ابي جدول تضخييم قوي وداش كورس هرموون قريبا

[jonarica]

معلومات المتقدم بالاستفسار :
العمر : 20 , الجنس : ذكر

الطول :181 متر
الوزن : 71 كيلوجرام

نسبة الدهون : ؟؟؟

و الاستفسار كالتالي :
ابي جدول تضخيم قوي حق اربعه ايام ويوم اجازه
جولي

صدر + باي
ضهر + تراي
اكتاف +مثلثات
ارجل كامله
راحه


ابي وزني يوصل 80 بهالكورس

ادري انه المفروض ما اخذ كورس هرمون في هالعمر لكن شسوي وعارف وانا متابع لنصايحكم ومتابع لكلشي في المنتدى وابيكم ياريت نصايحكم في الكورس وعارف انو غلط بس ساعدوني الله يخليكم وانا كورس واحد فقط واخر كورس اخذه هرمون وما باخذه مره ثانية خلاص بالمره ... بس هالمره

انا باخذ ديكا تايقر 250
دينابول
وفي شي ثالث ماعرف اسمه

وفي مضادين او ثلاثه باخذهم مع مراعات كبتن و توصيات قريبه منه في كل شي
عطوني اسامي المضادات واسامي الثلاثه هرمونات مع مكمل وامينو ومنتج طاقه

انتضر ردودكم والتغذية ما شاء الله 6 وجبات في اليوم

ياريت احد يفهمني ويرد على كلامي

[oOhimaOo]

ليه مستعجل يالغلا
لا تيأس ..حاول انك تحسن نظام الغذائي..وتجرب جميع التكنيكات للتمارين..وغير الجداول من فتره للثانيه..صدقني راح تشوف نتائج تسرك و تشيل فكرة الهرمونات من راسك
انت قلتها الهرمونات في ذا العمر ماتنفع
ومن ناحية الجدول انصحك تجرب الجدول هذا
http://www.montada2.com/showthread.php?t=668073&page=1
وانتظر نصائح اللي اعلم مني
والله يوفقك

[jonarica]

شكرا اخوي وعارف هالنصايح مرت علي الف مره .. بس انتضر وااحد يساعدني وانا حاط كل الحذر ومدرب خصوصي في كل خطوه .. وانا مو كل مره بسستخدم هالكورس مره في حياتي وبتركه وبواصل على لبروتينات وباقي المكملات

ياريت تساعدوني

[Booyaka]

أستخدم جدولي أنا بلعب تضخيم حاليا تقريبا جسمي مثلك ، طولي 185 وزني 72

348710

في يوم السبت لو ماتبي بطن مايحتاج خله يوم واحد بس هو الثلثاء
وصدقني أحسن من هذا الترتيب اللي في الجدول مابتحصل لاني رتبته من خلال قراءة طويلة لمعلومات التمارين

وفكرة الهرمونات شيلها من بالك ، لو أنت أخوي كان كفختك وشلت الفكرة من بالك :blackeye: :12:
ولو تبي أقول لك أضرار الهرمونات بهال العمر ماعندي مانع .

[oOhimaOo]

الله يوفقك اخوي وعارف انك سمعت هاذي النصائح وراح تسمعها كثير
وكويس انك حذر لان المكسب من الهرمونات مو اي احد يحافظ عليه بحسب معرف
ولا تشيل هم الاخوان مابيقصرون معاك
موفق ان شاء الله

[jonarica]

شكرا اخوااني وعارف من طيب قلبكم هالمساعدات .. بس ياريت احد خبره في كرس الهرموون يفيدني وانا ارد واكرر اول كورس واخر كورس هرمون ادخله في حياتي وانا بعد هالكورس ما افكر اخذه مره ثانية وبكمل مشواري ببروتينات ومكملات

[الناعسي]

مهما كان السبب اللي يخليك مستعجل على كورس هرموني بهذا الشكل والله ما يستاهل انك تعرض صحتك لخطر شدييد جدا بياثر عليك باقي عمرك واذا قبلت الكورس مره بهالعمر تاكد انك بتقبله بعدين بدون مشكله

عموما راسل الكابتن حمد وشف وش يقلك هو الخبير بهالشغلات

[jonarica]

محد بساعدني .. على العموم مشكورين

[DR.GRATH]

انتظر سنة فقط حتى 21

وتحدى نفسك خلالها على برنامج غذائي اعلى من الى انت منتظم عليه الان

[Booyaka]

محد بساعدني .. على العموم مشكورين

مو عن أن محد يبي يساعدك يالغالي ، ولكن خوفا على صحتك يالغالي و موعن انك بتستخدم مرة وحدة وخلاص
ممكن خلال هذه المرة الواحدة تدمر نفسك جنسيا او جسمك ماراح يتقبل هذه المواد فتحصل لك مضاعفات في المستقبل
أنت ليش ماتجرب تستخدم مكملات غذائية : مكمل قينر مع كرياتين و احماض امينية شوف النتائج كيف راح تكون معاك ممتازة وانا اجزم لك بهذا الشيئ وانت جدامك 10 كيلو بس وتصير وحش أنا جدامي 15 كيلو ومتصبر على التغذية والكملات ، وادري ان النتائج بتكون معي أفضل في المستقبل بدل الهرمونات
والله يوفقك حبيبي .

[jonarica]

شكرا على العموم

[jonarica]

اخوااني شكرا على نصاايحكم بس ابي وااحد يحط لي الكورس المناسب وانا تالي اتفاهم مع نفسي ليش ما تساعدوني !!

[jonarica]

خاب ظني .. :( شكرا لكم

[france for ever]

اخي ابتعد عن المنشطات و الهرمونات لان لها اضرارا جانبية كثيرة بغض النظر عن عمرك , و اذا فعلا تريد تطور نفسك فاتبع برنامج غذائي غني بالبروتينات و الكاربوهدرات مع مكملات مناسبة لعمرك مثل البروتين و الكرياتين و فيتامينات و سوف نتائج ملحوظة في كل شهر تدريب .
و للعلم اذا استعملت كورس هرموني واحد فقط قلن تستفد كثيرا منه و سيرجع جسمك كما كان بعد فترة بسيطة .....

الافضل تعتمد على التغذية الطبيعية مع بعض المكملات للحفاض على صحتك

اما اذا كنت مصر على رائيك فانت حر و لكن صدقني انت الخاسر في النهاية و اعرف كثير من الشباب المتحمس مثلك و الذين ندموا على استخدامهم المنشطات و لكن للاسف بعد فوات الوان



بالتوفيق