استفسار لاهنتم /عدد التكرارت/العضلات المهمه

[abadiy]

معلومات المتقدم بالاستفسار :
العمر : 19 , الجنس : ذكر

الطول :177 متر
الوزن : 65 كيلوجرام



و الاستفسار كالتالي :
اول شي السلام عليكم شباب عندي استفسارين لاهنتم:
1- انا مبتدي حاليا لي اسبوعين شامل لكن الحين يوم ابغى العب باليوم عضله او عضلتين شوفو التمارين http://www.muscleandstrength.com/exercises/shoulders.html هذي كلها للكتف لو اقعد 5 ساعات ماخلص من الكتف لحاله او لازم اسويها كلها على فترات يعني ولا كيف !

2- انا اهتم حاليا بالبطن والكتف والذراعين مع الباي والصدر _ والظهر والباقي ماني مهتم فيهم حاليا هل يضر يعني لازم العب كل العضلات ولا مأياثر انا عارف انه افضل لكن ماقدر حاليا هل له ضرر على العضلات اللي قاعد العبها

3- هذا أهم شي ^^ الحين البطن بعرف كم تكرار للعلويه والوسط وكم تكرار للجانبي طبعا ابغى اقسمها انا لكن محتار كم عدد التكرارات والمجموعات كمان
وبس شاكر لكم وماتقصرون

[الناعسي]

كل العضلات مهمه والتمارين اللي في الرابط ( اللي ما فتح ) اختر منها 4 او 5 تمرن اجزاء الكتف بشكل شامل

العضله الكبيره لها من 4 الى 6 تمارين على حسب طاقتك
العضله الصغيره لها من 3 الى 5 تمارين على حسب طاقتك

لا تهتم بعضله وتخلي الثانيه لانه بعد فتره بيصير جسمك باااايخ مره وبتندم

كل يوم مرن عضله وخذلك فره في المواضيع المميزة وشوف لك جدول يناسبك

البطن يبيله تكرار عالي سو على قد ما تقدر واهم شي التنويع
ولكن خله يوم ورا يوم مهوب كل يوم

بالتوفيق ان شاء الله

[abadiy]

ماقصرت يالغالي الله يجزاك خير معليش بس سؤال
بالنسه للبطن مدري بس قريت قبل انه الجانبي له طريقه اما ان التكرار اكثر من العضلات العلويه والوسطى او انه التكرار حقها اقل >ان شاء الله فهمت علي
وشاكر لكم

[الناعسي]

اساسا الجانبي تقدر تزيد عليه التكرار اكثر من العلوي والسفلي مرنه الين تحس انه خلاص فعليا ما تقدر تكمل والنتيجه ان شاء الله خصر جميل وشغل مزبوط

[abadiy]

مشكووور ياغالي اشهد بالله انك رجال وماقصرت ياذيبان ^_^

[الناعسي]

:wink2: never mind