تسجيل الدخول

مشاهدة النسخة كاملة : كمال الاجسام استفسار بخصوص جدول فيه ايام راحه كثيره ..!


HENDERSON
07-12-2011, 02:00 PM
معلومات المتقدم بالاستفسار :
العمر : ٢٠ , الجنس : ذكر

الطول :١٦٣ متر
الوزن : ٥٩ كيلوجرام



و الاستفسار كالتالي :
السلام عليكم .. كيفكم شباب

شباب قبل كم يوم سجلت في موقع بودي بلدنغ .. وشفت جدول .. على الشكل التالي :-

- كل يوم صبح كارديو ( حتى ايام الراحه فيها كارديو في الصبح بعد الاستيقاظ من النوم )

اليوم الآول : صدر + تراي + بطن
الثاني : راحه
الثالث : ظهر + باي
الرابع : راحه
الخامس : اكتاف + رجل + بطن
السادس : راحه
السابع : راحه

السؤال الآول : بس مو مقتنع بالنتايج انتو شرايكم فيه .. يعني هل استطيع تقليل ايام الراحه علشان احصل على نتايج اسرع ؟
السؤال الثاني : الكارديو هو الهرول .. بس تقريبا كم السرعه المناسبه للهروله على الجهاز الكهربائي ؟
العاشق M
07-12-2011, 05:07 PM
طيب ياغالي وش هدفك من الجدول
وسبب هذآ تقريبا شبه للتنشيف وانت محتاج ضخامه
جدولك لو تخلي الرجال يوم منقسم لحاله افضل
وطبعا متى تنمو العضله ايام الراحه يعني لتعتقد ان التمرين الكثيف يزيد من حجم العضله
وقت قلت لك الجدول للتنشيف هو الكارديو المكثف
HENDERSON
07-12-2011, 06:26 PM
هلا آخوي ..

شوف رابط البرنامج .. وشوف ثاني و أول فيديو .. فيه تجربه لنفس مقدم البرنامج .. كان جسمه فااات .. من خلال البرنامج صار عضل وناشف ..

http://www.bodybuilding.com/fun/12_week_daily_video_trainer_main.htm

و ادخل على الايام .. بتشوف .. الصبح الكارديو + العصر حديد

شوفه علمني .. انا جديد ماعرف له قلت ابتبع نفس البرنامج .. لكن لو عندك كلام ثاني راح امشي معاك
Booyaka
07-12-2011, 08:06 PM
أخوي كل شخص جدوله يختلف حسب نوع لعبه وهدفه اللي يبي يوصل له ، أنت في حالتك لازم تلعب تضخيم و الكارديو للتخسيس لو كان كل يوم مايصلح لك تلعب كارديو كل يوم ، يوم او يومين مب مشكلة ، والجدول الصراحة فيه كثير ايام راحة ليش كذا ، شوف عزيزي العضلة اللي ضعيفة عندك على سبيل المثال الباي والتراي اللعبها يومين بالاسبوع وحاول تباعد بين هذلين اليومين مثلا السبت و الثلثاء ، وباقي التمارين رتبها مثل ماتبي ولكن لاتحط الأكتاف مع الرجل لان الاثنين مالهم علاقة ببعض خل كل عضلة بيومها ، واعتقد يومين راحة بالاسبوع يكفي .
HENDERSON
07-12-2011, 08:42 PM
طيب اخوي .. ماراح اجري الصباح ..

راح العب حديد وبعده امشي عادي لمسافه ٢ كم

كدا ممتاز ؟
Booyaka
08-12-2011, 12:13 AM
^^
أي نظم لك جدول معين وسير عليه لفتره وشوف كيف النتائج راح تكون معاك ، والمشي ليس كل يوم علشان ماتحرق العضل يعني بالاسبوع مرتين كفاية ، وما أوصيك بالتغذية السليمة هي أساس كل جسم صح ، وبالتوفيق لك يالغالي :أفكر:
الناعسي
08-12-2011, 12:26 AM
الجدول حلو جدا للضخامه وحلو جدا للي يبي يقسم على عضل خفيف

بتقولي كيف

الجري خله يومين في الاسبوع او 3 بالكثيير مره
وخل جدول الحديد زي ما هو 3 تمارين للعضله الصغيره و 5 تمارين للعضله الكبيره

تبي تقسم على عضل خفيف اتبع الجدول وبتحصل نتيجه
..YouCef..
08-12-2011, 01:00 AM
اخي لما تقرا جدول او تمارين من موقع استفد منها حسب حالتك وليس تطبقها بالحرف
خد احد الجداول المعروفة متل
صدر + تراي
ظهر + باي+ جوانب
راحه
اكتاف +ترابيز+ بطن
ارجل + بطات
راحه
راحه
تقدر تضيف بطن في اليوم السادس .....
بالتوفق
العاشق M
08-12-2011, 01:00 AM
ماقصرو الاخوان
بس عندي وجة نظر مختلفه
بنسبه لك ياغالي انت متحتاج تجر او تمشي انت تحتاج ضخامه وزنك نازل لازم تضخم والجري يحرق كثير من السعرات
وبنسبه للتمرين العضله مرتين في الاسبوع حص ثانيه له هذآ اعبره خطأ وانا طحت فيه هذآ الخطا
كنت اعقد اني اذا مرنت العضله مرتين بالاسبوع راح تنمو صار العكس بداء يقل نمو العضله
بس لو مثلا يوم عندك تمرين خفيف مثل الكتف وعندك الباي مثلا ضعيف تقدر تمرنه ك حد اقصى تمرنين ب3 مجموعات لاكثر
هذآ وجهت نظرين وكل شخص له نظرين ياغالين
والجدول بس ضع الارجل بعد يوم الكتف ثم راح وستمر على الجدول
HENDERSON
08-12-2011, 02:26 AM
تسلم والله يالغالي .. افدتني كثيير ..

راح اغير جدولي لهل جدول :-

اليوم الآول : صدر + تراي
اليوم الثاني : ظهر + باي + كارديو ٣٠ دقيقه مشي
اليوم الثالث : رااحه تامه
اليوم الرابع : اكتاف
اليوم الخامس : رجل + كارديو ٣ دقيقه مشي
اليوم السادس : رحه تامه
( يعني ٤ ايام تمرين ويومين راحه )
ومن ثم يعاد الجدول

تمارين البطن : راح تكون يوم وترك على شكل ثلاث تمارين ( شكل للاسفل وشكل للجوانب وشكل للاعلى )

الكارديو : يومين في الاسبوع فقط وتكون في فتره الصباح .. آو بعد التمرين ( بس الآهم ماتكون قبل التمرين ؟ ) .. مزبوووط :) ؟
العاشق M
08-12-2011, 04:01 AM
طيب ممتاز بس شيل فركت الكارديو الصباح هذآ للتقسيم وتنشيف وانتى لسى يبيلك ضخامه يالغلا
والكارديو خليه قبل التمرين تسخين والحين بعد شتاء لازم تسخن 100% اما قصة الكارديو بعد التمرين مانصح فيه الا مشي خفيف لمدة 10 دقائق فقط
Booyaka
08-12-2011, 04:11 AM
تسلم والله يالغالي .. افدتني كثيير ..

راح اغير جدولي لهل جدول :-

اليوم الآول : صدر + تراي
اليوم الثاني : ظهر + باي + كارديو ٣٠ دقيقه مشي
اليوم الثالث : رااحه تامه
اليوم الرابع : اكتاف
اليوم الخامس : رجل + كارديو ٣ دقيقه مشي
اليوم السادس : رحه تامه
( يعني ٤ ايام تمرين ويومين راحه )
ومن ثم يعاد الجدول

تمارين البطن : راح تكون يوم وترك على شكل ثلاث تمارين ( شكل للاسفل وشكل للجوانب وشكل للاعلى )

الكارديو : يومين في الاسبوع فقط وتكون في فتره الصباح .. آو بعد التمرين ( بس الآهم ماتكون قبل التمرين ؟ ) .. مزبوووط :) ؟

أخوي بس أعكس مكان الباي وحط التراي يعني : صدر + باي / ظهر + تراي
والكارديو خلها 10 دقايق بس انا ما أبغيك تحرق كثير فقط كتنشيط للجسم و مثل ماقال لك الاخ العاشق
وباقي الجدول تمام التمام .