تسجيل الدخول

مشاهدة النسخة كاملة : كمال الاجسام الكبسة السعودية قبل التمرين


jacoma
14-01-2012, 08:19 PM
معلومات المتقدم بالاستفسار :
العمر : 32 , الجنس : ذكر

الطول :176 متر
الوزن : 78 كيلوجرام

نسبة الدهون : 0000

و الاستفسار كالتالي :
السلام عليكم
وش رايكم بالكبسة قبل التمرين ماهي سلبياتها وايجابياتها مع العلم اني جربتها لفترة تعطي باوور بس لها تاثير على البطن .
Booyaka
14-01-2012, 10:14 PM
والله شوف من ناحية الباور بتعطيك باور لأن فيها رز طبعا يعني كاربس بطيئ راح يفيدك للفترات الطويلة ، ولا تنسى تحرق عدل لان ممكن تسبب لك كرشة لو ماحرقت .
برانش وارن
15-01-2012, 12:26 AM
الكبسة ممتازة من ناحية الكارب بس المصيبة بعد الكبسة تحلى النومة وتكبر المعدة
وخلي طبخة بزيت زيتون + الدجاج بدون جلد+ او اللحم يكون الشحم فيه بسيط او خالي

فحرص عدم الاعتماد عليها دائما
ويفضل لو تستبدل الرز برز الحبة الكاملة فهو احسن وصحي
.hamad.
15-01-2012, 08:04 AM
كبسة قبل التدريب !!
مشتاق للرياض
15-01-2012, 07:46 PM
وليششش مستغرب ياكابتن أحمد فعلاً الكبسسسسسسسسسسسسسه تعطي باور وطاقه جباره افظل من اي منتج باور لكن المششكله في الدهون الي فيها وتأثيرها مستقبلاً على جسمك !!!
انا جربت اكل كبسه قبل التمرين بساعتين رحت للنادي وشلت اوزان ماهي طبيعيه ونفسيتي كانت ممتازه حاووول تاكل الكبسه مره كل اسبوعين وتكون قبل التمرين بـ 2 ساعتين موفق
السلطان..
15-01-2012, 08:38 PM
يوميا كبسه>وش فيه ذا مجنون.

والله يوميا كبسه وبعدها بساعتين اروح اتمرن.لأن تمريني العصر واكون متغدى الساعه2 والساعه 4 اتمرن.واحلى باور واحلى تمرين اكون مروق ومرات اضيف عليها موز أو بطاطس.
THE CAST
15-01-2012, 09:10 PM
الكبسه يختلف اعدادها حسب الطاهي/ة

الكبسه الي تُطبخ وتكون مشبعة بالدهن هي الي تناسب الاكثريه ولها مذاق خاص :)
.hamad.
15-01-2012, 11:32 PM
لكن المششكله في الدهون الي فيها وتأثيرها مستقبلاً على جسمك !!!

هذا اقتباس من مشاركتك وهذا سبب استغرابي يابطل

الكبسة فالاساس غير صحية للجسم طبعاً مايخالف لو مرة فالاسبوع بس اهم شي يكون بيوم الراحة مب بيوم التدريب
لان شي طبيعي ان الجسم بيخزن الدهون حتى لو قبل التدريب وصعب حرق هاذي الوجبة
والافضل لصاحب الموضوع ان ياخذ حبة توست اسمر قبل التدريب بساعة لجل يستفيد طاقة وحرق دهون بنفس الوقت ..

ملاحظة / لعبتنا فالاساس تعتمد على التغذية قبل ماتعتمد على التدريب
Ahmed171
16-01-2012, 01:12 AM
كبسه ممكن اذا كانت الكشنه بزيت خفيف ممكن تستخدم بخاخ زيت الطبخ وتخفف ملح جدا ان حصل من دون ملح والدجاج يكون صدور دجاج من غير جلد وما تكثر منها يعني نص صحن مع سلطه بس كثر الدجاج