المساعد الشخصي الرقمي

مشاهدة النسخة كاملة : كمال الاجسام محتاج جدول تضخيم بالاضافه الى مكملات


H I T L E R
26-12-2011, 10:53 PM
معلومات المتقدم بالاستفسار :
العمر : 18 , الجنس : ذكر

الطول :159 متر
الوزن : 45 كيلوجرام



و الاستفسار كالتالي :
السلام عليكم
هذا ثاني موضوع اكتبه لأن المره اللي طافت محد رد علي

اول شي الله يرضى عليكم انا مبتدئ وماعندي خبره ابي تطولون بالكم معي
وتردون علي الله يجزاكم خير لأن جسمي غير مرضي ابدا

( انا اتمرن فالبيت عندي جهاز هوم جيم + بار + دنابل )

بغيت جدول تضخيم وبغيت اعرف العضله الوحده كم تمرين لها
وكم جلسه وتكرار ؟ وهل ازيد الوزن كل ماخلصت من جلسه عشان التضخيم ؟

وبخصوص انا ما استخدم من المكملات الا بروتين فقط
اسمه ميقا ماس 4000 ؟ وش رايكم فيه ؟

وياليت تنصحوني بمكملات اخرى غير البروتين
يعني تكبر العضله وتنشط الجسم وتساعده على رفع الاثقال

وعطونا من نصايحكم وتجاربكم الله يرحم والديكم
كم شهر يعني يبيلي لين مايبين جسمي واعترض ؟
لأني ماشوف الا تغيرات بسييييطه
بغيت اعرف وش وجباتكم الغذائيه في اليوم وش تاكلون يعني ؟
خانق العبره
27-12-2011, 12:56 AM
وعليكم السلام ورحمة الله وبركاته
حياك يالغالي
اعذرني واعذر الشباب عن عدم الرد هوا مو اهمال بس يمكن عشان المنتدى محجوب ما تم الرد عليك
في البداية احب انصحك اذا لك القدره بالتسجيل في نادي افضل لانه في النادي فيه اجهزه متعدده واوزان اكثر
بالنسبه للجدول
العضلات زي الصدر والظهر والارجل من 5 إلى 6 تمارين .. والاكتاف 5 تمارين
والصغيره زي الباي والتراي 3 إلى 4 تمارين ..والسواعد في البداية تمرين يكفي
والرقبة تمرينين في البداية تكفي..
تبدأ في كل العضلات التمرين الاول 4 جلسات 10 10 8 8 عدات
والباقي 3 جلسات 10 10 8
طبعا في كل جلسه زود الوزن
بالنسبه للاكل قسم الاكل ل5 وجبات بالقليل
مابين صدور الدجاج وبياض البيص والتونه والسمك واللحوم كمصدر للبروتين والقليل من الدهون .. والازر والخبز والشوفان والموزكمصدر للكاربوهيدرات
والخضروات والفواكه كمصدر للفيتامين والألياف .
ونصيحه بعد ما تتعدى 3 شهور استخدم المكملات عشان تستفيد منها استفاده كليه
خذ بروتين فيه فات زي السيرياس ماس وسوبر قينر فيول مثلا
وخذ كرياتين زي السلتيك او الكرياتين المونهيدرات ..
وخذ ملتي فيتامين ..
واي شئ تحت امرك
موفق
H I T L E R
27-12-2011, 02:07 PM
^

الله يرحم والديك
5 وجبات هاذي يبيلها اقوى حبوب فتح شهيه
انا زين مني اكل وجبتين ولا ثلاث ههههه

يعطيك العافيه بس بغيت جدول
خانق العبره
27-12-2011, 04:43 PM
عن نفسي استخدمت احماض 2222 وفتحلي شهيتي بقوة.. اصلا لما تبدأ تلعب الجسم يحتاج اكل وحتشوف نفسك جيعان
بالنسبه للجدول
صدر وباي
ظهر وتراي
اكتاف ورقبة
ارجل وبطات

واي استفسار اانا جاهز
الناعسي
27-12-2011, 04:44 PM
خانق العبره ما قصر بيض الله وجهه
من ناحية الوجبات علبة تونه تعتبر وجبه 2 او 3 موز تعتبر وجبه لا تشيل هم جزاك الله خير

ومن ناحية جدول التمارين رح لقسم المواضيع المميزة ترا اسمه مميز عشان كل موضوع فيه تستفيد منه وبلتقى موضوع لابو راشد جدول للمبتدئين بينفعك ان شاء الله