كيف تحضير الشوفان. ؟

[D.D.S]

معلومات المتقدم بالاستفسار :
العمر : 18 , الجنس : ذكر

الطول :183 متر
الوزن : 75 كيلوجرام

نسبة الدهون : 16

و الاستفسار كالتالي :
شباب كيف احضره . انا حاليا بضخم الشوفان ينفع كسناك او وجبه جيده اثناء الراحه ولا كيف ..
ياريت شكل الشوفان ؟
تحضيره ؟ مع ايش اصلا و كم ملي ؟
باختصار اول مره اسمع بالشوفان هذا ولا مره كليته ^^" !!

[omarzizo]

جيب صحن زجاج + حليب (يفضل خالي من الدسم) + فراولة اختياري علشان ما تضيف سكر

التحضير : حط في الصحن الكمية الي تبغاها من الشوفان + بعدين اسكب فوقها الحليب بس لاتكثر وخلهم بالمايكرويف 40 ثانية بس تطلعهم من المايكرويف اذا حسيت الشوفان ناشف ضيفله شوية حليب + قطع فوقهم اي نوع فاكهة بس الفراولة أنصح فيها :)

[amdmatar]

اول شيئ اخي هذا هو الشوفان

http://www.tnaweer.com/imgcache/2012/13254526971.jpg

وتلقاه في جميع البقالات والمولات

بالنسبة لفائدته ففيه مواضيع كثيرة في المنتدى تتكلم عنه وباختصار
يحتوي على الكثير من الكاربوهيدرات ويحتوي ايضا على بروتين
فيمكن تناوله على الفطور او كوجبه قبل التمرين بساعتين فيعطي بور

طريقة تحضيره

اذا تبغاه كـ حلى ضع 5 معلاق ع كوب حليب على النار لمدة 5 دقايق او لما تشوفه صار طري

اما كوجبه

فضع خمس معلاق مع كوب الى كوب ونصف ماء مع قطعة ماجي على النار

بالتوفيق

سلام

[بردان1]

مافييه احلا من شوووربة رمضان

اسئل الوالدة عن طريقته اكيد تعرفه شوربة الرمضان ماغيره
خمس ملاعق شوفان +نصف حبة ماجي + كوب ماء + بصل وطماط بالخلاط


وتقدر بالخلاط ملعقتين او ثلاث مع حليب
وانا احيانن لاصرت مستعجل احطه بخبزة مع فول سوداني وعسل
وماله طعم لاتخاف

[الناعسي]

من أنواع الحساء الذيذة و السهلة و هي عبارة عن مرق دجاج و عصير الطماطم يضاف إليه الملح و الفلفل الأسود و الشوفان
المقادير




3 حبات طماطم
4 أكواب من مرق الدجاج
3 ملاعق كبيرة من الشوفان
ملح
فلفل أسود


الطريقة




توضع الطماطم مع مرق الدجاج على النار حتى يغلي المزيج ثم تصفى مرق الدجاج و تخلط في الخلاط مع الطماطم
يوضع المزيج على النار ثم يضاف الشوفان و البهارات و يترك على نار متوسطة حتى يغلي المزيج ثم يقدم

[.hamad.]

قبل تحضير الشوفان المفروض تعرف كم يحتاج جسمك منه

لان كربوهيدرات بطيئة الهضم وكثرته يسبب زيادة دهون فالجسم فالافضل ترتب جدولك الغذائي وتجعل الكربوهيدرات مقسمة على مدار اليوم بالتساوي
وبالنسبة لوزنك حالياً الافضل انك ماتتعدى 30 جرام بكل وجبة

يعني 6 ملاعق صغيرة من الشوفان تاخذها بأي وجبة تحب بشرط انك ماتدخل معها اي نوع من الكربوهيدرات ان خذت شوفان ..

التحضير مايبيله قصه تقدر تحط 6 ملاعق مع الصلطة او مع الروب مثلاً او تحط 200 ملي حليب قليل الدسم مع الشوفان وتخلطه بالملعقة وتشربه


موفق يابطل

[Booyaka]

الشوفان تقدر تاكله عادي وهو نيئ بس علشان نخليه يصير سهل الاكل نحط عليه قليل من الحليب

[بردان1]

قبل تحضير الشوفان المفروض تعرف كم يحتاج جسمك منه

لان كربوهيدرات بطيئة الهضم وكثرته يسبب زيادة دهون فالجسم فالافضل ترتب جدولك الغذائي وتجعل الكربوهيدرات مقسمة على مدار اليوم بالتساوي
وبالنسبة لوزنك حالياً الافضل انك ماتتعدى 30 جرام بكل وجبة

يعني 6 ملاعق صغيرة من الشوفان تاخذها بأي وجبة تحب بشرط انك ماتدخل معها اي نوع من الكربوهيدرات ان خذت شوفان ..

التحضير مايبيله قصه تقدر تحط 6 ملاعق مع الصلطة او مع الروب مثلاً او تحط 200 ملي حليب قليل الدسم مع الشوفان وتخلطه بالملعقة وتشربه


موفق يابطل

ياسلاااااااااااام عليك مع الرووووووووووب
شكلك حليييييييييييييييت المشكلة
مع الروب والعسل اعتقد انحلت المشكلة تماما الان وفكيت راسي من الطبخ

[D.D.S]

ما قصرتوا شباب .. :)

مدام مو لازم الطبخ و النار وو الخ ..

طريقة اخونا حمد الاسرع

يجزاكم الله خير ..

[delo1]

قبل تحضير الشوفان المفروض تعرف كم يحتاج جسمك منه

لان كربوهيدرات بطيئة الهضم وكثرته يسبب زيادة دهون فالجسم فالافضل ترتب جدولك الغذائي وتجعل الكربوهيدرات مقسمة على مدار اليوم بالتساوي
وبالنسبة لوزنك حالياً الافضل انك ماتتعدى 30 جرام بكل وجبة

يعني 6 ملاعق صغيرة من الشوفان تاخذها بأي وجبة تحب بشرط انك ماتدخل معها اي نوع من الكربوهيدرات ان خذت شوفان ..

التحضير مايبيله قصه تقدر تحط 6 ملاعق مع الصلطة او مع الروب مثلاً او تحط 200 ملي حليب قليل الدسم مع الشوفان وتخلطه بالملعقة وتشربه
هل الشوفان يذوب مع الحليب ؟؟ ولا تاكله مثل الكورن فلكس ؟؟وهل توضعة مع حليب ساخن ولا بارد ؟


معلش اساله غريبه :) ومنكم نستفيد



موفق يابطل
[/QUOTE]

[daughtry]

هلا اخوي
لا مايذوب مع الحليب

ولكن اذا وضعته بالنار مع حليب وضعه يختلف الله اعلم ان كان يصير طري
لان ماجربت
اهو تقريبا اكلته رقائق عاديه
انت حطهم مع روب او مع اي شي تبيه ساندويش اي كان وسم بالله
حليب بارد وساخن نفس الشي الى تبيه طال عمرك

[delo1]

وعمررك يطول ان شالله
بس سوال هل اذا حطيته مع الحليب تاكل او بس تشرب الحليب
لان الشوفان يتخدر تحت ...وبذالك هل انا اخذت الفايده ولا من الشوفان ولا لزم اكله ؟؟



هلا اخوي
لا مايذوب مع الحليب

ولكن اذا وضعته بالنار مع حليب وضعه يختلف الله اعلم ان كان يصير طري
لان ماجربت
اهو تقريبا اكلته رقائق عاديه
انت حطهم مع روب او مع اي شي تبيه ساندويش اي كان وسم بالله
حليب بارد وساخن نفس الشي الى تبيه طال عمرك

[بردان1]

اذا حطيته مع حليب وعلى النار يصير كأنه شوربة بيضا
حليب
وفيه كثير ياكلونه بهالطريقة كوب حليب + 5 ملاعق شوفان وعلى النار شوي لما يتخثر ويصير ثقيل
وبعده تحط عليه عسل وقرفه لتحسين الطعم وتجربه

او حليب بارد + شوفان + حبة موز + عسل < الموز والعسل للتحسين وللفايدة ايضا
بالخلااااط
ويشرب بارد


او تاكله على طول من الملعقة للفم ووراه ماء لما تاكل خمس ملاعق هههه يعني اي شي اهم شي انا اكله

[speed nawaf]

ياليت يكون فيه موضوع متفاعل من قبل للأعضاء لطريقة عمل الشوفان الكثير مايعرف طريقة طبخة وأنا واحد منهم أعرف طبخة أو طبختين اللي مع الحليب فقط وياليت الشرح مع الصور هههههههههههه مطبخ كمال الاجسام

[daughtry]

^^
بصراحه الى مايعتمد بالطباخ على نفسه ما اسميه لاعب

[speed nawaf]

^^
بصراحه الى مايعتمد بالطباخ على نفسه ما اسميه لاعب

اخوي أنا في وقت التنشيف أطبخ لنفسي كثير أخرتها قبل ما أجيك أرد عليك أحلى رز ودجاج ههههههههههههه .... لاكن في ايام الواحد ينجبر اهله يطبخون له وايام الضخامة ماتفرق معاك مع الاهل أو السوق وتبي الجد حلاتها أنت تطبخ لنفسك وتعلمت الكثير من الطبخ بسبب الدايت والحمدلله والشكر بعد أن كنت اواجه عقبات

[.hamad.]

ياليت يكون فيه موضوع متفاعل من قبل للأعضاء لطريقة عمل الشوفان

اخوي هذا شوفان مهب كبسة

يعني مايحتاج قصة للتحضير

تقدر تاخذ ملعقة شوفان مع ماي لو حبيت

[speed nawaf]

اخوي هذا شوفان مهب كبسة

يعني مايحتاج قصة للتحضير

تقدر تاخذ ملعقة شوفان مع ماي لو حبيت

حياك أخوي اذا الواحد مايفهم او مايعرف هذا شي ثاني المقصد من كبسة ياخي كلامي أفهمه زين قصدي له عدة طرق في الطبخ وفيه ناس ممبدعة وممكن تسوي منه بسكوت ومنه كوكيز وممكن تصير دايت يعني اثنين في واحد
حتى الكبسة لها عدة طرق في الطبخ وبدائل مثلها مثل الشوفان
شكرا لمرورك وحبيت أوضح نقطة فقط

[Abo torki]

اخوي هذا شوفان مهب كبسة

يعني مايحتاج قصة للتحضير

تقدر تاخذ ملعقة شوفان مع ماي لو حبيت

عزيزي حمد وراك حطمت الرجال

فاسألوا أهل الذكر إن كنتم لا تعلمون

انت مشاء الله تعرف له

لكن حنا نجهل طريقته وكثرة طرح الافكر هنا كلنا نستفيد وممكن احد يلقى الطريقة الي تعجبه وتناسبه

^_^

[Leaner]

صراحة الاخوان ماقصروا، وبماا انك كويتي، الشوفان يسمونه اهني ب ( كويكر) < على ماركة العلبة المشهورة ، تقدر تستخدمه مع حليب بارد او مع حليب حار مع شوية شكر (سكر)

[خالد بن حمد]

انا اقول لك طريقتي : شوفان اللي هو كويكر بس أنا استخدم انواع ثانية تكون نسبة الدهون قليلة .
تخلطه مع حليب شوي وعسل نصف ملعقة وخلآص ، وإذا حاب تحط معه مكسرات .

وفي انواع تشتريها جاهزة خاصة حق كمال الأجسام تضيف معها حليب وبس