المساعد الشخصي الرقمي

مشاهدة النسخة كاملة : التخسيس واللياقة أبي رايكم حديد ولا سويدي ؟؟


ناهض الدوسري
14-12-2011, 06:19 PM
معلومات المتقدم بالاستفسار :
العمر : 22 , الجنس : ذكر

الطول :175 متر
الوزن : 83,5 كيلوجرام

نسبة الدهون : 22,4

و الاستفسار كالتالي :
السلام عليكم

مساء الخير شباب

حبيت استفسر منكم انا كان وزني 98 قبل 3 شهور و سويت رجيم و مشي يومياً ساعه

و وزني الحالي 83 و طولي 175 و نسبة الدهون 22.4 حسب المقياس الي بالصيدليات و مدري عن مدى دقته

سجلت قبل اسبوعين بصالة رياضية و المدرب يقولي خلك بالسويدي لما يوصل وزنك 70 بعدين ألعب حديد عشان تشد

علما ان مافيني ترهلات كثير بس توجد لدي بعض المشاكل و هي بروز في الصدر و مع نزول الوزن خف بس لازال
وكريشه جميله

واغلب سمنتي بالجزء السفلي
لعبت سويدي كم يوم بعدين غيرت صرت العب كارديو 20 دقيقه سير سريع( 6,5 ) و عجلة 20 دقيقه واوبتيكال 20 دقيقه

بعدها اسوي لي ضغط البطن

بعدين اخبص بأجهزة الحديد يوم صدر يوم كتف يوم ظهر بدون جدول وبدون ارشادات من مدرب


ابغى تعطوني رايكم هل كلام المدرب صحيح ؟
هل استمر بالكارديو و العب حديد ؟
و ايش الحل مع ترهل و بروز اصدر و ايش التامرين ؟


دمتم بود
m.alenzi
14-12-2011, 06:50 PM
وعليكم السلام ورحمة الله وبركاته

مساء النور اخوي
ابغى تعطوني رايكم هل كلام المدرب صحيح ؟

اخوي كلام المدرب نصه صحيح ولكن المفترض يقولك العب سويدي اولاً ثم العب حديد ثانيا
لان السويدي يعتبر تمرين للسخين ويكفي انك من تخلص تمارين سويديه تبلش بالحديد يعني بدون ماتسخن قبل الحديد

اخوي خلك بصالة السويدي لانها راح تخسسك اكثر من الحديد
اجمعهم مع بعض سويدي + حديد ( الفتره الاولى خلها سويدي والفتره الثانيه خلها حديد طبعن استخدم الجدول العادي للتمارين والافضل كل يوم عضله مع تكرارات كثيره واوزان خفيفه حيل عشان تشد الترهلات بنفس الوقت



هل استمر بالكارديو و العب حديد ؟
نعم هو الجواب المناسب ولكن قسمهم على الترتيب التالي ( سويدي + حديد + كارديو 20 دقيقه ولاتزيد كارديو لانك تلعب سويدي )
و ايش الحل مع ترهل و بروز اصدر و ايش التامرين ؟
شي طبيعي اخي الكريم اخي مع التخسيس راح يبرز الصدر لان الصدر منطقه من ضمن المناطق الي تحتبس كميه من الدهون بالجسم
وهالشي مع كل اغلب اللاعبين

شدي حيلك اخوي وصراحه تراك محقق انجاز من 98 الى 83 يعني خسرت 15 كيلو وهذا نسبه حلوه
مستريح البالn
14-12-2011, 07:27 PM
ماقصر الوحش الي قبلي

كلام المدرب صحيح العب سويدى وركز على العقله وشكراً:)
ناهض الدوسري
14-12-2011, 10:21 PM
اخوي العنزي بيض الله وجهك و ما قصرت

مستريح البال تسلم ما قصرت يا الغالي


شوركم و هداية الله برجع اكمل السويدي و بخليه يسوي لي جدول حديد و بمشي عليه بعد السويدي و بعدها كارديو و ان شاء الله تتحقق نتايج

و ان شاء الله اخبركم عن الجدول

بس لو تخبروني عن تمارين الصدر لانه اهو الي هامني مترهل ابي امسحه

لا هنتوا :)
m.alenzi
15-12-2011, 06:30 AM
العفو ياخوي كلنا هنا ايد وحده وهدفنا واحد

بالنسبه لتمارين الصدر خل المدرب ينظم لك جدول كويس

وضيف على تمارين الصدر متوازي + بلوفر (حر بالدامبلز) = مع كل تمرين صدر

وشد حيلك ياوحش وهالله هالله

موفقك ربي ان شاء الله
برانش وارن
15-12-2011, 08:44 AM
وعليكم السلام

اخوي العنزي ماقصر معاك

واهنيك على نزول الوزن
وبضيف نقطة حاول تلعب باوزان متوسطة تكرارات عالية
ناهض الدوسري
16-12-2011, 01:22 PM
يا هلا فيك اخوي العنزي و اخوي برانش وارن

رحت امس للمدرب وقلت له ابغى تسوي لي جدول و جلس يهرج على راسي لين قمت و خليته يقول ما يصلح ان لعبت حديد ما راح تنزل

فقررت استمر كارديو و سويدي و اضيف السباحة و بشوف تمارين الصدر و بسويها بنفسي لو ألعب بس الصدر

وان شاء الله اخبركم عن النتايج

دمتم بود