ان شاءالله منتب نادم....قصيده رااااااااااااااااااااااااااااائعه [الأرشيف]

HArb200

07-02-2002, 01:15 AM

السلام عليكم.
هذي قصيدة تتكلم عن:

اتمنى تقراها كلها لانها افضل من جمييييييييييييييع مواضيع هالمنتدى ال.......:p

"""""""""""""""""""""""""""بعض العرب"""""""""""""""""""""""""""""

بعض العرب ما ينعطي وجه بالحيل *** وليا عطيته وجه صار لك علة

وبعض العرب ماله سنع لكنه حليل *** بالضبط كانك لا تمعنت ظله

وبعض العرب شقرا و شقرا مع الخيل **** ما ينفعك لولا الرموش المظله

و بعض العرب لا يعجبك ثرثرة ليل **** و باكر ترى ما قالك شي لـلـه

وبعض العرب مرسال مادري مريسيل *** يساير العالم و هو حاصل له

وبعض العرب يصلخ و ينفخ و هو ريل *** و في زعمه انه يفهم الكون كله

وبعض العرب ما غير بندق و دربيل **** و منين ما هب الهوا جايز له

وبعض العرب يطلع كما طلعة سهيل **** و يغيب نجمه قبل دربه تدلـه

وبعض العرب يوذيك بالقال والقيل **** تجلس معه ساعة ولاخرى تمله

نذل و خسيس يفصل الهرج تفصيل **** و ليا لقا له طيب يستغله

وبعض العرب منظر و كشخة وتحليل *** شبح بحال و حاله اخرى كرله

لا شفت زوله من خيار الرجاجيل *** و ليا عرفته ما تجيه بمحله

و بعض العرب ماضيه ليل على ليل *** كذ بصموه وصوروه الادله

وبعض العرب لا والله الا تهاويل **** مهما عقدت الحبل لازم يحله

كذ دربوه و لكعـوه الرجاجيل **** من قبل لا يصير الحدث جاهز له

وكانك شجاع صحيح حارب اسرائيل **** قبل اليهود القدس لا تستحله

وكلش يهون الا الثلاث الغرابيـل *** المهزلة والمسكنه والمذله

منقول من ارض الزعاااااامة.

القصيدة قديمة وذلك على عهدة الراوي.:)على العموم صح لسانه .

وهي كلها حكم .
.وشكرا للجميع.