البروتين و السباحة

[الجافي101]

معلومات المتقدم بالاستفسار :
العمر : 22 , الجنس : ذكر

الطول :167 متر
الوزن : 59 كيلوجرام



و الاستفسار كالتالي :
السلام عليكم

كنت امارس رياضة الحديد لمدة سنه تقريبا بعدين وقفت و دخلت في عالم السباحة .. صار لي شهر تقريبا بالسباحة

باقي من الاول عندي بروتينات ( سيرياس ماس - كازين - امينو بور 3000 )

السؤال هل اقدر استخدمهم مع رياضة السباحة ؟؟ واذا نعم كيف الطريقه لا هنتوا

[.hamad.]

السباحة تحتاج خفة ومرونه

والبروتينات بشكل عام تزيد الوزن .. فلا داعي لها يابطل

اما بالنسبة للامينو فلا مانع تاخذ 4 حبات فاليوم

2 مع الفطور + 2 بعد تمارين السباحة

[الجافي101]

بس وانا اخوك اخاف اني انحف وهذا اللي ما ابيه .. بالعكس اذا في طريقه اسمن زياده يكون افضل

[خالد بن حمد]

أكيد لازم راح تنحف لان السباحة تحرق سعرات حرارية كثيرة ، يعني تنفع حق تقسيم او تنشيف ، اذا انت حاب السباحة على الأقل مارس تمارين الحديد ويومين او 3 أيام سباحة .

[الجافي101]

عشان نعوض الحرق لازم استخدم بروتين .. لان النادي اللي فيه بس سباحه مافيه حديد ومافي امكانيه اسجل باثنين .

عشان كذا ابي طريقة لاستخدام البروتين لا هنتوا

[خالد بن حمد]

اخوي انت يوم تسجل بالنادي ما كنت تدري انه للسباحة بس ؟ او ان ما كان عندك هدف بناء العضلات ؟

لأن السباحة تحرق سعرات حرارية وتحرق دهون وتنسق الجسم بس ما تضخم العضلات يعني هالرياضة نهائيا ما تمارس بهدف تضخيم العضلات او زيادة حجمها بس تعطي قوة ، حتى لو كنت تعوض بالبروتين ، العضلات عشان تضخمها لها تمارين خاصة فيها ، على الأقل تشتري لك أوزان حرة تتدرب عليها لكن راح توصل لجسم فرنسي او موديل .

[الجافي101]

الا ادري ولاحظ انا ما قلت لك ببني عضلات ,, قلت ما ابي انحف لاني ادري ان السباحة ما تبني عضلات ابد

ع العموم يعطيك العافيه و وصلت الفكره خيو ض2