حل ممتاز للي يريد زياده ووزنه ..

[S.alkalbani]

السلام عليكم ورحمه الله وبركاته

كيف حالكم يا اعضاء المنتدى الغاليين عساكم طيبين


حبيت اطرح هالموضوع للشباب الي حابيين يزيدو وزنهم مع مبلغ متوسط بدل الخسارة على اكثر من مكمل غذائي و امينو والخ

بالامس ذهبت لعياده الدكتور نيوتيشرن في الامارات بالتحديد في منطقه عجمان ولقيت عندهم عرض فريد من نوعه

تسجل عندهم وتدفع 750 درهم فا يجرون لك تحاليل شامله للدم والوزن والدهون الخ بس تحليل دقيق ويخبرونك شو الي تحتاجه من طعام وشراب الخ للزياده في الوزن

وبال750 درهم يعطونك مكملات للزياده عندهم الوايت قينر والوااي بروتين واشياء كثيرة المهم ويعطونك جدول غذائي مع ضمان لزياده 5 الى 6 كيلو في شهر كامل

وحاليا في عروض يعني على آخر الشهر تراجعهم عشان تشوف النتايج + شهر مجاني من المراجعه اذا ماخانتني الذاكره

واذا لم تزيد من 5 ل6 كيلو في شهر يرجعون لك فلوسك بحسب كلام الي في العياده.

وعندهم اشياء تخص كمال الاجسام مثل المكملات والجلوتامين والاحماض الامينيه والكيرياتين. بحسب ماقرأت في موقعهم على الانترنت

انا صراحه اشوف هالشي يستحق التجربه بدل مانخسر على مكملات لانعرفها وامينو والخ بدون اي فائده

طبعا ما عندي فكره اذا في الدول الاخرى وخاصه في فروع العياده يتواجد هذا العرض

وبالنسبه لدوله الامارات اتوقع هذا العرض في جميع فروع عياده دكتور نيوتيشرن. :33:

وصراحه حاليا افكر بالعرض بعد ماخلص مكملاتي ان شاء الله بجربه وشي اكيد بعد ماخلصه اكتب لكم موضوع عن النتائج<طبعا اذا دخلته :)


طرحت الموضوع للفائده جميعنا اخوان (حب لأخيك ماتحب لنفسك)



اخوكم: سليمان

[WMZ]

تسلم يالغالي وانشاء الله تستفيد.

وجهة نظري: انا كنت من الؤيدين لما يعرف بتحليل بصمة الدم وموجود على الانترنت البرنامج الغذائي لكل فصيلة دم وما راح يخرج عن الي مكتوب في النت الا بشي بسيط. بس من واقع تجربة...... غير مفيد مجرد استغلال تجاري لجيوب الناس.

الخلاصة : شوف كم كارب تحتاج في اليوم ويعتمد على وزنك وطولك وزيد 500 وباذن الله تستفيد بس يكون كارب جيد وبأذن الله تستفيد ومجانا.

تحياتي.

[Booyaka]

غلطان أخوي هذا راح يكلفك أكثر .. أحسب معاي :
750 درهم = 77 دينار بحريني
مكمل القينر بـ 22 دينار + كرياتين بـ 10 دينار + أحماض أمينية 15 دينار = 47 دينار يعني 458 درهم إماراتي يعني أنت خسرت 292 درهم أماراتي على تحاليهم الفاضية اللي أنت بنفسك تقدر تحسبها من خلال طولك ووزنك وأما عن فصيلة الدم وهالخرابيط هي لعبة تجاري لا أكثر ..
وأما عن أنهم يرجعون لك فلوسك إذا مازدت الوزن المطلوب فهذه أيظا خدعة لو ماتزدت الوزن المذكور عندهم راح يطلعون لك ستين ألف
علة على أنك انت الغلطان ولم تلتزم بالنظام الغذائي .. والخيار لك .

[S.alkalbani]

اشكركم على وجهه نظركم اخواني بوياكا and wmz

وصحيح كلامك اخوي هو خساره اكثر بهالبرنامج ووممكن صح مانستفيد بس في اشخاص يخسرو فلوسهم على اشياء مايعرفوها وتضرهم ومايستفيدو

عالاقل هالبرنامج بيكون اسلم لهم وممكن تكون لهم نفس الخساير بس مع فايده

وانا افكر في موضوعهم لكن ماقررت 100% اجربه

نزلت الموضوع للفائده كا نوع من الحلول لزياده الوزن

وآرائكم على عيني وراسي شاكر لكم مروركم

[WMZ]

اشكركم على وجهه نظركم اخواني بوياكا and wmz

وصحيح كلامك اخوي هو خساره اكثر بهالبرنامج ووممكن صح مانستفيد بس في اشخاص يخسرو فلوسهم على اشياء مايعرفوها وتضرهم ومايستفيدو

عالاقل هالبرنامج بيكون اسلم لهم وممكن تكون لهم نفس الخساير بس مع فايده

وانا افكر في موضوعهم لكن ماقررت 100% اجربه

نزلت الموضوع للفائده كا نوع من الحلول لزياده الوزن

وآرائكم على عيني وراسي شاكر لكم مروركم

تسلم يالغالي ورايتك بيضاء احنا هنا عشان نستفيد واذا افي شي يحتاج الى تصحيح الشباب ما يقصرون... الله يبعدنا عن الاستغلاليين ناس ماتخاف الله همهم كيف يطلع القرش من جيب الواحد.

[S.alkalbani]

شاكر لك مرورك يالغالي

[بوطالب]

بعد من منطلق أحب لأخيك ما تحب لنفسك حبيت أضيف ها الفايده:
لأي لاعب طبيعي مبتدئ(سنه أو أقل تدريب متواصل) 6 كيلو في الشهر وايد, يعني 5 كيلوا دهون و كيلو واحد عضل. إذا انت لاعب طبيعي إشتر ميزان و زيد أكلك لدرجة أنك تزيد نصف كيلوا(ميزان يحسب بالباوند أسهل) في الإسبوع , كيلوين في الشهر. أرخص من در نيوترشن و مابيزييدك دهون وايد.

"" انا جربت ميزان در نيوترشن للدهون وكان غير دقيق بالمره(مره الصبح عطاني 13% و مره المسا عطاني9% ). إستخدام الBF caliper أو حتى المقياس اللي عند الخيايط أفضل""

[.hamad.]

طرحت الموضوع للفائده جميعنا اخوان (حب لأخيك ماتحب لنفسك)

الله يجزاك كل خير يابطل

وهذا العشم بك ياخوي

+ تقييم

[Heartbeat]

وعليكم السلام ورحمة الله وبركاتة

يعطيك العافية اخوي
على حسب ما فهمت انت ذكرت انه من ضمن المبلغ المذكور , يوفرون لك مكملات هل تقصد ان المكملات من ضمن نفس المبلغ
يعني تعتبر مجانيه او تدفع مقابل هذه المكملات , اذا كانت مجانيه ومن ضمن العرض شي طيب وانصحك تجرب :)

[D.D.S]

كافي يعتبر تشجيع انك تزيد ..

[S.alkalbani]

بعد من منطلق أحب لأخيك ما تحب لنفسك حبيت أضيف ها الفايده:
لأي لاعب طبيعي مبتدئ(سنه أو أقل تدريب متواصل) 6 كيلو في الشهر وايد, يعني 5 كيلوا دهون و كيلو واحد عضل. إذا انت لاعب طبيعي إشتر ميزان و زيد أكلك لدرجة أنك تزيد نصف كيلوا(ميزان يحسب بالباوند أسهل) في الإسبوع , كيلوين في الشهر. أرخص من در نيوترشن و مابيزييدك دهون وايد.

"" انا جربت ميزان در نيوترشن للدهون وكان غير دقيق بالمره(مره الصبح عطاني 13% و مره المسا عطاني9% ). إستخدام الBF caliper أو حتى المقياس اللي عند الخيايط أفضل""



شاكر لك مرورك وردك على العين والراس اخوي

[S.alkalbani]

الله يجزاك كل خير يابطل

وهذا العشم بك ياخوي

+ تقييم

ماسويت شي يذكر وشاكر لك تقييمك كابتن حمد شرفني مرورك

[S.alkalbani]

وعليكم السلام ورحمة الله وبركاتة

يعطيك العافية اخوي
على حسب ما فهمت انت ذكرت انه من ضمن المبلغ المذكور , يوفرون لك مكملات هل تقصد ان المكملات من ضمن نفس المبلغ
يعني تعتبر مجانيه او تدفع مقابل هذه المكملات , اذا كانت مجانيه ومن ضمن العرض شي طيب وانصحك تجرب :)




صراحه ماعرف لكن بحسب كلام الي في العياده قالو كذا ب750 درهم شامل كل شي+احين في عرض اتوقع لشهر او شهرين انك تقدر تراجعهم وكذا عشان تتابع التطورات في جسمك

ان شاء الله في احتمال اجرب العرض

شاكر لك ردك ومرورك اخوي هيرت بيت

[S.alkalbani]

كافي يعتبر تشجيع انك تزيد ..

نعم يعتبر حافز جيد للمبتدئين الي يريدو يدخلو المكملات من اول شهر هذا بيكون افضل لهم ووممكن يستفيدو

شاكر لك مرورك وردك اخوي دي دي اس