المساعد الشخصي الرقمي

مشاهدة النسخة كاملة : كمال الاجسام (صدر وباي) او (صدر وتراي) !! + استفسارات اخرى


google7
07-02-2012, 10:20 PM
معلومات المتقدم بالاستفسار :
العمر : 21 , الجنس : ذكر

الطول :176 متر
الوزن : 70 كيلوجرام



و الاستفسار كالتالي :
السلام عليكم ورحمة الله وبركاته ..

انا وضعت قبل فتره استفسار ... وهذا هو

http://www.montada.com/showthread.php?t=730215&highlight=


والحمدلله نقصت 4 كيلو .. بالرغم اني في التمارين اشل اوزان ثقيله .. وأسفل البطن عندي صار مشدود .. ولكن مشكلة الخصر لين الحين موجوده

المهم انا بعد مانقصت 4 كيلو وحرقت الكثير من الدهوون .. قلت بغير الجدول .. اريد جدول ضخامه .. وتركزيها اكثر شي على الصدر .. باختصار شديد .. اريد جسمي يكون نفس كريستيانو رونالدو D:

انا صراحه تلعوزت .. بعض الناس يقولوا العب الصدر مع الباي .. وبعضهم يقولك الصدر مع التراي .. !؟ ماعرف كيف احط جدولي الجديد

واوقات الراحه متى تكون ؟؟ وكم تكون مدتها

وبالنسبة للخواصر .. كيف اقدر اشدها ؟؟


* ماستخدم اي بروتين او مكمل غذائي .. ولا افكر استخدم


واتمنى حد يساعدني ويوضحلي كل شي .. لان فالجم ماعندنا مدرب ممتاز
الناعسي
07-02-2012, 11:17 PM
وزنك حلو
انت شف نفسك واوزانك هل بتقدر تشيل اكثر في التراي اذا حطيتها مع الصدر او العكس جرب وشوف وش بيطلع معك اذا ناسبتك النتيجه واصل عليها
جدولك خله خمسه ايام من السبت الى الخميس . الاثنين والجمعه راحه .
الخواصر والبطن يوم ورا يوم واكلك خله قليل الكارب والدهون وركز على البروتين الطبيعي

واذا بتستخدم ايزو 100 زيرو فات وكارب ولاكتوز بيفيدك اكثر

بالتوفيق ان شاء الله
google7
07-02-2012, 11:46 PM
اعتقد بشيل اوزان اقل فالتراي اذا كان مع الصدر .. لان الصدر يُستخدم فيه التراي

وبالنسبة للبطن والخواصر .. الحمدلله البطن عندي الحين افضل من قبل بكثير .. والسكس باك بدت تظهر .. بس الخواصر ماحس تغير منها شي .. صح انه مب واجد .. بس يبين ان في دهون شوي

"واذا بتستخدم ايزو 100 زيرو فات وكارب ولاكتوز بيفيدك اكثر "

والله ماظن .. انا ماخذ فكره ان اي بروتين او مكمل له اضرار جانبيه .. يمكن ماتظهر الحين .. بس فالمستقبل راح تأثر .. عشان كذا احاول اعوضهم بالأكل الطبيعي الخالي من الدهون .. والغني بالبروتينات

مشكور الغالي :)
تذكرتك
08-02-2012, 01:41 AM
حياك الله ،،

أخوي شوف ألعب أول شيء صدر 4-5 تمارين وحاول تشيل أكبر وزن تقدر عليه ( 4 جلسات ) ، بعدها خذ راحة تقريباً 3-4 دقايق وخش في التراي 3-4 تمارين ( 3 جلسات )

طبعاً ينصح إنك تلعب التراي في نفس يوم الصدر لأنها عضلة مساعدة في أغلب تمارين الصدر

أنا في فترة من الفترات كنت ألعب التراي في اليوم اللي بعد الصدر والله كنت بالقوه أشيل نص الأوزان اللي معتاد إني أشيلها

ونفس الشيء طبعاً للظهر والباي

بالمناسبة أخوي، أنا أنصحك إنك تاخذ البروتينات لأنه جداً صعب تحصل كمية البروتين اللازمة لك من خلال الأكل الطبيعي

وصدقني بإذن الله مالها أي ضرر لو أتبعت الجرعات الموصى بها

بالتوفيق
google7
09-02-2012, 04:44 PM
خلاص قررت امشي على هالجدول

اليوم الأول= صدر + تراي

اليوم الثاني = باك + باي

اليوم الثالث = راحه

اليوم الرابع = أكتاف + ترابيس

اليوم الخامس = أرجل

اليوم السادس = باي + تراي (تمارين اخرى غير عن يوم الصدر والباك)

اليوم السابع= راحه

* مع مشي سريع لمدة 10-15 دقيقه بعد التمرين

* تمارين البطن اتمرنها 3 مرات في الاسبوع

-----------

بالنسبة للبروتينات .. انا بستمر على الجدول لمدة 3 شهور وبشوف كيف التطور عندي مع نظامي الغذائي بدون مكملات

بس شو ابسط انواع البروتينات ؟؟ الي مالها اي اضرار تقريبا ؟؟

ومشكورين اخواني :)
الناعسي
09-02-2012, 10:07 PM
بعد الثلاث شهور اذا زاد وزنك وقرب من طولك فاخذ ايزو 100 وامينو 2222 واذا ما زاد خذلك واي بروتين زيرو فات وامينو 2222 وعلى كذا الزياده الوزن في جسمك بتكون 70% من اكلك الطبيعي وبالتوفيق ان شاء الله
google7
10-02-2012, 12:34 AM
شو الفرق بين ال ايزو 100 وال واي بروتين زيرو فات ؟؟ وشو وظيفة كل واحد منهم ؟؟

وشو اهمية الامينو 2222 .. لاني صراحه اشوف اكثر الناس يستخدمونه خاصة المبتدئين؟؟

السموحه ماعندي اي خبره في المكملات

انا الحين صارلي 5 شهور فالجيم ولا تكلمت مع حد عن المكملات هه
تذكرتك
10-02-2012, 01:05 AM
الايزو 100 يالغالي زيرو فات وزيرو كارب يعني حلو للي يبي ينشف ويزيد عضل بدون دهون !

الواي بروتين هم حلو للي يبي عضل صافي بس فيه نسبة دهون بسيطة جداً وكمان كارب

الامينو احماض امينيه ( اللي هي الوحده الأساسية لتركيب البروتين ) وتساعدك في الحصول على عضلة صافيه

أمش على نصيحة الناعسي وبالتوفيق