضوء وانا اعلم اني مو متوضئ

-=-=-=-=-
اذا كنت قاعد بستار بوكس تشرب قهوة و2 يمك يسولفون تقط اذنك معاهم؟ ولا تحاول ما تسمع؟

وفي رد اخر تقول انك عندما تركب السيارهـ لاتعلم ماذا يحصل في جهة اليمين و اليسار اي لا دخل لك في اي احد اريد تفسياراُ لهذا الجواب

ستار بكس عن الاشاره المروريه يعني ؟ ستار بوكس كافيه داخله طاولات تقعد , السياره مسكر الجام ومشغل المكيف ولا تدري منو يمك

=-=-=-
تكلم بصراحه عن طباعك السيئه في شخصيتك؟

كيف تقول دم بارد وغير مبالي ثم تقول في رداً اخر انت عصبي جدا !!!!!

في امور تخليني افصل واصير وحش كاسر منها نفس اللي يجيني بالشارع يقولي انت ماتستحي تدخن

-=-=-=-

لو تلقى يوشي يتمشى بالشارع لحاله يعني ماعنده احد يدافع عنه شنو تسويله؟

لم افهم وش كنت تقصد ؟ مطعم كبدهـ يعني ؟ شكرا شكرا والله اني جايع XD
http://www.montada.com/showthread.php?t=726899&page=5

جواخير جبد مكان فيه مشاوي على كيف كيفك و فيه ملتقى لاعبين ووركرافت

-=-=-=

- أنت جالس بالديوانية وجات سالفة الجنس الثالث تاخذ وتعطي في الموضوع ؟ إيش وجهة نظرك فيه ؟ لو إنك قابلت واحد في السوق وكان يطالع يبتسم فيك إيش تسوي إيش تقول !

هل تعترف انك مصبنجي ؟

انصحه واشوف اسبابه واحاول ارجعه لأني رجعت منهم ناس , اما في بعضهم يحس انه فتاه

يعني ماكو طب

-=-=-=-

عضو يستحق الصداقه؟

لماذا هل لأنك مصبنجي وراعي مشاكل وشكلك مايبشر بالخير فسر ؟ نوررررررني

مابين عندي القصد لم تتضح الصوره , انت حاط صوره او رابط ؟
-=-=-=

عضو من الجنس اللطيف تحب تشوف مشاركاتها وتتابعها وتتمنى الزواج منها ؟

لو فرضنا طلبت يدها ووافقت وقالت اريد مهر + سيارهـ + تواير جديده وابيك كلم دارك يخلي لوني اخضر
يعني هي لونها اخضر شنو تسوي لكي تكسبها وتتزوجها لول :09::boggled:

اكلم دارك ليش لأ او ارسله الجنود المجهولين وقائدهم المجاهد البطل البسطويسي يقاتلونه لغايه مايصير لون اسمها اخضر

اتزوجها ؟ لما احصل الجنطه ان شاءالله اول عمل اقوم فيه الزواج

( الحين عرفنا من العضو اللى تراقبه في قسم الترفيهي )

لا تجيبلي الكلام ويروحون الناس يسوون مشاكل بينا , مو اهي لا تظلمها , اتكلم عن بنت ثانيه
=-=-=-

- عضو تعلمت منه الكثير ؟

هل تتهمني باني على علاقه حالياُ ليش مو مالي عينك انا استغفر ربك يارجل انت جالس تتهمني زور
لاحول ولاقوهـ إلا بالله والله اني رجل اخاف ربي واصلي فرضي والحمد لله .. :28: الله يسامحك يالمصبنجي

من شاف زلوفك الله يهديك تقول مالك شغل و راز النظاهره الذهبيه بالاستديو وخلفك ضلع و نياق و رمث يعني البدوي الزقرتي

ابك انا اقص ايدي اذا مو في بوكك صور حليمه بولند
=-=-=

- كم مرة تنازلت عن مبادئك من اجل انثى؟!! جاوب بصراحة ؟؟

كيف تقول كل شي الا الشنب وانت لو جت سميره الخشاب او حليمه دقيت الشنب دق !:bigeyes:
http://www.montada.com/showthread.php?t=726899&page=9

الشنب مو اني اشيله لأ , انا اقولهم اشيله بس يجوني بالاول بعدين يتغير , هذي فخه عشان تستدرج فيها الناس

-=-=-=

تحب تنوم كثير يعني ؟ :33:

قصدي شي ثاني

=-=-=-=
وشو هى سيارتك المفضلة؟

تقول جيب لكزس بعدين تغير كلامك وقلت :
سيارتك المفضله؟

ان شاء الله انا في بالي 3 سيارات , جيب لكزس و فراري و مرسيدس

الجيب للبر والفراري لشارع الخليج وشارع الحب اقز هناك و المرسيدس للمشاوير

يعني لو اقول اي وحده منهم عادي تقبل لأن راح اخذهم كلهم بنفس اليوم ان شاء الله

-=-=-

ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

كيف عملي يعني تكون تشتغل وتحب العمل وتقوم الصباح فسر لي :33:

يعني اقولها خلينا نشوف بعض

وبلاش بئه لحد كده

اكتفي بهذا القدر ولو اني مشيت وطوفت لك الكثير لاكن ماعلينا ..

يالله جااااااااااااااااااااااااااااوب :biggthump
!!

http://www.sv3r.com/art_imgs/conan454545.gif

الله يجزاك خير مشكور حبيبي بو 5 ريال

Karazhan

29-11-2011, 05:55 PM

Answer..

1- هل طبعك انسان حساس تتأثر بسرعة؟

اي حساس واتأثر ولكن كتوم قليل اني اتشكى او اعبر عن شعوري

2- اذا واحد ما تمون عليه ودمه ثقيل يتغشمر معاك؟ تنقده على نفسه؟ ولا تجامله وتضحك؟

اجامل شنو وراي

3- مثلاً قاعد بالدوانية وفي قلم طايح، اول ما مسكته قالك واحد دربالك ترا يكهرب اذا ضغطته.. هل تجرب ولا تخليه؟

ادور وين المكان اللي يكهرب ويمكن اجرب

4- اذا شريت عصير من الجمعية هل تخضه قبل ما تفتحه ولا تفتحه على طول؟

اي لأني متعود وامشي على المثل اللي يقول "رج العلبه قبل الشرب"

5- سيارتك نظيفة من داخل ولا كلها تتن وقطوف زقاير؟

نظيفه

6- شنو العطور الي تستخدمها للسيارة؟ ابو سفينة حق المصبنة؟ ولا نوع ثاني؟

من مركز سلطان اشتري اي شي , وعندي مبخر صغير يركب في ولاعه السياره استخدمه مرات

7- معاك قوطي ببسي فاضي وفي زبالة بعيدة شوي عنك، تحذف الببسي فيه ولا لازم تروح لها عشان ما يطيح برا؟

اروح احطه فيها . ذرب ها

8- لما تشرب محلي كم ثلجة تحط بالقلاص؟

مااشرب محلي ولا اصلي , وعلى كثر ما سافرت وشفت ولكن ماقدر يقص علي الشيطان ويخليني اشربه لأن اللي يشرب يصير اضحوكه للناس

9- لما تشتري أفلام دي في دي هل تنشب للمحل وتقول لازم أجرب الفلم ولا على طول تشتري؟

لا لأني اشتري من الهندي اللي يفتر على الدواوين , وهذا ماعندي تلفزيون متنقل , نشتري بالكلمه "شغل ؟ اي بابا شغل"

10- لما تسولف تقول السالفة كاملة ولا تحط عليها شوي بهارات؟

على حسب , مرات اضيف كلام ان كانت السالفه سامعه من مليغ

Karazhan

29-11-2011, 06:56 PM

السلام عليكم ،، أسعد الله مساك ياخوي فهد ،، الحين عرفنا أسمك ياحلو

وأشكرك مشاعرك اتجاهي وانا اخوك واحبك الله الذي احببتني فيه

عندي شوية أسئلة عل وعسى أستفيد منك

1- حسب علمي يوجد تصنيف في دولة الكويت للجنسية الممنوحة للمواطنين ، يعني جنسية درجة أولى و ثانية و إلى السادسة ،، على ماذا يتم قياس الدرجات؟ وهل يوجد فرق جوهري من درجة إلى أخرى؟ وهل يتم التعامل فيها بينكم كمجتمع كويتي ؟ يعني مثلا الدرجة الأولى يشوف راعي الدرجة الرابعة أدنى منه ؟ ومنهم الأكثرية من الدرجات بالمجتمع الكويتي؟

الاولى الله يسلمك للكويتيين اللي قبل الجنسيه ماتطلع يعني اللي من عمرهم بالكويت , الثانيه نفس الاولى بس فيها امور والله مااعرفها , لكن الخامسه اهي الدارجه عندنا , هذي تاخذها الزوجه الغير كويتيه من زوج كويتي , طبعا بعد فتره تاخذها مو على طول , من مميزاتها ان حامل هالجنسيه ياخذ كل شي من الدوله , لكن سمعت ان

مايصوت بالانتخابات مجلس امه الا بعد 10 سنين , لأن احد اللي اعرفهم امه عندها الخامسه ولما راح تصوت قالوا مايصير , ولكن المنحه الاميريه تاخذها وعندها شركه بأسمها و مسجله بالتأمينات عشان تاخذ معاش تقاعدين , يعني ماشفت فرق الا بالتصويت. والحين يقولون يبون يوحدون الجناسي , طبعا الحكومه مايوقف امامها شي , يعني محمود حيدر من ايراني قارئ عداد بوزاره الكهربا الى جنسيه اولى

2- هل صحيح أن الأكثرية يملكون دبل جنسية بالكويت؟ يعني عنده الكويتية والسعودية بنفس الوقت؟ وهل لها عواقب؟ والسبب في تملك دبل جنسية من وجهة نظرك؟

كل التجار يمكن عنهم كويتيه - سعوديه - امريكيه او بريطانيه , الحكومه متساهله وماودها تفتح الموضوع اللي فتحه المهري بواسطته ذنبه الجويهل , لأنها عارفه ان اغلب الكويتيين يحملون جنسيتين وخصوصا التجار المعروفين واللي لهم فضل كبير على الحكومه , لكن يشوفون الفقير بس اللي عنده كويتيه و سعوديه ويقولوله اختار

وحده فيهم بس . اما الناس الكباريه محد يقرب صوبهم , انا اشوف انها عادي والوضع كان طبيعي , الا يوم تدخلوا المهري والجويهل عشان يسوون فتنه , هذا كويتي وهذا مزدوج وطبعا المزدوج معناه عندهم خائن وعميل ويبيع الكويت بسرعه واهو باع نفسه عشان ايران ولكن ينسى المشكله

3- مجلس البرلمان الكويتي أو مجلس الأمة أو المجلس الأميري ( مسمياتكم واجد ماشالله) المهم اقصد اللي يطلع فيه مسلم البراك يصارخ فيه دايم ،، بنظرك الشخصي أو حسب ماتسمع به ،، هل أغلبيتهم أعضاء تم شرائهم مسبقا؟ ورأيك في مسلم البراك؟

مجلس الامه اي , شوف انا ماودي اقذف احد فيهم , ولكن بما اني غير متابع للسياسه لكن عندي ناس يأكلون ويشربون سياسه , اعضاء اللي كانوا في فتره الثمانينات كلهم بصامين مع الحكومه , وقتها كانوا الكويتيين يعتقدون ان عضو مجلس الامه ملاك , لا يوجد شخص يتجرأ ويفتح حلقه امام العضو . وكانوا الاعضاء

مع الحكومه بكل شي الا القليل , خصوصا الاعضاء القبليين اما الحضر مره مع الحكومه ومره ضد , لكن بعد الغزو وهذا الوقت اهو مثل ماتقول وقت الانفتاح على العالم الخارجي , الناس استوعبوا ان العضو انسان عادي وبدونهم مايسوى شي , صاروا الناس يختارون صح والاعضاء قاموا يتكلمون صح

ينتقدون الحكومه ويستجوبونها كل شوي , و زمن الشراء انتهى , يجي واحد يقول لمسلم البراك انت توسطت لأخوك يصير مدير مثلا او مراقب , هذي مو حجه عليه لأن الواسطه عندنا معروفه وبكل مكان , لكن اللي يقبضون من الحكومه غير وانا سمعت عن كم واحد منهم ولكن الى الان مو متأكدين

يعني مسلم انسان نظيف بأعتقادي و اللي معاه ايضا , اما الشيعه مااعتقد يقبضون لأنهم مايحتاجون المال ولكن مفتوحه لهم ابواب الكويت كلها , يعينون اللي يبون ويحطون فلان و يشيلون فلان , وهذا اللي يبونه ويحرصون عليه , اما القبليين و مو كلهم يبون كاش عشان يشتري نياق يوديهم السعوديه

يعني مسلم ترى نظيف ولو انه في خباثه شوي ولكن افضل الموجودين , واللي ساكتين اعرف انهم ماخذين شي

4- يوجد في أغلب البلوكات مدري القطع ، الزبده مسميات الأحياء عندكم ،، يتوفر فيها جمعية ،، وجدت ان الجمعية أسعارها أرخص من السوبرماركت العادي ،، هل الجمعية مدعومة من الحكومة؟ ولا وش نظامها بالظبط؟

اي كل منطقه فيها جمعيه رئيسيه وكل قطعه فيها فرع جمعيه , في المناطق السكنيه الغير تجاريه , كل منطقه تصير فيها انتخابات يختارون اعضاء مجلس ادارتها , وانا اعرف اعضاء جمعيه منطقتها واعرف الرئيس معرفه شخصيه يعني

طبعا تابع للجمعيه فرع الغاز و فرع البنشر والتموين , ولما تكون مساهم في الجمعيه يعني تروح الاداره تفتح صندوق مساهم ب 26 دينار تاخذ بطاقات فيها رقم صندوقك والبطاقات نفس بطاقه البنك , لما تشتري بالجمعيه او اي فرع تابع لها تستخدم الكرت هذا , وكل سنه تنزل ارباح مشترياتك , حسب الجمعيه , لأن كل جمعيه يحدد اعضاء مجلس ادارتها نسبه الربح , عندنا تقريبا 9%

طبعا الاسعار رخيصه ولكن تحصل ارخص بجمعيات ثانيه , وماعندنا بالكويت نفسكم بالسعوديه جمعيات خاصه لناس معينين , او مثل مااشوف كل محطه بنزين عندها استراحه و نفس السوق صغير , احنا جمعيه تابعه لوزاره الشؤون , وفرع التموين ناخذ كل شي منه مجانا للسنه هذي , يعني هذا اللي في بالي الحين

5- في الآونة الأخيرة في الكويت ،، بدء الصوت الشيعي قوي ومؤثر في مدينة الكويت بشكل ملحوظ ، بل أنهم أصبحو يسرحون ويمرحون كيفما شاؤو بالكويت ، ويعلنون الصوت المذهبي دون أي خوف ، ويطالبون بخلع النائب الفلاني ، ووضع الشخص الفلاني ،، ماسبب قوتهم في دولة الكويت بالفترة الأخيرة من وجهة نظرك؟ وهل الوسط الفني بالكويت يحمل غالبية شيعية؟

الوسط الفني كله او اغلبيته منهم , لأن شوف انا عند بيتنا واحد اسمه نعمان ايراني بس يتكلم كويتي صح , هذا كنت اعرفه واقعد معاه وكان يقعد معانا ساعات داوود حسين و فيصل ابو غازي لكن داوود حسين مو دايم يعني يجي ولكن اخوه كل يوم يجي , ويقعدون معانا شباب مااذكر منو بالضبط لكن اللي اذكره فيصل وداوود

المهم نعمان هذا سكن في قطعه ثانيه و ماصرت اشوفه الى ان شفت صورته بالجريده مكتوب تحت اسمه المخرج نعمان , مع العلم ان الجنسيه ايرانيه يعني مو كويتي او بدون , يعني الفن اهو اقرب طريق للجنسيه والشهره بنظرهم , وفعلا داود حسين كان انسان بسيط وعادي , من اخذ الجنسيه صار يطق صدر بالحسينيات ويطلع بالمقابلات يتكلم عن الدين والمذهب

وللأسف يعني ان هؤلاء اللي يعني افضحونا عن العالم وصاروا يطلعون بمسلسلات مالها علاقه بالمجتمع الكويتي , مزيج بين الثقافه الفنيه الكويتيه والايرانيه , يعني ايران ولا تستغرب تحاول انها تسيطر على البلد اللي فيه شيعه موالين لها ويكون يعني عددهم معقول مثل 20% من عدد الشعب

تحاول انها تدعمهم عشان يسيطرون على السياسه من صوب والفن من الصوب الثاني , لأن لو تشوف الناس البسطاء اللي مالهم شغل بالسياسه يجابلون التلفزيون كل يوم ولما يشوفون هالممثلين راح يحبونهم مثلا على فنهم او الضحك اللي يقدمونه لهم و يوسعون صدرهم , وشوي شوي يدخلون عليهم بافكار اللي يغيرون فيها

مفاهيم البشر , نفس مسلسل داوود حسين اللي اظن اسمه كريمو واللي يكون شخص ايراني ويتكلم ايراني , يعني باعتقادي ان ايران اهي اللي تدعم الشباب اللي يدخلون الفن , لأن التلفزيون والاعلام بشكل عام اهو اللي يسيطر على العقول

لكن الشيعه بالكويت والتجار منهم مثل بهبهاني وغيره هم بالواقع صبيان الشيخ احمد الجابر , والد الامير صباح الاحمد , كانوا صبيان عنده و من خلاله اصبحوا تجار , يعني قدروا يستفيدون وقتها عكس ابائنا اللي مايعرف يقرأ ولا يكتب ومايبي الا بيت يضفه , اعتلوا اعلى المناصب لأنهم يحبون الشغل للأمانه

يعني الشيعي اذا مسك مكان يعدله واثبتوا اجتهادهم و وصلوا اعلى مناصب بالدوله , الى ان الناس بدأت تكتشف امرهم بعد تسريبات اشرطه وتسجيلات لهم بالحسينيات ومجالسهم , وما اكتشف امرهم الا بعد سقوط صدام حسين , هني قاموا يعملون علانيه , لأن ايران وحدها قبل والحين العراق معاها و الشيعه الموالين بكل الخليج

طلعت شوكتهم , و رئيس الوزراء ايضا يعطيهم على راحتهم لأنهم قاعده له بأي استجواب

يعني بسقوط المحمد اعتقد راح يتغير الوضع للأحسن , مشكلتنا والله طيبين فوق اللزوم و هم يتخبثون من 1200 سنه

6- أرجو ترجمة الكلمات التالية ( جاخور، شخباري ، سفايف، قبسة ، قحفية)

جاخور يعني حظيره مواشي , بس بالكويت الحين صارت الحكومه توزع اراضي مخصصه للجواخير ولكن الناس ماقامت تبني فيها حظيره , صارت كأنها مناطق سكنيه واحلى بعد , عاد الناس يربون فيهم حمام ودجاج لكن جوده يعني مو دجاج للأكل , لأ دجاج يمكن الوحده سعرها 500 دينار وهكذا , وتصير بالجواخير دوادين يلتقون فيها وجلسات طرب , طبعا في خرابيط زرقه

شخباري هذي تقال اذا مثلا قلتلك تدري ان نزل اكسبانشن الكاتا ؟ انت تقول ويييييه شخباري قديم حدك , جذي يعني

سفايف اللي تركب للسياره عشان البريك , لما تشيل التاير تشوف دسك و سفايف التاير , مادري والله اذا اسمه غير عندكم , اعرف عفريته استبنه شكمان , مادري اذا السفايف غير بعد

قبسه نوع من انواع البومه , تقال للي وجه نحس :)

قحفيه اللي تلبسها تحت الشماغ او لها اسمه ثاني طاقيه

7- بصراحة اذا رحت ديوانية بالكويت ،، أكثر شي يعجبني بشباب الكويت أنهم أشخاص يعرفون حقوقهم كمواطنين واللي لهم وماعليهم ،، فعندما يسألوني عن اي حق للمواطن اذا فيه مثله بالسعودية ، فأقول لا أعرف.

لأن الدستور كفل الحريه لنا , شوف اخ ميكافيلي تكلم بالكويت عن اي شي وكل شي الا الامير لاتتعرض له , يعني انا الحين اروح الدوانيه واتكلم عن كل شي بدون خوف , وهذا اللي عمل ثقافه بين الناس اللي مايعرفون شي بالدستور ولكن جلسات الدواوين تعلمهم

أشكرهم بصراحة لأنهم اوسعو مداركي أننا بالفعل بالسعودية نعتبر شعب جاهل بالحقوق التي يحق لنا نحن كمواطنين مما يحرمنا من بعض حقوقنا،، سؤالي ،، ماهي الأسباب التي تجعل الشعب الكويتي يعلم كل حقوقة كمواطن؟ هل يتم الإعلان عنها ؟ أهم هناك كتيبات توزع لتبيين حقوقك كمواطن؟ أم يوجد دستور مطلع عليه من جميع المواطنين الكويتيين لكي يعرفوا حقوقهم؟ أم أنتم من تقومون بالبحث عن جميع حقوقكم بأنفسكم؟

نفس ماقلت فوق , الدواوين تعلم اللي مايعرف وتخلي الشعب اللي مادخلوا مدارس يعرفون كل شي , يعني لو اكون في تفتيش شرطه وعندي 50 كيلو مخدرات بالسياره حاطهم بالكرسي الخلفي والشرطي يشوفهم تدري مايقدر يسويلي شي , لو يجي واحد مايعرف القانون راح يفضح نفسه ويسلم نفسه , لكن حرمه السياره مثل حرمه البيت في قانون الكويت , والشرطي مايتجرأ يفتح السياره لأن لو فتحها يروح فيها ويسجن

امور عاديه هذي الكل يعرفها , لكن الدواوين تعطي ثقافه ترى وتفتح الناس , انتوا بالسعوديه سمعت ان قديما كانت الدوانيه ممنوعه , ماادري اذا صحيح او لأ

ولكن اذا صحيحه ما الومهم يمنعونها لأنها تدرب وتعلم الناس وتفتح عقولهم

=====================

أعتذر أخوي فهد على الإطالة

اخذ راحتك عزيز وغالي

ahmad 0070

29-11-2011, 07:30 PM

ام ابـراهيم

29-11-2011, 11:07 PM

تابعت الأسئلة من الأول للأخر
لقد تميزت بصراحتك
لا بل تعد جرأة لا مثيل لها
و الأعضاء ما قصروا بالأسئلة لم يتركوا لنا المجال .
لكن أبي أسألك :

هل تثق بالمرأة ؟
هل بالفعلت لما غبت عن المنتدى رحت ساويت عملية أم أنها مجرد تمثيل في تمثيل؟
تصور لو إكتشفت أن جارتك تحبك و هي متزوجه , ماذا تفعل ؟
سؤال أخير هل تعجبك شخصيتك .
فهد أنا أعتبرك مغرور ,بماذا ترد علي؟

xman 2

29-11-2011, 11:58 PM

الله يساعدك يا فتى الجبل اقول راح الكثير وم بقه الا القليل

على العموم بم انك تسافر وتشوف العرب هناك وش رايك في المقوله العربي اذا طلع برا يسوي كل المنكرات , الا أكل لحم الخنزير

Karazhan

30-11-2011, 12:27 AM

الله يعينك على القصف.

انا والله ماودي ازود عليك بالأسئلة، لكن فيه سؤال في بالي ودي اسأله.

انا ما اتابع المنتدى كثير ولا اعرف عنك شيء (ماقريت الا صفحة وحده مدري صفحتين من الاسئلة)، لكن لاحظت انك كاتب في توقيعك "المـظــلوم" بالخط الأحمر..
- هل انت كاتب هذي الكلمة لأنك انظلمت في المنتدى وما اعطوك كم وسام ونقطة؟! ام انك فعلاً مظلوم في حياتك الواقعية؟ واذا انظلمت في حياتك الواقعية، وش انظلمت فيه؟! (الاجابة ليست لازمة)

هذا السؤال الوحيد الي اقدر اكتبه، ولا فيه براسي مليون سؤال وسؤال بخصوص علاقتك مع عيالك وطريقة تعاملك معهم، لكن ما ودي ادخل بأمورك الخاصة.

اي طال عمرك انا انظلمت كثير بالمنتدى , واخر مره لما جيشت الجيوش في هذا الكرسي عشان نصوت لشخص يقعد عالكرسي ولما صار يوم التصويت كلهم تركوني و صوتي ضدي و شوفه عينك

طاحت براسي

لا ياعم مليون سؤال اعفيني , انا بعز نشاطي اول ماقعدت وصلوني 120 سؤال و لما جاوبتهم تكسروا عظام جسمي , يعني لا تتعدى ال100 سؤال اذا لك خاطر يعني

اما علاقتي بعيالي فأنا عندي معاي 2 بالبيت "ولد و بنت" صغار بالعمر يعني , وعندي مع طليقتي 2 ايضا "اولاد" وكل اسبوع اخذهم معاي للبيت , يعني مثل ماانت عارف حق الرؤيه للأب واني اخذهم من بيت امهم اجيبهم عندي من الساعه 2 الى 7 المغرب لكن انا اطنش واردهم 10

علاقه اب بأولاده يعني , لأنهم بالمدرسه ويفهمون مو جهال يعني و انا قدوتهم يحبوني ويسمعون كلامي لو امهم اللي معاهم طول الاسبوع تقول شي وانا اقول شي ينفذون اللي اقوله

ماادري شنو السر حتى علاقتي مع ابوي كانت جذي , امي تعطيني كل شي وابوي عادي بس يعطيني مصروف و ميانتي مع امي اكبر من ابوي ولكن اجله واحترمه فوق ماتتصور

الظاهر وراثه عندنا هالشي

Karazhan

30-11-2011, 12:50 AM

تابعت الأسئلة من الأول للأخر
لقد تميزت بصراحتك
لا بل تعد جرأة لا مثيل لها
و الأعضاء ما قصروا بالأسئلة لم يتركوا لنا المجال .
لكن أبي أسألك :

هل تثق بالمرأة ؟

اثق بها ثقه عمياء , الى ان ارى بعيني عكس ماتفعل

يعني لو يوصلني كلام عليها انها تفعل وتفعل مااصدق الا اذا اعترفت هي, اذا اعترفت اسامح
او اني اشوف بعيني ماتعمل

غير الكلام مااعرف

هل بالفعلت لما غبت عن المنتدى رحت ساويت عملية أم أنها مجرد تمثيل في تمثيل؟

عملت نفخ في شريان القلب

تصور لو إكتشفت أن جارتك تحبك و هي متزوجه , ماذا تفعل ؟

هذا الشي غير وارد , لأن طبيعه المجتمع اللي اعيش فيه محافظ , يعني لاتخرج المرأه الا مع زوجها او اهلها او تزور جيرانها , يعني مستحيل نختلط مع بعض وناخذ راحتنا

انا ماادري عن طريقه الاحياء عندكم في تونس لكن بالكويت الشارع كله يعرف بعض واهلي يزورون كل اهل الفريج وعلاقات قديمه بينهم , ونحن الشباب نغض ابصارنا عن نساء الحي

وحتى لو فرضنا ان هذا حدث , وقدرت تعرف رقمي وتتصل علي وتقولي انها تحبني وكل شي راح ارفض اي علاقه معاها واحاول اني اعطيها صوره سيئه عن نفسي عشان تكرهني وتتحسف انها حبتني

او فكرت تكلمني , لكن مااعطيها وش ابدا واحاول الابتعاد

سؤال أخير هل تعجبك شخصيتك .

عندي 4 شخصيات للأمانه

شرير و طيب

وعندي شخصيتين بالمنتدى وخارج المنتدى

انا مختلف جدا داخل وخارج المنتدى , عندي فصله تحدث اذا شفت شي ماعجبني اتحول الى شرير واقعد اكتب مشاركات تستاهل الحذف والتوقيف

بعدين ارجع طبيعي واتحسف اني قلت الكلام , لكن مو بيدي اتحكم بالشي هذا

بما انك سألتي تحت عن الغرور , كلامي راح يبين الغرور او اللي تعتقدين انه غرور فيني

ولكن انتي يبيلج 5 سنوات عشان تعرفيني , شوفي الناس هذي اللي بالقسم , شفتيهم ؟

كلهم قالوا بدايه ما دخلت اني مغرور , الحين اعملي تصويت قولي منو تحت المنتدى او ولد بطنها

واسمعي التصويت الكااااااااسح اللي يقولون كلهم ولد بطنها

انا معاي الملايين لا تنسين :)

فهد أنا أعتبرك مغرور ,بماذا ترد علي؟

انا يااخت استغفار مااذكر اني شاركت مشاركه وحده تخلوا من الفكاهه , مو اقصد ان مشاركاتي فكاهيه وتضحك . اقصد الفكاهه اللي تبين ان الشخص قاعد يتغشمر , يعني يمزج او مادري شنو تطلقون عليها

انا بدأت المنتدى والناس تقول مغرور و شايف نفسي , ماكانوا يعرفون اني اضحك واتغشمر معاهم , لكن الاغلبيه كانوا جديين بالمنتدى فوق اللزوم , مايعرفون الضحك والفكاهه , انا دخلت بأبتسامه وبعد 4 ملايين حذف مشاركه وبعد 6 ملايين توقيف قلت كلمتي المشهوره

بعد 100 سنه راح تعرفون قيمتي

المصيبه وبركات السيد ال100 سنه صاروا 5 سنوات , وشوفته عينك كل الملايين معي

لا صج انا انسان ماتخلوا مشاركه من مشاركاتي الا وبها شي من الدعابه , بعض الناس اللي مثلا يكون دمه ثقيل او ماعنده اصحاب ولا خالط الناس يعتقد اني اشمت بالاعضاء وهذي مشكله عانيت منها بدايه الامر بالقسم

لكن ولله الحمد يعني الناس بدأت تعرف ولد بطنها انه انسان يحب المزح وان انسان بسيط يدعي المعرفه المطلقه والمعلومات من الملك المسردب و يكتب هنا وهناك وكل هذي الامور مالها علاقه لا بالغرور ولا التكبر على الناس

انا معاج يمكن اللي يشوف مشاركاتي اول مره يقول هذي مصدق نفسه و حده مغرور , انا معاج بالنقطه هذي ولكن لا يتسرع بالحكم علي ويتابع كم مشاركه ويشوف ان كل شي اقوله هو في الواقع دعابه و تلطيف الاجواء

هذا بأختصار يعني

وانا اتكلم عن القسم هذا والاقسام اللي شاركت فيها مثل الاسره , ترى مشاركاتي هناك فيها دعابه مو نابعه 100% من قلبي وما انا اؤمن به

اما مشاركاتي اخرى مثل لما كنت اتكلم مع الايرانيين والموالي لأيران في قسم الاخبار يمكن تبين لج اني شخص مختلف ولا اهو اللي يكتب في قسم ووركرافت

اتمنى ما طولت عليج

Karazhan

30-11-2011, 12:51 AM

ياجماعه لحظه دازيلي رساله "لقد تلقيت تحذير من المنتدى"

خل اشوف شنو بعد

تحذيرات بالخاص واسأله بالعام والله حاله

Karazhan

30-11-2011, 01:02 AM

الله يساعدك يا فتى الجبل اقول راح الكثير وم بقه الا القليل

على العموم بم انك تسافر وتشوف العرب هناك وش رايك في المقوله العربي اذا طلع برا يسوي كل المنكرات , الا أكل لحم الخنزير

اي والله شي محزن

فعلا في ناس اشوفهم بعيني من الفندق الى البار و من البار الى الفندق

طبعا الفندق للنوم فقط , يعني ينام ويقعد يروح يشرب ويرجع ينام وهكذا

تقوله ليش تشرب يقولك ماادري , واحد يعني يبي يرقعها واعرفه يعني

قلته ليش تشرب يافلان ؟ قال انا بسألك وجاوبني بصراحه

قلت قول

قال لو انت ماتبي الشي و ربعك احلفوا عليك تاخذه هل تاخذه او تتركه ؟

قلت اخذه حتى لو مااحتاجه واحطه بالبيت او اي مكان بما ان في حلف

قال انا ماودي اشرب لكن احلفوا علي وشربت , لو انت مكاني واحلفوا عليك تشرب هل تشرب ؟ قلت اي والكه لك بعد

هذا الرجل يعني شوفني ترى انا برئ لكن الناس اجبروني

عموما , اللي اشوفه امام عيني اغلب الشباب يتجهون للخراب بدون تفكير

يعني ماعمري شفت ناس قالوا نبي نسافر للسياحه , السياحه عندهم بنات و شرب و مراقص

لكن تبي واحد نفسي انا والشباب اللي نروح حداق و تسوق و نتمشى بالمدن كأننا من اهلها , واذا شفنا مكان في صيد نروح نؤجر اسلحه وسياره ونستمتع بالصيد حتى اننا نطبخ وناكله

متعه مابعدها متعه , اما الشباب الله يهداهم يشربون المسكرات وتطير عقولهم ولا يحس باللي حوله ويقول انا مستمتع

وانا والله اوجه رساله للشباب هني افتكوا من الشرب

سافروا عاقلين و استمتعوا هناك عاقلين وارجعوا عاقلين

MR.HM

30-11-2011, 12:57 PM

من أجمل المواضيع اللي تابعتها .. وبصراحه انا احترم هذا الانسان في غلطه او صوابه .. لانه يعبر عن كلامه بمنطلق مبدأ خاص به
ونتمنا لك الشفاء العاجل ..
تقبل تحياتي واحترامي :)

dagwar

30-11-2011, 02:31 PM

Karazhan

30-11-2011, 05:04 PM

من أجمل المواضيع اللي تابعتها .. وبصراحه انا احترم هذا الانسان في غلطه او صوابه .. لانه يعبر عن كلامه بمنطلق مبدأ خاص به
ونتمنا لك الشفاء العاجل ..
تقبل تحياتي واحترامي :)

الله يسلمك اخوي هم

احرجني اطرائك صراحه :)

ام ابـراهيم

30-11-2011, 05:20 PM

أخي ولد بطنها أنا لا أحتاج لخمسة سنوات لكي اعرفك
فأنا فهمت شخصيتك جيدا .
و لسبب أخر لن أبقى خمسة سنوات بالمنتدى ربما أرحل قبلها

عرفت معلومة جميلة جدا تسكن في منطقة سلوى { سبحان الله يا لها من صدفة}

سؤال اخر هل تعتقد أنك ستطلق مرة أخرى

لو لم تتزوج كويتية من ستتزوج من الجنسيات الأخرى .

شفاك الله من الأمراض من كثر الأمراض إللي عندك لم تترك لنا و لا مرض{ عفانا وعفاكم الله}
هل تمنيت و لو لمرة من حياتك أن يمرض إنسان أو يموت.

ملاحظة القصة التي كتبتها ما عجبتني
و انا قلت لك إختر اعضاء من المنتدى و أدرجهم بالقصة
لكنك إكتفيت بثلاثة شخصيات
و شخصية التي إخترتها لي لا تناسبني بل تناسب تلك التي تريد ان تتزوجها.......................................

Karazhan

30-11-2011, 05:25 PM

سؤال غريييييب جدا .... بس لانه صار الموقف هذا ابسألك عنه واشوف ايش تصرفك ....

تخيل نفسك في طياره ورحله دولية مدتها فوق ثلاث ساعات .... وحطك نصيبك جمب واحد قد جدك عنده ستين او خمسين سنه ... عوووود وخاااايس ..... والمصيبه انه شااااااذ ..... وقاعد طول الرحله يتغزل فيك ..... ويمدحك ويمدح طيب ووسامتك ..... وفي الاثناء يبدأ يورد عليك ..... ويلمح لك انه يبيك تروح معه الشقه .... عشااان تعطيه المقسوم !!
ايش تكون ردة فعلك مع المريض هذا ؟ ؟ وخصوصا اذا عرفت اصلا انه طبيب كبير ومحترم ....
هل بتتف في وجهه ؟ بتغير كرسيك ؟؟ بتسوي له مشكله في الطياره ؟؟ بتخاف وتسكت وتسوي نفسك غير مهتم ؟؟ بتنصحه ؟؟

الموقف هذا حصلي وانا جاي من القاهره الى الرياض وقسم انها كانت اطول رحله مرت علي ... بس احب اسأل واشوف ايش ردة الناس في مثل هذا الموقف....

شوف انا اعرف النوعيه اللي تتكلم عنها و هؤلاء الناس ما يخجلون من شي , ولو اي شخص يقابل واحد فيهم مثل ماحصل معاك و حظك قطك بكرسي عند كرسيه , يحاول ان يقيس نبضك و اي ابتسامه منك حتى وان كانت مجامله بس عشان تصرفه يعني راح يستغلها ويعتقد انك متقبله

شوف انا سافرت كثير وعاده تكون الرحله 7 ساعات لكن ما قد حصل معاي مثل اللي حصلك , ولكن حط في بالك ان كل درجه من درجات الطائره يكون فيها أمن ولكن بلباس مدني وكأنهم مسافرين , وهؤلاء الأمن وظيفتهم حمايه الطائره من مثلا ارهاب او معارك بين المسافرين قد تحدث

لكن كان المفروض منك تستدعي المضيف او انت تروح لمسؤول المضيفين وتقوله عن الامر هذا وهذا بدوره اما ان يغير مقعدك او يغيرون مقعده بالطيب او الغصب , يعني قول للمضيف ان هذا رجل شاذ وقاعد يتحرش فيك ويحرضك على الفسق والفجور , واذا عصب او زعل هذا الشاذ وحاول انه يتفلت عليك و يمد ايده راح تشوف الامن

يمسكون ويحجزونه عندهم.

هؤلاء الفئه من الناس مايخجلون من ويعتقدون ان كل الشباب يحبون ممارسه الجنس وانهم على استعداد ولكن تنقصهم الجرأه , لذلك لما يتحدث معاك تلاحظه يتكلم عن الجنس مع بنات او مواقف يكون سامعها من ناس او اصدقائه او حصلت معاه , واهي بالحقيقه قصص وهميه يقولها لكل من يقابله

اذا حس بالقبول من قبل الشخص اللي معاه بدأ يحاول ان يستدرجه و يقابله في مكان خاص , اهو لما يتكلم معاك بدايه يقول مثلا اعرف واحد عمل كذا وكذا مع صديقه وانهم عملوا كذا وكذا , ويلاحظك يشوفك تبتسم او تعصب , اذا ابتسمت ويمكن ابتسمت لأنك ناقد عليه وتبيه يخلص وتفتك منه , ولكن اهو يعرف ان عندك قبول من هذا الامر

ولكن تنقصك الجرأه او انك خجول , فهو يحاول يكسر الخجل ويتكلم اكثر واكثر عشان تاخذ وتعطي معاه بالكلام ويصير الوضع بينكم طبيعي.

فأنت تقول انه طبيب كبير ومحترم , هالاشكال مو محترمه عشان تقول محترم هذا شاذ يفضل ان يأتي الرجال على النساء , كما قوم لوط عليه السلام واظن عارف قصتهم

لذلك يااخي الكريم ان حصل معاك مثل هذي المواقف لاتحاول انك تأخذ او تعطي معاه بالكلام , و رد عليه بعصبيه و كشر بوجه عشان يحس انك انقرفت منه ومن سوالفه , روح لرئيس طاقم الطائره على طول وقوله انا يجلس بجانبي شاذ ويحاول انه يحرضني على الفجور معه , اما انك تغير مكاني او مكانه ولكن اني اجلس بجانبه مستحيل

او انك تكلم كابتن الطائره عن المشكله او تخليني اكلمه , واذا تبي تسجل قضيه بعد عليه يكون افضل , انا ماادري عن اجراءات القضايا عندك هل تطول او لأ ولكن يفضل انك تكلم كابتن الطائره وتقوله ابي اسجل قضيه على هذا الراكب

هالاشكال وانا اخوك لا تستحي منها ومثل ما اهو ما استحى منك حتى انت لا تستحي , لأن اي كلمه طيبه منك او مجامله راح تفتحلك باب معاه انت في غنى عنه , لا تجامل ولا تستحي او تخجل , اول ماتسمع قوله استح على وجهك بالعمر هذا تقول هالكلام وانا بدايه الامر احترمتك لسنك وقلت رجل فاضل تطلع شاذ و قوم من كرسيك وروح

اشتكي عليه وغير مكانك

هذا اللي في بالي الحين وان شاء الله ماتشوف والشباب ايضا مثل هذي الحالات

واسف ان كثرت بالكلام

Karazhan

30-11-2011, 05:47 PM

أخي ولد بطنها أنا لا أحتاج لخمسة سنوات لكي اعرفك
فأنا فهمت شخصيتك جيدا .
و لسبب أخر لن أبقى خمسة سنوات بالمنتدى ربما أرحل قبلها

عرفت معلومة جميلة جدا تسكن في منطقة سلوى { سبحان الله يا لها من صدفة}

انتي بسلوى بعد ؟ اي قطعه ؟ انا 2

سؤال اخر هل تعتقد أنك ستطلق مرة أخرى

احتمال انسى حبك احتمال احتمال
احتمال اني اردك احتمال احتمال
لكن الشي الاكيد حتى لو تبقى بعدي
اللي حبيته للأسف , للأسف انت الوحيدشوفي انا انسان مو رومانسي , تقدرين تقولين عني ضب
ماكو بنت بالدنيا تحب تعيش مع ضب
لازم يكون رومانسي و مطاعم وشموع وكل يوم قبل وبعد النوم كلمه حلوه
وينسى اسمها ويطلق عليها "حبيبتي"
شنو تحبين تاكلين حبيبتي ؟ وين تروحين حبيبتي ؟ كم تبين حبيبتي ؟ اما اسمها ينساه
انا عكس هذا , لا اقول حبيبتي ولا رمنسي اجيب ورد وبالنهايه اطيح عليها تاكله
ولا اذكر عيد زواجنا حتى اغلب السنين انسى يوم ميلادي ولا اتذكره الا بعد 5 شهور يمكن
انا بالعربي مااصلح اكون زوج مناسب , من ناحيه الرومنسيه يعني , لذلك انا عندي مواصفات ابيها تكون بالزوجه
يعني مثلا زوجته ماتدزلي مسج تقولي ممكن سؤال ؟ ارد عليها اقول شنو ؟
تقولي تحبني ؟ هالسوالف مااحبها بصراحه ومابي وحده تسويها معاي
ابي وحده ماعندها طلبات ماتخلص , المهم مابي اطولها لكن انا مو رومنسي ولا احب اقول كلام رومنسي كأني صقعه مصكر زرار دشداشتي اللي فوق وكل يوم شاري ورده حمرا لها
الطلاق غير وارد عندي لأنها تعدلت , لكن ان حصلت زوجه :) مااتردد بالزواج منها , بس تكون بشروط يعني
لو لم تتزوج كويتية من ستتزوج من الجنسيات الأخرى .

اتزوج من شمال افريقيا

شفاك الله من الأمراض من كثر الأمراض إللي عندك لم تترك لنا و لا مرض{ عفانا وعفاكم الله}
هل تمنيت و لو لمرة من حياتك أن يمرض إنسان أو يموت.

اعوذ بالله , والله اني ماتمنيت المرض او الموت حتى لأعدائي

ملاحظة القصة التي كتبتها ما عجبتني
و انا قلت لك إختر اعضاء من المنتدى و أدرجهم بالقصة
لكنك إكتفيت بثلاثة شخصيات
و شخصية التي إخترتها لي لا تناسبني بل تناسب تلك التي تريد ان تتزوجها.......................................

انا لو واقفه علي اتزوج المنتدى باللي فيه , لكن ان شاء الله بعد ما اركب تواير بقضي السنه القادمه كلها بالبر , عل وعسى القى الجنطه المفقوده اللي عندي شعور قوي اني راح احصلها وفيها مليون وامشي واتزوج واصير شيخ قبيله افريقي متزوج 300 بنت

القصص شوفي انا فاشل بكتابه القصص , لكن يمكن انتي نسيتي ان في قسم مخصص للقصص والاعضاء يكتبون قصص جميله فيه , انتي شنو تسوين ؟ سوي كوبي على القصص و حطيها في ملف بجهازج و بعدين غيري من اسم صاحب القصه وحطي اسمك واسم ابطال القصه مثلي انا وانتي و غيرنا بعدين اطبعيهم بالطابعه و بيعيهم

او نزليهم بالمنتدى كأنج اللي كاتبتها وان قالولج فلان كاتب القصه قولي اي بس البطل بقصته جحدر وانا البطل بقصتي ولد بطنها في فرق

عرفتي كيف

ماتعطيني وسام من اللي عندج , الله يزيد ويبارك تكدسينهم على قلبج ليش ؟ عطينا شوي 2 عالاقل

ام ابـراهيم

30-11-2011, 08:34 PM

ماتعطيني وسام من اللي عندج , الله يزيد ويبارك تكدسينهم على قلبج ليش ؟ عطينا شوي 2 عالاقل

شو دخل الأوسمه في الموضوع
ترى اوعدك ما بقى معكم إلا عدد قليل من الأشهر
و إن خرجت لو وافق المدير و إلا المسؤول هنا لا اعرف من سأتنازل عليهم كلهم لك
و إن عدت سأبدأ من الأول

أخي فهد إستمتعت بأجوبتك كثيرا
أتمنى لك حياة سعيدة
أختك في الله إستغفار

Karazhan

30-11-2011, 08:42 PM

الله يسلمج

كنت امزح لا اكثر :)

Fluta

01-12-2011, 12:56 AM

1- الإجـآبهـ بنعم او لأ ... هل يرعبك : منظر الدم / الحياة / الموت / المستقبل / المرتفعات / الجن / الصراخ / البكاء / الوحدة / المستشفى / النار / الاحلام ؟‏
2- هل تحب ان تعطي اغراضك الشخصية لاحد لو طلبها منك ؟
3- أصعب موقف صار معك ؟
4- وش رأيك بالفتآة المسترجلة والعكس للفتى ؟
5- هل تأخذ القرارات بشكل عفوي أو ترسم لذلك خطة ؟
6- ايش موقفك لمن تشوف شخص يقلدك بكل شئ ؟
7- ما نوع الموسيقى التي تهدىء أعصابك ؟
8- تححب الفتاة المليانه ولا الضعيفه ؟
9- لو كان لك أن تتناول وجبة عشاء مع أي شخص، من تختار ؟
10- إيش شعورك لو قعدت تبكي من قلب , وجا طفل وسألك ليه تبكي , قلت له فلان جرحني , مسك يدك, و رد عليك ببراءه !! ... اشوف وريني الجرح آبوسه ؟
11- كيف تستطيع أن تكون سعيدا دون مال ؟
12- متى يهين الإنسآن نفسه ؟‏
13- ما هو هدفك في الحياة ؟
14- مـآإهـوَ آإجــملُ قـرآإرٍ فـْي حيـآتــكَ ؟
15- ما هي الحلوى المفضلة لديك ؟
16- هنآإكك آشخآص هوآيتهمُ [ آلتحطيم ] . . كيف تتعآإمل معهم ؟
17- اذا كنت حيوانا، فما الحيوان الذي ترغب أن تكون من فصيلته ؟
18- ما الرقم الذي يجلب لك الحظ ؟
19- هلَ ممرههَ ندمتَ عَ مصصآدقةَ آحححد . آو معرفته ؟
20- ڪْلمه تًقولهآ إذآ عصبتً ؟
21- كيف تكسب 1,000,000 دولار أمريكي ؟
22- ما هي نوع الورود التي ترى أن تهدى لفتاة ؟
23- لو كان لك أن يعيش للأبد، هل تريد ذلك ؟
24- ما هو أول شيء يلفت نظرك في شخص من الجنس الآخر ؟
25- ما المشروب الذي تفضَله عندما تكون عطشان ؟
26- ما هو آخر مطعم ذهبت إليه ؟
27- هل سبق لك أن اشتريت شيئا عن طريق الانترنت ؟
28- ما الموهبة التي تمنيت لو ولدت معها ؟
29- ما هي أفضل هدية تلقيتها في حياتك ؟
30- ما أفضل شيء تقوم به بعد يوم طويل وشاق ؟
31- ليش تكره المشرفين ؟ وإيش الأهم عندك الأوسمة ولآ التوآير ؟

----------------

إن شآء الله مآ تعبتك في الأسئلة ..

Karazhan

01-12-2011, 05:57 AM

1- الإجـآبهـ بنعم او لأ ... هل يرعبك : منظر الدم لا / الحياة "كيف ترعبني الحياه مهما حصلي فيها ما ارتعب منها" / الموت ما اهاب الموت بسبيل الدفاع , والموت بطرق اخرى ما احاتي الا عيالي فقط / المستقبل مستقبلي نفس ماضيي ما ارتعب منه بالعكس متفائل فيه / المرتفعات ترعبني / الجن عادي وحصلت معاي مواقف كثيره / الصراخ لا / البكاء لا / الوحدة لا / المستشفى لا الا اذا عمليه جراحيه يضيق خلقييييي/ النار نار جهنم اي اما نار العاديه لا / الاحلام احلامي معقده ولا ترعبني ؟‏
2- هل تحب ان تعطي اغراضك الشخصية لاحد لو طلبها منك ؟

حسب الاغراض ان كانت سياره مثلا او اي حاجه عادي , لكن تلفون لأ لأن في بلاوي

3- أصعب موقف صار معك ؟

لما كنا على جيتي بالوفره و تلحقنا سياره شرطه وكان ليل , فتحنا الاضاءه شفنا العداد 200 وبعدها فتحنا الاضاء شفنا العداد 240 مسكر حده , بعد قليل فتحنا الاضاءه الا الشارع مقطوع و طرنا بالهوى من الشارع الى البر , هذا من المواقف الصعبه اللي مرت علي

4- وش رأيك بالفتآة المسترجلة والعكس للفتى ؟

احب البنت السترجله بالشكل فقط مو بالحركات والاطباع , يعني احب البنت اللي مادري شلون افهمك , اللي قاصه شعرها بوي و لما نكون مع بعض يعني تلبس ملابس ولاديه :) ادري بتقول مجنون

اما الفتى اذا قصدك جنس يعني , خلني اصارحك بالشي هذا , تقريبا شفت بالشارع و الاسواق وغيره في الكويت وخارج الكويت 100 جنس , 80 منهم لازم يرايشولي يعني يتحرشون فيني , لدرجه اني قلت للي معاي انا فيني شي يفتن الجنس فيني شوف شنو , بس مااعطيهم وجه والله

لا تفكر اني مااصدق على الله واطب عليهم , لا والله مااعطيهم وجه ولا حتى احط عيني بعينه , يقولون الجنس عرد , يعني جبر ما ينطرح , خوفك يفركني بالشارع ماتسوى علي

5- هل تأخذ القرارات بشكل عفوي أو ترسم لذلك خطة ؟

حسب القرار , اذا مثلا ناس تشاورني بشي اقعد افكر بالرد اللي بقوله واعقب عليه يعني احلله اشوف عيوبه شنو , اما الامور الثانيه عفويه تطلع

6- ايش موقفك لمن تشوف شخص يقلدك بكل شئ ؟

شوف انا مااحب اللي يمدحني ولا احب اللي يقلدني بكل شي , يعني مثلا يدخل واحد الحين يقول انا ولد بطنها مندوب الملك ويقعد يسولف ويتكلم وكأنه انا ويستمر بالشي هذا يعني مو يتغشمر , اذا عن غشمره عادي لكن واحد يدخل عشان يقلدني لا , لكن في تقليد بسيط

يعني للأمانه كل شخص تشاركت معاه في مواضيع وكنا مع بعض في مناقشه ضد ناس اخرين , اشوفه يحفظ مني كلمه معينه و يرددها , احس ان يوم سمع الكلمه مني اعجبته بمعناها , مثل كلمه كحل عيونك

يعني مثلا انت تقولي عطني دليل على كلامك في موضوع معين , انا اروح اجيب الدليل واحطه لك واقولك كحل عيونك فيه , و في كلمات ثانيه يمكن ناسيها ولكن اتذكرها من اشوف واحد يقولها , هذا بالنسبه لي عادي جدا ولكن اللي يدخل ويقلدني بشخصيتي و اسلوبي و الملك والسرداب

لا يزعجني حيل

7- ما نوع الموسيقى التي تهدىء أعصابك ؟

شوف انا مدمن عبادي الجوهر , يعني اذا بالسياره او غير البيت اشغل عبادي , لكن بالنت بعطيك رابط ومن خلال الرابط راح تتوسع المعزوفات وكلها يعني تعجبني , اذا تعرف لعبه نزلت على البلي ستيشن اسمها كاسل فانيا دراكولا اكس , والبطل الوكارد

هذا اللي عمل موسيقى اللعبه لو يجيني اعطيه 100 جولد بشرط ينقل سيرفر تويلايت همر

متع اذونك


http://www.youtube.com/watch?v=_MM_Q0nfaG0
http://www.youtube.com/watch?v=phlrgUGpt38&feature=related

8- تححب الفتاة المليانه ولا الضعيفه ؟

ما ارد شي او ما اطوف شي لكن الميانه تعجبني اكثر بس مليانه صح مو تجيبلي فيل صغير وتقولي شرايك

9- لو كان لك أن تتناول وجبة عشاء مع أي شخص، من تختار ؟

اتناولها مع بندر "تعرف بندر؟"

10- إيش شعورك لو قعدت تبكي من قلب , وجا طفل وسألك ليه تبكي , قلت له فلان جرحني , مسك يدك, و رد عليك ببراءه !! ... اشوف وريني الجرح آبوسه ؟

ماادري والله شنو يكون شعوري لكن من طبعي ماابكي امام احد الا ان كنت بروحي و مو كل شي يبكيني , انا صحيح اني مقصر ولا ادعي الكمال ولكن ايات القرآن و الاحاديث لما اسمع حديث عن النبي عليه الصلاه والسلام يخاطب الناس في امور او يخاطب اصحابه او يتكلم عن رحمه الله

ماامسك نفسي والله , وعاده اكون بروحي خلف هالكمبيوتر , عندك في قراء اسمعهم على المجد مااعرف اسمائهم الا واحد اسمه احمد العجمي ان ما خانتني الذاكره , كل مااسمع ابكي , ولما كنت ابكي وانا صغير ما اذكر ان قد مره احد واساني

11- كيف تستطيع أن تكون سعيدا دون مال ؟

لما اقتنع باللي عندي

12- متى يهين الإنسآن نفسه ؟‏

لما يكذب

13- ما هو هدفك في الحياة ؟

هدفي اعيش مرتاح و مريح اللي معاي

14- مـآإهـوَ آإجــملُ قـرآإرٍ فـْي حيـآتــكَ ؟

يوم قررت احجز على الدرحه الاولى

15- ما هي الحلوى المفضلة لديك ؟

ما آكل حلويات لأسباب صحيه :) بذمتك مو مسكين حدي

16- هنآإكك آشخآص هوآيتهمُ [ آلتحطيم ] . . كيف تتعآإمل معهم ؟

احطم راسه

17- اذا كنت حيوانا، فما الحيوان الذي ترغب أن تكون من فصيلته ؟

قطو عند امرأه انجليزيه

18- ما الرقم الذي يجلب لك الحظ ؟

لا اؤمن بالامور هذي

19- هلَ ممرههَ ندمتَ عَ مصصآدقةَ آحححد . آو معرفته ؟

مااذكر بصراحه

20- ڪْلمه تًقولهآ إذآ عصبتً ؟

ياجرابيع يازبده القوم ياقاع المجتمع

21- كيف تكسب 1,000,000 دولار أمريكي ؟

انا مو اوزع 100 جولد بس شرط ينقلون سيرفري ؟ انا مستعد اعطيك 10000 جولد وانا اجيك بسيرفرك بس قولي شلون

22- ما هي نوع الورود التي ترى أن تهدى لفتاة ؟

ماعمري اهديت ورود ولا اعرف انواعهم جوري يمكن صح :)

23- لو كان لك أن يعيش للأبد، هل تريد ذلك ؟

لا والله , اعيش مدى الحياه وانا اعاني من تواير سياره لا خلني اموت وان شاء الله اكون من اهل الجنه وبدل السياره احطلي جنحان واطير , لا بنشر لا تواير لا عفريته قصدي استبه

24- ما هو أول شيء يلفت نظرك في شخص من الجنس الآخر ؟

جاوبت عليه من قبل ليش الاحراج يعني , واهو شنو يلفت النظر يعني غيرها . بس عيبي مااقدر اشيل عيوني

25- ما المشروب الذي تفضَله عندما تكون عطشان ؟

كولا

26- ما هو آخر مطعم ذهبت إليه ؟

قبل شوي وكان ماكدونالدز نفس العاده والماك رويال نفسها ماتغيرنا من عرفتنا

27- هل سبق لك أن اشتريت شيئا عن طريق الانترنت ؟

كثير

28- ما الموهبة التي تمنيت لو ولدت معها ؟

موهبه العزف على البيانو وباللعبه اني اضبط رقصه الهيومن جون ترافولتا
http://www.youtube.com/watch?v=Yu8z1DIMe9Q

29- ما هي أفضل هدية تلقيتها في حياتك ؟

ماعمره احد تذكرني بهديه الا مره وحده وكانت نظاره

30- ما أفضل شيء تقوم به بعد يوم طويل وشاق ؟

انسدح بالمكيف واولع زقاره

31- ليش تكره المشرفين ؟ وإيش الأهم عندك الأوسمة ولآ التوآير ؟

مااكره احد ولكن البعض لما انصحه يعتقد اني ادخل بشغله وان يعني اوصله رساله انك يامشرف ترى غبي وانا اذكى منك , حصلت معاي و توقفت فيها لأنه الظاهر حقد علي ليش تنحصني وتسوي روحك فاهم فوق راسي

التواير او الاوسمه اختيار صعب , بس اقول الاوسمه احسن

----------------

إن شآء الله مآ تعبتك في الأسئلة ..

ماكو تعب ان شاء الله وانت عزيز وغالي اي وقت تحب تسأل بالكرسي و من غير الكرسي فأنا حاضر

Karazhan

01-12-2011, 05:59 AM

وهذا سكريمر يعزف ناروتو بلو بيرد

http://www.youtube.com/watch?v=0hx86utF8t0&feature=related

احب الكمان عشان المعزوفات اليابانيه بالذات

عندهم ابداع في موسيقاهم

OLD SNAKE 19

01-12-2011, 10:31 AM

بمــا ان محد يبي يسأل , سأبادر بجم سؤال ....

1- هل تعتقد فعلا ان الارض تدرو حول الشمس , والشمس تدور متوافقتاً مع المجموعه الشمسيه حول مركز المجره .. الخ , ام ان الشمس والقمر هم اللي يدورون حول الارض . او شي اخر ! يعني بالنختصر عطني وجهة نظرك حول الامر هذا ؟؟

2- هل تعتقد ان الارض تدور حول نفسها ؟؟ او لك وجهة نظر أخرى ؟؟؟ "ﻻ تنسى تعاقب الليل والنهار في حال وجود وجهة نظر اخرى !"

3- افرض واجهت شخص يؤمن بالابراج . كيف تقنعه وتحجه بانها خرابيط ﻻ اكثر ؟؟

4- في عيد الفطر الماضي , صار خلاف بين علماء الدين , وعلماء الفلك حول يوم العيد . بكل صراحه , مع من كنت تقف ؟

5- بكل صراحه مَــن مِــن هالاشخاص التاليين تفضل المناضره معه وتعتقد انه يتكلم بكل عقلانيه .

يهودي
نصراني
ملحد

وبس خلاص . وسلامتكم .

جاوب يا حبيب قلبي لسى باقي يوم .

xmoonkinx

01-12-2011, 02:48 PM

1- اذا دق جرس البيت هل تسأل تلقائياً "منو الي ياينا هالحزة" مثل المسلسلات؟ ولا تروح للباب وانت ساكت؟

2- اذا طلبت مطعم تاكل المخلخل الي مع الوجبة؟

3- اذا تأخر المطعم هل تدق عليه ولا تقول الحين راح يجي وتنطر؟

4- بما انك مصبنجي، هل تقلد صوت العود بعض الأحيان؟ دن درن دن دررن؟

5- بما انك مصبنجي، هل فاصل لمبة التاهو الأمامية بحيث تصبح السيارة عورة؟

6- بما انك تحب البيتزا، هل تاكل أطراف البيتزا؟

7- لما تفتح علبة البيتزا، هل تطير ع الكرسي الي بنص العلبة وتاخذه ولا تخليه؟

8- بما انك ملك العود ( لأني شفت عود عندك ) هل تعرف تعزف عليه ولا حاطه زينه؟

9- عندك واحد بالدوانية غثيث تبي تصرفه بس بدون ما يحس، شلون؟

10- اعزمك واحد على مطعم عندهم عرض على سيارة، فتحت كابونك وطلعت لك السيارة .. الي عازمك قفلت معاه يقول السيارة المفروض لي لأن انا الي دافع الفلوس. شتسوي؟ فرضاً السيارة غالية

(ترا ديروفر يسلم عليك :D)

Karazhan

01-12-2011, 09:13 PM

بمــا ان محد يبي يسأل , سأبادر بجم سؤال ....

1- هل تعتقد فعلا ان الارض تدرو حول الشمس , والشمس تدور متوافقتاً مع المجموعه الشمسيه حول مركز المجره .. الخ , ام ان الشمس والقمر هم اللي يدورون حول الارض . او شي اخر ! يعني بالنختصر عطني وجهة نظرك حول الامر هذا ؟؟

والله يا مشعل انا برد عليك بدون مراجعه شي و مابي اذكر الايات عشان مااحرف فيهم وانا مو محضر للرد , لكن ردي راح يكون بسيط من وجهه نظري , انا اؤمن ان الارض ثابته والشمس تدور حولها , في ايات تخبرنا بالشي هذا

"وسخر لكم الشمس والقمر دائبين"

"لا الشمس ينبغي لها ان تدرك القمر ولا الليل سابق النهار وكل في فلك يسبحون"

"والشمس تجري لمستقر لها"

"وسخر الشمس والقمركل يجري لأجل مسمى"

هذا اللي يحضرني الان , لاحظ ان كل الايات تشير الى ان الشمس والقمر يجريان , واخر ايه "وسخر الشمس والقمر" ومعروف عندنا معشر المسلمين ان الله سبحانه خلق الكون لغايه يعلمها هو , وانه خلقها في 6 ايام و في اليوم السابع والله اعلم خلق ادم , واخبر الملائكه انه جاعل في الارض خليفه واللي نعرفه كلنا , لذلك تم تسخير

كل شي بالكون للأنسان و سخر كل شي لخدمه الانسان و سخر الشمس والقمر له ليعرف الاتجاه والوقت وغيره , فأذا الله سبحانه يقول وسخر الشمس والقمر معناه انهم اللي يتحركون ولم يقل وسخر الارض تجري او وسخر الارض للشمس , والله اعلى واعلم

لذلك انا اعتقد و اؤمن ان الارض ثابته والشمس تدور حوله , ودليل ثبوتيتها ان فوق الشام باب التوبه , باب التوبه بالسماء طبعا , فأذا كانت الارض تدور معناه ان باب التوبه ماراح يكون فوق الشام , والشي الثاني البيت المعمور وهو فوق مكه المكرمه نفس موضوع باب التوبه.

والله سبحانه يقول "الم نجعل الارض مهادا والجبال اوتادا" المهد مهد الانسان يعني مستقر يحافظ عليه والاوتاد هي اللي تثبت الشي , مثلا اوتاد الخيمه اللي يشبهون المسامير لكن اكبر و نغرسهم بالارض لنحافظ على الخيمه من الرياح عشان ما تتحرك

والله سبحانه لما خلق الارض صارت ترتجف الى ان القى الجبال عليها فسكنت , لذلك قال الله سبحانه "والجبال اوتادا"

شكلي طولت عليك ها :) بس راجع اللي قلتله يمكن كتبت ايه او معلومه غلط , تحقق الله يجزاك خير

2- هل تعتقد ان الارض تدور حول نفسها ؟؟ او لك وجهة نظر أخرى ؟؟؟ "ﻻ تنسى تعاقب الليل والنهار في حال وجود وجهة نظر اخرى !"

الارض ثابته نفس ماقلت فوق , والليل والنهار آيتين مااعتقد ان لهم علاقه . تركت البحث عن هالشي ولكن كل ما الاحظ سوره عن الشمس والقمر اشوف ان اليل والنهار مو معاهم ويكونون لوحدهم . اعطيك مثال

"ومن اياته الليل والنهار والشمس والقمر"

"يكور الليل على النهار و يكور النهار على الليل"

"و ايه لهم الليل نسلخ منه النهار فاذا هم مظلمون"

شوف كلمه يكور الليل على النهار والعكس , كأنك تغطي شي على شي تغطيه كامله من كل الجهات . مثل ماقال سبحانه "واذا الشمس كورت" هل تعتقد يااخ مشعل ان الشمس كرويه مثل ما يقولون العلماء ؟ واذا كانت كرويه لماذا في الايه السابقه بخبرنا الله ان الشمس يوم القيامه سوف تتكور اذا كنا نعتقد الان انها كرويه ؟

هذا يدل على ان الشمس مجرد قرص , نفس الCD اللي تحط فيه لعبه ميتل جير , واذا جاء يوم القيامه راح تلبس الشمس القمر و تكور عليه , نفس ماقلتك فوق عن الليل والنهار "يكور الليل على النهار ويكور النهار على الليل"

لذلك انت احذف كل معتقدات العلماء اللي تتعلق بالكون والخلق و شوف كتاب الله سبحانه , صحيح ان البعض مايفهم هالامور ولكن القران مايقولك مثلا "الشمس هي التي تجري والارض ثابته" ولكن من تسمح ايه تقول "والشمس تجري" معناه الشمس تتحرك والارض ثابته

او حديث عن النبي صلى الله عليه وسلم يقول عن البيت المعمور و وين مكانه , اذا كان فوق الكعبه مباشره معناه ان الارض ماتتحرك 1 سم من مكانها

ماادي اذا نسيت شي ماقلته بعد او نقطه مارديت عليها لأني ترى توني قاعد ومصندح بعد ودي انام

3- افرض واجهت شخص يؤمن بالابراج . كيف تقنعه وتحجه بانها خرابيط ﻻ اكثر ؟؟

كل مااكلم واحد يقولي ادري كذب لكن استمتع , انت اهم شي لا تؤمن فيها ولا تقراها لأن كلها غيبيات وخزعبلات , وثق تماما انك ماراح تشيل ذنب اللي يقرأها ويصدقها , لذلك لا تتعب نفسك معاه , قوله انها كذب و مايجوز تؤمن فيها اذا اقتنع وتركها كان بها واذا قالك للتسليه قوله انا بشرب خمر للتسليه يصير ؟

ماراح تشيل ذنوب غيرك لاتخاف

4- في عيد الفطر الماضي , صار خلاف بين علماء الدين , وعلماء الفلك حول يوم العيد . بكل صراحه , مع من كنت تقف ؟

العيد الماضي حاط راسي ونااايم احلى نومه , عشان انحاش ما اعطي عيادي , وتوني ادري انهم مختلفين منك , بس انا اقول علماء الفلك الاجدر لان تخصصهم , يعني اكيد انت سامع عن العجيري هذا الرجل كله يطلع صح ومايصدقونه هيئه الرؤيه الشرعيه ويمشون على رأيهم بالنهايه يطلعون غلطانين

مو عشان عالم دين يكون فاهم بكل الامور , انا اقول يصير تنسيق بينهم ويتفقون على يوم عشان مايوهقون العالم

5- بكل صراحه مَــن مِــن هالاشخاص التاليين تفضل المناضره معه وتعتقد انه يتكلم بكل عقلانيه .

يهودي
نصراني
ملحد

ما ناظرت احد فيهم الا نصرانيين مصر او الاقباط مثل مايطلقون عليهم , دخلت معاهم من زمان في منتدى مسيحي وقعدت اشوف رأيهم بالاسلام , طبعا شفت العجب , يقولون محمد و ربه القمر , ولما سألت منو القمر قالوا ان المسلمين يؤمنون بالقمر ان هو الله سبحانه

انا ماادري شنو كان الموضوع او شنو صار لأن السالفه قديمه جدا ولكن اللي اذكره اني اخذت توقيف عندهم , طبعا ماكو منتدى اشارك فيه الا و يكرموني بوسام التوقيف

اما يهود و ملحدين ما قابلت بالانترنت احد فيهم

وبس خلاص . وسلامتكم .

جاوب يا حبيب قلبي لسى باقي يوم .

الله يسلمك عزيز وغالي يامشعل كل يوم تعال معاك مطبق زبيدي لا تقاطع خلنا نشوف

والمطبق يكون معاك مو ايد ورى و ايد جدام

Karazhan

01-12-2011, 09:43 PM

1- اذا دق جرس البيت هل تسأل تلقائياً "منو الي ياينا هالحزة" مثل المسلسلات؟ ولا تروح للباب وانت ساكت؟

اسكت واذا قعد يدق اقول زين عشان يوقف دق ويعرف ان في احد جاي يفتح البااب

2- اذا طلبت مطعم تاكل المخلخل الي مع الوجبة؟

اسمه مخلل بالكويتي مو مخلخل , انت كويتي اقصد "ديروفر" او مزدوج ؟ خارج السور او داخل السور ؟ ولد بطنها كويتي طرحك جميل او متجنس بالتحرير عشان تسوق اسعاف وتوصل جنائز للمقبره حتى بالغزو مو راضي تهد وظيفتك سايق اسعاف ؟

اكل المخلل مع الوجبه , واذا رحت مطعم لبناني في السالميه وطلبت مشاوي انا ومعاي 2 "معروفين احنا اللي نروح وباقي الدوانيه 100 فلس ماتطلع منه , المهم اذا رحنا وتعرف انت تقعد عالطاوله تطلب مشاوي يجيبلك الحمص و التبوله ومخلل اول شي وبعدها بربع ساعه يجيك النحم "لحم بس فيني لحميه بخشمي"

عادي احنا مانخلي شي لا حمص ولا مخلل , حتى راعي المطعم يشوفنا يقول شالوحوش اللي جايين

سويتلك قصه على مخلل , اسف

3- اذا تأخر المطعم هل تدق عليه ولا تقول الحين راح يجي وتنطر؟

اعطيه ساعه واذا ما وصلني ادق واشوفه اذا ما وصلني خلال 15 ساعه اكنسله

يعني بالكويت ساعه توصل الصبيه اذا كنت على جيب , واذا جي تي او زد توصل الخفجي العبدلي واذا انت من المناطق العاشره يعني من بيتك الى الخفجي , اهو مطعم بالسالميه او اقرب بعد وياخذ ساعه او من 45 دقيقه الى ساعه وفوق هذا ما يجي بعد ؟ وين وزاره التجاره عنهم ؟

4- بما انك مصبنجي، هل تقلد صوت العود بعض الأحيان؟ دن درن دن دررن؟

قلييييييييييييييييييييييل

5- بما انك مصبنجي، هل فاصل لمبة التاهو الأمامية بحيث تصبح السيارة عورة؟

لا

اهم شي اللمبات مافيهم محترقه وطافيه , اذا طافيه من الفجر اصفط بشرق عند كراج الغانم انطره يفتح واشتري لمبه

6- بما انك تحب البيتزا، هل تاكل أطراف البيتزا؟

تبي تعرف طلبي ؟ شوف دق على بيتزا وقلوهم بيتزا وسط سوبر سوبريم بدون فلفل اخضر بارد وتكون ضعيفه مو سميكه <-- هذي البيتزا ومرات اطلبها وسط ومرات صغيره اذا مالي نفس اكل بس اطقطق يعني

سلطه صغيره بدون طماط و كثر الشغلات الصغيره مادري شنو اسمهم مثل المعكرونيا و الذره والخضار + كل انواع الصلصات حطهم <--- سلطه اموت فيها يعني لو تقولي تعال عندي فوق السطح خوش حمام قلابي تعال شوفه يمكن اشك ومااروح معاك وانحاش بيتنا , بس لما تقول تعال فوق السطح عندي خوش سلطه بيتزا اروح معاك على طول

جوانج <---- شرط ان يكون ول دن weldone اذا مو welldone مااكله اقطه , وادق عليهم اهاوشهم ويوصلولي واحد ول دن , يعني لما يطبخونه بالفرن بدل دقيقه يخلونه دقيقتين عشان يتحمش وتروح الزفره منه

7- لما تفتح علبة البيتزا، هل تطير ع الكرسي الي بنص العلبة وتاخذه ولا تخليه؟

والله مافهمت كرسي اللي اطير عليه بنص العلبه , افتح اللعبه واخلي نص العبه فيه البيتزا والنص الثاني احط فيه الجوانج والبطاط مالهم اذا طلبته و السطله يعني اسوي العلبه سفره بدل اجيب جريده

8- بما انك ملك العود ( لأني شفت عود عندك ) هل تعرف تعزف عليه ولا حاطه زينه؟

انا مو ملك العود , ملك العود كل يوم واحد طالع لنا يقول فلان ملك العود , فريد و نصير ومادري منو , حبيبي تبي تسمع ريشه ونغمه غير عبادي مافي , لحد يقول فلان وفلان و كل واحد يمدح اللي يحبه , لكن اسأل كل واحد يدق عود منو ودك تكون نفسه بالعزف راح يقولك عبادي الجوهر , ريشه عبادي مو سهل ترى

انا اعزف سنين طويله لكن ما طورت نفسي , لأن ماادري شلون عرفت اعزف ولا كانت عندي هوايه الغناء عشان تقول والله عزف عشان يغني , والله يالطيب اني شلون تعلمت ماادري و ولا يعني رحت اطور من نفسي واتعلم النوتات وهالسوالف

ولكن بيني وبين نفسي اغني عشان محد يضحك :) وعالخفيف يعني كل ما حزنت او طرت علي اغنيه قعدت اغني , وانا بدأت بالعدني لأن عبادي صعب :) محد يقدر يقلده

9- عندك واحد بالدوانية غثيث تبي تصرفه بس بدون ما يحس، شلون؟

عمري ماصرفت احد مع ان بيني وبينك صارت معاي ولكن انا انسان خجول جدا ترى ولا احب احد ياخذ عني فكره او يزعل حقيقتا

ولما اكون مع شخص بالدوانيه اتحمله لي النهايه , لغايه ما يجي احد ويبدأ الوضع يتغير . وانا عموما ما اطول بالدوانيه , لأن لازم اروح البيت بين فتره وفتره والكل يعرف هذا , وحتى الغثيثين اللي عندنا يدرون اني مااقعد , يعني لو اقعد معاه ويغثني اقوله بروح البيت انطرني شوي واجيك , يقول عشان تسوي كذا وكذا اقوله اي

يدري يعني ليش اروح

بس ان كان ضيف و غثيث اتحمله الى النهايه ولا تطلع مني كلمه تكدره او تزعله

10- اعزمك واحد على مطعم عندهم عرض على سيارة، فتحت كابونك وطلعت لك السيارة .. الي عازمك قفلت معاه يقول السيارة المفروض لي لأن انا الي دافع الفلوس. شتسوي؟ فرضاً السيارة غالية

اقوله نبيعها و نص بالنص اذا رفض اطرده

(ترا ديروفر يسلم عليك :D)

ادري انا قلت هذي اسأله ماره علي من شخص ثاني مو انت

لكن ماعليك خلصت بطاريته , ماعنده اسأله بعد مو نفسي مركب نووي , هو عمل مفاعله صيني وشغل بو طقه , انا الماني , جوده المفاعل اللي عندي مايوقف بالطريق

ام ابـراهيم

01-12-2011, 10:09 PM

يا ناس شو يعني دوانية
يعني لازم تروحون لهذا المكان.

Karazhan

01-12-2011, 11:26 PM

الدوانيه اهي غرفه بالبيت يسويها صاحب البيت لأصحابه يلتقون فيها ، وهذي مشهوره عندنا بالخليج ، وعاده ان كان صاحب البيت راعي دوانيه يسويها مستقله عن البيت ولها مدخل خاص و بحيث اهله لما يطلعون او يدخلون محد يشوفهم ، تكون ملتقى لأصحابه وفيها شاي وقهوه و عامل يقوم بالضيافه يعني ، وانا الحين اكلمج من الدوانيه ؛)

Karazhan

01-12-2011, 11:29 PM

ابي الكلام اللي كاتبته مااروع هذا النوع من الناس ، هذا سؤال او مديح حقي او كلام مايخصني وكاتبته بالتوقيع او شنو ، انا شابك من التلفون وماادري اذا ملخبط الكلام عندي او كاتبه شعر

Cry Me A River

01-12-2011, 11:55 PM

سؤال اخ كارزهان ولد بطنها

كيف البرد معاك ؟؟ ووش ينقصك بحياتك فعلا ؟؟؟

:

ام ابـراهيم

02-12-2011, 12:19 AM

ابي الكلام اللي كاتبته مااروع هذا النوع من الناس ، هذا سؤال او مديح حقي او كلام مايخصني وكاتبته بالتوقيع او شنو ، انا شابك من التلفون وماادري اذا ملخبط الكلام عندي او كاتبه شعر

ههههههههههههههههههههههههههه
هذا تابع للتوقيع
و هو بالفعل كلام ينطبق عليك
قتلتني بالضحك

Karazhan

02-12-2011, 01:19 AM

سؤال اخ كارزهان ولد بطنها

كيف البرد معاك ؟؟ ووش ينقصك بحياتك فعلا ؟؟؟

:

البرد شديد والله هاليومين اللي حتى بغرفتي ولابس دلاغات "جوارب" ورجولي مثلجه احس لو اضربهم يتكسرون

واللي ينقصني بحياتي بصراحه وبدون لف و دوران زوجه احبها بس

Twinked

02-12-2011, 05:20 AM

سؤال بسيط بس لقافه !!

ويش سبب تسميتك للأسم Karazhan ؟

Karazhan

02-12-2011, 05:59 AM

مادري والله

سألتني الاخت دوديت بالخاص "مالقيت الا هالاسم؟"

قلت اي شفيه ؟ اسم رايد ايام لفل 70 , قالت اي بس هذا اسمي كلبي الروت ولر بعد

فأنا يعني ماادري شنو اقول , فقلت يلا اثنينا اسمنا كارزان

عاد انا توهقت بالاسم مادري شنو اختار و مر في بالي كرزان لأن باللعبه كرزان من احلى الرايدات عندي

اذا عندك واسطه تخليني اغيره من كرزان الى روت ولر قصدي ولد بطنها قولي

ومستعد اعطيك 100 جولد بس تنقل سيرفر تويلايت همر عشان تستلمهم

OLD SNAKE 19

02-12-2011, 08:25 AM

بالنسبه لموضوع الارض .. ما ابي اتوسع هنا فيه ونلف الموضوع , لنا جلسه تحشيشيه مع بعض ونتوسع فيه اكثر ان شاء الله .. بس عندي حاجه ثانيه

العيد الماضي حاط راسي ونااايم احلى نومه , عشان انحاش ما اعطي عيادي , وتوني ادري انهم مختلفين منك , بس انا اقول علماء الفلك الاجدر لان تخصصهم , يعني اكيد انت سامع عن العجيري هذا الرجل كله يطلع صح ومايصدقونه هيئه الرؤيه الشرعيه ويمشون على رأيهم بالنهايه يطلعون غلطانين

مو عشان عالم دين يكون فاهم بكل الامور , انا اقول يصير تنسيق بينهم ويتفقون على يوم عشان مايوهقون العالم

بالنسبه للجواب هذا , كان المفروض من البدايه اوضح لك الصوره كامله .

في ذيك السنه , رجب كمل 30 , وشعبان كمل 30 , جاء الاختلاف على رمضان

علماء الدين قالوا ان رمضان 29 , وهذه ما فيها مشكله
علماء الفلك قالوا ان رمضان 30 , واللي شفتوه زحل ومو الهلال ,
المشكله ان اذا كمل رمضان 30 , شوال ﻻزم يصير 28 . وهنا المشكله اللي ما حسبوا لها الفلكيين حساب .

يعني الان , مع من انت . ؟ مع العلم ان كثير من الناس وقفوا مع الفلكيين . بس انا تماما مع شيوخ الدين !

سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟

Dudette

02-12-2011, 11:45 AM

ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم

Fluta

02-12-2011, 03:11 PM

1- كم يعيش الحب ؟
2- ما هي صيغة السعادة ؟
3- ما هو الشيء الذي لا يمكن غفرانه ؟
4- ما هو اهم الاختراعات ؟
5- كيف تقضي جل وقتك وأنت على الأنترنيت ؟ <`~ اللغة مقطعتك ..
6- من هو الشخص الأكثر مرحا من معارفك ؟
7- ما الذي يوجد في جيوبك الآن ؟
8- ما هي اللحظة التي إفتخرت فيها بنفسك حقا ؟
9- ما الشيء الذي تنفق عليه المال أكثر ؟
10- عرفت تصور مكآن قعدتك , صور لنآ شنبك يَ عزيزي ..

Twinked

02-12-2011, 03:47 PM

يالله يالله جاوب بسسسرعه :D عشان نجلس واحد مكانك :D

Yoshi

02-12-2011, 04:18 PM

ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم

انا اذكرهـ في قسم الهوايات XD

سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟

باقي إلى يوم الأحد lol

Derover

02-12-2011, 06:00 PM

ههههههههههههههههههههههههههههههههههه

بدلية مخلخل قصدي مخلل وانت ما صدقت تمسك على واحد بدلية :09:

Yoshi

02-12-2011, 07:45 PM

1- طقيت باب جاخور رفيجك ولا يطلع لك واحد شكله يخرع ( وجه مشقق / غترة عالكتف / نظرات خبيثة إلخ ) قلت له آسف مضيع الجاخور، قالك لا مايصير لازم اتقهوة عندنا وحلف عليك .. هل تدخل للجاخور؟ ولا تنحاش؟

2- دعمت سيارة بنت بالشارع قعدت تصارخ عليك عمى ماتشوف دايخ؟ حمار؟ شتسوي لها؟ اذا رديت عليها تقدر تتبلى عليك وتوديك بقضية شرف

3- البطاط شبس تاكله بشوكة ولا بايدك؟

4- السلطة تاكلها بايدك ولا بقفشة؟

5- المرق تصبه بقفشة ولا تصبه من الصحن؟

6- لي الحين تعتقد ان الجميع يحب مشاركاتك؟

7- لو أتى شخص وأخذ منك نجوميتك بالقسم؟ هل تستمر بنفس اسلوبك؟

8- لو أحسست ان الجميع لم يعد يضحك على مشاركاتك؟ هل تستمر باسلوبك الكوميدي؟

9- اذا رحت بقالة تنزل تشتري ولا تطق له هرن؟

10- هل تخلي معاك بطل سفن أب عائلة شايل قرطاسه بالدبة عشان تعبيه ماي من البرادات الي بالشارع لما تصير عطشان؟

11- هل تشتري بدلاتك من المحلات الرخيصة الي كلها تقليد ( حتى خيوط البدلة طالعة ) ولا تروح محلات كشخة وكل شيء ماركة؟

12- ملابسك الداخلية من البسطات ولا المحلات؟

13- اذا طلعت لمشوايرك العادية تلبس غترة وعقال وتكون رسمي ولا جريمبا او طاقية ولا مطلع الشعر؟

14- اذا الجو كان بارد شنو تلبس على الدشداشة وانت طالع؟ بشت؟ فروة؟ جاكيت عادي؟ جاكيت الماتركس ( الي يوصل لي ركبتك ) ولا شنو بالضبط؟

15- اذا بتسولف مع بنت شنو اول موضوع تفتحه معاها؟ تصدقين اليوم برد؟

16- لما تمشط شعرك تغني؟

17- اذا استخدمت كلينكس تقطه على طول ولا تخليه بجيبك عشان تستخدمه مرة ثانية؟

18- هل طبعك راعي مواجيب؟ يعني كل مناسبة موجود؟ عرس-عزا-دفان-تمايم؟ ولا بس اذا لك خلق او احد يصيرلك؟

19- اذا قعدت بدوانية هل انت الي تكون ماسك القعدة؟ يعني انت راعي السوالف ولا بس شغلتك تكون مستمع؟

20- اذا مثلاً حشيت صمونة او توست بككاو نوتيلا هل تلحس القفشة؟

21- اذا لعبت مع واحد دوري ياباني ( سوني ) هل تزيد طاقات اللاعبين قبل المباراة؟

22- اذا لعبت مع واحد سوني بشريط مايعرفه، هل تعلمه كل الحركات؟ ولا ماتقوله كل شيء عشان ما يفوز عليك؟

23- هل نظامك تخلي اظفرك الي بآخر اصبع طويل؟ يعني طالع بحركة

24- تعرف تقشر فواكه باظافرك ولا لازم سكين؟

25- اذا فتحت الآيسكريم تلحس القرطاس؟

26- اذا طلبت مطعم تقوله كثر كتشب ومايونيز عشان تخش الزايد بالثلاجة؟

بما ان هذي اخر اسئله لي يالله جاااااااااااااااااااااااوب !!

اقول

يسلم عليك دريقور http://www.riyadhmoon.com/vb/images/smilies/smilies/65.gif

Karazhan

03-12-2011, 12:16 AM

السلام عليكم ، ياشباب انا مااقدر ارد الحين لأني بالجاخور واللي عنده شي يقول قبل نهايه الوقت ، وانا ان شاءالله ان رجعت رديت عليكم حتى اذا خلص الوقت مو مشكله ، واذا خلص الوقت وتصويت على شخص انا اطلب من الملايين نزحف للتصويت على ديروفر ابو 120 سؤال في يوم واحد ، ابي اشوفه بالكرسي واكسر عظامه ، derover التالي ، مو تصير خيانه بعد ترى ان صارت خيانه ماراح ارضى عنكم

Karazhan

03-12-2011, 12:24 AM

تقبلوا تحياتي وقبلاتي و تحيات وقبلات كل المصبنه اللي معاي بالجاخور وعلى رأسهم بندر المصبنجي الكبير و زعيم مصبنه الجواخير بالكويت و رئيس نقابه الشوارب و مؤسس ورئيس حزب عزوبيه بلا حدود و نائب الرئيس في كتيبه نظفوا الارض من الصقعات ، المسميات كثيره نكتفي بالقدر هذا لأن العشا طاح ، سلملم

Karazhan

03-12-2011, 05:05 AM

بالنسبه لموضوع الارض .. ما ابي اتوسع هنا فيه ونلف الموضوع , لنا جلسه تحشيشيه مع بعض ونتوسع فيه اكثر ان شاء الله .. بس عندي حاجه ثانيه

بالنسبه للجواب هذا , كان المفروض من البدايه اوضح لك الصوره كامله .

في ذيك السنه , رجب كمل 30 , وشعبان كمل 30 , جاء الاختلاف على رمضان

علماء الدين قالوا ان رمضان 29 , وهذه ما فيها مشكله
علماء الفلك قالوا ان رمضان 30 , واللي شفتوه زحل ومو الهلال ,
المشكله ان اذا كمل رمضان 30 , شوال ﻻزم يصير 28 . وهنا المشكله اللي ما حسبوا لها الفلكيين حساب .

يعني الان , مع من انت . ؟ مع العلم ان كثير من الناس وقفوا مع الفلكيين . بس انا تماما مع شيوخ الدين !

سؤال ثاني , عبر عن شعورك عن وصول هذا اليوم , اللي هو اخر يوم لك بالكرسي , ومن ودك التالي ؟

اسف على التأخير والله لكن انشغلت هالفتره حيل وماقدرت ادخل دخله محترمه كله من تلفوني ولا اعرف ارد منه رد ذرب

شوف ومن الاخر احنا بالكويت دايم يختلفون الهيئه و العجيري , وباليوم الاخير تشوف العجيري طالع بالجريده و حاط جدامه مجبوس دجاج وياكل واحنا صايمين

بالنهايه يطلع اهو صح , دايم جذي تصير , لكن احنا نتبع هيئه الرؤيه الشريعه , ويقول المثل مادري اذا عندك هالمثل بعد يقول قطها براس عالم واطلع سالم

العلماء يتحلمون غلطته الناس اللي تمشي عليهم

انت شوف منو العالم و روح قطها براسه واذا غلط اهو يتحمل

Karazhan

03-12-2011, 05:10 AM

ماعندي كلب روت ويلر كان عندي بت بول واسمه كرزان وحطيت صورته بس ما اذكر في اي قسم

بت بول وله روت ويلر اثنينهم جلاب والجلب نفس لقبي يعني لو ازورج بالبيت وتقولين كارازان انا والجلب نلتفت نشوفج

يلا اخر عمري اصير سمي جلب

الله يسامحج لو ساكته جان احسن

منو عنده واسطه ياشباب تغيير نك ؟ راحت ايام ابو راشد والله اللي من اقول شي يدزلي خاص يقولي آمر

راحت ايامك والله حزنت يوم شفت استقالتك , وله لو معطيني كل الاوسمه + نك ذهبي و مستقيل

بس صج والله حزنت كان نعم الصديق مو انتوا 10 سنوات معاكم حتى محد عزمني بطاط فلافل

Karazhan

03-12-2011, 05:40 AM

1- كم يعيش الحب ؟

يعيش لما يموت احد الطرفين المشاركين بالحب , لحد يقص عليك يقولك اذا مات واحد الثاني يعيش طول عمره حزين و يقعد بروحه لين يموت او ما ياكل او يشرب ويمرض ويموت , هذا مجنون نفس قيس , قيس ترى مجنون مو عشان الحب صار جذي , وله ليش ماتزوج ليلى واهلها ماعطوه واهو يمكن ولد عمها , ولو تشوف قصته تشوفهم مع بعض ويلتقون وكل شي تمام بس ماتزوجها لأنهم ما رضوا و ولا اهي رضت فيه

هذا يخليك تعرف ان 100% قيس في شي و فيه بلاء مايخليهم يزوجونه ليلى , وانا وانت والناس يسمعون قصته بالحب فقط و اشعاره , لكن يمكن لو يرجع الزمن وتروح للزمن اللي عاش فيه وتشوفه شوف العين تقول ما الومهم مايزوجونه , لأنه يمكن يطلع مثلا مجنون رسمي او يفشل محد يرضى يقعد معاه او عربجي او شي جذي يعني , وله ليش كل هالحب والاشعار والقصص وماتزوج منها ؟ فكر فيها

2- ما هي صيغة السعادة ؟

السعاده لو الكل يحبك ويحترمك هذي تكفي انها تخليك سعيد طول عمرك , مو حب شهره او مصلحه , يعني مو تدخل التمثيل وتصير مشهور وتدق علينا الثقل وتروح تشوف كل العالم يحبونك و ودهم تصور لهم شلون تاكل وتشرب وانت رايح تتسوق و الشهره اللي تدخل سوق كل البنات طق عصي عليك , اذا ابتلش فيهم وتبي بودي جارد انا حاضر اصير بعد مندوبك للجنس الناعم

يعني لما يحبونك الناس من اخلاقك و طيبتك واحترامك المتبادل معاهم صدقني ماراح يضيق خلقك الا لما تتسحك تواير , يعني بالامور هذي تحزن لكن الامور الثانيه وناسه

3- ما هو الشيء الذي لا يمكن غفرانه ؟

ماكو شي بالنسبه لي لايمكن غفرانه

4- ما هو اهم الاختراعات ؟

المكيف حبلي خشمه بالنيابه عني ان شفته

5- كيف تقضي جل وقتك وأنت على الأنترنيت ؟ <`~ اللغة مقطعتك ..

يعني انت قاط بدليه وصايدها على روحك ؟ اسمه انترنت , اقضي جل وقتي في جوجل واليوتيوب , يعني يمكن تدخل فتره اسبوع تشوف اسمي موجود بالمنتدى , تقول هذا ما ينام او يمل من المنتدى , اكون حاط اسمي وابحث بالنت عن شغلات كثيره واقرأ كتب و الموسوعه وغيرها مثل اليوتيوب اشوف محاضرات ابو اسحاق الحويني و طه الدليمي , يعني مااكون بالمنتدى كل الوقت , بس ارجع كل فتره وفتره اشوف اذا احد يكلمني او جذي يعني

6- من هو الشخص الأكثر مرحا من معارفك ؟

خالد اخوي واللي انا مااجي عنده 1%واخوي خالد اكبر مني بسنه ويقعد بنفس الدوانيه اللي اقعد فيها يعني ربعنا نفسهم , واهو اللي ان دخل الدوانيه تكلم الكل يسمع من حلاوه طرحه ودعابته

7- ما الذي يوجد في جيوبك الآن ؟

ماعندي جيوب قاعد على فانيله وسروال

8- ما هي اللحظة التي إفتخرت فيها بنفسك حقا ؟

لما ابطلت المذهب الاثناعشري بسؤال واحد فقط

9- ما الشيء الذي تنفق عليه المال أكثر ؟

السفر والاكل "مطاعم يعني"

10- عرفت تصور مكآن قعدتك , صور لنآ شنبك يَ عزيزي ..

ان شاء الله بالقريب العاجل

Karazhan

03-12-2011, 06:22 AM

1- طقيت باب جاخور رفيجك ولا يطلع لك واحد شكله يخرع ( وجه مشقق / غترة عالكتف / نظرات خبيثة إلخ ) قلت له آسف مضيع الجاخور، قالك لا مايصير لازم اتقهوة عندنا وحلف عليك .. هل تدخل للجاخور؟ ولا تنحاش؟

مااشرب القهوه العربيه , استكانه شاي منعنش :) واقوله اكرمكم الله بس جاخور حميد الاعرج وينه بالضبط "لأن الجاخور اللي اروحله مال حميد هذا" واهو معروف يعني , اذا حاول المصبنجي يعني يوريني الحمام فوق السطح اقوله ترى انا من معارف حميد و يتركني على طول لأن حميد هذا من كباريه الجواخير ومعروف حتى

في جواخير امريكا , حميد هذا ان جيت الكويت روح الجواخير وقول تعرفون حميد الحجري او الاعرج او حوار "حوار ولد الناقه" شرط يقولولك نعرفه انت شعرفك فيه ؟ لأنهم يستغربون واحد ابيضاني مربرب يسأل عن الحجري غريبه

2- دعمت سيارة بنت بالشارع قعدت تصارخ عليك عمى ماتشوف دايخ؟ حمار؟ شتسوي لها؟ اذا رديت عليها تقدر تتبلى عليك وتوديك بقضية شرف

شوف انا بالحالات هذي مااهتم يعني انزل من السياره طبيعي واشوف الحادث والاضرار وكأنه مو انا اللي مسوي حادث , اذا قعدت تصارخ وتسب راح استنفر واقولها انا كنت بصلحلج لكن الحين بوسي كوعج اصلح و يلا دقي عالشرطه , وكل كويتي ملم بالقانون والسوالف هذي يعرف ان اذا صار حادث و تحول الى قضيه

بالنهايه يصدر حكم "كل واحد يصلح لنفسه" و تدفع الحق العام 20 دينار تقريبا "انت واللي مسوي الحادث" تدفعهم بالمحكمه و تتوكل على الله تصلح سيارتك حتى اذا كنت الغلطان

عرفت شلون , يعني البنت هذي لما تتصل على الشرطه , واذا كانت حلوه يقولها الشرطي يعني يبي يضبطها يقولها قوليله يصلحلج بدون قضيه , لأن لو قضيه وجذي راح تطول وبالنهايه كل واحد فيكم يدفع 20 دينار الحق العام وكل واحد يروح بيتهم وكأنه ماصار شي

الا بحاله وحده بس اذا كان دفتر السياره منتهي , يعني البيمه منتهيه هذا يروح فيها , حتى لو اهي البيمه منتهيه وانا غلطان اهي تصلحلي غصب بالمحكمه , اقدم فواتير مثلا 1000 دينار قيمه التصليح والقاضي يأمر بدفع المبلغ لي من صاحب البيمه المنتهيه حتى وان كان مو غلطان

يعني يا انها تحترم نفسها بالبدايه او تكون عارفه هالشي وتكلمني بأسلوب محترم عشان افكر اصلح لها او لأ

3- البطاط شبس تاكله بشوكة ولا بايدك؟

كل ما اشتري وجبه جكن فليه يحطون بالعلبه نفسها الصمونه والبطاط والكتشب وانا دايم لما اكل البطاط بأيدي اشوف تحت البطاط تكون الشوكه مخشوشه , طبعا بأيدي او شوكه مو مهم المهم اني اكل بطاط

4- السلطة تاكلها بايدك ولا بقفشة؟

شوكه او قفشه, مره اكلت بأيدي وصكني تسمم , مادري السلطه منتهيه او ايدي منتهيه

5- المرق تصبه بقفشة ولا تصبه من الصحن؟

ملاس صغير خاص للمرق

6- لي الحين تعتقد ان الجميع يحب مشاركاتك؟

اللي يحب مشاركاتي يمكن 2 او 3 بس والباقي عادي عندهم اشارك او لأ , هذا اللي اشوفه جدامي , مادري اذا ناس تتابع و تحب تتابع بصمت , لكن مافكرت يعني بيوم ان الناس تدخل عشان تتابعني وتحب مشاركاتي

7- لو أتى شخص وأخذ منك نجوميتك بالقسم؟ هل تستمر بنفس اسلوبك؟

الجواب هذا بكتبه بسؤال 8

8- لو أحسست ان الجميع لم يعد يضحك على مشاركاتك؟ هل تستمر باسلوبك الكوميدي؟

انا يااخي الكريم ما اتصنع الكوميديه والله ترى هذا اسلوبي هني و بره المنتدى مع ربعي يعني , انا قلت اني مختلف بين المنتدى وخارج المنتدى مع الناس اللي يعني ماتكون علاقتي معاهم علاقه قويه مثل ربعي اللي اقعد معاهم كل يوم من 25 سنه , لكن اسلوبي اهو نفسه والكوميديا هذا والله اني اشوفها عاديه ولا اقعد امثل عشان الناس تضحك او شوفوني ترى انا النكته بالمنتدى , اهو شي طيب لما يضحكون وترسم البسمه على وجيهم لكن مو اني اكون كوميدي 24 ساعه من 7 سنوات , واذا طلع واحد اخذ نجوميتي ما اعتزل لأن الهدف لعبه , و في ناس اشوفهم افضل مني وماراح اعدد اسمائهم ولكن عندك مثلا وورشيف يضحكني دايم

طبعا له مشاركات مليييييغه حدها ولكن اغلب مشاركاته يضحكني فيهم , هذا واحد و في اكثر بعد بس مابي اقول اسمائهم عشان ما يدقون الثقل علي و يستغلون نفسهم عشان ياخذون النجوميه مني وبعدين شلون احصل لقمه عيشي هني

9- اذا رحت بقالة تنزل تشتري ولا تطق له هرن؟

ادق هرن , الهرن ليش مسوينه يعني ؟ عشان تسلم بس , طاط وترفع ايدك , عشان تنادي راعي البقاله , و تبي احسن هرن , روح شارع الزينه بالشويخ و اسأل محلات الزينه هناك عن هرن قطار او بواخر , ركبه على سيارتك و يركب معاه مكينه هواء بعد عشان يشتغل , و تمشى بشارع كله دواوين وحاطين كراسي بره البيت وقاعدين عليهم , تمشى شوي شوي ولما توصل عندهم دق هرن وشوف شلون يتطامرون :)

بس شرط انك تخلي البوق مال الهرن صوبه يمين عشان لما تصير الدوانيه يمينك يكون وجه البوق صوبهم , هذا راعي وانيت مره سواها فينا جذي طير قلوبناركب الهرن وروح بقاله اصفط ودقله هرن عادي واذا ماطلع دق الهرن هذا خله يجيك زعلان واول مايوصل عندك دقه له خله يطمر

10- هل تخلي معاك بطل سفن أب عائلة شايل قرطاسه بالدبة عشان تعبيه ماي من البرادات الي بالشارع لما تصير عطشان؟

ايام السيدرك اي بطل سبرايب مو سفن اب , والله بديت اشك انت تعرفني معرفه شخصيه يااخي

المهم عندي كان بالدبه لأن كان الراديتر يخر ماي

11- هل تشتري بدلاتك من المحلات الرخيصة الي كلها تقليد ( حتى خيوط البدلة طالعة ) ولا تروح محلات كشخة وكل شيء ماركة؟

لا شغلي من محلات معروفه وماركات , لبسي كله من تايلند بس اصلي يعني مو بو 99 بات

12- ملابسك الداخلية من البسطات ولا المحلات؟

هم ماركات

13- اذا طلعت لمشوايرك العادية تلبس غترة وعقال وتكون رسمي ولا جريمبا او طاقية ولا مطلع الشعر؟

90% شعر اما اذا مواعد واحد يتوسطلي مثلا عضو او شي اروح مغتر لكن المشاوير العاديه مفرع

14- اذا الجو كان بارد شنو تلبس على الدشداشة وانت طالع؟ بشت؟ فروة؟ جاكيت عادي؟ جاكيت الماتركس ( الي يوصل لي ركبتك ) ولا شنو بالضبط؟

اي هذا جاكيت الماتركس على قولتك , مفصل بالطو لي الركبه من تايلند لو انك موصيني جان فصلتلك واحد بعد , قبل ماكنت البس شي ولكن ان رحت البر البس جاكيت مال الجيش الكويتي ماخذه من اخوي موظف هناك ويعطونه واهو يعطيني , اهو اخوي خالد اللي قلتلك عنه مادري قلت للي قبلك

دوختوني من كثر اسألتكم مادري منو اللي يسأل

15- اذا بتسولف مع بنت شنو اول موضوع تفتحه معاها؟ تصدقين اليوم برد؟

انا دفش من اول مكالمه اقولها دزي صورتج , وطبعا مثل ماانت عارف تصريفه و مااشوفها تدق مره ثانيه

16- لما تمشط شعرك تغني؟

لأ

17- اذا استخدمت كلينكس تقطه على طول ولا تخليه بجيبك عشان تستخدمه مرة ثانية؟

اذا عندي غيره اقطه واذا ماكو غيره احاول احتفظ فيه لين ينشف اللي فيه واستخدمه مره ثانيه على اقل من مهلي , واذا راح فيها اقطها واستخدم طرف دشداشتي اللي تحت صوب الجفسه لأن الخام مدوبل ومايبي ان استخدمته :) شرايك فيني مصبنجي ذكي ؟

18- هل طبعك راعي مواجيب؟ يعني كل مناسبة موجود؟ عرس-عزا-دفان-تمايم؟ ولا بس اذا لك خلق او احد يصيرلك؟

لا انا النهار نايم وتطوفي اشياء كثيره واتحسف عليهم , لكن مرات لي خلق اروح ومرات لأ

19- اذا قعدت بدوانية هل انت الي تكون ماسك القعدة؟ يعني انت راعي السوالف ولا بس شغلتك تكون مستمع؟

مستمع وارد ان كلموني واذا محد كلمني اظل طول القعده مستمع اللهم الا اذا في موضوع بيني وبين احد

20- اذا مثلاً حشيت صمونة او توست بككاو نوتيلا هل تلحس القفشة؟

عموم الككاو ما اكله

21- اذا لعبت مع واحد دوري ياباني ( سوني ) هل تزيد طاقات اللاعبين قبل المباراة؟

رفيجي راعي هالسوالف انا بس اختار البرازيل والعب , اهو يقولي لحظه خلني ازيد حماس اللاعبين , الظاهر اهي اللي تقصدها , اهو نفسه بندر وعندي صوره بحطها تحت واهو يلعب سوني بالجاخور

22- اذا لعبت مع واحد سوني بشريط مايعرفه، هل تعلمه كل الحركات؟ ولا ماتقوله كل شيء عشان ما يفوز عليك؟

مالعبت الا كره بس ومع ناس يعرفون , انا كل العابي تكون للاعب واحد

23- هل نظامك تخلي اظفرك الي بآخر اصبع طويل؟ يعني طالع بحركة

لا

24- تعرف تقشر فواكه باظافرك ولا لازم سكين؟

اي بس افضل السكين اقشر البرتقاله واسوي قشرتها حيه او التفاحه امسها بيدي "يعني تمسكها باباطك" واقصها بالطول شريحه شريحه واكلها , يعني مو اقصها شرايح , اقص منها واكل وبعدين اقص شريحه ثانيه واكل وهكذا

25- اذا فتحت الآيسكريم تلحس القرطاس؟

لا , جان قلت تاكل القرطاس والعود اللي عليه البرد

26- اذا طلبت مطعم تقوله كثر كتشب ومايونيز عشان تخش الزايد بالثلاجة؟

لا لأن عندي ثلاجه خاصه فيني وفيها انواع مايونيز وكتشب

بما ان هذي اخر اسئله لي يالله جاااااااااااااااااااااااوب !!

اقول

يسلم عليك دريقور http://www.riyadhmoon.com/vb/images/smilies/smilies/65.gif

الله يسلمه ويسلمك

الفروض تعطونه فلوس على الاسأله المسكين