شلون اخسر وزني بسرعه

[حلمي فرنسي]

معلومات المتقدم بالاستفسار :
العمر : 21 , الجنس : ذكر

الطول :180 متر
الوزن : 142 كيلوجرام

نسبة الدهون : ؟؟

و الاستفسار كالتالي :
السلام عليكم

اخواني في شي محيرني بصراحه

انا وزني زايد ودشيت جيم من 3 اسابيع تقريبا ونزلت 5 كيلو

جدولي الغذائي عباره عن خبزه سمره وحده وبيضتين مسلوقتين كـ فطور .. وقبلها ببنص ساعه حبه ليبو 6 اكس

والساعه 4 العصر تقريبا اتغدى ونفس الشي يكون خبزه سمره وبيضتين وصحن سلطه ..

والساعه 6 اخذ الليبو 6 اكس واروح النادي ..

اتمرن 20 دقيقه سير .. و 15 دقيقه على الاله اللي كانك تركض لكنك تكون معلق بالهوا ماعرف اسمها ههههههه ..

و 20 دقيقه سيكل .. اول 10 دقايق سيكل امشي عادي و 10 دقايق استعمل نظام HIIT او شي جي اسمه ..

طبعا اعرف تماريني مو كافيه بس انا لياااقتي 100 تحت الصفرررررررررر يعني اخر سنتين من حياتي كان يومي كله نوم وجامعه ووشيشه بس !

من ارجع البيت اقعد بالفراش على اللاب وما اتحرك انام بمكاني لثاني يوم . .!!

المهم حاليا انا ابي اخسر وزني وحطيت لي 3 اهدااااف مقسمه .. هدف قصير الامد .. وهدف متوسط الامد وهدف طويل الامد ..

هدفي قصير الامد يتجدد اسبوعيا للتحفيز يعني وتحدي النفس ..

هدفي قصير الامد لهالاسبوع اني انزل تحت ال140 الاسبوع الياي انشاله .. وهدفي متوسط الامد اني يصير وزني 120 بتآريخ 2 مآرس << عيد ميلادي ..

يعني جدامي 3 شهووور لازم اخسر 20 كليو ..

وهدفي طويل الامد اني شهر 8 او 9 السنه الياي يكون زني تحت 100 .. !!

يعني تقريبا جدامي 10 او 11 شهر للهدف طويل الامد ..

اللحين ادري طولت عليكم وقلت لكم قصه حياتي كلها ههههههه ..

سؤآلي هل اهدآفي معقوله وقآبله للتطبيق ؟؟ لاني بصراحه قاعد اقرا موآضيع ويصيدني احباط .. !!

واحد من الاخوان نزل 22 كيلو تقريبا بـ 5 شهوور .. !! يعطيه الف عافيه ع الجهد اللي بذله واتمنى له حياه صحيه للابد ..

لكن انا اشوووف ان 5 شهور وااااااايد على 22 كيلو ..!!

هل صحيح ان الفتره طويله مثل ما اظن ؟؟ ام ان هالفتره طبيعيه وهدفي اهو الصعب تحقيقه؟ اني اخسر 20 كيلو ف 3 شهور ؟؟؟

ابي جدووووول غذائي وجدول تمارين يساعدوني على تحقيق اهدآفي .. حاولت ادور ف المنتدى ماحصلت شي للتخسيس اغلب الجداول للتضخيم وللتنشيف ..

ف ياريييييييييييت تساعدوني وتجاوبوني على السؤالين ..

هل اهدافي معقوله وقابله للتحقيق ؟؟

شنو افضل جدول غذائي وجدول تمارين لتحقيق اهدافي ؟؟

[حلمي فرنسي]

30 مشاهده و ولا رد !!

[حلمي فرنسي]

للرررررررررفع

[حلمي فرنسي]

للرررفع .. !!

[SYLER]

بعطيك نصيحتي ..
راح تنزل بسرعه لكن بصيدك ترهلات يعني اقدر اقولك لاتآكل شي بس كل وجبه وحده على الظهر نص دجاجه مشوي و خبز اسمر و كان الله غفورا رحيما بتنزل 50 كيلو بعد بدل العشرين كيلو

رتب امورك صح .. حط لك جدول مضبوط للتمارين + جدول للأكل صحي

ترى مو صعبه صاحبي كان وزنه 150 ووصل إلى 90 في خلال 8 اشهر تقريبا و لكن كله ترهلات و عفسه و دخل عمليات و حاله .. في النهايه ماتسوى عليك

خلك صبور انت بس طوف اول اسبوعيـن بامتياز و جوف الاسبوع الثالث و الرابع بتحس روحك متعود على الرياضه و متعود على الاكل .. و نصيحتي لاتفتح للأكل تقول يعني والله يوم الجمعه يوم العائله والاصدقاء و فاضي ماعندي دوام بقعد آكل .. هذه اكبر غلطه تقع فيها لانك في هالحاله ماراح تستفيد من الي هدمته طول الاسبوع .. اصبر على روحك اسبوعين و بعدين بتجوفين الاسبوعين اليايين سهلين عليك و بصير لك شهر و كمل الشهر الي بعده و لاتفكر متى تخلص و كم يصير وزنك .. ادري انك متحمس و انا مثل شعورك .. لكن في نفس الوقت ما ابغي احبطك و اخليك تنصدم و اقولك ان مستحيل .. بالعكس عادي تقدر توصل لهدفك .. بس بالنسبه للاشهر الي حددتها ماقدر اقولك .. لانه تختلف من جسم لآخر ..


مختصر كلامي .. واصل اسبوعين رياضه و دايت صحي و بتجوف الاسبوع الثالث سهل و الاسبوع الرابع سهل و بتدخل الشهر الثاني حاول تغير شوي من جدولك الرياضه و الاكل و نفس الحاله و بتوصل لهدفك ان شاء الله
و الليبو ان شاء الله راح يفيدك حسب ما اسمعه انه مفيد لكن انصحك باستخدامه بعد شهر او شهرين عشان تجوف تقبل جسمك شلون للتغيرات لان انت في بداية مرحلة الحرق فيعني جسمك متقبل ان هو يحرق

ونصيحة ثانيه لاتقيس وزنك يوميا ً .. قيسه على الاقل كل سبوع او سبوعين و سجل عندك في ورقه و قلم و كل ماتيأس جوف الفرق .. لو كان الرقم نفسه ماتغير و انت كنت مطبق صح بالنسبه للرياضه و الاكل لاتقول انه خلاص مابتلعب لان مافي فايده من الي سويته .. يمكن جسمك تغير بس انت ماتلاحظه بس استمر و بتجوف يوم وزنك ينزل و انت ماتدري

و اذا تبي جدول للأكل .. في برامج في المنتدى دور عليها بتحصلها و بالنسبه للرياضه في نظري : المشي لايقل عن 45 دقيقه عشان تحرق عدل


و مسامحه على التطويل .. بس لان 30 مشاهده و محد رد قلت يمكن افيدك بالي عندي و في خبراء افضل مني في المنتدى اكيـــدا ً

[برانش وارن]

وعليكم والسلام ورحمة الله وبركاته

اهنيك على عزيمتك واصرارك
الله يوفقك
اهدافك معقولة .... ولكن تعتمد على عزيمتك واصرارك
وخذ لفه على المواضيع المميزة عشان تعرف وش تاكل وماتكل
لكن نصيحتي لك وقف الليبو 6 ماراح يفيدك
ولازم تزود المشي 40 د غير كافيه
حاول انك تمشي خارج النادي يعني لا تعتمد على السير بشكل كبير عشان تقلل الضغط على الركب ( عن تجربة سابقة )
واخوي syler ماقصر

[الناعسي]

http://www.bodybuilding.com/fun/12_week_daily_video_trainer_main.htm?CJAID=10409402&CJPID=5350137

هنا التمرين اتبعه وان الله خير
واستشر انت وشف وش يطلع معك

[حلمي فرنسي]

اخوي سيلر تسلم ع الرد على راسي والله ماتقصر .. انا قاعد احاول ازيد مده التمرين شوي شوي وانشاله بدش حديد مع السيكل والسير عشان اقلل من الترهلات ..
واهم شي انك طمنتني ان اهدافي قابله للتحقيق ..

اخوي برانش وارن بصراحه انا اكره المشي والسير هههههه .. ف عشان جي بحاول اني ازيد مده تمارين السيكل لنص ساعه او 40 دقيقه ..

وبالنسبه لليبو6 انا شريته واستعملته حرام اوقفه ويروح على الفاضي ههههه ..


اخوي الناعسي تسلم على الرابط اللحين بدشه واجوووفه .. تسلم يمناك الشيخ ..

[احمد الأشقر]

30 مشاهده و ولا رد !!

الصبر مفتاح الفرج ..

عزيزي لابد من الصبر اللي يجي بسرعة يروح بسرعة

لازم تاخذ حبتين من الليبو مو حبه وحده

وردا على سؤالك من غير فلسفة في ابر ال كرناتين ممتازة وتعطيك نتائج مجنونة وانشالله مالها اضرار

موفق

[.hamad.]

وصلتني رسالتك

ابشر وفالك طيب

[حلمي فرنسي]

اخوي احمد الاشقر .. اكيد يالذيب لكن بالعاده الاخوان اهني يجاوبون بسرعه اما هالمره بطو علي ف استغربت ههه ..

حبتين قبل الفطور وحبتين قبل التمرين تقصد ؟ او حبتين ف اليوم ؟

بالنسبه للابر لالالا كلش لا بصراحه اخاف من هالامور ابر وما ابر ..


اخووي حمد تسلم يالذيب وناطر ردك يالغالي


اخوي حمد

[daly92]

يا اخي الله يوفقك و اريد ان اطمنك لانني اعرف العديد من الاصحاب الذين تمكنو من فقدان وزن كبير في فترات وجيزة و اهم شيء هو العزيمة لكن نصيحتي لك هي انك تتدرب 30 او 40 دقيقة حديد ( ذلك يمكن من حرق سعرات حرارية اكثر لان الجهود المبذول اكثر طبعا) ثم قم بتمارين الكارديو ( الجري او cycle) و ستكون نسبة حرق السعرات اكثر و يستحسن انك تلبس ملابس قطنية اثناء التمرين و لا تنسى شرب كميات كثرة من الماء طوال اليوم و الله المستعان

[حلمي فرنسي]

تسلم لي ع الرد الشيخ،،بالنسبه للحديد انا قلت للمدرب واهو قالي ان الحديد ياخر عمليه نزول الوزن ماعرف ليش يقول جي،وبالنسبه للماي لاتحاتي اشرب كثر ما اقدر

[احمد الأشقر]

اخوي احمد الاشقر .. اكيد يالذيب لكن بالعاده الاخوان اهني يجاوبون بسرعه اما هالمره بطو علي ف استغربت ههه ..

حبتين قبل الفطور وحبتين قبل التمرين تقصد ؟ او حبتين ف اليوم ؟

بالنسبه للابر لالالا كلش لا بصراحه اخاف من هالامور ابر وما ابر ..


اخووي حمد تسلم يالذيب وناطر ردك يالغالي


اخوي حمد

4 حبات في اليوم
وكلام مدربك مزبوط الحديد يبني الجسم بالمقابل انت تهدم فخليك في خط واحد بلاش تضيع

[حلمي فرنسي]

تسلم اخوي ع النصيحه انشاله ببتدي اخذ 4 حبات

ناطر الاخ حمد يفيدني بخصوص الجدول الغذائي

[.hamad.]

اعذرني ع التأخير يالغالي

الجدول بيكون لتسريع عملية الايض ولزيادة الحرق وراح يكون بنظام 3 ايام كارب قليل واليوم الرابع هاي كارب مع مراعاة ثبوت كمية البروتين ..

1- الفطور / 2 توست اسمر + 3 بياض بيض مسلوق او حبتين جبن قليل الدسم + حبتين خيار ..

2- بعد ساعتين ونصف الى 3 ساعات على الاكثر تاخذ علبة روب فيتال او 250 ملي حليب قليل الدسم ...

3- الغداء / 8 ملاعق رز ابيض او حبة ونصف توست اسمر + نصف صدر دجاج مشوي او علبة تونة صغيرة بماء + صحن سلطه عليها ملعقة خل ابيض + علبة روب فيتال ..

4- بعد الغداء بساعة ونصف تاخذ 3 حبات تمر فقط + نص لتر ماء ..

5- بعد الغداء بثلاث ساعات تاخذ علبة روب فيتال + خيارة ..

6- العشاء / صيخ لحم مشوي او نصف صدر مشوي + حبة توست اسمر + 200 ملي لبن قليل الدسم ..

-------------------------------------


^^
الجدول اللي فوق لمدة 3 ايام .. واليوم الرابع تضيف


فالوجبة رقم 3 بدل 8 ملاعق رز خلهم 12 ملعقة او حبتين توست بدل وحدة ..

فالوجبة رقم 5 تضيف ملعقة شوفان ..

فالوجبة 6 تضيف حبتين توست بدل حبة ..

الاضافة تكون لمدة يوم واحد فقط

يعني 3 ايام الجدول اللي فوق واليوم الرابع تضيف الاضافات اللي كتبتها لك وتستمر هكذا
3 ايام متوسط الكارب ويوم عالي وهكذا ...

مارس رياضتك كالمعتاد ولا تقل الرياضه عن 5 ايام فالاسبوع ولا تزيد عن 6 ...
استخدم حبوب اليود بمقدار 200 ملي يومياً قبل الرياضة وبتساعدك كثير على الحرق ..

ملاحظة مهمة .... يجب ان تحرق فاليوم ما لا يقل عن 350 سعرة حرارية بكل مرة تذهب الى التدريب يعني لازم تحسب على الجهاز كم سعرة حرقت ..

اي استفسار راسلني وفالك طيب

واتمنى تعطيني النتايج كل اسبوعين لجل اعدل على الجدول لو تطلب الامر ..

موفق بإذن الله

[حلمي فرنسي]

تسسسسسلم يالذيب مآقصرت ..

معذووور الشيخ عارف انك مشغوووول ..

وربي ماقصرت .. انشآله انا بتبع النظآم بحذآفيره وبخبرك بكل شي اول بآول .. ماقصرت ..