محمدسعدابوالعز
23-02-2012, 12:16 AM
لبست فانلة الاهلى وقلت اروح اشجع فريقى
وعلى بور سعيد ركبت القطر انا وصديقى
شوفت فى عينه شئ مش متعود عليه
قلتله يا صاحبى مالك حزين ليه
قالى مش عارف قلبى مقبوض كده ليه
قلتله اوعى تكون خايف ضحك وقال يا عم خايف ايه
هو انا رايح اسرائيل انا رايح ارض مصريه
انا رايح بلد فيها اخويا وعمى بلد كلها وطنيه
انا رايح محافظه فى مصر ديانتها اسلاميه
قلتله صح كلامك وربنا يعديها على خير
قالى متخفش داحنا شباب ثورة التغيير
وفجاة وقف القطر من قبل بورسعيد بمسافات
قالوا انزلوا اركبوا الاتوبيس زياده فى الاحتياطات
ضحك صاحبى وبصراحه مش عارف ضحك ليه
ولما حبيت اساله سالنى هو هنكسب اد ايه
وقالى تفتكر اللعيبه هتقدر تعبنا وكل واحد يعمل اللى عليه
وهنهاجم من البدايه ولا يا ترى ايه خطة مانويل جوزيه
ضحكت وقلتله متخافش هنكسب ونرجع فرحانين
ضحك وقالى بس نوصل والرجوع وحده يعلمه رب العالمين
ظنيت انه يقصد المكسب والخساره قلتله متخافش ان شاء الله كاسبين
وبدات من اول دخولنا رمى الحجاره
قلنا عادى حاجات متعودين عليها رغم انها مش شطاره
ودخلنا الاستاد وكاننا توهنا ودخلنا ملعب فى تل ابيب
شايفين كره وشراره فى العيون زى اللهيب
سب وشتيمه ووقاحه وشباب ناوى على التخريب
وناس معاها سنج ومطاوى وسيوف واشارات معناها عجيب
بيقولوا مش هتخرجوا من هنا الا فى صناديق
سمعت صاحبى بيتمتم بالشهاده قلتله متخافش دى كلمه بيقولوها فى لحظة ضيق
وقرب ينتهى الماتش واحنا خسرانين
قلتله مش مشكله يا عالم لو كنا كسبنا مصيرنا كان فين
ضحك وقالى نفس المصير يا صاحبى نفس المصير
وفجاه صفر الحكم وكانها اشاره لبداية الماساه
هجوم من كل ناحيه وغير مسموح نقول حتى اه
صرخت باعلى صوتى وقتلهم حرام عليكم بتعملوا ايه
احنا مصريين زيكم نسيتوا ولا ايه
احنا اللى الاسلام دينا وشرعنا
حرام عليكم احنا منكم وانتوا مننا
احنا اللى وقفنا مع بعض فى ميدان التحرير
احنا اللى مع بعض شبكنا ايدينا وطالبنا بالتغيير
احنا اللى بصوت واحد قلنا لا للتزوير
احنا منكم يا اخوانا فين الضمير
معقوله تقتلوا فينا من غير اى ذنب
معقوله مات فى قلوبكم كل معانى الحب
فينك يا جيش ياللى مفروض تحمينا
فينك يا امن ومالك كده شكلك فرحان فينا
سايبينهم ليه يقتلوا ويدبحوا وواقف تتفرج علينا
ياااااااااااااااااه مرت ساعات كانها سنين
بس يا ترى مين عاش ومين مات مين
وصاحبى يا ترى راح فين
قومت اجرى ادور عليه
وانادى باعلى صوتى يمكن حد يدلنى عليه
لقيت الكل بيبصلى والدموع فى عنيه
قالولى ربنا يصبرك ويصبر والديه
مات وهو بينادى عليك ويقول مش قلتلك الرجوع فى علم الله
مات وهو بيقول اتوصى بابويا وامى وقولهم شهيد عند الله
بيقولك صدقنى دى مش عصبيه علشان ماتش كوره
هدم مصر هو القضيه واستغلها صح ناس ماجوره
زرعوا الحقد والكره بينا واحنا مشينا وراهم
خلونا الف حزب وحزب وبجهلنا ساعدناهم
امانه عليك من بعدى توصى كل الشباب
ايديكم فى ايد بعض وافتحوا للنصر كل باب
وقولهم دمى امانه فى رفابكم لازم تاخدوا تارى
تاخدوه من كل ظالم علشان اطفى نارى
اوعوا يضحكوا عليكم ويوقعوا تانى بينكم
حافظوا على مصر لانها بلدكم
ورجعت تانى فى القطر وطال عليا طريقى
ووصلت ومعايا جثة صديقى
وعلى بور سعيد ركبت القطر انا وصديقى
شوفت فى عينه شئ مش متعود عليه
قلتله يا صاحبى مالك حزين ليه
قالى مش عارف قلبى مقبوض كده ليه
قلتله اوعى تكون خايف ضحك وقال يا عم خايف ايه
هو انا رايح اسرائيل انا رايح ارض مصريه
انا رايح بلد فيها اخويا وعمى بلد كلها وطنيه
انا رايح محافظه فى مصر ديانتها اسلاميه
قلتله صح كلامك وربنا يعديها على خير
قالى متخفش داحنا شباب ثورة التغيير
وفجاة وقف القطر من قبل بورسعيد بمسافات
قالوا انزلوا اركبوا الاتوبيس زياده فى الاحتياطات
ضحك صاحبى وبصراحه مش عارف ضحك ليه
ولما حبيت اساله سالنى هو هنكسب اد ايه
وقالى تفتكر اللعيبه هتقدر تعبنا وكل واحد يعمل اللى عليه
وهنهاجم من البدايه ولا يا ترى ايه خطة مانويل جوزيه
ضحكت وقلتله متخافش هنكسب ونرجع فرحانين
ضحك وقالى بس نوصل والرجوع وحده يعلمه رب العالمين
ظنيت انه يقصد المكسب والخساره قلتله متخافش ان شاء الله كاسبين
وبدات من اول دخولنا رمى الحجاره
قلنا عادى حاجات متعودين عليها رغم انها مش شطاره
ودخلنا الاستاد وكاننا توهنا ودخلنا ملعب فى تل ابيب
شايفين كره وشراره فى العيون زى اللهيب
سب وشتيمه ووقاحه وشباب ناوى على التخريب
وناس معاها سنج ومطاوى وسيوف واشارات معناها عجيب
بيقولوا مش هتخرجوا من هنا الا فى صناديق
سمعت صاحبى بيتمتم بالشهاده قلتله متخافش دى كلمه بيقولوها فى لحظة ضيق
وقرب ينتهى الماتش واحنا خسرانين
قلتله مش مشكله يا عالم لو كنا كسبنا مصيرنا كان فين
ضحك وقالى نفس المصير يا صاحبى نفس المصير
وفجاه صفر الحكم وكانها اشاره لبداية الماساه
هجوم من كل ناحيه وغير مسموح نقول حتى اه
صرخت باعلى صوتى وقتلهم حرام عليكم بتعملوا ايه
احنا مصريين زيكم نسيتوا ولا ايه
احنا اللى الاسلام دينا وشرعنا
حرام عليكم احنا منكم وانتوا مننا
احنا اللى وقفنا مع بعض فى ميدان التحرير
احنا اللى مع بعض شبكنا ايدينا وطالبنا بالتغيير
احنا اللى بصوت واحد قلنا لا للتزوير
احنا منكم يا اخوانا فين الضمير
معقوله تقتلوا فينا من غير اى ذنب
معقوله مات فى قلوبكم كل معانى الحب
فينك يا جيش ياللى مفروض تحمينا
فينك يا امن ومالك كده شكلك فرحان فينا
سايبينهم ليه يقتلوا ويدبحوا وواقف تتفرج علينا
ياااااااااااااااااه مرت ساعات كانها سنين
بس يا ترى مين عاش ومين مات مين
وصاحبى يا ترى راح فين
قومت اجرى ادور عليه
وانادى باعلى صوتى يمكن حد يدلنى عليه
لقيت الكل بيبصلى والدموع فى عنيه
قالولى ربنا يصبرك ويصبر والديه
مات وهو بينادى عليك ويقول مش قلتلك الرجوع فى علم الله
مات وهو بيقول اتوصى بابويا وامى وقولهم شهيد عند الله
بيقولك صدقنى دى مش عصبيه علشان ماتش كوره
هدم مصر هو القضيه واستغلها صح ناس ماجوره
زرعوا الحقد والكره بينا واحنا مشينا وراهم
خلونا الف حزب وحزب وبجهلنا ساعدناهم
امانه عليك من بعدى توصى كل الشباب
ايديكم فى ايد بعض وافتحوا للنصر كل باب
وقولهم دمى امانه فى رفابكم لازم تاخدوا تارى
تاخدوه من كل ظالم علشان اطفى نارى
اوعوا يضحكوا عليكم ويوقعوا تانى بينكم
حافظوا على مصر لانها بلدكم
ورجعت تانى فى القطر وطال عليا طريقى
ووصلت ومعايا جثة صديقى